رواية خادمتي ولكن الجزء الثانى الفصل السابع والثلاثون بقلم لولو طارق
حور وهى فى شغل الفندق : بقولك ايه انا بشتغل هنا زيى زيك .. طلعينى من دماغك
دينا : لا اصل المدير متوصى بيكى قوى .. ربنا يجعلنا من بركاتك ..
حور : قوليلى كدا انتى بتعملى ايه زياده عنى .. دا انا طالع عينى فى الشغل . وانتى قاعده ست هانم .. فين الاهتمام بقى
دنيا : اه انتى ها تقوليلى .. وبتحط ايديها على كتف حور .. انتى مظبطا المدير عشان كدا عينه مش بتتشال من عليكى .
حور : زقتها جااامد ... وجابت كوبايه .. وبتحدفها بيها فى دخلة احد العاملين المطبخ ..
مجدى : اه .. دماغى .. وماسك راسه الا بتنزل دم
دينا : بمكر .. يالهوى يالهوى فتحت دماغك يا مجدى وخرجت على برا جرى ..
حور : بعياط .. والله ما قصدى يا مجدى .. جت فيك انت
مجدى : نشنتى يا فالحه .. مش عارفه تظبطيها وتجيبى راسها حتتين ..
حور : ضربته على كتفه .. خضتنى عليك .. طيب تعالى اعملك حاجه للنزيف دا وجابت علبة اساعافات اوليه
مجدى : ما تخافيش دى حته صغيره .. انا عندى دم .. وبحس فا بسلامته ما بيصدق ينزل .. الخوف من مراتى .. ممكن تقولى انت اتخانقت عشان واحده يا مجدى ... وتعملها جنازه .. والبركه فيكى ..
حور : انت ابن حلال وتستاهل كل خير يا مجدى تحب اجيب راسك 5 او 6 غرز ..
مجدى : اعوذ بالله خيرا تعمل .. حور تلقى
حور : اثبت يا مجدى خلينى الف لك راسك ... منها لله دينا الحشرايه .. بت بتخر حقد
مجدى : ههههههههههه وبعدين قام من مكانه .. وحور وقفت جمبه ..
المدير : ايه الا حصل .. وايه الا عملتيه دا يا حور
مجدى : طيب مين ها يربطلى راسى غيرها .. يا باشا
المدير : انا مش قصدى على ربط راسك .. مش هى الا عورتك كدا ..
مجدى : ابدا .. ها تعورنى ليه .. وانا داخل المطبخ اتزحلقت ووقعت الكوبايه دى واتخبطت فى دماغى وبيبص لدينا ..
المدير : امال انتى جايه تقوليلى حور فتحت دماغ مجدى ليه ..
دينا : هى يا باشا والله ... انا مش عارفه بيدارى عليها ليه .. الله اعلم عملتلو ايه ..
حور : بتتهجم على دينا ومسكتها من شعرها .. تعالى بقى عشان انتى واحده ماعندكيش ضمير .. وبتضربها جااامد .. والمدير بيشد فيها .. ومجدى ومش قادرين عليها ..
المدير : بعلو صوته .. حور تعاليلى على مكتبى .. وسابهم وطلع برا ..
دينا : اه .. اهئ اهئ .. انا وراكى لحد ما ارفدك ..
حور : زقتها وقعتها على الارض .. ها ترفدينى من الجنه يا حقوده .. اشبعى بيها وسابتهم وخرجت ..
مجدى : انتى ايه يا بت انتى .. مش حرام عليكى .. وكمان بتتهمينى وبتتهميها عينى عينك كدا
دينا : اه يا اخويا .. وانت بتكدب عشانها ليه إلا إذا ..
مجدى : تصدقى شكلى انا الا ها افتح لكى دماغك الا مليانه عقارب جوا .. وبص لها من فوق لتحت وطلع برا المطبخ ..
المدير : بحزم ممكن افهم ايه الا بتعمليه دا .. وما تنكريش حاجه لانى شفت كل حاجه فى الكاميرا ..حالا
حور : زى ما حضرتك شفت .. كنت ها افتح لها دماغها ..
