رواية رهينة لضباط الفصل الثاني والثلاثون بقلم مرج البحر
شمني ع كيفك شمت النعناع
وضمني ع صدرك ما احب الكاع ...
.......
خليت ايدي ع خدي ع اثر الضربه الضربها الي عيوني انترست ادموع وختنكت بعبرتي ... ليش ضرربني شسوويتله حتى يضرربني ... رفعت راسي عيوني مدمعات ... تقدم يريد عليه جفت وتبعدت بسرعه ... وصرخت ...
نور.... شبييك جااااي حااامي هاااا شبيييك تضررب لان تدررري محد يطلع وراي سووويت هيييج مووو لا عبااالك تايهتلك والله العب بيييك جوووله تضررربني سنددد هااااي رجووولتك بسسس عليييه
حسيت ع ايدي من لزمن ايديه وجراني يبوس بخدي ويهمس باسف واني تصنمت بمكاني ... ودفعته من صدره قوي ...
نور..... خوووور عنييي جااااوبني ليشش ضربتني
سند..... لان غبييي اييي غبيي
نور..... اي والله ستين غبي
رفع عيونه عليه خزرني وفتح الباب ونزل يصيح اني نزلت ورا اشوف شنو السالفه ... دخل لغرفه امه جااب الطفله خلاهاا بيدي واني ع الدرج ...
سند.... اصعدي الغرفتج
نور.... ليش؟
سند.... كلتتتت اصعدددي لا تطلعيني عن طوووري
هزيت راسي اي وصعدت شاارده من عصبيته ... صار صوت صيااحه العالي ويسب ويحجي كلمات ما افهمهن لان بعيده كل البعد عنهم ... طوول اصياحهم وبعدها دخل ركع البااب حيل فزز الطفله وهيه نايمه كعدت تبجي ..
هو استغفر وكعد ع طرف الجربايه ... خليت الطفله بحضني اسكت بيها شويه وهداء ... خليتها ع الجربايه وطفيت السبلت وفتحت كماطها وعفتها تتحرك ....
رحت كعدت يمه هو ساكت بس عيونه حمر وشرايين ايده بارزه وركبته ... وحسه بركان ويريد ينفجر ... همست ع كيف ...
نور.... شبيك؟
سند.... ما بيه شي عوفيني
نور.... شلون ما بيك شي وانته عصبي وتصيح وضرربتني
سند.... اذا ع الضربه اسف وتعاي اضربيني ونتعادل
نور... اضربك اني؟
سند.... اي انتي جا منو؟
نور..... هاا لا ما اريد بس كلي ليش صيحت جوه
سند.... استغفر الله
غمض عيونه حيل وفركهن بيده وتمدد ع الجربايه وعيونه ع السكف تدنيت كعدت ع الجربايه توسطتها وهو نايم صرت كاعده بين صدره وركبته ...
مديت ايدي العب بشعره وهو غمض وجر نفس وكال ...
سند.... لا تسئلني نور ع شي تعبان ما الي خلك احجي شي
نور.... جا وفضولي شلون؟
حسيت ابتسم كوه عليه ودار نام صفح خله راسه بحضن وجهه ع بطني وايدي لازمه ايده ...
سند..... نوميني
نور.... سند والطفله شلون اوديها العمه؟
رفع راسسه بسررعه من حضني وباوع بوجهيي ...
سند.... منا وجاي البنيه بنتج اعتمدي ع روحج ولا تعتمدين ع احد
رجع راسه واني سكتت محتاره وباوع لطفله وباوعله صرت العب بشعره امشي ايدي عليه ورجعها ... حسيت انفاسه ثكلت جريت المخده وخليته ورفعت راسه حتى اخلي ع المخده فززر باوعلي وفرك عيونه ...
نور.... خلي راسك ع المخده راح اروح اجيب اغراض الطفله والجي
هز راسه وخلاه ع المخده نزلت للمطبخ هناك بقت الجنطه جبتها وصعدت احتاريت شلون اتعامل ويه الطفله ما اعرف اسوي اي شي هو نايم ...
نزلت لعمه اسئلها وهيه اعرف لطفله دكيت باب غرفتها فتحته وهيه عيونها حمر باجيه لحد ما كايله بس ... من شافتني ما حجت شي استغربت ششبيها ...
نور.... عمه الطفله اذا بجت شنو اسويلها شلون اكمطها شلون اعرفها جوعانه لو متوجعه
ام سند.... هيه ما ترضع من امها تشرب حليب فوري ماي وخليليها حليب وشربيها
سدت الباب بوجهي حيل بقيت واكفه بمكاني مصدومه سمعت صوت سند يصيح باسمي ركضت صعدت شفته واكفه ولازمها بيده والطفله تبجي ....
سند.... تعاي سكتيها بس خلي اناملي ساعه
نور.... ما اعرف والله اخاف تموت بيدي وديها المهاا حباب
سند.... لا اله الا الله ولج بابا شراد الها
نور.... اخاف تتعور شلون تاكل شنو اوكلها اجيب الها تفاح لو موز لو بسكت ليش ما تروح تجيب الها شرربت وتجي
سند.... جااي تحجين نيتي مو هيج وين اغراضها خلي اسويلها حليب
فتحت الجنطه طلعتله اغراض من الجنطه وهو يسكت بالطفله ويهز بيها بيده .... اخذتها من ايده ولزمتها قوي خاف تطيح من ايدي ... نزل هو واني لحكته اسئل شراح يسوي شنو يحط شلون هذا هذاك هو يجاوب ع كد سؤالي ...
سوالها مميه وهو يخض بيها ولازمني من ايدي صعدنه فووك كعدني ع الجربايه وانطاني ياها ...
نور.... وهسه شنو اسوي
سند.... خليها بحلكها
هزيت راسي وقربتها الحلكها وهيه ميته جوع شربت الحليب ورجعت تبجي هو جر المميه مني بسرعه ونزل اني بقيت اهز بيها وهيه تبجي رجع مسويلها رقمين وخله المميه بيدي ...
رجعت خليتها بحلكها تشرب هو باوعلي ورفع حاجبه ...
سند.... شنو موتات الطفله جوع
نور.... ما ادري
سند.... استغفر الله هووو انه شمحصصل من اهل هذا البيت بس شلعاان الكلب
نور.... كول يا الله
سند.... تعاي جيبيها
اخذها من ايدي وبعدت المميه من حلكها صرخت هو مد رجليه يكعد يكمط بيها اباوعله وترقب حركاته حركه حركه هيه من كمطها سكتت وهدءت ...
تقدم انطاني ياها خليتها بحضني واني كاعده ورجعت المميه بحلكها ... وسئلته بستغرب ...
