رواية غموض الحب عائلة الرفاعى الفصل الثانى و الثمانون بقلم لولا
سيف خاف وتابع بس لحظه امنيه كده ولدت سابع بريتي كويسه؟
يوسف بلع ريقه بتوتر وتابع بحزن بصراحه
سيف بخوف ايه يايوسف مالها ورحمه ابوك ماتكدب علياا في حرف مالها بنتي فيها ايه
يوسف بحزن سمعت ان الدكتوره قالت هتدخل الحضانه
فسيف اتصدم وتابع بوجع تدخل الحضانه !!!
يوسف بتوتر سيف بيه صدقني هي كويسه انا عارف هعمل ايه وهطمنك عليها والله العظيم متخافش
سيف بدموع وبحده مخافش ازاي يا يوسف .. مخاافش ازاي مراتي قايمه من ولاده وتعبانه وبنتي داخله الحضانه وعايزني مخاافش !!! ده انا على عيني قعدتي هنا ونفسي اسيب الدنيا كلها واروحلهم انت بتقول اييه بس بتقول ايه ونفخ بضيق وضرب الترابيزه الصغيره اللي في اوضته برجله فوقعت اتكسرت ودارين اتخضت
يوسف غمض عينيه بحزن وتابع ياسيف بيه انا قصدت اطمنك لانك قولتلي ان حرم سيادتك حملها صعب فحبيت اقولك انها بقيت كويسه وبنتك والله الدكتوره قالت انها مش هتطول وانا هطمن بمعرفتي وهطمنك والله العظيم
سيف بوجع تمام يا يوسف تمام باي وقفل الخط ورمى الفون على السرير وقعد على الكنبه وحط راسه مابين ايديه ودموعه متحجره وبقهر وخوف
فزعلت دارين علشانه وراحت وطت قدامه وتابعت بحزن حقك علياا والله بنتك هتبقى كويسه
سيف بوجع انا تعبت يا دارين حقيقي تعبت صدقيني انا مكنتش عايز اتجوز بسبب كده مكنتش عايز يبقى ليا نقطه ضعف
دارين بابتسامه محدش معندوش نقطه ضعف كلنا ضعااف عند حاجه معينه يا سيف بيه فكونك كنت عايز تبعد حبيبتك عنك علشان متضعفش ده اسمه انك بتيجي على نفسك وطبيعتك كانسان وبتحرمها من احتياج مهم جدا وهو انك تكون مع اللي بتحبها وابتسمت وتابعت فاهدى كده لانك حتى وانت ليك نقطه ضعف اسمك سيف الرفاعي وقاعد هنا بتعمل اللي محدش قبلك عرف يعملوا حقيقي يبخت مدام امنيه انك جوزها وبريتي انك باباها
سيف رفع وشه بصلها وابتسم بوجع وتابع بتفكريني بزينب اوي في دعمها ليا طول فتره حياتي كل ما اكنت اقعد واشيل الهم كده كانت تبقى اقرب ليا من الدنيا كلها وتراضيني
دارين بابتسامه مين زينب؟ وضحكت وتابعت وهل امنيه هانم مش بتغير منها طلما قريبه اوي ليك كده ؟
سيف بابتسامه مبدائيا اسمها امنيه عاادي كلنا ولاد تسعه انتي مش قليله علشان تقولي كده واحده زيك خريجه السن بنت ناس بس وقوعك في حب واحد زباله من رجالته زي فؤاد عمل فيكي كده وجابك هنا وكان شخص وسخ تاجر بيكي انما انتي نضيفه اوي يا دارين مهما عملوا
دارين بدموع انا بس عايزه امشي من هنا وكده كده امي وابويا كانوا متوفين بس انا هبدا حياتي من جديد وهعيش لنفسي انما انا وانت عارفين مقدرش افكر في غير كده
سيف بتنهيده ممكن تبطلي سطحيه الشرف مش نقطتين دم انتي بنت ناس ومعدنك اصيل وهما اعتدوا عليكي مش بمزاجك عكس لارا اللي بتستعبط دي فمتلوميش نفسك وتقدري عادي تبدائي من جديد مع حد بيحبك وكل اللي هتقوليه انك اتعرضتي لكده وانتي صغيره اشترى .. اشترى مشتراش يغور في ستين داهيه احنا قولنا مشكلتنا قدام ربنا علشان منغشش حد وخلاص
دارين بدموع وابتسامه ربنا يجبر بخاطرك ويجمعك ببنتك ومراتك قادر يكريم .. بس مقولتليش بقى مين زينب
سيف ابتسم بحب وتابع زينب دي بنتي الاولى قبل بريتي خالص اختي الصغيره وحبيبت قلبي وضحك وتابع اللي مطلعه عيني بجنانها بردو بس مقدرش استغنى عنها وابتسم وتابع وخلتني خال وحامل تاني دلوقتي زمانها في الرابع اهو وهي كانت الركن الهادي اللي بنزل اريح اعصابي معاه من تعب وقرف الجيش لاني لازم طول الوقت كنت ابقي جد وصعب بس لما بنزل اجازه وبقعد معاها بيطلع مني الجانب الحنين لدرجه خلتني اعشق خلفه البنات علشان بفصل معاها حرفيا فحقيقي انا مبعرفش اتخيل البيت او حياتي من غيرها عامهً
دارين بدموع وابتسامه شرف ليا بجد اني اتشبهت باخت حضرتك
سيف بتنهيده طب انا مبحبش المس واحده مش محلله لياا وانتي عماله تعيطي فمش هقدر امد ايدي بس من فضلك بلاش عياط وامسحي دموعك انتي مش قليله وربنا يعلم انا فعلا بعتبرك زيها
دارين ابتسمت ورايحه تتكلم الباب خبط فاتوترت اوي فسيف همس بسرعه : قومي بسرعه نامي على السرير واتغطي اخلصي
فدارين كانت لابسه بدي حماله وبنطلون جينز فنزلت الحمالات والبدي بقى زي الكب وقعدت على السرير غطت نفسها بالملايه وخبت البدي وبينت الجزء اللي فوق كله كانها مش لابسه فسيف فتح الباب كانت لارا فنفخ بضيق وتابع خير
لارا عينيها جات على جوه الاوضه وبصت على دارين بغيره اللي واضح كانت بتعمل ايه وبصت لسيف وتابعت بابتسامه لا بس مبتعملش القرف ده
سيف بابتسامه عجبني هل ده يخص اهلك في حاجه ؟
لارا بحقد لا انا مالي براحتك وربعت ايديها وتابعت طارق عايزك يا دارين خدي شاور وروحيله
سيف بتنهيده دارين مش هتتحرك من هنا ولا هتروح لحد
لارا برفعه حاجب وبحده وده يعني ايه ده ان شاء الله ؟
سيف بعصبيه انتي سمعتي انا قولت اييه ؟؟؟
