رواية غموض الحب عائلة الرفاعى الفصل الثمانون بقلم لولا
تاني يوم الصبح في المستشفي العسكريه
كانت الكتيبه قاعدين بطريقه عشوائيه برا الاوضه منهم اللي نايم ومنهم اللي صاحي بس التعب والارهاق كان سيد الموقف علي الكل فخرجت الممرضه وتابعت بابتسامه عمر بيه فاق
الكل فرح جدا فتابع حسن بلهفه: طب ايه فينه هندخله امتى يلا
الممرضه بابتسامه نقلناه اوضه عاديه اتفضلوا ورايا اوديكم
ادم بلفهه يلا يلا معاكي
وبالفعل مشيوا معاها لحد ما وصلتهم للاوضه وتابعت بابتسامه هو هنا عن اذنكم
صالح بابتسامه اذنك معاكي
وخبطوا ودخلوا كان عمر نايم ومتعلق في ايديه كانيولا وبيفتح ببطئ فحسن راح قعد في الكرسي اللي قدامه ومسك ايديه الشمال السليمه وتابع بوجع: عمر .. انت كويس؟ طمني عليك ابوس ايدك
عمر بصوت واطي ومتعب كويس .. كويس متخافش وحط ايديه الشمال على خده وضربه بخفه كذا ضربه وابتسم بتعب وتابع بصوت ضعيف: كنت عايز تخلص مني ولا ايه
حسن ابتسم من بين دموعه وتابع مقدرش الف بعيد الشر عنك قطع لساني يا غالي لو قولتها بهزار حتى
عمر ابتسم بتعب وهمس انا عايز اقوم تعبان اوي جسمي حاسه كله مكسر
ورايح يتعدل تألم بشده وصرخ بوجع فحسن اتخض وقام يعدله وادم جري عليه فتابع ادم بخوف بس بس على مهلك كنت قولنا احنا نعدلك
حسن بخوف حاسب ياادم علشان دراعه المصاب ناحيتك
ادم بحذر لالا متقلقش واخد بالي وعدل عمر معاه وتابع بابتسامه بس كده زي الفل حمدلله على سلامتك يا ابو حسام
عمر ابتسم بتعب وتابع الله يسلمك يغالي
وبص عليهم كلهم كانت على ملامحهم نظره كلها فرح انه كويس بس لاحظ غياب سيف فتابع بخوف: هو القائد فين ؟؟
كلهم بصوا لبعض بتوتر وحسن بصلهم ورجع بص لعمر فتابع عمر: بوجع وخوف اتصااب جامد صح ؟؟ رجاله حيدر كانت مسكاه اكيد حد عملوا حاجه صح ؟؟
رؤوف بتوتر عمر ممكن تهدى طيب انت تعبان
عمر بعصبيه اهدى ايه وزفت اييه سيف فين اتصاااب قولوا هو سر ؟؟!!
احمد بخوف لالا طبعا .. مش سر ولا حاجه بس مش حابين نقلقك عليه انت تعبان فتقوم بالسلامه وشوفوا
عمر شد الكانيولا ببوقه بعنف ورماها على الارض وتابع بعصبيه اوعاا عديني انت وهو انا متكسحتش هقوم انا اشوفه
جاسر بخوف وبحده يخربيت اهلك بتعمل ايه وبص لعبدالله وتابع بخوف نادي الدكتور بسرعه المتخلف شد الكانيولا جامد تخرب الدنيا دي كده
وحسن وادم كانوا ماسكين عمر فتابع بعصبيه يا ابني اوعاا انت وهو انا تعبان مش قادر لتصرفااتكم دي بجدد والدموع ابتدت تتجمع في عينيه وتابع بقهر: اشوفه بس بالله عليكم مش هقدرر اقعد كده اعصااابي تعبت
حسن بدموع عمر ممكن تهدى القائد مش هناا
عمر اتصدم وكان بياخد نفسه بنهج لانه قاوم قصادهم وهو تعبان فتابع بصدمه ازاي يعني اومال فين راح اسيوط ؟؟ بس لالا ميعملهاش من غيري هو ميقدرش ميبقاش واقف معاكم هناا اصلااا كده في حاجه غلط لالا انتوا بتقولوا ايه سيف فيين واتعصب وتابع ردوا علياا سيف فين
جاسر بدموع طب ممكن تهدى وتقعد واحنا والله هنقولك بس مينفعش كده وغلاوه ابنك ياشيخ لتقعد
عمر قعد على السرير وتابع بحده ممزوجه بصوت متعب : اديني اتنيلت سيف فييين
كلهم بصوا لبعض وسكتوا بحزن شديد فتابع عمر بعصبيه هو انتوا هتفضلوا تبصوا لبعض ماتخلصواا وتقولواا
حسن خد نفسه بعمق وتابع بوجع: القائد محتجز عند حيدر خدوه ومشيوا بعد ما ضربوك بالنار
عمر اتصدم بشده وقلبه وجعه ودموعه نزلت وتابعت محتجز فين !! انت بتخرف صح ؟؟!! واتعصب بدموع وتابع انت بتقول اييه سيف فيين ؟؟؟!! يعني ايه محتجزز عند حيدددر !! الكلام ده لو صح مش هنشوووفه تاني ويا موتووه يا هيموتووه انتوا تجننتوا بتقولوا ايه !!! فكلهم سكتوا بحزن شديد فعمر اتعصب اكتر وتابع بدموع مفيش واحد فيكم قدر يكون قد المسئوليه ويفكر يمووت علشااانه بس هو ياااما اتصااب واتمرمط علشان انتوا تتنيلوا تعيشوااا كلكم خسااره فيكم كلمه ظباط حربيه واخويااا انا هرجعه اوعاا منك ليه وبيقوم فمسكه حسن قعده تاني وتابع بدموع ياعمر ارجوك اهدي ونفكر بالعقل وهنرجعه
عمر بعصبيه ودموع عقل !! عقل اييه يا ابوو عقل هو انتوا خليتوا فيها عقل !!! وبعدين انتوا بتفكروا في ايه دلوقتي اصلااا ده انتوا اقوى من رجاله حيدر الف مره ومحدش كلف نفسه يضرب عليهم ناار وتنقذووه فانتوا اصلا ضيعتوااا اسهل حلل كان ممكن يتعمل .. تقدروا تقولولي حاليا احنا هنعرف مكاانهم منيين اصلااا وسيف بيحصلله ولا حصللله ايه دلوقتييي وضرب ايديه السليمه على الكومود اللي جنب السرير فالازازر اتكسرر وعور ايديه وتابع بعصبيه ودموع قولتلك اوعاا منك لييه طلما معرفتوش ترجعوواه انا هقلب عليه الدنيااا وهرجعه
مؤمن بدموع يا عمر والله محدش فينا شافه لاننا كنا بنشتبك مع رجاله حيدر احنا اتصدمنا ان حد وقع مننا وروحنا لقيناه انت
عامر بدموع صدقني هنرجعه القائد زي ماهو يفرقلك يفرق عندنا كلنا ومش هننسي ابداا تعبه معانا وتضحيته كتير علشانااا
عمر بدموع وعصبيه سيف بنسباالكم كلللكم مجرد قائد في شغلكم منكم اللي بيحبه ومنكم اللي بيكرهو ومنكم اللي عاادي انما دده اخويااا وصاحب عمري وخاال عياالي فانااا مش هرجع من غيررره وفضل يضرب ايديه كذا مره على الكومود ويزيد نزيف
فكلهم خافوا عليه جداا من كميه الدم االي غرقت ايديه فتابع رؤوف بدموع طب ياعمر وغلاوه حسام اهدى ايديك بتنزف من وانت اصلا عندك سيوله هتموت نفسك كدده والله
عمر بدموع وقهر: ياريتني امووت اهون كتير عليااا من اللي انا حااسه دده كلكم عاارفين سيف مش هيرجع ده لو سابوا عايش وغمض عينيه ودموعه نزلت بقهر شديد وتابع اااه يااارب
فحضنه حسن ودموعه نزلت وتابع ابوس ايديك متقولش كده علشان خاطري هيطلع عايش والله وهنرجعه وهتشوف
عمر بقهر ودموع نرجعه منيين ياحسن هو احنا نعرف مكااانه دي عايزه معجزه واتعصب وتابع بس قسمااا بالله العظيم حقه لازم يجي من حيدر تااالت ومتلت حتى لو هضطر اني انزل المهمه الجايه لوحدي
عامر بوجع احنا منعرفش هي امتى بس مبدائيا انت هترجع اسيوط مع حسن ومش هتيجي شهر ونص لحد ماتخف
عمر بعصبيه ودموع انا مش هنزززل من سينااا من غيررر سيف
جاسر بدموع طب ازاي بذمتك مش هينفع والله لازم تنزل وجودك هيتعبك اكتر وانت ولا حول ولا قوه ما باليد حيله يا صاحبي
عمر بعصبيه ودموع يخش اكون برجل واحده ودراع واحد بردو هفضل ومش هرجع من غيره
وعبدالله جيه مع الدكتور وتابع بخوف اهو يا دكتور بسرعه والنبي
والدكتور اتصدم من كميه الدم وتابع بخوف مينفعش كده يا حضره الظابط انت عندك سيوله كده خطر جدااا ومسك ايديه وبدا يوقف النزيف علشان يلفها بشاش وشال منها الازار وعمر مكنش معاهم كان في عالم تاني وسرح
فلاااش باااك
زينب باست جبينه وحضنته اكتر وتابعت بعياط انت عارف انك اغلى حد عندي في الدنيا حتى حسام لما كان عايش انا كنت بجري عليك انت واشكيلك واحكيلك كل حاجه وبيبقى يوم عيد عليا لما اعرف انك نازل اجازه ولا المكالمه اللي كنت بتكلمهالنا كل فين وفين وبطمن فيها عليك لما بسمع صوتك كنت بستناها بفارغ الصبر فانا مفيش كلام جوايا يعبر انا بموت فيك قد ايه بس انت اكتر من كونك اخويا وسندي وصاحبي انت كل حاجه ليا ياسيف ومقصدش احسسك بكده ابدا وياريته كان اتقطع لساني قبل ما اقول كده
****
سيف بحب بعيدا عن اني مش طايقك بس عاش فكرتك في تهريب البنت وانك تحاصرهم لحد ما اجي اخدك فكره حلوه اوي بس بجد وقعت قلبي عليك اقسم بالله يا عمر كنت بموت من قلقي ولا اكن ابني اللي مش لاقيه
عمر عمل التحيه واكمل بضحك تلميذك يا قائد لازم اجيب الافكار دي طبعا من عشرتي معاك وابتسم وحضنه وتابع بحب وحقك عليا على قلقك ده يا غالي والله عارف انك اكيد اطمرمطت علشان تلاقيني الحمدلله خلصت على خير ده انا كنت بموت من قهرتي بجد
سيف بضحك هو ده حقيقي الا اطمرمطت قسما بالله ما كنت برتاح ولو وقفت دققتين تتصل بيا چوليت تعيطلي وتندب تخليني اقوم اقلب الدنيا من تاني
عمر بضحك يحبيبت قلبي كنت واثق انها مش ساكته يلا ابوس ايدك البت هتروح مني
سيف بضحك وهو بيسنده يلا يا حيوان وخد بالك انت اتجرااات زيااده قدامي بس ساكتلك لاجل الشده اللي انت فيها مش اكتر
***
بااااك فدموعه نزلت بوجع شديد وقلبه كان واجعه جداا والدكتور ركبله الكانيولا ولف الشاش ومشي وهو كان باصص قدامه بشرود وساكت فتابع حسن بوجع ممكن ترتاح شويه قبل معاد الطيااره ؟؟
عمر فاق على صوت حسن وهز راسه يمين وشمال بـ لا وتابع مش هرجع من غير اخوياا
جاسر بحزن ايوه بس ياعمر ..