نور..... سند
سند.... كليبه
نور.... شنو معرفك بهاي السوالف لا وتعرف تكمط وتسوي مميات
سند.... هههه وزيدج من الشعر بيت اعرف احفظ ونيم ولولي
نور.... شعجب؟
سند.... جنت دائما مدخل روحي بسوالف ما تخصني امي من جابت حميده جنت اسئلها ع كلشي شلون ليش واجيب وحط بالاسئل لحد ما عرفت كلشي عن الطفل وحتى الكماط توسلت بامي تخلي حميده ع رجليه اكمطها جنت فطن حيل السالفه من اول نضره اعرفلها وتبقه بالي
نور.... علللمنييي
سند... صووتج وشيلي المميه من حلكها وجيبيها هنا ع الجربايه وخلي انام وبعدها نشوف شنسوي
نور.... والغده
سند.... عووفي من نكعد اجيبلج جاهز
نور..... تمام
كمت خليت الطفله بنصنه وهو باوعلي وباوعلها وبتسم رحت طفيت الضوه وخليت ضوه خافض كلش خاف تكعد الطفله وتبجي ... وغمض عيونه وبطرف رجله ضربني ع رجلي ...
نور....هيييي شبيييك
سند.... هي شنو ولج ادبسززز هاي عليه
نور.... اي عليك ليش جاي تضربني اريد انام
سند... هوو يهو يمج شبيج بابا
ما حاوبته وغمضت رجع ضربني ع رجلي غلست هم ما جاوبته شويه وحسيت رجليه بين رجليه ضرربت رجله بسرعه وجريت رجليه ...
نور.... اهوو شندد شبيك ما تستحي عيب الطفله نايمه
سند.... عيب ع روحج وهيه شفهمها عمرها كله كم يوم وكم ساعه كومي تعاي بحضني اريد انام
نور.... ما ما اجي زعلانه؟
سند... زعلانه ع شنو ؟
نور.... اي زعلانه قبل شويه ضربتني راشدي وهسه جاي تدور حضن صدك ما تستحي ولا تخجل
حسيت ع انفاسه بركبتي ونام من وره ع حافت الجربايه وباس خدي ومشه خشمه ع خدي وصل يم اذاني عضاها ع كيف وهمس ...
سند.... سويلي مكان خلي انام روحي لايبه وعد من اكعد اراضيج احلئ مراضات
نور.... لحد هسه مكتلي شنو السبب الي خلاك تضربني اني مسويه شي غلط وما ادري
سند.... راح احجيليلج من اكعد وانتي ما غلطانه انه الغلطان والغلط راكبني
نور.... جااا وخرر عني لتلزمني
.
لزمني من ايددي بقوه ورفعني دخل ايده ع خصري وخلاني فووكه ونيمني اريد ابعد ما يخليني مجلب بيه حيل ...
سند.... بس خلي ننام وفهمج كلشي نامي
نور.... بس هيج ما ارتاح بنومتي
نزلني وتقدم شال رحيق خلاها بجها من الجربايه وخله مخاد مناك كلشي ويصير واني وياه نمنه بطرف الثاني ... حاضني ع صدره ونايم واني هم نمت ... فزينه ثنينه ع الطفله تبجي ..
سند.... شبيها
نور.... ما ادري خاف جوعانه
سند.... يمكن
كمت شغلت الضوه هيه سكتت تباوع وسند تقرب يبوس بيها باوعت ع الساعه ب1 اووف مأذن ورايح ... عفته هو الطفله ورحت توضيت وفرشت مصلايتي اصلي خلصت صلاتي والطفله يلاعبها سند وساكته ...
هو التفت عليه واني اباوعله كام عاف رحيق وراح توضه واجه يصلي تبعدت عنه هو وكف يصلي ... كل عادة قريت الآيات الحافضتهن وكمت رحت يم رحيق جاي تحرك ايديها ورجليها ..وسند مفتحها ... احجي وياها ولاعبها شويه والتفت ع صوت سند ...
سند.... نور كلش اسف ع الراشدي اذيتج مو؟ مكسوره ايدي ولا ما ها عليج؟
نور.... بالأساس ليش ضربتني شنو السبب؟
ما جاوبني مدنك راسه ع السبحه إلي بيده يسبح بيها رجعت حاجيته ...
نور.... غيرت تحجيلي حتى اعرف اعذرك لو اذمك لو اخذ اغريضاتي وروح اعيش بشارع ولا ذلكم إلي
سند.... يا اللله منو ذالج هسه؟
نور.... انته وأهلي اكو غيركم إذا انتم ما تردوني اني هم ما أريدكم نمونه كلكم شكفت بشر
سند.... حجي جديد اي وبعد؟
نور.... وانعل ابو العيشه هااي لا منين ما منين
سند.... كومي شوفينه شي ناكل
نور.... تريد تاكل روح انته دورلك شي تأكله ما اشتغل عندك تضرب وتهين وتصيح وانته ابو الراهي
سند.... ياربي سترك هسه انه شنو سويتلج
نور.... ضربتني وما تقبل تكول السبب لذالك لا عرفك ولا تعرفني
شلت الطفله وطلعت وسمعه يصيح وراي مهتميت رحت شغلت الغلايه وخليت ماي حتى يفور فتحت الثلاجه أخذت تفاحه اكل بيها نزل سند مبدل وتلفونه وسويج السيارة بيده ...
ما هتميت ولا سئلت درت وجههي عنه وسمعه يستغفر ويسب ما اعرف بيمن ... الماي فأر خليت رحيق بالصاله وركضت فوك جبت الحليب والمميه ونزلت هم ركض شفتها تبجي وأم سند كاعده يمها تسكت بيها ....
رحت سويت الحليب وجبته الها هيه من شافتني اجيت كامت راحت لغرفتها شلت رحيق وخليتها بحضني انطيها حليب ... كاعد اشرب بيها ودخل سند بيده علاليك اخذهن وصعد لدرج اني مدنكه وسوي روحي ما اباوعله بس اخطف نضره ورجع ...
سند.... جيبي صينه ولحكيني فوك
ما جاوبت هو يمشي ع الدرج صاااح...
سند.... تسمعين لو انطرشتي كوومي لا انزل اكسر اعضاامج
شلت رحيق ورحت للمطبخ أخذت صينيه زغيره وصعدت ورا جان كاعد ع الجربايه وبيده تلفونه ويهز رجله من شافني ذب تلفونه ع الجربايه وأخذ مني الصينيه وحطاها بالكاع وكعد يطلع من العلاليك ...
سند.... اكعد لا توكفي ع راسي جنج خفاش
نور... اهووو خفااش بعينك
سند.... بعيني؟
نور... أي بعينك جا بعيني
سند.... لسانج طولان حيل
نور.... وانته صاير لا تطاق كلش حيل
سند.... تعاي كعدي خلي ناكل لا تطلعيني من طوري
نور.... أكل انته اني ما أريد جبر خو مو جبر
رحت ع الجربايه اباوع رحيق نايمه بيدي خليتها ع الجربايه وكعدت وحضنت ايديه لصدري ....
