رواية الحب و الندم الفصل الثالث بقلم مارلى ايهاب
في صباح يوم جديد صحي كريم واخد دوش وكانت مامته قاعدة مستنية يصحي وكان باين عليها الحزن
كريم بحب... صباح الخير يا ماما
مريم بحب.... صباح النور يا حبيبي هقوم احضرلك الفطار
كريم.... لا لا خليكي مرتاحة انا هفطر في الجامعة
مريم... لا يابني كل لقمه قبل ما تمشي انا عارفة انك لا هتاكل ولا هتشرب تعالي هجهزلك الفطار واشرب الشاي وامشي
كريم بحب..... ماشي يا ماما خليكي وانا هجيب و الفطار و هعمل الشاي خليكي مرتاحة
مريم... لا يابني انا هعمل
كريم بهدوء قبل راسها..... ارتاحي وانا هعمل كل حاجه تمام متتعبيش نفسك
و سابها ودخل المطبخ وهي قالت..... ربنا يخليك يابني و يوقفلك ولاد الحلال قادر يا كريم
كريم في المطبخ سخن الفول وطلع العيش وعمل الشاي وحطهم علي الصنية وخرج وحطهم علي تربيزة صغيرة
كريم.... اتفضلي ياست الكل بألف هنا وشفا
مريم بحب.... ربنا يخليك يابني اقعد كُل يلا يابني
وفضلوا ياكلو
مريم سألته..... ها يبني بعد الجامعه هتروح الورشة
كريم... ايوه يا امي هروح الورشة وهاجي علي الساعة واحدة كده لاني عندي شغل كتير
مريم بحزن.... طب مش هتجي تتغداء
كريم... انا باكل في الشغل متقلقيش يا حبيبتي المهم انتي تاكلي وتاخدي الدواء تمام يلا انا كلت الحمدلله اتفضلي ياماما تلاتين جنية مصروف الهانم اللي نايمة علشان تروح الجامعة وميه جنيه للبيت وده كل اللي معايا
مريم.... ربنا يخليك يا بني متشلش هم ياحبيبي انا هتصرف وهعمل اي حاجه انهاردة روح انت علشان متتأخرش
كريم... مع السلامة
مريم.... مع السلامه ياحبيبي
وخرج كريم علي كليته ماشي علي رجله لانه معهوش فلوس يركب بعد نصف ساعة ووصل ودخل كانت محاضرته بدات من عشر دقايق
وخبط ودخل والدكتور زعق ليه وقال...... حضرتك جاي متاخر ليه يا استاذ ولا احنا تحت امرك تجي في اي وقت
كريم بإحراج قدام زميلاه.... اسف يا دكتور بس انا الطريق كان زحمة واتأخرت علي ما وصلت هنا
الدكتور بحدة..... اتفضل وياريت اللي حصل ده ميتكررش تاني اتفضل
دخل كريم وهو محروج من الموقف ده وقعد وابتداء يركز مع الدكتور وشرحه وكان شغال معه و بيجاوب علي اي سأل الدكتور يطرحه علي الدفعة والدكتور اعجب بشطارته وكان بيشكر فيه
وبعد مرور ساعتين المحاضرة خلصت وكان كريم طالع والدكتور نادي ليه وقاله.... استنني في المكتب يا كريم
كريم بهدوء..... حاضر يا دكتور
وراح ناحية المكتب بتاعه واستنه هناك لغاية ما شافه جاي عليه
ودخلوا الاتنين المكتب والدكتور قال.... اقعد يا كريم
كريم قعد
الدكتور بهدوء..... نصيحة مني يا كريم بلاش تهمل مواعيد المحاضرات بتاعتك انا شايفك شاب ممتز بس مش بتجي كتير ولما بتجي بتجي متأخر وانا مش عايزك تتضيع الشطارة دي في اشياء ملهاش لازمه انت لما تتخرج من هنا هتبقي حاجه كبيره اوي يا كريم
كريم بدموع بيحاول يداريها.... ساعات الدنيا بتضطرنا نعمل حاجات غصب عنها وحاجات خارجة عن ارداتنا وبتدينا مسؤلية كبير وانا لسه صغيرين
الدكتور.... ايه هي الحاجات اللي تأخرك عن دراستك اللي هي اهم حاجه في حياتك المفروض
