رواية نهوه طفولة الفصل الثاني بقلم مرج البحر
بغداد ✈
دارين، رحت للمتحان حيل خايفه يارب بلكي الاسئلة سهله طبيت للمدرسة ولكيت صديقتي زينب
زينب /هيلاوووو
دارين /لج شلونج .وحده شبكت الخ
زينب/ولج خايفه من اسئله
دارين/اي والله
زينب/يله باجر اخر يوم مابقه شي
دارين/اي
دررررررر 🔔
زينب/دك الجرس امشي للقاعات
دارين/ يله امشي
طبينه للمتحان وجانت الاسئله سهله الحمدالله وطلعنه ورحت لخطي وصلت للبيت ماكو احد بس
اني وعلي نجي من وكت ماما وبابا يتخرون
وصلت للبيت فتحت الباب البيت فتت رحت لغرفتي غسلت وبدلت وسمعت صوت الباب وفتحت
علي/السلام عليكم
دارين/وعليكم السلام حب شلونك
علي/زين
علي/اكلج راح تصعد انام ماريد غده
دارين/ماشي
علي/صدك شلون جان امتحانج
دارين/سهل
علي/عفيه يله راح اصعد
دارين/ماشي
صعد علي سويت غده وتغديت ورحت قريت باجر اخر يوم امتحان بعدهي اكعد الله حلو هذا الشعور
جنت اقره سمعت الجرس الباب جنت بغرفتي سمعت علي
علي/اني افتح ضلي اقري
دارين/ماشي
علي /هلو
ام دارين/هلوات ها تعبانه حيل مو دوام انتقام
ابو علي/رايح ارتاح
ام دارين /ماشي
ضليت اقره وجتي ماما شافتني وسئلتني عل امتحاني وطلعت نامت العصريه وبعدين كعدو ماما
سوت عشه واني ويهه هم وصبينه العشه وتعشينه
ورحت شفت حمودي جان نايم بعدين كعد شلته
وضليت العبه ووكلته وشربته عصير ونيمته ورحت لصاله جانو كاعدين ماما وعلي وبابا رحت يمهم .
انروح للبصره✈
الشيخ قيس، بعد ماخلصت الكعده رجعنه للبيت طبعا احنه عدنه مزرعه وهاي المزرعه بيهه احصونه
وحصاني دائما اروحله افتر بيه امزرعتنا وهاي مزرعتنه محد يكدر يطبلهه اي بشر رحت افتريت بي
ورجعت لليل طبيت وتعشيت وكعدت بديون اشرب جاي
ابو قيس/الحمدالله كدرنه انفض الكعده
الشيخ قيس/اكيد لان الحك عل الطرف ابو راشد
الجد /اكيد ابينه السالفه
الجد/اكلك بويه قيس اريد ازوجك
الشيخ قيس/بس
الجد/لا بس ولا بطيخ ازوجك اريد اشوف جهالك
الشيخ قيس/جدي انته تعرف انو .قاطعه
الجد /ابني متعرف اني شراح اسوي اني راح اخابر عل عمك ابو علي ويجي لازم يجي لان اريده يرجع
لديرته ونحل المشاكل وتدري انو ابو علي ابني وشتاكيتله من رغم راح بس يضل ابني ماكدر استغنئ عنه
الشيخ قيس/تدلل جدي امررك
ابو قيس/بويه هذا احسن شي اسوي
الجد /راح اخابر عليه هسه
الجد 📞/الو
ابو علي📞/منو ويايه
الجد/ابوك
ابو علي/بويه بويه شلونك صحتك احوالك امورك شلونك بويه مشتاك اسمع صوتك والله العضيم
مشتاك لديرتي ولخواني كلكم اعزاز
الجد/اذا اتحبنه تعال وهذا اعتبره طلب مني
ابو علي /تدلل بويه انشالله باجر نجي بعد ماتخلص
دارين امتحانات وعلي يكمل لان هوه مدرس واني
وام علي هم راح ناخذ اجازه انشالله
الجد/عفيه بوليدي جيب وياك احفادي اريد اشوفهم
ابو علي/بويه كتلك اجيبهم معقوله قابل ماجيبهم
وداعتك باجر يمك احنه
الجد/هلا بجثير الهلا بيك وليدي
ابوعلي/يله بويه مع السلامه
الجد/مع السلامه
الشيخ قيس/ها جدي اصار
الجد/باجر يجي عمك
الشيخ قيس. حسيت كلبي وكف لا معقوله باجر يجي ضوه عيوني باجر حبي الطفولي عشكي وروحي
وحياتي يجي باجر اسعد يوم بحياتي الفرحه متوسعني
الشيخ قيس بفرح/لعد لازم اخابر حتى انحضر
لستقبال عمي ونذبح ذبايح
الجد/اي عفيه عليك
الشيخ قيس. صعدت الغرفتي ودكيت عل واحد يجبنه الطلين 10 وستقبال زين يكون وسديته
وطبيت غسلت وطلعت لبست دشداشه مال نوم كلش ناعمه ومانمت الليل بس افكر بدارين يارب
شلون صايره شكلهه ضحكتهه عيونه رموشهه شعرهه طولهه كلشي بيهه احبه ونمت بعد موعانت من التفكير
نروح لبيت ابو علي✈ بغداد
ابو علي/ابويه خابرنه
ام دارين/اي سمعنه
علي/بويه باجر اروح مو بسرعه
دارين/اي بابا باجر عندي امتحان
ابو علي/اتخلصين امتحانج انتي الصبح واني اخذ اجازه وامج زعلي باجر يكمل لان باجر اخر امتحان
والعصريه اروح للبصره
ام دارين/ابو علي اذا كملت تعال ورايه للغرفه ودارين عود غسلي لماعين ماماتي دايمه .
دارين، حسيت ماما ضاجت بس مادري ليش من سمعت راح اروح انكلب وجهه .
ابو علي/ام علي كمت من اكل ليش صحتيني
ام دارين سدت بابا الغرفه /ليش ليش راح اروح بعد كلشي سوه قبل اتريد بنتي اتروح مني
ابو علي/لتخافين هذا الموضوع مينفتح ابدااا
ام دارين/ابو علي بنتي ماريد اخسرهه هاي الوحيده لعندي ماعندي غيرهه تدري انو قيس ناهي عليه
ابو علي/لا محد يكدددددر يفتح الموضوع كافي سدي الموضوع
دارين/سمعت صوت حمودي يبجي رحت للغرفه لكيته يبجي شلته ولعبته احبه اموت عليه وهوه يضحك
دارين /حبيبي حمودي احبك
محمد/ما حبج
دارين/ماتحبني يااا
محمد/ههه احبج
داريت /ضليت العب وياه بعدين نيمته ورحت شفت ماما وبابا نايمين وعلي نايم ورحت لغرفتي قريت