لارا اتخضت وتابعت بغيره اشمعنا هي اللي لازق فيهاا هاا وبعدين هي متخصكش لوحدك
سيف بعصبيه لا تخصني لوحدي وسيف الرفاعي مبيشاركش حد اي حااجه واتفضلي قولي لطارق هي عند سيف بيه ومش هتنزل لحد وبالمره عرفيه انها عموما مش بتروح لحد بقالها شهر ونص بتجيلي انا بس
لارا بصتلها بصدمه وتابعت حصل الكلام ده !! وحيدر بيه عااارف ولالا ؟؟؟
سيف بعصبيه بُصيلي انا ملكيش دعوه بيها انا االلي بتكلم اه حيدر بيه عاارف وهي بتجيلي انا بس بقالها كتير وهيبقى ده الوضع علطول غوري في داهيه بقى
لارا اتعصبت ونزلت وسيف قفل الباب بعصبيه وتابع عالم زباله قسما بالله
دارين اتعدلت ورفعت حمالات هدومها تاني وتابعت بعياط تعبت بجد نفسي يسبوني في حالي
سيف بتنهيده اهدي حقك علياا قولتلك وعد مني محدش هيلمسك .. ومن ساعه مايوسف وصاني عليكي لما حكيتي حكايتك محدش لمسك صح ولا لا
دارين بدموع اه صح بس لارا حطاني في دماغها اوي وبقيت تتعمد تخنقهم علشان يطلبوني انا
سيف برفعه حاجب تعمل اللي تعملوا محدش يقدر يرفع عينيه لواحده تخصني كبري دماغك بقى
دارين بدموع ربنا يفرح قلبك بجد يا سيف بيه
سيف بتنهيده سيبك مني خالص دلوقتي انا مش 100 مره اقولك نقي لبسك وبطلي تلبسي الضيق والحماله ده ماعينيهم بلعافيه هتاكلك
دارين بدموع مفيش هنا غير كده والله العظيم انت مش شايف لبس لاراا مقرف ازاي اكتر مني
سيف بضيق بيئه وسخه هقول ايه معلش هانت وهمشيكي
دارين بدموع ممكن معلش البس حاجه من لبسك وكده كده بيبقي واسع جدا عليا ومداريني وانا هغطي شعري بمعرفتي واتوضى واصلي ؟
سيف بابتسامه يعني هي اول مره مانتي بتعملي كده كل يوم شوفتني اعترضت؟
دارين بدموع لا بصراحه بتوافق بس بردو لازم استأذنك
سيف بحب وانا عمري ماهمنعك فمتستأذنيش تاني ويلا انا هسيبك وادخل البلكونه غيري في الحمام واخرجي وصلي براحتك المصحف والسجاده اخر حاجه في الدولاب
دارين ابتسمت بدموع فرح وتابعت بجد شكراا جدا على كل اللي بتعملوا معايا يا سيف بيه
سيف بابتسامه بطلي عبط بقى ويلا انتي استخدمي حاجتي وصلي وانا هاخد فونك افتح اشوف حاجه لو فيه نت
دارين بضحك فيه نت يوسف شحنلي وهو اللي جايبلي الخط والفون اصلا
سيف خده من على السرير وتابع بابتسامه طب حلو اوي ولما تخلصي خبي المصحف والسجاده مكانهم تاني
دارين وهي بتفتح الدولاب تابعت بتنهيده حقك تخبيهم بالله دول كفره مبشوفش واحد فيهم عنده الكلام ده
سيف فضل يضحك وتابع اما انتي عسل يا دارين هي ناس بتعمل كده تعرف ربنا اصلا علشان تصلي
دارين بتنهيده كلها وجع: اه والله على رايك وطلعت الهدوم وتابعت يلا هدخل انا اتوضى واغير
سيف بابتسامه تقبل الله مقدما
دارين بابتسامه منا ومنكم يغالي والمره دي هدعي بيري تخرج بالف سلامه من الحضانه وربنا يجمعكم على خير
الدموع اتجمعت في عيون سيف وتابع اللهم امين يارب ودخل البلكونه وسمح لدموعه تنزل بوجع وغمض وتابع طول الوقت كنت خايف يحصل وتيجي من غيري وبردو حصل بس مش مهم وفتح عينيه وبص للسما وتابع مش مهم اي حاجه .. اهم حاجه يارب تقوم هي وامها بالف خير دي بالدنيا وفتح فون دارين وعمل اكونت انستا وبحث عن امنيه كانت حاطه صورتهم ساعه خطوبه شهد واحمد لما كانت حضناه وبتبوس خده فابتسم بعشق والدموع اتجمعت في عينيه وداس على الصوره لقى الاكونت مقفول فنفخ بضيق وتابع اوووف منا اللي استاهل مش قولتلها يبقى برايفت اديه جيه على دماغ اهلي في الاخر وخرج من انستا وكتب رقم امنيه تاني بتردد بس قبل مايدوس رجع في كلامه وقفل الفون وقعد على الارض ورجع ضهره لورا ودموعه نزلت بحزن وكل مايفتكر انه مش معاهم في الوقت ده يتضايق ويضرب ايديه في الارض ودقايق وسمع صوت دارين بتقرا قران فابتسم تلقائي لان صوتها حلو جدا وقام دخلها وتابع بهمس صوتك زي القمر بس قولي في سرك هنتفضح
فدارين ابتسمت ووطت صوتها بالفعل فتنهد سيف بعمق وهو حاسس ان مسئولياته زادت اوي بوعده ليها بانه يمشيها من هنا ويخليها في امان
—
في الاوضه عند امنيه العيله كلها متجمعه وقاعدين معاها في الاوضه وامها وابوها جم بردو
فتابعت امنيه بتعب حد يعدلني عايزه اقعد حلو
فمازن قام وراح عدلها وهي بتتاوه بوجع وتابع بخوف حقك عليا والله
امنيه بوجع لالا عادي مش منك بنتي فين وفضلت تبص حواليها
احمد بابتسامه متخافيش مع يونس بيعملوا اجرائات الورق علشان جدها يروح يسجلها
معتز بضحك بس اكتبوه هنسى انا الحاجات الغريبه دي
امنيه ضحكت بتعب وتابعت اكتبله الاسم بريتي بالله عليك يا احمد ليتلغبط
مازن بحب متخافيش انا رايح معاه بس لازم هو علشان محدش يقدر يسجلها غيره
امنيه دموعها نزلت وتابعت بوجع وابوها كان يقدر ومكناش نتعب جدها خالص
معتز بحب ياستي انا عايز اتعب متشيليش همي دي بنت سيف يعني تاخد عيني والله ميغلوش عليها
فامنيه عيطت وكلهم بصوا لبعض بحزن فتابعت بدموع وابتسامه مليانه وجع: ربنا يخليك بجد يابابا بس ياريته كان هنا مكنتش عايزه غير وجوده جنبي دلوقتي
