رواية زوجة للبيت فقط الفصل الثالث 3 بقلم زهرة الربيع

بس حسناء قالت بغضب اكبر ...قلت ابعد

جسار  بعد عنها شويه باستغراب وهي وقفت

جسار  بص لها بذهول وقال.... في ايه يا بنت... انتي ملبوسه ولا عندك انفصام في الشخصيه ولا ايه حكايتك

حسناء بصت له بسخريه وقالت.... متقول الكلام ده لنفسك يا دنجوان يا اللي عايز واحده تتلقح لك هنا في البيت عشان تسكت ابوك... ايه اللي حصل دلوقتي ريلت قوي اول ما شفتني ببجامه امال لو لبست قمي  هتعمل ايه 

جسار غمض عنيه بغضب وبصلها وقال ....انا اصلا كنت متاكد من اول ما طلعتي انك بتعملي كده علشان تعاقبيني فهمتك من الاول 

حسناء ابتسمت بسخريه وقالت .....ده مش عقاب ده مجرد اثبات...اثبات  انك حقير وما عندكش مبدا... يعني البنت نفسها اللي ما كانتش عاجباك وابوك فرضها عليك ومكلمتهاش حتى تليفون واحد هيه نفسها اللي عندك استعداد تعمل اي حاجه دلوقتي بس علشان تقرب لها

جسار  وقف وقرب منها وبصلها بتحدي وقال... ما تفتكريش دي شطاره منك ولا دخلتي قلبي حتى...لان  لو معايا سحليه في الاوضه بالشكل ده كانت هتغر...يني انا راجل وعندي دم وبحس مش زي ناس... يا متلجه

 حسناء ابتسمت بسخريه وقالت الناس المتلجه احسن من الناس المدلوقه ...ولسه هتروح تنام

 جسار شدها من ايدها و قال ....السرير ده انا هنام عليه وانت ما تجيش جنبي خالص والا بعد كده ما تزعليش من اللي هيحصلك

حسناء قالت بزهول... يعني ايه الكلام ده انام في الشارع انا ولا اعمل ايه دلوقتى 

 جسار قال...والله اتصرفي عندك الكنبه وعندك الارض

 حسناء كتفت  ايديها وقالت بغضب... يا سلام ما تنام انت على واحده فيهم

 جسار قال بسرعه... مش هينفع للاسف 

حسناء قالت وليه بقى ان شاء الله 

جسار مدد على السرير ببرود وقال ...ببساطه لاني مش متعود اصلا ...واكيد مش هسيبلك سريري وانام في الارض  بس كمان لو حابه تيجي تنامي هنا تستحملي اي حاجه تحصل ..انا مضمنش  نفسي اصل انا حامي حبيتين 

حسناء بصيت له بغيظ من كلامه واخدت  مخده وحطتها على الكنبه وهي بتقول بغضب ...قال حامي قال ..ده الاوضه تلجت من برود اهلك

جسار كان عايز يبتسم وقال... بتقولي حاجه ...سامعك بتبرطمي 

حسناء  قالت بخنقه...ابدا بعطس...اوعى تتعدي...مستفز 

وبقت تحاول تنام على الكنبه وكانت نومتها مش مريحه

 بعد فتره قدرت تستسلم للنوم

جيار  اول ما اتاكد انها نامت راح شالها بالراحه جدا وحطها جنبه على السرير وقربها ليه براحه وقال بهمس.... يخرب بيت جمال اهلك يا ريتني ما اتسحبت من لساني وقلت حاجه... يلا خيرها في غيرها

 وفضل ضاممها ضاممها لحد ما راح في النوم

 في صباح يوم جديد قامت من النوم لقت نفسها بين اديه ابتسمت وبقت تبص لملامحه باعجاب وحطت ايدها على خده وقالت بهمس.... الاحساس نعمه يا جسار يا ريت كان عندك منه 