عمر بمقاطعه وعصبيه قولت مش هرجع من غيرر اخويااا حتى لو اتكسحتتت انما مش هسيب وارجعع ودموعه نزلت وتابع هقول لمرااتي اييه هاا هقولهاا اخوكي محتجز عند راجل ابن ستين كلب مبيرحمش وادعيله يرجع وانا عاارف اللي فيهاا وهي ملهااش غيره اصلا خلااص بعد حسام ولا اقول لمدامته ايييه هااا اقولهااا بنحمي وطن كااامل ومعرفناش نحمي جووزك اللي هو صااحبي واخويااا وعشره عمري واخو مرااتي لالالا انتوا كلكم ..كلكم ايديكم في الماايه الباارده واتعصب اكتر وتابع بدموع محدددش قلبه بيتكوووي على سيييف قدييي ودموعه زادت وتابع محددش حااسس انه ضهرهه اتعرى غيييري انا اللي هيتوجهلي كلااام قد كدده وهيسالوني عنه انا اللي هشيل مرااتي من الارض بسبب انهيارها اللي متوقعه وانا اللي هصبر ام بتخسر ابنها التاني في اقل من سنه وانا اللي هقول لزوجه حاامل وبتموت اجمدي وادعي جووزك يررجع لالالا انااا مش راجع اسيوووط من غييره دي وسمه عاار علياا وعليكم انه يتااخد من وسطناااا
كلهم سكتوا ودموعهم نزلت لان معندهمش رد على كلامه فتابع عمر بدموع اقول لمراته ايه يااارب اقولها ايه ولا مراتي انا كمان والله هيموتوا فيهاا انا مش قاادر اسند نفسي اصلااا
اللواء كان جيه وسمعه فدخل وتابع بس مينفعش تفضل يا عمر
كلهم اتفاجئوا وقاموا وقفوا وعملوا التحيه باحترام وعمر حاول يقف فاعبد العزيز رجعه يسند ضهره وتابع بابتسامه خليك انت تعبان
عمر باحترام: انا مش تعبان يا فندم وعايز اقوم اعمل لحضرتك التحيه علشان اثبتلك اني قادر اعمل الصح في اي وضع
عبد العزيز بتنهيده بتلمح لايه ياعمر
عمر بوجع بلمح لسيف اللي اتاخد من وسطنا انا مش هرجع من غيره يا فندم وهفضل موجود معاهم اساندهم لحد مايرجع قلبي وبالي مش هيهدى هناك ارجوك افهمني
عبد العزيز بتنهيده حسن بلغني بكل حاجه واتكلمنا انا وهو وفهمته ان انا هعمل كل اللي في وسعي علشان اصعد الموضوع ونرجع سيف فوجودك هنا مش هيعمل اي حاجه غير انه هيأذيك ويشغل اخواتك بيك خوفاا ان صحتك تضرر في اي لحظه وانت مش صغير وفاهم يا حضره الظابط الجندي المصااب في الحرب بيتراجع وصحابه يكملوا من غير مايقفوا لان مينفعش ينشغلوا بيه ولو بصوا وراهم هنخسر … الرساله وصلت؟
عمر غمض عينيه بوجع وتابع يافندم صدقني انا مش هقدرر ارجع من غييره مش هشغل حد بيا خالص ونبرته عليت شويه وتابع انما مش هنزل من غير سيف مهما حصلل
عبد العزيز بحده وانا مش بنااقشك انت نسيت نفسك يا حضره الظابط ولا اييه ده قائدك نفسه ميقدرش يعملهااا ويرفض قرااري ولما سبق وعملها اترمى في الحجز
عمر بعصبيه ودموع ارميني في الحجز والله اهوون عليا من نزولي بطولي حضرتك مش فااهمني ولا عايز تفهمني انا هنزل هوجع نااس كتيير اووي وهحس اني مكسور ومتعري قدامهم ومعرفتش احمي اخويااا فهنا اهوون على الاقل مش هسمع اسئله تتعبني ومناظر محبهااش ولوم يقهرني اكتر منا مقهور
عبد العزيز بصله بحده واداه ضهره وتابع بعصبيه وهو ماشي: انا قولت اللي عندي يا عمر ارتاح علشان طيارتك ولو مرجعتش اسيوط انهاارده اعتبر نفسك مبقتش ظابط في الجيش
ومشي فكلهم اتصدموا من كلامه فعمر اتعصب وضرب ايديه السليمه بقوه على الكومود وتابع بعصبيه انسااان انااني وظاالم مشوفتش في عينيه نظره خووف على سيف اللي يااما شاال عنه احمال كتيير وفرحه بانتصارات وفي الاخر عايز يهددني
حسن بخوف يا ابني اهدي كسرت الازاز وشلنااه هتكسر الكومود كماان وبعدين هو بيقول الصح انت صحتك تعبانه ولازم ترتااح وحد يراعيك
عامر بوجع بالظبط كده وهو هددك فعلا يا عمر مش عايز يهددك ولو مسمعتش كلام سياده اللواء ونزلت الاجازه شهر ونص هتخسر فرصتك في انك تجيب حق القائد وعلطول
عمر بعصبيه ليه ان شاء الله هو انتوا فاكرينه هيقعد عند حيدر شهر ونص !!! ده انا اخربها على الكل وميهمنيش الرتبه يشيلها مني واروح كمجرم مش كظابط واكسر المكان علي اللي فيه وهخرج سيف
مؤمن بحزن يا حبيبي والله منعرفش مكانه فين ولما نعرف مش هنتاخر بس انت لازم فعلا ترتاح وصدقني هنطمنك كل شويه
عمر بعصبيه عبد العزيز بيستعبط مشوفتش حد في قرفه وجحوده بجدد
كلهم بصوا على حسن بتوتر وبصوا لعمر فتابع حسن بتنهيده علاقتي بـ ندى ملهاش دعوه باللواء ومش علشان هو حماياا هفتن على عمر اعقلواا هاا ده صاحب عمري وانا اصلااا معاه فكل كلمه لاني لما قولتله الغلطات اللي حصلت من القائد اتهرب كده وجاوب اجوبه غير منطقيه
عمر بستغراب غلطات ايه؟
حسن رجع ضهر عمر لورا وتابع بابتسامه هننزل اسيوط والطريق طويل وهحكيلك ممكن بس ترتاح وتغمض عينك شويه
عمر بوجع ودموع مش هقدر صدقني احط عيني في عين مراتي والله ماهقدر
حسن وطى باس جبينه بحزن وتابع سيبها على الله مش قدامك حل غيره دلوقتي
—
عند احمد وشهد الساعه 8 الصبح المنبه رن فاحمد صحي قبل شهد واتاوب وفتح عينيه ببطئ واتعدل وهو حاضن شهد وقفل المنبه وبيبص جنبه لقاها نايمه فى حضنه وسانده راسها على صدره فابتسم تلقائي وقرب باس جبينها وفضل يحرك مناخيره يمين وشمال على خدها علشان يضايقها وتصحى وبيضحك من ريأكشنات وشها اللي بتتغير فتابع بحب شوشتي .. قومي بقى كفايه نوم ..انتي يابت وباسها برقه كذا بوسه متتاليه وتابع يشهد يخربيت ابوكي موتي ولا ايه انا قولت من اول بوسه هتتنفضي من على السرير
فشهد تابعت بضيق ونوم: ايه يا احمد في ايه على الصبح سبني انام بالله عليك سهرتني امبارح وورايا محاضره الساعه 12 عايزه انام
احمد بحب يعيون احمد اما انا جاي من سفر وسهرت زيك وظبطت المنبه بدري علشان تلحقي تفطري وتعملي كل حاجه بهدوء وننزل بدري
شهد بتعب لالا سبني بجد تعبانه جسمي مكسر وبطني واجعاني اوي عايزه انام
احمد وجامعتك ياشهد ؟
شهد بتعب هروح بس انام شويه وغمضت وادته ضهرها فغطاها حلو بالملايه لان ضهرها كله بان وتابع هتتعبي انتي بالتكييف العالي اللي مشغلاه ده انا هوطيه
شهد بنوم بس يا احمد بالله عليك
احمد ياشيخه اتنيلي بقى وقام وطى التكييف وتابع ايه جاموسه مش بتحسي ده بردت ودخل الحمام ياخد شاور وشويه والمايه قطعت والصابون مغرقه وهو بيعمل شعره فتابع بصدمه يانهاار ازرق وقتك ده !! ورفع صوته نسبيا وتابع شهددد .. يحبيبتي وبيحاول يطلع من البانيو كان هيقع فوقف مكانه وتابع بعصبيه انتي يا ززفته
فشهد اتخضت وقامت من النوم وتابعت ايه يا احمد في ايه انت فين
احمد بحده في الزفت الحماام تعالي هاتي برميل المايه اللي بتشيليها عايز اغسل وشي اتملى صابون
شهد بحرج انت بتهزر صح انا نوو وي ادخل عليك الحمام
احمد ضرب كف في كف وتابع بعصبيه ياشهد متكفريش ام الوااحد بقى اومال احنا كنا بنعمل اييه
شهد بحرج والله انت متربتش ومفروض عقاباا ليك تتساب لحد ماتتعلم تحترم مرااتك ازاي
احمد بحده قسما بالله ياشهد لو مجتيش هزعلك اخلصي خشي انا قافل الستااره علياا متخافيش مش هفقدك اغلي ماتملكين والجو الهابط دده
شهد فضلت تضحك وتابعت والله انت متربتش وبعدين مش عيب عليك بقالك شهرين متجوزني وتقول الجمله دي هو لسه هفقد يمرااري علي جوزي يااني ميمشيش معاك اني مدامتك ؟
احمد ضحك وتابع مدامتي غصب عنك طبعا بس تعالي علشان مش عايز ازعلك مني بجد خليها اجازه لطيفه وتعالي هاتي المايه يا مدامتي
شهد ضحكت ولفت على نفسها الملايه وقفلتها من فوق كويس ودخلت وفضلت تجر البرميل من اخر الحماام وتابعت بتعب مش قاادره بجد يا احمدد
احمد بتنهيده حقك عليا بس مش هعرف اشوف بجد الصابون ده لو دخل عيني هيروقها
فشهد ضحكت وتابعت علم عليك مره فعلمك
احمد بضحك اه والله حصل
فشهد فضلت تجر وحطته جنب احمد وتابعت وهي بتاخد نفسها بقوه: بس اهو اخيراا
احمد مد ايديه خد كوبايه وغسل وشه بسرعه وفتح عينيه وتابع ااه بجد اخيراا
فشهد ابتسمت وتابعت طب طالعه انام بقى هاا ورايحه تطلع ففتح الستاره سيكا وخرج ايديه وشدها ليه وتابع بضحك تعالي بس رايحه فين مش مفروض عندك شاور؟
شهد بتوتر احمد اتلم والله هصوت وازعلك
