رواية كريات الدم السوداء الفصل السادس بقلم زحل
_من الخوف بطني مغصتني
اريد بس انبها لوجوده وهيه
مستمرة تسولف حجيت وانه صاكه سنوني ولج هذا ثابت عبالها اتشاقه ردت وهيه تتلفت .
مريم:شسالفه ترى اعرف حظي
اعوج بس مو لهدرجه.
_اشرتلها ولج كبالج
باوعت اله والتفت عله باب المرة الي طلعنه منها ضلت تبلعم نزلن دموعي شلون طاوعتج شراح نكول ؟
مريم:اسكتي اسكتي يمه كلبي راح اموت نوب ليش واكف يمكن ماشافنه اي لو شايفنه جان اجه ؟
_ويه حجايتها تقدم علينه طبك بصفنا اشر بمعنى صعدن اباوع الها وجهها صار أصفر
وحلكها يبس بدون مانلتفت صعدنه .
مريم:شوف صاحبتانه كلهن جانن هنا بعد
تعرف قلق على مود النتائج .
_اشرلها بمعنى اسكتي
عينه عل طريق وصلنه لشارعنه
اشرلي نزلي احس رجليه ماتن اريد بس
اندل اليده مال الباب هيه هم رادت تنزل صاح بيها.
ثابت: ابقي انتي.
_نزلت كوى امشي مدري خوف لو خجل زين
شسوي احجي لامي لو اسكت دخلت بدون
ما اباوع كدامي كبل للغرفه اعض بديه شكد
تندمت بس شيفيد بعد طلعت عله صوت امي.
وفييه:هااشنو اشترت مدام مريم؟
_شغلات خاصه وغسولات.
وفييه:وانتي شبيج مصكوكه؟
_يمكن فلاونزه يمه راح انام .
وفييه:يا نوميش تعاي اخذي علاج عماتج
جايات يله بنيتي هيه هل يومين ومابقه
شي كملي معروفج وهسه خواتج يجن .
_ بس شويه ارتاح لان تعبت
مريم فرت المول كله.
وفييه:جا هيه مشهودتلها بالخوارة
ديله شويه واكعدج
_هزيت راسي اي ودخلت للغرفه تغطيت
ويمكن من الخوف تمرضت صدك اسمع هوسه
وسوالف اريد اكوم مابيه لحد ما دخلن خواتي .
زهراء:اوي يالفاهيه اكو واحد يتمرض بهيج يوم ؟
دكومي شربيلج علاج .
_جبرت نفسي اكوم
طلعت اتلفت الكل موجود بس هو ماكو وهذا الي زيد خوفي بس شربت الحبوب ركضت لنقال امي اتصلت بيها ماترد دزيتلها مسج ولج وينج ردي راح اموت شويه واجه اشعار كاتبتلي .
مريم:شكو شبيج ؟
_ودي الزمها اكطعها رديت دزيتلها
شنو صار احجي شكلتيله ؟
مريم:ماكو شي .
_شنو ماكو شي يعني معقوله
ماسالج شتسوون هناك خرب هو انه
صوجي مشيت وياج نوب ولا مهتمه .
مريم:انتي بس لا تحجين خاف يسالج تعذري بأاي شي .
_شنو الي اتعذر بي مثل اكله انه غبيه
ورحت ويها تريد تاخذ خيرة تشوف ننجح لو لا دولي هو انه صدك غبيه وصدكتج لو من البدايه اعرف راح تاخذينا لهناك جان ماطاوعتج يله خلي ام الخيرة تنفعج .
مريم:شنو جبرتج لو غمضت
عيونج واخذتج ؟
_فتحت عيوني من قريت كلامها رديت ايا
حقيرة جا مو كلتي محتاجه غسولات
وشغلات خاصه ومن وصلنه كتلج خلي نرجع المن جايبتنا هنا دروحي صدك زعلت مسحت الرسائل
شمرت النقال حاولت اتصرف اعتيادي وكل ما يدخل واحد اكمز يومين عله اعصابي من يدخل ثابت اتلبد بين البنات لحد الحنه رحنه لبيتهم
حته ما تونست ولا انتبهت لصديقاتنا حنيناها ورجعنا لان حفلة الولد عدنا كلها متونسه وانه الخوف كاتلني شفت علاء اخو مريم ويه ثابت يله اطمنت فوك التعب خواتي الي كل شويه وحده صايحتني.
زهراء: بنونه عفيه بس شوفي
امي بين مابدل .
_ثاني يوم البيت
صار يخنك ناس تركص وناس تاكل خلو كراسي
بالشارع وعشو الزلم والنسوان هوستهن ماتخلص هاي تصيح ماتعشيت وذيج تكول اريد اخذ لجهالي يمه احس دخت حته مافرحت بدلتي .
