رواية ندوب الذكريات الفصل السادس 6 والاخير بقلم سحر السحرتي

*فضلت احاول مع سمير واسال كل معارفي عشان يلاقي شغل يمكن دي مشكلته ما هو كان كويس اول الجواز لما كان بيشتغل 

*بالفعل واحده صاحبتي كلمت واحد معرفه وبقى امين مخزن بس فتره الليل 

*الحمد لله ارتحت منه مش بشوفه غير ساعتين لان شغلي بالنهار وهو بالليل

 *الحقيقه ظبطت كام شهر بس كالعاده طلع بيتوتي بيحب قعده البيت والست اللي تصرف عليه عرفت ده بعدين لما زهقت ادور له على شغل 

*واحده صاحبتي ثانيه نصحتني ادور وراه

 :يعني ايه ادور وراه 

:هو انت سألتي عليه قبل الجواز

 :لا ما ابتهال هي اللي عرفتني عليه وعارفه عنه كل حاجه 

:معقول يا نادين واحده في سنك تتجوز كده عريس جايباه زميلتها في الشغل من غير ما تسألي عليه

 :وهي ابتهال كانت هتضحك عليا

: لا بس اللي ابتهال تشوفه عادي انت ممكن تشوفيه غير عادي 

:وايه الفايده اني اسال دلوقتي عليه

 :تخلعي بجلدك من الجوازه النحس دي لو طلع فعلا عاطل وبيحب ستات تصرف عليه

: انت خوفتيني

 :و تخافي ليه لو طلعت ازمه بيمر بيها اقفي جنبه مش عيب لكن لو طلع بيستنطع اخلعيه وادي له على دماغه ... يعني عاجبك كل يوم والثاني جايه الشغل وشك ازرق ويا عالم باقي جسمك شكله ايه ... تحبي اجي معاكي

: يا ريت تبقي عملت فيا جميل عمري ما هنساه

بقلمي سحر السحرتي 

 *فعلا سألنا وطلعت اني مش تاني جوازه له لكن هو متعود يتجوز ويعيش عاله على مراته  ... وكل شويه بحجج و يقلبها في فلوس و يطلقها ... الفلوس دي بيتجوز بيها واحده ثانيه ويثبت لها انه بيشتغل في الاول لما تثق فيه ويبدأ افلامه الهابطه بتاعه العربيه عملت حادثه او عطلانه 

*اتصدمت بس قررت اني مش هستسلم ولا هدفع جنيه كمان 

*وانا بدور وراه عرفت انه مديون 

*اشتريت المديونيه وهددته اني هسجنه لو رفض يطلق

 *فضل يماطل ويض-رب لغايه لما طارق عرف وقف جنبي وخلاني اعمل بلاغ لما ض-ربني وقدم الشيكات ووصلات الامانه اللي معايا واستدعى محامي صاحبه عشان يمشي في الاجراءات لانه مش قادر يبص لي بعد ما اتجوزت راجل غيره ولمسني

 *تم الطلاق فعلا سمير ما ضيعش وقت ولقى واحده غيري تتجوزوا وتسدد ديونه اللي كانت معايا بس المره دي اتجوز واحده اكبر واغنى وهو بيعرف يقول كلام حلو لبست في حيطه 

*دخلت في اكتئاب بعد ما فكرت اني عشت اسوء 16 سنه بجوازي من طارق ... طلعت عشت اسوء ثلاث سنين بجوازي من سمير 

*بدأت اشوف مميزات طارق اللي كانت غايبه عني او بمعنى اخر الللي غب-ائي عماني عنها ... بس بعد ايه هيفيد الندم خ-سرت جوزي و خ-سرت ولادي كمان 

*ايمن مش ناسي اني كنت بتبهدل وبخبي عنه 

*ونورين مش ناسيه اني اتطلقت من ابوها اللي كان ممكن استحمله

 *بعد طلاقي بسنه طارق هو كمان طلق مراته ... هو من الاول كان تعبان معاها لكن كان مكمل بالعند فيا عشان ما اشمتش فيه واقول انه فاشل في الحياه الزوجيه او يمكن لانه كان بيختار بسرعه اختاره غلط

بقلمي سحر السحرتي 

*بعد طلاق طارق بسنه نورين بنتي بتزن علينا احنا الاثنين عشان نرجع لبعض سألت ايمن 

:انت رأيك ايه

 : انت اللي هتعيشي معاه انا خلاص بشتغل دلوقتي وبصرف على نفسي ومهما حصل مش هرجع هفضل مع تيته

: ايمن انت دلوقتي راجلي بعد ما جدك مات من كام سنه ما بقاش فاضل لي حد غيرك

: لو كان فعلا زي ما بتقولي كنت اعتمدتي علي في جوازتك اللي فاتت

 :يا حبيبي انا خفت عليك تته-ور ويضيع مستقبلك وده كان راجل شراني وممكن يرمي بلاه عليك

 :كنت جربيني الاول

: الام عمرها ما ترمي ولادها في الجح-يم ما تزعلش مني

: مش زعلان بس فكري كويس قبل ما ترجعي لبابا و تأكدي انه اتغير .... كفايه اهانات لحد كده 

*فعلا ايمن كان عنده حق 

*نورين بنتي بتحاول وكل واحد فينا خاي-ف يخوض التجربه من ثاني 

*غير ان طارق لسه قلبه مج-روح مني لانه كان بيغير عليا جدا وانا اتجوزت غيره و اتكشفت عليه اي نعم هو حلال بس طارق راجل حبه صعب 

*بعد طلاقي الثاني قدمت على معاش بابا عشان اكيد مراته 

*لانها طبعا بتاخد معاش لها بس لان اولادها مش اولاده 

بقلمي سحر السحرتي 

*كان لازم ارد لها شويه من اللي عملته فينا وتحس بضيق الحال اللي عشنا فيه سنين خصوصا ان ما حدش دلوقتي بيصرف على اولادها لانهم كبروا

*غير انها شرفتني بالزيارة بعد طلاقي الثاني وقالت كلام بتشمت فيا 

*سبتها تقول اللي نفسها فيه وانا هرد بالفعل وحصل

*ليه اسيب حقي اللي كنت بخا-ف على زعله م-ات وده حقنا اللي كانت بتضحك عليه زمان وتمنعه عنا

*انا اخدت المعاش لان شغلي غير مسجل وكنت بعد سنين كثير بقى المرتب كبير كنت مش محتاجه المعاش فخرجته صدقة على روح بابا وماما 

*مرات بابا تسكت ابدا كانت تيجي تخبط على الباب عشان تتخ-انق معايا بفتح الاقيها هي رغم اني كنت ببقى عارفة و اقفله في وشها قبل ما تنطق

*طبعا بتقعد تزع-ق من ورا الباب وانا مش برد

*حد من الجيران صورها وعمل محضر فيها واخدت عليها تعهد بعدم التعرض ده ريحني جدا 

*انا محتارة دلوقتي نورين بنتي بدأت تبات عندي كل اسبوع وتمسك وداني عشان ارجع وطبعا ماسكة ودان طارق باقي الاسبوع 

*عارفه اني غلطت في اختياراتي بس محتاجه رايكم اعمل ايه 

*اتمنى تتعلموا من تجربتي المريرة وكل بنت تفكر قبل ما تتجوز لان الجواز عمر بيضيع يا اما يبقى له قيمة يا اما يضيع بلا قيمة 

*بلاش تختاري بسرعة لمجرد أن ممكن يفوتك القطار لان هتتمني يرجع بك الزمن وتفضلي أنه يدوسك