رواية قلب واحد لا يكفي الفصل الخامس والاخير
ملك بصت للمسدس بزهول وقالت بخوف ...يا حلاوه..نبيل زمانو على وصول...يا حبيبي انت تسلملي دماغك
على بعد امتار كانت عزه ورعد واسراء سوا في العربيه..وبيراقبو ملك ومش فاهمين ليه وقفو هنا.. عزه قالت..انا هكلمها ان مش مطمنه وفعلا رنت لها
ملك اتوترت ومكانتش عارفه ترد قالت..دي اسراء اختي ممكن ارد عليها
عاصم ابتسم وقال...ردي براحتك انا هستني نبيل بره
عاصم خرح وملك ردت وقالت بهمس..الحقيني يا عزه فيه مصيبه..
عزه قالت.. فيه ايه خير
ملك قالت بخوف..نبيل..نبيل عايز يقتل نبيل
عزه استغربت وقالت..نبيل يقتل نبيل ازاي اهدي وفهميني
ملك قالت..افهمي بقى عرض عليا الجواز ووافقت بس قلي لو بحبو فعلا اثبتلو واقتل نبيل..وقلي انو بعتلو رساله وزمانو على وصول .ومش عارفه هيوصل ازاي واحنا مستنين مين اصلا
عزه قالت .يا خبر..طيب اهدي ومتقلقيش نبيل هيوصل...بس لازم تعملي الي هقوله بالظبط
بعد ساعه وصل شخص بالعربيه ونزل وهو خايف كان لابس نفس لبس نبيل وكمان لون عنيه ومعموله مكياج يشبه نبيل شويه
عزه كانت بتكلمو بسماعة بلوتوث وقالت...ررعد انت سامعني
رعد قال بخوف..الله يخربيتك..االلع يخربيتك انتي والحدايه الي معاكي...ده هيموتني ده مفتري انا كان مالي ومال كده
اسراء ضحكت وقالت..اجمد يا بطل...متقلقش ليك عليا اصوت عليك تلت ايام ..يلا اتكل على الله
رعد قال بخوف...يصوتو عليكي ساعة واحده وينسو يا بعيده... ده قاعد مستنيني..انا خايف يكشفني صوتنا مش واحد وانا اطول من نبيل وبعدين حتى الشكل مش شبهو
عزه قالت بجديه بس بقى يارعد..اهدى...متخلهوش يشك فينا..متخافش هو مش هيشوف التفاصيل دي..هو هيشوفك نبيل بعقلو الباطن خليك هادي
رعد اتقدم على عاصم وقال بتوتر..اذيك يا عصوم يا حبيلي...
عاصم بصلو بغضب مرعب وقال...نبيل...اخيرا قابلتك تاني..اخيرا هنصفي الي بنا
رعد بلع ريقه برعب وقال..هو مش شرط نصفيه كلو يعني...ممكن نصفي نصو علشان الدنيا ليلت ونكمل بعدين هيه الدنيا هتطير
ملك خرجت وبقت تبص لرعد بخوف وعرفتو على طول وقالت...احم...اذيك يا نبيل
رعد قال ..اهلا يا ملوكه
هنا عاصم طلع سلاحو وقال بغضب انت لازم تطلع من حياتنا...ملك بتحبني انا مش انت انت ملكش مكان بنا فهمت
رعد قال بخوف..يا عم انت مضايق ليه وانا اقف بينكم ليه ما الطريق واسعه انا همشي وانتو خليكم سوا..سامو عليكم
عزه قالت في السماعه...رعد يا جبان ارجع هتبوظ الدنيا يا غبي...يلا طلع سلاحك وقلو انها بتحبك انت يلا
رعد بصلو تاني بتوتر وطلع السلاح وايده بتترعش وقال..اه...صحيح انا افتكرت..ملك بتحبني انا..وحتى اسألها
نبيل بص لملك بترقب وملك قالت بسرعه. انا بحب عاصم يا نبيل بحبو مش هكون لحد غيره سبنا في حالنا
نبيل ابتسم بفرحه ونزلت دموعه وقال..بجد بجد بتحبيني انا يا ملك بجد بتحبيني...انا....انا كمان بموت فيكي و عايز افضل عمري كلو معاكي...و
بس رعد قال بسرعه..ملك مش هتكون لغيري يا عاصم سبها احسن اقتلك
عاصم بصلو بغضب وقال ..انت سمعتها قالت ايه يا نبيل
رعد قال بصوت مهزوز.. يبقى انت لازم تموت وضرب عليه رصاصه بس ملك وقفت قدامو بسرعه بتحميه وصابتها وقعت على الارض
عاصم اتصدم بشده وبقي يبصلها بصدمه وقال بدموع..ملك ملك يت حببتي ردي عليا ملك..ملك لا مش هتسبيني ملك وبص لرعد بغضب
رعد لسه هيجري عاصم ضرب عليه رصاصه قبل ما يقدر يهرب جات في كتفو
رعد صرخ وعزه واسراء جريو عليهم برعب واسراء قالت بصراخ وخوف.... رعد رعد انت كويس