احمد بضحك تااني هتقولي اصوت مبتحرمش وحط ايديه على وسطها وغمز وتابع ماتيجي تشاركيني الشاور
شهد بضحك وحرج اتلم وشاركه مع روحك يحبيبي انا هستنى المايه تيجي معرفش اتعامل كده وبطول في شاوري اوي وانت عارف
احمد بضحك تعالي بس جربي مش هتندمي
شهد بضحك لا مش عايزه اجرب واوعاا سبني
احمد قرب باسها بحب ودقايق وبعد وهو بيضحك وهي بصاله بحرج وضربته في كتفه وتابعت متربتش والله هقول ايه
واحمد فضل يضحك وقفل باقي الستاره وتابع بضحك يلا روحي بقى بدل ما ارجع في كلامي واصمم تاخدي معايا شاور
شهد بضحك اه ده عند عايده الكلام ده وخرجت وهو ضحك وغيرت هدومها ونامت تاني بكسل رهيب
وشويه واحمد خرج لقاها نامت تاني وكانت لابسه شورت وحماله فتنهد بحيره وتابع مصيبه لو البت دي حامل .. بس تحمل امتى منا سافرت وجاتلها ومكنتش حامل اكيد لا ولبس هدومه والباب خبط فراح غطا شهد وباس جبينها وطلع فتح فكانت زينب فابتسمت بتفاجئ وتابعت ايه ده انت رجعت يا احمد الف حمدلله على السلامه
احمد بابتسامه اه جيت بالليل الله يسلمك يغاليه
زينب بتوتر طب خلاص اقفل يا احمد
احمد بستغراب مالك يابت في ايه ماتقولي كنتي عايزه ايه
زينب بتوتر لا خلاص خلاص اقفل انت
احمد بابتسامه قولي يا زينب وبطلي عبط مش علشان انا رجعت يعني عايزه شهد من جوه اناديهالك؟
زينب بتنهيده هو حسام عايزها فقولت اسبهولها شويه علشان نازله بمرات خالو للدكتور متابعه كل يومين تعبانه اوي ومعادها انهارده بدري فكنت هشوف شهد لانها بتصحي بدري كل يوم
احمد بتنهيده ولا حول ولا قوه الا بالله ربنا يقويها امنيه بجد وشال حسام منها وباس خده وابتسم وتابع سيبيه وروحي انتي متشيليش هم انا هديه لشهد
زينب بنبره ليها مغزي: احمد بالله عليك لو هيضايقك هااته
احمد بضحك يازينب روحي اتكلي علي الله هنهبب ايه 8 ونص الصبح يعني روحي بس
زينب بضحك ماشي طمنت قلبي وادته شنطه وتابعت بابتسامه علشان لو عاز حاجه او ياكل كل حاجته وقولها متقلقش مش هتأخر
احمد بحب ماشي يحبيبتي ربنا معاكم حد هيوصلكم ولا اجيلكم انا؟
زينب بحب اه مازن تحت وباست خد حسام وتابعت بضحك باي يوغتي بااي متعيطش وتتعب خالو هاا
احمد بضحك ده حبيب خالو ده متشيليش هم وباس خده
زينب بحب تسلم يا احمد والله
وحسام رايح يزن فتابعت زينب بلهفه طب هنزل انا بسرعه هاا اديه لشهد هيسكت ونزلت وحسام عيط واحمد قفل الباب وتابع بضحك بس بس مالك في ايه انا مش بعض العيال ده انت حتى ابوك وخالك ظباط يعني انزل كسر عيال البلد تحت محدش هيتكلم
حسام بصله وعيط وعمل شفايفه لتحت فتابع احمد بضحك لالا يابويا محدش يقدر يزعلك لا تعالى نعمل فطار لخالتك شهد الكسوله ونصحيها بما انك بتحبها وبتسكت معاهاا وحطه علي الرخامه ودخله للاخر وتابع بص بقي يمعلم من اولها عياط هنزعل مع بعض
حسام بصله وسكت وعينيه لسه فيها دموع فتابع احمد بضحك ايوه كده مفيش رجاله بتعيط دي قااعده متجيش انت بقى يا ابن الهوااري تعملنا خلل في الصفات انا هجيب حاجه من التلاجه قدامك اهو ورفع صباعه وتابع بتحذير متتحركش هاا
حسام عيط فاحمد بصله وتابع بضحك ياعم وربنا مش رايح في حته هجيب البيض بس وجايلك تاني وجاب الحاجه من التلاجه بسرعه وتابع بضحك بس بس جيتلك اهو وحط الحاجه على الرخامه وتابع وهو بيحط البيض يتسلق الا قولي يا حسام انت بتشجع الاهلي ولا الزمالك
حسام بصله وسكت فاحمد بصله وتابع لا كده عيب المفروض خالو بيكلمك ترد مفيهاش سن الموضوع دلوقتي مساله مبدا
حسام بصله ومركز فتابع احمد بضحك ايوه منا بقول كلام مهم مفروض ترد طب بص ياسيدي انا هعرف بلغه الاشاره وحط قدامه بيض وطماطم وتابع اختار يلا
فحسام رايح يمسك البيض فتابع احمد لالا من الاول وبدل الاماكن فحسام رايح يمسك البيض بردو فاحمد ضحك وتابع لالا بردو معجتنيش من الاول وبدلهم تاني فحسام مسك الطماطم فاحمد سقف وفضل يضحك وتابع جدع ياحسام ايووه شجع الاهلي زي خالك برافو هو ده الاختيار وباس خده وتابع يضحك وهو بيقطع الطماطم يخساارتك في المرمطه يا احمد اه والله وفضل يكمل الاكل وهو بيكلم حسام بعدين شاله وتابع بحب يلا ندخل نصحي خالتو شهد علشان ناكل يبرنس وباس خده ودخلوا الاوضه وحط حسام على السرير جنبها فضحك لما شافها وشد شعرها فاحمد فضل يضحك وتابع لالا مراتي حبيبتي متقطعش شعرها صحيها برااحه زي كده فاحمد خبط براحه على خد شهد وهو بيضحك لانه عارف اللي هيحصل فحسام قرب منها وضربها بالقلم جامد فاتخضت فاحمد فضل يضحك بشدده لدرجه كان هيقع فقعد على الكرسي وهو بيكمل ضحك وتابع لالا مش قادر وحسام فضل يضحك على ضحك احمد
فتاوهت شهد وهي بتضحك وتابعت ااه كده يحسام تضرب خالتو ؟ ده انا حبيبتك
احمد فضل يضحك بشده وتابع معلم قلم حكومي واخد جينات ابوه كلها وربنا صحاكي في ثانيه احنا لسه هنحاايل زي من شويه
شهد بضحك مااشي صبرك علياا اكيد انت قولتله ده ابني ده ميعملش فياا كده
احمد بضحك طز فيكي ياشهد ده والله ولا همه
شهد بضحك هوريك وعملت نفسها بتعيط وحطت ايديها على وشها فحسام بصلها بحزن وحاول يشد ايديها وابتدي يعيط
فشهد تابعت بتمثيل عياط لالا اوعاا انت ضربتني انا زعلانه
فحسام عياط ودخل في حضنها فشهد فضلت تضحك وتابعت خلاص يانوحي انا اسفه خلاص متعيطش والله يقطعني وباست خده كتير فسكت ونام على صدرها فاتعدلت بيه وفضلت تطبطب على ضهره فابتسم احمد وتابع مش مستغرب لان انتي حنيه الدنيا فيكي فحقه بصراحه
شهد بحب ده حبيب عيوني ده هو وزين بس زين لسه صغنون مش بيتفاعل زي حسام
احمد راح قعد جنبها وخدها في حضنه وباس راسها بعمق وابتسم وتابع ربنا يحفظهم وعقبالنا يعمري
شهد ابتسمت علشان مرضيتش ترخم وتقوله لسه بدري وتابعت يارب يحبيبي
فحسام بص لشهد وشد البدي بتاعها ففضلت تضحك وتابعت تاني ياحسام مقولتلك يعمري انا مش هعرف اكلك هي فين زينب يا احمد
احمد جابته ونزلت مع امنيه وسابتلك شنطه استني اقوم اجبهالك بس الواد ده بيشدك كده ليه ورفع حاجبه
شهد بضحك عايزني ارضعه
احمد برفعه حاجب ترضعي ميين مش حاجتكم دي يحبيبي دي تخصني انااا
حسام مبصلوش وفضل يشد هدوم شهد وشهد هتموت من الضحك
فتابع احمد بضحك انت يعسللل انا مفهمك ان ابوك وخالك ظباط فتدوس على خلق الله ااه بس مش تمسك مرااتي لا هزعلك بصلي كده انا مبخافش من حد على ابوك وخالك وكله
شهد فضلت تضحك وتابعت بس يا احمد اتلم سيبه براحتي
احمد بضحك اسييب ميين ده بيمسكك شهدد متخلنيش اغيب عليكي وربناا انت يااواد يا ابن عمرر سيب مراتي هنزعل مع بعض كدده
شهد بضحك يا احمد انت هتغير من عيلل بطل جنان ده زي ابنك منا هرضع
احمد بضحك انا ابني نفسه مش هخليكي ترضعيه قداامي مش هستحملهاا انا دماغي تعباانه وهغير
فشهد فضلت تضحك وتابعت يخرابي عليك بجد مش للدرجه دي
احمد بضحك لا انا مخي تعبان مش عارف اشمعنا بجد بس فعلا بغير وهحس اهتمامك بالواد هيبقي اكتر
شهد بضحك لا يعمري مقدرش انت وهو وعيالي
وحسام بيشد فيها اكتر فتابع احمد بضحك لا مفيش منه الكلام ده ساعتها انا عارف وبص لحسام وتابع بصوت مرتفع نسبيا: انت يا وااد
فحسام اتخض واتنفض وعيط بشده فتابعت شهد بضحك يا احمددد اخص عليك بجدد فاحمد فضل يضحك وتابعت شهد بضحك بس بس بسم الله الرحمن الرحيم عليك يبويا بس اهدى يقلب شهد وحضنته فلف ايديه على رقبته وابتدي يسكت في حضنها وهي بتطبطب عليه وتابعت بس يعمري بس خلاص حقك عليا انا وبصت لاحمد وتابعت بضحك قوم واخلص هاتله الاكل بتاعه يلا علشان يسكت
احمد بضحك قايم ياختي قايم ما احنا اشتغلنا داده لابن عمر انهارده وهجيب الفطار بتاعنا حضرته في المطبخ
شهد بحب تعبتك يعمري
فاحمد باس خدها وتابع تعبك راحه يقلب عمرك وصحيح حضرتلك البوكس فيه سندوتشات علشان تاخديه معاكي الجامعه وحطتلك 400 جنيه في الشنطه
شهد فضلت تضحك وتابعت 400 جنيه دي كيفتني انما بوكس ايه يخربيتك يا احمد هو انا رايحه الحضانه !!