سند.... شلون بيه انه بالطفله وتتزعل
نور.... محد غيرك طفل ولا تكول عليمن عليك ونص
سند... ونص طافر من اهلج بغلط
نور... لا من أهلك أقرب
سند.... لسااانج
نور.... معلللييك
سند.... شلون راح اكوم اطيح حضها وطلع صبغها
نور.... احد كلك اني سيارة ويطلع صبغي بس تحكه
سند.... ههههههه تعاي اكلي ما جوعانه
نور.... مااااريد
سند.... يا ربي دخيلك صبرني حتى ما اكوم اكتلها
نور.... تايهتلك
سند.... بس فهميني شبييج اليووم
نور.... ضرربتنييي
سند.... صوووتج الطفله نايمه
صاك ع سنونه ويحجي ويخزر بيه ما رديت عليه دخلت جوه الديباج وغطيت حتى راسي انرفع الديباج وانجريت ...
سند.... اكعد ي عاقله وسكتي لا اسوي سوايه نتندم عليها ثنينه
نور.... أي بس عوفني هاي الكاع كلها أكدر اكعد بيها ما أريد اكعد بحضنك ولا جوعانه
سند.... هيج عاجبني وإذا انتي ما جوعانه انه جوعان وما اعرف اكل إله اشوف وجهه وحط الكمه بحلكي
درت وجهي ما عاجبني حجيه يكسر ويجبر بقيت كاعده بحضنه هو يجيب لفات ويقدمه الشفتي يشوفني ساده حلكي يمسح الللفه بشفايفي وياكلها ...
نور.... كااافي عااد لعبتها النفسسي
سند.... اووي عمري عذريني
نور.... ها شبيك شهالحجي
سند.... اندري عنج ولج والله الساعه السوده الضربتج بيها عاض أصابعي ندم والله زين لا تسامحيني وبقي زعلانه بس اكلي ترا الاكل معليه بزعلنه وهم بليل اجيبلج بيتزا
نور.... صدك والله سامعه بيها بس بحياتي ما ضايكتها
سند... شنو هيه البيتزا؟
نور.... أي
سند.... مو تدللين اصيرلج بيتزا
نور.... ما أريدك تصيرلي
سند.... عمي وحق ابوي الله يرحمه اجيبلج بدال الوحد ثنين وبدال الثنين اربعه وببسي وحلويات وياهن وحتى بقلاوه وزنود الست
نور.... عليك الله ما تتشاقه
سند.... لا ما اتشاقه
نور.... اجيي ويااك حباااب
سند.... وين؟
نور.... انته مو راح تشتري اروح وياك عفيه سند مليت من البيت اريد اطلع اغير جو
سند.... بس لا تبجين هااي هيه تم
نور.... يعني تاااخذني مو
هز راسه اي اني بعدت ايدي وهجمت ع الاكل جان جايب تمن وفاصوليه ومقبلات ولبن فتحت علبة البن اكل واشرب هو عاف الاكل وخلاني اكل وحدي ...
نور.... ليش ما تاكل
سند.... ما اشتهي بس جنت اريدج تاكلين
نور.... جا ما أريد تاكل وياي لو اروح انام
سند... لا بويه اكل شعندي غير بنيتي المصلحجيه
نور... اني مصلحجيه
سند.... لا انه
نور.... عبالي كلت والله إله اعرف الاكل وروح انام
سند.... ههههه فد خبله انتي اكلي بابا اكلي
نزلت من حضنه اكل هو ياكل لكمه ويبعد من اباوعله يسوي روحه ياكل ويضل بربع ساعه يلا يشيل لكمه صدك وخليتها بحلكه ...
خلصنه اكل وكمت شلت لاكل واخذته ونزلت ذبيت للبزازين الاكل والتمن ياكلن ورحت شمرت السفريات بسلة الزبل وغسلت الصينيه ورجعتها مكانها ...
سويت جاي وطلعت بخور وخليته بالمبخره وخليته بصاله شويه حتى يصير بيها ريحه ... خدر الجاي صبيت بكوب لسند وبكوب إلي وخليتهن بصينه زغيره .. وخذت المبخره وصعدت ..
سند بي سالفه إذا اكلنه بالغرفه لازم اخلي بخور إذا ما خليت تلعب روحه منها ويطلع يكعد بصاله ...
دخلت للغرفه شفته لازم تلفونه ويصور برحيق وهيه نايمه رحت خليت المبخره ع ميز المرايه ورجعت يمه نطيته كلاصه خذاه وخلا يمه وباوعلي وضحك ...
سند.... تعاي شوفي الوكحه شلون بقت تحوس إله تطلع ايدها طلعت ايدها يلا ارتاحت
نور.... والله ودي اخليها بدون كماط بس اكول خاف ما يصير
سند.... لا عوفيها خل تطلع من الاربعين وبعد ما نكمطها
نور.... سند حباب طلع ايدها الثانيه احسها متضايقه لأن وحده طالعه وحده داخله
سند.... هواي صرفتي حباب بنيتي
نور.... اهووو جا شكول
سند.... هم كالت اهووو انتي مشكله ويه الاهوو وحباب
نور .... ضوجتني شنو اكول ميعجبك
سند..... ههههه تعاي اتشاقه تدرين بيه كلشي منج احب الاهو والاحباب وسند كلامج تصرفات افعالج نبرت صوتج كلهن اموت عليهن
نور.... اني هم احب كلشي بيه بس ما احب سند
سند.... ليش ترا خوش ولد هو؟؟
نور.... لأن ضربني
سند.... انتي ما تنسين؟
نور.... لا ما انسسه ولا اسامحك ومزاعلتك هم
سند.... ميخالف قابل
نور.... شنو الي ميخالف؟
سند.... لا تسامحيني وبقي زعلانه بس انسي ولا تعرفيني
نور.... انته تحبني؟
سند.... مو بس احبج اموت عليج اعبدج عباده
نور.... خجلتني خدودي صارن حمر مو
سند.... هههههه لا طبعيات تعاي هنا
بعد رحيق وخلا المخاد حوالينها اشرلي ع صدر هزيت براسي لا هو ابتسم ورجع كال ...
سند.... تعاي بحضني بس اراويج وبعدها إذا ردتي توخرين وخري
نور.... اخلص جاي بالأول
سند.... اشربي بسرعه لا تبهنسين
ضحكت ع كلامه وشربت الجاي هو هم شرب جايه اخذتهن جوه وغسلتهن ورجعت صعدت طفيت المبخره وفحمات خليتهن بماي وشلتهن ... وباوعت ع سند عيونه عليه فتحلي ايديه رحت يمه جراني ونيمين ع صدره ....
فتح تلفونه ودخل ع برنامج وصار يتصفح بي ويكلب دخل ع رابط وبده يطلعن صور ويراويني جانن غرف يخبلن واثاث بيوت وقنفات مواد منزليه كامله ...
نور.... يجننن
سند.... اختاري التعجبج حتى نبدل الغرفه ونشتري جديده لعرسنه
نور.... لعرسنه؟
سند.... أي راح نعرس ونسوي حفله بس اذا ما تردين عادي؟
نور.... طلعت التحاليل؟؟
تعكر وجهه ويباوعلي ورافع حاجبه وتوتر اني بسرعه رجعت كلت ...
