رواية ظلال فيينا الفصل السابع بقلم جميلة القحطاني
تفعيل كامل. هو الباب… وهم منتظرين ينفتح.
أدريان شعر بشيء غريب… صوت ضعيف داخل رأسه، كأن صدى بعيد يتردد:هل أنت مستعد؟
قام فجأة، يلهث، يضع يده على رأسه، وظهر ومضات صور غريبة أمام عينيه: غرفة عمليات... كارلا تصرخ… لوسيان ينظر إليه من خلف زجاج… وطفل يصرخ وهو موصول بأسلاك.
ليام وضع يده على كتف أدريان:ركز معايا! إنت مش واحد منهم! إنت بتحقق العدالة! إنت اللي أنقذتني يوم انفجار المختبر… إنت كنت الضحية، مش الجاني.
لكن أدريان تمتم:مش متأكد… لو كنت أنا المفتاح، فكم واحد مات بسبب إنهم كانوا بيفتحوني؟
وقبل أن يرد ليام، سُمع صوت من الخارج… حفيف خطوات خفيفة.
ثم طرق خفيف على الباب.
أدريان أمسك بسلاحه.
فتح الباب بحذر…
وظهرت كارلا، ووجهها متعب، مُلطخ بالتراب، ويدها تنزف، لكنها تمسك بملف سميك، وتقول:مافيش وقت… لوسيان فعل المرحلة الأخيرة… وأدريان، هما جايين عشانك.
نظر كلاهما إليها بذهول.
قالت وهي تسقط على الأرض:فيه شيء جواك… مشروع MIRROR ما كانش بس تجربة… كان نبوءة. وأنت مركزها.
10:13 مساءً
كوخ الغابة الداخل مضاء بنور خافت، وملف كارلا مفروش على الطاولة.
كانت كارلا تلف ذراعها المصابة بقطعة قماش مبللة، بينما جلس أدريان على الأرض، عيونه ثابتة في ورقة واحدة من الملف، وعليها صورة له حين كان صغيرًا… في غرفة معزولة، بجواره جهاز ضخم موصول بأسلاك.
قال بصوت شبه مبحوح:أنا ما فاكرش ده... مفيش ذكرى... مفيش شي.
أجابت كارلا، ببرودها المعتاد:مش لأنك ما عشتش ده… لكن لأنهم زرعوه جواك بشكل مختلف. مشروع MIRROR كان عن الوصول لحالة اسمها الانعكاس الكامل... الشخص اللي يقدر يشوف ذاته الحقيقية بالكامل. بس الثمن؟ إنه يفقد السيطرة.
قاطعها ليام، وهو يتصفح الأوراق:يعني إيه انعكاس كامل؟
نظرت كارلا إليه وقالت:يعني يتحول لمراية... تعكس كل ظلام المشروع، كل اللي تعرض له… ويبدأ يصدره.
تنهّد أدريان وقال:ولوسيان… عايز يوصل لإيه؟
قالت كارلا وهي تنهض بصعوبة:عايز يستخدمك كـ بوابة... يفتح من خلالك تجربة جديدة، مش على طفل... على مدينة كاملة.
فجأة، سُمع صوت ارتطام عنيف في الخارج. تلاه انفجار صغير قرب النوافذ.
صرخ ليام:انبطحوا!
وانهالت الطلقات على جدران الكوخ. أدريان أمسك سلاحه، وركض نحو الباب الخلفي مع كارلا.
لكن قبل أن يتحرك ليام…
رصاصة اخترقت النافذة وأصابت كتفه.