احمد فضل يضحك وتابع وفيها ايه مش احسن من الاكل المعفن بتاع الكافتيريا اللي بتشتكي منه قد كده وبطنك بتوجعك
شهد بضحك انت عايز تفضحني بجدد العيال تقول عليااا ايه
احمد بحب محدش هيقول عليكي حاجه يابابا روحي الكافتيريا زي ما بتروحي واطلبي الشاي بلبن اللي بيروق اعصابك واقعدي وطلعي الاكل محدش ليه دعوه بس انا مش ضامن تاكلي من بره وانتي تعبانه كده واعملي حسابك هنروح للدكتوره النهارده اما ترجعي من الجامعه
شهد ابتسمت بحب وتابعت ربنا ميحرمنيش منك ومن حنيتك علياا بس انا مش عايزه اروح للدكتوره بجد علشان خاطري
احمد بحب انا هعتبر نفسك مسمعتش حاجه وباس راسها وتابع ربنا يهديكي يحبيبتي وخرج وشهد ضحكت وتابعت يا احمد انا مش مجنونه بجد
—
عند يونس ونور
نور كانت قاعده في اوضتهم وحاطه تربيزه قدام الكرسي وبتذاكر لان المحاضرات اتلغت عندها انهارده وماسكه القلم وبتحدد الاجزاء المهمه وبتذاكر لنفسها بصوت عالي وتابعت لا دي مش مهمه ودي مش مهمه بردو
فخرج يونس من الحمام وهو لافق الفوطه على وسطه وشعره بينقط مايه وتابع بستغراب بتذاكري ايه يحبيبتي
نور بابتسامه الچينيتكس علشان الشفوي
يونس بذهول دي مادتي انا اللي كلها مش مهمه دي !!
نور بضحك ايه مين قال كده بس
يونس راح بص في كتابها وتابع بذهول نور انتي بتهزري انا مبحطش كلمه مش مهمه والكتاب يادوبك اصلااا انتي بتهببي ايه
نور بتوتر ايه بلخصه ماهو انا مش جاموسه يعني علشاان اذاكر كل ده وابنك تاعبني وطهقانه ومش طايقه نفسي
يونس مسح على وشه بضيق وتابع كل ما اكلمها تتحجج بام الوااد
نور بتوتر لا غلط مش عايزه
يونس بحده غلط ايه وزفت ايه اذا كنت انا دكتور الماده متجرأش امسح اللي حضرتك بتمسحيه دده
نور بتوتر منا مش فهماه فبعمله اسكيب اومال اقعد اعيط جنبه مثللاا
يونس بذهول طب ماتقوليلي افهمك يابنتي هتشللل منكك والله هتشللل هموت مجلوووط كدده واتعصب وتابع اذا كان دي مااده جووزك مااتنيلي تقولي مش فااهمه وافهمككك انما ايه كل الاكساات دي هو فررح طب قسما بالله يا نور لتتسألي فيهم من ضمن الاسئله
نور بخوف يايونس متهزرش هعيط وربنا
يونس بضيق عيطي مع نفسك بقى وراح دخل الدريسنج روم
فتابعت نور بضيق يا يوونس انت بجد بتيجي علياااا ولا اكني مرااتك خاالص
يونس وهو بيلبس تابع بضحك مراتي ايه وبتاع ايه ياشيخه اتنيلي بقي ده انا اكتشفت انك جاموسه قاعده في المدرج قسما بالله
نور فضلت تضحك وتابعت ده حقيقي والله بس مع كله الا انت بفهم منك وحياتك بس نسيت
يونس خرج وراحلها وتابع اممم ماواضح من اللي معمول في الماده الكتب متربه حقك تنسي
نور بضحك لا متافورش بذاكر وبتشوفني وقامت وقفت وحطت ايديها حوالين رقبته وتابعت بس كتير علياا الماده وصاحب ماده والله
يونس بضحك اتلمي عايزين نذاكر هاا نذااكر في بكره تسميع بنسي فيه امي وابوياا وبتعامل بضميري عادي
نور بحب بالله انا ماعندك ضمير علشان بتعامل البسكوته دي كده
يونس حط ايديه على وسطها شدها ليه وباسها بحب وتابع بالله انتي عارفه اني بعشقك بس مقدرش اخون القسم اللي اقسمته فنقعد نذاكر وانا هفهمك كل اللي نسيتيه
نور ابتسمت وباست خده وتابعت ماشي ياسيدي موافقه
يونس غمض عينيه وتابع بضحك نور اتلمي بجد والله ثانيه كمان ومش هنذاكر
نور بضحك لالا خلاص انا بعدت عنك اهو وقعدت وتابعت اعملنا قهوه وتعالي بقى
يونس بحب قهوه ونسكافيه مش هعملك قهوه انتي لو حصل ايه
نور بضيق يايوونس طب ..
يونس بضحك بس يابت اخرسي
وراح عمل القهوه ونور كملت مذاكره ويونس دقايق وجيه وهو شايل صنيه عليها القهوه والنسكافيه وازازه مايه وابتسم لما شافها قاعده متعمقه في المذاكره وقعد جنبها وحط الحاجه على الترابيزه وتابع بحب ها نبدا بقى ؟
نور حطت ايديها على خدها على الترابيزه وتابعت بابتسامه ابدء يعيوني
يونس بضحك لا انا كده هبدء حاجه تانيه
نور فضلت تضحك وتابعت لالا عايزين نركز ها
يونس بضحك ده ياريت يعني استسمحك نركز ارجعي نور بنت عمي وانا ابيه دكتورك اتفقنا ؟
نور فضلت تضحك وتابعت اخص عليك يا يونس علشان هتذاكرلي هتتبراا مني ! بس لا بردو جوزي وابو ابني وحبيبي مش هعمل زيك انا
يونس بابتسامه بالله انتي عيون جوزك من جوه وباس خدها وتابع بحب يلا نبدء وبالفعل بدء يونس يشرح لنور وهي مركزه جدا وبيسالها وبتجاوب عليه وشويه وتابع بتنهيده بس كده شوفي السؤال ده بقى صح ولا غلط وقوليلي
نور بصت وقرات وتابعت اه ده صح
يونس برافو واللي بعده؟
نور قراته وتابعت بردو صح
يونس باس ايديها وتابع برافو طب وده ؟
نور ابتسمت وقرات وتابعت صح
يونس بصلها برفعه حاجب فتابعت بتوتر ايه غلط؟
فيونس خد نفسه بعمق وسكت فقراتها تاني بتوتر وتابعت ااه ده في ” لا تفيد ” بالله قريتها تفيد فقولت صح وحياتك
يونس بحده اصل ايه اللي شغاله صح صح علقتي يانور ولا ايه
نور بتوتر والله مخدتش بالي خالص حقك عليا
يونس بتنهيده انا قايلكم تاخدوا بالكم من كل حرف ولا مقولتش ؟
نور بتوتر قولت حصل عندي دي والله
فيونس تنهد وتابع طب يلا اخر سؤال فنور بصت معاه بس بعدين بصتله وسرحت وهو خد باله بعد دقايق وتابع نور انتي معايا؟
نور انتبهت وتابعت بتوتر معاك معاك
يونس مسح على وشه بنفاذ صبر وتابع انتي سرحتي صح؟
نور بتوتر فيك بصراحه فمش هتزعقلي صح ؟
يونس ضحك بغُلب وتابع: طب ياربي اعمل فيها ايه دي ياربي
نور بابتسامه تحضني
يونس بضحك احضنك ؟!
نور اه والله حاسه اني اتوترت وتعبت وعايزاك تحضني وتمشي ايديك على شعري وده كان اخر سؤال كده كده
يونس بحب يسلام من عيوني وفتح ايديه فنور دخلت في حضنه وغمضت بارتياح وهو فضل يمشي ايديه على شعرها وابتسم وتابع برافو عليكي عموما وضحك وتابع بس واضح انك نور بنت عمي وانا ابيه جداا
نور بضحك طول عمرك حضني واماني مش جديده عليك بس انا موافقتكش وقولتلك لا جوزي
يونس باس راسها بعمق وتابع مالك بقى فيكي ايه
نور بتوتر متوتره اوي بجد وبطني ابتدت توجعني
يونس بستغراب من ايه يبابا كل ده !! في ايه موترك
نور بتوتر اتكلم معاك كانك جوزي ها
يونس بضحك هو انا لسه هبقى جوزك ما انتي في حضني اهو ورفع ايديها باسها بحب وتابع قولي يعمري كل اللي انتي عايزاه
نور بتوتر دكتور الماده رخم اوي فخايفه من بكره
يونس اتفاجئ وتابع يا بنت الكللب !! فـ نور فضلت تضحك فضحك يونس وتابع ولما يقوم يعلقك دكتور الماده دلوقتي ؟!