نرمين بدموع وقهر ربنا يرجعه بالف خير يابنتي
زينب دموعها نزلت وتابعت بخنقه: انا هطلع برا شويه
عمر تنهد وتابع طب هاجي معاكي نتمشا تحت
زينب بضيق لا ياعمر وغلاوه ابنك متجيش انا عايزه ابقى لوحدي
عمر بحده خلاص مفيش طلوع برا البلكونه اهي اقفي فيها شمي هوا
زينب بجمود تمام ودخلت بالفعل وعمر تنهد بوجع وبص عليها وسكت لانها وصلت لمرحله مش بتناقش في اي حاجه خالص وساكته طول الوقت
امنيه بدموع انا مش قصدي يا عمر اتعبها بكلامي بجد بس انا فعلا تعبانه
عمر بوجع محدش هنا هيقدر يقولك كلمه انتي بطله ومفيش منك اصلا وحقك تتوجعي بس انا مش مضايق من حاجه على الاقل اتكلمت كلمتين انهارده من خوفها عليكي ودلوقتي بتستاذن تخرج فكويس اني سمعت صوتها وخلاص
ياسمين بحزن هي بردو ساكته ؟
عمر ابتسم بوجع وتابع ياسمين انا فطمت حسام استغليت توهانها المستمر ده وخليته يتخلى عن صدرها واحده واحده لحد ما اتفطم وانا وعمتو بناكله لحد ما اتعود
شهد بحزن كده احسنله والله ياعمر بدل مايجيله مغص من كتر عياطها وتعبها النفسي ده
سميه بتنهيده وقولتلها والله انتي زي امنيه بنتي واللي بتعمليه غلط ولبنك بيفقد فايدته مفيش
عمر ابتسم بوجع وتابع لا انا فقدت املي خلاص هو لما يرجع سيف باذن الله
امنيه غمضت بوجع ورجعت ضهرها لورا ودموعها نزلت بصمت
وحسام كان نايم على كتف عمر فرفع راسه وتابع بصوت طفولي با با
عمر بصله وتابع بحب نورعيون بابا
حسام شاور على الازازه وتابع امبو
فمسكتها شهد وتابعت بحب تعالى ينورعيني اشربك سيبهولي شويه ياعمر
عمر بحب روح لخالتو يحسام
حسام بص لشهد وتابع تو
فشهد ضحكت وتابعت يقلب وعيون خالتو انت وشالته وفضلت تبوس خده وقعدت تشربه فبص لعمر وتابع مااء
شهد بضحك منا بشربك اهو يعمري الحق يعمر ده بيتكلم لغه عربيه
فعمر فضل يضحك لدرجه عيونه دمعت فامنيه ضحكت وتوجعت من الجرح وتابعت يخرب عقلك ياشهد هو عيل زي ده هيعرف ان المايه ماء منين يعني
شهد بضحك ما اكيد ميقصدش يقلد المعزه يعني
فكلهم فضلوا يضحكوا فتابعت شهد بضحك طب بدل ما بتتريقوا فهمووني منا معرفش لغه العيال دي ايه
عمر بضحك عايز اسمااء ياختي عاايز اسمااء هو بيقولها ماء
فشهد فضلت تضحك وتابعت والمصحف بتتكلم جد ؟؟!!
عمر بضحك اه والله عايز اسماء فعلا وبص لحسام وتابع مش انت عايز عمتو ياحسام
فتابع حسام بضحك : ماء
فكلهم فضلوا يضحكوا فتابع عمر بضحك: شوفتي انا عارف ابني
شهد بضحك متربي اسمها اسماء بردوو ولا عمتو ؟؟
عمر بضحك هو بيقول عمتو وخالتو بنفس الطريقه ” تو ” بس علشان طول الوقت سامعنا بنقولها يا اسماء فحفظ انهاا اسماء بقى عكس معاكي بقوله روح لخالتو فاهو فاهم انك خالتو
امنيه ابتسمت بتعب وتابعت طب والله العظيم زي السكر ربنا يحفظه يارب
مازن بضحك وهي تلاقيها بتفرح والله
عمر بضحك ده حقيقي وقالها مره وزياد بيتغدا عندنا فقالتله يقلب اسمااء انت وفضلت تهزر معاه لانها بتفرح اوي لما يقولها كده فزياد اتفاجئ وفضل يضحك وتابع هو صوت المعيز ده اسمك؟
فكلهم فضلوا يضحكوا فتابع عمر بضحك اه والله فخلاص بقى كل مايسمعه بيقولها ماء يرد يقوله مفيش برسيم فاسماء تنكد معاه وتقوله ايه هو اسمي مهين للدرجه دي اتلم وتضربه في كتفه وتبقى ليله
كلهم فضلوا يضحكوا فتابعت نرمين بابتسامه عسل والله العظيم حتت سكره ربنا يحميه من كل عين
كلهم بحب : اللهم امين يارب
فحسام بص لشهد وتابع تو .. ما ما وشاور على زينب وهي واقفه في البلكونه قدامه ومدياهم ضهرها
فابتسمت شهد وتابعت تروحلها يعني ؟
فحسام هز راسه بـ اه فتابع عمر بتنهيده سيبيه ينزلها يشهد ربنا يهديها
فشهد باست خده ونزلته ففضل يحبي وراح شد دريس زينب ووقف وهو ماسكه وتابع ماا ماا فبصتله ووطت شالته وباست خده وتابعت بدموع ايه ينورعين ماما
فحسام فضل يمسح دموعها بايديه فابتسمت بعشق وحضنته اوي وباست كف ايديه كتير لما حطها على شفايفها ولقيت عمر بياخدها في حضنه وبيبوس راسها بعمق وبيطبطب على ضهرها فعيطت وخبت وشها في حضنه كانها ماصدقت يحضنها علشان تخرج اللي جواها فتابع بحزن يحبيبتي مينفعش كده ابنك بيلاقيكي بتعيطي بيعيط زيك ومرات اخوكي لسه هتتعب اكتر من موضوع الحضانه مفروض تسنديها مش تعملي كده
زينب بعياط نار جوايا يا عمر اخويا معرفش عايش ولا ميت عايزني اكون عادي ازاي ده 60 يوم قلبي بيتكوي عليه ودموعي نشفت في الصلاه ومعرفناش حاجه بردو
فعمر تنهد بألم شديد وتابع : فال الله ولا فالك يازينب ابوس ايديكي متقوليش كده تفائلي بالخير يحبيبتي لو حصله حاجه كانوا بعتوا جثته بعيد الشر عنه علشان يشمتوا فينا انما هو والله عايش
زينب بعياط يارب يعمر ياارب بجد
جوه في الاوضه
امنيه بدموع وقلق طب ايه فينها بنتي بقى كده كتير
معتز بابتسامه جايه يحبيبتي متخافيش عليها يونس ونور ماسكين فيهت زي الكنز ومخلين بالهم منها
