رواية فصلية الاربعيني الفصل الثاني بقلم زينب جمال
السلام عليكم راح اكمل القصه بس اࢪيـد دعم من تدخل انطي لايك وخلي تعليق وتابع الحساب مراح تخسر شي ترا
_رزان :جنت نايمه وسمعت صياح رج البيت رج ... وجان اشوف مره جبيره هيج عمره ب٣٠ هجمت عليه وتضرب بيه وتكول اخذتي مني اخذتي اجت الزعاطيط اخذته مني بس اࢪيـد افهم شكو منـوُ هاي احس خلاص راح ينغمي عليه منوره الضرب لحد ما اجو وخروهه
معتصم: انا مو فهمتج وكتلج فصليه انتي شون تجرئين تضربيه
نهله: آي ضحكت عليه شوفهه بعدههه صغيره هس تلعب بعقلك وتاخذك
معتصم: شنوووو زعطوط كدامجج ولج زلمه مشورب اركض وره طفله
نهله :وللـه ما اضل بلبيت اذا ما طلكته
معتصم:انتيييي تخبلتي عليه كلش هس اطلكج واريد زلمه يرجعج عليه
نهله :منـوُ كلك انا رح اضل يمكك ضل خل تفيدك الفصليه
رزان: همه يتعاركون فوك راسي وانا راسي ينزف احس خلاص ما بيه طاقه ضليت عل هاي لحاله لحد ما غمضت عيوني ومادري شـنوُ صار كعدت شفت نفسي نفس المكان محد جاي شايفني ضليت على نومتي واباوع على السكف وابجي والوم حضي الجابني هنا طفله وهيج سو بيه الله ﻼ ينطيهم لحد ما كمت ازحف وجلبت بلحايط وكمت غسلت ورجعت نمت احس مابيه طاقه لحد ما جابولي اكل مِـاي وخبز تكرمون حته الجلب مياكل هيج من الجوع اكلته كله لحد مرت يومين انا بس اكل خبز وماي وصرت جنبي مومياء وضليت عل هاي الحاله يومين واجت الحجي شمرت عليه دهداشه قديمه وحجاب يمكن جايبته من الزباله كالت كومي لبسيهم وطلعي ويه الخدم همه يعلمونج كلش ما نطقت بحرف وكمت بدلت وطلعت ولكيت الخدم جانن حبابات وساعدني وجانن شايلات الحمل عني بس الخفايف عليه وضليت هيج وكمت انام ويه الخدم ﻼن المخزن بارد وبس طحين فكمت انام يمهن تحسنت وجانن الخدامات كلش حنونات عليه لحد ما اجه يوم الاربعينيه طبعا انا عمري وحياتي مرايحه زياره ولا زايره اهلي فكلت اࢪيـد اروح بس محد يسمعني تشجعت وكلت اروح لمعتصم صعدت فوك ودكيت الباب وانا ارجف طبعا انا اصيحله عمو مادري ليش فدكيت الباب
معتصم: منـوُ
رزان : انا رزان
معتصم :بضجر شكو شتردين دخلي
رزان: عمو انتو باجر ترحون لزياره
معتصم: اي شتردين
رزان : خل اروح وياكم
معتصم: شـنوُ ترحين ويانه شعندج رايحهه
رزان:اريد اروح اخاف وحدي وباجر الخدم يرحون اجازتهم وان اضل وحدي
معتصم: اي شـنوُ يعني ضلي وحدج وهوه اصلا ماكو مكان بلسياره
وين نكعدج ضلي بلبيت احسلج
رزان: تَمام طلعت وطاحت دموعي ورحت للغرفه مالت الخدم ديجهزون علمود من يطلعون يطلعن وياهن يرحن لبيتهم هنا نهرت بلبجي من شافني هيج كالن ماروح جا كتلهم ﻼ روحو كالو تعالي ويانه جا مدري بس حبيت الفكره كتلهم خوش بس حاجو معتصم كالن عوفي معتصم علينه . كلش فرحت وجهزت ملابسي اجت خاله ام علي الـي تشتغل بلبيت كالت تعاي نحاجي معتصم كتله اخاف كالت امشي انا وياج رحنه انا وياهه لكيناه كاعد فوك بلصاله مالته مدري شيبحث بلابتوب اجت ام علي سلمت عليه
ام علي : الله يساعدك خويه
معتصم: هلا خويه تفضلي
ام علي: شلونك انشالله بخير
معتصم:والله الحمدلل منزمان مشفناج حته الولد ما يجون