نور.... مو قصدي اعوفك والله بس اذا التحاليل مو زينه نروح خارج العراق نسوي عمليه مره سمعت محمود يكول حازم عمليات برا كلش زينات ومضمونات تروح تتعالج وترجع ومصاريف العرس نخليهن للعلاج
اباوعله اني احجي هو ابتسامته ع خده ابتسمت ع بتسامته هو جراني قووي حضني ...
سند..... بعدج تردين طفل مني ومتامله؟
نور.... أي اريد وادري بيك انته هم تريد طفل
هز راسه اي ورجع راسي ع صدره صار هدوء بيناتنه بس صوت أنفاسه ينسمع ...
سند.... الاسبوع الجاي آخر يوم بي تطلع التحاليل
نور.... يعني اكو امل عدنه موو؟
سند.... الله كريم ويسهل
نور.... اجي ويااك ما علييه
سند.... وين ما أريد اروح تجلبين وياي
نور.... أي اروح وياك اريد اصير ظل الك ما يفاقك
سند.... بهداي ولج بهداي كلبي رهيف مو مال هيج كلام
نور.... اشووف
خليت ايدي ع جههت كلبه يدك حيل هو خله ايده ع ايدي وغمض عيونه وهو راسه ع التاج ...
نور.... ليش جاي يدك حيل
سند... من وراج
نور... واني شعبيه كلشي براسي
سند... غبيه مو هيج قصدي لأن نايمه بحضني وفوكاها تحجين حجي حلو وايدج ع كلبي ما باقي بيه صبر من وراج بس متحمل وساكت
نور.... شتتحمل
سند.... هيج سالفه عوفيها
نور.... تحجيها ويكتلني الفضول وتريد تطلع منها موو والله احجيلي شقصدك لا والله انام بالكاع
سند.... ما بيه اتحمل اريد ابوس؟
نور.... أي بوس شنو مانعك
سند.... ههههه إذا ابوسج هسه شفايفج اشلعهن الج
نور.... هااا
ضميت وجههي بحضنه خجلانه هو حضني ويضحك ... رجع فتح الصور واني اكلب بيهن واباوع عجبتني غرفه كلش حلوه رصاصيه تخبلت عليها هو يضحك ...
سند.... ع كيفج هاي هيه خلي اتعامل وياهم ونروح نشوفها
نور.... اروح ويااك
سند..... هههه والعباس اخذج مو صرتي ظلي
نور.... أي
سند.... منا وجاي وين ما اروح اخذج بس من انزل للدوام لا اخليج هنا
نور... سند
سند... حياته كلها لسند
نور.... ليش ضربتني؟
سند.... إله تعرفين ماكو ما تنسين
نور.... لا ما انسه تحجب لو اروح انام بالكاع
سند... تهدديني؟
نور.... أي اهددك ما اخاف
سند... مطورين
نور.... وخررر عني انام جووه بالكاع
سند.... لا تعاي خلي اسولفلج
نور.... يله
سند.... اهلج راح يجون هسسه هم بطريق كومي حضري شي الهم وداعت عيونج اسولفج السالفه باليل
نور.... وعد؟
سند... حلفت بعيونج
نور.... نشوف عود هم بليل كول ااخ نعسان صابني تعب لو حجه منا منا والله أكتلك وخلص منك
سند.... ههههه كومي لا اموتج هسسه لسانج كلش طولان ما ادري انه نطيتج عين زايده
نور.... انته نطيتني عين تحمل
سند.... انطيج روحي كلها مو بس عين
ابتسمت وبسته بخده قووي هو رخه جسسمه درت وجهيي بست خده الثاني هم حيل ... وبعدت شفته صافن وعاض شفته ابتسمت وتقربت عليه وحجيت بهمس ...
نور.... أحبك ابو عيون حلوه
كمت بسرعه وصفرت هو صافن ضحكت اول مره اتجرء هيج اني من نفسي مستغربه الله يساعده هو شلون تحمل الصدمه .. كعد يكح ويتحمهم ... من شفته يريد يكوم ركضت للباب ...
سند... امشي نززلي لا اجي انهييج ع هاي سوالفج
دزيتله بوسه بالهو شفته تقدم فتحت الباب طلعت اضحك ... نزلت احضر الضيافه ... وحضرتها وخلصت واريد اصعد يم سند اشتاقيتله بس تراجعت ...
اجو اهلي وتلكيتهم طبيعي ولا كنو صاير شي يمكن مشاعري بردت لو تقبلت الواقع ورضيت ... توهم كعدو وردت اروح اجيب رحيق وطلعت حميده تصيح وتسب وتصيح خلتنه كلنه صافنين عليها وع جراءتها ....
حميده... شتررردوون جاااين ماا كفاكم إلى سوووا بيه ابووكم جاين انتم هممم شترردون تردووون تشووفون بتكم بتتت الحرررام الييي جااابها ابووكم لللدنيههه انعل ابوكم لا ابوو الجاابكم علينه ولد ال..... وال.... انعل..... والديكم .. ألم... والن..... امشوووو طلعووو برررا بيتنه اطلعوووو
سند.... حميددددددده صوووتج لا اكسرررج
هيه خزرتني وسكتت نزل سند سلم عليهم وكال الهم تفضل واشر إلي والحميده وأمه نلحكه ... دخلنه للستقبال هو كعد وأهلي كعدو واحنه هم دخلنه كعدنه ...
سند.... زارتنه البركه ونور بيتنه بيكم
محمد.... منور بأهله بنور السابق
سند.... بابا نور روحي جيبي رحيق لا تخليها وحدها وهم يشوفونها اهلج جاين عليها
هزيت راسي وصعدت فتحت الباب شفتها بعدهي نايمه شلتها ونزلت بيها جوه اول ما دخلت الاستقبال تلكاني مجتبئ اخذها مني يبوس بيها ويسمي بسم الله محمد هم كام صلئ على محمد وآل محمد وبوسها وهيه انزعجت منهم ...
خلاها محمد بحضن امي وفاطمه تباوع عليها وتدنك تبوسها ع كيف ... كعدت بصف سند هو يباوعلهم ويباوع ع حميده ويخزرها ...
طول الكعده هو ابد ما يرفع راسه ع امه وحتى من تحجي وتوجه الكلامه اله بسيقه غير مباشره هو ما يجاوب ... بقت بالي شنو هما متزاعلين لو يتراوالي
بقت رحيق نايمه بحضن امي وسند عدل كعدته وباوع ع الكاعدين وكال ...