ولسه هتبعد اتصدمت لما شدها  في ثواني وبص لعيونها جامد وقال ...جسار احسن واحد يحس... بس حتى الاحساس محتاج اللي يحركه... تقصدي ايه بكلامك ده عايزاني احس بايه ...... اللي انا حاسس بيه انت مش عايزه تحسيه معايا 

حسناء ارتبكت قوي وقالت ... بطل قله ادب اكيد ما اقصدش كده... اقصد كنت حسيت على دمك وما جبتنيش هنا على السرير ...مش اتفقنا اني هفضل على الكنبه

جسار  ابتسم وقال.. على فكره اول مره اشوف واحده عيونها تتغير لما تكدب باين قوي على فكره وبعدين انا لو مبحسش كنت سبتك على الكنبه لحد ما رقبتك تتكسر منها

حسناء قالت بغيظ...لا على فكره عادي  ما عنديش مشكله انا مش طريه زيك

 جسار قال بدهشه.... طريه زيك ...انا طري ....معاكي حق انا لو مش طري ما كنتش عتقت اهلك امبارح.... بس ملحوقه 

حسناء بصتلو بخوف وقالت... انت قصدك ايه ابعد عني سيبني بس قرب منها بالقوه

حسناء بقت تحاول تبعده ومش قادره.. بتزعق فيه وتصرخ وتقول... بااااس ايه اللي بتعمله ده انت اتجننت  سيبني سيبنيييي جسااار  كفايه بقى كفااايه

بس خافت قوي لما مسبهاش وقالت .. ماشي يا جسار ....والله ما هسامحك ابدا يا وسخ 

جسار كان عايز يبتسم على طريقتها الطفوليه جدا  وقال... ايه مالك يا جامد ....مش مكنتيش طريه زيي من شويه حصل ايه متدافعي عن نفسك 

حسناء قالت برجاء ودموع....سيبني والنبي يا جسار والله  انا خايفه اوي 

جسار بعد شويه وشدها ليه بقوه وحاوطها جامد باحتواء شديد وقال.... اوعى تقولي خايفه دي تاني طول ما انت جنبي انتي في عصمتي انا ما اقبلش حد من اهل بيتي يخاف مهما كانت علاقتي بيه....و بص لعيونها وقال... طول ما احنا مع بعض سواء كنا على خلاف او على اتفاق خليكي متاكده من النهارده انك في حمايتي واقدر احميكي من اي شخص يأذيكي حتى لو كان الشخص ده انا

ظهرت ابتسامه جميله على شفايفها وسط دموعها وقالت بامتنان... انا متاكده من كده شكرا

جسار تاه في نظراتها الجميله جدا اللي فيها امان الدنيا فيها تقدير كبير جدا ليه اول مره يشوفه من حد ارتبك جدا قدام نظراتها اللي فيها الف كلمه وكلمه مش عارف يفهمها ملقاش قدامه سبيل غير الهروب 

وقف بسرعه وقال ...احم ...المهم يعني كده انك تفضلي عاقله وبلاش  تقلي ادبك  احسن لك...و لسه هيمشي 

حسناء قالت بسرعه... هات 700 جنيه

جسار  استغرب وقال ... 700 ....عايزه فلوس ليه

 قالت بعصبيه وهي بتشاور على البيجامه ...البيجامه اللي قطعتها دي ب700 جنيه ..وتعمل في حسابك اي حاجه هتخسرها لي هتدفع ثمنها 

بقلم...زهرة الربيع

جسار رفع حواجبو بدهشه و فضل باصص لها شويه وقال.....انتي  ايه يا بنت انتي.... انتي ايه بالظبط هتشليني 

حسناء وقفت وقالت بغضب... انا بتكلم بجد.. انا فعلا عايزه حقها

جسار قرب منهاوقال

.. اقسم بالله ما بتفهمي دي بقت اجمل بكتييير  ..بقت الصاروخ كان المفروض من الاول يصمموها كده...لو  اتفتحت بالطريقه دي من الاول كانت على الاقل الشمس تدخل براحتها 

