رواية نوارة بنت العمدة الفصل الخامس
هتتغدوا رز بس العروسه بوظت الاكل متوريهم طبيخك يا عروسه
نواره كانت سمعاها من جوه المطبخ ودموعها بتنزل بحزن و مش مصدقه اللي حصل
علام راح المطبخ بسرعه اول ما قالت كده
لقى نواره واقفه بتبكي والصينيه محروقه اتنهد و حط ايده على كتفها وقال…. ولا يهمك فداكي
نواره قالت بدموع …..فدايا ايه بس ده اخر لفة لحمه في البيت
علام ضحك جامد وقال…. الاخيره الاولى…اصل احنا مبنخذنوش في الفريزر زيكم
قالت بدموع ….ليه مبتخذنوش
علام ضحك وقال…بنحبو اللحمه طازه …هيكون ليه يعني يا نواره بنشترو على القد ..على العموم ولا يهمك هتتاكل …و اخذ الصينيه وطلع بيها
نواره بصت لك بزهول وطلعت وراه وهيه بتقول.. استنى انت رايح فين
علام قعد على السفره وقال….. هتغدى في ايه
امه وابو بصوله بزهول وهو بقى ياكل منها ويبص لها بابتسامه جميله عادي جدا
امه قالت….. يا ولدي توجع لك بطنك دي محروقه
نواره كانت واقفه جنبه ونزلت عيونها في الارض بكسوف وقالت…. معاها حق سيبها هحضر لكم حاجه تاني
علام ابتسم وقال… انا ما عايزش اكل غير من دي …دي اول اكله تعمليها لي بايديك مش مهم تطلع كيف…. وبقى ياكل عادي جدا
نواره بصتلو باستغراب …واتفاجأت لمل ابوه بقى ياكل معاه نواره ابتسمت وقعدت بقت تاكل هيه كمان وكان طعمها مش سي جدا
وابوه ضحك وقال…. ايوه يا دوب عرفت كيف يعني الحمه المشويه على الفحم اللي بيقولوا عليها في التلفزيون
ضحكو جامد هم الثلاثه ونواره قالت….. لا يا عمي ده الفحم نفسه مش مشويه عليه
وبقوا يضحكوا تاني وياكلوا عادي جدا ووالدته بتبصلهم بذهول شديد وحطت ايدها على دماغها ومش مصدقه اللي حصل
بالليل طلعو اوضتهم وكانت نواره بترتب السرير وقرب منها وقال . العشاء كان يجنن..تسلم اديكي بتعرفي تطبخي اها
نواره ابتسمت بحرج وقالت …حبيت اصلح اللي عملته في الغداء كسفتك انا قدامهم صح
علام بص لعيونها بحب وقال…. انا عمري ما اتكسف من حاجه تعمليها يكفي انك دخلتي المطبخ عشاني..و كمل بحزن وقال …اكيد في بيتكم مبتدخليش واصل وعندكم خدم ومرتاحه
نواره ابتسمت وقالت….. ايوه عندنا خدم بس انا انبسطت قوي وسطكم انهارده كل حاجه هنا حلوه ناس طيبين ولقمه هنيه
علام قرب منها قوي وقال…. لسه زعلانه مني على اللي عملته
نواره ابتسمت وقالت مخابراش المهم اني دلوك مبسوطه وخلاص
بس شهقت لما شالها وبص لعيونها وقال…. ولسه كل ايامك الجايه هتبقى سعاده
نواره ضحكت بخفه وهو قرب منها وقال ..الليله هملك القمر ….هيبقى ليا وبس.. ده اليوم اللي اتمنيته عمري كله
ولسه هتتكلم بس قطع جملتها لما قرب منها في لحظات نسيو الدنيا فيها
بعد شويه كانت جنبه ومكسوف جدا
علام ضحك جامد على شكلها وقال….. هو انا معاكي في محطة القطر ولا ايه…. يا بت مالك هتموتي من الكسوف
بقلم…زهرة الربيع
نواره فضلت ساكته ومنزله وشها بحرج شديد
علام ورفع وشها ليه و بص لعيونها بس غمضتهم بسرعه ضحك بخفه وقال ….افتحي عيونك يا نوارتي انا جوزك يا بت ده انا عشت عمر احلم باليوم ده ..اليوم اللي اقولك فيه انا جوزك وانتي بين اديا
نواره فتحت عيونها وبصت له و هو ابتسم وقال…. انا ما مصدقش انك بقيتي ليا يا بت العمده تعرفي انا كنت شايف اني اطلع القمر اسهل من اني اطولك.. واطولك كيف وانا ولد الغفير عندكم
نواره ابتسمت وقالت….انت صوح ولد الغفير بس انا ما شوفتش كيف قلبك ولا كيف الحب اللي في عيونك..انا كنت غبيه قوي لما كنت هطير كل الحب ده مني