امنيه بدموع انا مش قلقانه عليها يابابا عارفه عمها هيخلي باله طبعا بس عايزه اشوفها
احمد بحب زمانها جايه الف حمدلله على سلامتك يا ام بيري
امنيه ابتسمت بتعب وتابعت الله يسلمك يا احمد عقبالكم يارب
احمد بحب تسلميلي يغاليه
ودخل يونس وهو شايلها وتابع امسك ياعمي الورق اهو فمعتز خده منه ومشي علشان يسجلها ومازن همس ليونس كشفتلها ؟؟يونس همس بحزن اه تعبانه فعلا فتنهد مازن بعمق ومشي مع معتز
والستات زغرطوا بفرح وامنيه بصتلها بلهفه وتابعت بدموع فرح: هاتها يا يونس وريني وحاولت تقوم من السرير تاوهت بوجع
فتابع يونس بلهفه لالا خليكي زي مانتي انا هجبهالك لحد عندك اهو ارتاحي رجعي ضهرك لورا زي ما انتي
فامنيه رجعت ضهرها لورا وهي بتبتسم ودموعها بتنزل ومدت ايديها فيونس سمى وحط بريتي بين ايديها فبمجرد ماشافتها عيطت بفرح وتابعت بسم الله ما شاء الله ايه القمر ده ينورعين وحياه ماما وباست جبينها براحه وفضلت تبصلها وحاسه بمشاعر اول مره تحسها ومش قادره تصدق ان بنتها هي وسيف خلاص بقيت بين ايديها ودموعها نزلت وتاابعت تعبت اوي اوي علشان تيجي وعيطت اكتر وتابعت شوفت المر لوحدي والله وكله كان على قلبي زي العسل لاجل اشيلك على ايدي كده دلوقتي
وكلهم بصوا لبعض بحزن لان لازم تدخل الحضانه وامنيه بصت لملامحها بحب والدموع متجمعه في عينيها وسرحت
فلااش باااك
امنيه دموعها نزلت وحضنته وتابعت ربنا يخليك لينا يارب وتكون وسطنا يوم ماتيجي وتشيلها اول واحد وتأذن في ودنها بصوتك القمر ده
سيف ضمها اكتر وتابع بحب بقيتي واثقه انها بنت خلاص
امنيه بحب ودموع هي بنت فعلا وضحكت وتابعت زي ما اتمنيت اهو ان اول خلفتنا تبقى بنت وهتيجي تشاركني فيك
سيف بحب مفيش حد يقدر يشاركك فيا يا غزال
امنيه بدموع والله بريتي هتقدر
سيف ابتسامته وسعت وهو بيفكر في اليوم اللي هيشوف بنته فيه وتابع بريتي بس بصراحه هو انتي اجمل مافي البنات وستهم كلهم بس من غير بنتي
امنيه فتحت عينيها بتفاجئ وفضلت تضحك وتابعت كده يا سيف من اولها
سيف فضل يضحك وتابع مابقولك اجمل مافيهم وستهم بس من غير بنتي ولما تيجي بيري هتبقى جنبك في نفس المرتبه
امنيه بضيق امممم لا ماواضح فعلا ان محدش يقدر يشاركني فيك
سيف بضحك فكرت شويه ضعفت بصراحه وبعدين دي بنتك ياهبله حد يغير من بنته
امنيه بضيق اه انا بغير من بنتي
سيف بتمثيل دهشه : بس يا امنيه انتي عبيطه ولا ايه ولما تسمعك وتزعل دلوقتي
امنيه بضحك تسمعني ازاي يعني
سيف بضحك الله ماهي قاعده بينا اهي ووطى باس بطن امنيه وتابع بضحك سيبك من كلام ماما ده دي بتحقد علينا انما انتي ست البنات زيك زيها بلظبط ومش هفرق بينكم
امنيه ابتسمت ودموعها نزلت وتابعت سيف انا خايفه متبقاش معايا يوم ولادتي
سيف هشش انطقي حاجه عدله حرام عليكي ده انا خايف من كده زيك واكتر
امنيه نامت في حضنه وعيطت وتابعت يارب تكون معايا بجد انا هبقى خايفه ومحتجالك اوي
سيف غمض عينيه بحزن وضمها ليه اكتر وباس راسها بعمق وتابع هبقى معاكي باذن الله وهروح اسجل بيري ونرجع اخدكم انتوا الاتنين في حضني
باااك فدموعها نزلت بقهر وتابعت حصل اللي كنت خايفه منه وجيتي وانا لوحدي ياريته كان هنا كان فرح بيكي اوي من يوم ما اتجوزنا وهو عايز بنت ونفسه يشوفك انا بجد صعبان عليا نفسي اوي
فكلهم دمعوا من كلام امنيه وراح يونس باس راسها وشد الكرسي قعد قدامها وتابع بابتسامه حزينه: انا عارف ان اكتر شخص الست بتحتاجه في الوقت ده هو جوزها وعارف بردو ان سيف لو هنا كان زمانه طاير ببريتي طير والفرحه مش سيعاه لان انا قبل ما اكون قريبه فانا صاحب عمره وهو مكنش بيتمنى من الدنيا كلها غيرك انتي وبنت منك يسميها جميله كنسبه انها هتطلع جميله زي امها يعني فبدل جميله خلاها بريتي اللي هو معناه جميله بردو فكون ان يجي اليوم ده وهو ميبقاش هنا دي هتخليني اقولك حاجتين
امنيه ابتسمت بدموع وتابعت قول يا يونس
يونس بابتسامه اولا انتي ست بـ 100 راجل عرفتي تكوني قد المسئوليه بكونك مرات بطل من ابطال القوات المسلحه وشيلتي بنته وبيته وحياتكم وتعبها وقرف الحمل بطولك ثانيا بريتي لما تكبر وتعرف اللي حصل هتفتخر بيكم انتوا الاتنين وهتقول لصحابها ماما كانت شايله المسئوليه الكامله لوحدها وبابا كان في مهمه وطنيه لانه بطل في الجيش المصري فواحده زيك تكمل فخر بجوزها وتقوى علشان تكون شبه مش تضعف وتعيط كده ابدا
امنيه بعياط ووجع واحشني اوي يا يونس واحشني بقالي 4 شهور مشوفتوش ومعرفش عنه حاجه وبنتي جات وعديت اصعب وقت في حياتي من غيره مش قادره والله اعيش لوحدي بحاول بس غيابه كاسرني
يونس بابتسامه حزينه: والله العظيم عارف وواحشنا كلنا وحاسس بيكي بس صدقيني انتي كنتي قدها واديكي قومتي بالف خير وربنا مش هيخذلك ابداا بس نجمد علشان في بيبي مفروض نهتم بيها وسيف يرجع يفرح كده انه اختارك انتي بلذات وميندمش
امنيه بدموع ووجع اهو انا هحاول علشان ميندمش فعلا لان سيف قالي مكنتش هتجوزك بسبب شغلي
