رواية معشوقتي المجنونة الفصل الخامس 5 بقلم ابتسام محمود الصيري

دانيه تتنح و تشهق : هو ده كابتن مهيمن

فادي يضحك : قديمه شكلك شقيه شبه صاحبتك

دانيه بخضه : مش بهزر مهيمن واقف مع نايا

فادي يبص و يبلع ريقه : اوووووبا مهيمن

مهيمن يبصله و يحاول يفتكر شافها فين و يقول: انتى يا انسه مالك ماكنتش خبطه

فادي يقوم بسرعه ويروح عندهم : كابتن مهيمن ازي حضرتك

مهيمن : الحمدلله، ايه يابنى مازهقتش منى هناك نتقابل هنا كمان

فادى : هو حد يزهق من حضرتك  

مهيمن يبتسم نص ابتسامه : حبيبي تسلم ، (ويبص ع نايا ) تبقى تشوف الجثه دي مالها 

فادى : اتفضل حضرتك و ماتشغلش بالك بالجثه 

مهيمن يمشى 

فادي يهز فيها : نايا بت ردى عليا، مشى خلاص ، يا بت،  الله يحرق الكفره (شدها وراحو عند الترابيزه و كب مايه في وشها)

نايا شهقت : مهيمن كان هنا 

فادي يحرك شفايفه شمال و يمين : هو مش كان هنا هو قاعد ع الترابيزه اللى قدامنا 

نايا بخضه : يالهوي ممكن ياخد باله ان انا نضال

فادى : لا مفتكرش شكلك متغير خالص و كمان الميك اب مغيرك و غير العدسات

نايا تهدا شويه :  بجد الله يطمنك 

فادي : طرقينا بقى

نايا تقرب عليه : انا معاكم هنا و مش هتحرك، انسى انى اقوم تانى

دانيه بضحك : ما قولتلك من الاول خليكى

نايا : كنت هبله و الحمدلله عقلت 

فادى كان جواه كلام كتير ل من خطفت قلبه و سحرت عقله بص عليها بهيام و ابتسامة تظهر غمزاته اتكسفت و بصت في الارض،  بص ع صديقته المجنونة و لم يجد كلام يقوله ع تتطفلها بجلوس معهم تنحنح وقال وهو يجز ع ضروسه : منوره يا نايا

نايا بلامباله : ده نورك يا برنس

فادي حط ايده ع بعض و حركهم بغيظ : مسا مسا يا نايا

نايا حست ب فادي انه شويه و هيقتلها لكن ما باليد حيله و قالت بضحك : مسا مسا يا زمل

ع ترابيزة مهيمن

مهيمن بيتكلم مع صاحبه بحزن واضح ع وشه : تعرف دكتور نفسى كويس

محمد صاحبه الانتيم و قريب ليه اكتر من نفسه :  اه دكتور شاطر اووى 

مهيمن : ادينى العنوان (و يرفع راسه عينه تيجى في عين نايا و يسرح في عينها ثوانى حس بأحساس غريب اول مره يحس بيه)

نايا تتوتر و تبص الناحيه التانيه بأحراج و خوف 

مهيمن ينزل عينه و يكمل كلام مع صاحبه

عند نايا

نايا بصوت متوتر : فادى الحقنى مهيمن بيسبلى

فادى : مافتكرش اكيد بيتهيألك

نايا بقلق : بيتهيألى مين ! انا واثقه انه بيسبلى

فادي حس انها قلقانه : تحبى نمشى

نايا من غير تفكير تقوم : ياريت يالا

**********

دانيه روحت بفرحه في قلبها و ابتسامه ع شفايفها و عينها بتلمع 

فريده بمشاكسه : اش اش يا دندون ايه سر الانشكاح ده كله اكيد وراه دكر

دانيه قعدت افتكرت كلام من ملك قلبها ابتسمت بهيام 

فريده بمكر: لا هي فيها هيهيهي لازم تحكى إرى و اعترفى بسرعه 

دانيه تقعد و تمسك رشتها و ترفع ايدها ترسم لكن  قلبها سابقها و بقى يعزف اسمه و عينها ترسم صورته قبل ايدها  : شكلى حبيت 

