 |
رواية رغبة منتقم الجزء الثاني (ما وراء الماضي) الفصل الخاتمة بقلم دودو محمد
بالمساء اجتمعت العائله فى افخم قاعات الإحتفال كانت فرح تجلس فى غرفتها بعد الانتهاء من التجميل بتوتر شديد وفى ذلك الوقت سمعت صوت طرقات على الباب نظرت إلى حور بتوتر وقالت:
-م م مين؟
نظرت حور لها بنفاذ صبر وقالت:
-مين ايه هو انتى شوفتينى فتحت لسه ربنا يصبرك يا اخويا على عبط مراتك.
أنهت كلامها وتحركت باتجاه الباب وفتحته وجدتها نغم احتضنت حور بسعاده وقالت:
-يخربيت جمالك هو فيه قمر كده فى الدنيا.
تكلمت بحب وامتنان:
-اهو انتى اللى قمر وبنت قمر كمان.
ابتعدت عنها وتعالت ضحكاتها وقالت:
-هو من ناحية أنا بنت قمر فده صح مليون فى الميه.
تكلمت فرح بنفاذ صبر وقالت:
-هو انتوا ليكم نفس تهزروا وانا هموت من الخوف.
نظرت نغم إلى حور وقالت بمرح:
-مال الهبله دى؟!
ردت حور بطريقتها وقالت:
-انبي يا اختشي ولا اعرف من بدرى على النظام ده وخايفه أديها لكمه فى وشها تبوظ كل المكياچ ده جابت ليا الاعصاب الله يحرقها هى وأخوها فى وقت واحد.
نظرت نغم لها بضيق وتكلمت بصوت شبه غاضب:
-حووور اتلمى ولمى لسانك زين بيحبك بس هو اللى بيغير عليكى شويتين تلاته والغيره دليل على المحبه.
ابتسمت بضيق وتكلمت بصوت مختنق:
-اممم فعلا بيحبنى، المهم طمنينى ليدو عامل ايه فى بطنك؟
حركت يدها على بطنها بضيق وقالت:
-شقي شقاوة ليل ونهار شغال ضرب فى بطنى كأنه بيعاقبنى علشان هجيبه الدنيا.
تعالت ضحكاتها وحركت يدها على بطنها وقالت:
-لا ده واضح أن انا داخله على ايام فله مع الاخ ولا الاخت دى.
نظرت لها بأستغراب وقالت بتساؤل:
-انتى لسه معرفتيش النوع ايه؟
حركت رأسها بالرفض وقالت:
-لا مش باين لسه فى السونار الدكتوره بتقولى احتمال الشهر الجاى يبان.
ابتسمت لها بحنو وقالت:
-ان شاءالله تكون بنوته وتسميها بتول ويبقى كده انا هجيب وليد وانتى تجيبي بتول ونجوزهم لبعض يااااه ونعيد قصتهم من تانى بس من غير طرف تالت.
تعالت ضحكاتها وقالت:
-يارب يا نغومتى هو انا اطول حمات بنتى تكون عسوله كده حما كيوت.
تكلمت فرح بصراخ وقالت:
-كفااااايه بقى سيبنى هموت من الخوف وبتخطبوا لولادكم من دلوقتى ما تشوفوا البنى أدم ده راح فين ليكون نسي أن النهارده فرحه مجنون ويعملها.
وفى ذلك الوقت سمعت صوت زياد وهو يقول لها بطريقه كوميديه:
-اهدي يا حبيبتى اهدي يا ضنايا انا مرمي من بدرى تحت بس الاخت نسيت شكلها أنا بعت نغم علشان تشوفك خلصتي ولا لسه نامت فى الخط.
تعالت ضحكات نغم وحور وخرجوا من الغرفه وتركوهم.
اقترب زياد منها بأعجاب وتكلم بصوت هادئ وحنون:
-هو انا اه مجنون بس مجنون بحبك مهوس بجمالك ورقتك، حد يبقى معاه القمر ده كله وينسي فرحه برضه، ده انتي بالنسبه ليا كنتى نجمه بعيده اوى عنى وربنا قربها ليا انتى اجمل واحلى زهره طرحت فى بستاني انتى عمري كله يا فرحة عمرى وسنيني.