_ساعه وكال ابوي يله
طلعنا نضحك شلون زفه عن بيتنه ٣ بييوت
جبانهم مشي بس تخبل الزفه كلها اهلنه ولدنه
ماكو غريب حته امها واخوانها ويانه كعدوهم بالاستقبال شويه وامي صاحت عله عمتي .
وفيه:ام اريج دخلو مريم لغرفتها حته
تتعشه خطيه تكسرت من الكعده.
_اخذنها عماتي للغرفه هو طلع يم الزلم لحد مازفو نزلت مريم الصبح لابسه قفطان والشعر مفتوح هيه حلوه وناعمه بوسنها عماتي واشتغلت الهلال بنزلته الكل باركله وانه اتهرب باوعلي دنكت اشر بمعنى تعاي يمه احس الدنيا ماساعتني للظهر والهلاهل مستمرة خو زهراء وبيداء يردن حجه للركص وبعد الغده الكل راح وبده الكراب.
وفييه:انتي وبيداء كفن المطبخ.
زهراء:يمه انتي ارتاحي هسه احنه نكمل.
_لليل خواتي راحن واكيد ماخلص العرس الناس تجي تبارك همزين بنات عمي محمد بقن وياي اسبوع واحنه ناس رايحه جايه علينا اجه عمي اخذ بناته اسعد اخذ اريج واياد اساسا زوجته من الزفه بعد محد شافها طلعت مريم عله حبايه ونص لازمه سله مال ملابس وتفاجئت بطلبها .
مريم:ابنينه هاي ملابس ثابت عفيه
يريدهم باجر لان عنده سفر .
_وقبل ماانطق امي اشرتلها تعاي وراي
ضليت اباوع مشت وهيه تتلفت لحكتهن وكفت امي يم الغساله.
وفييه:شوفي هاي الاوتماتيك للجراجف والغطوات والبردات .
_جرت الغطه مال الغساله الثانيه
وهيه تاشر الها.
وفييه :وهاي للملابس منا ماي حار ومنا البارد وهذا الرف بي كل المنضفات بعد ماكو داعي اعلمج الابيض ينغسل وحده انتي فاهمه وامج معدله اكيد تعرفين ؟
_ضلت مريم ساكته مشت امي
وهيه تجرني وياها .
وفييه:شوفي ولج لاهي غريبه وخجلانه
ولا ماتعرفنا شو خلصت عمرها بيتنا صديقات ايي تحتاجج بيوم مريضه هم مابيها شي بس تشغلج الميري مالتها اكسر راسج .
_هو كلام امي صح بس الظاهر ماعجب
مريم وبحكم عروس فااكثر وقتها بالغرفه سافر
ثابت كم يوم ورجع والامور تمام وبعد فترة طلعت
النتائج من خوفي دزيت مولي يستلم وحته
مال مريم جابها منتضرة بقلق اجه تلكيته هاا بشر.
مولي:مع الاسف ماتوقعت عبالي اعفاء.
_كعدت على حيلي مصدومه مستحيل
والله درست ومتاكده مجاوبه عل كل المواد.
وفييه:شوكت درستي شو خلصتيها سوالف
بحجت جاي ندرس هاااا مو كتلج .
_فوك القهر ملامة امي اباوع لمريم يمكن
ايست لان جانت تكول انتي تنجحين.
مولي:هههههههاي يمه انتي كارثه بسرعه سويتيها فلم ناجحه الف مبروك بس مريم ب٣ مواد .
_كمت اطفر ههههههه الف الحمد الله
الف الحمدالله سجدت وهو ميت ضحك.
مولي:ايي عود انتي ذول المتغربين الي يرجعون لبلدهم يسجدون ويبوسون الارض لو مثل الواعيب مال الطوبه دكومي لا دفرج .
_فشلتني خلي اعيش الحظه شخسران .
مولي:بس والله درجاتج حلوة عفيه عليج.
_التفتت عله مريم وانه احجي
لا تضوجين .
مريم:لا عله شنو امتحن دور ثاني
اصلا انه ماجنت دارستهن.
مولي:اي عندج مجال ضبطيهن
تنجحين.
_واكيد امي ماتسكت .
وفييه:بعد اذا مادرست
خو ماتعيد السنه .
مولي:لا يابه شتعيد لان يمكن
يوحولها مسائي .
_وجنت اكول راح نتقرب من بعض اكثر وفكرت تستغل الوقت الي يطلع بي ثابت تخلصه
وياي بس مريم ابتعدت حيل عزومنا اهلها ورحنه تغدينا يمهم شكد احب امها كلش بسيطه وعدها بعد بنيه متزوجه وهم حيل حبابه ومن خلال السوالف نبهني سوال اختها .
زينب:مريومه ليش نقالج مغلق .
_باوعتلها مستغربه انه ولا منتبهه
ردت برود .
