رواية الحان عمري الفصل الثالث
فريد زق النضاره على عيونه بتوتر وبقى يبصلو طالع نازل وهو مش مصدق الي شايفو بلع ريقه بارتباك وقال…احم..لا طبعا معنديش مانع ولا حاجه…بس…بس اه…انا وجاي هنا…سمعت ان البوليس هيفتش المنطقه دي فجيت احذركم
فريد اول ما قال الجمله دي والجمع كلو جري كلو عايز ينفد… بعد دقايق مكانش فيه غير صاحب المكان الي قرب منو ومسكو من
قميصه پغضب وقال…عارف لو مكانش فيه بوليس
بعد ما قطعت عيشي وطفشت الزباين…عارف هعمل فيك ايه
فريد قال پغضب مصتنع..نزل ايدك…ايه السفاله دي..خيرا تعمل شړا تلقى…الحان يلا بينا المكان ده مش من مستوانا…ناس بيئه بجد
الحان كانت بتبصلو وبتضحك بس وهو شدها من ايدها واخد الشنط الي جابها وخرج قدام الراجل وهو بيبصلو بزهول
بعد نص ساعه كانو في المحطه فريد كان باصص لها پغضب وغيظ وقال..اعمل فيكي ايه…امشي نص ساعه ارجع الاقيكي بتترقصي وبتبيعي هدومك..يعني اصرف كل الي معايا علشان اشتريلك لبس وانتي بتوزعيه على الخلق
الحان
كانت بتبصلو جامد وقالت بهدوء…ايه الي لابسو على عينك ده
فريد استغرب جملتها واتنهد وقال…عارفه ..الواحد محتاج حد زيك في حياتو علشان يفصل..يعني اكون بتكلم في موضوع وانتي تكلمي في موضوع تاني…على العموم يا انسه الحان…دي نضاره…لابسها علشان نظري ضعيف…مش بعرف اشوف كويس من غيرها
الحان سكتت شويه وقالت..اااااه..اعمى يعني…اه…اعمي…فهمت انت اعمى… اعم
فريد قال بزعيق ..مخلاص يا اختي سمعت انتي بتعايريني ولا ايه…على العموم ماشي اعتبريني كده…شوفي انتي لازم تغيري لبسك ده …علشان الناس الي في القطر متشكش
الحان قالت بسرعه…تمام…عندي فكره..انا اخد لبسك..وانت تاخد لبسي… ايه رايك
فريد اتنهد وقال…هو انا المفروض البس لبسك..علشان الورطه الي حطيت نفسي فيها…بس شكرا انا جبتلك لبس جديد يلا قبل القطر ما يجي لازم تدخلي الحمام وتغيري
وفعلا اخدها وډخلها الحمام ولبست الدرس وكان جميل وطويل وواسع شكلو محترم ويجنن عليها بلون فاتح بيذيد من جمالها اول ما طلعت بصتلو وقالت..ها..ايه رأيك…حلوه صح
فريد بصلها شويه باعجاب ونزل عيونه وقال..احم..اوي..ماشاء الله جميله جدا يا الحان..حلوه زي اسمك
الحان ابتسمت وفريد قرب فتح الشنطه وطلع منها حجاب بلون الفستان ولبسهولها وظبطو عليها وقال..بس كده بقيتي قمر
الحان بصت في المرايه باستغراب وقالت..بس انا ..انا مش محجبه
فريد فرح جدا انها افتكرت حاجه عنها وابتدت ترجع للواقع قال بلهفه…وايه كمان…فاكره حاجه تانيه..فاكره اهلك…والدك مامتك..اي حد من اهلك
الحان اتحولت ملامحها لحزن رهيب وقالت…اهلي..انا معنديش اهل ماما ماټت وبابا …بابا باعني..باعني وقبض تمني
فريد كان بيسمعها باهتمام وهو متأثر جدا بدموعها الي بقت تنزل وهيه بتقول…انا…..انا يتيمه…ايوه..يتيمه معنديش اهل…انا مبحبش اهلي..ولا الزمالك ..وبقت تضحك فجأه وقالت…حلوه ولا الزمالك دي صح…ههههههه
فريد اتنهد بيأس وضحك وقال…ماشي يا سخيفه..انا غلطان اني بسمعك اصلا…على العموم انتي قولتي انك مش محجبه…تقدري تقلعيه ومد ايده هيشيله بس الحان مسكت ايده وبصت في عنيه وقالت..لا…سيبو..هلبسو علشان منك…وعلشان حلو زيك…ومميز… زيك
فريد كان بيسمعها بدهشه وتاه في نظراتها الجميله وقال…احم…هو حلو علشان انتي لبساه
الحان لسه هتتكلم القطر وصل شدتو من ايده وقالت بفرحه..القطر وصل يلا وبقت تجري
فريد ضحك علي حركاتها وجري ونط في القطر وشدها وركبو
بعد شويه كانت الحان قاعده بتتفرج في مجله جبهالها فريد ومبسوطه وفريد كان بيبصلها بابتسامه جميله
لحد ما ركبت ست ومعاها طفل وقعدت قصادهم بس
مفيش ثواني والحان ضړبت الطفل وقالت پغضب…بتبصلي كده ليه..ها بتبصلي ليه…انت عن الست وابنها وفضل خاېف تمسك في حد تاني لحد ما وصلو قرية صغيره في الارياف ونزل وبقى يسأل عن بيت الست الي لقا عنوانها في ملف الحان
بعد تعب وصلو لبيت قديم وصغير اول ما خبط الباب فتحت ست كبيره في العمر واول ماشافت الحان اټصدمت
