رواية بيت المطلقات الفصل السادس بقلم جمانه السعيدي
هسه عيشتنا صارت صعبه وراتب امي مايكفي تدفع إيجار ومسواك
قررت ايمان ادور شغل خصوصا نفقة ابنه ماتكفي
بدت ادور شغل وماخلت مكان مادورت بي
الحد مالكت شغل بحضانه اطفال
كان هذا العمل مناسب اله
لان تاخذ ابنه وياها
اما سميه بقة فتره تعبانه ونفسيته حيل متاذيه
كلنا نحاول نخفف عنه
نريدها تطلع من هاي الازمه
امي قررت ترجعه للمدرسه
وتقدمله السنه ثالث متوسط واذا نجحت تقدمله معهد تمريض مثلي
فعلا راحت وقدمتله وجابتله كتب
من بدت تقرأ شويه نفسيته صارت احسن
هسه نرجع الغفران
غفران كلما أتقدم بلحمل اكثر اتعب اكثر وكمت مااكدر اصعد للدرج
خالتي خلتلي جربايه بغرفته وكالت بعد لاتصعدين ابد
من نزلت جوا كمت اشوف أشياء ماشايفتهن قبل
قبل جنت اخلص النهار كله فوك وماانزل اله شغله ضروريه كلش لان تعبانه ومااكدر
المهم اكو أشياء ماكنت منتبه اله كمت
الاحظ العلاقه بين حازم وسميره مو طبيعيه ابد
جمانه السعيدي
مره دخلت عليهم فجئه جانو حيل قريبين من بعض بس عدلو كعدتهم
واشوفه اذا يدخل البيت هي راسا تجينا
واذا زوجه التحق للجيش
أضل تتحجج اريد حازم يشدلي الكلوب
لو الحنفيه عطلت
لو مااكدر اغير قنينة الغاز
ومن يروح حازم يتأخر يله يرجع للبيت
ومره اني نايمه بغرفة خالتي وسمعت خالتي تتعارك وياااا
سمعته تكووول ترا حيل زوته مو هيج انتبه الزوجتك
هاي المسكينه شنو ذنبه
طبعا هو بس اول شهر من زواجنا قربلي كم مره وبعد ابد
مااجه يمي ومايحجي وياااي اله محتاج شي يسئلني عنه
اني كتلكم هلكد ماشفت امي وابوي يتعاركون
كنت احس نفسي عايشه بلجنه
حازم ماله شغل بيه ابد
ولا يزعجني ولا يسئلني ولا ينام وياي
جمانه السعيدي
من دخلت شهر السابع بيوم اجتني خالتي
خالتي اريد احجي وياج
غفران اي خاله كولي
...اريدج تنتبهين الزوجج
...شلون يعني
...يعني اكعدي يمه ؤسولفي علي حاولي تاخذين وتنطين بلكلام وياااا
...هو شكالج مني
...لا بس انتي حيل بارده قربي علي احجيله عن الحمل عن يومج شلون يخلص
...يعني يومي شلون يخلص كله نايمه
...انتي شبيج امج مامعلمتج
...امي يبووووي على امي حياته كله مشاكل وابوي عمره ماسمعه كلمه حلوه ابد
...حبيبتي الرجال مايصير زوجته تعوفه لازم تكون قريبه منه
...انشاء الله بس هو علمني هيج من اول زواجانا وهو مبتعد عني وماانطاني مجال اتعود علي
...ميخالف انتي قربي علي
جمانه السعيدي
بهذا الوقت اني كان باقيلي يومين واخلص السابع
وبطني متر كدامي
بليلته خالتي راحت اتنام يم حماتي وحازم طلع
اني بدلت وبقيت انتضره اتأخر كلت خل انام ومن يجي
اكعد واشوفه واحجي وياااا
نمت تقريبا ساعتين وسمعته اجه ودخل للحمام
بقيت واعيه بعدين سمعته فتح باب الشارع ويسولف
بس ماسمعت ويه منو يحجي
باوعت للساعه بلوحده ونص
كلت خل اكوم اشوفه ويامن يحجي بهيج ووقت كمت عدلت ملابسي وخليت معطر ورتبت شعري لان تخربط من نمت
طلعت اسمعه يضحك قربت سمعت صوت سميره بس تحجي حجي موحلو
تقريبا مثل الي يصير بين الزوجين أثناء العلاقه الحميمه
قربت اذني على الباب اي ولله هاي سميره
فتحت الباب والله لايشوفكم الي شفته
حازم وسميره وعلاقه زوجيه كامله وتقريبا ثنيبنهم بدون ملابس
واني نشغت ووكعت من طولي
مااعرف اوصفلكم حالي شلون انتلت عبالك نتله بقوة
٢٠٠٠ واط
جسمي كله كام يرعش ابد مااكدر انسى هذا المنضر
راسا بطني كامت توجعني ووكع شي عليه
بس شنو مااكدر اشوفه
عيوني بيهن غواش وكمت مااسمع
كوه كلت كلمه الحكولي
