رواية لا أعرف الطريق الفصل السادس 6 بقلم جمانه السعيدي

البارت السادس والاخير

جمانه السعيدي 

ايمان...رجعت شيخه تتصل عليه وتعرف كل اخباري

حتى العلاقه بينا تريد تعرف تفاصيله    

من باب صديقتي وتريد مصلحتي وتريد تساعدني 

كنت احجي كلشي الزغيره قبل الجبيره 

لمن اني انطيته الفرصه حتى تنتقم مني 

اسبوع يطلع مرتضى ومايحصل شغل يرجع كلش ضايج 

وهو هم جسمه ضعيف الضاهر تعب من العمل 

كان ضايج بشكل اول مره اشوفه هيج ضايج 

اتصلت عليه شيخه  

شيخه..شببج شو ضايجه 

ايمان...ولله مرتضى هليام ماعاجبني حيل مااعرف شبي 

يطلع ويرجع يكول ماكو شغل 

شيخه...خاف شايفله شوفه 

ايمان..مرتضى لا مايسويه

شيخه..انتي شمدريج يمعوده هاي الزلم محيله يبين كدامج فقير حتى لا تشكين بي 

ايمان..انتي ماتعرفين مرتضى ماعد هاي السوالف 

شيخه..ولج انتي تبقين غبيه طول عمرج دزيلي صورته 

واني هسه اكشفلج حقيقته 

ايمان ابد ماقنعت بكلام شيخه مرتضى زوجي واعرفه زين ماعدا هاي السوالف 

بس استسلمت الحجيه والحاحه جمانه السعيدي جنت متأكده راح تكول

مالكيت شي زوجج ذهب ماكو منه 

بس المصيبه الي ماكنت متوقعته شيخه نشرت صورة زوجي بكروب نسائي وكاتبه منو تعرف هذا الولد 

وحده راده عليه قبل كم يوم اجا خطبني ورفضته يكول زوجتي مايصير عدها اطفال واني اريد اطفال   

مبين فقير وماعندا شخصيه 

شيخه صورة المحادثه ودزته اليه هاي المحادثه كانت متفقه عليه هي وصديقته حتى اشك بزوجي واخرب حياتي باايدي 

ايمان بس شفت المحادثه تخبلت ياا مرتضى يطلع منه كل هذا 

شيخه...اوكفي خل نخطط صح لا تستعجلين وحده وحده 

اذا كتيله كشفتك راح يزوجه غصبا ماعليج بعد انتي عرفتي شتربدين اسوين سوي وهو يعرف اهلج مايرودج 

ولا راح يستقبلوج 

ايمان...شلون دبريني هذا الرجال راح يضيع مني 

شيخه...اني عندي الحل اكو علاج هو سعرا شويه غالي 

بس اذا اخذ منه مرتضى يفقد رجولته وبعد مايفكر يزوج ابد   

ايمان...شكد سعرا فدوه ميخالف اشتري بس مرتضى لا يزوج عليه  

شيخه...سعر العلبه الوحده ١٥٠ الف تحتاجين ٤ علب 

لازم يوميه تخلين بلاكل حبايه وتتاكدين ياخذها 

ايمان..منيين اجيبه فدوه 

شيخه..اني ادزلج العلاج وانطي الفلوس الابو التوصيل 

العلاج الي باعته عليه ٦٠٠ الف قيمته كله ٢٥ الف 

وصلني العلاج وبديت اخلي الهذا المسكين بلاكل 

وغيرت معاملتي ويااا كمت اضوج منه 

واحجي وياا من ورا خشمي  

كمت مااطيقه كلما اباوع بوجه اذكر المحادثه الي شفته 

تخبلت كمت مااشوفه بعيوني كرهته 

اني يزوج عليه شلون اذا مااخلي يتندم 

وهو متعجب مني ومن تصرفاتي متوقع لان مايشتغل وماينطيني فلوس زعلت منه

رغم هو مرتضى نفسه ماتغير من يوم ازوجنا لليوم 

يحبني ويموت عليه ومايقبل يزعلني ابد اني مرات اصير عصبيه واخلق مشكله وهو الي يجي يصالحني مايتحمل زعلي ابد 