مريم:بيوم العرس ماانتبهت طايح بالكاع وثابت مايدري داس عليه وكل مرة يكول راح اجيبلج غيرة بس ملتهي بشغله بلكي يفرغ ويشتريلي واحد.
_للعصر رجعنا رغم امي كلتلها.
مريم:بيوم العرس ماانتبهت طايح بالكاع وثابت مايدري داس عليه وكل مرة يكول راح اجيبلج غيرة بس ملتهي بشغله بلكي يفرغ ويشتريلي واحد.
_للعصر رجعنا رغم امي كلتلها.
وفييه: ابقي يم اهلج اذا تردين
وبليل يجي عليج ثابت.
مريم:لا تعبانه اروح انام .
_وهاي الفترة حيل انشغل ثابت بعمله يجي باليل يكعد يمنا شويه ويدخل غرفته وهيه ماتطلع بس وقت الاكل وكل يومين تغسل ملابسهم لو تنضف غرفتها وامي مايعجبها الامر بس ابوي جان يكلها.
ابواسعد:يابه حسبيها حالها حال بتج ميخالف بعدها عروس .
وفييه:لشوكت العسل وخلص؟
_لخاطر ثابت تحمليها ؟
_احنه دوم عدنا خطار وبيتنا مايفرغ
اصلا انضوج اذا محد دك بابنه بيت عمي محمد هنا وزوجته كلش محترمه اجو يبلغون ابوي انو بنته هذا الاسبوع تزوج .
ابو اسعد:الله يوفقها ويتتم الها عله خير .
محمد:حالها حال خواتها انته تسلمها لزوجها بيدك .
ابو اسعد:ان شاء الله.
_كل هاي الكعده والسوالف ومريم ماطلعت اجه ثابت والظاهر عبالهم هو جوى وماطلعت بس من شافو رأسا عمي حجه.
محمد:هاا عبالي انته بغرفتك ؟
جا شبيها مريم ماطلعت تسلم علينه من شوكت احنه هنا؟
ثابت:خاف نايمه لان البارحه فلاونزه.
_محد اقتنع كام صاح عليها اجت تفرك بعيونها
سلمت وكعدت شويه واترخصو بيت عمي بس مغثوثين لان همه متعودين من يجون يبقون وقت متاخر يله يرحون وبس طلعو رجعت للغرفه وهو
تبعها ابوي ملتزم الصمت بس حيل تعب هاي الفترة يجي ماله خلك .
وفييه:كتلك يا رجال انته مو مال تعب
كافي ارتاح وهمه يشيلون الشغل .
ابو اسعد:هو منو الي عايني وهم
اضوج من كعدت البيت .
وفييه:ليش اسعد مايجيك اياد شنو عنده
العصر يكدر يوكف يمك .
_التفت عليها واول مرة
اشوف ابوي محتار.
ابو اسعد:حته لو يجون مو مثل ثابت
والي محيرني هاي الفترة يتعمد شكو شغله خارج المحافظه يروح بيها .
وفييه:اكيد جا المن باقي مثل يجي للبيت
يلكه زوجته واكفه بالمطبخ ومحضرة غدى مو حجيت صيحتني .
ابو اسعد:يابه علميها حاولي تكعدين وياها ترة
طفله وعبالها الزواج حمرة وكحله .
_صفنت يعني شنو معقوله مامتصافين شو هيه
اربعه وعشرين ساعه مكيجه ومبدله وانه ابد مااخلي امي تصيحها عله شغله واكول خطيه خلي تفرح بزواجها ولو هيه بعدت وصارت تتجنبني كمت اريد احجي وياها لزمتني امي .
وفييه:مثل انتي متزوجه عندج خبرة اكبرمنها هاي الشغلات عيب تدخلين بيها .
_وبدت امي وياها كامت تكعد يمنا وتشارك بشغل البيت ابوي فرح من شاف وضعها تحسن صارو اغلب وقتهم يمنا ومن يسافر تجي يمي تنام اخجل احجي وياها بغير مواضيع نوعا ما رجعت علاقتنا نتذكر مواقفنا ونضحك مادري شلون اجه ابالي ذاك اليوم الي لزمنا بي ولج صدك ماحجيتيلي تفاصيل .
مريم:اسكتي عفيه لاذكريني.
_زين ليش لحد لان ماجابلج نقال.
مريم:يكول وراج ٣ مواد وتنشغلين بي
عود من تنجحين اشتريلج.
مريم:اي هو انه مفكرة ان شاء الله من باجر .
_وانه قررت اتهيئ للسادس جابلي مولي كتب .
مولي:هو احتمال يتغير المنهج او ماده منهن بس
المهم تاخذين فكرة .
_وبديت مشواري ومريم تدرس للامتحان .