نظرت إلى الأرض بخجل وظلت صامته.
اقترب اكثر لها وأحاط خصرها بذراعيه وتكلم بصوت يملؤه الرغبه:
-انا مش مصدق نفسي ان النهارده هتبقى فى حضنى وهتبقي مراتى رسمي و...
تدخلت فرح سريعا فى الكلام وتكلمت بخجل:
-زياد متكملش ا ا احترم نفسك وبطل قلة ادب.
اقترب اكثر لها وتعالت أنفاسه وتكلم بصوت هامس:
-طيب ما تجيبي تصبيره احسن مش قادر اصبر.
وفى ذلك الوقت شعر بيد تمسكه من ملابسه وتبعده عن فرح بصوت غاضب:
-ما تلم نفسك ياااض ابعد عن اختى بدل ما انفخك.
نظر له وتكلم بمزاح:
-اااايه يا ابو النسب دى كلها دقايق وهتبقى حرمي المصون ارحم امي القصيرة.
دفعه بقوه وتكلم وهو يكبت ضحكاته:
-لما يتكتب كتابكم وتطلعوا اوضتكم ابقى اعمل اللى انت عايزه إنما دلوقتى اياك تلمس حتى ايديها، روح يا حبيبى ألعب بعيد.
نظر له بضيق مزيف وتكلم ببكاء مازح:
-كشفت شعري ودعيت عليك عيله ظلمه منكم لله هنزل تحت وهات البت متتأخروش عليا واه بلاش الجو الهابط بتاع كبرتى وبقيتي عروسه وهاتك يا أحضان فااااهمين.
ثم نظر إلى فرح وتكلم بمزاح:
-جتك القرف فى حلاوتك وانتى وتكه فى نفسك كده.
أنهى كلامه وركض سريعا خارج الغرفه.
نظر عدي وفرح اثر زياد وتعالوا ضحكاتهم على كلماته.
نظر عدى إلى فرح وكوب وجهها بيده ونظر لها بحب اخوي وتكلم بنبرة هامسه:
-ماشاءالله يا حبيبتى طالعه زى القمر اجمل من الاميرات ، ربنا يسعدك يا قلب اخوكى يارب.
ارتمت داخل أحضانه وتكلمت ببكاء:
-انا بحبك اوى اوى يا دودي ربنا يخليك ليا وتفضل ضهري وسندي فى الدنيا، أنا بابا واحشنى اوى كان نفسي يكون جنبى فى لحظه زى دى كان نفسي يشاركنى فرحتى كان نفسي فى حاجاااات كتير اوى يشاركنى فيها بس هو راح وسابنى بدري.
ربت على ظهرها بحنو وتكلم بصوت حزين:
-بابا وليد واحشنا كلنا وعمرنا ما هننسا هيفضل عايش فى قلوبنا وكل لحظه حلوه عشناها معاه محفوره فى ذاكرتنا مبتتنسيش، امسحى دموعك يا حبيبتى هو حاسس بيكى دلوقتى وفرحان مكانه، ادعيله بالرحمه يا فرح، ويلا ننزل للمجنون اللى تحت احسن نلاقيه ناطط لينا فوق دماغنا دلوقتى.
ابتعدت عن حضن عدي واومأت رأسها بالموافقه اخذت نفس عميق ووضعت يدها داخل ذراعه وفى ذلك الوقت دخل زين وقبل رأسها بحب وتكلم بنبرة هادئه:
-الف مبروك يا قلب اخوكى ربنا يسعدك يارب.
وضعت يدها الاخرى داخل ذراع زين وتكلمت بسعاده:
-الله يبارك فيك يا حبيبى ربنا ميحرمنيش منكم يارب.
وتحركوا الثلاثه خارج الغرفه وهبطوا من أعلى الدرج وكان ينتظرها زياد بالاسفل دقات قلبه كانت تتراقص بسعاده وهو يقترب لحلم عمره وحب طفلته، ثوانى معدودة الثلاثه كانوا يقفوا امامه صافحهم بكل حب وامتنان وأخذ فرح قبل جبينها بسعاده وتكلم بصوت هامس:
-عقبال ما تكون القبله دى فى حته تانيه.
