رواية نارا حيدره الفصل الثالث والأربعون بقلم نمارق رحيم
حيدرة :-
فتحت عيوني ببطئء، صار الضوه عليه، حركت ايدي بصعوبة والالم بدء يقتحم راسي..
اباوع علئ اركان الغرفة بيها اجهزة ،،،،
واضح انا بالمستشفئ ،،،،
غمضت عيوني احاول اتذكر شنو صار و شلون اجيت اهنا، ومنو نقلني ؟، كل الاتذكرة صوت رصاص وصوت رغدي اتگلي بابا خايفا ،،
وامي تصيح وتگول ياعلي دخيلك احمينه
بعدها انضرب راسي بالستيرن وماسيطرت علئ السيارة،
ماحسيت علئ شيء بس راسي كله دم وبعد فقدت الوعي ..
حاولت ارجع تركيزي وصحت بصوت عالي حتئ يجي احد،
دخل دكتور وهو يگول :- انت كعدت من الغيبوبه !! الف الحمدلله والشكر
... استغربت، غيبوبه شنو ؟
صارت عيني علئ ورقة ملصوقة گبالي، بيها جدول الايام،
مأشرين علئ اليوم وهو 28 بالشهر ثلاثاء ...
شنو هذا !! معقولة كل الايام المضت چنت نايم ؟!
طلع الدكتور وگال :- نازل للطابق الجوا اصيح لعائلتك .
.... طلع وانا احاول اگوم بعدت الغطاا وگمت رجلية حاس بيهن كسر بس گدرت امشي عليهن بس !! بخطوة ليكدام وليورا ماگدرت امشي طبيعي
اعاين ايدي اليسره، ملفوفه وچنها مچبسه، ماگدر احرگ اصبع منها
فتحت الباب، وطلعت من الغرفة ،،، منتچي علئ الحايط وامشي
كل بالي رغدي وامي، اريد اطمئن عليهن واشوف وضعهن، شيء اكيد متأذيات
حسيت علئ ايد لزمتني، حسيتهاا ناردين !
التفتت وفعلاً صارت هيه بوجهي،
ناردين:- وينك وين رحت خفنه عليك وگفت گلوبنه صدك تحچي شلون تطلع من الغرفة ياحيدررا..
باوعتلها بأستغراب.. ليش جايه هنا ويمته اجيتي !
ناردين:- صارلي 13 يوم
- شنوو 13 يوم !!!!
-اي يلا تعال ارجع لغرفتك..
لزمت ايدي وگفتها سألتها.. شعندچ جاية اهنا جاوبيني..
ناردين..سكتت ما جاوبتة ... اجاا رائد يركض هو وحسن وسالار..
لزمو وصاحو بي.. هاي سوايه تسويها هسه گعدت من الغيبوبه وتطلع خفنه عليك..
-ليش واذا طلعت..
حسن:- ماكوو بس تعال وياي حبيبي يلا امشي نرجع للغرفة..
- رايد اشوف امي وبنتي، خاف حالتهم خطرة رايد اشوفهم اتذكر الحادث صار قوي ،
وينهم هماا بهاي المستشفئ موو ؟
الكل سكت ماعدنه القوة نگوله على الصار..
حيدرة:- هاا احچو امي بيها شيء؟ صاير عليها شيء رغدتي؟ احچوو يابه احچووو..
سالار:- قوي گلبك حيدرة..
حيدرة:- گلبي من يوم يومه قوي بس گولولي وريحوني مابيهم شي مو! حساني جاوبني احچي..
حسن :- امي و رغد ماتن بيوم الحادث
راد يحچي توگف على كلام حسن ظل يباوعله بصدمة بقى صافن بوجهه وساكت..حسيته بلحظتها الخبر اجه مثل الصاعقة على گلبه..
حضنو وهو بقى متجمد بمكانه ما حچه كلمة عينه عليهم وعليه كأنو يگلي گوليلي كلامهم چذبه مو صدگ..
سالار:-الك الله ياخوية..
لزم قميص حسن وگال حساااني كول چذذب الله عليك شجااي تحچي شنو شنو ماتو !!
سكت وهو يهد بي ويگله گول امي ورغدة گلبي ما بيهم شيء بداعتي احچي لا تشاقة حسن همه عايشين مو جاوبني لا تورم گلبي..
اجه حضنه حيل اهنا عرف حيدرة بكسرته..
صاح :- لج يمة رغيدة اخخخ ياااالله صبررررك ياااااالله
صارو يبچون علت اصواتهم حسيت حيدرة
رح يوگع وصدك راد يطيح حضنته وذب حمله عليه وغمض عيونه..
راحو الولد يصيحون للدكتور اجاا الدكتور يجر بالسدية شالو ودخلو بالغرفة ..
بقئ لليل متمدد نايم بسبب المخدر واني كاعدة كباله اقرا قران وكلهم واكفيين منتظرينه يگعد ..
تالي گعد اجه حسن گعد يمه وهو ساكت ما گال شيء بس يتنهد..
سالار:- الحمدلله على سلامتك حبيبي الله يصبر گلبك ياخويه..