سند..... انتم اليوم اجيتو تشوفون بتكم وهذا الشي من حقكم واحنه ما نمنعكم من حقكم بس انه عندي وياكم موضوع مهم
محمد.... واحنه حاضرين بالي تردونه
سند.... مهما يكون اختي جانت مرت ابوك او بالاصح مرت ابوكم بحرام وعقدهم حرام وزواجهم حرام وطفلتهم حرام مع كل هذا وانه اتغاضيت عنهن لسبب واحد
مجتبى.... الي هو؟
سند.... هاي الطفله مو ذنبها تتحمل اغلاط غيرها وتعيش حياتها بتعاسه من اجل غلطه هيه لا بيها ولا عليها واذا ع ابوكم فانه اكلكم اذا لكيته ما ارحمه اخلي يتمنه الموت وما يلكه
محمد.... احنه ابونه دفنه من زمان وحضرنه فاتحته ونسينه
سند.... الله يبشرك بالخير انتم تدرون حميده بعتبار هسه مطلقه والمطلقه سمعتها بين الناس مو زينه وبس يدك شخص بابها وزين وبن حلال تتزوج واحنه اجتنه ناس ع حميده وانه انطيتهم خبر نتضرون ع ما تطلع من الاربعين وبتها ما تاخذها وياها مهما تكون تبقه بت اختي وما اقبل القريب يربيها
الكل جان يسمع ومنصت للكلام طبعاً اني حيل مصدومه بكلام سند وبنفس الوقت خايفه ...
مجتبئ.... البنيه احنه اوله بيها تبقه اختنه والظفر عمره ما يطلع من الحم وانه رجال لكيت بنت الحلال التلمني واكون عائله وياها ومحمد هم ما باقي شي ويمشي مشيه ع خطيبته واحنه نربي احتنه
محمد.... كلام مجتبئ صحيح اذا امها تتزوج البت ترجع النه واذا تريد تربي بتها وما تتزوج فهذا من الزينات
حميده.... شنووو بكيفكم همم تردوون تحرموني ما كاافي ابووكم اغتصببتي وناام ويااي باابششع طرريقه وخلانيي جييب هااااي العاار لدنيه وحسببهااا بنتي
سند.... اخرررر تحذيررر الج حميدده كعدددي وصوووتج ما اسممعه لا وحق من انزل القران ما اخليج عدله
سكتت وكعدت وهيه مخنزره بينه رجع سند كال ...
سند.... ابو جاسم حبيبي هااي اختي كدامكم اذا تريد بتها والله اخليها هيه وياها ع راسي وماقصر بس اذا تريد تزوج هم ما راح اضغط عليها بس قبل كلشي لا احجيلكم وجهت نضري نشوف رايها حتى نخصم الموضوع هنا
حميده.... بنتي ما اريدها ولا اريد اشوفها لا هسه ولا مستقبلاً تردون تاخذوها تردون تشمروها بالي ما حفضها
سند.... سددي الحلكج هييه كلمه كلتلج كووليها هلا تمضررط وتمسلت الزايد بالحجي المن
سكتت حميدده وسند خزرها ...
محمد.... اني عندي استعداد اخذها وربيها هاي اختي ما مفرط بيها
سند.... ما كلت انتم مفرطين بيها لا والله بالعكس رايتكم بيضه بس انه عندي وجههت نضر ثانيه البنيه انه خالها ونور اختها وهم مسجلينها بسمنه يعني بختصار البت بتنه وانه ابوها ونور امها
مجتبئ.... تردون انتم تربوها
سند.... اي وهم اريد انهي هذا الموضوع نهائياً وبعد ما ينفتح وندفن بهاي المه انه ونور ناخذ الطفله وتصير بتنه وانتم تصيرون خوالها وحميده تصير عمتها
محمد.... شلون حجي هذا تعدم خوتنه هيج
سند.... لا ما عادمها الفرق راح تصير خالها بدال ما تصير اخوها وحميده بداله ما تكون امها تكون عمتها وتفض والطفله بنتي وع هذا الاساس تمشون وتفنون هذا الموضوع تطلعون منا تنسونه منا ولامن سمعه ولا من دره وفضت راحت وجدكم الله يرحمه
مجتبئ.... وكل شكد نكدر نشوف الطفله لو تحرموها منه
سند.... لا وسفه عليك غير انته خال بنتي انه راح يكون واجبي اسبوع هنا وسبوع بالدوام وبيوم الي التحق ادزلك اختك وبتها الكم يبقن اسبوع
محمد....هاي هيه ابو رحيق متفقين والعين ما تعله ع الحاجب
سند.... حبيبي كلبي ابو جاسم وانتي ام محمد عندج شي تكولينه
ام محمد.... لا والله يمه الله يجعلك من الخالدين في نعيم الجنه ع الي جاي تسوي لها الطفله
دار راسه سند عليه ابتسمتله هو رجعلي لبتسامه ... حميده وامها كامن واهلي بقو مره قصيره وراحو ... اخذت رحيق وهيه بس تبجي واني محتاره شلون اسكتها ...
دخل سند من برا شافها تبجي اجه اخذها مني يسكت بيها رفع راسه الي وكال ...
سند....اشو اكلج هااي بيها ريحه بس لا موصخه روحي غسليلها
نور.... اغسسلها اني؟ ماا اعرف شلون اغسلها
سند....بنيتي دبريها انه عندي شغل اريد اطلع
انطاني ياها وصعد ع الدرج صيحت ورا....
نور.... شسووي واني بحياتي ما مغسلله الطفل لا ونوب عمرها كم يوم فدووه تعاال سنددد
سند.... روحي شوفي امي حميده اي وحده بيهن تعلمج وتعلمي ورحمي كلبي وكلمج من هالشلعان الكلب
راح صعد واني اباوع ع الطفله تبجي صرت ابجي وياها خطيه شنو ذنبها تتعلعل ... اخذتها ورحت لعمه جانت جاي تصلي ودموعها ع خدها من شافتني فتحت الباب بسرعه مسحت دموعها حتى لا اشوفهن ....
نور..... عمه فدوه علميني شلون اتعامل ويه الطفله راح تمووت من البجي شلون اغسسل الها
ام سند..... تعاي جبيها
حجت بصوت هادء اخذتها الها والهيه مفرفحه من البجي دخلنه للحمام وبدت تعلمني شلون الزمها شلون اغسل الها ولازم الماي دافي حتى لا تتاذه ....
طلعنه من الحمام باوعتلي وباوعت ع الطفله ... ومسحت وجهه بطرف حجابها وطلعت ورا نص ساعه رجعت جايبه اغراض وياها ملات اطفال ...
ام سند.... جيبها خلي نسبحه فرد نوب من صارت الحد هسه ما مسبحينها
اخذتها مني وبدت تفرك بيها واني اذب الها ماي خلصنه تسبيح وحسيت رحيق ارتاحت كلش وكامت تحرك ايديها ورجليها براحه ...
اكامت تنشف بيها و تخليها بودره لجسمها وحفضتها ولبستها ملابس وكعدت تكمط بيها .... كمت اني رحت سويت الها مميه واجيت لكيت ام سند خالتها بحضنها ومبتسمه من شافتني راحت ابتسامتها ونطتني ياها ...