(قدر )
_ابد ماتحسن ابوي وكل دكتور يجيك حالته يحجي شكل تعبت من كثر التفكير ومنا عمي وامي الي بكل فرصه همه يتعاركون.
فاروق:همزين كاعدين لمي فراشج قدر
راح يجي الدكتور ..
وداد:خوش مدام انته جيت
انه راح اشرب جاي من برا .
الدكتور:لكل فعل ردت فعل وهذا امر طبيعي ومهمى توقعنا او شخصنا الحاله تبقى مشيئة الله فوق كل شيء خلي اليوم ونشوف ..
_وقبل مايطلع حجيت دكتور يمكن لو نحاول
نطلعه ونخلي يشوف الناس ويسمع احتمال
يصدر رد فعل مثل ماصار هز راسه بقبول ورد كال .
الدكتور :ممكن واني كلت تبقه
الامور يم الله .
فاروق:ان شاء الله خير .
_طلع الدكتور وعمي التفت عليه مثل الاعصار .
فاروق:شلون تحجين وانه واكف
جان كلتيلي وانه اسولف ويا ..
1
_سؤالي مابي شي ليش احسك شايل عليه
وتريد بس تغلطني .
_كعدنا عله مسطبات راح جاب عصاير .
طارق:ماوراج بس الخساير .
_هو عصير ابو الربع.
طارق:اي مشتري من الباله
ولج هنا بطل الماي بالف .
_كل مكان اله سعر شوف الاهتمام
لان اهليه بس ذيج المرة من رحنا للمستشفى
الحكومي محد بحالنا عينه للناس يباوع التفتت عليه ها ندخل .
طارق:روحي انتي بس
ادخن جكارتي واتبعج .
_عفته وكمت
شفتهم واكفين بالممر وهاي الوكفه معروفه اكيد جدال وكل واحد بيهم يحاول يغث المقابيله بكل جهد تمشيت ناحيتهم بدون ماثير صوت ماردتهم ينتبهون .
فاروق:لا تخليني اتصرف بشي مايرضيج الي مسكتني وجودها .
وداد:نفس السبب الي مخليني اتحمل .
فاروق:ماجبرتج .
وداد:بس خليت بالاتفاق .
!!لو نعلم انهم لا يكنون لنا الحب لما ارتمينا بااحضانهم يوما .
(سلالسل)
_اجه ابوي وكالتله سليمه عن المرة .
راضي:خوش خوش بس اتقفي
وياها عله مبلغ زين.
سليمه:اكيد جا رايحه حسنه
اخذ سونه وياي خطيه تتونس.
_مادام الشغله بيها فلوس مااعترض
بعد كم يوم اتفقت سليمه وياها ودزتنلنا العنوان طلعنه نضحك وصلنه منطقتهم وقبل ماندك الجرس فتحولنا الباب من شكل البيت والاثاث عرفنا الحاله الماديه رحبت بينا وبعد الضيافه دخلتنا بصاله وبدن هيه وسليمه يدربن.
سليمه:اذا يوميه ساعتين خلال شهر
تصيرين راقصه محترفه .
_فرحت المريه وهيه تبوس سليمه .
!!ياعيني غير ادللج اني علمود زوجي
شسوي تعرفين الزلم .
سليمه:وعيونج ماخلي يباوع لغيرج يله
احنه لازم نروح وباجر نفس الوقت نجي.
_اطتنا فلوس وطلعنه واكفين بالباب ننتضر
تكسي وجان تطبك سيارة نزل الجامه باوعلنه مستغرب .
سليمه:ولج يمكن زوجها هههه وخري من الباب يريد يدخل سيارته .
_ابتعدنا شويه وفعلا فتحوله الباب
دخل سيارته واحنه واكفين ولا تكسي
كل السيارات التجي مبينه مال ناس الي بالمنطقه .
سليمه:خل نتمشى ليكدام .
سليمه:حته لو ابن حرام المهم يوصلنه .
_ضحكت عله كلامها نسولف وسمعنا
واحد يصيح ورانا لحظه وين توصلون؟
التفتنا عليه نفسه الرجال الي دخل سيارته
بيت المرة باوعتله سليمه وردت بدلع .
سليمه:لبيتنا ياعيني اشو
منطقتكم مابيها تكسي.
!!وين بيتكم؟
سليمه:بالصعده.
_نضرلها متردد وكال .
!!!!تمام انتضرو بس اطلع السيارة واني
اوصلكم .
_راح مستعجل وهيه مبتسمه
اشرتلها بمعنى شكو،
سليمه:اول الغيث كطرة هذا ابو كرش
زوج هاي المرة ويحب الرقص
وهلا بالخميس .
_قبل ماارد عليها طبكت السيارة اشرلنا
صعدو صعدنا وبس عبر منطقتهم التفت يسال .
!!ماكنت اعرف انتي مدربه
الرقص هسه الاهل كالولي.