نور بضحك مش ههون عليك انا عارفه بس نتكلم جد الامتحان مش بيبقى سهل وانت مش بتهاود وانا بخاف منك الضعف بجد
يونس بضحك ده اللي هو ازاي يعني طب انا دكتورهم انما انا جوزك فمفروض تبقي اهدى
نور بتوتر لا والله مش بيحصل ببقى علياا ضغط قدام الكل اني ابقى شاطره وكلهم مركزين علياا اوي فلما بغلط وانت ترفعلي حاجبك بقى بص بغني زي اصااله يا ارض اتشقي وابلعيني من الخوف
يونس فضل يضحك وتابع لالا والله مش هوترك اهدي حقك علياا
نور بتوتر يعني لو جاوبت غلط عادي
يونس بضحك بصراحه هتضايق بس اكيد مش
نور بمقاطعه شوفت شوفت قولت هتضايق اهو
يونس فضل يضحك وتابع اه بس ده لانك شااطره ومجتهده وحبيبتي ومراتي فاكيد عايزك احسن واحده في الدنيا كلها مش جامعه اسيوط كليه علوم بس
نور بحب ودموع يونس انا فاهمه كل ده بس والله حساه ضغط عليا اكتر من انه دعم بخاف مكونش قد ثقتك
يونس ابتسم ومسح دموعها وتابع وانتي قد ثقتي ناقص بس تثقي في نفسك اقفي كده اعملك اختبار
نور بتوتر ايه لا ابوس ايديك طب اراجع
يونس بضحك اقفي يانور ده انا اعرفك اكتر منك اقسم بالله
نور قامت وقفت ويونس بصلها وابتسم وتابع كاننا في المكتب بالظبط وهسالك
نور بتوتر استر يارب
يونس بابتسامه متخافيش انتي قدها والله وتنهد وتابع هل الجينات تتحكم بكل شيء ؟
نور بتوتر لا الجينات تلعب دورًا كبيرًا لكن البيئة والعوامل الخارجية مثل التغذية ونمط الحياة تؤثر أيضًا في التعبير الجيني (gene expression)
يونس بابتسامه برافو نعلى بالليفل شويه لماذا يعد الـCRISPR-Cas9 ثورة في علم الوراثة وما مخاطره ؟
نور اتوترت شويه فتابع يونس بابتسامه براحتك عاادي اهدي
فتابعت نور بتوتر ااه افتكرت تقنية CRISPR-Cas9 تسمح بالتعديل الدقيق والسريع للجينات وهي تُستخدم حاليًا في الأبحاث والعلاج الجيني. لكن مخاطرها تشمل التعديل غير المقصود (Off-target effects) والتداعيات الأخلاقية المرتبطة بتعديل الجينات البشرية
يونس بابتسامه الله واكبر يخواتي على مراتى الشاطره ياناس ادينا فهمنا اهو وسالتك سؤالين وجاوبتي تعالي بقى وفتح ايديه
نور دخلت حضنه فتابع بحب بجد فخور بيكي
نور ابتسمت وباست خده ونامت على صدره تاني وتابعت انت فخور بيا وانا فخوره اني شايله اسمك اكتر من اي حاجه في الدنيا
يونس بضحك ايه ياعم الكلام الحلو ده
نور بضحك اه والله بكلمك بجد وابتسمت وتابعت انت متعرفش احساسي بيبقي عامل ازاي لما ببقى ماشيه واسمع كام واحد بيتهامسوا كده وبيقولوا دي مرات دكتور يونس والتانيه ترد وتبقي سكر كده ونادرا مانلاقي حد سكر وتقول والله !! دي عسوله اوي ونسخه منه بسم الله ما شاء الله وغيرها تقول يبختها فساعتها ببص للسما كده وابتسم وببقى جوايا احساس ميتوصفش بكلام وبشكر ربنا انه انعم علياا بالنعمه دي
يونس ابتسم بحب بالغ من كلامها وحط ايديه على خدها وسند جبينه على جبينها وتابع عارفه احلى حاجه بقيت تعجبني زياده فيكي ايه هي
نور بصت في عينيه وتابعت بحب ايه ؟
يونس بحب انك بقيتي تقوليلي كل اللي جواكي ناحيتي
نور بحب والله ولو فضلت عمري كله اتكلم مش هخلص وابتسمت وتابعت فخلي بالك طويل معاياا
يونس ضحك وتابع بحب ده انتي اتكلمي للمنتهى مش هزهق وقام ووطى شالها بين ايديه
فاتفاجئت نور وضحكت وتابعت ايه في ايه
يونس بابتسامه مش ظبطنا الماده و بقيت زي الفل؟
نور بضحك اه خير
يونس سند جبينه على جبينها وباسها برقه وتابع نظبط صاحب الماده بقى خلي الطلبه يدعولك واروح انجح الكل بكره
نور فضلت تضحك وتابعت وماله اذا كان كده خلي الغلابه تفرح
يونس بضحك ربنا يخليكي لمصر يغاليه كله هيدعيلك بكره
نور بضحك اعيش واضحي علشان ولاد بلدي
يونس حطها على السرير برفق وتابع بضحك يابنت الجزمه ليه بضربك بالنار ولا ايه وقلع تيشرته رماه على جنب
نور ضحكت وتابعت لا يعمري ده انا يبختي والله العظيم وقرب منها فحطت ايديها حوالين رقبته وباسها بحب فتافعلت معاه بحب
—
عند مازن في عربيته كان راجع بامينه من عند الدكتور والساعه 10 ونص فتابعت بتنهيده هو انا ينفع اطلب منك طلب يامازن
مازن بحب اطلبي طبعا تحت امرك
امنيه بحب تسلم يارب وتنهدت وتابعت ينفع توديني المرسم بتاع سيف .. يونس حكالي عنه بس عمري ماروحت عايزه اروح اقعد خمس دقايق بالظبط ونمشي
مازن بابتسامه حاضر يا امنيه من عيني هو كده كده في طريقنا
امنيه بحب تسلم عينيك يارب
وبصت جنبها من الشباك وتنهدت بعمق ووجع وزينب قلبها كان واجعها زيها ومش لاقيه سبب يبرر ده ورنت علي شهد وتابعت بتنهيده ايه ياشوش حسام ساكت؟
– شهد بضحك اه متخافيش خليتك احمد بيتسخبي ويخضه فيضحك وعمالين نشتغل اراجوزات لابن عمر بيه
– زينب ضحكت وتابعت يحبيبتي بجد تعباكم حقك عليا
– شهد بضحك بس يابت اخرسي ده ابني ده
– زينب بضحك حبيبتي والله طب ايه فطر ولا لسه
– شهد بحب متخافيش اكلته والله وبيلعب مع احمد اهو بس حاولي متطوليش علشان ساعه ونازله الجامعه
– زينب بحب حاضر يحبيبتي من عيني وسمعت صوت حسام بيضحك فضحكت وتابعت يعمري بسم الله ما شاء الله عليك
– شهد بضحك شوفتي متقلقيش انتي والله والدكتوره قالتلكم ايه صحيح
– زينب بحب الحمدلله حالتها كويسه عن الاول
– شهد بحب الحمدلله يحبيبتي نشكر ربنا بجد
– زينب بحب يلا باي هقفل معاكي انا
– شهد بحب باي
وقفلت معاها ودقايق ومازن وصل وتابع بتنهيده بس في مشكله انا مش معايا مفتاح
امنيه بحب متقلقش يونس قالي الحل ونزلت وطلعت السلالم ولما وصلت عند الباب وطت رفعت المشايه فلقيت المفتاح تحتها فابتسمت وجابته
زينب بقلق طب وطيتي ليه كنتي قوليلي انا اساعدك
امنيه ابتسمت بتعب وتابعت متقلقيش عادي وفتحت الباب فابتسم مازن وتابع طب هستناكي في العربيه اقعدي براحتك بس متطوليش
امنيه بابتسامه تمام ومجرد مادخلت حست ريحه سيف فكل مكان فغمضت عينيها وخدت نفسها بعمق وزينب فضلت قاعده برا علشان تسيبلها مساحتها فدخلت وفضلت تتفرج علي الرسومات المتعلقه ومنهم رسمه للغروب ورسمه للشروق ورسمه حزينه اوي لواحد حاطط ايديه علي قلبه وبينزف دم ووراه بنت مبسوطه وماسكه واحد شبه بالظبط فابتسمت بوجع لان الرسمه مكانتش سيف بس معناها واضح جدا وبصت على اللوحه اللي لسه مكتملتش كانت شكلها حلو اوي في شكل ورده اوراقها بتقع بس كان متساب جنبها كوبايه قهوه ويظهر دي كانت اخر مره يجي هنا وشافت رسمه كمان لبنت في المستشفى نايمه وشخص ماسك ايديها وبيبكي ففهمت انه بيعبر عن مشاعره بالرسم لان ده حصل فدموعها نزلت ومشيت لقيت صف رسومات فوق بعض ومترب وواضح بقاله كتير متحركش فشدته وطلع تراب ففضلت تكح وجابت قماشه ونفضت ومسكت اول واحده قلبها دق بعنق لانها صوره ليهاا في العمر اللي شافها سيف فيه 16 سنه فدموعها نزلت بحب شديد ليه وانهبرت بشكل تفاصيلها وتابعت بدموع يحبيبي وعيطت وكتمت بوقها وكملت تعيط ونزلتها ومسكت التانيه لقيتها ليها بردو بس في سن اكبر في بدايه الجامعه والاخيره في سنها الحالي فعطيت بفرحتها بيهم وتابعت ايه الجمال ده بجد بسم الله ما شاء الله ايه كل الحب ده ياسيف وعيطت وتابعت واحشتني اوي بجد والله واحشتني ومسحت دموعها ووطت جابت الـ 3 صور وخرجت لزينب وتابعت يلا
زينب بحب خليكي شويه لو حابه
امنيه بدموع وحب لالا يلا انا مبسوطه كده
زينب بستغراب ايه دول جبتيهم ليه
امنيه وريتها منهم فتابعت زينب بتفاجئ وضحك ايه ده بسم الله ما شاء الله حلووين اووي بجد انا اول مره اشوفهم بجد
امنيه بحب ودموع وانا كمان ونفسي اخده في حضني دلوقتي حالا بجد
زينب ابتسمت بحزن وتابعت يارب يعجل برجوعهم يعمري
امنيه بوجع اللهم امين يارب يلا بينا