ام علي: والله ملتهين بهلعيشه شنسوي بعد
معتصم: الحمدلل تفضلي ام علي محتاجه شي
ام علي:ولله خويه جايتك بشغله ماريدك تردني
معتصم: تفضلي ام علي غاليه وطلب رخيص
ام علي: انتو راح ترحون لزياره ورزونه تضل وحده ولبيت محد بي بس الحراس وانتم ماكو مكان بسياره كلت اخذه وياي بدال ما تضل وحده هناك ويه البنات تتونس
معتصم : باوعلي انوب باوع على ام علي كله شون تروح وياج
ام علي : والله خويه اخليه بعيوني والله واجيبه الك مثل ما هيه
معتصم: ام علي متقصرين بس راح ناخذه ويانه لزياره
ام علي: جا مو كلت ماكو مكان
معتصم: ﻼ خليت مكان اله وتروح ويانه
ام علي : الحمدلله اطمنت عليه يلا هس اخليه تجهز ملابسه وتطلع وياكم
معتصم:اي طمني ام علي
رزان: جنت فرحانه كلش احس الكاع مشايلتني من الفرحه ضليت افتر بلغرفه وارسم ﻼن ام علي ماخلتني اطلع ﻼن الحجي هواي ورح يصير عليه ويأذوني بكلامهم ضليت بلغرفه لحد ما صارت ب١٢ اجت كالت يالله اجت السيارات لبستني عبايه وخلت جنطتي بيدي ونطتني فلوس كالت اشتريلج لفه شي شيات واخذتني وكفت اتاني معتصم علمود تسلمني بيده ضلينه واكفين ولعيون علينه اجت وحده هيج عمره ب٢٠ كالت هاي هيه الفصليه
ام علي: اي نعم شرايده
البنيه:ﻼ بس ردت اسئل
ام علي: مشكوره عل السؤال
رزان: بقينه ننتضر معتصم لحد ما نزل ولابس دهداشة سوده ولابس جراويه ولسبحه بيده وسلم عليهن لحد ما انتبه علينه ورحناله انا وام علي كلتله هاي الامانه دربالك عليه كله اطمني ام علي وياي كلتله انا رايحه للاهل كله موكله بالله وانطاه فلوس وراحت طبعا كله واكفه بلحديقه انا جنت ناعمه كلش يعني هنه جنهن غورلات مو نسوان فأنا جنت واكفه يمه لحد ما اجت السياره وكله صعدت اله انا ماكو مكان الي ضليت اباوعله كتله محجزت الي كال ﻼ حجزت شون محجزت. صعد بسياره وصاح منـوُ زايد محد حجه انوب انتبه لبنته بكدي تقريبن كله انتي مو كلتي ماروح
ساره:اي بس بعدين غيرت رائي
رزان: ضليت حايره وهاي مرته جايهه هيه وبنته صح زعلانه بس اجت ويه اهلهه ﻼن هيه بت عمه سكت وكال تعاي صعدي بمكاني استحيت بس شسوي كعدت بمكانه وهوه كعد يم الباب هنااا مرتههه تريد تنفجرمن القهر ضلينه هيج شوي ونام كتله كوم علكرسي كال ﻼ خليني هنا مرتاح كتله ﻼ انا اكعد هنا شوي ضعغطت عليه كام كعد على الكرسي لحد ما وصلنه ونزلت وجنت ميته من الجوع واكفه يمه اجت بته دفعتني بدون ما يحس وكفت يمه وكامتت تتمضيك عليه انا سكتتت وهمه ضلو يمشون وانا وراهم امشي لحد ما وصلنه يم قبه جبيره مادري وين لحد ما كالو دخلو زورو وتكونه بهاذ المكان
معتصم:رزان
رزان:ها عمو
معتصم: مو تيهين ترا نعوفج هنا ونروح
رزان بخوف :ﻼ عمو ما اتيهه بس انا وين ۿسه
معتصم:هاي احنه بالامام علي بأستغراب
رزان : تَمام عمو راح ازور واجي هنا دخلت وانا احس دخلت نسمات لقلبي دخلت ودموعي طاحت ﻼ ارادياً وكمت ابجي وصليت وقريت قران وزرتت وطلعت نفس المكان لكيته واكف ويشرب جكاير رحت يمه كال زرتي كتله اي انتبهه على عيوني مورمه بس سكت كال ما جوعانه كتله ميته جوع كال هس اشتريلج لفه ضلينه ننتضر لحد ما اكو كلهم وراح اشترالنه لفات اكلت لفه بس بعدني جوعانه باوعلي حس بيه كال تردين بـعد كتله اي جابلي وحده هم واكلت وشبعت الحمدلل انوب كال يلا نروح للمقابر هم يالله هنا انا كلبي فز كلت هلبت يقبل يوديني لامي كلمه الاكل ورحنه لسياره نفس اماكنه ومرته ميته قهر وصلنه للمقابر ونزلنه باوعتله
