رواية أيتام أبوين الفصل الخامس بقلم دنيا
.................................................................
"كلما حطَّمتني الحياة رحت أحزنُ على فَقدك
كأنك كل الأشياء التي تؤلمني كأنك الأشياء التي أحتاجها"
..................................................................
حور..
عيني على الطريق ورجلي موتتني من الوجع
.. ممكن تستعجل والله راح امووت من الوجع
.. باوعلي من المراية ورجع يسوق ولا كأن احد يحجي ويا اني هم سكتت كلت لا احجي شي شو خفت من صعدت بالسيارة مبين من هذوله الطاكين حتى لو يكتلني ويذبني بنص الشارع محد يعترف عليي
..هسع راح نصل لا تخافين شنو يوجعج بس رجلج
.. رجلي ومتنيي حيييل توجعني
.. عادي لأن وكعتي عليهن هسع نوصل بس ينطوج مسكن يختفي الوجع وجن ماكو اي شيي
.. ضل يحجي لحدما دار السيارة وكفها نزل فتحلي الباب ضميت ضحكتي بذاك وضعي وتذكرت الأفلام ياربي لو يعرف شافكر هسع يشمرني من هذا الجسر
.. تكدرين تنزلين لو انزلج
.. لاااا شمالنييي يابا أكدر انزل
حطيت ايدي كوه احس الوجع شلنيي رجلي اكثر شيي بالأخير ماكدرت اكمل واوكف وحدي لزم ايدي ردت اسحبها ضل لازمها
.. من طولج راح توكعين وين اكو بنية هالطول هذاا ودور تريد توكف على رجل وحدة عمود انتيي خما عمود
.. حور.. جبت الطريق كله تتنمر علية اول ماشفتك ولحد هاي الساعاا موو عيب انه اعرفك تعرفني بعدين من زينك وتعيب على طولي الطول هيبة والكصر عيبة
.. احجي وياج هيج حتى ما تضلين تفكرين بوجع رجلج ونكدر نوصل بسرعة مثل ما هسع انتي ملتهيه بالسوالف ونطلق السانج ووصلنا نص الطريق
.. اها قصدك شريف اذا هيج سكتت اذا يجي عباس ويلكاني داكه فج ويا هذا الا يعلكني من اذاناتي على كوله حسين
.. الدكتورة.. ماكو شيي حبيبة محرد رجلج مشخوطة عقمتها الج شوي وتتحسنين
.حور.. جا دكتورة احس شي يخرمش بگلبي مو برجلي دنطوني شيي يسكتة
.. شيسكت.؟
.. الألم
.. يصيح دكتورة اعذريها
.. ههههه لا حقها عيوني صح كلش متأذية ورجلها مشخطة
.. شو ذوله فوك راسي ضلو يتعرفون ويتمعرفون
طلع من رادت تعقمها قبل شويه وضلت تسأل
.. شيقرب الج؟؟
.. ابن عمي
.. اهااا زين اكلج هو مرتبط
.. لا بعدة امه كلفتني ادورله مره
تستمر القصة أدناه
.. احم احح اها انتي شعجب؟؟؟
.حور.. شعجب شنوو
.. اقصد مبين عليج صغيرة شعجب انتي تدوريلا مراا
..حور.. والله بعد اني كلمتي مسموعة بالبيت وكلهم جوه ايدي
.. هااا هههه لازمة عليهم لزمة قابل
.. لاا مووو لزمة بس هم يحترموني لأن اني محترمة نفسي وماابصبص. لا اتدخل بغيري ولا اضل ازحف واخرمش بالكاع تخرمش حتى الفت الإنتباه شفتييي شكد المحترمة يهابوها
... اباوعلها نگلب لونها وجانت تضحك نكلبت الخلقة ميه وثمانين درجة
.. تمددت على السدية وحطيت ايدي جوه راسي
واحسب بالسقف الثانوي
.. عباس.. حورااااء
.. حور.. طفرت وعدلت كعدتي ها حبيبي
.. تأذيتي باباتي شلون صرتي شو بالله من رخصتج دكتورة متأذية شنو هذا لفاف بالله اشوف متعورة حور بويه وكف گلبي عليج يابه شخلصلي الطريق ماادري
.. عدلت ياخة قميصي وباوعت للدكتورة ابسمرها وكلت بكل ثقة.. لا تخاف مجرد شخطة من الرصيف