زينب بحب يلا ونزلوا وركبوا العربيه مع مازن ومشيوا في طريقهم لبيت الرفاعي ففون زينب رن ومصدقتش نفسها لما لقيته “” حبيب عمري “” فكرت انها مش شايفه صح او بتحلم وفتحت وغمضت كتير ودموعها نزلت من فرحتها برنته وردت بسرعه وتابعت عمررر يحبيبي واحشتنيي
عمر اتوجع من لهفتها عليه لانه خايف يبص في عينيها وتابع بصوت موجوع وانتي اكتر يحبيبت قلبي طمنيني عليكي انتي والواد
زينب بعياط وفرح ده حسام خرب الدنياا عليك يا عمر وعمال بابا بابا ويعيط وعايزك اوي والله حتى انا قلبي واكلني عليك وبعيط كتير طمني عليك انت وسيف اخباركم ايه
امنيه بلهفه ودموع قوليله يخلي سيف يكلمني بالله عليكي يا زينب
زينب بدموع حاضر حاضر
عمر سمعهم اتوجع وتابع بثبات مزيف: قولي لامنيه انا رجعت وفي عربيه حسن دلوقتي وجاي بس سيف منزلش
زينب فرحت انه راجع بس استغربت وتابعت ايه ده ليه سيف منزلش معااك ليه
عمر بوجع هفهمك لما اشوفك فينك
زينب بلهفه ابنك في بيت الرفاعي يحبيبي هجيبه ونروح شقتنا روح انت البيت وانا هجيبهولك واجي ماشي ؟
عمر بوجع لالا هجيلكم بيت الرفاعي
زينب بعياط وفرح عمر انت نزلت بجدد يعني جاي وغلاوتي عندك
عمر بوجع اه يحبيبتي جاي والله ربع ساعه وهتلاقيني عندكم باذن الله
زينب بحب وفرح ماشي يحبيبي يلا باي
عمر كنتي فين انتي الصبح بدري كده انتي وامنيه
زينب بحزن بنتابع مع امنيه تعبانه اوي والله ياعمر والدكتور قالت تلزم السرير الكام شهر الفاضلين علشان متولدش مبكر وتحافظ على نفسيتها وادويتها
عمر اتوجع وخد نفسه بعمق يمنع دموعه وتابع ربنا يقويها ويقومها بالف خير باذن الله
زينب بحب يارب ينورعيني
عمر بوجع باي
زينب بحب باي يحبيبي
وقفلت وهي فرحانه انه رجع بس مستغربه ليه سيف مينزلش
امنيه بوجع سيف منزلش ليه
مازن بقلق اهدي هاا سيف القائد وطبيعي يطول عن عمر مش شرط ينزلوا سوا
امنيه بوجع اصدقك واكدب احساسي يعني ودموعها نزلت وتابعت ربنا يستر بجد
زينب بخوف خير يحبيبتي
وبعد دقايق زينب كانت وصلت بيت الرفاعي وطلعت لشقه جدها كانت مفتوحه وكله متجمع فيها وشهد واحمد كمان وشهد شايله حسام وبتاكله زبادي
فطلعت زينب وتابعت بلهفه ها عمر جيه
يونس بستغراب هو عمر نزل؟
زينب بلهفه اه اه نزل قالي جاي بس سيف لسه هناك
نرمين بقلق واخوكي منزلش ليه
يونس محبش يقلقهم فتابع عادي يجمااعه يمكن في شغل لازم سيف يكلمواا كل شئ متاح في شغلهم ده
زينب بقلق اه اكيد كده
امنيه قعدت بتعب على الكنبه فتابعت نرمين بقلق قالتلك ايه الدكتوره يابنتي
امنيه ابتسمت بتعب وتابعت الحمدلله احسن
صافيه بحزن ربنا يكمل معاكي يبنتي
امنيه بابتسامه متعبه: يارب بجد
فزينب بصت لحسام اللي بياكل مع شهد وتابعت بفرح بابي جااي ياحساام باابي جااي مش انت عاايزه يوغتي وباست خده فحسام فضل يضحك فضحكت على ضحكه
عايده بضحك ربنا يحفظه يارب عسل عقبالك يا احمد يا ابني يارب
شهد تنهدت فاحمد خد شهد في حضنه وباس راسها بعمق وابتسم وتابع باحترام: كل شئ باوانه يا ست الكل انا مش مستعد للخلفه دلوقتي شهد صغيره اوي احنا متجوزين علشان بنحب بعض وبنجرب الحياه الجديده علينا دي الاول ولما تتعمق في دراستها وتبقي قربت تخلص نبقي نخلف وكذا مره تقولي خلاص احمل اقولها لا لان انا عارف مراتي مش هتعرف تعمل كذا حاجه في وقت واحد وضحك وتابع فكفايه عليها انا
فشهد ابتسمتله بحب “”خصوصا لانها عمرها ماقالتله كده بس فهمت انه بيحسن صورتها قدام امه “” فتابعت عايده بتنهيده ربنا يسعدكم يا ابني
احمد بحب اللهم امين يارب
يونس بحب والله ده الصح ربنا يسعدكم يغالي
احمد بحب يارب يغالي احنا وانتوا ونفرح بابنكم او بنتكم كده
نور بضحك ابننا باذن الله
يونس بضحك بنتنا ان شاء الله
ياسمين بضحك الله انتوا متفقين فكل حاجه جات علي دي
يونس بضحك دي بالذات فعلا مش بنتفق خالص
نور بضحك ولا هنتفق انا عايزه واد
يونس برفعه حاجب وانا عايز بنت
نور بضحك خلاص هنشوف ويارب يبقى واد وانا اموتك بحسرتك كده واقولك انا ماليش دعوه اديك جبتلي واد لان الراجل هو السبب
يونس بضحك لا هتطلع بنت انا عارف بعمل ايه كويس اخرسي انتي
نور بضحك لا والله
مازن بضحك يابنت الكلب منك ليه اتلموا اه ابوكي وعمامك وجدك نزلوا بس انا موجود
فيونس ونور فضلوا يضحكوا فتابع يونس بضحك ياعم خليك فري مالك ما مفيش حد غيرنا
صافيه بضحك وانا عن نفسي مبسوطه بيهم
فكلهم فضلوا يضحكوا
مازن بضحك هسكت علشان خاطر صفصف بس
تحت بيت الرفاعي عمر كان وصل وحسن سانده من الدراع السليم وتابع يلا وقفت ليه
عمر بوجع مش قادر يا حسن والله مش قادر هعمل ايه
حسن بحزن زي ما ااتفقنا في الطريق وسيبها على ربك
عمر غمض عينيه بوجع وتنهد بعمق وتابع يلا
فحسن سنده وابتدى يطلع بيه والباب كان مفتوح فبعد دقايق وصل قدام الباب وزينب لفت وهي بتضحك مع اهلها لمحته قلبها وجعها واتخضت اوي ودموعها نزلت بانهيار وجريت عليه وتابعت بعياط ايه ددده !!! وصوتت بعياط وتابعت ايييه ده فهمنييي
فكلهم اتخضوا من صوتها وقاموا شافوها اتصدموا من شكل عمر والستات شهقت بخوف وامنيه حست ان الدم هرب من جسمها وان كده سيف فيه حاجه وده كان نفس احساس نرمين ويونس
عمر بدموع اهدي ابوس ايديك انا كويس
زينب بانهياار وصريخ كويس اييييه كوييس ايييه يانهاااار اسود حصلللك كددده ازاااي واترعبت وتابعت وسيف فييين اخويااا فيين
حسن بخوف يا مدام زينب اقسملك بالله عمر بخير سيبيه يقعد ويرتاح بس وغلاوه ابنك لان وقفته كتير كده غلط نزف كتير وماصدقنا رجع يصلب طوله
زينب بعياط وخوف: ونزف كتيير ليه واخويااا فين وحصل ايه يا عمرررر رد عليااا
فحسام فضل يعيط من صوتها
فبصله عمر بلهفه واشتياق في ايد شهد اللي بتحاول تسكته وتابع بعصبيه يازينب ابوس ايديك انا تعباان وابنك بيعيط مش كده اهدي هو انا مووت يابابا منا قدامك اهوو
زينب حضنته جامد وفضلت تعيط وتابعت قلبي مكنش مرتااح والله العظيييم قلبي كااان قايد ناار يعمر تتقطع ايده اللي مدهااا عليك وعمل فيك كدده حسبي يالله ونعم الوكيل
عمر حضنها بايديه السليمه واتوجع من نبره صوتها وعياطها فتابع بوجع يحبيبتي انتي حامل اهدي ابوس ايديك ودموعه نزلت
زينب بصتله وحطت ايديها على خده وتابعت بعياط وبحده اهدى ايه وزفففت ايه انت اضرربت بالنااار فاهم لو مكانتش في دراعك انت كاان حصلك اييه !!انا مكنتش هشوفك تااني ياعمرر وانا وابنك كان هيحصل فينااا اييه والله كنت هموووت بحسررتي همووت انا مش قاادره خلاص والله مش قااادره وداخت فعمر مسكها وسندها جوه حضنه ويونس جري عليهاا وتابع بخوف سيبها انا هسندها انت تعبان دخله يا مازن انت وحسن
زينب بعياط لالا ابوس ايديك سبني معااه انا عايزاه ابوس ايديك
عمر بوجع يحبيبتي والله مش هسيبك
ودخل يونس بزينب وتابع نور هااتي بسرعه طبق المخلل من جوه ضغطها وطي
فمازن وحسن كانوا بيسندوا عمر فراحتله نرمين وهمست بوجع ودموع ابني فين ياعمر
عمر بص لمراته وهو بتعيط ودايخه ويونس بيطبطب عليها وشكل امنيه المخضوض وهي بتبصلها وحاطه ايديها علي ضهرها بتعب ونظرات نرمين فبلع ريقه وغصه في قلبه وتابع سيف في سينا ياما بيتشغل وانا علشان اتصابت رجعت
نرمين بقهر ودموع سيف فين ياعمر ريحني ودموعها زادت وتابعت سيف كويس ؟؟ رد علياا برد نااري يا ابني
حسن بقلق يا امي محدش اتصاب غير عمر ده قضاء وقدر مانا اهو كويس والقائد زي الفل بس في اجتماع مهم ومش هينفع يرجع الفتره دي علشان اللي حصل ميتقررش
نرمين بدموع يارب تكون صادق ياحسن يارب وفضلت تعيط فمازن خدها في حضنه وتابع بوجع بس بس اهدي ابوس ايديك مفيش حاجه
فعمر منع دموعه تنزل ودخل حسن قعده جنب زينب فخدها في حضنه بدراعه الشمال وهي فضلت تعيط في حضنه وتابعت انت كويس يحبيبي ارجوك طمني وسيف فين ابوس ايدك قول الحقيقه هو اتصاب زيك صح