_هزت راسها ببتسامه رد سالها .
!!!شعجب ساكنين هل منطقه ؟
سليمه: ترى مو مثل
ماتسمعون عنها تغيرت هواي عن قبل.
سليمه:اي وهاي بنتي.
_باوعلي بالمرايه الاماميه ودار وجهه
وقبل منوصل لراس الشارع طلع كارت قدمه الها.
!!!هذا رقمي خلينه نتواصل .
سليمه:ترى مو مثل مامفكر احنه
بس رقص.
!!واني احب الرقص.
_نزلنا وراح مدت ايدها ضمت
الكارت بصدرها وهيه تحجي .
سليمه:يحب الرقص وجهه مجعد
وكرشه طايح لركبه زلم مايملي
عينها بس التراب زوجته جنها
كيكه وهو يفرفر .
_تمشي ودردم استوقفنا صوت العود باوعت
لباب الملا الي اسمه مايشبه عمله اتقربنا عليه يعزف بمزاج رفع راسه ابتسم لنضراتها وكال.
الملا:اهلا بالنتوته الراقصه.
سليمه:ههههههه بس هم زعلانه عليك ؟
الملا: لاه لاه انراضيج .
سليمه:لو فعلا رايد ترضيني نجتمع بحفله.
_دار وجه وبين عليه ماحب الفكرة
ردت عليه وهيه تحجي بزعل .
سليمه:مو كتلك مالي
خاطر يله من رخصتك.
الملا:تعرفين مسيري غير عنكم
وياريت لو تاخذني كلامي وتنضمين لفرقه
الفنون الشعبيه .
سليمه:ملا الدنيا مثل الافه من
نكعد لمن انام احنه ادينا بجيوبنا
والفرق ماتوكل خبز ؟
الملا:بس يكون الج اسم
وتحضرين مهرجانات تلفزيونه
وينطوج اجازه .
سليمه:عمري ٤٠ سنه بعدلي ٥ سنوات
اطلع تقاعد شتفيدني الاجازه خو
الم مبلغ استند عليه .
الملا:العمر كله وانتي كل متكبرين تحلوين وهم
عندج موهبه تكدرين تسوين دورات تعليم الرقص.
_يحاول يقنعها وهيه تريده
ينفذ طلبها.
سليمه:افكر بس تحيلي حفله.
الملا:بشرط مايكون راضي
ويانه وها بس مرة.
سليمه:مو تدلل هسه من
رخصتك وانتضر مني خبر عندي
حفله مال ناس كلش مهمين واريدك بيها.الملا:تمام.
_تمشينا وكل مانمر عله باب نوكف نسولف
ويه ناسه واكيد ام دعدوش قسم الأسخبارات
مال المنطقه الي واكفه بالباب ليل نهار سلمنا عليها متمنين ماتوكفنا لان تعبنا من وكفتنا يم الملا.
ام دعدوش:هلا بنورها وسورها
تعالن تعالن خلي نتسامر شويه.
سليمه: الي كعده وياج بس هسه عندي
شغل خليها باجر.
_وقبل ماندفع بابنا التفتت عليه وكالت.
سليمه:لا تكولين يم ابوج الرجال وصلنه .
_هزيت راسي اي ودخلنه لكينا
كاعد بالطارمه وجويسم يمه ينضفون
باالالات مال الفرقه .
راضي:ها سمسم ماش؟
سليمه:بعدنا ماضكنا حته نعرف
ترى اليوم اول يوم.
راضي:اهم شي مكان امان ومابي
مشاكل؟
_ماخلته يكمل .
سليمه:من هل ناحيه اطمن
يووو نسينا انجيب ويانه خبز كوم
جويسم اخذ من ابوك الف .
_بسرعه غيرت ملابسي وتبعتها للمطبخ
سوت اكل وابوي طلع للكهوى وجويسم
كال عندي لعبه ضلينه انه وياها هيه التهت
بتلفونها وانه اباوع مسلسل كل شويه ونسمع
هوسه متعودين لو عركه لو الحكومه تدخل
دور اهل المخدرات لو احد منطي خباريه عل كعده .
سليمه:والله صارت العيشه
هنا ملل بس وين نولي .
_حته امي جانت تكول لابوي انشيل منا
مايقبل اسولف وياها وهيه اطكك بالنقال
ماعرف تراسل منو شويه ودك تلفونها
كمزتني طفرت بفرح وتهز بركبتها .
سليمه::لك هلا ومية هلا بريحة الغوالي .
_قللت صوت التلفزيون ودرت وجهي
عليها نبرة صوتها ادل عله فرحتها بالشخص
المتصل وكانؤ جانت تنتضرة .
سليمه:وعله طاري الغالي
ماله حس صار فترة.
_ايد لازمه النقال والايد الثانيه
تلعب بالزنجيل الي بركبتها تحجي بدلع .سليمه:غير انته تأمر .