كريم بهدوء.... لا في اهلي اللي لازم اصرف عليهم في انا ومصاريف الكلية والملازم والذي منه وعلي راي المثل اللي ميعرفش يقول عدس والناس اللي بتشوفه انه شاب مستهتر بيجي محاضراته متأخر علشان كان سهران بره البيت وصايع لا يا دكتور انا واحد تعبان طول اليوم وهخرج من هنا علشان ورايا شغل في وراشة بخلصه علي الساعه واحدة ولا اتنين بليل واللي هيشوفني هيقول عيل صايع ملهوش اهل يربوه انا بجد يادكتور عندي اللي اهم من دراستي
الدكتور بإحراج..... انا اسف يا كريم بجد اسف اني فعلا فكرتك مستهتر بس ربنا هيعوضك خير علي قد التعب اللي بتعمله ومتحملش هم المحاضرات اللي هتروح عليك تعالي اي وقت وانا هشرحهلك من تاني
وادله الكارت بتاعه وطلع مبلغ من جيبه وقال خد دول خليهم معاك
كريم بعزه نفس.... اسف يا دكتور انا مش حكتلك ظروفي علشان حضرتك تعطف عليا وتديني فلوس لا انا مش محتاج ابدا انا الحمدلله ربنا سترها معايا مش محتاج شفقة ولا صدقة من حد
الدكتور بإحراج.... ليه بتقول شفقة وصدقة اعتبرهم. سلفة ولما ربنا يفكها ابقي رجعهم انت زعلان ليه
كريم بعزة نفس.... شكرا مش محتاج سلفة انا ربنا مديني وزيادة متشكر لحضرتك ولكرمك حضرتك محتاج مني حاجة
الدكتور بإحراج.... لا اتفضل
كريم.... بعد اذنك
خرج كريم حتي من غير ما ياخد الكارت وراح علي الورشة وشاف احمد واقف و الاسطي واقف بيزعق ليه واول ما شاف كريم قاله هو كمان بزعيق... اهلا بالبشمهندس اللي جاي متأخر ايه ياحبيبي ما كنت تستني شوية كمان
كريم بهدوء... مانا مستأذن من حضرتك اني هروح الكلية انهاردة وهجي علي الساعة اتنين
الاسطي بعصبية..... بقولك ايه يلا انت وهو اسمع مني كده الكلمتين دول انا من النهاردة محدش يطلب مني انه يروح الكلية تاني يا حلوين لو عاوزين تتعلموا متشتغلوش يا كده يا تمشوا متورنيش وشكم تاني بلا قرف علي الصبح شوف شغلك يا بيه انت وهو
وسابهم ومشي وهو متعصب واحمد وكريم دخلوا يغيروا وهما مديقين اوي اوي
احمد بضيق... هنعمل ايه دلوقتي ياعم
كريم بضيق..... مش عارف يا احمد هنعمل ايه بس لو سبنا هنا حلني بقي لو لقينا شغل تاني يقبل يشغلنا
احمد بزعل..... ربنا يحلها تعالي نشتغل بدل ما يقرفنا اكتر من كده
لبسوا هدومهم وشافوا العربيات اللي محتاجة تتصلح وابتداء يشتغلوا
///////\//////\//////\/////\//////\///////\///////\////////\/////
عند ندي في الكلية كانت واقفه مع كاميليا وكرم وفادي وبنت اسمها ريم
كاميليا........ ها يا ندي هتيجي تاكلي معانا انهاردة
ندي.... فين
كامليا...... في مطعم جامد جامد جدا لسه فاتح جديد
ولا انتي معكيش فلوس تجي معانا متشليش هم هدفعلك
كلهم ضحكوا عليها وهي اضيقت لكن مبينتش
وقالت بهدوء عكس اللي جوها..... لا طبعا معايا فلوس وجاية معاكوا
كاميليا..... خلاص يلا هجيب الشنطة بتاعتي وهاجي يلا كرم تعالي
وفادي برخامه حط ايده علي كتفها وقال..... سيبك منها ملكيش دعوه بالفلوس رقبتي سدادة
ندي زقت ايده بضيق....... ابعد ايدك دي عني انت سامع ومتحطش ايدك عليا تاني وخلي فلوسك لنفسك انا مش محتاجها في حاجة انت سامع
وسابته ومشيت وهو ابتسم بخبث.... مسير الجميل يقع تحت ايدي في يوم
ومسك ايد ريم وقالها.... تعالي يا بطل
وريم ضحكت ضحكة خليعة وقالت.... يلا يا بيبي