وغمز لها بمداعبة.
احمرت وجينتها بخجل وتكلمت بتلعثم:
-و و والله العظيم انت غلس وقليل الادب وانا مش عايزه اتجوزك.
امسكها سريعا من ذراعها وتكلم بمرح:
-مش عايزه تتجوزي مين يا روح النونه ده أنا قتيلك النهارده امشى يا اختى امشي...
تحركوا سريعا إلى المكان المخصص لهم جلست عليه فرح واتجه زياد عند المأذون وجلس بجواره وجلس الجانب الآخر عدي وتكلم زياد بمرح.
-الدنيا دواره شوف الأدوار اتبدلت ازاى من كام سنه كنت انت مكانى وبتتجوز اختى وشوف دلوقتى قاعد انت الوكيل وانا بتجوز اختك.
تكلم عدي بمزاح وقال:
-الله الوكيل اختى هتعيش مع بهيم، هات ايدك يا اخويا خلى المأذون يشوف شغله.
وبدأ المأذون بعقد القران مع سعادة الجميع ثواني معدودة مضت فرح على عقود الزواج وأعلن المأذون زياد وفرح زوج وزوجه.
بدأت التهانى تنهال عليهم بسعاده وبعد وقت اقترب زياد من فرح وتكلم بحب:
-واخيرا اتكتب اسمك على اسمي ده أنا قتيلك النهارده واللى يقدر يخرجنى يفرجنى.
ابتسمت له بخجل وقالت:
-م م مبروك عليا انت.
تعالت دقات قلبه بسعاده واقترب إليها دون سابق إنذار حملها بعدم تصديق أنها الان زوجته بعد طول انتظار ظل يدور بها تحت صفرات الجميع وبعد وقت انزلها وضمها داخل أحضانه وتكلم بنبرة عاشقه:
-بعشقك يا اجمل حاجه حصلتلى، ربنا يقدرنى واخليكي اسعد زوجه فى الدنيا دى كلها.
تمسكت به بخجل وقالت:
-وانا بحبك وربنا يقدرني واكون الزوجه الصالحه اللى تعمرك بيتك بذكر الله و الذريه الصالحه.
اقترب انس منهم وتكلم بمزاح:
-مااا كفاااايه يا عم الحبيب منك ليها اخلصوا علشان تبدأ فقرات الفرح.
ابتعدت عن فرح ونظر إلى انس بضيق وقال:
-تصدق هتصدق أن شاءالله أنا كرهت العيله دى كلها انتوا اااايه مش وراكم غيرى، اشوفكم متشحطفين على مراتتكم ومش طيلنهم يا بعده يارب.
أنهى كلامه وتحركوا إلى المكان المخصص لرقصة الافتتاحيه الخاصه بالعرسان وبدوا الاثنين يتمايلوا على انغام الموسيقى.
عاد انس مره اخرى عند رهف وأحاط خصرها وتكلم بابتسامه:
-الولا مكبوت يا عين أمه يا بخته النهارده هيهيص.
نظرت له بضيق وقالت بنفاذ صبر:
-يا ابنى اسكت بقى واحترم نفسك بلاش عينك دى اللى هتجيبهم الأرض.
تكلم بضيق مزيف وقال:
-اناااا ده أنا عيني بلسم عمرى ما حسد حد ياكش انتوا بس اللى عيله منحوسه ومش مكتبولها الفرحه.
حركت رأسها يمينا ويسارا وتكلمت بنفاذ صبر:
-ربنا يصبرنى عليك بجد...
ثم بحثت بعينيها وتكلمت بتساءل:
-الولا عامر فين؟
نظر حوله بأستغراب وقال:
-معرفش استنى لما اروح اشوفه...
تحرك بأتجاه ابنه ريان وتكلم بتساءل:
-ريان فين اخوك عامر؟
أشار بأصابعه الصغيره وتكلم بطفوليه:
-بيتعرف على بنت جديده هناك اهو.