_شمرت النقال عل تخم وكعدت
تفكر بصوت عالي .
سليمه: لو بس اعرف مزوج لولا؟
شنو يشتغل ؟جان ارتاح كلبي .
_عافتني بفضولي ودخلت غرفتها
وهيج سليمه ماتنفهم مرة هادئه ومرات احسها بدون قلب كتله من نار اعصاب كارهه الدنيا ونفس كل يوم نطلع متوجهين للي تريد تتعلم الركص بس ماصادفنا زوجها واكيد هل شي مايفوت سليمه وتعرف شلون تسال بطريقه غير مباشرة .
سليمه:ضبطتي الحركات
وهسه تمام واليوم سويلج سهرة
مرتبه للرجال وانتضر منج الاخبار ؟
!!ماموجود صار كم يوم مسافر عفيه اعتبري نفسج مدرسه وامتحنيني حته نتاكد اذا اتقنت كل حركه حته افاجئه بسهرة .
_ردت سليمه بمكر.
سليمه:اها شوكت يجي ؟
حته نستغل الوقت.
!!!فد يومين .
سليمه:تمام اجيج باجر الصبح حته العصر انتي تنشغلين بتحضير نفسج وحاولي تغيرين الوك .
_طلعنه منها والطريق كله هيه
تنتقد المريه شلون مستقتله
حته ترضي زوجها .
سليمه:فارغه وماعدها عقل
هو صارله اسبوع غاط متاكده لو
مزوج لو لاف عله وحده وهاي موته
نفسها ترضي .
_ونفس الروتين ماكو شي جديد بحياتنا ابوي اذ ماعنده شغل يخلص يومه بالكهوى لو يسهر بيت
نوشه وفعلا ورا يومين رحنه لزوجة ابو كرش عله كولت سليمه .
!!!اليوم تتغدون يمي .
_رفضت سليمه متحججه انو تريكنا
متاخر وبعدهن مابلشن ركص اجاها اتصال
رخصت من المرة حته ترد.
سليمه:ثواني بس ارد .
!!اخذي راحتج .
طلعت المريه مطيتنا مجال للمكالمه
وسليمه جاوبت المتصل وعبالك تحجي
رموز سدته وصحات عليها.
سليمه:يله داده وينج ترى ماعندي
وقت لان طالبينه بحفله.
_نضراتي لكل حركه وملاحظه من سليمه
كملن انطتنا احسابنا وتشكرت منا طلعنه
نتمشه قاصدين الشارع التفتت عليه كالت .
سليمه:عدنا مجال ساعه نلحك نروح للحلاقه ؟
ماعرف بس انتي بيش
ساعه حفلتج .؟
سليمه:ياحفله؟
_كلتي للمريه عندي حفله
يعني عبالي خابروج .
سليمه:ههههههه اي بس خاصه لرجل الثوله
الي موته نفسها حته تسويله سهرة .
1
_فكيت حلكي متفاجئه يعني ليش
مو جاي تحضر نفسها ومهتمه اله ..
سليمه:بعدج ماشايفه شي زلم
مابيهم واحد وفي .
_بس خطيه هيه مبين تحبه؟
سليمه:وهو مايحهبا .
_وشمدريها يجوز يجذب ويكلها
احبج لو تدري بي جان عافته ،
سليمه:الحب شيء ملموس
تعرف الي يحبك صدك بتعامله وياك بتصرفه
وحرصه يشتري راحتك مو يخليك تهلك لاجل
اسعاده انو يتقبلك الشخص مثل ماانته .
_تمشي وبالها بعيد تسولف وكانؤ توصف
حالها رديت عليها يعني شلون .
سليمه:ماكو مرة ماتعرف تركص حته لو بحركات بسيطه اذا زوجها يحبها راح يشوف بيها فنانه راقصه مو ييريدها تتصنع شخصيه ثانيه ياسونه بعدج ماتعرفين شي تعيشين وتشوفين .
_يعني ابوي ماجان يحب
امي لو يحبها؟
سليمه:هو حاسبها بيت يلفي بي
وهيه حاسبته ابو جهالها دمشي شكد تسالين عكرتي مزاجي وهذا ابو كرش ماراح اروحله يولي نأجله عله غير وقت خطيه زوجته خلي تفرح بي اليوم .
2
_من بعد هذا اليوم حيل قوة علاقتي بيها
وهيه قربتني الها بتصرفاتها وكلامها ومامنعتني من شي عكس امي الي جانت تعتبر سوالي عن بعض الامور وكاحه وحيل غلقت عليه حته جويسم جانت مقيدته مرات استغرب تصرفاتها بس تعودنا وياخذني التفكير واحن لشوفتها بس ماكدرت اروح من بعد اخر مرة فزيت من صفنتي .