يونس بابتسامه بالظبط الله ينور عليكي عايزين نوريه اننا جامدين اوي بقى لما يرجع
امنيه بابتسامه ودموع حاضر والله وبصت لبريتي وتابعت اذنتولها؟
احمد بابتسامه انا اذنتلها بقيت تخصص اذان لعيالكم انا خلاص
فكلهم فضلوا يضحكوا فتابعت امنيه بضحك اه كده زين وبريتي صح
احمد بضحك بعد كده هعملها بفلوس يكون علمكم والتجاره شطاره
فكلهم ضحكوا فتابعت شهد بضحك هنتشارك هاا
احمد بضحك يباشا هتاخديهم كلهم طبعاا من غير مشاركه الله
شهد حضنته وتابعت بضحك حبيبي والله
فاحمد لف ايديه عليها وضمها ليه اكتر وباس راسها بعمق وهمس بضحك بتتعبي معايا بصراحه فده رد جميل بسيط يعني
فشهد شهقت وتابعت بضحك وهمس ماشي صبرك عليا بس مش قدام الناس
احمد بضحك موافق دي احلى حاجه كده كده
شهد بضحك عايز تتربى والله مربتيهوش انتي يا عايده
عايده بضحك جوزتهولك علشان فقدت فيه الامل قولت يطلع قله ادبه في الحلال احسن
فكلهم ضحكوا فتابع يونس بضحك طب شدوا بلستر علشان مزعلكوش تمام
نور بضحك ولا اكنك سامع حاجه يعمري
فدخلت الممرضه وتابعت الخمس دقايق عدوا يلا ولا ايه
فامنيه استغربت وكلهم بصولها بتوتر وتابعت خمس دقايق على ايه
فتنهد يونس بعمق وتابع امنيه انا هقولك حاجه بس عايزك تهدي هاا
امنيه بخوف ودموع ايه في ايه
يونس بتوتر بيري محتاجه تدخل الحضانه وهو اسبوع والله العظيم وهتخرج هي اصلا حالتها مش حرجه
امنيه بعياط وخوف نعمم تدخل حضاانه ليه مالهااا بنتي لالا هي كويسه والله انا شوفتها
يونس غمض عينيه بوجع وتابع خديها انتي علشان مينفعش تطول هنا فبالفعل الممرضه راحت خدتها من امنيه ويونس مسك ايديها علشان كانت ماسكه فيها اوي فتابعت امنيه بعياط وصراخ لالا واخدينهااا فين ابوس ايديكم لاا هاتوها بنتي كوويسه والله وبتحاول تقوم فتاوهت بوجع
ويونس مسكها بيحاول يقعدهاا وتابع بحده يا امنيه اهدي والله العظيم هتخرج ومش هتطول هو اسبوع بس لازم تدخل يحبيبتي مش هينفع ده احنا بالعافيه اتستأذنا 5 دقايق علشان منحرمكيش من لحظه زي دي
امنيه بعياط وقهر كااان نااقص كاان ناقص حتي بنتي مشوفهااش هو انا ليه بيحصل معاايا كده واتعصبت بدموع وتابعت لييه بيحصل معاايا كدده اجي من غير جوزي واروح من غير بنتيي هو انا عملت ايه في دنيتي يااارب عملت ايه
فسميه حضنتها وهي فضلت تنهار في حضنها وتابعت بدموع بس يابنتي بس يحبيبتي اهدي واستغفري ربك بنتك هتبقى زي الفل والله وجوزك هيرجع بالف خير اهدي يعمري انتي قايمه من ولاده مينفعش كده
امنيه بعياط وقهر لاياماما لا كتيير اللي بيحصلي ده كتير ياارب انا عايزه بنتي ياماما ارجوكي عاايزه بنتيي يااارب .. ياارب وعيطت اكتر وتابعت انا قولت هي اللي هتهون علياا غياب ابوهاا انا قولت هتمسح تعبي ومرمطي فيهاا كل الشهوور دول انا حقيقي تعبت مش قاادره والله مش قاادره
يونس راح قدامها وتابع بوجع قومي غيري وهنروح البيت وليكي عليا اسبوع وهرجعهالك
امنيه بعياط لا انا مش هروح من غير بنتي مش همشي واسيبها هنا ابوس ايديك يا يونس هاتهالي عايزاها والله مش هقدر اسيبها بعد مشوفتها مش هقدر
يونس دموعه نزلت بوجع ومسح دموعها وباس راسها وتابع بوجع بريتي تعبانه ووجودها معاكي هيأذيها اكتر انما انا بقولك هو اسبوع وهتجيلك وهتشبعي منها العمر كله فارجوكي استحملي عدينا كتير اوي مجتش علي الاسبوع
امنيه بعياط وتتعب لييه تتعب لييه انا عملت كل حاجه علشان متتعبش والله العظيم انا تعبت اوي اوي بجد
احمد وطى قدامها وتابع بوجع حقك علينا كلنا والله وعارفين انك تعبتي وعملتي اللي عليكي وزياده بس هو العيل لما يتولد سابع وارد جدا يدخل الحضانه عادي بس بنتك اصلا حالتها مش خطيره احنا نخاف لو حالتها صعبه يا امنيه انما الدكتوره قالت اسبوع بس فاوالله هيجري وهتشوفي قومي بقي البنات تساعدك وغيري علشان نمشي وتروحي ترتاحي
ياسمين بدموع تعالي يحبيبتي وسندتها هي وسميه وامنيه قامت وهي بتعيط ودخلت معاهم الحمام وكلهم زعلانين جدا علشانها وجنب الاوضه واقف يوسف وسامع كل حاجه فنفخ بضيق وحزن شديد وتابع كده كده حيدر باعتني في شغل هيطول اوي هروح الاول لـ اللواء اديه الورقه بعدين اروح المانيا اخلص الشغل وهرجع اسيوط اطمن على بريتي قبل ما اروحلهم ومشي بحزن شديد وبعت رساله لدارين ” قولي لسيف بيه بنته هتفضل اسبوع بس في الحضانه حالتها مش خطيره خالص ومدام امنيه بقيت كويسه ”
وقفل الفون ومشي هو بينفخ بضيق
وعند سيف كان نايم على الكنبه ودارين على السرير والرساله جات والفون جنبه ففتح قراها وتنهد بارتياح شديد وتابع اللهم لك الحمد وقام سجد شكر لله وتابع بدموع فرح الف حمد وشكر ليك يارب ارجوك خرج بنتي على خير وطمن قلبي عليها يارب
—
وبالفعل مر الاسبوع وامنيه حالتها صعبه جدا الجرح خف وبقيت تقدر تقوم وصحتها احسن بس نفسيتها وتعب قلبها على بنتها وجوزها خسسها اوي وخلى وشها مجهد طول الوقت