حيدرة:- شنو سبب الوفاة؟..
حسن:- تصاوبن طلقة..
حيدرة:- دفنتوهن..
سالار:- اي من اسبوعين..
رائد:- الي هاجموك عدمناهم..
سكت تالي گال اطلعو رايد ابقى لوحدي..
هزو راسهم (اي) وطلعو بقيت واكفة سالار انتبه عليه وخزرني اشرلي بحاجبة اطلع وياهم..
وگفت يمه وگلتله انتو روحوا بس شوي واجي اريد احچي وياه..
سالار:- شتحچين امشي وياي ناردين..
ناردين:- دقايق انتظرني..
سالار:- تمام لا تتأخرين..
-اي ماشي..
سديت الباب ورجعت گعدت على الكرسي يم چربايته..
-حيدرا شلون صرت..
-شتشوفين..
-ربي يصبر گلبك..
لزمت ايده وگلتله اعرف گلبك قوي رغم مايتحمل فقدان اثنين اعزاز عليه.. بس هذا يومهن وكلنا على هذا الطريق الله يرحمهن..
حيدرة:- والنعم بالله.. امي عذاب گلبي الله يرحمها هم صبرت وتحملت هواي خل يرتاح ابوي.. اخخ ورغدتي طير بالجنة..
-ادري بيك تتصنع القوة والصبر واعرفك بداخلك تريد تصرخ وتريد اطلع الي بگلبك، اني موجودة حيدرة صيح وابچي بس لاا تبقى ساكت..
حيدرة:- المشكلة ياناري ما اگدر..
-ليش احچيلي..
حيدرة:- ما اضعف گدام احد حتى لو وي نفسي..
-بس هيچ رح تتعذب هواي..
-ناردين عوفيني وحدي..
-ما اطلع وانت بهاي الحالة..
-بروح الغوالي اطلعي منتهي انه كلش..
-رغم ما يخليني گلبي اخليك وحدك بهالحالة بس طالعة..
-ممنون..
گمت نزلت جواا واحچي بگلبي..هو حقة شما يكون ما الومه الله ينطي الصبر صعبة عليه خسارة چبيرة..
جاي امشي صار گبالي شخص وگفت وهو وگف..
الضابط قيس :- السلام عليكم
مسحت وچهي وجريت نفس جاوبته.. اهلاً وعليكم السلام..
قيس:- اهلاً بيچ الضابط رائد موجود؟..
- منو هذا، ماا اعرفه
- اعتقد يصير نسيبج
- ما عندي نسيب
-شنو!..
-هاا اعتذر اخوي يجوز موجود يم الدكتور.. اترخص
-اها اشكرچ تعبتج..
-عفواً
- انتي شنو تقربين للضابط حيدرة ؟
- طليقته
ابتسم :- اهاا طليقته حلوو
-خير رايد شي؟..
- لاا سلامتچ عيوني اخذي راحتچ
-تمام..
عفته ونزلت جوا رجعني رائد للشقة ورا اسبوع الدكتور كتبله خروج الحمدلله اتحسنت صحته..
رائد مخابر نور گايل الها طالعين للنجف حيدرة ماضل عنده صبر تعبان حيل رايد يشوفهم طاگ گلبه..
بسرعة دگيت على سالار كتلة انت هم تروح وياهم للنجف؟..
سالار:- ها خير اي رايح شلون اعوف حسن وحيدرة..
- زين لعد ،رايحة وياكم
سالار:- لا بلا؟! شعندچ رايحه گعدي واسكتي..
- اي والله اريد اروح ازور ابوية هسه انت شعليك رح اكعد بحضنك هو رح اكعد بكرسي واسكت مارح اثقل عليكم
-كلنه شباب وين موليه ست ناردين وين نخليچ..
- جذاب طيبة تروح وانت علمود تشوفها رح تروح
- اكلي تبن شبيج ثول اي والله هذا تفكيرج شلون بي
- اي تفكيري يفيدك هالحچي يلا رايحة ابدل معليه..
- ديلا خوش ولي
سدة مني رحت سبحت لبست تنورة وقميص سود اخذت ملابس وياي بالجنطة يمكن نبات هناك..
دك الباب ودخل سالار گال حتى انتن تعالن نور ونبراس.. بدلن علئ السريع ورحنة وياا، السيارة كوستر چبيرة مصفوفة بالباب..
دخلنه وسلمنه، رائد يسوق وحيدرة منتچي علئ حسن وداير وجهه.. وطيبة گاعدة ورا ولابسة عباية ومدنگة.. واكو كراسي فارغة اهواي ورا
حضنه طيبة وصارت تبچي حيل وتشهك ،، تحركت السيارة وسالار باقي واكف علئ طول الباب ماكعد
رائد شغل قصيدة لباسم الكربلائي، والسيارة هدوء محد يحچي اسمع بس تنهدات حيدرة..
ارفع راسي اشوف سالار يباوع لطيبة خطف ويدور وجهه ...