وخرجوا وندي راحت عند اسراء وشافتها وقالت اسراء معاكي فلوس
اسراء اتخضت... ايوه في حاجه ولا ايه
ندي بسرعة.... هاتي فلوس الاول بس وبعدين هحكيلك
اسراء طلعت 300 جنيه من شنطتها وادتهم لندي
وندي قالتلها شكرا ومشيت بسرعة واسراء استغربت
وروحت علي بيتها وشافت هادي واقف في البلكونه بتاعته وكأنه منتظرها اتكسفت جدا ودخلت بيتها وخبطت ومامتها فتحت ليها
اسراء... ازيك يا ماما
مامتها واسمها فاطمة.... ابوكي عاوزك جوا
اسراء بخوف... ليه ياماما في حاجه
فاطمة بهدوء... تعالي معايا هو قاعد في الصالون
دخلت وهي خايفة
باباها عماد.... اسراء هسالك علي كام سؤال وانتي عليكي تجوبيني بصراحة وانا هصدقك يا اسراء
اسراء بخوف وتوتر.... اتفضل يابابا
عماد وقف وقال...... هادي ليكي كلام معه
اسراء بسرعة ونفي... لا لا ولهي
عماد بنفس النبرة الهدوء...... ولا حتي مره
اسراء قالت بخجل وهي منزله راسها في الارض.. مره واحدة لما طلب رقم حضرتك علشان يجي يتقدم
عماد... بس
اسراء بدموع..... اقسم بالله بس ولا عمري كلمته ولا شوفته
عماد بهدوء.... طب انا مش موافق عليه
اسراء بدموع... ليه بس يا بابا شاب محترم وجارنا وتعليم عالي
عماد.... عندي عريس احلي منه واحسن منه ليكي. وانا موافق عليه اما هادي انا مش عاوزه
اسراء بدموع... بس
عماد بهدوء.... معترضة ليه مش بتقولي ملكيش كلام معه في ايه يا اسراء ولا انتي بتكدبي
اسراء بدموع وسرعة... لا وللهي يا بابا ما كدبت بحرف بس انا معجبة بهادي مش اكتر
عماد... وبتقوليها عادي كده.
اسراء بدموع... حضرتك معدتنيش اكدب
عماد بهدوء.... بس انا مش موافق عليه وده اخر كلام عندي يا اسراء وانا هدي صحبي معاد علشان يجي هو وابنه يتقدمه ليكي
اسراء بدموع... اللي تشوفه يا بابا عن اذنك
وجريت اسراء علي اوضتها ومامتها قالت بحزن.... هادي محترم وكويس يا عماد وبدام البت عاوزه خلاص يا عماد وافق عليه.
عماد بهدوء.... وللهي والراجل اللي اديته كلمه ده ايه اصغر نفسي قدامه
فاطمة بحزن... طب وهادي مانت اديته معاد
عماد... هو هيجي البيت لما كلمني مقلش هو جاي ليه واكيد مش هقوله انت جاي ليه لما يفتح الموضوع هقوله ان اسراء حد متكلم معليها وانا اتفقت معه علي كل حاجه وخلصنا
فاطمه سكتت بحزن
اما اسراء كانت في غرفتها تبكي بشدة
😭😭😭😭😭😭😭😭😭😭😭😭😭😭
في البيت عند مصطفي كان يجلس مع مراته وولاده والدته واخته
سيلا مراته محامية اتعرفت عليه في قضية مشتركة بينهم حبته واتجوزته وسابت الشغل علشان تتفرغ ليه وللبيت والاولاد
سيلا بنت جميله شعرها اسود مش محجبه متوسطة الطول عينيها زرقاء وبشرتها بيضاء وجسم مشوق
عندها 29 سنه
ماجدة والدة مصطفى بتعامل سيلا معامله سيئة لانها كانت عاوزة بنت اختها هي اللي تتجوز ابنها وبتشغلها خدامه عندها هي وبنتها رغم ان البيت بيتها وهما اللي عايشيين معاهم علشان ميقعدوش لوحدهم من غير راجل لان جوزها اللي هو ابو مصطفي متوفي
ريهام اخت مصطفى عندها 33 سنه لسه متجوزتش وعايشة مع اخوها ومراته في البيت وقاعدة ومشغلين سيلا عندهم خدامه وساعات بيضربوها وهي اللي مش بتتكلم
بنت جميلة ولكن الجمال من بره وليس من جوه سيئة
