رواية فصلية الاربعيني الفصل السادس بقلم زينب جمال
اسفه على التأخير بس ضروف بس شـنوُ راح اوعدكم ڪل يوم انزل بارت حته لو ٨٠٠ كلمه احبكم يابههه
بعد ما صار بيه هيج وضلت نهله مسيطره علبيت ومعتصم ملتهي بلشغل ومنا ومنا ما يلحك
نهله ضلت تسرح وتمرح وتتفنن شتسوي بيه من يروح معتصم
نايمه جنت وسمعت معصتم يسلم على عمتي الفجر يكله اجاني انظار لبغداد ورايح ديربالج على رزان
ام معتصم : ديربالك على نفسك وليدي
معصتم : انشالله حجيه
ام معتصم : موكل بالله
معصتم : باسه من راسه وحسيت جاي عليه
غطاني وباس راسي وراح
بس شـنوُ جسمي كله ارتعش وتمنيته ميروح ﻼن تعودت عليه احسه هوه ابوي من كد ما حنون
صح ميبين الي بس من يحميني من نهله هاي بحد ذاته كلش كافي تخليني اشوف الامان بيه من بعد هاي المصايب
راح معتصم لدوامه
ومن ال ٦ الصبح تحزمت نهله
نهله : يلااااا كوميي يلمسعدههه
رزان بنعاس : شكو عوفيني نايمه
نهله : آي علموج على الخدج
رزان : كمت كمت بمللل
نهله : يلا صبينه ريوك خناكل
رزان : كمت وانا رُوحـي مالي خلكه كلش
طبعا انا سجلت بلمدرسه بس بعده ما باديه المدرسه بعد شهر هيج يالله
رزان : كمت سويت اكل واكلنه وكامت نهله تحزمت
نهله : يلا اليوم نطلع للحلال
رزان : بس ماعرُفـہ ومعتصم ميقبل
نهله : شنييي يمه معتصم ماهوه ۿسه كلشي بيدي شـنوُ ﺎڪلـج تسوين خوششش
رزان : حاضر. لبسنه عبينه وشفت نهله شون تحزمت بلعبايه وخلت العصابه وحطيت بركع من الحر
انا سويت مثله هم
وطلعنه
طبعا همه عدهم حلال
من هوايش وهم خرفان ودجاج يعني حي كامل
وهمين زرع وخضره وفواكه مزرعتهم جبيرهههه ڪُـلش
بس انا مشايفته ولا طالعه ﻼن جان معتصم ميقبل بس هسه طلعت وصراحه كلش حُـلووه
رزان: جان اكو كم عامل ويانه بس احنه بحدنه كعدنه نشتغل وحشيت الحشيش للهوايش وانوب نفضت وشلت الوصاخه مثل الكصب اليابسه وهيج شي
وكمت الملم واحس ضهري نكسم نصين من التعب
من الساعه ب٧ لحد ١١
نهله : يلااا امشي نسوي غدهه
رزان : يلا. امشينه
دخلنه للبيت طبعا انا طلعت سمج وهاي
نهله : يللا سوي غده علما اسبح وارتاح
رزان : ترا انا تعبانه
نهله : يلمسعده بعدج عود بس اليوم طلعتي
رزان : ربي اخذههه وخلصني من شره ( بيني وبين نفسي )
نهله : شـنوُ تحجيننن
رزان : ﻼ هيج جاي ﺎڪلـج آي انشالله
نهله : يلاا
رزان : طلعت السمج ونضفته ورتبته وحطيته بلمشوايه
طلعت لميت حطب وحطيت بتنور الطين
دخلت حطيت التمن وخدرته علما اكمل السمج
احس رجليه بـعد ما اكدر امشي عليهن شهلضيم
كملت التمن ولسمجه شويه بعد
فرفحت روحي من الحر
دخلت للبيت وحضرت الزلايط علما تكمل السمجه على الحط
وحضرت السفره واجو كلهم
طبعا نسوان حمويني من يروح معتصم محد تطلع من غرفته
وبس ياكلن وينامن وانا ونهله طايحه براسنه عود نسوان الجبير
صبيت ودخلت اسبح ﻼن من التعب مابيه حيل حته اكل