جريت نفس، وفتحت الجام هوا بارد وطريق فارغ وهدوء، غمضت عيوني، :- يالله ادري سالار يحبها واني احب حيدرة وكل طرف منه معاند مايرضى يتنازل، بس !! الئ متئ ؟
وگفو السيارة يم شارع، صعدو 3 اشخاص اثنين اعرفهم عثمان وعباس، بس لخ ماعرفه
كعدنه ورا وهما كعدو بمكانة وتقدمو ،،،،،
علا صوت القصيدة الباسم الكربلائي ،قديمة بس صوته ماينمل منه( دنيا مابيها بس هم وغدر )
طريق ساعتين ونص وصلنا للنجف، گالوا متوجهين گبل للمقبرة وادي السلام، دخلنة وسالار وحسن يدلون رائد علئ المكان، اول ما دخلنه بعدها ماصفت السيارة، چان حيدرة يجر نفس ويضرب راسه بالجام حييل، وقبض ايد حسن، حسيته رح يصيح، بس فتح الباب سالار گام بسرعة ونزل والقبر صار گباله، راح يركض واحنه نزلنه وحسن يركض ورا لا يوگع وهو تعبان، شمر نفسه علئ القبر وحضن التراب،
ويگول بصوت ثكيل وتعبان:- ولچ يمة ابوس راسچ گومي اگعدي أرحمي بحاااالي..
گعدوا يمه كلهم وطيبة گعدت ماتت بچي وتصرخ :- مامااا فدووة اروحلچ لييش عفتينه ولجج ماماااااااا
حيدرة :- رغد رغيدة بابا حبيبتي لفاچ الگبر ولچ رغيدة يروح حيدرة موتچ اناا انا بسببي كله منه انعل اليوم الصرت بي ضابط ولج بابا ياروحي..
ربع ساعة وتخربط بالگاع شالوا الولد ركضوا بسرعة خلوا بالسيارة غسلوا وجهه وشرب علاجة وهمه رجعوا يم القبر
صعدت بالسيارة گعدت يمه لازم راسه ويفرك بعيونه الحمر
-هالله هالله بروحك حيدرة مو هيچ تسوي، الله يصبرك ويعوضك..
-بوية الي ماتو روحي من هالدنيا ناردين چا هيه هينة.. والنعم بالله صيحيلي رائد خلي نروح تعبان كلش وعلي
-تمام مثل ما تريد ..
نزلت صحت لرائد صعدوا كلهم بالگوه سحبنا طيبة من القبر راحت عيونها من البچي والصريخ، گال حيدرة رايد اروح للأمام علي (عليه السلام ) ودانه ونزلنه راحوا للتفتيش تذكرت ما جايبة عباية
نبراس:- خاب مال ثول مو كلتلج لا تنسين عبايتچ فهاوة..
-هسه شسوي؟
-ادخلي للتفتيش والله كريم
فتشوني شافتني ما لابسه عباية كلتلها نسيتها كالتلي اكو عبايات معلگة حبيبتي اخذيلچ وحدة ولبسها ومن ترجعون رجعيها هزيت براسي واخذت عباية، بس شنو كلهن طوال لبست وحدة تسرسح وراي هو اني عبايتي ما اعرف البسها ونوب هاي شطولها، دخلنه وزرنه قرينه قران وزيارة عاشوراء وصلينه، ورا 3 ساعات طلعنه، گالوا نبقى بالفندق وحيدرة وطيبة وحسن يروحون للمقبرة وحدهم ياخذون راحتهم لا نحرجهم بوجودنه..
اجرولنه فندق صديق رائد، اخذولنه غرفتين وحدة النه وحدة الهم، بقيت اني ونبراس ونور، جابولنه دجاج شوي ولبن ومقبلات، صار الليل دگت نور على رائد كلتله نروح للكوفة، گالها تدللين لبسنه وطلعنه بره تمشينه بالسوگ واجرلنه تكسي رحنه للكوفة..
تالي بقينه بصحن الامام ،، جابلنه رائد دهينه حارة وچاي حار
صارت الساعة بـ12 رجعنه للفندق، ثاني يوم رجعنه للمقبرة زرناهم وزرنه ابوية وقرينالهم الفاتحة ورشينه مي ورد وعلگنه بخور، رجعنه لبغداد، سالار كال لازم ارجع لأربيل .. بس احنا ما نگدر لأن عدنه امتحانات اني ونبراس مأجلينها
كلتله روح انت ومصطفئ واني ونبراس نبقى ببيت ابوي وبيت عمي موجودين وامجد مسؤول عنه ويدير باله بس ما قبل گال ما ترحون وحدچن، تالي خابرت رائد كلتله انت عندك دوام وشغل وتتأخر وخفارات خلي تجي نور ونگعد كلنه ببيت ابوي اسبوعين وتخلص الامتحانات وترجع، قبل وسالار راح لإربيل ،، مر 3 ايام نروح للكلية ونرجع
چنت طالعه من الامتحان، وكف يمي الضابط قيس، استغربت شلون اجاا وثلون
- هدا انت
- السلام عليكم شلونج ناردين عزيزتي
- الحمدلله و انت قيس
- زين والله ،انتي خلصتي الامتحان مو
- اي صح، ليش تسئل
- مو اني هم رايد اطلع وشفتج بالصدفه فا بطريقي اوصلج
- لا اشكرك هسه يجي السايق
- اها عيوني علئ راحتچ
- اترخص
- الله وياج عيوني
عفته وانتضرت السايق اجاا ركبت السيارة..