سليمه:هو حاسبها بيت يلفي بي
وهيه حاسبته ابو جهالها دمشي شكد تسالين عكرتي مزاجي وهذا ابو كرش ماراح اروحله يولي نأجله عله غير وقت خطيه زوجته خلي تفرح بي اليوم .
_من بعد هذا اليوم حيل قوة علاقتي بيها
وهيه قربتني الها بتصرفاتها وكلامها ومامنعتني من شي عكس امي الي جانت تعتبر سوالي عن بعض الامور وكاحه وحيل غلقت عليه حته جويسم جانت مقيدته مرات استغرب تصرفاتها بس تعودنا وياخذني التفكير واحن لشوفتها بس ماكدرت اروح من بعد اخر مرة فزيت من صفنتي .
سليمه:هسه شلون نرتب عذر كون
نروح ونجي وابوج مايعرف .
_وين نروح؟
سليمه:لابو كرش.
_بس ابوي يدري بيج اطلعين..
سليمه: هل مرة بالنهار وهيج راح
يعرف الكعده خاصه.
_خلي يعرف يعني قابل يمنعج.
سليمه:وانه ماريده يعرف.
_ليش يعني؟
سليمه:خلي هل معلومه ابالج اذا بيوم اتزوجتي
الرجال مو لازم يعرف كل شي
وليش اقاسمه تعبي .
_رديت عليها بس انه مستحيل افكر ازوج
واحد مثل ابوي يعني اتمنى يجي شخص يطلعني من هذا كله تدرين جنت احلم اكمل دراسه واصير انسانه عله كولت امي شكد تمنت اصير دكتورة واذا رجعت امي انه ارد للمدرسه كعدت اكبالي وهيه تضحكت اشرتلي بمعنى اكعدي .
سليمه:سونه شكد عمرج؟
_١٦؟
سليمه::يعني صارلج هواي عايشه
واكيد رحتي ويه امج مستشفى
وسوك ومدرسه وهواي اماكن مو .
قِصٌصٌ مَآيِّ هِوِبَِّس
_هزيت راسي بمعنى اي ومنتضرة
تكمل كلامها ..
سليمه:هم شفتي دكتورة عبده معلمه عبده وليش نروح بعيد اشو الحكومه كل ساعتين داخله علينا شفتي بيهم ضابط اسود ؟
_صفنت وكانو نبهتني لشي
مامنتبهتله من قبل .
سليمه:بس الفراشه الي بمدرستج سمرة واكثر الممرضات سمر الشرطي اسمر العامل ._زين ليش؟
سليمه:ولو ماعندي وقت بس راح اختصر كلامي ماكملتو تعليم بسبب التنمر ماكو قانون حماكم دوم انتو المستوى الادنى.
_اذا هيج انتي ليش مادرستي
اقصد انتي مو من السمر؟
سليمه: انه بعد اتعس منكم لان احنه الغجر او بالاحرى الكاوليه يكتبون بهوياتنا استثناء يعني حته لو اخذنا اعلى الشهادات ماراح نتعين وهاي من الالف السنين .
سليمه: انه بعد اتعس منكم لان احنه الغجر او بالاحرى الكاوليه يكتبون بهوياتنا استثناء يعني حته لو اخذنا اعلى الشهادات ماراح نتعين
وهاي من الالف السنين .
_صفنت وعبالك صحيت
من حلم عله واقعنا ردت عليه .
سليمه: وهذا ابو كرش
هم راح ااجل طلعتي اله كومي
سويلي ناركيله.
_وبقه ابو كرش عله كولت سليمه يلح .
سليمه:هسه شلون نرتب عذر كون نروح
لابو كرش ونجي وابوج مايعرف .
_بس هو يدري اطلعين .
سليمه:ولج ثوله اكيد مايقبل ترحين وياي وتبقين وحدج واليوم الوضع بالشارع مو تمام مساع الحكومه دخلت لوكر نوشه ومالزمو شي اكيد يغطوها بعد مرة.
_ومدري منين اجتني الفكرة كتلها انتي
مو تردين ترحين للصالون باوعتلي .
سليمه:هسه صرتي تعجبيني خوش عذر
كومي لبسي بين ماانطي خبر بس استعجلي
كون نطلع قبل مايجي .
_وماعرف ليش جنت اطاوعها رغم مامتقبله
الموضوع وهيه ماغاصبتني سالتها بحيرة شلبس.
سليمه:الكلبيه الخيطتها الج نوشه
والبسي البشت فوكها.
_بدلت وهيه حضرت نفسها وطلعنه المكان قريب وصلنه وحسب العنوان العدها دخلنه عمارة بيها شقق بس هدوء .
سليمه:ابو كرش بيا شقه ؟
_اتصلت بي مجرد ما كلتله انه
بالعمارة سمعنا باب ينفتح اشرلنا .
