رواية ضاع الحلم الفصل السابع بقلم جمانه السعيدي
رحمه...صحت يمه بصوت عالي وضربت صدري
التفتوت عليه كلهم نزلت ايدي حاولت ماابين اني مربوطه علي بس مو بيدي
احس كلبي راح يطلع من صدري هلكد ما خفت علي
عمي وخالتي صعدو بلسياره وراحو للمستشفى
واني والبنات بقينا كاعدين ننتضر اي اتصال نطمن على حسام
بقيت ادعيله بكلبي واتوسل برب العالمين
يلطف بحاله
أصعب شي واحد مايكدر يبين مشاعره الحقيقيه
صعدت فوك بغرفتي وبقيت ادعي
اتصلت على خالتي
رحمه...هااا خاله شبي حسام
خالتي....عندا التهاب حاد بلزائده الدوديه واكع وكايم يصرخ وصديقه جايبه للمستشفى
الدكتور بس شافه كال لازم عمليه فورا
لان بعد ما يتحمل اكثر احتمال تنفجر بااي لحظه
عمت عيني عليه
اكيد من اكل الشوراع
لو انقهر لان محد يسئل عنه ولا واحد دور علي
كله بسبب ابو
كتله خل انزوجه ماقبل عاند جان ضيع الولد من عدنا
رحمه...لا تخافين انشاء الله يكوم بلسلامه
رحمه..ماكدرت انام قلقه علي بقيت انزل يم البنات وارجع اصعد
الحد مااتصلت بخالتي طمنتنا علي طلع من غرفة العمليات
والدكتور يكول كلشي تمام
جمانه السعيدي
لمن اطمنت علي يلكه كدرت انام
هلكد ما توترت بطني توجعني
الصبح رجعو خالتي وعمي ووسام بقى ويااا بلمستشفى
بس سمعت صوتهم اجو نزلت جوا
رحمه...هااا خاله طمنيني على حسام
خالتي....انشاء الله احسن
حضرت الريوك حتى يتريكون خالتي وعمي
عمي من شافني افتر بلمطبخ واحضر بلريوك
والبنات نايمات
عمي...انتي بت حلال الله يرضا عليج
رحمه...ماسويت شي
خالتي...خل اروح اطبخ شوربه اخذها الحسام وريوك الوسام
رحمه..ارتاحي انتي اني اسوي شوربه
شنو الشوربه الي اطبخها
خالتي...اي شي بس مو عدس
رحمه...راح اسوي شوربة خضار على دجاج
خالتي....فدوه الكلبج البارحه انخبصتي ويانه وهسه
كاعده بلمطبخ وانتي بعدج عروس
رحمه...خاله انتم اهلي اذا ماااوكف وياكم هسه بعد يمتى اوكف
روحي اتمددي شويه لان مانمتي من البارحه علما احضر ريوك وسام واكمل الشوربه
راحت خالتي وعمي ينامون شويه
واني بين ما تكمل الشوربه رتبت البيت
الساعه عشره كعدتهم عمي اخذ الشوربه والريوك ورجع
للمستشفى
خالتي خطيه كوه تمشي من الهبطه
رحمه...ارتاحي اني اطبخ غده
خالتي...لا روحي انتي ارتاحي من الصبح واكفه بلمطبخ
اني احضر الغده
رحمه...ابد اله ترتاحين واني اطبخ بس كولي شنو تردين اطبخ
خالتي.. اي شي اطبخي على ذوقج
رحمه كملت الغده وصعدت سبحت وبدلت
نزلت اسمع خالتي تكول
خالتي.. هااا راح يطلع من المستشفى اخضرله مكانه
عمي.. اي الدكتور يكول كلشي تمام
رحمه...وين مكانه اني ارتبه اله
خالتي...فوك الغرفه الي مقابيل الجناح مالتكم
جمانه السعيدي
رحمه صعدت الغرفته الباب مسدود بس فتحته اجاني عطره صار اكثر من عشر ايام عايف الغرفه بس عطره بعده