فريده بصوت عالى : قولى بسرعه هو مين و شوفتيه فين

دانيه تسيب رشتها و تبصلها : بت وطى صوتك ماما هتسمعنا

سوسن من الصاله : حد عايزني

دانيه خبطت فريده بالمخده : لا يا ماما منحرمش منك ،( و بصوت واطى ل فريده ) عجبك كده

فريده بضحك : سبحان الله مامتك ودنها بتتسلك اول ما تسمع سيرت ولد ، و لو بتنادي عليها عشان عايزه فلوس و لا عشان تعمل حاجه ولا كأن حد بيتكلم 

دانيه بجديه  : اسكتي بقى لتقوملنا ( و تمسك ريشتها و ترسم اسمه بهيام 

فريده نامت ع السرير و فضلت تبص عليها بمرح 

**************

نايا تدخل بيتهم سرحانه في الكائن القاسي ابو عيون حزينه تنسى المفاتيح في باب الشقه و تدخل

كرم شافها : ايه يا نايا سرحانه في ايه؟

نايا : —

كرم بمشاكسه : شكلك تعبانه تعالى نامى هنا واحكيلى

نايا تفوق و تبصله بحده : هو الكل مش وراه حاجه النهارده غير احكيلى ، وربنا كده كتير

كرم يغمزلها : تعالى اقعدى معايا طيب

نايا : هششش مش عايزه اتكلم و امشى من وشى يا بتاع المجانين اوعى في يوم تفتكر انى هقعد تحت ايدك

كرم : ماشى يا نايا هيجيلك يوم و تتحايلى عليا كمان 

نايا : لحد ما يجي اليوم انسانى خالص

****************

عند مهيمن 

حنان تستقبل ابنها و بحب : ايه يا حبيبي اتأخرت كده ليه 

مهيمن يبوس راسها : الكلام اخدنى مع محمد و نسيت الوقت 

حنان بأبتسانتها البشوشه : ربنا يسعدكم دايما يابنى ، مراته نهال و ابنه حازم عاملين ايه

مهيمن : كويسين و دكتوره نهال بتبعت ليكى السلام

حنان : الله يسلمها من كل شر

مهيمن بصوت حزين  : امى انا هروح بكره لدكتور نفسى هتكلم معاه بخصوص مريم قبل ما اروح الشغل 

حنانترفع ايدها للسما : ربنا يجعل في ايده الشفا

مهيمن : اللهم امين ، هي مريم نامت

حنان : اه ، فضلت تستناك لحد ما راحت في النوم

مهيمن : ان شاء الله الاجازه الجايه تكون طويلة شويه و اقعد معاها و معاكى (و يبوس ايدها)

حنان : يا ريت يابنى

**************

عند فيلا فوزي في اوضة رنا

ويزوبعطف ع اختها الصغيره الطايشه برومنسيتها و حبها : منزلتيش ليه النهارده من اوضتك

رنا بدموع : ويزو مش عارفه ليه بابا مصمم ع رفض مدحت

ويزوبحب : انا بتكلم معاه و ان شاء الله يوافق

رنا : ياريت يوافق انا بحبه اووى

فون رنا يرن تبص لويزو

ويزو تبتسم : هو؟ طيب انا في اوضتى لو عايزه حاجه

رنا هزت راسها بالموافقه و رديت عليه : وحشتنى

مدحت : ما انا لو كنت وحشتك كنتي متسيبينيش قلقان عليكى من الصبح ممكن اعرف مابترديش ليه

رنا : حبيبي معلش كنت متضايقه شويه و ماحبتش اضايقك

مدحت : يعنى لو مشاركتنيش معاكى و انتى زعلانه ممكن اعرف هتشاركى مين هتتكلمى مع مين ، مين هيخفف عليكى و يمسح دموعك