ام سند.... هاي علمتج شلون تسبحيها وشلون تغسلين الها ولا تغسليها الله للضروره وستعملي كلينكس رطب ومسحيها بي ع ما تكبر شويه وتسبحينها اسبوع مره
نور.... وشلون اسبحها وحدي اخاف تموت بيدي
ام سند.... تعلمي هااي الامومه يرادلها خلك مو ياهي الاجت صارت ام
نور.... زين احفضها شلون؟
ام سند.... انتي دبريها ما اكعد اشرحلج كلشي اخذي بنتج واغراضج وروحي
اخذت رحيق وخليتها بصاله واخذت كلشي من غرفتها صعدته فوك ورجعت اخذت رحيق ورحت خليتها ع الجربايه وشربها مميه لحد ما نامت كمت رحت اسببح ....
دخلت سبحت لبست تراك وطلعت انشف بشعري وكفت كدام المرايه امشط بي اباوعله طولان وناازل جوه خصري .... سحب عطر اخي ع نفسي وشم بالعطر حلو لو لا ...
اول مره اسحب حمره وجربت اريد احط بس ترددت انفتح الباب دخل سند بملابس العسكريه وتعبان ... من شافني بتسم رجعت الحمره مكانها ورحت اسلم عليه وحضنته هو هم حضني وخله راسه بركبتي ...
سند.... رحتج حلووو حيل
نور.... اي خليت من الشامبو مالتك ع جسمي
سند....ليش مو عندج صاابون
نور..... ما احب الصابون حبيت الشامبو شكو بيها
سند... ما كو شي حبيبتي براحتج همشي راحتج عندي
نور..... روح اسبح محضرتلك تراك وملابس
سند.... اي اريد اسبح واطلع
نور..... توك اجيت يا طلعه
سند.... حبي ما اطوول كلها نص ساعه وجاي
نور.... بكيفك وين ما تريد تروح روح
نزلت جوه فتحت الثلاجه افكر شنو اسوي شفتها كلشي ما بيها دخل سعد ورا محمود وحمزه سلمو وصعدو الغرفهم ... اخذت فواكه وصعدت متانيته يأذن ... اخاف احط راسي ع المخده ونام وروح بسبات عميق ....
كعدت اباوع ع رحيق نايمه بهدوء دنكت ابوسها رحتها تخبل من البودره اريد بس اضل ابوس بيها ...
دخل سند علاليك بيده خله وحده بحضني بس فتحته طلعت بيتزااا كمت فرحانه ركضت حضنته هو يضحك ويضمني اله اكثر كعدت فتحت وحده حتى اضوك وحسيت انرفعت من الكاع .... كعد وكعدني بحضنه ورفعلي الكارتون حتى اكل ابتسمت وكعدت اكل ....
سند.... ع حلفاني اربع وجبتلج اربعه وماكو داعي تسوين عشه جبتلهم وياي وهسه يمكن جاي يتعشون
نور.... وانته
سند.... شبيه
نور..... ما تتعشه ما جوعان تعال اكل وياي
سند... اكيد اكل وياج جا ويامن اكل
فتح العلاليك وجايب لفات همبركر وببسي وبقلاوه وزنوت الست وجايب حلويات شكد خلاهن بحضني واني من الفرحه بس اضحك بحياتي محد مددلني هيج صح جان عمي يجيبلي حلويات بس ما تتعده الككو ...
نور..... شكرا هوواي سند هواي
سند.... ما بيناتنه شكر هذا واجبي وع العموم انه قررت اشتري بيت وترك هذا البيت لخواني كبرو وهم لازم يشوفون حياتهم
نور..... هااا ما ادري بكيفك وين ما تروح اروح ويااك ياااااااا صخاااااام
سند.... شبيييج
نور..... كتلييي اخذذج ومااا خذييتني اي والله ما خذيتني
سند.... اوووف والله راحت عن بالي وهم جان عندي شغل
نور.... زعلت وخر
عفت البيتزا وكمت ع الجربايه ضايجه والله جانت بنفسي اطلع هو نساني .... دخلت جوه الديباج اريد انام .... حسيت ع لمسات ايده ع خدي ....
سند..... راح اروح اشغل السيارة وانتضرج بدلي وتعلي
نور.... ما اريد اروح
سند.... والله راحت عن بالي كومي هسه اعوضج اوكلج شعر بنات واخذج للشط ونشتري شاميه وشربج عصير بارد
نور.... اللله
سند..... اي والله يس كومي العالم كله خل يزعل عليه ولا انتي تزعلين
نور..... ابدل واجي
كمت بسرعه اخذت بدله كامله وبدلت ملابسي وجريت حجاب هم لفيته لفه حلوه وباوعت ع الجربايه مهيه رحيق اخذت جنطتي ونزلت بدون عبايه كلت هسه يتعارك وياي ....
وصلت لصاله شفته كاعد ويمه رحيق يحجي وياها من شافني رفع راسه باوعلي من جوه ليفوك توترت .. خليت عيني بعينه ابتسم ...
سند... هاا شطالعه تخبلين
نور.... صدك؟
سند... وداعت رحوقه بس عبايتج وين يلا حتى ما نطول
نور.... هااا اروح بدون عبايه
سند.... ليشش
نور.... تضوجني
شال رحيق وتمشه لغرفة امه واني امشي ورا واحجي دار عليه وكال ...
سند.... بس هاي المره راح اخليج بدونها المره الثانيه ممنوع
نور.... بس اني اريد انزعها ما اريد البسها
سند.... مو جنتي عد اهلج تلبسيها شختلف هسه
نور.... لبستها مجبوره مو برادتي
سند.... بعدين نحجي بالموضوع
هزيت راسي وسكتت هو دك الباب ع امه من طلعت خله رحيق بيدها وجرني وهو يميشي بيه حاجاها بدون ما يباوعلها ...
سند..... خلي رحيق يمج كلها كم ساعه ونجي ناخذها
طلعنه بسياره واول ما صعدنه هو باوعلي واني فتحت الجنطه جنت جايبه قلم حمرة اريد اخلي منه بس ما اعرف قدمته كدام سند ....
نور.... سند خليلي حمره
سند... اوييلي يااابه نوب حمره هو انتي شفتج من الله محمره ونوب حمره هاي سالفه ما تصرف
نور.... شتصرف؟
سند.... تصرف فلوس اسكتي بنيتي خليني مركز بدربي لا اسووي حادث ونبتلي
نور.... سند حباب بس شوويه خليلي مو هواي
سند.... يا طلابت الحباب طلابه
وكف السيارة ع جهه ودرت وجهي عليه هو لزم وجهي بين ايده وقرب قلم الحمر لشفتي ويخلي ع فوك ويرجع ع الجوه ... شويه وبعده ونزل مرايه باوعت بيها شفتي صايره حلوه جان لونها رماني ...
نور.... الله تخبل
سند.... هو انه هسه الي متخبل
نور.... ليشش
سند.... اسكتي بابا لا ادور وارجع للبيت
نور.... لا لا راح اسكت
سكتت هو يباوعلي ويجر حسره وصلنه لمكان حلو شط وكف السيارة ونزلنه هو قفلها واجه لزم ايدي ونتمشه سوه ...
صار كدامنه شارع صرنه نمشي عليه ... وثنينه ساكتين واني عيوني تفتر ع المنضر والناس كل ثنين كاعدين سوه واكو عوائل ...