هي طفرت تلبس ملابسه وهو لكف تراك لبسه اجاني
شبيج
اني عيوني يغوشن كمت مااشوف زين
حازم سميره تعاي مدري شنو ؤوكع منه مدري شبيه
سميره شبيه قابل جنه حصان
غفران دنكت سميره عليه ولزمتني من راسي وكالت اسمعي لج
هاي الحركات مو عليه
انتي كلشي ماشفتي واذا حجيتي اي شي البسج قضيه
ولله ادخل عليج واحد واكول يوميه يجيه من يطلع حازم
ماعندي الاانتي الثوله اطلعيلي
اريد اسمعج تحجين لو تفكين حلكج
غفران اني مو بحال تهديده بطني كامت توجعني حيل
راسا عطت الحكولي جهالي راح يرحون مني
راسا سمعت حازم يكول خل ناخذه للمستشفي
سميره خله تولي بلكت تموت ونخلص منه
حازم لا خل أخذه للمستشفى يمكن عدها ولاده
جمانه السعيدي
هاي كانت آخر كلمه سمعته فتحت عيني واني بلمستشفى
واسمعهم يكولون لازم عمليه بسرعه
خلو الاوكسجين بخشمي وبعد مادريت باي شي
بعدين حسيت السستر تريد توعيني بس مااكدر افتح عيوني من تأثير البنج
افتح عيوني وارجع اغمض
اسمع الكلام بس مااكدر ارد ابد
السستر هااا غفران بلعافيه جبتي توم يخبلون ولد وبنيه
غفران وينهم جهالي وين
السستر بلخدج تعبانيبن
غفران اريد امي اريد امي
السيتر هسه اصيح زوجج وامج برا قصده على سميره عباله امي
حازم هااا غفران
غفران اريد امي وكمت ابجي اذكرت منظرهم هو وسميره
حازم هسه اروح اجيبه واجي
طلع حازم واجتني سميره
سميره باعي غفران اعرف انتي تسمعيني زين
اي كلمه زايده منج ادمر حياتج فهمتي اكدر اكول اكول واحد يتردد عليج كل يوم
ولكل راح يصدكني لان انتي تعرفين اني كلمتي مسموعه بلبيت
اني وحازم نحب بعض من زمان
وابني هذا من حازم مو من زوجي
واي واحد يحاول يفرقنا اني ويااا مستعده ادفنه وهو عايش
ابسط شي اكفخج بسحر اخليج مخبله وتفتربن بلشوارع
احسلج تسكتين
واني علاقتي بحازم راح تستمر طول العمر
همزين عرفتي حتى ناخذ راحتنا اكثر واكثر
ولا تخوفيني بامه
امه تعرف واخته تعرف
انتي جنتي مجرد واجه وبس حتى الناس لايكولون ليش لسه ماازوج حازم ويكون عنده أطفال كدام العالم
ولله وحده ثوله مثلج تكون زوجة حازم
اني اختاريتج غشيمه وكلشي ماتعرفين
حتى اخذ راحتي اني وياااا
جمانه السعيدي
تردين تكملين على هذا الوضع اهلا وسهلا
مايعجبج الله وياج ومادام عرفتي وصارو الأطفال بعد مااسمحله يقرب عليج ابد
اني وبس بس اني ينام وياي وبس وانتي راح تبقين الخاطر جهالج فهمتي لو لا
غفران اسمعه واني مغمضه ودموعي ينزلن منا ومنا
حسره بكلبي شكبره على حضي الاغبر
ياربي هاي شنو من انسانه تحجي عادي عن علاقته بحازم
هاي العلاقه محرمه وهي تتباها بيه
وماخايفه ابد
اني شكد غبيه ليش ماحسيت بيه من البدايه
معقوله ارجعلهم واعيش ويااا
بعد الشي الي شفته بعيني
لا وسميره تكول راح يستمر هذا الشي بينهم
اني شنو خدامه ام حاضنه اني شنو ليش استر على هيج عمل فاضح
ليش اقبل واسكت
لا مستحيل اسكت لازم افضحهم واطلع من حياتهم للابد
اني مراح ابقه تحت رحمة سميره ابد
افضحكم ياشياطين الله ينتقم منكم ثنيينكم
شويه واجت امي ودنيااااا
امي يابعد كلبي سوده عليه جبتي وحدج ليش مادزيتي عليه
غفران كمت ابجي حيل امي عباله ابجي من وجع العمليه
ماتدري اني وجع كلبي اكبر
امي لا تبجين حبيبتي الحمد لله على سلامتج
دنيا الحمد لله على سلامتج غفور يتربون بعزكم
غفران يمه اخذيني وياج للبيت
امي اي بس يسجل الدكتور خروج واطمن على وضعج
اخذج للبيت واداريج بعيوني
شويه ووصلت خالتي وحماتي حازم مخابره واجت للمستشفى
خالتي ياحبيبتي شلون جبتي امس عفتج كلشي مابيج
وليش مااتصلتي عليه