واني افكر بي ابد ما ارتاحيتله نضراته ماعرف شلونها
مبين عليه عنده سوالف اكون بعيده عنه احسن
يكلي شفتج صدفة تهي بهي عباله ثولة تعبر عليه هلاكلاوات
خلصن امتحاناتمه ...دائماً اشوفة يجي للكلية بهاي الفترة ويتقصد بأي شيء وبأي حجه يحچي وياي
رجعنه لأربيل ،،، مرن ايام مثل بعضها شالاز حياته مخلصها شغل
بس !!
حاچينا علمود طيبة يرجعها كلنالها فدوة ارجعها مايقبل كال مو وقتها
حيدرة بعد وفاة امه وبنته ،،عرفت من نور ان هو عايف بغداد وطالع من العراق رايح لدبي
علئ اساس فترة يرتاح بيها هم حقه موشوية وصعبة عليه ،،،
بس مارتاحيت ،، حسيت روحته بيها موضوع وشيء مهم رح يصير
وحسن نقل شغله وياا سالار، بأربيل ويتشغلون سوه ومرات يجي للشقه يبقئ بغرقة سالار
اما حيدرة ف نبراس كالتلي.. انسي لا تأذين گلبچ على أمل تشوفينه لو تحچون مثل قبل..
كلت الله كريم لو چان هو قدري بالنهاية نجتمع
كاعدين العصر دخل سالار كالي :- اجولچ خطابة
-يا ستار منو هذا
- الضابط قيس
شهكت :- عزه صدك خطبني منك
-اي والله لعد اتشاقه
-وانت شكلتله ؟
- بعد انحرجت منه ولو اني ما موافق بس كتله الله كريم اشوف رئيها
- اي اني ما موافقة
- فد اسبوع هيج، واردله خبر بعد زحمة بسرعة اكله لا وهو كال اريدها وكعد ساعتين يحجي
- هو شكد عمره
- بحدود ال 31
- هما ليش كل الضباط ثلاثنين واربعينات
- يا يابه انچبي موبعينج اني لعد منو هذا الواكف كبالج وعمره رح يدخل 29
- اي انت بعد سنه هيج وتدخل 30
- بعدني ماشيبت يا اختي العزيزه
- بعد اختك ارفض معلييه اني مااريده
- وبعد اخوج كلاص جاي ويصير التردي
- اي تدلل
- اريد جاي ابن اوادم
- ليش اكو جاي قليل ادب
- هههههههه لاا اقصد مو معطب وديري بالج لاا ينفجر الطباخ شلون من حركتي ايد هلمسكين حويدر
- لاا شسالفة هو چاي و تعلمت علئ النت
- داتخيل كاتبة بالسريــچ كيفيه عمل الچاي
- اي والله چاي عراقي بغدادي اصيل بالهيل
ورا ايام .. بقيت اتوسل بسالار يودينه لبغداد وهو ما يقبل كلتله ما علمود شي رايحه بس مشتاقه لنور وقنعته
ورحنه وراح ويانه.. بقيت عدها..
تالي صارت اربعينيه خالتي ورغد ،،، كلهم راحوا للنجف واحنه بقينه من اجوو طيبة مسوية قراية
كلت لسالار اروح انساعد طيبة وحدها قبل ما عارض وصلنه بباب البيت وراح كال اتاخر عندي شغل
جايات نسوان المنطقة كلها واقاربهم ونسوان اصدقائه بحيث الديوانية ماكفت هواي جايين جانت الملاية تقره واني واكفة بالمطبخ اسمع نعيهة
بهالاثناء دخل حيدرة صارلي اكثر من شهر ماشايفته ولا هو شايفني اني تجمدت وهو ظل واكف بمكانه مصدوم اتفاجئ من شافني
اشرلي اجي انطاني ثلج تحمحم وگال.. خلي هذا بالبرميل الي بي بطالة لبن حتى يبرد
هزيت راسي (اي) اخذته ايدي جمدت من برودة الثلج ..وهو ضل صافن بعيوني زفر نفس تنهد وكال :- اي شلونچ ؟
درت وجهي بالگوه طلعت مني هالكلمتين واجر النفس گوه.. الحمدلله وانت..
-انا على الله
-الله يقويك
-تسلمين
تنهد وگال.. ماعبالي رح تنسين وتكملين حياتج
-شنو تقصد ؟؟
-عيونچ الواضح عليهن انچ مرتاحة
-وانت عيونك ذابلات
-وشنو الواضح عليهن
-ما اعرف، يمكن تعبان
-يمكن !! هو انا شوكت ارتاحيت بويه.. ديري بالچ على نفسچ يا نا ..
راد يگول ناري وسكت قبض ايده بحسره وكمل كلامه وگال يا ناردين..
اباوعله مخلي الچفيه الخضره حول ركبته ورافع شعره واردانات قميصه الاسود..