نظر مكان إشارة اصابع ريان وجد عامر يمسك بيد طفله صغيره ويقترب منها.
ركض خلفه وتكلم بمرح:
-نهار مش فايت الولا ده هيجيب لينا مصيبه قريب.
ودون سابق إنذار حمله من على الأرض وابتعد به وتكلم بغضب مزيف:
-بتعمل ايه يا آخرة صبري؟
تكلم بأنزعاج طفولي وقال:
-ينفع اللى انت عملته ده يا بابي بتحرجني قصاد المزه الجديده اقولها أنا ايه دلوقتى.
حرك انس شفايفه بطريقه كوميديه وقال:
-احييييه يا ابو سوسو احيه، ولا انت ملكش خروج من البيت نهائى مش مستعد بعد تسع شهور اسمع كلمة جدو من حد.
نظر له بعدم فهم وقال بتساءل:
-يعنى ايه يا بابي؟
تنحنح بأحراج وتكلم بتوضيح:
-يعنى تجيب ليا عيل غتت زيك يقولى جدو زى ما انت بتقول لجدو عامر يا جدو فاهم حاجه؟
تكلم عامر بطفوليه وقال بغمزه:
-اااه قصدك اعمل زى ما انت بتعمل مع ماما واجبلك نونو صغنن.
الكلام وقف بحلقه وتكلم بصوت هامس:
-ايه الراجل المضغوط ده احيه.
وفى ذلك الوقت جاء عامر ووجد انس يمسك ولده من ملابسه اقترب منه سريعا وحمل الطفل من على الأرض وتكلم بضيق:
-ولاااا انت ماسكه كده ليه يالا.
تكلم انس بطريقه كوميديه وقال:
-الولا طلعلك كل ما يروح مكان يشقط واحده الله ينور عليك يا ابو انس قومت بالواجب ووفيت الصراحه.
تعالت ضحكات عامر وتكلم بصعوبه:
-اااه قلبى مش قادر الله يخربيتكم...
ثم نظر إلى الطفل الصغير وقال:
-يا عبيط نقى المكان اللى هتشقط منه جاى قصادهم وتعمل كده فتح مخك وخليك معايا على الخط.
ابتسم الطفل الصغير وغمز له وتكلم بسعاده:
-تصدق عندك حق يا جدو خلاص هشقط من الحضانه هناك كتير محدش هيشوفني.
اتسعت عين انس بصدمه وقال:
-صلاة النبي احسن، عليه العوض ومنه العوض أنا كده ضمنت مستقبله الباهر.
أنهى كلامه وتحرك سريعا من امامهم.
نظر عامر إلى أثر انس وتكلم بابتسامه:
-اوعى تعمل زى ما قولتلك انا بهزر راعى ربنا واياك تعصيه لأن السكه دى اخرتها وحشه اوى وعلى ما تفوق من اللى انت فيه هيكون فات الاوان واجمل سنين عمرك راحت حط كلامى ده حلقه فى ودنك يا عامر خلى البنات كلها اخواتك لحد ما ربنا هيكرمك بواحده تحبك وتحبها بالحلال، ماشى يا قلب جدك.
أومأ الطفل رأسه بتفهم وقال:
-حاضر يا جدو بس نزلنى بقى علشان الحق البت قبل ما تمشى.
انزله من على ذراعه وركض الطفل سريعا من امامه نظر له بصدمه وتكلم بصوت هامس:
-لاااا الولا ده غلبنى بكتيرررر..
ثم حرك رأسه يمينا ويسارا واتجه عند اسيل.
عند زين وحور...
كانت حور واقفه تتابع زياد وفرح بسعاده وشعرت بيد تحاوطها زفرت بضيق وتكلمت بصوت مختنق:
-ابعد عنى يا زين.
تكلم بهمس بجوار أذنيها وقال:
-انا اسف يا حور انتى عارفه انا بغير عليكى ازاى لو عليا مش عايز اخرجك بره البيت نهائى عايز اخبيكى جوه حضنى ومحدش غيرى يشوفك.