عمر بوجع وغلاوتك عندي لا متصابش بس هو في الشغل
فـ نور جات بالمخلل وتابعت بخوف امسك ياعمر اكلها ضغطها وطي هتموت نفسها المجنونه لو وصل لهبوط مفاجئ
عمر خد الطبق وابتسم بشكر وبص لزينب وتابع امسكي يا زينب وغلاوتي عندك كلي بس متكتريش غلط عليكي املاح كتير
زينب اكلت منه وتابعت بعياط طب قولي انت موجوع صح
عمر بوجع : من دموعك بس والله سيبك من اي حاجه تاني ومسح دموعها وباس جبينها وتابع ابوس ايديك اهدي عياطك والفرهده دي هتخسرنا ابننا متوجعنيش يا زينب
زينب بعياط حاضر والله
امنيه بتنهيده انتوا عندكم بنات في الشغل ياعمر
عمر بستغراب لا طبعا بناات ايه
امنيه تنهدت بعمق تابعت اومال ازاي سيف رن علياا ومتكلمش خالص بس سمعت صوت بنت وراه بتقولوا بتعمل اي ياسيف فقفل الخط
عمر قام وقف بتعب وكان هيقع فيونس سنده وتابع بلهفه ازااي يعني امتي حصل الكلام دده يا امنيه وفين الرقم دده اللي كلمك منه وريني بسرعه
امنيه استغربت لهفته وتابعت بوجع هو في ايه ياعمر
عمر بتعب يابنتي اخلصي مش قاادر للرغي
امنيه طلعته وتابعت بخوف اهو في ايه
عمر بص لحسن المصدوم زيه بالظبط وتابع حسن انت فاهم انقل الرقم ده
كلهم كانوا مستغربين بس حسن فهم انه يتتبع الخط ونقله بلهفه وكله امل فعلا
فتابعت امنيه بدموع انا بقولك مين اللي قالت لجوزي كده مش كل اللي انت بتعملوا ده وبتنقلوا ليه
عمر بكدب اصل الرقم ده سيف عملك منه مكالمه ولحد تاني بردو بس مش من الفون بتاعنا من فون الشغل بتاع الجيش عامهً يعني والفون ضااع في اخر مهمه فاحنا محتاجين نرجعه ضروري لان عليه شغل مهم جداا فحسن هيعمل للرقم تتبع لانه وقع بعد ما كلمك
امنيه بدموع عمر افهمني انا بقولك مين البنت ماليش دعوه بكلمني منين
حسن بكدب ياعم ايه ام غبائك دده هي مش ندى خطيبتي جات الموقع مع ابوها اللواء ومشيوا في نفس اليوم لانه جاي يطمن وماشي وكملوا مشوارهم فاكيد هي اللي شافته بيكلم حضرتك لان اللواء منع المكالمات عامهً فاهو كان عايز يسمع صوتك بس ويقفل فندي خطيبتي قفشته فقفل واكبر دليل اول مره يكلمك من فون غريب اهو مش من فونه
زينب بتعب ااه يا امنيه وندى مصحباه شويه فبتقوله يا سيف عادي
حسن بضحك مصطنع اه والله انا مش بعملهاا وهي عملتها بنت اللذينه
امنيه اقتنعت وتابعت بوجع تمام هو مجاش معاك ليه بقى وعيطت وتابعت ومتقنعنيش انه كويس انا حلمت حلم زمان وقولتهوله وعارفه انه هيبعد عني فتره وشوفت في الحلم ده جزمه بينك بتاعت بيبي وهو كان ورا السور اللي بيني وبينه واديني في الواقع عرفت اني حامل في بريتي وهو مش معايا تقدر تقولي جوزي هيجي امتي ياعمر
عمر اتوجع جدا من كلامها والدموع اتجمعت في عينيه وابتسم بوجع وتابع انتي حامل في بنت يا امنيه !
امنيه بعياط اه وقولتله لما رن امبارح بس بردو مردش عليا
عمر اتوجع علشانها بس فرح ان سيف كده عايش وعرف يعمل مكالمه من الفون بتاعهم من وراهم فباس جبينها ومسح دموعها بايديه السليمه وابتسم بوجع وتابع هيرجع وغلاوه بريتي اللي زيها زي حسام عندي هيرجع يا امنيه هي بس مساله وقت
امنيه بعياط خايفه بنتي تيجي من غيره ياعمر انا تعباانه اوي
عمر دموعه نزلت وتابع بوجع لامش هيحصل بس اجمدي ده انتي حرم سيف الرفاعي يعني قدها وقدود مالك كده
حسن بحب يعنى اولى تجمدي قدامي علي الاقل ده انا ظابط في كتيتبه ومن قوته دي قولت هيتجوز واحده جبل مش بتتهز
امنيه ضحكت من بين دموعها وتابعت هو جامد معاكم انتوا بس
كلهم فضلوا يضحكوا فتابع عمر بضحك ما احنا عارفين ده انتي عنده غير الدنيا كلهاا
امنيه بحب ودموع وهو والله العظيم الدنيا في عيني قولوا انه واحشني لو كلمك في اي شغل يا عمر وعيطت وتابعت وخليه يكلمني وانا والله مش هطول عليه
عمر ابتسم بوجع وتابع حاضر يحبيبتي
وبص لحسام اللي عمال يشاور عليه ويعيط في حضن شهد فدموعه نزلت وابتسم باشتياق شديد وراح قدامه وتابع تعالى
شهد بخوف دراعك يعمر
عمر بحب متخافيش هشيله بالشمال
زينب بخوف يحبيبي انت دايخ
عمر بحب قولنا محدش يخااف بقى وشاله بايديه الشمال وبصله باشتياق وباس خده كتير ودموعه نزلت وتابع بابتسامه من بين دموعه: حسام كبر الله واكبر
زينب ابتسمت بدموع وتابعت ولسه مشوفتش وهو بياكل الشوربه والزبادي واطورنا خالص
عمر بضحك ايه ياعم الشطاره دي وفضل يبوسه وحسام بيضحك فبص لزينب وتابع فطمتيه ؟
زينب لا لسه والله شهرين كده
عمر بحزن خسيتي يازينب وتعبتي حقك علي عيني انا وعيالي شيلناكي الهم بدري
زينب بدموع وحب اخص عليك ياعمر وقامت حضنته فباس راسها بعمق فتابعت بدموع ده انت وعيالك اللي مصبرني علي الدنيا والله
فابتسم عمر بوجع وتابع واحنا من غيرك نتوه والله وبص حواليه وتابع اسماء فين في البيت ؟
زينب بدموع لا لسه في شغلها مش هقولها حاجه احنا هنروح وهي هتيجي تشوفك
نرمين لا والله ورحمه اخوكي مايحصل تروحي ايه بالمنظر ده .. ده انتي ابنك لوحده بسم الله ماشاء الله عايز مجهود وجوزك تعبان وانتي حامل هتقعدوا معانا كام يوم لحد ماتشدي حيلك شويه
عمر تنهد بوجع وتابع مالوش لزوم يا ست الكل متخافيش عليها انا مش هضغط زينب اسماء معانا
نرمين بحب يحبيبي انت دراعك اليمين اللي مصاب واسماء مش هدخلك للحمام ولا هتلبسك مراتك هي اللي هتراعيك فكده كده زينب هتشيلك غصب عنها ده واجبها بس انا عايزاكم هنا علشان انا اسند زينب واشيل حسام ولو مش انا كلنا هنساعد بس نشيل عنها هي علشان تقدر تسندك وامنيه زيها لحد ما باذن االله يبقوا زي الفل
زينب ابتسمت بدموع وتابعت ده انا اشيله في عيني الاتنين والله العظيم ومش مهم صحتي انا خالص
عمر ابتسم بوجع وباس جبينها وتابع طول عمرك اصيله مش اول مره تعمليها
صافيه بحب اطلع ارتاح يحبه عيني انت زيك زي احفادي وانت عارف وهنحضرلك الاكل وهنطلعهولك
عمر بتعب لا اكل اي مش قادر يا صفصف والله تسلمي يا غاليه
زينب بدموع لا هتاكل انت نزفت كتير حسن بيقول
حسن بتنهيده وعنده سيوله خلي بالك وانتي بتغيري علي الجرح
زينب شهقت وتابعت بدموع يحبيبي يعمر وفضلت تعيط
عمر بص لحسن بحده فتابع حسن بضحك يا ابني بعرفهااا علشان تلحقك لو نزفت انت متخلف ولا ايه
عمر بحده لا دي دفنتني بلحياا خلااص من الكلمه دي انت مشوفتش صويتها ومنظرها لما شافتني
كلهم فضلوا يضحكوا فتابعت ياسمين بضحك بتحبك يا ابو حسام حاجه تزعل دي
عمر ابتسم بحزن وتابع وانا والله بموت فيهاا
فتابعت امنيه بتعب عن اذنكم هطلع ارتاح تعبانه
فتابعت نرمين بحب تعالي يعمري اسندك تطلعي وخدتها وطلعوا بالفعل
فعمر وحسن بصوا لبعض بهم ووجع كبير من منظر امنيه وبص للفراغ وسرح فحسام حضنه ونام علي كتفه ففاق من سرحانه وباس راس حسام وابتسم بحب بالغ
زينب بدموع خرب عليك الدنيا والله تقولش الواد قلبه حاسس
عمر بحب ده نورعيني ده وضمه ليه اكتر وقام يونس يسنده وتابع تعالي اطلعك طيب
عمر اداه حسام لزينب ففضل يعيط فتابع بحب واضح حاضر ينورعيني هاخدك تاني والله نطلع فوق بس
وبالفعل بدا حسن ويونس يطلعوا بيه في الاسانسير علشان ميتعبش فتابع يونس بتنهيده ادينا لوحدنا سيف فين علشان كل اللي اتقاال تحت مدخلش دماغي
عمر غمض بوجع وتابع مراته بتموت ومراتي مش لاقيه جنازه تشبع فيها لطم وامه علي تكه وتنهار فابوس ايديك مش وقته نهائي
يونس قلبه وجعه وتابع سيف فيه ايه ياعمر ؟
عمر بوجع ابوس ايديك بعدين
فيونس بص لحسن فبص للارض بحزن وتابع متقلقش خير باذن الله
وباب الاسانسير فتح فخرجوا وتابع يونس بحده وخوف: انا لازم افهم ياعمر مش هستني دقيقه كماان سيف مااله وفيه اييه اخلص متموتنيش من الرعب
عمر دموعه نزلت ورايح يتكلم سمع صوت زينب طالعه مع حسام على السلم فتابع بوجع وخوف ابوس ايدك اهدي دلوقتي