بلمكان هذا العطر معشعش بدماغي
شكد مرت عليه عطور بس مو مثل عطر حسام
من اشمه احس براحه نفسيه
كعدت على جربايته وعاتبته
ليش هيج ليش انهزمت ليش مابقيت ودافعت عن هذا الحب
ماادري من راح ترجع للبيت شلون اني وياك راح نكدر
نسيطر على مشاعرنا
شلون راح نكون عايشين بنفس البيت شلون اشوفك وتشوفني كل يوم
كمت شلت الجرجف طلعت واحد ثاتي خليته
فتحت الشباك حتى يتغير هوه الغرفه
مسحت الأخشاب مسحت الكاع رشيت معطر
رتبت الملابس الي بلكنتور
نزلت جوه
رحمه..كملت
خالتي..عفيه بنيتي
الساعه بلوحده ونص جابو للبيت
مااعرف ابقى واكفه واستقبله وياهم لو اصعد الغرفتي
خايفه مااسيطر على مشاعري
دخلو وسام سانده من جهه وعمي من الجهه الثانيه
خواته راحن حضننه وسلمن علي
بقيت محرجه الموقف صعب عليه
قربت عليه كتله الحمد لله على السلامه
وهو مدنك رد عليه الله يسلمج بس ذني الكلمتين
اول بدايه خلو بغرفة عمي
كلهم كاعدين يمه ويسولفون علي
بس اني طلعت كعدت بلمطيخ
طلعت خالتي اجت للمطبخ تريد تحضر الاكل
رحمه...اساعدج
واني اشتغل وياها انفتحت بلكلام وحدها
خالتي...حسام زعل لان ابو راد يزوج وسام طلب الزواج
حاله حال اخو
بس ابو عاند يريده يخلص جامعه ويشتغل بلاول يله
اخذ ملابسه وطلع من البيت
اليوم صار ١٣ يوم وهو برا البيت
رايح يشتغل وياا جماعه اصدقاء متعرف عليهم
صار ٣ ايام يشكي من بطنه الوجع يروح ويجي
تعرفين بسبب اكل الشوراع الي ابد مو نضيف
والغرفه ينام بيها وياا اربعه
هو وين متعود على الاكل النضيف والمكان المريح
الحد البارحه كام يصرخ من بطنه حتى مايكدر يوكف على طوله لازم بطنه ويصرخ
جماعته ماخذي للمستشفى الدكتور كايل لازم عمليه بسرعه
طبعا هو محلف جماعته محد يتصل بينا
شكد عنيد الخاطر الله
بس جماعته خايفين يموت لا سامح الله وتصير مشكله
همزين اتصلو علينا ولله اني كلبي ابد مامرتاح حسيت راح يصير وياا شي بس مابيدي شي
هو وابو علاقتهم مو زينه
رحمه...الحمد لله كلشي عدا على خير
احضرله شوربه حليب وتمن
خالتي..اي فدوه الايدج
جمانه السعيدي
رحمه.....اشتغل وعقلي راح الايام المعهد شلون ينتضرني
شلون فرحان بوجودي بحياته
شلون يتصل عليه بليل ونبقى نحجي سوه
كلشي ضاع بلحظه المصيبه شلون راح اشوفه كل يوم كدامي
شلون راح اسيطر على مشاعري
شلون راح تخلص ويا وسام الي شايف نفسه عليه
وكارهني
ليش اني تنحط بهيج موقف لا اخذت حبيبي
ولا ازوجت واحد غريب حتى لا اشوفه راح يكابلني
كل الوكت استغفر الله الصبر منك ياالاهي
مديت ايدي تلمست الكلاده من يوم جابها اليه لليوم لابستها مانزعتها ابد
سمعت خالتي صاحت باسمي هي واكفه بصفي بس اني عقلي بغير مكان
خالتي....كملي الزلاطه حتى نحضر الغده
كعدنا ناكل ووسام كل شويه يطلب شي حتى اكوم من الاكل جاي يحقرني كدام اهله