في الوقت ده كان شوقي قالب الدنبا على ألحان وعمل ابلاغ ان فريد خطڤها وعمل اعلان وقال انها مجنونه وخطړ على الناس وكان بيعمل المستحيل علشان يلاقيها
شوقي كان قاعد في المكتب وبيفكر ومضايق جدا وجالو اتصال
اول ماشاف الرقم نفخ بضيق وقال…عايز ايه
الشخص الي بيكلمو قال…البنت صحيح اتخطفت
شوقي قال…اه يا اخويا اتخطفت…ولعلمك لحد ما ترجع ملكش عندي حاجه
المتصل قال بضيق…ليه بس..وانا ذمبي ايه
شوقي قال…ذنبك انك معرفتش تربي تمام..معرفتش تربي خالص…قال كده وقفل في وشو وقال پغضب..هلاقيكي…هلاقيكي يا الحان لو ههد الدنيا هد
عند الحان اول ما راضيه شافتها اخدتها بين اديها وقالت …الحان..يا حببتي يا بنتي كنتي فين يا الحان
الحان بصت لها بدموع ووللحظات افتكرتها وقالت..اذيك يا خالتي
فريد اتفاجأ وفرح جدا ودخلو والست راضيه ضايفتهم وكانت عندها احفادها اطفال والحان بقت تلعب معاهم وفريد كان قاعد مع راضيه
راضيه بصتلو وقالت…هو انت لقيت الحان فين..وليه تصرفاتها بالشكل ده..هيه البنت لسه تعبانه
فريد قال…انا علشان كده جتلك…انا لقتها في المستشفى الي انا شغال فيه…مستشفى للامړاض العقليه..وانا الي هربتها من هناك
راضيه بصتلو بزهول وقالت…امړاض عقليه..البت اټجننت..منك لله يا رزق انت وشوقي حسبي الله ونعم الوكيل
فريد اول ما سمع اسم شوقي قال بسرعه…شوقي مدير المستشفي انتي تعرفيه
راضيه قالت..انت باين عليك ابن حلال معني انك هربتها ودورت عليا كل ده تبقى جدع وطيب وانا هحكيلك كل الي حصل…انا ابقى خالة الحان اخت امها الله يرحمها ..ورزق والد الحان كان شغال عند شوقي فراش في المستشفى…وفي يوم شوقي شاف الحان…وعجبتو جدا وطلب يتجوزها
فريد قال پغضب .يتجوز مين… دي اصغر من بنتو
راضيه قالت…بس يا بني محدش قلو كده..والدتها اټوفت وابوها وافق…واخد منو فلوس كمان مقابل انو يجوزهالو ..مش بس كده كمان محدش قلها حاجه جوزها بتوكيل عملاهولو ..وقبض التمن..البنت اول ما عرفت ولقت نفسها معاه خاڤت قوي وجاتها صډمه نفسيه..بعد كده شوقي اخدها وسافر ومعرفتش عنها حاجه
فريد لما قالت كده فهم
كل الحوار وفهم قصد شوقي من الي عملو مع الحان كان عايزها تقبل بيه بس هيه رافضه قال باستغراب..الي مش فاهمه ازاي اب يعمل في بنتو كده
راضيه قالت…مش هكدب عليك…الحان مش بنتهم اماني اختي مكانتش بتخلف وفي يوم وهيه راجعه من عندي على القاهره لقت الحان في القطر ومكانش معاها غير ورقه..مكتوب فيها اسمها وان الي يلاقيها يوديها ملجأ..البنت صعبت عليها وحبتها قوي..واصرت
على رزق انها تربيها وفعلا…ربتها وكبرتها وعمرها ما قبلت تعرفها انها مش امها
فريد اتنهد وقال..معني كلامك ده ان الحان ملهاش حد من اهلها اسبها عندو
راضيه قالت..ليه وانا روحت فين..انا معاها …بس…بس شوقي عارف بيتي ولازم هيجي يشوفها هنا
فريد قال بسرعه..لا طبعا انا مستحيل اسبها…فريد قال كده باندفاع بس خد بالو من جملتو وقال قصدي يعني احم…انا لازم اشوف ايه العلاج الي اخدتو…واضح من كلامك انها اټجننت بعد ما ډخلها المصحه ويمكن يكون ادها ادويه غلط..انا لازم اتصرف
راضيه ابتسمت وقالت…اممم…ايوه…اكيد طبعا لازم نشوف العلاج…شوف انتو هتباتو الليله دي…بس بكره من الفجر تطلعو من هنا على دمياط ابني هناك هو شغال دكتور تحاليل..هتصلكم عليه وافهمو..وانت بعد كده تشوف علاجها المهم انك تبعدها عن الي اسمو شوقي ده
فريد اتنهد وقال..مدام طلع جوزها…كده الموضوع اتعقد…بس انا هتصرف ..اكيد مش هسيبو يدمرها اكتر من كده …وافتكر ملامحها البريئه وقال…حرام الي اتعمل فيها دي زي الملايكه بالظبط
في اللحظه دي كانت الحان شاطت الكوره بكل قوتها جات في دماغ فريد وقع من على الكرسي
فريد بصلها بزهول والم والحان ابتسمت بحماس وقالت…جوووووول…اتنين واحد يا شباب
بالليل كانت الحان نايمه جمب خالتها بعد ما حمتها وسرحت لها شعرها وغيرت لها هدومها وبقت عسوله ونيمتها بصعوبه
ومع طلوع الفجر الباب خبط جامد
وفريد قام مڤزوع والخاله جريت على الباب وجالها شاب وقال..خاله راضيه فيه راجل عند المحطه ومعاه رجاله زي الحيطان وبيسألو على بيتك