رنا : حبيبي ربنا مايحرمنيش منك ابدا

مدحت : و لا يحرمنى منك يا حبيبتي 

رنا : حبيبي عارف انت بالنسبالى ايه

مدحت : ايه يا عمرى

رنا : انت القمر اللى بينور طريقى من غيرك مقدرش امشى خطوه 

مدحت : و انا عمرى ما اقدر ابعد عنك خطوه، كلمتى عمو؟

رنا : امممم

مدحت : في ايه يا عمرى مالك

رنا : مافيش

مدحت : حبيبي بيكدب عليا 

رنا : بابا مش موافق و بيقول لازم اهلك ينزلو مصر و ييجو معاك و يطلبونى منه

مدحت : يعنى ده اللى هيخليه يوافق 

رنا : اه 

مدحت : انا هكلم اهلى و اخليهم ينزلو مصر عشان عيونك يا حبيبتي

رنا : بجد يا حبيبي 

مدحت : عشانك اعمل اي حاجه المهم تكونى مراتى و ام عيالى

و فضلو يحبو في بعض

******************

عند مهيمن ينام ع السرير و يسرح في جمال نايا الملامح البريئه الرقيقه اللى طبعا اول ما بتفتح شفايفها كل معالم الرقه بتتغير ل جنان

مهيمن يفوق و يكلم نفسه ، ايه الهبل ده انا اول مره افكر في واحده ، و ازاي بعد اللى حصل ل مراتى و اختى افكر اصلا مجرد تفكير في اي بنت ،  فوق يا مهيمن انت ما تنفعش تفكر في اي ست و اهو الحمد لله و لا اعرفها و لا هشوفها تاني، قفل عينه و كان عنده اعتقاد انه هيقدر يسيطر ع عقله لكن سرح فيه سحرها اللى خطفه من اول نظره

**************

الصبح

عند مهيمن 

مريم برقه : ابيه مهيمن انا استنيتك بليل عشان اقعد معاك

مهيمن : معلش يا رومه كنت في مشوار

مريم : طيب و دلوقتى

مهيمن : هروح مشوار مهم جدا و بعد كده هروح المركز اخلص شغل و اسافر

مريم بزعل : ربنا معاك يا ابيه 

مهيمن : قلبي منحرمش من دعواتك،  بس ممكن نفك التبويزه دي و انا هعوضها الاجازه الجايه

مريم ابتسمت : اووكى بس اعتبره وعد

مهيمن بهزار : وعد و حنان كمان

مريم تحضنه : ربنا يخليك ليا يا ابيه

حنان بهدوء : مريم انا كام مره قولتلك بلاش نقول ربنا يخليك ليا  اسمها ربنا يباركلنا فيك

مريم : سورى يا ماما نسيت 

مهيمن راح عند مامته باس ايدها : امى انا نازل دعواتك

حنان : يا بنى لسه بدرى 

مهيمن : طلبونى في المركز هروح اشوفهم و هروح المشوار اللى قولتلك عليه بليل  

حنان : ربنا يقويك و يسعد قلبك و ينور طريقك و يوقفلك ولاد الحلال في كل خطوه و يرزقك ب بنت الحلال اللى تسعد قلبك 

مهيمن يبتسم  : تانى يا امى 

حنان باستهبال : حبيبي غصب عنى معلش 

مهيمن بابتسامه يبوس راسها و يسلم ع مريم و ينزل

**************

في بيت نايا 

نايا فضلت طول اليل تفكر في قاسي الملامح لكن برارت تفكرها فيه بخوفعا منه لما يعرف الحقيقه ، قررت انها تقول ل اخوها الحقيقه ممكن تلاقى عنده حل، طلعت قبل ما ينزل شغله 

نايا بمشاكسه : ايه الشياكه دي كلها يا دكتور كرم

كرم : لا شياكه ولا حاجه رايح الشغل و لازم يبان عليا الدكتره يا بت و ضربها قفا عنب

نايا بغيظ : ايدك يا غلس (و ضربته بالشلوت و جريت و فضلت تضحك) و النبى لو عملت ايه فصيله من القرود يا لهوووى 

كرم ساب الشنطه اللى في ايده : ده انا ماشى و جرى و راها

هاله بغيظ منهم : سيبك منها انت الكبير و روح شغلك دي عيله فاضيه

نايا تمثل البرائه : انا ، انا فاضيه ده انا مفحوته و الله يا ماميتو و ع العموم انا هسافر ع العصرو بتغمز ل كرم و تقوله عايزه اتكلم معاك