سليمه:مرحبا .
!!!اهلا اهلا زين ماتيهتو .
_مبين المكان مابي عائله لان اثاث بسيط تخم قديم وبالوسط طبله عليها كرزات وفواكه وامور ثانيه وبعد حديث ماطول دقايق كامت سليمه نزعت صايتها وهو نضراته تتبعها بااعجاب شغلت الديجي وسالته.
سليمه:ابالك شي معين؟
!!لا خلي عله ذوقج .
سليمه:اوك .
_بدت تتمايل ركصها حلو
التفتت ناحيته وماعرف ليش خفت من نضراته الها تندمت عله جيتي وتمنيت يخلص الوقت الي متفقين عليه لان بده يسكر والظاهر هيه انتبهتله خلصت الاغنيه كعدت وهيه تمد ايدها للتفاحه و هو يسالها امور عاديه وبضحك كالتله.
سليمه:اي ماكتلي شنو رايك بتعليمي لزوجتك شلونها؟
_هز ايده ماراضي.
!!!دأئما الاصلي يكون افضل من التقليد لان بي مميزات .
سليمه:افهم من كلامك
ماعجبك شغلي؟
!!!!لا مو هيج بس انتو تختلفون .
_ضحكت واعرف هاي ضحكتها مجامله كام متوجه للديجي كالها .
!!عاجبني هاي الاغنيه .
سليمه:مو تدلل .
_كانت الاغنيه خليجيه ركصت عليها
وبس خلصت كالتله يله احنه نترخص .
!!!هاي شنو بعد وقت .
سليمه:لا هذا اتفاقنه كتلك
مااكدر اتاخر .
!!!تمام بس هاي المعزوفه .
_وبس كامت هو كام محاول وياها
صار يتقرب منها بحجت الركص لو يجرها عليه لو يشبكها رادت تتخلص منه بعدت للجهه الثانيه تتحركه بعشوائيه لزمها مقربها لحظنه دفعته جرها بنزعاج .
!!شبيج لج ؟
سليمه:كتلك مو شغلتي ليش تلح .
!!هههههه لعد شنو شغلتج ؟
سليمه:اعلم زوجتك الركص.
_صرخت من ضربها راشدي
ضليت اتلفت حايرة شسوي اشرتلي بمعنى
لا تصرخين دفعته واجت تريد تاخذ البشت مالها وكالت كومي بعدني ماعابرة التخم جرها التفتت عليه صفكته عله وجه .
سليمه:شوف لك اذ مفكر اسكت عنك غلطان لا تخ ليني ادوس فجك .
!!!مسويه نفسج شريفه ؟
كلج خلك بت ليل .
_لبست بشتها وتوجهنا للباب ردنا نطلع مقفول كالتله .
سليمه:افتح الباب لا افتح كرشك .
!!!لج اني تمدين ايدج عليه
وطلعين عادي دتعاي .
_هجم عليها
ضليت اصرخ ماحسيت اله صفكه
عله وجهي باوعت الها متفاجئه .
سليمه:بت التالف سدي حلكج .
_استغل انشغالها بيه و جلب بشعرها
بحركه سريعه رفسته بس دنك هجمت
عليه طكه ويرجع ايطكها وانه ضاله اراقب
الموقف انتبهت عليها تباوع بالمكان
تريدلها شي ومن غبائي ركضت ادور عبالي مثل امي قبل من تريد تكتلنا اول ماتجي ابالها الماسحه .
سليمه:لك كافي ابن الكلب
افتح الباب خلينه نطلع.
!!اله اندمج واطلعج جثه .
_اجيت مكيفه الماسحه بيدي
ماحسيت اله انجرت مني تفاجئت شلون اخذها وعبالك اجته رحمه ضل يطك عامي شامي ركضت سليمه للطبله جرت البطل العليها وهو مستمر
كسرها تكسر .
!!!اله اتوبج تتطاولين عله اسيادج .
سليمه:عايش الدور الزفر ابو الوصخ معتبر نفسك فد شي .
!!ماطلعين اذ ماكسرت خشمج .
سليمه:اله اخليك اتوب عله ايدي .
_مدري ليش اجت سالفه سويكه وليرة بالي ضليت اطفر .
سليمه:انته الجبتها لروحك دتعالللل
انعل ابو شاربك .
_وبحركه سريعه توجهت سليمه للحايط كسرت البطل بي وهجمت عله ابو كرش هو مسيطر
يطك من بعيد لان العوده طويله
بس هيه ذكيه تحملت الطكات لزمت العوده جرتها ماهدها وبرمشة عين ماشوف اله الدم غركه .
!هل هي بدايه للانحدار
ام اول طريق للانجراف؟
لو تجربه للتراجع عن هذا الطريق
شكرا لزيارتكم عالم روايات سكيرهوم