فطلعت زينب وتابعت بضحك اهو بابي لقينااه
فحسام فضل يضحك لما شاف عمر فعمر ابتسم وتابع تعالي يعمري وشاله منها بدراعه السليم ويونس بصله ونفخ بقلق ونزل
—-
بالليل في العياده بتاعت دكتوره النسا لعيله الرفاعي
شهد كانت نايمه علي السرير والدكتور بتمشي السونار على بطنها واحمد ماسك ايديها وقلقان اوي وهي زيه فتابع بقلق ها يا دكتوره خير طمنيني
الدكتوره بحيره مش عارفه صح ولا غلط قومي ياشهد ونعمل سونار مهبلي وتحاليل ونكمل كلامنا
احمد بخوف هو حاجه خطيره ولا ايه طمنيني
الدكتوره بتنهيده لالا خير متقلقش باذن الله ومسحت الجل من علي بطنها وشهد قامت بقلق
واحمد ساعدها في تظبيط هدومها فتابعت بقلق طب نعملهم امتى يا دكتوره
الدكتوره حالا هكتبهم اهو روحي في نفس الدور حللي دم واعمليه
احمد معلش بس يا دكتوره هو هناك راجل ولا ايه الدنيا علشان السونار ده مينفعش راجل يعملوا
الدكتوره هو كذا شخص معرفش مين فيهم واقف حاليا بس عموما هيغطيها متقلقش
احمد لالا مينفعش الكلام ده انا هتصرف باذن الله ونلاقي دكتوره وخد شهد وخرج فتابعت بحرج يا احمد ماتخلص اي حد ما هتغطي كده كده عايزة اطمن قلقانه
احمد بحده تسمحي تخرسي انا قلقان اكتر منك وانا اللي جايبك بس مينفعش راجل انتي عاارفه ده بيتنيل ازاي ولالا
شهد بتوتر انا سمعت بس مش عارفه فهمت صح ولالا
احمد مسح على وشه بضيق وتابع شهد اخرسي ابوس ايديك ومشي بيها ودخلوا يحللوا دم وتابع مساء الخير عايز التحاليل دي
الممرضه بابتسامه تمام يا فندم اقعدي
فخافت لما شافت الابره وتابعت لالا خلاص مش عايزه اطمن
فاحمد مسكها جامد وخدها في حضنه وطلع دراعها فعيطت فتابع بهمس بس بس ياشهد انتي مش صغيره يحبيبتي خليكي حضناني كده ومخبيه وشك في حضني ومتخافيش وشاور للممرضه تسحب بسرعه
فشهد اتالمت من السحبه ومسكت قميص احمد بألم فطبطب عليها وباس جبينها وتابع بس يابابا خلصنا خلاص وبص للممرضه وتابع خليها معاكي هجيب عصير يسندها وجااي واعمليه مستعجل
الممرضه بابتسامه تمام يا فندم وشهد سندت راسها للحيط وشويه واحمد جيه وقومها سندها في حضنه واداها العصير ومشي بيها يعملوا السونار فلقي دكتور فتابع بتنيهده هو حضرتك بس هنا؟
الدكتور بابتسامه اه اتفضل تحت امرك
احمد بتنهيده لا الامر لله ممكن الدكتوره تيجي هي تعمل السونار وحضرتك تتفضل برا ولا هيبقي فيها مضايقه؟
الدكتور بحرج اكيد عادي بس الدكتور غايبه ومتخافش حضرتك عادي هنغطيها
احمد بضيق لا معلش انا مخي تعبان شويتين فهتصل بدكتورتها زميلتكم هنا تيجي هي
الدكتور بحرج تمام مفيش مشاكل واحمد فعلا كلم الدكتوره قالتله ان معاها حاله فيستنى وقعدوا ساعتين لحد ما التحاليل طلعت وخدها والدكتوره جات فدخلوا الاوضه بتاعت السونار وتابعت بابتسامه نامي ياشهد وغطي نفسك حلو
وشهد خافت شويه فاحمد تابع بحب متقلقيش انا معاكي وراح مسك ايديها فا الدكتوره قرات التحاليل وتنهدت بعمق فتابع احمد بقلق ها خير ان شاء الله؟
الدكتوره بتنهيده اتاكد واقولكم ومسكت السونار فشهد غمضت عينيها بخوف شديد فاحمد وطي باس جبينها وهو ماسك ايديها وشهد غمضت بالم فتابع احمد بقلق حقك عليا اهدي وباس ايديها فتابعت الدكتور بس بس خلصنا يعتبر اثبتي وبصت للشاشه وتنهدت وتابعت زي ماشكيت انتي حامل ياشهد بس حملك
ولسه مكملتش جيه حد وتابع بخوف دكتوره الحقي حاله ولاده بسرعه فقامت وتابعت بخوف هاجي افهمكم ثواني متمشوش فشهد اتصدمت هي واحمد بشده وحست ان الدم هرب من جسمها فتابعت بخوف ودموع لالا حامل ازاي يعني ده مستحيل انا البريود جاتلي والله العظيم وبصت لاحمد وتابعت برعب : حامل ازاي يا احمد انت سافرت وانا جاتلي البريود وحياتك
احمد تنهد بعمق وتابع انتي بتسأليني انا ياشهد !
–
عند عمر كان نايم على السرير في اوضه زينب وباصص بشرود وهي بتاكله شوربه متقطع فيها لحمه وحسام نايم على صدره
فرفعت المعلقه وتابعت بابتسامه يلا امسك
فتنهد عمر وتابع لا يازينب مش عايز خلاص الحمدلله
زينب بحزن يحبيبي انت مخلصتش الطبق متهزرش بجد
عمر بتنهيده يازينب والله العظيم مش قادر ابوس ايديك خلاص
زينب تنهدت بحزن وشالت الاكل علي جنب وتابعت مالك ياعمر ووجهت وشه ليها وتابعت بحزن فيك ايه ينورعيني
عمر بوجع مفيش تعبان شويه بس
زينب بحزن مانا بتحايل عليك من ساعه ماجيت تنام وانت رافض وعينك مغمضتش
عمر بتعب معلش شويه وهنام
زينب بوجع ياعمر انت فيك حاجه متقنعنيش انك طبيعي باسلوبك ده
عمر بحده يازينب تعبان والله تعباان مانتي شايفه
زينب بخوف خلاص خلاص انا اسفه حقك عليا اهدي هات الواد من على صدرك طيب علشان الجرح وارتاح
عمر بتنهيده لا خليه مش مضايقني هو بعيد عن الاصابه
زينب بحنان يحبيبي جسمك كله تلاقيه واجعك
عمر عارف بس انا مرتاح بوجوده فخليه
زينب بحب حاضر يانورعيني وقامت جابت علبه الاسعافات الاوليه وراحت حطتها علي الكومود وتابعت بحب طب هنزله علشان اقلعك التيشرت
عمر باس راسه وتابع بحب ماشي
فنزلته زينب بالفعل وقلعت عمر التيشرت وباست خده بس هو كالعاده بيسرح كتير فتنهدت بعمق وبدات تقطع الشاش القديم وتابعت فيك ايه يحبيبي من امتي مش بتشاركني
عمر بتنهيده يا زينب انا زي الفل صعبان عليا اني هبعد شهر ونص عن شغلي بس
زينب فكت الشاش وشافت الجرح وتابعت بدموع يحبيبي يعمر الف الف مليون سلامه عليك ينورعيني لا يبابا انت بالوضع ده تقعد في بيتك صح وترتاح الشغل هيفضل العمر كله
وبدات تعقم الجرح ودموعها بتنزل بحزن عليه من تعبه فتالم بوجع وتابع يا زيينب فتابعت بلهفه اسفه اسفه ينورعين زينب حقك علياا بس طبيعي توجعك بجد صعبه الحمدلله اللي نجاك وبعدها عن الترقوه الحبه الدول احمدك واشكر فضلك يارب
عمر بالم الحمدلله
فعقمت زينب الجرح ولفته وساعدته يقلع هدومه وجابت طقم جديد وتابعت يلا حط رجليك ووطت وهي ماسكه البنطلون فوقفها بايديه السليمه وتابع بابتسامه متوطيش تاني يحبيبتي لاي سبب علشان ضهرك
زينب بحب يسيدي انا اشتكيتلك الله ووطت وساعدته يلبس وقامت وقفت ولبسته التيشرت وفوقيه الشياله بتاعت دراعه وتابعت بحب بس كده خلصنا اي اوامر تاني للقمر حجي؟
عمر ضمها بايديه السليمه وباس راسها بعمق وتابع ربنا يديمك نعمه في حياتي يا زينب ومش عايز حاجه تانيه يحبيبتي غير سلامتك ارتاحي شويه بقى علشان تعبتك بس ينفع بكره ابقى اخد شاور
زينب بحب اولا مفيش حاجه اسمها تعبتك ده انا عيوني ليك ثانيا انا مبقتش اتكسف منك وعادي جدا اساعدك تاخد شاور بس للاسف الجرح مفتوح اوي ولازم حرص رهيب فمش وقته الايام دي ارجوك
فتنهد عمر وتابع جسمي مكسر اوي بجد
زينب قعدته وتابعت بحب ريح جسمك شويه وهتبقى زي الفل باذن الله وانا هروح احط الاكل ده في المطبخ وجيالك
عمر ابتسم وتابع حاضر وزينب باست خده وبالفعل خرجت وهو رايح ينام فونه رن وكان من اللواء فقام يتسند ودخل البلكونه وبص وراه ملقاش حد فرد وتابع الو يا سياده اللواء
عبد العزيز ها ياعمر روحت؟
عمر بقلق سيبك مني خالص يا فندم دلوقتي سيف كلم مراته من عند حيدر والاكيد ان ده رقم من ارقامهم هناك فابوس ايديك اتبع الخط عايزين نعرف هو فين
عبد العزيز بصدمه كلم مراته ازاي يعني
عمر بخوف يا فندم ابوس ايدك مش وقته هو سمع صوتها بس هي اللي عرفت ان هو فارجوك ندور عليه انا كل اللي يسالني هو فين ابلع لساني مش عارفه ارد واحتجاز سيف عند حيدر كَرهِينه بيهدد حياته كل ثانيه خصوصا ان عمل مكالمه من وراهم
زينب كانت جات وواقفه بتاخد نفسها بالعافيه وتابعت بصوت متقطع وموجوع: انت بتقول ايه ياعمر !! ودموعها اتحجرت في عينيها بقهر
فعمر اتصدم من صوتها اللي وراه وغمض عينيه