طلع ورجعت گعدت بالگوه لازمة نفسي ما ابچي اصبر بروحي واگول قوي نفسچ لا تضعفين گدام عيونه.. صار الليل النسوان كلها راحت ،،سالار كالي مشغول خلي حساني يوصلچن
كعدنه شوي ويا طيبة انصبرها ،،،علئ الرغم هيه وجهة ثكيل عليه ماتحچي وياي
ساعدناها وكفينه المكان وغسلنه جبل المواعين الذي لانهاية له .. الساعة صارت ب9 ،، الديوان والشارع مفتوح والزلم تطلع وتدخل
لبست جاكيت طويل علئ ملابسي وطلعت بره بلكت اشوف حسن حتئ يوصلنه حسيت على صوت وراي التفتت شفته الضابط قيس !
- هلا ناردين
- هلو بيك ،انت اهنا
- اي اجيت قبل شوي اربعينيه امة وبنته كلت اجي اسلم عليه
- ماتقصر
- شلونج انتي ؟،، صارلي ايام ماشايفج
- هاا اي زينة
- شخبارج عاش من شافج شلونج بعد
-الحمدلله
ابتسم ،:- اي صح مو وقته هالكلام بس رايد اعرف شنو ردج اليه..
-يا رد ؟
-صارلي ايام منتظر واني رايدج على سنة الله ورسولة
سكتت ضاع كل الحچي من اللساني ..
- شكلج موافقة على الخطبة؟؟
بعدني ماحاچية ،، ايد حيدرة انخلت علئ چتفي درت وجهي واكف ويباوع لقيس وخزرني
وكفني وره ظهرة وگال اله، :- الله بالخير خطوبتيش بوية ؟ ..
حسيت علئ ايد حيدرة علئ چتفي درت وجهي وأشوفه واگف يباوع لقيس ويخزرني ..
وگفني ورا ظهرة وقبض ايده بصبر گال بحده مُمزوجة بعصبية:- الله بالخير خطوبتيش بوية ؟
قيس :- ناردين خطيبتي
-شنو هالتمسلت شنو خطيبتك من شوكت يابه؟؟
ارتبكت وهذا چذب گباله ما عرفت شسوي گلتله حيدرا كافي خلي ندخل جوا ..
حيدرة: اسكتي انتي جاي احچي وياا هذا
قيس: هذا اله اسم شنو ما محترمني أنتت!
- اي والله ما محترمك
-حيدرة بروح الاعزاز كااافي عوفه لا تسوي مشكلة..
- نـاري ادخلي جوا بسررررعـة
-ما كاتله احد اني..
عـاط بيه بحده:" لخاطرررر محمد رووحيييي مناااا..
-لااااا تصيح
حيدرة: اللهم طولچ يارووووح..
عفتهم وركضت بسرعة لاگتني نبراس..
-الحگيلي خيه
نبراس :- هيه وحدة من الاثنين لو مسوية مصيبة لو مشكلة
-اثنينهن خيه
دفعتها وركضت للمطبخ فتحت الشباك حتى أشوف شدا يصير ياربي..
حيدرة واگف يحچي وياا، تالي لزم قميص قيس وأبتسم بوجهه وخزره همس بأذنه مدري شنو ومباشرةً طلع من البيت ..
عزه شنو گال اله وطلع بدون ما يحچي شيء؟ بشنو هدده؟ وجهة صار ينطي الالوان بسبب كلام حيدرة..
التفت عليه وشافني اباوعله سحگ الجكارة برجلة ورفع حاجبه و اشرلي بأيده بمعنئ "انتظريني جايلچ"..
بلحظتها من شفت عصبيته حسيت روحي مسويه مكسورة همست بگلبي اجاك الموت يا تارك الصلاة دخيلك ياعلي..
دخل للمطبخ، وصاح :- نااااااااردين صخييييييييمه
تخصرت وجاوبتة..هاااا عيني خير شرايد؟
حيدرة:- شنو هذا الي سمعته ست ناردين؟
سويت نفسي ما مهتمة وما مُبالية لشيء طگطگت أصابيعي وجاوبتة.. ما فهمت شنو تقصد ياسيد حيدرة؟
حيدرة: يگولون متقدملچ عريس واسمه قيس؟
-اي صحيح كلامك..
حيدرة: ما شاءالله شهالسرعة هاي وانا اخر من يعلم مو ؟
-ليش انت منو؟..
قبض ايده وجر نفس وگال بحزم.. موافقة !؟
ابتسمت وجاوبته.. اي باركلي ، الي اتقدملي خوش واحد لأنو رجال وما يخون
حيدرة: وصل بسمارچ..
-مو بسمار هذه الحقيقة ابن عمي ، حاليًا انت طليقي مو زوجي وما الك اي حق تدخل بيه ولا تحكمني عسى انخطب واتزوج وأسافر اني حُرة
سمعني وظل ساكت كأنو بكلامي هدمته ابتسم بإنكسار وبقى يباوع بعيوني بعتب..
حيدرة: يواهس تضحك الدنيا على شفافك
يبو إلليل الحلو اليلعب علئ چتافك..
