رواية عشك أل فراس الفصل الخامس بقلم زينب نور
اذا صاير علي شي شدكول لربك
ابو فهد :حقج يمه بس ان شاء الله يرجع
ام فهد :راح يصير شهر وهوَ ماكو خبر عنة شوكت يرجع مادكلي
الكل سكت
.......
الشيخ : اترخصت منهم وصعدت فوك
اللي يعرفون مكان علي انا واسد واسيد وجاسر صعدت اتصلت بأسيد
اسيد:هلا شيخ
الشيخ :اهلا بيك انت وين
اسيد:بالدوام
الشيخ:شوكت تنزل
اسيد :باجر بليل يلا ليش صاير شي
الشيخ:لا بس ردتك تروح وياي لعلي مادامك ما تكدر اخذ جاسر
اسيد:اخذوا مفتاح البيت لا تنسون وان شاء الله يقتنع يرجع
الشيخ :ان شاء الله في امان الله
نزلت لجوا صحت جاسر وطلعت حجيت ويا اتفقنا انُ بـ3نطلع واذا كالوا شعدكم بـ بغداد نكلهم عدنا شغل
كعدنا يمهم شوية وسئلوا على علي كتلهم ماعرف شي عنة صعدت نمت وكعدت بـ2ونص سبحت وبدلت زي عربي اسود تذكرت كلام وردة ابتسمت نوب اتصلت على جاسر رفضني معاناة كاعد نزلت سويت چاي على سريع شربتة وطلعت وجاسر هم طلع
جاسر :صباح الخير
الشيخ :صباح النور نتوكل
جاسر :يلا
الشيخ :يلا ياعلي
انطلقنا لبغداد
جاسر :تتوقع يرجع
الشيخ : لا بس احاول ويا علي عنودي ومو بسهولة يرضى او يقتنع
جاسر:اي چا ياهوَ اخو
الشيخ : اخو فهد وابن عمه جاسر شيطلع
جاسر :هههه
وصلنا المكان الساكن بيَ علي بـ11الضهر اعرف المكان بالضبط الحارس الواكف سئلت الحارس وانطاني رقم الغرفة والطابق صعدنا
دكينا الباب فتحة النا ولد غريب ! عبالنا تيهنا الغرفه نوب سئلت على علي الولد توتر كال ادخلوا وهسه يجي
كعدنا ننتظر كال راح بشغلة ولـ3 الضهر يلا شرف علي انصدمت بالمنضر وينه وين العمالة وشغل العمالة من الصبح لضهر يكسر الضهر
حجيت ويا وكتلة فلوسك توصلك بس لا تشتغل كال اي بس اعرفة جذاب مايكعد هذا ولا يقتنع بالكلام ولا يقتنع شخص يصرف عليَ
رجعنا من يمهم انطلقت لناصرية مباشرةً
جاسر :شو ناصرية
الشيخ :اريد اعرف هذا الولد كلامة صدك لو جذب
وصلنا للمنطقة الكال عليها وسئلنا على الولد واهلة اكثر من شخص كلهم كالوا نفس الكلام
الولد طردوا امه وابو ونفس السبب الكالة
جاسر: أنچلبت الوادم
الشيخ :الله يهديهم
رجعنا للبصرة وصلنا بـ12 كلمن راح لبيتهم
دخلت للبيت ميت تعب والكل نايم سبحت ورجعت اريد انام دك التيلفون التحاق ! كمت حضرت غراضي وكويت البدلة العسكرية وراسي انسطر نزلت سويت كهوة
صعدت فوك بدلت ورحت كعدت اسد
الشيخ :اسدد
اسد :هاا
الشيخ :صحصح يمعود راح التحق للموصل من يكعدون اهلي انطيهم خبر
اسد :شوكت اجيت من بغداد وشلونة
الشيخ :بـ12وصلت زين وهسه راح التحق
اسد : انا هم اليوم التحق خلصت اجازتي
الشيخ :وصهُيب
اسد :وياي
صهُيب:صبااح الخير
الشيخ ،اسد:صباح الورد
اسد:ها شو من هسه كاعد
صهُيب : بـ3نلتحق مو بـ6حتى نوصل من وكت
الشيخ :اخرتوني ترا يلا بويه اودعانكم
سلمت عليهم وطلعت أنتظر السيارة على ما اجت سلمت على الضابط الوياي والتحقنا.
.........................
ريم :التحقوا الولد وكان الوضع هدوء وحياتنا ماشية بكل هدوء مرت اربع ايام ماكو شيء
لحد ما اجه يوم اسود علينا
كلنا ملتمين يم بيت جدو كالعادة الكل موجود عدا اسر كالوا طلع شوية ويجي انتظرنا اسر على الغداء وماكو ! لضهر وماكو خبر
اسيد حرك التيلفون حرك عليَ بس ميجاوب
اسيد بعصبية :ادري وين صار من الصبح لهسة ماكو
الجد :اهداء هسه يجي
شوية ودك تيلفوني اسيد
اسيد: الو
مجهول :السلام عليكم
اسيد:وعليكم السلام
مجهول :انت تقرب لصاحب هذا التيلفون
اسيد :اي نعم منو حضرتك
مجهول :الولد بالسجن
اسيد من الصدمة وكف
ليشش
مجهول :ضارب واحد بسيارتة وذاك بالمستشفى وهذا الولد بالسجن
اسيد:هاي هيَ خوية رحم الله والديك
سد التيلفون واستلموا شكو وشكو
اسيد:اسر ضارب واحد وحالياً بالسجن وذاك الولد بالمستشفى
شاهين : شمنتظررر امشي نروح
دخلنا بحالة توتر مو طبيعية بيبي وعمتي كلبنها مناحهه
كلهم طلعوا وضلينا ننتظر لليل محد بين والتيلفون محد يشيلة لـ12 اجو جدو وابوي وعمامي
ام اسيد:هاا بشروا شصار
الجد :اسر ضارب واحد ونعرف اهلة باجر يتنازلون عن الدعوة وتصير كعدت عشاير ابنهم حالتة كلش تعبانة
ام اسيد :صخام الصخم وجهي
ابو اسيد:منا لباجر الله كريم
اتصل الشيخ وجدو مقبل انُ نحجيلنا كال تعبان ومشغول ويضل بالث فسكتنا
ثاني يوم صارت الكعدة وانصدمنا بطلبهم......
............................