.. عباس.. انتي ثووولة؟؟ شلون تعبرين الشارع اني شكم مره منبهج خلي نرجع للبيت اذا ما
.. حطيت ايدي على اذاناتي من ورا الشال
.. اعرف اعرف تعلكني من اذاناتي صايرات كبش فداء الك والحسين
.. عباس.. انلصميي تا اطلع اشوف الولد ساحلتة سحل
.. الدكتورة.. هانم اغيرلج الغرفة صارت حارة
... باوعتلهااا بضوجة ودرت وجهي بقهر.. الا يفشلني واني جنت نافشة ريشاتي تالي بثواني طلع كل جذبة
دخلو هو وهذاك الولد
. ماعندج غير العافية خوية واعذريني عن التقصير ان شاء الله ما تشوفين شر انتبهي النفسج مره الثانية شارع خطر وياما ناس راحت بسببه
.. تسلم لا بعد منا وهيج مااعبر
.. الدكتور.. لحظة لحظة يعني انت مو ابن عمها ؟؟؟
...استغربو وصفنو بوجهها واني صوفرت
لزمت رجلي
.. دكتوووورة رجليني فدوه شوفيهن شبيهن
.. عباس ها شبيج
ماادري ماادري رجلي توجعني
.. عباس.. بس هاي ملفوفة ليش لازمة هاي؟..
.حور..هااا اييي هاي حولت ايدي للرجل المتعورة بيها
اييي ايي. عفية عبااس كللها تنطيني شي يخفف الألم راااح امووت كلت بگلبي لا جذب ما بيه شيي بس عندي مرض اسمه جذب وهنبلة ماخذتهن من عضيدي واخوي حسوني
.. عباس.. راح اروح للدكتور اصبرييي
.. باوعلي وهيه تباوعلنا بشك هذول شبيهم داير مدايري وحوش لو شنو
تستمر القصة أدناه
.. حوراء اني ثائر كلت مايصير ما تعرفين اسمي
.. حور.. معكمشة وجهيي من الوجع ضابة البند حيل بنت الاوادم.. عاشت الاسامي اي حلو اسمك
.. ثائر.. اعرف هذا رقمي لو ردتي شي
.. حور.. باوعتلة باستغراب ونوب درت وجهي للدكتورة العيونها معلكة بينا وابتسمت بخباثة هو باوع للصفحة الي اباوعلها ورجع بارعلي سحبت منه الرقم مسويله كارت لا يكون ابن المحافظ وماادري
.. ان شاء الله اتصل عليك تخزن رقمي يمك.. اباوعله مستغرب ردة فعلي وشلون نعمت صوتيي حقة مايدري بخباثتي
.. ابتسمت بوجهه الدكتورة واشرتلها وعباس والي اسمه ثائر يحجون على صفحة اجتي يمي
.. ها حبيبتي
.. عمري اني معلية اذا معجبج الموضوع بس عبدة مأمورة بهالشي هذا رقم استاذ ثائر
.. اباوعلها وخايفة منها لا تفضحني بس شو هاي لمعت عيونها وسحبت الرقم مني
كوه كتمت ضحكتي كال رقمي كال مو اني هيتة الحظرة جنابك بس الواكف يمك ورافع راسه يشرفك مبين وجهك معشعش على بير الفلوس الكضينا عمرنا ندور علي ويدور ارقام يمي ابن الملحة
............
.. زينب.. وهذا كله صاير وياج واني اخر من يعلم ليش هيججج شوكت جنتي ناوية تكليلي لحدما تموتين شلون شلون ما حسيت
.. حور. ترا ماردت اكلج بما اكو شيي صاير
.. يمااااا نوب بعد اكووو شييي صايرررر لجج شكم جلطة تريدين تجلطيني احجييي شمنتظرة
.. اليوم واني منتظرة حسين درت وحهي وجان اشوف سيارة مراقبتني بس للأمانة مااعرف مراقبتني لو واكفة بس من اجه حسين ومشينا هيه حركت ومشت وضل بالي وخايفة اخاف؟؟
.. زينب.. قصدج ثائر هذا الدعمج هوو نفسة منتظرج
.. حور.. مااعرف لا ليش ينتظرني يمعودة اخاف مو يمي السالفه ماادري بس اني كلت مستحيل اضم اذا اضم اوكع بمشكلة ف اجيت اكلج
.. شلون هسع نكول المن؟.