في اوضه امنيه كانت لبست دريس بينك وطرحه بينك وحاطه ميكاب هادي يداري تعبها علشان لما تيجي بريتي تتصور معاها لانها ممعهاش ولا صوره ليهاا ومحدش صورها يوم الولاده وتابعت بدموع ولهفه طب ايه يانور شوفي جوزك قوليله انتوا فين انا مش قادره اصبر دقيقه كمان والله
نور بحب كلمته والله وقالي خمس دقايق وجايين
زينب ابتسمت بس عينيها مليانه وجع زي امنيه وتابعت انا بالله مشوفتهاش يوم الولاده كويس
نرمين بوجع محدش شافها كويس يوم الولاده يابنتي والله
ياسمين وهي بترضع زين تابعت بضحك بطلوا نكد اهي جايه اهي وهتنور بيت الرفاعي مش عايزه حد يقلب وشه انهارده كله يزغرط بس
شهد بفرح هي تيجي بس وانا هزغرطلهم حتت زغروطه مشافوش ولا هيشوفوا زيها
امنيه ضحكت وتابعت بدموع فرح والله مش مصدقه انها جايه
زينب بدموع وحب ربنا يفرحك بيها يحبيبتي
امنيه بدموع وحب اللهم امين يارب
وسمعوا صوت صافيه بتزغرط قدام البيت تحت ففهموا ان بريتي جات فتابعت امنيه بعياط ينورعيني وصلت وبقيت تنزل السلالم بكل سرعه ولفهه وفعلا شافت مازن شايلها والرجاله وصافيه واقفين معاه تحت وبيضحكوا فتابعت بعياط بريتي يقلب ماما وشالتها من مازن وضمتها ليها اوي وفضلت تعيط بفرح
مازن بضحك براحه طيب براحه هتعفصيهاا يخرب عقلك
امنيه بعياط وحب هطيير بيها والله مش قادره اصدق وفضلت تبوس خدها كذا بوسه براحه وتضمها ليها
فنزلوا البنات وراها وزغرطوا بفرح فتابعت شهد بفرح الغاليه بنت الغالي ينااس قلب عمتك نورتي البيت وريني يا امنيه
امنيه بدموع فرح امسكي واديتهالها فشهد باست جبينها وفضلت تزغرط بفرح وكلهم زيها فتابعت سميه بضحك الف الف حمدلله على سلامتك ينورعين تيته وشالتها من شهد وتابعت بسم الله ما شاء الله اسم على مسمى
فدخل عمر من بوابه البيت لانه كان بيجيب حاجه لحسام وتابع بضحك اهلا اهلا بمرات ابني الغااليه حبيبت قلب حماها يانااس واده حسام لزينب وراح سمى وشالها من سميه وتابع بفرح وحب الله واكبر بسم الله ما شاء الله عليها زي القمر
زينب بلهفه ودموع: وريهاني يعمر وخد ابنك شويه وهاتها بالله عليك انا مشوفتهاش حلو خالص
امنيه بضحك علشان تعرف بس مش بنجيب اي حاجه احنا
عمر بحب طبعا دي بنت القائد دي هو اي حد وبص لزينب وتابع بحب حاضر يعمري هديهالك والله وطلع علبه من جيبه واداها لحسام وزينب شيلاه وتابع اديها لامنيه يلا قولها شبكه بيري اهي
فحسام مسك العلبه وبص لامنيه ومد ايديه فعلا فكلهم فضلوا يضحكوا علشان عرفها فتابعت امنيه بضحك ياروحي يانااس وخدت العلبه القطيفه فتحتها لقيت فيها خاتم دهب فيه فص في النص على قد بريتي وصغنن خالص فتابعت بضحك ياروحيي ايه القمر ده تحفه انت بتخطبها وهي لسه اسبوع كده
عمر بضحك علشان تعرفي بس ان غرضنا شريف وعايزين بنتكم في الحلال اهو
فكلهم فضلوا يضحكوا فتابعت امنيه بضحك انا عن نفسي موافقه يرجع ابوها جدد طلبك بقى
زينب بحب ودموع طب وهو يقدر يرفض ابنى بذمتك ده سيف ده نورعيني
امنيه الدموع اتجمعت في عينيها وتابعت بحب لا حقيقي ميقدرش فعلا
فعمر باس بريتي وتابع امسكي يازوزا نزلي حسام هاخده
شهد بحب سيبه هشيله انا ده حبيب قلبي ده وشالته من زينب
وزينب شالت بريتي وسمت ودموعها نزلت بفرح وتابعت يقلب ونورعين عمتك انتي ياروحي ايه الحلاوه دي يناس وباست جبينها ودموعها فضلت تنزل فنرمين حضنت زينب وطبطبت عليها ودموعها بتنزل زيها فتابعت زينب بدموع والله قلبي واجعني اشوف خلفه سيف ومشفهوش هو كل ده
نرمين بدموع وهمس بس يازينب بس يابنتي مرات اخوكي مش ناقصه بالله عليكي
زينب بدموع بالله خدي بيري مني مش قادره هطلع فوق مش عايزه اتعبها فخدت نرمين بيري منها وزينب بالفعل طلعت على فوق فتابعت امنيه بدموع كنتي خليها يا ماما من غير ماتهمسيلها بحاجه مش كلام زينب اللي هيصحي وجع مامتش اصلا
نرمين بدموع بردو يابنتي هي مش عارفه تمسك نفسها خالص فمينفعش كده
فحسام بص لشهد وفضل يشاور على بريتي فابتسمت وتابعت بضحك عايز تشوف بنت خالك يوغتي وبصت لعمر وتابعت امسكه مني ياعمر وارفعه يشوفها
عمر بضحك مش هتعرفي انتي توريهاله من فوق انا عارف
فشهد فضلت تضحك وتابعت الله متحرجناش بقى
عمر بضحك سكتنا خلاص وشاله وتابع بحب اتفرج يمعلم بتاعتك كده كده
فكلهم فضلوا يضحكوا فحسام حط ايديه عليها فتابع عمر بتحذير: طبطب عليها متحطش ايدك على وشها طبطب عليها زي كده وعمر طبطب عليها فحسام قلده وده خلاهم فضلوا يضحكوا فتابع عمر بضحك شاطر ياابويا خليك حنين عليها دي بنت سيف مش ناقصين محدش قده ده
امنيه بضحك ايوه اذا كنت انا نفسي مش قده فاحذروا بقى لان بيري هتبقى عنده اهم مني شخصيا
عمر فضل يضحك وتابع ده حقيقي هتشوفي عملتي ايه في نفسك بس الصبر وبص لحسام وتابع بوسها يحسام قربيها يمرات عمي
فنرمين ضحكت وقربتها شويه فحسام باس خدها براحه فكلهم فضلوا يضحكوا فتابعت امنيه بضحك الله انتوا بتلوا دراعنا يعني علشان باسها فيتجوزها صح ؟؟!!!