دخلت سبحت ومشطت شعري ونطرحت احس شعري مكسور
ومدري شون اخذتني النومه كعدت على ام معتصم تكعد بيه وتكلي هاذ معتصم يريد يحاجيج
رزان : شون وين
ام معتصم : هاذ بلنقال
رزان : بنعاس ها
معتصم : وثول كعديي
رزان بصدمه : هاا اسفه نايمه
معتصم : شلونچ بويه
رزان : زينـه وانته
معتصم : بخير يابه
رزان : شكرا
معتصم : خو ما تشغلج نهله
رزان : ﻼ ابد ( كلت بكلبي كربتني كراببب )
معتصم :يلا ديربالج على نفسج انطيني امي
رزان : هاج خاله
رجعت اكمل نومتي ﻼن نعسانه كلششش
ما كعدت اله ب١١ بليل كله نايمه محد موجود
وبطني تبجي من الجوع
كمت للمطبخ اسويلي لكمه
وسمعت صوت مشي
هنا تجمدت مكاني ماعرُفـہ شسويي
وركض للغرفه
وسديت الباب وغطيت روحي وارجف
وره ثواني نفتح الباب
هنا انا كبل بجيت وكلت راح يكتلني الحرامي
احس اكو خيال فوك راسي
ولبطانيه تنشال
حطيت ايدي على وجهي وبجيت حيل
سمعت صوت معتصم. عبالي حلم
معتصم : شبيجج
رزان : عباليييي حرامي ( ببجي )
معتصم : ولج حراميش شسوين كاعده
رزان : كعدت اكل ﻼن جوعانه واجيت انت
معتصم :انه هم جوعان كومي سويلنه ناكل
رزان : كمت وانه ارجف .. انتبهت المعتصم يباوعلي ويبتسم
باوعت لنفسي ولابسه تراك نوم ضيك من المستحى رجعت كبل للبطانيه وغطيت روحي يااا فشلتي
معتصم : كومي بويه جوعان مو وكت سوالفج
رزان : اطلع برا بس ابدل حباب
معتصم : يلا طالع انتضرج بلمطبخ
رزان : طلع وركض لخانتي اطلع دهداشه والبسه والبس حجاب
معتصم : بعد لو لابسه عبايه فرد نوب
رزان : ۿسه رايحه البس
معتصم بضحكه : ولج يلفطيره اشاقه
رزان: تمام
بديت اسوي طماطه وجاي اكلتي المفضله
وحطيت ملح وفلفل اسود وهاي وكعدنه ناكل
كوه اكل ﻼن ڪُـلش مستحيه وهوه مشالله نسف التاوه نسف
معتصم : الحمدلله بويه جاي بدربج
رزان : تمام
كعد بلكاع يلعب بلنقال وانه اسوي جاي واغسل لماعين
كملت الماعين وهاي وصبيت جاي ورايد اشرد
كال كعدي خل نحجي
معتصم: آي اليوم شسويتي
رزان : مسويت شي
معتصم : هم نضفتي ؟
رزان : اي لااا
معتصم : شنو اي ﻼ
رزان : ﻼ لاا ما طلعتت ابد
معتصم : ليش منـوُ كلج طلعتي جاي ﺎڪلـج نضفتي
رزان : ( بيني وبين نفسي ) فضحتييي روحج يرزان
معتصم بنتر: احجيييي شمسويه اليوم
رزان : كبل بجيتت
وللهه مو انا هيه نهله طلعتني الساعه ب٧ الصبح رحنه للحلال حشيناله حشيش ونضفت الكصب وب١١ رجعنه وسويت غده وانا دخلت نمت وهسه كعدت
حجيت الاول وتالي من الخوفففف
معتصم : مو كلت مطلعين
رزان : ولله نهله ضلت تصيح اله اطلع وتتحلف بيههه
معتصم : كومي نامي وباجر احسابجن
كمت للفراش وغطيت روحي وابجي وغفيت من البجي
معتصم : ضجت كلش ﻼن نهله جاي تاخذ راحته وتضلم هلبنيه
كمت وراهه لكيته نايمه
جبت مخده ونمت يمه
رزان : نايمه وسمعت نهله تصيححححح
فتحت عيوني لكيت معتصم نايم يمي وانا نايمه على ايده ونهله فوك راسنه
شكرا لزيارتكم عالم روايات سكيرهوم