كرم : ايه ركبتى في عينك مسحات عربيه برموشك الحلوه دي

نايا : وربنا غبى امشى يا كرم الله يلم عليك مجانينه ، ده انت نابغه في الذكاء يا قلبي

كرم : لا ناقص تقولى انك مغمزتيش ليا و بتبلى عليكى

نايا بقرف : بالظبط هو ده اللى مكنتش عايزه ست الكل تاخد بالها منه و تفت عليه

كرم : ربنا ما يحرمك منه يا قلبي

نايا باستغراب : ده اللى هو ؟!!

كرم : الهبل يا روحى و فتح الباب و نزل يجرى

هاله : في ايه يا نايا ، ايه اللى كنتى عايزه تقوليه ل اخوكى و مش عايزانى اعرفه

نايا : ابدا يا روحى بس كنت عايزه اتكلم معاه عادى هنزل انا بقى يا حياتى عايزه منى حاجه

هاله : خلى بالك من نفسك يا قلبي

**************

فادي يتصل ب دانيه

فريده فضلت تقلب راسها ع المخده من صوت التليفون و قالت بنوم : دانيه اصحى فونك بيرن 

دانيه غطسه في اعماق احلامها و تقول بنوم : بس بقى سيبينى انام

فريده قامت بضيق ماسكت الفون و رديت بحده : الو 

فادي طول اليل يشجع نفسه يعترف ليها  و اول ما فتحت : دانيه انا لو لفيت الدنيا كلها مش هلاقى واحده زيك في رقتك و جمال بصراحه انا بحبك

فريده كانت بتسمعه و مع كل كلمه تغير رياكشن وشها لحد ماعينها تنحت و بقها فتح ع الاخر و قالت اول ما خلص كلامه و هي تمسك راسها : يا ابن الدايخه دوخت اهلى بكلامك واحده واحده عليا يهدك

فادي يستغرب من الصوت و الجرأه في الكلام قال بأحراج : معايا دانيه

فريده بهزار : لا معاك فريده تنفع

فادي يحمحم : سورى اكيد الرقم غلط

فريده بصوت رجالى : والا خد هنا مش غلط دانيه نايمه بقولك ايه 

فادي كان مكسوف ان حد غير دانيه سمعه : اتفضلى قولى 

فريده بمشاكسه : لا كده كتير متعودتش حد يحترمنى كده ، يعنى راجل و يقولى كلام حب و كمان تقولى اتفضلى ده انا عمر ما حد احترمنى كده 

فادي : طب بلاش تقولى

فريده : لا هقول طبعا ، عندك اخ موز كده و بيعرف يقول كلام حلو يدوخنى بس يكون رومانسي كده و ياخد و يدى معايا في الكلام

فادي مستغربها : لا

فريده بنرفزه : طيب يالا امشى من هنا بقى كفايه عليك كده

فادي : هو انتى ملبوسه في الدقيقه الواحده هزرتى و حبيتى فيا و زعقتى و دلوقتى بتطردينى هو انتى فيكى ايه بالظبط

فريده بهزار : اصل انا فريده و هو ده انا

فادي : بس شويه ده انتى صدعتينى و مفهمتش منك اي حاجه 

دانيه تفتح عنيها : بت بتتخانقى مع مين في تلفونى

فريده : واحد عاشق ولهان

دانيه اخدت الفون بصوت رقيق : الو

فادي بفرحه : ايوه بقى هو ده ، صباح الخير

دانيه بتكتم ضحكتها : صباح النور هي البت دي عملت فيك ايه

فادي : ماتقلقيش اعتبرينى جالى زهايمر و نسيتها، دي شبه الراديو اللى بيقلب ع كل قناه شويه و كل قناه غير اللى قبلها خالص 

دانيه بضحكه رقيقه : معلش هي بتحب تهزر 

فادي : لا براحتها خالص ، دانيه ممكن اشوفك النهارده قبل ما اسافر

دانيه بعد تفكير : هكلم نايا اشوفها فاضيه و...