عفت الاكل وصعدت الغرفتي بعد مانزلت اله المغرب
حضرت العشى ويا البنات تعشينا نضفت المطبخ وصعدت مره ثانيه
حسام...اربد بغرفتي
خالتي...خاف ماتكدر تصعد
حسام...لا اكدر بغرفتي اخذ راحتي اكثر
صعد الغرفته ساعده ويام واخته حتى يصعد
خالتي صعدت قبله
خالتي...شوف رحمه شلون رتبت الغرفه
حسام....اريد انام تعبان بطني مكان العمليه يوجعني
جمانه السعيدي
رحمه.....ابد مادخلت غرفته يومين خالتي حايره بي
تنضف غرفته وتوكله ومحتاره بي
كلهم يدخلون وياا بلغرفه الا اني مااريد اشوفه
اريد ابتعد عنه
بعد اني مزوجه ولو زواجي هذا مع وقف التنفيذ
وسام ينام ويا بغرفته خاف يحتاج شي بليل
وبلنهار يطلع للشغل لليل يله يرجع
من يرجع للبيت لازم يسممني بكلامه
لازم يطلع حقارته عليه
رحمه...صعد وسام فتح الباب وكام يصيح عليه صار يومين راسي مرتاح منه ملتهي بحسام ونساني
وسام...وينج
رحمه...طلعت من الغرفه
وسام...صار ساعه أصيح ما تسمعين
رحمه..جنت بلحمام خير شكو
وسام..تعاي جيبلي غير هاي المخده ركبتي توجعني
وغيري هذا الجرحف
اريد تراكي اريد اسبح
رحمه...صار هسه
جمانه السعيدي
رحمه.....اني مااريد ادخل غرفة حسام بس هسه مضطره لازم
اغير المخده والجرجف
دخلت بس شافني دار وجها للجهه الثانيه
طبعا هو سمع وسام وهو يصيح عليه
غيرت الجرجف والمخده وطلعت
دخل وسام سبح وطلع راح يم حسام
حسام...اني صرت زين ماكو داعي تنام يمي روح يم زوجتك
وسام....اي زوجه انت تحجي صدك
حسام...مايصير بعدكم عرسان
وسام...خليني ساكت هاي مو زوجه هاي اكبر مقلب صار وياي بحياتي
حسام...ليش تكول هيج
وسام...حقك ماشفت الشي الي صار وياي
حسام...خير شصار وياك
وسام...الهانم بليلة عرسنا دخلت عليها فرحان وكتله حاجز الاربيل وهي تبجي
يابه ليش تبجين ولله انت مغصوبه على هاي الزواجه
اني احب واحد غيرك
حسام...حسيت كلبي انعصر من الانفعال مكان العمليه كام يوجعني صحت اخ
وسام...اي ولله صدك اخ
حسام...وهسه
وسام.. اني انام بغرفه وهي بلغرفه الثانيه حتى مالي نفس أقرب عليها
حسام...ليش ضايج هيج موزين حجت الحقيقه احسن تغشك بعدين اني من اجيت لسه اشوفك تعاملها اسوء معامله
مع انها كل النهار تفتر وتشتغل بلبيت وامي طايره بيها
وسام...اي هي امي مزوجه مو اني يمعود خليني ساكت
احسن اني من دون كل البنات اوكع بوحده مثل هاي
حسام...اذا ما عاجبتك طلكها وكلمن يروح الحاله
وسام...وامي وابوي واكفين مثل العظم بلعومي
اليوم الثالث طلع من الغرفه
حسام...اريد اطلع متت من النوم اريد امشي حتى الدكتور كال لازم يمشي
رحمه......اني جنت صاعده الغرفتي
وهو نازل لازم المحجر ويمشي على كيف
رفعت راسي اجن عيوني بعيونه
حسام...صباح الخير
رحمه....صباح الخير اساعدك
حسام....لا شكرا
شكرا لزيارتكم عالم روايات سكيرهوم
