رواية ذئاب بلا رحمة الفصل الواحد و الثلاثون والاخير بقلم خديجة السيد
وفجاه تحس بصوت نفس حد جنبها و تلف بخضه و تتصدم بي : سـ سالم
سالم بابتسامه : ازيك يا زينه
زينه تبصله بصدمه كبير و يغمي عليها
يقرب سالم بخوف : زززززززينه
***
سالم يهز فيها : اصحي يا حبيبتي ، انا عايش مامتش ، اصحي عشان خاطري انا عارف اني غلطت عشان ما قلتلكيش من الاول.. انا اسف
زينه تفتح عيونها و تبص لي سالم اوي و تبعد عنه بذعر
سالم بحذر : زينه اهدي يا حبيبتي انا قدامك اهو عايش متخافيش
زينه ببكاء : طب ازاي وانا لسه جايه من عن المدفن بتاعتك ازاي
سالم يتنهد : حاضر اهدي وانا هحكيلك كل حاجه
#فلاش_باك
الكينج بحزن : هو انا ممكن اموت وما ارجعش
شهاب يتنهد : ممكن... لو عديت من العمليه اللي رايحينها علي خير ، احتمال كبير يحصل ليك حاجه او لو وصلت المحكمه
الكينج بحزن : يعني مفيش حل
شهاب بعد تفكير : لا في بس لو ندمت فعلا و هتمشي صح
الكينج بجدية : انا نفسي الزمان يرجع عشان معملش اللي عملته بس ايه هو الحل؟؟
شهاب بجدية: انك تموت
الكينج بصدمه : نعم اموت ازاي
شهاب : ايوه انهم يفكروك موت ، مفيش غير الحل ده
الكينج يفهم : طب و دي هنعملها ازاي
شهاب : عادي وانت معنا في العمليه نقول رصاصة جت فيك و موت
الكينج باهتمام : وبعد كده
شهاب : لازم الكل يفكر انك موت حتي اقرب الناس ليك و بعد كده دي بتاعتك انت بقي تمشي صح و تخلي بالك من نفسك و عائلتك
الكينج بدهشة : انت بجد هتعمل كده معايا
شهاب : ايوه عشان حاسس انك محتاج فرصه تانيه
الكينج بتفكير : طب لازم زينه تعرف دي لو عرفت موضوع موتي ممكن يحصلها حاجه دي حامل
شهاب باعتراض : لا طب لازم الكل يصدق موضوع موتك ، وهما اكيد هيبقي مراقبين اهلك، لازم كل حاجه تحصل بالظبط عشان يصدقوا
الكينج بقلق : بس انا خايف يحصلها حاجه
شهاب : يحصلها حاجه و لا كل اللي عملنا يتكشف و يحصلها حاجه فعلا منهم هما
الكينج : لا طبعا بس بنتي هديه عندها القلب ممكن يحصل ليها حاجه لو عرفت
شهاب : دي امرها سهل طفله صغيره وممكن زينه ما تقولهاش او انت تكتب في جواب ليها كده.. اكنها وصيتك
الكينج بخوف : طب هما مش ممكن يعملوا ليهم حاجه
شهاب : معتقدش لاني اول ناس هيتشك فيهم هما ، و كمان طالما موت مش هيفرق معاهم ، وانا كمان هاحط حراسه عليها
الكينج : طب هعيش ازاي بعد كده ، يعني امتي هظهر و هعمل ايه
شهاب : باسم حد تاني ، و تدور علي شغل.. وبكون حلال و تشتغل و تصرف علي عائلتك و تعيش في مكان بعيد محدش ممكن يوصلك
الكينج بامتنان شديد : انا مش عارف اقولك ايه شكرا بجد علي حاجه عملتها معايا و لسه هتعملها
شهاب ابتسم : العفو علي ايه بس انا حاسس انك فعلا اتغيرت و محتاج فرصه ثانيه
***
عبد الرحمن : شهاااااب
زين يقع علي الارض و يفقد الوعي
شهاب يبص لزين بضيق مكنش عاوز يعمل كده ويموته بس هو اضطروا
عبد الرحمن بقلق : شهاب انت كويس
شهاب : انا كويس ما تقلقش
عبد الرحمن بارتياح : الحمد الله يل...