فادي قاطعها : لا لا بليز عايز اقابلك لوحدك ممكن

دانيه بتفكير : امممم 

فادي : ارجوكى

دانيه بكسوف : اووكي

فادي : تمام اقابلك بعد ساعه في نفس المكان

دانيه : اوكي قفلت الفون و سرحت

فريده بصوت عالى: ها بقى يا اختاااااي اجيب اتنين لمون و لا واحد مأذون

دانيه : خضتينى يا بارده 

فريده : قوليلى بقى قالك ايه

دانيه بسرحان : عايز يقابلنى

فريده : لولولولولى مبروك يا اختي

دانيه : يا نيله وطى صوتك ماما هتصحى

فريده بصوت واطى : اه صح هششششش و علت صوتها انتى هتنزلى تقابلى المز الساعه كام

دانيه قامت ضربتها ب المخده

فريده بضحك : اي اي خلاص هسكت 

****************

في مركز القوات الخاصه

مهيمن : صباح الخير سيادتك

اللواء يحيي : صباح النور

مهيمن / اؤمرنى 

اللواء يحيي قال كلام كتير و عصب مهيمن

مهيمن بضيق : ايه اللى حضرتك بتقوله ده اكيد لا مينفعش دول لسه تحت التدريب

اللواء يحيي : كلامى يتنفذ يا سيادة الرائد

مهيمن :  ممكن نستنى اسبوع كمان

اللواء يحيي : كلامى يتنفذ

مهيمن بقلة صبر و يجز ع سنانه : تمام سيادتك وقام بعد اذنك

اللواء يحيي : اتفضل

مهيمن نزل متضايق جدا و كان بيفكر طول الطريق في كلام اللوا لحد ما وصل عند الدكتور النفسي

***************

في الكافيه

فادى يقعد ع الكرسي اللى قدامه و عينه عليها : ازيك يا دانيه

دانيه قاعده مكسوفه مع انها مع اصحابها شقيه قالت و هي تبعد عينها عنه بكسوف وبصوت واطى : الحمد لله حضرتك

فادي : حضرتك ايه انا فادي مش حضرتك

دانيه : اووكي

فادي ساكت و باصص في عيون دانيه

دانيه وشها احمر من الكسوف و تبص بعيد و ايدها تحطهم ع بعض و تحركهم بتوتر

فادي بحب : ممكن تبصيلى عايز اقولك حاجه 

دانيه بصت بس عينها في الارض : نعم

فادي بتحمحم : ما بلاش الرقه دي بالله عليكى 

دانيه وشها جاب الون الطيف وبصت الناحيه التانيه

فادي بجديه : بصي هنا 

بصت من غير كلام 

فادي بيحاول يشجع نفسه يصارحها : دانيه انا و بص في عينها بحبك

دانيه جسمها تلج و سخن في نفس الحظه وشها بقه كله احمر من تأثير الكلمه اللى اول مره تسمعها من شاب  فرحت اووى و بان في عينيها 

فادي بخبث : ايه مسمعتش رأيك يعنى

دانيه من الكسوف و التوتر مش عارفه ترد ازاي و تكتفى بأبتسامه رقيقه ع شفايفها

فادي بطبعه طماع في مشاعره مكتفاش بأبتسامتها ، قام و اخد الفون و المفاتيح بتاعته اللى ع التربيزه حطهم في جيبه و بيمثل الزعل : انا اسف انى اتسرعت و ضايقت حضرتك و لسه هايمشى

دانيه استغربت مسكت ايده بسرعه بصوت متقطع  : انا مش فاهمه ، انت زعلت ليه ؟

فادي بص الناحيه التانيه و يقلدها 

دانيه بصوت خجول : بليز ممكن تقعد

فادي زق الكرسي برجله  قعد و فضل باصص بعيد

دانيه بأحراج : ممكن افهم فيه ايه؟!