.. حور.. فكرت.. اكول الأحمد؟
.. زينب.. لا دخيلج ماعولني اخلص تعرفين احمد بعده يحوم فوك راسي هاي يعتبرها اشارة بس تحجين ويا
ليش نستعين بالغريب خو نكول الاخوانه
.. حور.. لج زينب متفكريلهااا اسمعيي اذا كلنا العباس راح يخاف هو بيت ويم عمي وخايف علينا بس اكله يعوف شغلة ويكعدلي كبال المدرسة واني مااريد هيج وحسين يلملي اصدقائة ويروح على الرجال يتعارك ويا وتعال يا عباس فكهم وانطي فصول
اما احمد فهذا يدور راضج وبس يباوع الحلكج اذا حجيتي فراح اخلي يراقب بي واذا شافه يسوي شي لو يراقبني لو يطلع هوه نفسه ثائر يروح ينطي المقسوم ويفلت
تستمر القصة أدناه
.. مستحيل اخليج تروحين وحدج بعد اليوم ياربي منين اجتني هاي المصيبة
..
.. اتصلي عليي خلي نحجيي وياا عفية
.. لا عفية مااعرف اشوي شي بدون علم عباس شلون هيج احنه عدنا اخوتنا ونروح نستعين بالغريب مااقبلها على نفسي ولا على اخوتي
.. حور.. والله اخاف عليهم جا اني تقبلها نفسي بس هم مااكدر اجازف بيهم
...
.. تمام هسع راح اتصل عليي واحجي ويا وافهمه السالفه وعلى الله
.. لزمت الموبايل اريد اتصل وندك الباب سديتة وحطيتة جوه المخدة بيه خوفة مااحس هالشي زين ومو لازم نكول اصلا الغير اخوانه وندخلهم
.. حسين.. شبابات تعالن سوللنا تعلوله راح يجي عباس خلي نكعد سوه
..حور.. هسع انتتت مو تعبااان
.. حسين.. دكومييي كوميي لجج شنو عازلااات
.. زينب اجه تمدد بفراشي ابتسمت وكمت بسرعة طلعت اسويلهم كعدة حلوه
... وافكر بالموضوع لا اني مااكدر اسوي الي كالتة حوراء لازم اكوللهم همه اخوتنا ويعرفون الزين وخصوصاً عباس لازم واحد يخبرهم لا يصير شي ويلومونا
.. حطيت الاذرة وسويتها حسيت على صوت يمي
.. عباس. السلام عليكم
. زينب.. ياهلا والله وعليكم السلام
.. شلونج.. زينب وين اخوتج.. شو سكتة كلما اجيي الكاهم صاجين البيت
... نايم بالغرفة يم حور ينغص عليها هههههه
.. عباس موو اكووول ميكعد راحة
.. سويت صينية واخذتها للغرفة لكيتهم مشغلين تلفزيون
؛..حسين.. عباس هذني الزوج مااعرف شعدهن صارلي ساعه اماطل ويا الباب اريد اسمعهن شيحجن ماادري بس اسمع زينب تلطم
.. عباس... ماطول زينب تلطم معناتها نلطم كلنا
.. حسين.. اني هم كلت مثلك اخويه اخيك افهم السالفه اضل اليل كله كاعد افكر بيها
.. زينب. اني وحور وحدة باوعت للثانية
.. حور.. ماكو شيي
.. زينب.. لا اكو
.. حور.. زينب
.. زينب خليني احجي........... حجيتلهم كلشي صار بدون مااضم عنهم
.. اباوع العباس صافن ومبين من وجهه العصبية
وحسين يباوعلنا ممصدك ومستغرب وحور وجهه اصفر وهم. منتظرة عباس ينطق
.. عباس.. رقم الولد عندي؟ واصلا هو ابن ناس معروفة بالبصرة يعني شنو غايتة يراقبج او يخوفج
.. حور.. مو شرط هو او يمكن مو عليا السيارة
.. حسين.. اليوم لون وجهج جان مخطوف؟
معقولة ما تحسين بشي وغلط لازم اكو ان بالموضوع والا ماخطر على بالج هيج