شهاب : في ايه (يلف بصدمه ) ساااالم
سالم بتعب : كحح متخافش انا كويس انت ناسي اني لابس ستره واقيه ضد الرصاص
شهاب بارتياح : خضتني يا اخي ، فكرتك موت بجد بدل ما كنا هنموتك كده و كده
سالم : ههههه لا متخافش عمر الشقي باقي
شهاب : طب يلا عشان هنبدآ من اول هنا
سالم يتنهد : ماشي
#نهايه_الفلاش_باك
زينه تبص لي سالم بغل و تضربه بالقلم
سالم يبصلها بصدمه : ايه اللي انتي عملتي ده
زينه بقسوة : يعني انت سيبني خمس شهور مقهور و تعبانه و بموت علي فراقك ، وانت كل ده عايش و طب مفكرتش فيا ممكن يجري لي حاجه انا ولا بنتك و لا ابنك اللي جاي
سالم يقرب عليها : اهدي يا زينه كان لازم اعمل كده عشانك و عشان ولادي
زينه ببكاء : مش توصل للموت و انت تطلع عايش
سالم : اسف بس كان لازم الكينج يموت عشان سالم يعيش
زينه بحزن : حرام عليك انا كنت بموت وانت مش معايا
سالم بحزن هو الاخر : وانا يا زينه انتي فاكراني كنت مبسوط و انتي بعيد عني ، رغم اني شهاب كان بيقولي كل اخباركم بس كنت موجوع اني بعيد عنك حتي و لما ولدتي كان نفسي ابقي جانبك
زينه تهدي بعض الشي : يعني انت خلاص مش هترجع لي شغل السلاح تاني و هتفضل معايا
سالم يبتسم و يقرب يحضنها : ايوه مش هرجع و هبقي معاكي علي طول
زينه تضمه اكتر ليها : ياااه يا سالم مش مصدقه انك في حضني ولسه عايش
سالم يبعدها : ولا أنا يا حبيبتي، المهم اني قدمك اهو وحشتني اوي
زينه بحب : وانت كمان
سالم بجدية مصطنعه: ااه باماره انك لسه ضرباني قلم
زينه بتوتر : ماهو من غضبي منك
سالم : هههه عارفه لو كنتي ضربتيني لما كنت الكينج كان هيبقي فيها في كلام تاني
زينه ابتسمت : طب و دلوقتي
سالم يقرب عليها اوي : هقولك وحشتني... اوي...اوي....
***
في شقه علي :-
علي يرجع من بره : ازيك يا حبيبتي عامله ايه
نور بوجهه خالي من التعبير : كويسه غير هدومك عقبال ما احط الاكل علي السفره
علي يحس في حاجه : ماشي
نور قاعده بتلعب فى الاكل ومش بتاكل..
علي باستغراب : مالك يا نور في حاجه
نور تتنهد : علي انا عاوزاه اروح لي دكتور
علي بلهفه : مالك يا حبيبتي انتي تعبانه
نور بضيق : لا عشان موضوع الحمل
علي بحده : تاني يا نور مش عارف مستعجله علي ايه احنا بقالنا ست شهور متجوزين لسه
نور : هما ست شهور قليلين يا علي ، في ستات بتحمل من اول شهر
علي بغضب مكتوم : استغفرالله العظيم ، امر ربنا هنعترض
نور : ونعم بالله ، بس مش هيجري حاجه لو روحنا لدكتور
علي : طب لو روحنا للدكتور وطلع في عيب من حد مننا هيبقي ايه الوضع
نور بحزن : لو مني يبقي نسيب بعض ، وانا حاسه انه مني انا عشان الحمل اللي نزل قبل كده في جوزتي الاولاني
علي بغضب : تسيبي مين ، انتي اتجننتي ، عشان موضوع تافه ذي دي.. هنسيب بعض
نور بعتاب : ده موضوع تافه يا علي ، مش نفسك تبقي اب
علي بضيق و نفاذ صبر: انتي عاوزاه ايه دلوقتي
نور : نروح لدكتور و نكشف و نشوف سبب تاخير الحمل
علي يقوم : ماشي هعمل ليكي اللي انتي عايزاه
نور تبصله : رايح فين مش هتكمل اكل
علي يبصلها بضيق: شبعت كولي انتي
***
عند سالم و زينه :-
سالم قاعد و شايل سالم الصغير بين ذراعيه و بيبص لي بحب
زينه تبتسم : شوفت سالم شبهك ازاي
سالم : سميتيه سالم ليه
زينه بحزن : قولت ممكن يعوضني شويه عن فراقك
سالم ابتسم بحب : تعرفي انا لما شهاب قالي اغير اسمي بعد ما اظهر ، صممت انه يفضل اسمي سالم و يغير اسم الاب عشان محدش يعرفني بس
زينه : ليه ؟
سالم : عشانك ، عشان كنت بحس انك بتحبي الاسم ده وكنتي بتفضلي تقولي ليا كتير ، بس انا كنت بمنعك
زينه تمسك ايده : انا فرحانه اوي انك رجعت لحياتي تاني
سالم يبوس ايدها : مقدرش ابعد ، (يفتكر) هو رماح فين صحيح
زينه : ساكن في الشقه اللي قدامنا هو و نورهان بعد ما اتجوزوا ، هو بصراحه مكنش بيسيبني خالص هو و شهاب كانوا دائما بيسالوا عليا.....