فادي ببرود : انا قولتلك حاجه و انتى مردتيش عايزانى اعمل ايه 

دانيه بضيق من بروده و تصرفه : ممكن تبصلى و انا بكلمك 

فادي بصلها : هو ده بقى كان احساسي و انا بكلمك و انتي مبتبصليش

دانيه بكسوف : مش ممكن مكسوفه 

فادي بفرحه و هزار : ايه ده هو صح ع رأي المثل السكوت علامة ال و انا اللى كنت فاكر غلط 

دانيه بضحك : هو كده السكوت علامة ال اااا ما تفتكرش غلط تانى

فادي بهزار : ع فكره عارف انك بتحبينى بس لقيتك عايشه دور المكسوفه قلت احركك

دانيه ضربته ع صدره : تصدق انك ..

فادي ماسك ايدها بسرعه و حطها ع قلبه و قاطعها : انى بحبك 

دانيه اتكسفت : ايدى يا فادي

فادي : قولى و انا اسيب

دانيه : كنت هقول  رزل

فادي : رزل رزل المهم بتحبينى 

و فضلو يهزرو

*************

عند الدكتور النفسي

مهيمن يدخل العياده بهيبه و بصوت رجولي قوي : بعد اذنك كنت اخد ميعاد اقابل الدكتور دلوقتى

الممرضه تنحت ليه و بسرعه تحمحمت وقالت بعمليه : اسم حضرتك

مهيمن : كابتن عبد المهيمن 

الممرضه : تمام اتفضل حضرتك

(و هو داخل تكلم نفسها بصوت هامس )، يا لهوووي يا خربيت جسمك 

مهيمن طبعا سمعها و عمل نفسه و لا اخد باله

مهيمن دخل للدكتور: مساء الخير يا دكتور

كرم : مساء النور و بص في الروشتة كابتن عبد المهيمن

مهيمن : انا كنت جاي ل حضرتك بخصوص اختى

كرم بعمليه : طيب هي فين اختك؟!

مهيمن : انا جيت ل حضرتك اكلمك و افهمك حالتها الاول و بعد كده هي هتيجى 

كرم بجديه : كابتن عبد  المهيمن اولا انا بحب اعرف سبب الحاله من مريضى ، ثانيا بقى بحب تعبيرات وشي تكون واضحه و هي بتحكى مش بحب امثل و اكون عارف و اسمع منها كده و خلاص 

مهيمن بتفهم : اووكي مافيش اي مشكله بس هي ممكن تقبل انها تيجى هنا؟

كرم : لازم تقنعها انها تيجى و تعرف ان الموضوع مجرد كلام مش اكتر ، و يفضل الحاله تدخل لوحدها عشان تبقى ع راحتها

نايا تدخل العياده ملقتش الممرضه و دخلت ع طول فتحت الباب و بطبعها المشاكس : انت يا دكتور المجانين (و المكتب مش في وش الباب ليه داخله يمين )(و بتكمل كلام )كده تفضحنى قدام مامتك ، ده كان ناقص تقولها و بتبص ع المكتب و تتنح 

كرم اتحرج من اللى عملته اخته و قال بأحراج  : بعتذر لحضرتك اختى  بتحب تهزر و قام ، مهيمن بيبص عليها يتفاجأه انها نفس البنت اللى قابلها بليل 

كرم يشدها و يبعدها بعيد ويقول بحده : يعنى ينفع كده

نايا متنحه تتنيحه سواد و لما بتشوفه لسانها بيتربط او بتفقد النطق

كرم بضيق : بت بكلمك ماتعمليش نفسك القطه الكيوت اظهرى ع اصلك و طلعى القطه البلدى اللى جواكى و خليكى قطه بريه

مهيمن مش مصدق نفسه يعنى الصدفه تخليه يقابلها مرتين و هو هو نفس الاحساس نزل عينه من عليها وبص في ساعته و يقول : دكتور كرم هستأذن انا 

كرم بصوت واطى ل نايا : حسابك بعدين، (و بص ل مهيمن )لا خليك نكمل كلام و راح قعد مكانه

مهيمن قام بطوله و حول يبعد عينه عنها و قال بجديه : انا هبقى اكلم امى تكلمها و تجيلك ان شاء الله، بعد اذنك و هو ماشي عينه جت في عينها و نزلها بسرعه و طلع

كرم بعصبيه  : نايا تهزري برحتك في البيت اما في الشغل خط احمر انتى فاهمه

نايا تنحت و قلبها فضل يدق بسرعه  

كرم هزها جامد : نايا مالك جسمك متلج ليه

نايا فاقت و بصوت متوترمرتعش : لا مافيش 

كرم : كنتى جايه ليه ؟

نايا تبصله بعدم استوعاب : ها لا خلاص 

كرم باستغراب : في ايه ؟!