تستمر القصة أدناه
.. هم بس احنه حركنا هم طلعو بغير فرع. لذالك خفت كلش
.. عباس.. اذا اتصلت على الولد وسألته وطلع مو يم السالفه سراح يكول عنا فشلة منا
.. حسين.. اني السالفة مااعرف بيها جبيرة ورجعت علمودها صدكني
.. عباس.. حسيين تشوفنييي تشوووف شكد اتعب واشتغل ثلاث شفتات شفايدة العمالة؟؟ ليش تشتغل
.. حسين.. تشوف هذا طولي وشواربي تارسة وجهي وكلية واجي اطلب منك فلوس وانت كوه مدبر وضعك شبيك عباس
.. عباس.. ومن شوكت تستنكف منييي هااا يعني شووف مجرد تتأخر على اختك عشر دقائق يصيرلها شي قبل فترة حادث واليوم يراقبوها باجر يخطفوها وانت تشتغل حسين خوية لا تشلع گلبي والله اني مااعتبر نفسي اخوكم اني ابوكم ومن اصرف عليك لو على خواتك حقكم هذا اني كل الي اطلبه منك تسويلي فضل وتنتظر المدارس حتى قبل ما تحل لأن مااخاطر بحور
اذا متكدر كليي اخذ اجازة واكعد اراقبها واشوف شكووو
.. حسين.. لا خلص من باجر مااطلع وانتظر ست حور تطلع من المدرسة يلا
.. عباس.. عاشت ايدك خوية فدوه الگلبك انه ماعندي غيرك انت وهذني الاثنين الراحو كافي والي شفنا هم كافي ماامستعدين نواجهه اكثر اريدك تحطهن بعينك هيج ولا تغمض اخاف يتأذن هذني حبيبات ابوي گلب امي دير بالك عليهن
.. زينب.. كامت حور حظنتة وتبجي مااعرف ليش بس گلبي عصرني.. كمت وحظنتة لاااا تحجي هيييج عبوسييي انت موجود حسييين خلييي حاير بروحة نريدك انت تحطنا بعيونك
.. عباس.. يا يابه شوف شوووف ريحة اميي والله
... ضحكنا وهو يشمشم بينا وباس حور ومسح دموعها وطمنها ما تخاف طلع بره وحسين ورا
.. حور.. خايفة عليهم
.. لا تخافين حبيبتي الله الحافظ يحفظهم النا بحق الحبيب محمد
.. راحت للغرفة تنام واني بقيت انتظرهم اريد اشوف شيكول هذا ثائر معقول هو بس مااعتقد يمكن هيي ببالها لأن منتبهه للسيارة فخمة
.. لل١ وهم برة ومااكدر اطلع يمهم ولد عمامي تمددت بفراش حسين وحطيت ايدي جوه المخدة تحسستها
سحبت الصورة الي صارت بأيدي
جانت النورس ابوي وامي واكفين وشايليها وحسين واكف وتكول بالجيش مستعد ورافع صدرة وصغيير ابتسمت للصورة منو يكول الامي نورس حب اخوي
وواحد ميت بالثاني ما توقعت مشاعر اخوي صادقة الهاي الدرجة
بوست الصورة ورجعتها المكانها وكمت للغرفة اتصل بيهم كافي وراهم طلعه شوكت مثلا ينامون
.. حسين بسرعة اذا متدخلون اقفل الباب
.. اهووو يمعودة صدك جذب دخليني كاعدين شكد مزعجة
تستمر القصة أدناه
.. بكيفك اني كلتلك اذا متجي اقفل الباب وضل متونس للصبح
.. عباس زينب راح تقفل الباب
.. عباس.. لا اذا هيج ماستعدين نترخص شباب
.. جااييين يمه جااييين
.. سديتة مبتسمة وكمت تلكيتهم
.. فرشت العباس وكعدت اباوعله منتظرتة يحجي
.. عباس.. روحي نامي شكوو واكفه فوك راسيي
.. زينب.. مووو كلت اخابره
.. عباس.. باجر احجيلج
.. لا عيني لا وين أكدر انام عفية احجيلي هسع وخليني ارتاح واطمئن
.. اتصلت بي
.