-خسرتني وانتهى يا حيدرة ، رجعت ناردين القديمة ابشرك..
حيدرة: هنيال گلبي چا..
-گدرت بگلبي تلعب عاشت ايدك..
جر نفس طويل وتنهد وگال بتعب..تمونين يناري يا صحوة جمر..
-اني مو نارك ! ، اني ناردين فقط إذا خلصت كلامك تگدر تروح وقتي ضيق اعذرني ما فارغة حتى اتحاور وياك ..
ضحك وجاوبني: "لازم يصير العكس ويضيع تعبي علمتني الدنيا من أرتاح أحط ايدي اعلى گلبي..
-لازم تتذوق مرارة الشعور الي عيشتني اياه بكُل لحظة چنت بيها وحدي مخدوعة بيك..
هز راسه وگال.. وترجعيلي !
صفنت بعيونه شفت لمعة ودمعة بيهن جاوبته واني أتصنع القوة واجر النفس گوه..
- لا ..
أبتسم وهز راسه ورئستاً طلع..
دخلت نبراس سولفتلها چان تضحك
- شبيچ عيني حاچيتلچ سالفة تضحك ؟
نبراس: غير سالفة تضحك ونص حيدرة هيچ يصير بي ويعصب شكله اشتعلت عنده هرمونات الغيرة!!
خليت ايدي علئ راسي واتچيت علئ الحايط: "ما أعرررف حاليًا كلشييي ما أعرررف لا تسألين..
نبراس: شبيچ عزه اشاقة وياچ ليش تبچين نوينه!! اسفة والله مو قصدي
دخل حسن وهو يكف بردانات قميصة ويگول: "يلااا يمعودات امشن اوصلچن اتأخر الوقت ونعست كفيلچن علي..
نبراس :- اي حساني هسه نجي
حسن: واگف بالباب مو تتأخرن خوش
-مـاشي
صحت لنور اجت وكملنه گعدت اني اشد بخيطان حذائي عبر حيدرة باوعلي وخزرني
حيدرة: ليش ايدچ ترجف ؟
- ايد منو؟
حيدرة: أنتي، لأن أنا واگف يمچ صح ؟
- لا تحچي من كيفك ماشي ماكو هيچ شيء
حيدرة: صدگتچ بويه
- مشكلتك عيني
-يا بعد عيني..
-عندك انفصام عاذرتك
خزرني وشمر الجكارة وصاح: "دنچبي لچ..
تفاجئت من ردة فعلة وجاوبتة: وشدعوه عصبت ما حچيت شيء!! ..
سمعنه حسن اجا بسرعة اخذ حيدرة وطلعوا برا..
وتالي رجع فحطان اخذني علئ صفحة..
حسن: ناردين لا جفصين رحمة لمحمد!!
- شنو شبيك شحچيت انيي!!
حسن: لا تحچين هلكلام يم حيـدرة كفيلچ الله يتخبل بالزايـد بالگوه هديته ..
- أي كلام ؟؟
- انفصـام ومريض ومن هذا القبيل
- ليش شكو بيها هالكلمات ؟؟
- يتحسس منهم أخوي
- اوي..
- ها صار معلوم ؟
- ماشي
- عفية ناردين كافي جفصات مو تعيديها بروح العزاز..
- حساني گلت الك خووش يعني خووش..
- كفو من شاربچ
- ميانة زفرة
- شنسوي بعد اخوچ خلاني احچي مثله
- وأني أبتلي بأثنين سالار
- هنيالچ چَا علئ أخو وحمى مثلنا
- أستقر حسانييي
- ههههههههه خليني انفخ بنفسي شبيچ يلا امشي وصيحي لأختچ..
هزيت ايدي بضحكة وجاوبتة: "حبيبة الگلب
طگها بضحكة عالية هز السويچ وطلع.. صعدنه بالسيارة وصلنه وراح البيت فارغ.. سالار طالع عنده خفارة ومشغول..
و نور ضاربه ركن وگعدت تخابر برائد ويسولفون ..طلعنه من الغرفة وعفناها گعدنه بالهول ..
نبراس: نارو عندي خطه
- خطتيش ؟
- شوفي هي خطه وحدة فكرت بيها
- وشنو هي ؟
- وافقي علئ الخطوبة من قيس
- وشنو الغايه ؟
- شغلي هذا المطي الي متربع بعقلچ وَ وافقي وخلي حويدر يحترگ بدمة ..
- شكلي اني الي رح احترگ مو هو..
- اسمعي مني واخذي بكلامي، اكيد سالار رح يگول لحسن ..وحسن يگول لحيدرة..
- خوب انگول لرائد احسن
- اي صح هسه دام نور تخابرة نحچي وياا ونتفق ..
طلعنا وهي ركضت سبقتني، اخذنه الموبايل من نور گوة، وحچينه لرائد..
رائد: والله مدري شگول بس طلعتن عدچن عقل توب..
نبراس: اي شعبالك لعد
رائـد: لعد اذا هيچ، إذا عدنه خطه بالشغل انتن تسونها متفقين ؟
- اي تدلل للحجز و الاستفسار الاتصال علئ هذا الرقم
رائد: اي يابه، المهم رحَ اروح باچر اسوي العلية والباقي علئ الله ان شاءالله يحس شوي ويصحى علئ نفسة
- بس رائد!