***
عند رماح و نورهان :-
رماح يرجع من بره
نورهان : ازيك يا حبيبي هروح احضر الاكل
رماح بلا مبالاه : لا مش عاوز كولي انتي
نورهان بضيق : هو كل مره كده ولا فطار ولا غداً ، المفروض ما تاكلش بره ذي ما بستناك هنا
رماح بضيق : خلاص يا نور مش جريمه يعني كولي انتي ، انا داخل انام
نورهان بحزن : هتنام برضه لوحدك في الاوضه صح
رماح : انا مرتاح كده ، تصبحي علي خير (ويدخل)
نورهان في نفسها : نفسي اعرف طالما مش بتحبني اتجوزتني ليه يا رماح
****
في صباح يوم جديد في شقه شريف :-
ام شريف : يلا يا شهد هنتاخري علي الكوافير
شهد تخرج : حاضر يا خالتي جايه اهو
شريف يطلع في نفس الوقت : ماما هو فين
أم شريف تشهق : يا نهار اسود ايه اللي خرجك من جوه قولتلك ده فال وحش تشوف العروسه يوم فرحها
شريف بخضه: في ايه يا ماما خضتيني ،و بعدين كبري دماغك من الكلام ده
ام شريف بغيظ : طب يلا علي جوه بسرعه
شهد : ماما معاها حق ادخل جوه يا شريف
شريف يبص لشهد باعجاب : ايه القمر ده تصدقي ماما معاها حق فعلا
شهد تبص للارض بكسوف
أم شريف تمسك أيد شهد : هتبقي معاك كلها بالليل ابقي اشبع بيها براحتك ، احنا ماشين يلا يا شهد (ويخرج)
شريف يضحك عليها و شويه و يسمع الباب بيخبط.....!
شريف يفتح يلاقي : ياسمينا انتي كويسه ، جوزك عاملك حاجه تاني ولا ايه
شهاب يطلع من وراها : وجوزها هيعمل ليها ايه يعني
شريف بصدمه : شهاب
***
في المستشفي :-
نور : ممكن تفرد وشك شويه في ايه عامل ذي اللي جاي مغصوب
علي بضيق : بقولك ايه مش عملتلك اللي أنتي عاوزاه ملكيش دعوه بيه بقي
نور بنفخ : حاضر
الممرضه : مدام نور و دكتور علي
علي / نور : ايوه
الممرضه : اتفضلوا دوركم
***
الدكتوره : أنتم متجوزين بقيلكم اد ايه
علي : ست شهور
الدكتوره : حصل حمل قبل كده ، يعني كنتي حامل وما حصلش نصيب ونزل
نور بحزن : ايوه بس كان من جوزي الاولاني
الدكتوره : طب مفيش مشكله ، هنعمل تحاليل ليكم انتم الاتنين ونشوف
*******
في شقه سالم :-
نورهان بدموع : بقولك من ساعه لما اتجوزنا لحد دلوقتي ما لمسنيش و قاعد في اوضه لوحدي بعيد عني.. ولا بياكل ولا بيشرب حتى معايا
زينه بدهشة: طب حاولي تتكلمي معاه وتعرفي ماله
نورهان بحزن : حولت اكتر من مره مردش ولا اهتم ، هو مفيش غير حل واحد بس
زينه : ايه هو
نورهان بجدية : انا هطلب الطلاق
****
في شقه شريف :-
شريف يقفل الباب و يقرب علي شهد اللي باين عليها الخجل
شريف بحنيه : مبروك
شهد بخجل : شكرا
شريف بهيام : شكلك كان حلو اوي النهارده
شهد بخجل اشد : شكرا
شريف يضحك : هتقضيها الليله كلها شكرا ولا ايه
شهد تجمع نفسها : احم وانت كمان شكلك حلو
شريف يقلدها : بجد طب شكرا
شهد : هههه لا بجد
شريف بجدية : مبسوطه يا شهد
شهد بحب : جدآ اللي انا في ده كان حلم بتمنى يتحقق من زمان
شريف بندم : انا اسف يا شهد عشان ماحستش بيكي و بحبك ليا من زمان
، بس اوعدك اني هعوضك عن كل ده
شهد بحب : خليك جنبي ده عندي بالدنيا
شريف يبتسم بحب : انتي جميله اوي يا شهد من بره ومن جوه ،انا بحمد ربنا انك طلعتي من نصيبي ، بحبك