ابتسمت بضيق وتكلمت بصوت مختنق:
-دى مش غيره يا زين ده مرض انت بتغير عليا من ابنك من اخويا من ابويا من اى راجل حتى انس منعتنى اتكلم معاه مع اننا اخوات برضه انت جننتنى اقسم بالله ما انا بحبك وبغير عليك برضه بس بحدود مش بطريقتك دى أنت كده بتخسرنى صدقنى نهاية الطريق وحشه.
تحرك سريعا ووقف أمامها وتكلم بحب:
-حور انا بحبك والله العظيم بحبك ومش بقصد ازعلك منى بس غصب عنى بغير عليكى عارف أن غيرتى مجنونه بس ده لانك بجد جميله اوى ومش عايز عيون الناس تبص ليكى إذا كان رجاله ولا حريم.
حركت رأسها بالرفض وتكلمت بصوت مختنق:
-وانا بحبك بس مبقتش قادره أستحمل عمايلك دى لأن بجد اتخنقت.
احتضنها بحب وقال بترجى:
-انا اسف يا حور علشان خاطري استحملينى اوعى تبعدى عنى فى يوم من الايام هحاول أقل غيره شويه بس مش هقدر اوعدك أن هبطلها خالص.
تمسكت به بقوه رغم زعلها منه إلا أنها مازالت بتعشقه وحضنه هو المهرب الوحيد لزعلها منه تكلمت بنبره عاشقه:
-للاسف مهما تعمل فيا عمرى ما هقدر اكرهك لأن بعشقك اوى ومجنونه بحبك.
ربت على ظهرها بحنو وتكلم بسعاده:
-وانا بموت فيكى يا اجمل ما فى حياتى يا ام ولادى...
عند عدي ونغم...
جلست نغم بألم ووضعت يدها على بطنها وتكلمت بضيق:
-انا تعبت بجد والله ضرب ضرب مش قادره.
جلس عدي بجوراها وتكلم بصوت هادئ حنون:
-معلش يا حبيبتى استحملى هانت خلاص فاضل شهرين هيعدوا بسرعه، ويجى نور حياتنا زى أخته.
ابتسمت له بألم وقالت بنبره هادئه:
-يارب يا حبيبى يجي بالسلامه، ونفرح بي هو واخته أن شاءالله.
وفى ذلك الوقت شعرت بألم شديد وشئ لزج يسيل من بين قدميها اتسعت عيناها بصدمه وتكلمت بصراخ..
-انا شكلى بولد يا عدي.
انطفي الموسيقي والكل انتبه على نغم وركضت إليها قمر وبتول أمسكت يدها وتكلمت بقلق وقالت:
-مالك يا قلب امك فيكى ايه.
تكلمت بدموع وقالت:
-بولد يا ماما الحقيني.
تكلمت بتول بأستغراب وقالت:
-ازاى يا بنتى بتولدي انتى لسه فى السابع.
حركت رأسها بدموع وقالت بصراخ:
-اااه مش عارفه حرام عليكم مش وقت اسأله بموووت.
حملها عدي سريعا وخرج يركض بها إلى السياره وضعها داخلها ولم ينتظر أحد تحرك بها بسرعه جنونيه إلى المشفى.
نظر زياد إلى أثرهم بسعاده وقال:
-كويس انها جات من عندهم والفرح انتهى بدرى..
ومال بجسده حمل فرح بين ذراعيه وتحرك بها اتجاه الغرفه المتواجدة لهم في الفندق.
جحظت عين فرح بصدمه وتكلمت بتوتر:
-ز ز زياد انت بتعمل ايه م م مش هنروح معاهم نطمن على نغم؟
تعالت ضحكاته وتكلم بنبرة هامسه:
-نروح فين يا روح النونه ده أنا هموت على الليله دى من سنين طويله نبقى نطمن عليها بالتليفون.
أنهى كلامه ودخل الغرفه واغلق الباب بقدميه...
بالمشفي....
كان الجميع على أعصابهم والدموع تنهمر من أعين الجميع...