سند.... تعاي منا خلي ناخذ شعر بنات
نور.... يلا
وكفنه يم الي يسوي شعر بنات واخذلي وحده وامشي واكل جان طعمها كلش حلو واول مره اضوكها ... مديت ايدي لسند بيها شعر بنات ...
سند.... اكلي انتي يروحي ما اريد انه
نور.... لا حباب ضوك
سند.... عمي مو خوش حباب انه فتيفت كلبي تفتتفت
نور..... لا والله انته خوش ولد وحباب وكيوت وتخبل وتحبني مو
سند.... اشتتعلت عشيييرت عمي
نور..... هههههه ليش
سند.... مو خوش رجال
نور..... خطيه الله يصلحه
سند.... نور بابا امسحي الحمره مو كلبي ورم
نور.... ليش امسحه والله حلوه واول مره اخلي
سند.... اول مره واخر مره
نور.... لا حباب سند والله حلوه
سند.... اذا ما تمسحينها ما راح اضمن نفسي اكثر من هيج اهجم عليج وطز بعالم خلي تباوع
نور... تمام راح امسحه
سند.... عفيه بابا هاي بنتي الحلوه التسمع الكلام
اخذت منه اكلينكس ومسحتها بس بقه بيها اثر كالي خلي ما مسحتها كلها رجعنه نمشي واني اكل ...
نور.... جا اذا ما تقبل اخلي حمره المن مشتريهن الي
سند.... شنو الي معرفني امي راح تروح تجيبلج مكياج انطيتها كتلها جيبي جهاز كامل وهيه هم ما قصرت
نور.... والله حلو ليش ما تخليني احط
سند.... بنيتي خلي بالبيت ومن نطلع خلي خفيف اروحلج فدوه انه بس هيج الوان تجذب وحتى اكواد يشتهي شفايفج
نور.... هاي هيه بعد ما اخلي قوي كله خفيف
سند.... اموت انه ع الي يسمع الكلام وما يعاندني
ضحكت هو هم ضحك وتمشينه اشترالي شاميه وعصير بالرد وكلمه اسئله عن شي يجاوبني دخلنه لمحل يبيع حلويات هو يمشي بصفي واني اشتري واخذ هو حتى الي ما اريد يخلي يكلي ضوكي اخذي شي جديد جربي ...
اشتريت هواي اغراض ورجعنه للبيت ب1 ونص حيل تاخرنه من دخلنه تلكتنه ام سند رحيق بيدها تبجي اخذتها منها وعافتنه وراحت ....
امرها غريب هيه وسند تحسهم محد طايق الثاني ... صعدنه واني خليت رحيق بحضن سند ونزلت بسرعه اسويلها مميه جوعانه ...
اخذتها وصعدت وهيه بعدهي تبجي انطيت سند المميه شربها يلا سكتت ... رحت اغير ملابسي وحتى ارجع اخذها منه ...
بدلت ع السريع وطلعت ابتسمت ع منضرهم من شفتهم سند نايم وهيه نايمه بحضنه ... تقربت بعدها عنه وخليتها ع جهه وندهته ...
نور.... سند كوم بدل ملابسك
سند....نعسان عوفيني
نور.... اي بس بدل ملابسك هيج ما راح ترتاح
سند.... كايم
هو كام ورحت خليت الاغراض بالكنتور ونزلت جوه فتحت الثلاجه ابتسمت مخلي البقلاوه وزنود الست ع حطتهن اخذت بطل ماي فرقته بالدولكه وخذتها وصعدت ....
دخلت لكيته سابح ومبدل واكف ع المرايه يمشت شعره ...
نور.... سند وين خليت البيتزا
سند....شنوو جعتي اروح اجيبلج شي
نور..... لا بس جاي اسئل معقوله ذبيتهن بزبل
سند..... لا نزلتهن لخواني وبعدين اجيبلج لو مخليهن جان صارت تلعب النفس
نور....تمام اطلبك بيتزا
سند... اي مو تدللين
ضحكنه وجراني للجربايه حضنته وهو حضني ونمنه كعدت الصبح شبعانه نوم وباوعت لا سند ولا رحيق فززيت بسررعه بس من شفته كاعد ع القنفه وبيده رحيق ومميه يشرب بيها ...
نور.... صباح الخير
سند.... صباحج عافية تعاي اخذيها صارلي فوك الساعه محتار بيها وبليل كل شويه كاعده وانتي ما حاسه عليها اريد انام
نور....مو تريد تصير اب تحمل ليش هيه الابوه لعبه خو مو لعبه
سند.... اخذي بنتج ونيميها ما اعرف شبيها ما تقبل تنام بحضني هسه وين لاكيتها تنام بحضني
نور.... هههه جيبها خلي انيمها وكوم اصلي
اخذتها منه هو راح نام بمكاني واني كعدت بمكانه خليت المميه بحلكها وهز بيها وشويه شويه كامت تغفه نيمتها وكمت رحت صليت وخلصت ...
ونزلت اشوف اوضاع البيت ... اول ما نزلت اسمع صوت بمطبخ رحت اشوف شنو شفت حميده واكفه تطك بيض ...
ما علقت ع شي ولا حجيت درت وجههي منين ما اجيت ورجعت للغرفه ... شفت سند يخابر من شافني اشرلي اسس لا طلعين صوت ...
كعدت كدامه هو يحجي خلص وسد الخط ... دار عليه وكال ...