علام ابتسم وقال…. عمرك ما كنتي هتطيريه ما كانش ممكن يبعدني عنك الا الموت
نواره ابتسمت وقالت….معاك حق
علام بص لها بدهشه وقال ..معايا حق… مهتقوليش بعيد الشر
نواره ابتسمت بخبث وقالت…. واه هتكفر الموت علينا حق يا علام
علام قال بصدمه… جاكي الايمان دلوك طب قومي من جاري
نواره ضحكت وضمته بقوه وقالت ….ربنا يخليك ليا وافضل جارك كده العمر كله
علام ضمها بقوه وقال بسعاده…. كملي يا بت قولي كلام زي ده كتير قولي عايزه افضل جارك و رايداك قولي كل اللي في قلبك قولي كل اللي جاي على بالك
نواره قالت بسرعه…. نعسانه وعايزه انام يا علام
علام اختفت ابتسامته واتنهد بيأس وقال…هو ده اللي جاي على بالك
هزت راسها بالموافقه وقالت…. اه وحياة عيونك عندي
علام مسك المخده وضربها بيها على وشها وقال…. نامي..نامي الهي تنامي ما تقومي
نواره بصت له بزهول وهو كمل وقال …الا بين اديا
نواره ضحكت جامد وفضلوا يتكلموا سوا عن حياتهم لحد ما ناموا مع بعض للصبح
في اليوم التاني كانوا نواره وعلام تحت كان والده راح الشغل ووالدته راحت للخياطه وهو كان قاعد مع نواره مغطياله عيونه وبتمشي يمين وشمال حواليه وبتقول…يلا امسكني
علام قال بزهق….. بذمتك انا واخد يومين اجازه قاعد على اساس عريس علشان نلعب يا نواره..يا بت خلينا نطلع اوضتنا وهلعبك لعبه احلى بكتير
نواره ضحكت جامد وقالت….انسى و يلا امسكني كيف ما مسكتك
علام ابتسم بسخريه وقال….انتي مسكتيني عشان انا كنت عايزك تمسكيني…هو انا اطول تمسكيني …ما تاجي تمسكيني تاني كده
نواره ضحكت وقالت ….وبعدين يا علام يلا لاقيني لو جدع بقي
علام اتنهد وبقى يروح وراها بقت تتحرك منه شمال ويمين وكانت ما بينهم وبين بعض ترابيزه بعدها بحركه سريعه ومسكها بقت بين ايديه ورفع الشريط من على العينه وبصلها وقال….. دقات القلب غداره يا نواره
نواره ضحكت برقه و قالت ….انت اللي غدار غشيت وبعدت الترابيزه لولا كده ما كانش مسكتني
علام ابتسم وقال ….مليش فيه اديني مسكتك يلا نطلع بقى اتوحشتك قوي
نواره ضحكت بخفه ولسه هتتكلم
دخلت امه وقالت بغضب…. ده صاله البيت يعني فيها اللي داخل والي طالع مهيش اوضتك عشان تفضلي فاتحاها على البحري يا بت العمده
نواره اتسعت عينيها بزهول وعلام قال… انتي بتقولي ايه ياما عيب الكلام ده
امه قالت بغضب…. العيب انك ما تسمعش كلام امك واهلك وتروح تجيب واحده زي دي وواقف معاها كده في الصاله ولا اكمنها متعوده تتجرس والناس تخش تلاقيها مع اي حد
نواره حطت ايدها على بقها بذهول
وعلام قال بصدمه وزعيق. …اما دي مرتي انت بتقولي ايه
امه قالت بغضب ….ايوه زعق لي زعق لامك علشان مرتك اسمعي يا بت الناس انا ما قادراش اخبي عليك اكتر من كده انا في حياتي ما كنت مره عفشه ولا بوشين جوازتك من ولدي دي من اولها لاخرها مش بلعاها…كنت عايزاه يتجوز واحده تكون اول بخته مش واحده استغفر الله العظيم
نواره نزلت دموعها بصدمه وهو قال بغضب…. اما لو مسكتيش انا هاخدها من هنه وامشي خالص
امه قالت بغضب…. انت ليه مش عايز تفهم ان ما دام ابوها العمده بحاله جوزها لولد الغفير يبقى بيداري على حاجه و
بس قطعها لما قال بغضب …اما..انا مش هسمع ولا كلمه تاني ومش قاعدين في البيت اصلا و
بس قاطعته نواره لما قالت بحزن….. انا اللي مش قاعده في البيت ثانيه تاني يا علام ..ابقى اقعد مع امك واحكيلها اللي عملتو معايا ..انا مش هسامحك على الكلام اللي سمعته ده وووو