رزان: عمو
معتصم:ها
رزان:عمو حباب وديني الاهلي حباب
معتصم:وين نلكاهم
رزان:عمو عـادي نلكاهم فدوه وديني
معتصم:انشالله
رزان:فرحت كلش وضلينه نمشي وصلنه يم اخو وكلبوهه مناحهه كلهه تبجي انا نخلست تقريبن ساعه ضلو يمه لحد ما خلصو وكالو يالله نرجع بس
معتصم : انا رايح بشغله شوي واجي علما تطلعون
ام معتصم: يمه وين رايح
معتصم:يمه عندي شغله ماتأخر
ام معتصم:دربالك عل نفسك يمه وليدي
معتصم: انشالله . يلا رزان امشي
نهله : شـنوُ رزان شكو وين ماخذه
معتصم بخزره: مالج غرض ﻼ تدخلين
معتصم: يلا رزان كدامي
رزان: اي عمو رحنه انا ويـا واذكر مره عمي وصف لخالي كمت اوصف لمعتصم كال تَمام صعدنه ستوته ورحنه وصفنه لابو الستوته ودانه كلش جانو عشارع ضليت اقره بالاسماء خطف كلبي اسم امي هنا تجمدت مكاني وكمت أشر على كبر امي اجه معتصم كال هاي امج كتله اي كعدت يم كبره وكمت ابجيي بحركه حجيت شكو بكلبي نسيت ﺎنـوو معتصم يمي ونسيت ابو الستوته احس خلص انتهيت كمت ابجي بحركه واضرب نفسي ﻼن صـدڪ تعبت بعدني طفله باوعت لكيت معتصم صفنت لكيته يبجي اجه كومني كال كافي كومي كتله اࢪيـد اضل يم مامه كال ﻼ كومي وياي امشي نروح كوه شالني من الكبر وغسله ورجعنه الهم جان حالتي حالۃ رُوحـيـہ رايحه صعدنه بسياره لكيت مرته كاعده بمكاني كالت ولله اجت صديقتي وكعدت مكاني انتي كعدي بلكاع هنا معتصم صاح بيها صوت ضلت ترجف كلهه تكومين منا ﻼ هنا ادوسج هيه خافت وكامت انا كعدت وطول الطريق حاطه راسي علجامه وابجي لحد ما وصلنه للمطعم كال نزلي كتله مـاࢪيد كال ﻼ تنزلين نزلني كوه واشترالي اكل واكلت ورجعنه للبيت بس وصلت تلكتني ام علي ودخلتني جوه سبحت ونمت كعدت لكيت نفسي مصخنه وكابه نار احس مابيه حيل احرك نفسي كعدت ام علي سوتلي كمادات وهاي شوي ارتاحيت لحد الصبح جابتلي ابره وضربتني وشوي تحسنت وكمت وياهن علمطبخ وستمرت ولكيت نهله باوعتلي بعين ونص واجت يمي وكالت انا ﺎلـج اذا ما اندمج انا درت وجهي ورحت يم ام علي ﻼن هاي تخوف
ضليت هيج مكو شي بس كل حجايه وكالو فصليه ومعتصم ما اشوفه لحدما سئلت ام علي كالت معتصم يشتغل قائد عمليات ال... كتله هاا كالت آي مشغول لحد ما اجه اليوم الي اجه بي مدري فرحت وكليوم مرته مسويه مشكله وحاطتني بنص انا الحجيه حبتني وكامت تنومني يمهه ﻼن انا صغيره احتاج احد يمي فكالت تجي تنام يمي ﻼن شافت الخدم يحبوني وهاي خافت ياخذوني منهه فقررت تخليني انام يمه واهتم بيها وبكلشي يخصه وكمت انام يم الحجيه وشوي شوي قوت علاقتي بيها وسولفتله قصتي وكلش نقهرت كالت انا كلبي محترك عل ابني كتله حقج حجيه وضليت هيج طبعا الحجي توفه قبل كم سنه وضليت هيج مرتاحه كلش لحد ما اجه يوم نايمين وسمعنه صوت تكسر طلعنه وجان نشوف .......
شكرا لزيارتكم عالم روايات سكيرهوم