عمر بضحك احنا كده كده هناخدها يحبيبتي وجبنا شبكه وباسها كمان فبصي الموضوع دخل في الشرف
فكلهم فضلوا يضحكوا فتابعت امنيه بضحك ده لما يجي سيف هخليه يعلقهولك على البوسه دي
عمر بضحك طب ليه كده ما الطيب احسن ما انتي وافقتي
امنيه بضحك خلاص سماح علشان الخاتم عجبني فعلا
شهد بضحك وريني اجربهولها كده يا امنيه وخدته ولبستهولها براحه وتابعت ياخلااثي جميل اوي عليهاا بصي يا امنيه سكرر
فامنيه ابتسمت بحب وتابعت تحفه اووي فعلا تعيش وتجيب ياعمر
عمر بضحك قولنا حسام بقى اللي جايب لخطيبته عمر ايه بتحرجي الواد يعني
امنيه فضلت تضحك وتابعت هيجيب منين حسام بس
عمر بضحك مستلفهم مني
كلهم فضلوا يضحكوا فتابعت امنيه بضحك تعيش وتجيب يحسام
فتابع عمر بضحك بوس مرات خالك يلا علشان مش هتعرف تقول شكرا
فكلهم ضحكوا وبالفعل عمر قرب من امنيه فحسام باسها فضحكت وفضلت تبوس خده كتير وتابعت سكر يانااس وبصت لعمر وتابعت بجد الخاتم فعلا تحفه تسلملي
عمر ضربها بخفه على دماغها وتابع بحب دي بنتي ممكن نبطل عبط شويه
فابتسمت امنيه ودخل يوسف وتابع بمشاغبه: اهلاا متجمعين عند النبي باذن الله وبص لامنيه وتابع حضرتك حرم سيف الرفاعي مش كده
كلهم بصوا بستغراب فتابعت امنيه بستغراب اه انت تعرفني؟
يوسف بضحك اه انتوا متعرفونيش بس انا اعرف ناس منكم احب اعرفكم انا يوسف كنت في الجيش خدمتي معاه فكنت بتدرب تحت ايديه مده الجيش بتاعتي وبعزه جداا وشوفت صوره حضرتك قبل كده معاه علي الاكونت فعلشان كده عرفتك ووراهم صوره ليه مع سيف وتابع اعرفو اهو والله يجماعه ومدين ليه بحاجات حلوه كتير عملهالي
يونس ااه علشان كده طب اتفضل ادخل اشرب حاجه
يوسف بابتسامه لا مش مستاهله انا قولت اجي اسلم على القائد بس وامشي
مازن بتنهيده هو للاسف مش هنا في الشغل بقى انت عارف وكده بس ادخل نقعد شويه مع بعضينا
يوسف بتمثل تفاجئ يخساره بجد كان نفسي اسلم عليه بس حقكم عليا متاخر صدقوني هبقى اجيله تاني باذن الله ونقعد مع بعض وربنا يرجعه بالف سلامه يارب وبص على بريتي وتابع عسل اللي جابلكم يخليلكم بنت مين السكر دي
امنيه بابتسامه بنتي انا وسيف لسه خارجه من الحضاانه
يوسف بفرح يالف نهار مبرووك والله طب بلمناسبه السعيده دي احب جدا اصوركم سيشن للذكري هديه للكتكوته الصغننه انا شغال في المجال ده بقالي سنين وخرج كاميرا وفضل يوري امنيه الصور وتابع بفرح فارجوكي اسمحيلي اصوركم ولما يرجع القائد قوليله يوسف عملها هديه علشان الاميره الصغيره انا كنت جاي اسلم عليه لاني عندي تصوير فرح هنا في اسيوط بس هو مش هنا فسبحان الله المشوار من نصيب الصغننه
يونس بابتسامه تسلم والله بس صورهم واللي انت عايزه عنينيا ليك انما متتعبش نفسك كده
يوسف بحب يباشاا انا عايز اتعب دي مدام وبنت سيف بيه وده حد غالي علياا جدا اسمحولي بس بسرعه علشان ورايا شغل كتير هنا تاني
امنيه ابتسمت وتابعت بضحك خلاص يايونس اول مره الاقي حد بيشكر في سيف في الشغل فتمام قبلت الهديه واما نشوف بقى شكل الصور ونحدد بتحبه بجد ولا ده انتقام
فكلهم فضلوا يضحكوا فتايع يوسف بضحك لا عيني هوريكي والله
امنيه وهي بتشيل بريتي تابعت بابتسامه ابعتهوملي انستا لما تخلص تمام ؟
يوسف بابتسامه من عيوني يلا وراح في حته قريبه منهم نسبيا وهي شالت بريتي واتصورت معاها صور مختلفه وكلهم فعلا تحفه بعدين وقفت وتابعت ممكن اطلع صوره سيف في الفون واقرب الفون من الكاميرا وانا اضحك وابص لبريتي بس يبقى معانا؟
يوسف بحب ممكن طبعا بس هاتي صوره يكون لابس بينك زيك انتي والكتكوته كده علشان يبقى ماتشي
امنيه فضلت تضحك وتابعت بينك اه اقعد ساكت الله يرضى عنك مبيرضاش بلكلام ده هو شكله حلو بلاسود اهو يلا وقربت الفون بطول دراعها من للكاميرا وبالدراع التاني شايله بريتي وبتبصلها وبتضحك وصور صوره فعلا قمر وصور بريتي لوحدها كتير وتابع بحب كده تمام هاتي ابعتهملك فامنيه اديته فونها فعمل لنفسه فولو وبعت الصور من الكاميرا لفونه وبعتهم لامنيه من عنده وتابع بابتسامه اتشرفت جدا بمعرفه حضرتك فرصه سعيده
امنيه بابتسامه انا اسعد بجد يا استاذ يوسف وحقيقي مبسوطه جدا بالصور الجميله دي