زينب.. شكااال؟ اكيد ميعترف على نفسه
.. يمعودة.. الولد من يوم الحادث طالع من البصرة اصلا يجي مرات الهنا حتى يشوف اهله هناك شغلهم ببغداد وبأربيل المهم حجالي هاي التفاصيل يبرر يكول مااعندي اي شي ويا البنية واني مستحي منها مو نوب اخوفها هيج
.. ووعدني يحاول يشوف الكامرات او يكلف احدرغم كلتله لا تدخل وخليه للسالفه يمكن صدفة بس هيي متريد تضم عنا وما قبل خجلني بأخلاقه والصراحة اذا رحت اني محد يقبل ينطيني لا تسجيل ولا حجاية لذالك اتمنى لو فعلا يساعدني
.. ياالله اكلك حبيبي انت هم لا تكبر السالفه يمكن مو يمها اصلا فأنت لا تضل تفمر نام ارتاح
.. عباس.. هاهيه حبيبتي روحي انتي هم نامي
.. عفتة غركان. بفكاره وحسين يراسل ويتبسم شلت الكوشة وشمرتها علي ودخلت للغرفة اضحك شمرها على الباب
.. حسين.. اني اعلمج
...
.. ثاني يوم القلق اكل گلبي وما داومو كلهم راحو ويا حور قلقوها وقلقوني اكثر بسوالفهم على كولة حور مسوين من الحبة كبة موتوني
..كعدت هالمرة على درجات البيت اباوع بيت عمي مسافة بعيدة عنا صارلي قرن ما رايحة الهم ولا اريد اروح بس عميي يضل يخبث ويانا اذا عزمنا لو كاللنا تعالو ومارحنا
الاذان يأذن.. وايدي المسبحة والثانية التربة ومنتظرة يجون حتى مااكدر اصلي كلمرا اكعد قبل ما يأذن اصلي ركعتين اهديهن الاهلي وهسع مااكدر خايفة حيل من هالسالفه ياربي كون يطلعون منها سلامات
.. احمد.. زيينب
.. فزيت من صفنتي على صوت احمد ابن خالي. استغربت وجودة ووكفت متعصبة منه ومن صلافته
.. شكووو شعندك جايي الهناا
.. احمد.. عباس موجود
.. لا تغشم نفسك تدري بعباس ميجي هسع ولا حسين امشي مناا
.. احمد.. ليش تنترين زينب.. ؟
.. مواقفك تفشل وياي متسمحلي اوكف واواجهك واحجي بكل برود مثلك
.. احمد.. هاي لأن اعترفتلج احبج مواقفي تفشل.؟ والي عاقد عليج وتاركج ورايح يتونس بروسيا عادي من يرجع تخافين حتى ترفعين عينج بعينة ليش بالله شناقصني عن حيدر اني؟؟
.. زينب.. احمد ارجووك روح منا اني ماالي علاقة لا بيك ولا بحيدر ولا بغيرة لا تضل تألف من يمك وانت تعرف علاقتي بحيدراما انت فأنت ابن خالي وبس حجيت وياي وصارحتني ورفضت وخلص انتهت ماكو داعي تفتحهن مره ثانية وتخليني اجرحك حسين صديقك ويحبك بس لو يسمع مخلي عينك على اختة راح تشوف غير وجهه اله
.. احمد.. احبج زينب افهميني وحق هذا الاذان احبج شبيج انتي شكد قاسية ليش هيج تتصرفين وياي وتباوعيلي وكأنما جلب ومشمئزة مني ترا كرهت حتى روحييي
.. زينب.. شبيييك احمد د تريدني شنوو اسوي مثلا اكعد اتمعشك انييي ويني وين هاي السوالف عوفني لا والله اكول العباس واهلي يشوف شغلة وياك اني لحد الان محترمة خالي وانت ابنه وكم موقف فازعلك لا تخربها
ابو حيدر.. خييير يااا طيييير ابن لطيييف هنااااا..................