المدير : فى ايه بينكم .. فهمينى يمكن اقدر احل سوء التفاهم
حور : انا مفيش حاجه .. هى الا حاطنى فى دماغها
المدير : ايوا ايه السبب ليه بتعمل معاكى انتى بالذات كدا ..
حور : عيطت .. عشان نصيبى انا ها اسلم اليونى فورم واخد حاجتى وأمشى
المدير : بتسرع .. مين الا قال انك ها تمشى .. بصى انا عمتا ما بحبش المشاكل فى الشغل .. ولولا ان هنا موصيانى عليكى قوى ماكنتش قبلت اشغلك .. وكمان لقيتك انسانه محترمه وبتشتغلى بضمير .. ايه رايك تطلعى فوق .. وتبقى من الهاوس كيبنج
حور : الا تشوفه حضرتك اهم حاجه ابعد عن الانسانه دى
المدير : انتى محتاجه اى حاجه او مرتبك مش مكفيكى
حور : الحمد لله مكفينى .. مش محتاجه حاجه بعد اذن حضرتك .. وخرجت ..
مجدى : عملتى ايه .
حور : انا اترقيت يا مجدى وها اطلع فوق ..
مجدى : بعياط مصطنع .. ياعينى يا حور ماكنش يومك .. ها تنتحرى عشان الخله الا جوا دى
حور : ههههههه هى الا ها تنتحر لما تعرف انى ها ابطل غسيل مواعين ولم على الزباين .. وها اطلع اروق اواضهم .. شوفت الهنا الا انا فيه .. مدرسة دراسات بلا فخر .. ممتازه .. العيال بتطلع تاكل التاريخ وتمشى على الجغرافيه .. ها تنضف اوض
مجدى : يابنتى احنا ناس نابغه .. بترجع لورا بسرعة الصاروخ .. اسيبك انا بقى .
حور : معاك ربنا واتنين شهود على ام اربعه واربعين
************
كريم : يابنى انت ما توديلو العربيه وتبطل رخامه
طارق : لما يجيلى مزاجى .. انا ها اعرفه الفاشل
كريم : هو مولود فوق راسك
طارق : سيبك منه .. عم روميو ناسينا
كريم : ههههه عريس وقرب يدخل .. وها يتكلبش قريب .
طارق : خليه بكرا الجميل يندم .. ويقول ياريتنى عشت حياتى ..
كريم : عملت ايه مع الا اسمها حور دى
طارق : تعرف ان ضميرى مأنبنى عليها قوى وبقول ياريتنى ساعدتها مارجعتش البيت ولا كلمت الست جارتها لحد دلوقت
كريم : ها تظهر ها تروح فين يعنى .. وبيبص من شباك اوضه طارق .. هههه قشطه .. الحرب ها تبتدى
طارق : بيبص هو كمان ..مش عارف تفتكر حاجه عدله .. ها انزل اجيبه عشان هدى وشريف ما يقلبوش عليا .. ونزل بسرعه .
منير : اول ما شاف طارق ..انت واحد ماعندكش دم انا غلطان انى اديتك عربيتى
طارق : ادتنى عربيتك .. دى معفنه يالا
منير : وسايب المعفنه عندك ليه .. ولسا ها يزعق.. طارق حط ايده على بقه .. وبيشده يدخله جوا
شريف : فى ايه يا طارق . انت ماسك منير كدا ليه .
طارق : زقه على الكنبه وقعد عليه .. وبيضحك .. وماسك منير من راسه . اصلى بقنعه انه يتغدى معانا
منير : بيزق طارق مش قادر عليه ولا عارف يتكلم .
هدى : ليه كدا يا طارق .. قوم ها تموت منير يخربيت هزارك
طارق : بيقوم واول ما ساب منير
منير بصوت عالى : انت
طارق : قعد عليه تانى وقفل بوقه .. شوفتى زعل انى قومت
شريف : بيشد طارق ..وسع كدا روحه ها تطلع
طارق : ما تطلع انا مالى .. عمره وانتهى .