شهد : وانا كمان بحبك
شريف : احم روحي غيري جوه و انا هروح اتوضي عشان نصلي ماشي
شهد باستحياء: ماشي
بعد الانتهاء من الصلاه و الدعاء
شريف يقرب منها ويسمع دقات قلبها بدق بعنف مع جسمها بيرتعش بتوتر
شريف يطمنها : شهد اهدي يا حبيبي انا عمري ما هاذيكي
شهد تبصله اوي: انا متاكده من كده
شريف يبتسم و يميل يبوسها من شفتيها بقبله عميقة و ايده تضم خصرها و يحملها وهو مستمرة يبوسها و يدخل بها غرفه النوم و يقفل الباب
****
في المستشفي :-
هديه جوه في اوضه العمليه وسالم رايح جاي
زينه : يا حبيبي اهداء بقي..و ان شأ الله خير
سالم بحزن : خايف اوي عليها يا زينه ، هديه دي اكتر من روحي
زينه : ان شاء الله تقوم بالسلامه
سالم : يارب يا زينه يارب
زينه : روحي صلي يا سالم اظن المره دي
مش لازم ترفض ، انت محتاج ربنا جنبك اوي
سالم يبصلها و يهز راسه ويروح يصلي .. وبعد مده سالم يجي قلقان.. ويسألها سالم : كل لسه ما طلعتش
زينه : العمليه برضه مش سهله يا سالم (والدكتور يطلع ) اهو الدكتور طلع اهو
سالم يجري عليه بسرعه بلهفه : بنتي عامله ايه يا دكتور
الدكتور : للاسف.....
****
في فيلا شهاب :-
حياه تقعد علي الكرسي : ااه الواحد تعب اوي النهارده في الفرح
ياسمينا : بس الفرح كان حلو اوي
شهاب : ايوه و قمر كان شكلها حلو
حياه ابتسمت : ربنا يتمم ليها علي خير
ياسمينا تقوم : يارب يا طنط ، انا هقوم اخليهم يحضروا الغداء ، اكيد ما كلتوش حاجه في الفرح
شهاب : ايوه يا ياسمينا يا ريت الواحد جعان اوي
ياسمينا ابتسمت: ماشي (ياسمينا تقوم و كانت هتتكعبل وتقع في السجاده و السلسله تقع منها و شهاب يلحقها قبل ما تقع )
ياسمينا : اااه
حياه بخضه : حسبي يا بنتي انتي حامل
شهاب بخوف : ياسمينا حسبي يا حبيبتي انتي كويسه
ياسمينا : ااه كويسه ماتقلقش
شهاب بارتياح : الحمد الله
حياه تشوف السلسله : وقعت منك دي يا ياسمينا (و توطي تجيبها )
ياسمينا : ايوه دي سلسله ماما الله يرحمها
حياه بصدمه : انتي متاكده انها بتاعه امك
شهاب باستغراب : في ايه يا ماما
حياه بعدم تصديق و ارتباك : ده سلسله واحده من الخدم اللي كان بتشتغل زمان عندنا
ياسمينا بدهشة : خدم! بس ماما عمرها ما قالتلي انها كانت بتشتغل خدامه في البيوت
حياه : المشكله مش في كده السلسله دي انا فكرها كويس دي دهب حقيقي ، وشوفتها في رقبت الخدمه ولما سالتها انكرت في الاول انها دهب ، بس بعد كده قالتلي انه زين جابها ليها شبكتها و هم متجوزين ، بس لما حملت منه سابها وطلقها و مشيت من الفيلا
شهاب بشك : انتي تقصدي اني البت اللي كانت في بطنها هي ياسمينا
حياه بتردد : لو ملكيش اخوات تاني ، تبقي هي
ياسمينا بصدمه : لا مليش اخوات ، وعمري ما شوفت بابا وماما قالتلي ان بابا مات من زمان
حياه بتردد: تبقي انتي و كمان الصور اللي في السلسله دي صورتها هي انا فاكراها كويس
ياسمينا بدموع: دي صوره ماما انا اللي حطها
شهاب بغضب وصدمه : يعني ايه ، ياسمينا بنت عمي ، بنت الراجل اللي عشت في سنين عذاب و حرمان بسببه و قتلته
ياسمينا بذهول : قتلته!