حسناء ارتبكت وقالت ...ما هم ما يفتكروش انها هتتلبس لواحد وقح ذيك  بيحب يبص من الشبابيك ...وراحت تختار حاجه تانيه تلبسها

جسار ابتسم و قرب منها وقال...طب  مش هتقولي ليه واحده مزه زيك كده توافق على جوازه زي دي ليه..مش داخله دماغي حكايه باباكي دي يعني مين دلوقتي بقى يتجوز بالطريقه دي

 حسناء التفتتلو و قالت.... انا مستعده اقول لك كل حاجه بس انت كمان تحكي لي حكايه اللي اسمها هايدي دي وليه كنت عايزها تشوفنا قريبين من بعض وكملت  بدلال وقالت.... لو قلتلي هسيب لك الشباك مفتوح 

جسار ضحك جامد  وقال... والله 

حسناء هزت راسها بالموافقه بسرعه

جسار ضحك بخفه وغمز وقال... انسي ده لو فتحتي البلكونه نفسها مش هقول لك

 ومشي وهو بيبتسم على شقاوتها وكلامها

 واول ما دخل الحمام حطت ايدها على قلبها و اترمت على السرير بسعاده وهيه بتفكر لمساته وقربو

بعد شويه  خرج و بدا يلبس هدومه ويحط برفان وهو بيصفر برواق

حسناء بصتلو و قالت باستغراب...  انت رايح فين 

جسار قال  بابتسامه.... اصل الشله بتاعة الجامعه عاملين يوم مفتوح مع بعض هنتلم فيه من تاني  ويمكن لو عجبنا الجو نقضيلنا اسبوع كده ولا حاجه...يلا انتي كمان اجهزي بسرعه  علشان اخدك اوديك عند ماما لحد ما ارجع ..عشان مش هينفع تفضلي هنا لوحدك 

حسناء بصتلو بدهشه وقالت.... اروح عند ماما اعمل ايه معلش.. انت متخيل انت بتهبب ايه ...تمام هفكرك عشان اكيد اكيد نسيت النهارده صباحيتنا يا جسار....لا ما تتصدمش والله العظيم ومالك عليا حلفان اللهي يجيلي كساح في رجليك الاتنين لو كنت كدابه  وتقدر تسال اي حد من اللي كانوا حاضرين الفرح امبارح 

جسار ضحك بخفه وقال ..اه عارف عندي خبر بالموضوع ده ما تقلقيش بس انا قلت لك من الاول... اي دونت كير... ما يهمنيش بابا وماما نفسهم عارفين ان انا متجوزك عشان يحلو عن دماغي وانت بقى عندك خبر..يبقى خلص الموضوع 

حسناء كتفت ايديها وقالت بغضب شديد.... وانا مش هسمح لحد يذلني اكتر من كده ويبقى جوزي سابني يوم صباحيتي

 جسار اتنهد بخنقه وقال.... و المطلوب 

حسناء قالت بسرعه ....المطلوب تاخدني معاك على الاقل نبقى طلعنا مع بعض يوم عسل او اسبوع  اختصار لشهر العسل...لان اكيد  يعني  مستحيل واحده تفضل معاك شهر سالم في العسل 

جسار ضحك وقال... للاسف مش هينفع دول كلهم صحابي من ايام الجامعه اخذك  اعمل بيكي ايه

حسناء  قالت بسخريه ....تاخدني و تقول لهم المدام ولا مش عايز تقول لهم انك اتجوزت 

جسار اتنهد وقال..عادي  لو جات مناسبه كنت هقول لهم اكيد يعني 

حسناء قالت بحزم...بص متصدعنيش ما اهو يا هتاخدني معاك يا اما انت نفسك مش هتروح  ....لاني هروح لاهلك واعملك مشكله واعيط لباباك ومامتك وهاتك يازن بقى وشوف هتروح ازاي 

جسار بصلها بدهشه وقال ....انت بتهدديني يا بت 

حسناء قالت بسرعه...ايوووه كده بالظبط  ..ها البس انا  ولا تقلع انت وووو