منير : بعصبيه .. انا لازم اقطع علاقتى با الا زيك مفتاح عربيتى ومش عايز اشوف وشك تانى
طارق : استنى كدا انا الا ها اموت عشان اشوف صفار البيض الا فى شعرك يا فاشل
منير : انا الا فاشل يا ابو 50 % .. انا دكتور .. عارف يعنى ايه دكتور
طارق : بيشاور على نفسه انا ابو 50% انت نسيت نفسك وانا ها افوقك وبيصفر
كريم : نزل وشال منير من ناحيه وطارق من ناحيه وطلعو على فوووق
منير : وهو طالع وبعلو صوته بلغ البوليس يا عمى .. ذنبى فى رقبتك
شريف : لا حول ولا قوة إلا بالله الواد ضاااع .. بس والله يستاهل
هدى : انت ها تسيبهم يفتروسه فوق .. دا كفايه ابنك عليه
شريف : اتبرى من ابنى دا يمكن ارتاح .. مش ها ارتاح بردو الواد عامل مشاكل مع طوب الارض
طارق : انت عمرك ما ها تلم نفسك ..
كريم : جايبه لنفسك يا منير . ليه ترمى نفسك فى التهلكه .. يابنى انسى ان انت دكتور محدش جاب مجموع غيركم ما احنا بمجموع عالى بردو .. انسى وخصوصا وانت معانا
منير : اه يا عصابه .. يا مافيا ..انتو ظباط انتو
كريم وقف من ناحيه وطارق وقف من ناحيه ..
كريم : تحب تشوف
طارق : بيبص لكريم ..احنا لسا ها نتكلم نفذ على طول
كريم : بيهز راسه ننفذ على طول
منير : بخوف ايه ها تعملو ايه تانى ..وبيرفع ايده انا بحذرك .. كانو هما شالوه ورافعوه لفوووق ومنير بيصرخ .. ورموه على السرير من بعيد .. اه رجلى
طارق : قعد جمب منير .. بتعصبنى وبترجع تندم وتترجانى .. بتصعب عليا
منير : وسع يا طارق ..هو دا هزار يابنى ادم
كريم : ههههههههههه انت ضعيف يا دكتور اكتبلك فيتامين ..
منير : انا الا نفسى اكتبلكم على طلقتين لا 3 وارتاح منكم .. وبيبص لطارق ..عملت ايه مع البنت
طارق : بيرفع ايده وينزلها .. يادى البنت .. يادى البنت .. خلاص مفيش غيرها فى حياتى .. اتبخرت يا عم .. راحت ..اختفت
كريم : اهدى يا طارق مش كدا
منير : بإستفسار ماله دا ..انا شكيته بإبره
كريم : هههههههه .. تقريبا كدا كلنا نازلين فيه شك بكل انواع الابر
منير : بيضرب طارق على ضهره .. روق يا طقطوقه يا عسل
طارق : تخيل يالا .... نفسى اكرهك مش عارف .. قلبى الا ها يودينى فى داهيه مش مطاوعنى ..
منير : بيفهم قلبك يا الا تتشك فى قلبك وانا كمان كل ما انوى مش قادر .. بخاف حد يدعى عليك غيرى
طارق : ودى تيجى .. بقولك ايه وتجيب من الاخر كنت عارف انها بتشتغلنا
منير : الصراحه .. هى لما فاقت انا عرفت واستغربت انها ساكته وعامله نفسها فاقده الوعى .. اول ما ابتدت المسرحيه .. قولت مش خساره فيك انت حبيبى
كريم : ياخى نفسى تسيبك من المحبه الا تودى فى داهيه وانضف
منير : والله حسيت انها محتاجه مساعده وكمان انت ظابط جااامد بردو وها تجيب قرارها .. مش برميك فى التهلكه يعنى
طارق : بيضحك وبيشاور على منير اعترف اهوو انى جامد ... بقولكم ايه ..عشان خاطرى اقفلو الموضوع دا . ها تاكل ايه انت وهو
منير : عايزين سمك وسلطات والذى منه
كريم : اتكلم عن نفسك انا مشووى .
طارق : وانا بقى ها انزل للست السكره الا تحت دى اشوفها عامله ايه عشان تطفحوه بالهنا والشفا وسابهم ونزل .. ومنير وكريم بيبصو لبعض ..