رائد: ها نعم ناردين احچي
- أني ما أريدة
كفختني نبراس علئ راسي وگالتله: "معليك بيها..
رائد: ناردين أني أريده يصحى علئ نفسة مو بس لأجل يرجعلچ هواي مستهان بهواي أشياء حتئ للشغل ما جاي يجي ويفكر هوااي
- ربي يريح باله
ضحك بهدوء وگال: " نوب تدعيله فدوا..
باستني نبراس بخدي عفتها وگمت رحت أمشط شعري وأشوف دموعي بالمرايا تنزل علئ خدي، تلمستهن ومسحتهن احاول ما أضعف بس گلبي تعبان حيل ومو گد هالحمل الثگيل..
چانت فاتحة سبيكر أسمع رائد يگول إلية ونبراس ساكتة تباوعلي بقهر علئ حالي..
رائد: ولچ بوية يرجع وهو الممنون ويعض اصابع ايده ندم أني أربي الچ وشحده إذا زعل فاهيتنه والله اگلب الدنيا إذا كسرچ مرة الثانية أكسر ايده وأني بمثابة أخوچ بظهرچ لا عبالچ وحيده..
بقيت ساكتة ما گلت شيء تالي ترخص ورجعت نبراس الموبايل لنور..
اجتي يمي گعدتني بصفها فتحت شعري وصارت تظفرلي وتسولف وياي وأني ساكتة أعرفها تريد تغير من حالتي النفسية وتنسيني همي..
تالي تمددنه بالفراش حتئ أننام، باوعتلي وگالت..
نبراس: اگلچ تؤامي ..
- ها عيني..
نبراس: لا تنامين وأنتي مقهوره بداعتي..
جريت نفس وجاوبتها: " ما مقهوره..
نبراس: وااضح!! ولچ شوفي شلون مخنوگه وما تحچين زين سولفيلي..
- شسولف خليني ساكتة..
نبراس: نوينه فدوا لا تكتمين لخاطري احچي اخاف عليچ لا تنفجرين.. وهذا الهدوء ما قبل العاصفة
- لا تخافين الي كاتبة الله يصير..
عدلت مخدتي وتغطيت بالبطانية غمضت عيوني وأني أحاول اهدئ من نفسي تذكرت إلي صار وكلام حسن رئستًا حچيت..
- نبراسي اسمعيني
نبراس: عيونها وگلبها لنبراسچ احووي محد يدلعني هيچ بس أنتي ولا احد يضيفلي ياء التملك انصهرر يا يابهههه
- شبيچ تخبلتي ؟؟
نبراس: شنسوي خيييه خليني نطرب علئ الخبال يلا احچي اسمعچ..
- باعي من واكفين بالطارمة وحيدرة عصب اجا حسن حچالي شيء وراح
- شنو گال الچ ؟
- "سولفتلها"
ضلت صافنة بوچهي متفاجئة ..
نبراس: مو گلت الچ حيدرة وتصرفاته مو خالية ابد ابصر شنو سالفته!! ..
- ما ادري، بس تدرين أني خفت من كلام حسن!!
- معقولة عنده ماضي ؟
- يُمكن؟ لذلك تصرفاته بسببه؟!
- الله كريمَ بس انتي اخذي الكلام لا تحچين هالكلمات يم حيدرة يجوز صدگ يتحسس
- ما احچيهم اني، بس مرات صدگ ينرفزني ويخليني اتخبل من تصرفاته المتناقضه
- الله يساعدچ ادري بيچ شگد تعبانة بسَ
ما تدرين شنو كاتبلج رب العالمين و انتي
صبرتي هواي وتحملتي كُلشي أكيد رح يجي يوم ويعوضج ربي عن الأيام الي عشتيها
- آمين ونعَم بالله..
﴿ فَاسْتَجَابَ لَهُمْ رَبُّهُمْ ﴾
...
ثاني يوم..
رائد: الله يساعدك حويدر
حيدرة: هله
- ها شبيك ترد من ورا خشمك
حيدرة: صح
- چنك مشغول ؟
- جاي افكر بشخص
- منو هذا الشاغل بالك هنياله ؟
- قيس الحمار
- هاا دخل بقائمة الحميريون
- أبـد ما ارتاحيتله من البداية وتالي طلع متقدم لناري الكـلب السافل الگ* ..
من أول يوم گلت اله أبتعد ولاا توصل إلها
بس ما سمع!! ما يدري سوالفة كُلها عندي اگدر افضحه بس أريد اشوفة وين يوصل..
- أي عمومًا هسه أنت شجاي تسوي
- جاي أبحث عن معلومات تخصه
سحبت كرسي گعدت عكسه مسحت علئ شواربي وگلتله بنبرة هادئة..
- صدگ مادريت شصار بحبيبه الگلب ؟
- شبيها ناردين ؟
غمزلتة وگلتله: " ها علئ أساس ما تحبها..
ترك القلم من ايده وگال: " كافي مصاخه واحچي شصاير بعددد ؟..