ياسمين اخت مصطفى عندها 26 سنه متجوزة شاب اسمه محمد شغال في بنك موظف ونفس شكل مصطفي عيون عسلي فاتح وبشرة بيضاء ومتوسطة الطول
محمد زوجها رجل نحيف الجسم وبشره قمحية وعيون بني عنده 28 سنه
اسر ابن مصطفي عنده 5 سنين واخد شكل مامته
عشق و همس اخوات تؤام عندهم 3 سنين واخدين شكل ابوهم
دول اسرة مصطفي اتعرفنا عليهم
كان قاعد مع اسرته علي السفرة بيتغدوا وكانت همس بنته علي رجله وبيأكلها وسيلا عامله كده مع عشق
ماجدة بيضيق..... متسيب يابني البت واقعد كل وامها تأكلها وبعدين هي مش صغيرة يعني علشان حد يأكلها
مصطفي ابتسم... انا بحب اكلها وبعدين سيلا بتاكل عشق اهي
ماجدة .... وللهي انتوا بتدلعوا العيال دي
مصطفي ابتسم... لو مدلعنهمش دلوقتي هندلعهم امتي بس يا ماما
ريهام بضيق.... والاكل ده الملح زيادة فيه ليه يا سيلا انتي مش عارفه ان ماما ضغطها بيعلي من الملح وبعدين كل الاكل فيه كمية زيت كبيرة قليلي شوية من الزيوت دي
مصطفي اضيق من طريقة كلمها وقال... في ايه ياريهام لو خايفة علي امك اوي كده انتي الاولي انك تخلي بالك منها ومن اكلها ومتكلميش مراتي بطريقة دي تاني مش كفاية واقفة علي رجليها عشان تطلع الاكل ده كله واكيد محدش ساعدها بحاجة
ريهام بضيق.... انت مش همك صحة امك بقي
مصطفي..... اذا كانت بنتها مش هممها لا طبعا انا يهمني صحة امي بس انا مش هدخل المطبخ واطبخ علشان صحة امي انت موجود اخدمي امك واعملي الاكل بتاعها قليل في الملح لاني انا مش بعرف اكل الاكل ملحه قليل يبقي اعمل اكل امك لوحدك
ماجدة بضيق.... انت بتكلم اختك الكبيرة كده ليه مش خايف علي صحة امك وبعدين فيها ايه يعني لو مراتك عملت ليا اكل مش هتخسر حاجة يعني يا مصطفى واختك خايفة عليا مش اكتر
مصطفي بهدوء.. وللهي يا امي اختي قاعدة مش وراها لا شغله ولا مشغله يبقي الاولي انها تهتم بيكي انا مراتي مهتميه ببيتها وولادها وبيكوا انتوا كمان بس انتوا مش بتقدروا تعب الواحد انا كلت يلا يا ولاد اللي كل يقوم يغسل ايده
سيلا وولادها قاموا وسيلا دخلت اوضتها بعد ما غسلت ايدها وهي مضايقة وواقفة في الاوضة
مصطفى قرب منها وقال بحب.... مالك يا سيلا قلبي
سيلا بحزن... نفسي ارضي امك واختم بس مش عارفه ليه كل حاجه بعملها مش بتعجبهم
مصطفى... مش مهم تعجبهم المهم تعملي اللي يرضني انا وولادك هما لا حبيبتي مش معني انها امي اني هقف معاها في الغلط لا طبعا انتي مراتي وكرامتك من كرامتي وعمري ما هقبل عليكي حاجة تضيقك نهائي
وبعدين قال بمشاكسة..... هو احنا هنقضي الكام ساعة اللي قاعدهم علي امي واختي خلينا في نفسينا
سيلا بخجل.... اتلم يا مصطفى
مصطفى بمشاكسة.... اتلم هو انا عملت حاجه وبعدين يا قلبي انا اقصد نشغل التلفزيون ناكل فيشار نتسلي بس انتي اللي دماغك مش سلكة خالص يا حبيبتي
سيلا بخجل ضربته علي صدره.... تصدق انك غلس ورخم واوعي كده مفيش فيشار
ولسه هتمشي مصطفي شدها من ايدها وخبطت فيه وقرب منها وعيونه في عيونها وقال بحب...... تعرفي اني بحبك اوي يا سيلا وبحب عيونك الزرقاء اللي عامله زي البحر وقبلها قبله شديدة وهي بدلته بحب
وابتعد وهو يلتقط انفاسه وبحب قلبك الجميل
وقبلها قبله شديدة اخرة وهي بدلته بحب شديد
وهنا تسكت شهرزاد عن الكلام الغير مباح
