رواية زوجة اخي الفصل الثالث بقلم زهرة الثالوث
فهد شالها وحطها في اوضة جنب اوضته وطلبها الدكتور مامته مش عجبها اللي ابنها بيعملوا بس بتسكت لان ابنها غلطان وهي معترفة بدا بس متقدرش تخلي ينزل لمستواها ويتجوزها
فهد فضل برا الاوضة لحد ما الدكتور يخرج ويطمنه في الوقت دا عمل كل اتصالاته عشان لاخوه وكمان اتصل بالمأذون، الدكتور خرج وفهد بقى منتبه له وهو بيسمع كلامه
الدكتور/ هي محتاجه تتنقل للمستشفى
فهد / ليه يا دكتور
الدكتور /عندها نزيف واحتمال تفقد الجنين ولازم تكون تحت رعاية لحد النزيف مايوقف
فهد اتنهد وبصله وقاله بصوت هادي
أنا ممكن اوفر لها كل الرعاية هنا في البيت بس مترحش المستشفى
الدكتور وافق وقاله إنه هيبعتله ممرضة تهتم بيها وتعرفه حالتها اول باول
فهد.خبط ع الباب وبعدها دخل قعد ع الكرسي جنبها هي اتكسف من نفسها وبصت ناحية الشباك
لفت وشها أول ما سمعت كلامه اللي كان قاسي اوي عليها قاطعته وقالت بدموع
لأ انا متجوزة اخوك عرفي انا محترمه ع فكرة
فهد هز راسه وع وشه ابتسامة سخرية وبعدها سالها.
هو انتي اسمك ايه انا لحد دلوقتي معرفش اسمك
مريم اسمي مريم
فهد قام من ع الكرسي وطلع السجاير وبدا يشرب بهدوء اتكلم من غير مايلتفت. لها وقالها
مافيش واحدة. محترمة بتتجوز عرفي دا اولا ثانيا بقي انا هضغط ع اخويا عشان يستر عليكي
مريم مقدرتش تسمع كلامه صرخت في وشه.
بس بقي حرام عليك كفايه انا فيا اللي مكفيني
فهد/ لا حرام ولا حلال بكرا بالكتير هتكوني متجوزة رسمي بس عاوز اعرف فين اهلك
مريم/ صرخت وقالتله بلاش حد منهم يعرف لو عرفوا هيقتلوني أنا قلت ان انا مسافرة في شغل
فهد/ وهما سابوكي كدا عادي ؟!
رجع اتكلم بسخرية
ايوة صح ماهم سابوكي لحد ما اتجوزتي عرفي عادي
مريم فضلت ساكتة وبلعت الاهانة لانها خي اللي غلطانه وفعلا رخصت نفسها
فهد حس نفسه غلط لما جرحها كدا كان هيعتذر بس اتراجع. في اخر لحظة وخرج من اوضتها
راح اوضته مستني اخوه اللي شوية يجيبله مصيبة شكل واخرهم اتجوز واحدة ومش راضي يعترف بابنه اتنهد وكلم نفسها
لحد امتي ياامجد هتجبلي مصايب ؟
فجاة سمع صوت عربية اخوه. وصوت خناق عرف انه جه بالقوة بعد ما فشل الحراس في انهم يجيبوا بالذوق المأذون وصل والشهود هيبقوا الحراس امجد حاول يعترض. بس فهد هددته بانه يسحب منه كل حاجه يملكها ومش بس كدا لا بقوته وجبروته هيخلي يعيش ف جهنم ع الارض هو كل اللي عاوزه منه انه يكتب عليها عشان ابنه يتولد ويبقى له شهادة ميلاد
وافق بصعوبه وكتب الكتاب. امجد دخل اوضتها فضل يضرب فيها ويبهدلها وهي اغمى عليها
فهد دخل صوت صريخها اللي ملى الفيلا وقف بينه وبنها وبص لاخوه اللي اتجرد من الرحمة واستقوى ع بنت ضعيفه مريضه. ضرب اخوه اكتر من قلم عشان يفوق من اللي هو في وطرده برا الاوضه بصلها وقالها بغيظ وكانه بيلومها رغم انه حاسس انها فعلا بريئة واكبر غلطة عملتها في حياتها انها واثقة في اخوه
فهد / ليه تعملي في نفسك كدا انتي مستحيل تكون واحدة طبيعية.
مريم / بس بقي بس حرام عليك بس مش قادرة حر
مريم اغمي عليها بعدها طلب من الممرضة تشوفها. الممرضة اتوتر لما شافت دم كتير ع السرير ومريم وشها اصفر. الممرضة بصت لفهد وبعدها بصتله وقالت
دي نزفت جامد والنبض ضعيف جدا. اطلب الدكتور بسرعة دي ممكن تموت مننا هنا