رعد كان بيتألم وقال...الحقيني...الحقيني هموت قبل ما الحق اقولك الي جوايا
اسراء قالت بضيق...يارب ما تلحق يا بعيد
عزه جريت عليه وقالت ...خليك هادي هناخدك على المستشفى حالا..متقلقش يا حبيبي..ماشي متخافش
و جريت على نبيل تشوفو هو كمان وكان ماسك ملك وبيبكي وبيقول..ملك حببتي ردي عليا يا ملك كلميني يا حياتي..وبص لعزه وقال...ايه الي حصل..مالها مبتقومش ليه انا عملتلها ايه يا عزه ايه الي حصل
عزه قالت بفرحه...نبيل..انت فوقت من غير ما تنام...انت نبيل مش كده
نبيل قال بدموع..ايوه انا زفت... بس ملك مالها ايه الي حصل
عزه قالت بفرحه..ملك بخير متخافش ده رصاص في شنك تقدري تقومي خلاص يا ملك
ملك فتحت عنيها وابتسمتلو وقالت...حمد الله على السلامه يا عمري
نبيل ابتسم بدموع وقال ملك حببتي وشدها ليه وقومها وهيه بين اديه وقال...انا بحبك بحبك يا قلبي وعمري...بحبك حتى لو بقيت بمية شخصيه وحتي لو كان عندي ميت قلب
ملك قالت بفرحه..انا مبسوطه انك خفيت ورجعت لوعيك من غير ما نخدرك ولا ننيمك...يارب يكون الكابوس ده انتهى يا نبيل
نبيل لسه هيرد رعد قال..الله يخربيتكو..انا بنز،ف ضربني رصاص حقيقي الاهي تولعو الحقوني الاول
نبيل ضحك وقال..انت ايه الي عاملو في نفسك ده..انت عامل انا صح...هو انا شكلي كده اصلا..ده ان كنت اولع في نفسي
ملك وعزه ضحكو ورعد قال..اااه يا اما هموت فطييييييس
اسراء قالت بزهق..يا عم اتبط بقى دي رصاصه في دراعك حد بيموت من دراعو يلا قوم خلينا نوديك المستشفى... وفعلا راحو المستشفى وطلعولو الرصاصه وكان كل شئ تمام
ملك كمان دخلت عند الدكتوره واطمنت عليها ومشيو كلهم وهما مبسوطين سوا
نبيل بص لعزه وقال..شكرا يا دكتوره..انا..انا مش عارف اقولك ايه..بس انتي واثقه يعني اني مش هرجع لشخصيه عاصم تاني
عزه قالت متخافش يا نبيل...كده خلاص باذن الله طالما ملك اختارتك وماتت علشان بتحبك وكل ده في افكارك عملك صدمه من خوفك عليها وعلشان كده رجعت لوعيك من غير اي مجهود وان شاء الله كده كل حاجه هتتصلح
نبيل شكر اسراء ورعد واخد ملك وطلع بيها وقال..احم..ايه رأيك تروحي مع اختك لحد ما نتأكد
ملك قالت .. انا هفضل معاك..معاك ومش هبعد عنك ثانيه تاني
ملك ونبيل قضو باقي اليوم وليلتو سوا وكانو اخر انسجام وفي صباح يوم جديد ملك قامت على صوت نبيل بيقول بغضب..قومي يا هانم قومي يا اختي كلميني..انتي ازاي تقضي اليوم امبارح مع الي اسمو عاصم ده انتي بتضحكي عليا انتي بتخونيني مع عاصم
ملك رجعت لور بخوف وقالت...عاصم..عاصم مين
نبيل قال بغضب اكبر ...لا والله ..عامله نفسك متعرفيش انتي متجوزاني علشان تخونيني مع عاصم اخويا وتقوليلو قدامي انك بتحبيه
ملك قالت بخوف ودموع...يا لهوي على المرار الي راكب جرار
هنا نبيل مقدرش يمنع ضحكتو و ضحك جامد وقال....تعرفي ان شكلك قمر وانتي خايفه
ملك بصتلو بزهول وقالت..نبيل..وابتسمت بفرحه وقالت .انت بتضحك عليا يا نبيل تنا اترعبت افتكرتك قلبت
نبيل ضحك وملك قالت بسعاده...حبيبي اخيرا رجعت..انت نمت وصحيت صح
نبيل قال بفرحه...نمت..وصحيت على اجمل عيون في الدنيا بحبك يا ملك مبسوط اني خفيت..كان نفسي اعوضك عن كل حاجه
ملك اترمت بين اديه وقالت بفرحه..انا اهم حاجه عندي وجودك..انت عوضي في الدنيا يا قلبي و كل دنيتي..وانا هحتاج ايه من الدنيا تاني الواحد بيحب مراتو مره وانت حبيتني مرتين
نبيل ابتسم بحب واضح في عيونه وقال...قلب واحد مش كفايه ..ميكفيش حبك ولا يقدر يستوعب غلاوتك يا قلبي وملاكي❤
تمت بحمد الله