بس هاي الشيطانه عمت عيني عن هاي الحقيقه 

بلبدايه كام مايكدر يقرب عليه 

وكان مستغرب من هذا الوضع والمصيبه مستحي مني 

مستحي لان يحس نفسه مو تمام 

واني ابد مارحمته ولا رحمت مشاعره   

بقيت كل يوم اخليله بلاكل حسب تعليمات شيخه 

الحد ماا فقد اعصابه فد مره كام مايكدر يمشي ولا يكدر يوكف حتى ايده مايكدر يرفعه الجرعه جانت جبيره علي 

٣ اشهر واني كل يوم انطي الحد ماصار كومة عضام 

ولا يكدر بوكف ولا يتحرك 

اتصلت على شيخه لكيته حاضرتني اجت عمة مرتضى 

سمعت بي مريض واجت شافته وتخبلت 

نقلنا للمستشفى الدكتور تعجب   

كال هذا شبي اعصابه منتهيه هم جان ياخذ علاج شي 

كلت لا واني جنت انطي السم بايدي 

ذاك الولد الشاب الحلو تحول إلى هيكل عضمي ولا يكدر يمشي ولا يكدر يوكف تكرمون حتى حاجته يقضيها جوا 

ماخلينا مكان مااخذنا صرفت كل الفلوس العندي حتى اعالجه وبدون فايده جمانه السعيدي حتى ذهبي بعته   

الراتب الي كنا نستلمه من الرعايه مايكفيني معيشه 

وهو يريد علاج اني شسويت بروحي دمرت حياتي 

الناس كامت تتصدق علينا   

الناس تعرف بمرضه وبحالتنا ااماديه الناس كامت تتصدق علينا واني حياتي تحولت إلى حجيم 

انضف جوا اشيله للحمام اوكله بايدي حتى ايده مايكدر يرجعه الحلكه تخبلت رجعت ادور على شيخه 

ماااريد منه شي اريد بس اسئله ليش ليش دمرت حياتي

اني بيش اذيته ليش ضيعت حياة هذا المسكين 

كمت اسئل عليه بكل الكروبات 

اريد اي وحده توصلني اله نار شكبرها بكلبي منه 

دمرت حياتي وحياة هذا المسكين 

الحد مادخلت عليه وحده كالت اني اعرفج واعرف شيخه 

شسوت بيج اني صديقته واعرف كلشي عنه 

شيخه عدها أمراض نفسيه ماتريد واحد سعيد ومرتاح 

تريد الناس كله حزينه البنات كله مطلكه 

حتى زواجج الاول هي سبب طلاكج هي اتصلت على 

زوجة جواد الأولى وحرضته عليج 

ايمان...وهذا المسكين شنو ذنبه كل دقيقه يموت من وراها 

نشرت صورته وكالت راح يزوج عليج واني صدكته

اي هي وصديقته اتفقن هي تنشر الصوره وصديقته تعلق عليه

ولأن انتي كتيله ماعدنا اطفال استغلت هاي الفرصه 

ايمان..انتي ليش تحجيلي هسه 

...لان شيخه رادت تلبسني مصيبه رغم الصداقه الي بينا 

والعشره شيخه ما تتامن 

اني شاهده على كلشي صار وياج جانت تسميج الثوله 

تكول مادام ثوله تستاهل كلشي يصير وياها 

ايمان..تعرفيه نشتكي عليه ونخلص الناس من شرها 

...مااكدر هي لازمه عليه كم شغله بس اشهد عليه تفضحني     

ايمان..مااكول غير حسبي الله ونعم الوكيل عليه 

انشاء الله حوبت هذا المسكين ماتتعداها

صار اربع سنيين ومرتضى طريح الفراش لا حول ولا قوه 

وعايشين على الصدقات الي الناس ادزها النا 

اني تعبت وهو هم تعب وكل الدكاتره أكدت ماله علاج

راح يبقى هيج منا لمن رب العالمين ياخذ امانته 

صار عندي سوفان بركبتي واديه لان اشيله واغسله 

عضامي كله توجعني ومااكدر اعوفه لان اني سبب هاي المصيبه الي هو بيه صدكو اتمنى كل يوم اموت واخلص من هاي الحياة للابد

شكد ندمانه ضيعت حياتي باايدي 

رب العالمين دزلي مرتضى رحمه حتى يخلصني من اهلي 

بس اني تعافيت علي 

وماقدرت هاي النعمه 

كل يوم ابجي دموع دم على حياتي الي ضيعته من وثقت بوحده ملعونه مثل شيخه ومشيت وراها

هاي قصتي اتمنى تكون عبره للبنات الي تصدك كلشي 

تسمعه لا تثقين باي وحده ماتعرفينه

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم