رواية من القاتل الفصل السادس بقلم جمانه السعيدي
ام معتصم.... كرهة الدنيا كلها
احس نفسي ميته مااكدر اشتغل واسوي اي شي
مااريد اشوف الناس كلبي ما يقبل يصدك ايه ماتت
الحلم الي جنت عايشه علموده ضاع
ابد ماادخل غرفتها بس ادخل الغرفه اختنك
النسوان الي جانن يخيطن عندي يجن عليه شكد حاولن يرجعني مثل قبل بس مااكدر عبالك جسمي انشل
عمار يطلع للشغل ويرجع جايب وياا اكل جاهز
اني حتى اكلي صار كلش قليل والسكردوم معلك مااكدر اكل اي شي اختي تطبخ اكل ماصخ وبدون دهن وجيبلي
بس ماعندي قابليه على الاكل عبالك واحد ورابط معدتي
طلعت اغسل برا ماشفت الصندوك
ام معتصم.... يمه عمار الصندوك ماكوووانت مغير مكانه
عمار...هااا اي اني اخذته خليته بلسياره
ام معتصم....اذا مضايقك بلسياره رجعه المكانه
عمار...لا ما مضايقني
ام معتصم....تعبتك وياي
عمار...لا ماكو تعب انتي شكد تعبتي وياي الناس كلها طردتني وانتي الوحيده الي كعدتيني بيتج وتحملتيني
ام معتصم...الله يبارك بيك
باوعت نزع البدي اكو بايده شخط مثل الخرموش
ام معتصم....شنو هذا متعور
عمار...اي انشخطت بلسياره
ام معتصم...دير بالك يمه راسا رجع لبس البدي
نزل معتصم مجاز
وعمار بعد ماجاني لان معتصم موجود بلبيت
كال اني رايح ومن يروح معتصم للدوام اجي ابقى يمج
جمانه السعيدي
ام معتصم....هله يمه الله يساعدك
معتصم...هله حبيبتي شلون صرتي
ام معتصم...شلوني البيت يريد ياكلني
معتصم.... نأجر بيت ونطلع
ام معتصم...لو تاخذني الاخر الدنيا ايه عايشه بكلبي وروحي
معتصم...بعدهم يحققون بقضيتها ولد صديقي يكول حتى بيتكم مراقب يردون يشوفون من اكثر واحد يتردد علينا
لان احتمال المجرم يحوم على بيتنا يريد يعرف شصار
ام معتصم...لو يقطعونه تقطيع هم مايشفون غليلي
معتصم...اكيد راح يوكع ماكو جريمه كامله
ام معتصم...سمعتك تكول الشرطه عدهم دليل
معتصم...اي لكو بقايا جلد تحت اظافر ايه الظاهر مخرمشته وهي ادافع عن نفسها هم منتضرينا نتهم احد حتى يطابقون هذا الجلد وياا المجرم
ام معتصم...ايجوز واحد ما نعرفه
معتصم...لا واحد نعرفه لان ايه فتحتله الباب بعدين
ابد ما محاول ياخذ شي من البيت البيت مثل ماهو
يعني موجاي يبوك
ام معتصم...لا ماجاي يبوك اكو واحد يبوك بلنهار وعلى حجيك هذا واحد قريب لان ايه آمنت وفتحتله الباب
معتصم...اني عقلي راح يوكف هلكد ماافكر منو اله مصلحه
يقتلها وشلون حقير يربد يبين هي مدمنه حتى يطلع من الجريمه
ام معتصم...من كلب ام مهضومه اريد رب العالمين يوكعه
مراح يهدالي بال اله يلزمونه وياخذ جزائه العادل
مجاي اكدر انام اليل كلبي نار ومشتعله من القهر ولك ياضالم اخذ اي شي تريده وعوف ايه شمسويتلك هاي المسكينه ليش هيج تقتلها
جمانه السعيدي
خلصت اجازة معتصم ورجع للدوام اتصل على عمار حتى يجي يبقى يمي
فعلا ثاني يوم اجا عمار
عمار...شلون صرتي خاله
ام معتصم...احسن شويه بس مالي خلك الاي شي حتى مانام مثل قبل انام شويه واكعد
عمار...اجيبلج منوم
ام معتصم...اي اريد منوم بلكت اغفى شويه وارتاح
عمار...اجيبلج وياي من ارجع بليل
رجع عمار المغرب جايب اكل وجابلي منوم
ماكدرت اكل اكلت شويه روبه وخيار وخبزه
عمار...راح اطلع شويه وارجع
ام معتصم...اطبك الباب وراك واخذ المفتاح لان راح اخذ منوم خاف مااسمعك
عمار...تمام
ام معتصم...ردت اخذ حبابه منوم بس طلعتها من الشريط وكعت عفتها طلعت الثانيه هم وكعت راحت جوه الجربايه
كلت خلاص بيها صالح ابجوز هذا الحب يااذيني
عفت الشريط وتمددت غفيت تقريبا ساعتين وكعدت
بقيت اتكلب بالفراش
سمعت عمار يفتر بلبيت اجيت أصيح علي رن تليفونه
سكتت كلت يكمل مكالمه واحجي ويااا
عمار....اي غيرت مكان البضاعه
لا مااكدر ارجعه بيت خالتي ذيج المره جان انكشفت
اسكت مااريد مصيبه ثانيه باجر اسلمك حصتك
ام معتصم...من سمعت هذاالكلام عقلي كام يربط الاحداث
بضاعه جانت بيتنا اي بضاعه ايه فتحت الباب الواحد تعرفه الي قتلها ماأخذ شي من البيت قتلها وحقنها مخدر
ايه شافت شي وراد يسكتها قتلها
ايد عمار بيها جرح وهو مارادني اشوفه
بقيت كاعده للصبح عيني مااخذت نوم كاعده اغلي
بااذن الفجر طلع عمار صليت وأخذت التليفون رنيت علي معتصم
ام معتصم....الووو معتصم
معتصم...هااا يمه خير بيج شي
ام معتصم...عرفت منو قتل اختك لازم تنزل اليوم
معتصم...تحجين صدك
ام معتصم...اي عرفته ارجع بسرعه لان وحدي مااكدر اسوي شي
معتصم...راح احاول انزل بكل طريقه بس كون متاكده
ام معتصم...١٠٠/١٠٠
للضهر وصل معتصم بس دخل دخل ويا عمار
دنك يبوسني كتله لا تحجي كدام عمار اي شي
عمار...هااا اخوي ليش رجعت
معتصم...بقيت بقلق على امي يوم واحد وارجع للدوام
ام معتصم...عمار اخذ راحتك اليوم
عمار...ترا اني ما متعاجز منج اخليج على راسي
معتصم....ما تقصر
طلع عمار من البيت
ام معتصم...هسه تطلع وتشتكي على عمار هو الي قتل ايه
معتصم...شجاي تكولين
ام معتصم..اذا ماتبلغ انت اني ابلغ عمار قتل اختك عمار
يشتغل بلممنوعات واختك كشفته وقتلها
معتصم...يمه كولي غيرها
ام معتصم...لا اضيع وقت بسرعه اشتكي علي اني مسؤله عن كلامي
طلع معتصم للمركز وهو مستحي من ابن عمه شلون يبلغ علي معتبر اتهام امه العمار مجرد وهم بس مايكدر يكسر
كلامها
بعد ما بلغ كان الفاصل بين الحقيقه والوهم الجلد الي لكو تحت اظافر ايه
لليل لزمو عمار واكيد تفاجئ معتصم مشتكي علي
اول مالزمو نكر معرفته بقاتل ايه او اله اي علاقه بلموضوع
بس التحليل هو الفاصل بعد المطابقه طلع فعلا عمار القاتل
اعترف عمار هو الي قتل ايه
عمار...الصندوك الي خلا بيت ام معتصم بي مخدرات
وخلا بيتهم بحجة أدوات السياره
بيوم الي طلعت ام معتصم هو كان جاي يسلم البضاعه
فتحت الباب ايه كان منتضره واحد بلسياره
ايه قبل لا تفتح الباب سمعت عمار يكول راح اسلمك البضاعه كامله جمانه السعيدي
فتحت الباب دخل عمار
عمار..هلو ايه جاي اخذ الجنطه ايه بقت بشك من سمعت كلامه فتح الجنطه اخذ قسم للسياره لان الجنطه جانت مليانه من رجع لكه ايه لازم أكياس المخدرات بايدها
ايه...شنو هذا مخدرات تشتغل بلمخدرات
عمار...اي مخدرات عوفيهن
ايه..هاي مخدرات اله افضحك فضيحه انت مسوي بيتنا مخزن البضاعتك هو هذا شغلك اليوم اشتكي عليك
اله افضحك فضيحه
عمار خاف من تهديد ايه
ركض وراها دخلت المطبخ لزمها خنكها حتى لا تفضحه
خنكها وهو يكوللها اسكتي اسكتي بعد مااجيب بضاعه بيتكم
من ماتت خاف ينكشف حقنها جرعة مخدر جبيره
حتى تبين هي قتلت نفسها بنفسها
ومسح اثاره من جسمها اخذ الصندوك وطلع
من رجعت امها وشافتها اغمى عليها النسوان الي يجن للخياط اجن شافنها واكعه هي وبتها نقلوها للمستشفى
وبلغوا الشرطه بمقتل ايه
الشرطه اتصلت بعمار ومعتصم من تليفون ام معتصم
حتى يبلغون بلحادث
وهذا كلشي صار
انحكم عمار اعدام بسبب جريمة القتل والمتاجره بلمخدرات
ام معتصم كدرت تكشف قاتل بتها وأخذت ثارها
معتصم تخرج باعو بيتهم واشترو واحد بغير منطقه
معتصم ازوج بعد تخرجه بسنتين صار عنده بنيه
سماها ايه بعدها صار عنده ولد ثنيين
ام معتصم..بطلت خياط والحد هاي اللحظه محتفظه بشهايد ايه وكتبها الله يرحمها
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