- أمس خابرتني دايحددون موعد الخطوبة ورايحيين العصر يشترون الحلقات
وگـف بعصبية:"صدگ تحچي أنت حلقاتييييش صبرررك ياالله..
- وداعتك شني قابل اچذب عليك
- شنو موافقة شنووو بكيفهااا اگلب الدنيا كلها إذا توافق علئ غيري أقسم بالله يا رائد
- لعد تبقئ مخليه ايدها علئ خدها وتسمع اغنية ابكت الملايين وبصفها باكيت كلينكس اكيد لا من حقها تعيش حياتها وتستقر وتتزوج
- أنا حياتها
- ما يفيدك هالكلام حبيبي
- تسكت لو ارگع الابتوب براسك ؟
- راسي يولي بس الابتوب بملونين شعليه المسكين
- بغلاتي صدگ تحجي ؟؟
- ما اگدر احلف عندي عذر شرعي
- لا تشااااقة رويد مو وقتهاا شووف اسمعني خلي ترفض افضل إلها والكائنات وقيس موته علئ أيدي
- روح انت واتفاهم وياها اني ما دخلني بشيء
- تمام يابه يصير خير رايح الها..
.. شمر الابتوب علئ الحايط رگعه،
طلع و اني اصيح :- عثمان الحگ كسرو لابتوبك
...
ناردين
الصبح گال سالار امشن اطلعچن لان باچر نرجع لأربيل..
نـور : اني ابقه اهنا ما اروح
سـالار : شلون تبقين لوحدچ ؟
- رائـد رح يجي هسه
غمزنالها وصرنه نضحك عالي..
- هااا هاا رح يجي رويد أي أخذو راحتكم البيت چبير .. سالار ضحك وهي صارت مثل الطماطة راحت للغرفة بخجل وضلت تسب بينه
بدلنه اني ونبراس وطلعنه ركبنه السيارة ..
سالار: وين ترحن ؟
- غير انت أبو الطلعه
سالار: عود جاي اخذ رأيچن امده الاخو
نبراس: ههههههه معليك بيها كيفك لأي مكان..
سالار: عود رادت تكحلها..
ودانه لمول الكاظمية .. افترينه شوي اكو شارع بي مطاعم ومحلات خلئ السيارة بالكراج ونزلنه ..
الساعة بـ١٠..
نمشي ونبراس تبزني وتضحك مدري شبيها، وسالار گبالنه يمشي ويهز بسويچه
دخلنه بمطعم طلب صاج دجاج وببسي
گعدنة علئ الكراسي ..
خارج المطعم گعدنة ننتظر ونباوع
علئ الشارع والناس الي تعبر ..
نبراس اخذت موبايل سالار وكصتلنه صورة، تالي بزتني ..
- شبيچ شبيچ دنبوس انتي؟
نزلت الموبايل كصت صورة للأحذية
- الحمدلله والشكر سوالفچ قديمة
ضلت تكص ميه الف صورة ..ساعه تاخد ايد سالار وتكص مثل الكبلات لو تخلي ايدها علئ لحيته وتكص صورة وهو ميت ضحك
تالي سحب منها الموبايـل ..
سـالار : هو مطعم للأكل لو للتصويـر ؟
ضحكنة و سكتنه ..
جاب الأكل اكلت قليل ما متعودة آكل هيج من الصبح الجـو حلو الفجر ماطرة..
سمعت صوت قيس يگول:
- السـلام عـليكم
غصيت بلگمتي صرت اكـح شركت
والببسي يطلع من خشمي!! جريت كلينكس مسحت ملابسي وجهي الله لا ينطي يلعن ابليسه شلون اجا؟ حتى هنا لاحگنه!!
گام سـالار سلم عليه وجر كرسي گال اله.. تفضل اهلاً وسهلاً..
گعد وگال:
- شنو هلصدفـة الحُلوة توني طلعت من هذا المحل صديقي وشفتكم هنا تاكلون
همست نبـراس:
- علينا هلكلاوات ؟
بقى يحچي ويلغي، طگت مرارتي يعني
اني شنو ذنبي اشوفه من الصبح؟
يمدح بنفسه وبشغله اني هيچ وهيچ وهذاك اليوم انطوني نجمتين واترقيت.. وبقى يحچي براسي عود ينفخ نفسه گبالي.. خليت ايدي على خدي واضحك مجاملة
صافنه.. چان اشوف سيارة سودة
صفت يمنه ..
نزل منها حيـدرة
شهگت والتفتت علئ نبراس همستلها.. ولچ شووفي منووو اجاا !!
هاي اشو فرحت:
- ايي عاشو حويدر ما خانني احساسي
رح تصير مضارب وشدو روسكم يلگرعان
ياربي عبالك عزرائيل واجاا صابتني رجفه وخوفه اجاا دخل للمطعم يمشي على السريع احسه بده يركـض ..
لابس سترة جلد اسود وكاف ارداناته ورافع شعرة وايده بجيب بنطرونة الاسود ومناظرة طبية حول عيونة .
شكرا لزيارتكم عالم روايات سكيرهوم