ظل عدي يتحرك بتوتر وخوف شديد على محببوته داخل العمليات، ربت ايوب على كتفه وتكلم بنبرة أبويه:
-اهدي يا حبيبى متقلقش أن شاءالله هتقوم لينا بالسلامه...
تكلم عدي بتمنى وقال...
-يارب يا عم أيوب أنا هموت من كتر القلق عليها...
تكلم ريان بنبره هادئه وقال..
-يا حبيبى متخافش والله كتير اوى بيولدوا فى الشهر السابع وبيبقى زى الفل...
تكلم سريعا وقال بصوت مختنق:
-انا خايف على نغم اكتر يا بابا لأنها كانت تعبانه اوى المرادتى..
رد عليهم عامر وقال بتوضيح:
-الحمل كله مش زى بعده اهدا كده وان شاءالله هيخرجوا يطمننوا عليهم.
اكمل انس على كلامه وقال:
-يا عم اجمد ومتقلقش كده اومال لو توام زى اللى اختك جابتهم دول كنت عملت ايه مش عايز اقولك ولادتها كانت عامله ازاى ما انت كنت معانا وشوفت كل حاجه...
أومأ زين رأسه بالتأكيد وقال:
-كلنا مرينا بوقت زي ده بس فرحتنا لما نشوفوا حته مننا بين أيدينا بتنسينا لحظه صعبه زى دى وبعدين ما انت مجرب الاحساس ده فى جنة بنتك ادعى ربنا وان شاءالله خير..
جلست قمر على المقعد وتكلمت بدموع:
-يارب قوم بنتى بالسلامه يارب، اجعلها ساعه سهله وفرح قلبها برؤية طفلها معافى مسالم يارب.
ردت عليها بتول وقالت:
-اللهم امين يا حبيبتى ربنا يقومها هى ووليد بالسلامه يارب.
تكلمت اسيل بأبتسامه وقالت:
-قلوبكم فرافير اوى اجمدى يا اختى منك ليها دى ولادة مش قصه يعنى ده ايه الاڤوره دى بس.
وفى ذلك الوقت سمعوا صوت حور وهى تقول بسعاده:
-نغم ولدت والله العظيم ولدت أنا سمعت صوت البيبى وهو بيعيط.
أكدت رهف على كلامها وقالت:
-وانا كمان سمعت صوته وهو بيعيط.
الجميع هنئ عدي بمولودة الجديد وفى ذلك الوقت خرجت الممرضه ومعها الطفل الصغير اعطتهم له وقالت:
-عريس زى القمر ماشاءالله.
تكلم عدى سريعا وقال بتساءل :
-مراتى نغم عامله ايه دلوقتى طمنينى عليها.
ردت عليه بأبتسامه هادئه وقالت:
-بخير الحمدلله وشويه وهتطلع على اوضتها.
تكلمت بتول بدموع وقالت:
-طمنينى على البيبي فيه حاجه علشان مولود بدرى؟
حركت رأسها بالرفض وقالت:
-لا الحمدلله البيبي مكتمل لأن الدكتور كان متوقع أن هيحصل ولادة مبكره فعمل احتياطه من فتره.
أنهت كلامها وأخذت المولود مره اخرى وعادت به إلى الداخل...
بعد وقت خرجت نغم من غرفة العمليات ودخلت غرفه مجهزه بالمشفى.
حاوطها الجميع بسعاده وجلس بجوارها عدي واحتضنها بحب وقال:
-حمدلله على السلامه يا حبيبتى.
تكلمت بصوت ضعيف وقالت:
-الله يسلمك يا حبيبى طمنى وليد عامل ايه كويس ولا تعبان علشان نزل فى السابع.
حركت حور رأسها بالرفض وقالت:
-عريس قمررر بجد ماشاءالله جميل اوى يا نغم.
ابتسمت بسعاده وقالت:
-يعنى الحمدالله مكتمل؟
ردت رهف عليها وقالت:
-اه والله الدكتور كان عامل حسابه لوقت زى ده...
تنهدت بأرتياح وقالت...