نايا تحاول تجمع اي حرف معرفتش : انا  ،  ااااا ، اصل ،، كنت جايه اسلم عليك يالا سلاموز و مشيت بسرعه من قدامه

كرم باستغراب : ايه الهبله دي ، دي حتى مسلمتش عليا و قعد ع كرسي

************

نايا نزلت و بخوف : احيه ممكن يكون اخد باله انى نضال اكيد لا انا حاطه لنسز و ميك اب و بشعرى لا اكيد معرفنيش ( و هي ماشيه سرحانه عربيه جايه بسرعه و هي ما اخدتش بالها و بتعدى و فجأه اللى شدها بسرعه رجعها ع الرصيف)

نايا اتخضت و لما شافت الشخص شهقت برعب

مهيمن بص في عينها من قريب سرح ثواني و قال بهدوء : تبقى تبصى قدامك ، مش كل مره القطر ييقى زيى

نايا تبلع رقها بصعوبه 

مهيمن بجديه : انتى كويسه

نايا :— 

مهيمن بقلق : تحبى اوديكى للدكتور

نايا تنسى كل حاجه و تشم البرفيم بتاعه نسيت هو مين و هي ايه  وقالت بصوت رقيق : لا ميرسي (بس عنيهم اتقابلت و مهيمن قرا فيها كلام كتير و كان مستغرب من كلام عينيها )

(ملاحظه مهيمن بيعرف لغة العيون )

مهيمن كان حاطط ايده ورا ضهرها و قريبه منه اووى

نايا تفوق ع صوت كلاسك عربيه كبيره وبخوف تنزل ايده  : لو سمحت انا كويسه الحمدلله ، سبنى حضرتك اول ما سابها جريت

مهيمن وقف يبصلها لحد ما اختفت من قدامه يرفع ايده يرجع شعره و يكلم نفسه بأبتسامه مليه وشه : يا برنس مشيت ، ركز كده و اعقل و لا انت محرمتش من اللى بيحصلك

*****************

نايا اتصلت ب فادى و بصوت مرتعش : فادى الحقنى 

فادي بقلق : في ايه ؟مالك!

نايا : انا قابلت مهيمن و خايفه يكون ماشى ورايا اعمل ايه 

فادي : اهدي كده و روحى اقرب مول جنب المركز و انا في الطريق

نايا : حاضر

فادي ضحك انها سمعت الكلام ع طول : فين نايا الاسد اللى عامله دلوقتى شبه الفار المبلول

نايا بغيظ : ماشى يا فادى هطلعه عليك بس اشوف وشك

فادي قفل الفون و بص ل دانيه : صحبتك هدوخني معاها و شكلي انا و هي قريب هنروح ورا الشمس

دانيه بخوف عليهم : بعد الشر عليكم 

فادي ركبها تاكسي و راح ل نايا 

***************

وصلت نايا المول و قابلها فادي اول ما شافها فضل يضحك بصوت عالى لدرجة كل الناس بصت عليهم :  شكلك مسخره و انتى خايفه كده و بتكلى ضوافرك

نايا  ضربته في بطنه : ليك يوم يا مفترى، و احترم نفسك الناس بتتفرج علينا

فادي يبص حوليه و بصوت واطى يقرب جنب ودنها : ايدك تقيله يا زمل

نايا بغيظ : انت لسه شوفت حاجه ده انا هظبطك بس اصطبر عليا

فادي : طيب استنى بس انتى دلوقتى المفروض انك تغيرى صح

نايا تصقف و ترفع حواجبها و تقول : صح

فادي : ده بقى اللى هتدخلى تواليت البنات و تطلعى راجل و لا هتدخلى تواليت الرجاله و انتى بنت 

نايا : اه صحيح (سكتت شويه لحد ما جتلها فكره طرقعت بصبعها الابهام والسبابه).. وجدتها