********************
روان : يا حبيبى فهمنى بس انت ناوى نسافر أمتى
مروان : احمد زنقنا بموضوع الجواز دا يا روان .. نفرح بيه وبعدين نسافر ان شاء الله .. ووعد منى ها اقضى شهر كامل انا وانتى وسمسه خروجات وفسح بس
ميرنا : اه وانا يا عموو مش محسوبه عليكم .. كله بيرتب لنفسه وناسينى
مروان : دا انتى قبلنا .. والا ايه يا سمسم
سمسمه : طبعا يابابى .. انا ما اقدرش انام غير فى حضن ميرنا حبيبتى
مرنا : احنا ملناش غير بعض يا سمسمه
روكا : يعنى مش ها تسافرى معايا انا وابوكى
ميرنا : لا انتو عايزنى اقضى الاجازه خناق .. ماله عمو مروان والا رورو ..
مازن : خلاص احنا نطلع كلنا مع بعض .
مروان : انا ناقص اشيلك على كتفى .. وكل ما اشوف حد اقوله اخويا ... مش كدا يا حبيبى ادينى اجازه ارحمنى ..
مازن : كل دا فى قلبك
مروان : واكتر .. بص فكك منى . على رأى ابنك
روان : اهدى يا مروانى مش كدا يجرالك حاجه يا قلبى
مازن : ها ندخل على السهوكه بردو ها اجى معاك
سمسمه : بابى .. انا لايمكن اسيب عمو مازن فى البيت اخاف عليه من العفاريت
مازن : بصعبانيه شوفت بتخاف عليا من العفاريت ... وبعدين بصلها .. عفاريت يا سمسمه .. مين قالك ان فى عفاريت هنا ..
سمسمه : انا شوفتهم عل النت .. لما تبقى لوحدك بيطلعلك عفريت
روان : عمو مصاحب كل العفاريت ما تخافيش عليه ..
مازن : اتغيرتى يارورو واتكبرتى .. الغرور ملى قلبك
روان : ايوا انا مغرومه بمروانى .. انت مالك .. انت مالك
روكا : ايه دا فى ايه وبتبص على كريم
كريم : طالع على فوق على طول .. من غير سلام ولا كلام
مازن : ايه يا بنى طيب قول سلام عليكم ...
كريم : معلش اعذرونى .. وخد فى وشه .. جهز نفسه وشنطته .. ونزل
ميرنا : ايه يا كريم .. ها تمشى بسرعه كدا
كريم : قرب حضنها .. وباسها من راسها خلى بالك على نفسك
احمد : دخل طلع على فوق هو كمان بسرعه ..
مروان : بقلق .. كريم فى ايه اول مره اشوفكم كدا
كريم : مفيش ياعمو ما تقلقش .. دى استدعى لينا ولكل ضباط العمليات الخاصه .. تدريب ولازم نوصل لهم بسرعه
مروان : بعدم تصديق .. ربنا معاكم خلى بالكم على نفسكم .. وبدئو يسلمو عليهم كلهم .. ومشيو
كريم واحمد وصلو عند الفيلا بتاعت طارق .. ونزل ومعاه منير ركبو فى عربية منير كلهم .. وماشين ..
منير : خلى بالكم على نفسكم .. مش عايز تهور
طارق : ياحنين .. من امتى يا دوك
منير : من انهارده يا ظريف .. حاسس انكو ها تتهورو الله يهديكم ..
احمد : عارف يا منير احنا المفروض ناخدك طالعه من الا بنطلعها احنا والرجاله .. عشان تحترم نفسك على طول .. وتفضل مؤدب
منير : هههههه لا كتر خيرك .. انا مؤدب يا مودى مودى .. غصب عنك
كريم : منير نزلنا هنا
منير : ليه ما اوصلكم لحد الادراه
أحمد : لا هنا تمام قوى .. ونزلو سلمو على منير وانطلقو مع بعض ..
اسلام : مبتسم وفاتح ايده اهلا بالرجاله
احمد : الباشا الكبير بنفسه ..
كريم : الله اكبر اخيرا شوفنا اسلام باشا
طارق : لا وايه نازل من الصعيد بنفسه
اسلام : مش بس كدا انتو معايا فى العمليه الجديده الا جيتو جرى عشانها ..
طارق : كدا .. ربنا يستر .. خير
اسلام : خير ان شاء الله .. اقعدو كدا واهدو