-الحمدالله يارب فين جنه؟
اجابتها اسيل وقالت:
-الاولاد كلهم مع دادة سعديه متقلقيش هى هتاخد بالها منهم كلهم..
تكلم عدى وقال بمرح:
-بنتى مع زير البنات ابن انس نهار مش فايت بنتى هتتشقط.
تعالت ضحكات الجميع وتكلم زين من بين ضحكاته وقال:
-لا متقلقش ابنى هيحميها منه اصل عينه منها.
اتسعت عين عدي بصدمه وتكلم بطريقه كوميديه:
-اااه يا شرف العيله اللى اتمرمط فى الطين يا عدي بنتى بتتشقط من ولاد العيله أودى وشي فين منك يا بلد...
ردت حور على عدى بفخر وقالت:
-وانت تطول اصلا أن ابنى ايوب يبص لبنتك ده حتى كله بابا واد تقيل كده ومز فى نفسه..
ردت نغم بنفس اللهجه وقالت:
-بنتى كلها ماما قمر زيها ونفس طبعها...
الجميع نظروا إلى بعض بسعاده وظلت تتعالى ضحكاتهم حتى جاءت الممرضه وأعطتهم المولود نظرت نغم له بسعاده وقالت:
-ماشاءالله ابننا جميل اوى يا عدي ده كله عم وليد سبحان الله...
قبل رأسها عدى بحب وتكلم بسعاده:
-ربنا يباركلنا فيه هو واخته ويجعلهم ذريه صالحه وبارين بينا..
ثم أخذوا من يد نغم واقترب إلى بتول واعطاها الطفل وقال بنبره حنونه:
-وليد ما بين ايديكى يا ماما ملي عيونك منه براحتك..
أخذته منه بيد مرتعشه وقبلت رأسه بدموع وتكلمت من بين شهقاتها:
-نورت حياتى من تانى يا وليد الحب اللى حرمته منه طول ما هو كان معايا هعوضك انت بى يا حبيبى...
كان ريان يتابع ذلك بحزن شديد لكنه شعر بيد تمسكه نظر بجواره وجدها منى احاطها بذراعيه وقبل رأسها بحب و ابتسم لها ابتسامه هادئه..
وبعد وقت حضرت جميع الأطفال بناء على طلب نغم حتى يروا الضيف الجديد بالعائله..
تكلم انس بسعاده وقال...
اللمه دى عايزه صوره جماعيه تبقى ذكرى..
وافق الجميع وتجمعوا حول نغم وفى ذلك الوقت وصلت رغد وتميم وتكلم سريعا:
-استنوا هو انتوا هتتصورا من غيرنا ولا ايه؟
رحب بهم الجميع وانضموا إلى الصوره وقبل التقاطها حضر معاذ وقال بمرح:
-اقسم بالله ازعل واجيب حد يزعل معايا تتصورا من غيري..
ابتسم الجميع وفى ذلك الوقت سمعوا صوت زياد يقول لهم...
-مبرررروك يا ام سحلول يعنى حبكت تسيبى الايام كلها وتعمليها يوم فرحى بس برضه اخوكى مش سهل خلص وجه...
ضربه ايوب بخفه على رأسه وتكلم بنفاذ صبر وقال:
-احترم نفسك يا ابنى منك لله انت ومعاذ فوله وانقسمت نصين اوقف يا اخويا انت ومراتك علشان نتصور...
أحاط ايوب قمره بحب ينظر حوله بسعاده لقد اكتملت العائله اخيرا وعرفت السعاده طريق عائلته قبل رأس قمر بحب وتكلم بصوت هامس:
-اخيرا يا قمرى العيله اكتملت وانتهت الحكايه بسعاده مهما كان مشوارنا صعب ومستحيل بس النهايه كانت مقنعه جدا بالنسبالى ربنا يديم علينا فرحتنا ويبعد خوازيق دودو عننا...
تكلمت قمر بابتسامه وقالت:
-خلاااص مبقاش فيه خوازيق تانى توته توته خلصت الحدوته...
وفى ذلك الوقت التقطت لهم صوره تذكريه لتظل عالقه فى أذهان الجميع....
تمت بحمد الله