سند... حصلت بيت حلو يكفينه انه وانتي وبتنه وقريب ع اهلج حتى من انزل لدوام ما افكر بيج ويبها
نور.... اهلي ما يردوني نروح يمهم ليش؟ وحتى من كتلهم ادزها الكم كل اسبوع هم ما راضيه ليش كل القرارات بكيفك واني ما الي راي
سند... يا بابا يا عيوني مو ما الج راي يشهد الله رايج يهمني بس اخوانج ما الهم ذنب تبتعدين عنهم بسبب حجي امج اسمعيني من يوم الجبتج هنا محمد ومجتبى ما بطلو مني اتصالات يسئلون عنج ويردون يشوفوج حقهم هذا ما اكدر امنعهم من اختهم
نور.... جا لو صدك يردوني جان دافعو عني بوقتها اني ما اريدهم مثل ما هما ما يردوني ولا اروح الهم
سند... اسمعي انتي تحبين خوانج لو لا
نور.... اي احبهم جنت بس هسه لا
سند... جذابه عيونج لمعن ليش؟
نور.... تتوهم وكتلك ما اروح يمهم ولا ادخل بيتهم
سند.... ليش تعاندين امج هم تريدج وتريد تسامحيها
نور.... هههههه عكب شنو اسامحها عكب ما طردتني وتصيح متبريه منها سند ما ريدهم افهمنيي ما اريدهم
سند.... هاي هيه ارتاحي وفكري بالموضوع زين ما راح اضغط عليج بشي
نور.... ايي صدك تذكررت
سند.... شنو
نور.... البارحه مااا سولفتلي ليشش ضرربتني
سند.... وحق هو الحق ما تنسه ولج تنامين وتكعدين ع نفس السالفه
نور.... سولفلي يلا والله اذا كلت بعدين انتحر وخلص
سند.... لا ع شنو تنتحرين اسولفلج
نور.... اي يلا احجي
سند.... امي سولفتلي ع حميده انو بتها بت حرام وطول المده الجانت عد ابوج هيه مو مرته وزادتها عليه امي من كالت حميده تريد تتزوج ومن واجت حميده ورفض تتزوج كالت سالفه ع امي خلتني اتسوودن وطلعت عصبي ومتخبل وكعت براسج
نور.... واني شعليه بابوي ليش تحاسبني ع شي مو اني سبب ليش اني كلت لبوي روح ع حميده
سند.... وداعتج حاله عصبيه وتندمت بساعتها وربج ندمان
نور.... هاي هيه انسه جنه لا ضربتني
سند.... وانتي انسي وسامحيني
نور.... مسامحتك هو انته اكو احسن منك
سند.... ههههه شكد شايله حنيين دخيل ربج
نور.... انته زعلان من امك بسبب حميده
سند.... لا بس امي مسويه سالفه قديمه وتوني اعرفها ومقهور منها وزعلان وكارها بنفس الوقت
نور.... ليشش سولفلي حباب
سند.... اووف يالحباب نقطت ضعفي صارت
نور..... ههههه يلا جا حباب حجيلي
سند.... اول ما تزوج ابوي امي جانت عايشه هيه واختها عد خالتهن امهن جانت متوفيه وابوهن متزوج وحده بكد بناته وعايش حياته وياها ابوي تزوج امي زواج تقليدي من تزوجهه عيشها عيشه محد يحلم بيها اخو ابوي جان توه مطلك جديد وعنده ولد ثنين ازغار عافتهم امهم عليه وراحت ما اعرف شلون امي كدرت تقنع عمي ياخذ اختها وهو عمي جان رافض الزواج كله اقتنع عمي وتزوج اخت امي وكعدن ثنينهن بالبيت وصارن حزب واحد يتعاركن ويه عماتي ويه نسوان عمي اخذن خاوه ع البيت
سكت سنذد ياخذ نفس واني كاعده ومتربعه ع الجربايه اريده يكمل ... باوعلي ورجع دنك وكال ...
سند.... بيوم محد متوقع الي راح يصير البيت صنته ومحد كاعد بس انه وبن عمي مسلم مكابلين الكتب ونقرا عدنه متحانات اجاانه صووت صرريخ ابوي كمنه بسررعه عبالنه شوف منو مات بس للاسف طلعت خالتي جاي تبوك بفلوس ابوي وماخذه شدتين ضامتها ولزموها بالجرم المشهود هيه هواي رفضت وكالت ما جاي ابوك بس ابوي جان كلش حريص ومخلي كامرات بالممر وخل الكل يشوف الكامرات من دخلت مره عمي الي هيه خالتي باكت عماتي ثنينهن ونوب توجهه لغرفه ابوي وهناك الله كشفها من فز ابوي وشافها ما خذه الشدات بيدها ابوي جان بيومها بايع كاعد من كيعان جدي الله يرحمه وراد يشتري بيت بس بوقتها ما اعرف شنو صار بعد ما راحت خالتي وعمي طلكها صار اصياح بين امي وابوي وبساعتها صابت ابوي جلطه ومات ما لحكنه عليه
نور..... خطيه الله يرحمه
سند.... من هذاك الوقت تبهذلنه عمامي صارو يجرون طول وعرض وفلوس البيت الجنه ناوين نشتري عمامي اخذو منهن للفاتحه وذبون كومه فلوس ع اتفه الاسبب
نور.... لان مو فلوسهم يبذرون
سند.... اي والله خلونه ع الحديده بس الحمدلله كيعان ابو ما كدرو ياخذونهن ابوي جان حاسب احسابه ومسجل الكيعان بسمي جنت داخل السن القانوني والمحامي عنده بنود تثبت الي الكيعان وجانن كيعان ثنين وحده لسعد وحده لمحمود بس بسبب احتياجنه للفلوس بعناهن كلهن وشترينه بيت بعيد عن عمامي وطلعنه
نور.....يعني هذا البيت بي حصص
سند.....اي بس اني مسجل بسمي وخواني اخذو حصصهم كامله وفوكاهن زياده وكلمن فتحله مشروعه وشترو بيهن قطع اراضي
نور.... اذا بيتك ليش تريد تطلع
سند.... ما جاي ارتاح وراح اسجله بسم امي واخذج ونطلع منها نستقر ومنها خواني يتزوجون وحتى لو سعد ومحمود رادو يطلعون لان عدهم بيوت ومشترينهن بس ما مثثينهن حمزه وحازم يبقون وياها لان بعدهم طلاب ما عدهم استعداد يفتحون بيوت
هزيت راسي ساكته هو رجع كال ...
سند.... بس الي كسر كلبي من دريت امي الها ايد بسالفه بوكت خالتي وهيه وياها متفقات يبوكن البيت ويشردن كسررت ضهرري من دريت واله يساعد ابوي شلون تحمل الصدمه ولج نورر انه كل هااي السنين اشكر ربي خالتي ما جانت امي طلعت امي متفقه ويااها حتى من كلتلي خلي ازوجك مروه جانت خالتي مهددتها اذا ما اخذ مروه تشهررها وهيه جاابتها ورطتني بيها
نور.... اشش سند حباب لا ضوج تمام خلي تولي هيه مروه هم تتسمه مره لا تضوج وتضوجني وياك
جراني الحضنه واني حضنته وصرت ابجي هو ضحك ويمسح بدموعي ...
سند.... ليشش تبجين
نور.... ضجت عليك ليش يذونك وانته كلبك طيب
سند.... هو انتي الكلبج طيب وماكو منه
نور.... تريد ريوك
سند..... اذا من ايدج اكيد
ابتسمت وكمت وهو بعده ضايج بس يتصنع الابتسامه كلش ضجت من ام سند وخالته ليش يسون هيج ... سويت ريوك واذاته اله لكيته كاعد بصاله الفوك ويشرب جكاير من شافني طفه الجكاره خليت الصينيه وكعدنه نتريك ...
كام سند واني هم كمت .... صرت افتر بالبيت وحاول الكالي شي التهي بي ... مر كم يووم ع الوضع وسند كاطع علاقته ويه امه واخته كلشش ما يحاجيهن ...
اني التهيت اربي برحيق اتعامل وياها بحذر خاف اذايها لو تختنك بيدي كلش اخاف من الأطفال الي بهالعمر ...
صار عمر رحيق 13 يوم جنت كاعده بالصاله وهيه بحضني اشربها مميه دخل سند من برا الضحكه ع وجهه اجه بتجاهنه وبتسامته ع خده ...
سند.... عندي الج ثلاث أخبار واحد مو زين وثنين زينات
شكرا لزيارتكم عالم روايات سكيرهوم