يوسف بابتسامه يا فندم ده احنا تحت امر سيف بيه وحرم سيف بيه يلا عن اذنك انا هروح اسلم على الجماعه وهمشي اكمل شغلي ولما سيف بيه يرجع قوليله اني سالت عليه
امنيه بابتسامه اكيد والله
ويوسف راح يسلم على باقي العيله ووقف يتكلم معاهم شويه وامنيه مسكت فونها وشافت الصور بفرح شديد ونزلت منهم اتنين على انستا واحده هي وبريتي والتانيه اللي فيها سيف وكتبت فوقيها
بسم الله الذي رزقنا بنور صغير اضاء قلوبنا قبل بيوتنا .. لقد رزقنا الله بإبنه فأسميناها « بريتي سيف معتز » فااللهم اجعلها من الصالحات وقره عين لنا في الدنيا والاخرى
يا صغيرتي ستشكرينني يومًا فَحبيب قلبي وحبيبكِ الاول يومًا ما .. هو احن شخص سنلقاه وأجمل عناق سيحتوينا .. لقد نجحتُ في ان اختار لكِ الاب الذي لن تلومينني عليه يومًا … ستستطيعين احتضانه متى شئتِ ومناداته “حبيبي” بدلًا من “بابا” وستفعلين كل ما ترغبين به في حضرته دون خوف وستكونين على يقين: طالما أن حبيبنا هنا فلا مكان للخوف بيننا
إلى ان نلقاك يحبيب روحي فانا وابنتك في انتظارك ♥️♥️
وقفلت الفون وابتسمت وراحتلهم فبريتي كانت بتعيط فتابعت انا هطلع انا اراضعها ها
مازن بحب روحي يحبيبتي روحي
امنيه بستغراب اومال عمر اختفى راح فين
يونس بتنهيده بيحايل زينب فوق
امنيه بحب تمام انا هطلع وبالفعل طلعت ودخلت شقتها وقفلت الباب وابتسمت وتابعت بدموع جيتي نورتي البيت ينورعين ماما مش هبقى لوحدي تاني هتهوني عني غياب بابا بجد يا بريتي وقعدت على السرير وقلعت الطرحه وبصت لصورتها هي وسيف اللي علي الحيط وتابعت بابتسامه يرجع ونحط جنبها وانتي معانا يا اغلى حاجه في دنيتنا وباست جببنها ومسحت على شعرها وبدات ترضعها وهي مبسوطه جدا وحاسه تعب الحمل كله راح في ثانيه
—
عند سيف كان بيدرب رجاله حيدر ولما خلص قعد وهو بياخد نفسه ودارين ولارا وسيرين كانوا واقفين فدارين سحبت مناديل من العلبه اللي قدامها وراحت مسحت جبينه ولارا بتبصلهم بغيره فسيف ابتسم وتابع تسلميلي يارب تعبتك
دارين بتمثيل حب : تعبك راحه يحبيبي وقعدت جنبه
لارا اتعصبت جدا فتابعت سيرين بهمس: اتلمي وكفاياكي بص عليهم
لارا بهمس حاد اشمعنا هي اللي عجبته انا احلي منها 100 مره
سيرين بضحك وهي الرجاله تعرف احلى ولا اوحش بس هي انصح منك جابته بطريقتها مش راحت صريحه عرضت نفسها
لارا بغيره بقيت انا الغلطاانه دلوقتي مش كده
سيرين بهمس مش حكايه غلطانه يمتخلفه بس مفيش راجل هيبص لبنت سايبه نفسها بسهوله اوي كده بيحبوا يتعبوا شويه
لارا بحقد اممم دارين اللي تقيله اوي بصراحه
سيرين بضحك اه تقيله وانا وانتي عارفين انها بتتجبر عليهم وجيه سيف ريحها خالص ومنع نزولها لاي حد وانا زي مانتي عارفه فا الطلب عليكي هيبقى ولا زحمه فرن العيش استعدي بقى
لارا بعصبيه ده عند امك انتي وهي الكلام ده
سيرين بضحك الله هو انا بكدب عليكي ما ده اللي حصل صح
فسيف قام ورايح يدخل سمع فؤاد واحد من رجاله حيدر بيكلم دارين وبيحط ايديه على وسطها وهي بتزقه فلف شافهم وتابع برفعه حاجب انت بتعمل ايه ياالا
فؤاد بتوتر ولا حاجه يا سيف بيه
دارين بتوتر ودموع كداب ده قالي كلام زباله وحط ايديه عليا
سيف بحده هو انا مش قولت يحيوان منك ليه ملكوش دعوه بيها ولا انت مبتفهمش ومسكه من تيشرته
فؤاد بخوف انا اسف يا فندم نسيت وربنا اسف بجد
سيف بعصبيه المره الجايه مفيهاش اسف وانتي غوري على فوق يلاا
دارين بتوتر ودموع حاضر وطلعت
وسيف زق فؤاد ومشي ولارا واقفه متعصبه وغيرانه جدا
وبعد شويه فوق في اوضه سيف الباب خبط فتابع سيف بتنهيده افتحي يا دارين
دارين قامت فتحت كان يوسف فدخل وقفل بسرعه وتابع امسك النوت دي افتحها كده ورماها في الهوا فسيف مسكها وتابع بستغراب ايه ده
يوسف قعد بابتسامه وهو مستني رده فعل سيف وتابع افتح بس وقولي رايك
سيف انت اصلا رجعت من المانيا امتى مش حيدر بعتك في شغل هناك
يوسف باجهاد اه روحت الراجل الكبير اللي هناك هيتواصل مع حيدر بقى عشان يحددوا ميعاد الشحنه اقنعته خلاص وفرد جسمه على سرير سيف وتابع مش قادر بجد كوبايه شاي بالله عليكي يا دارين
سيف اه كمل وعملت ايه ؟؟
دارين بابتسامه حاضر ودخلت المطبخ الموجود في الاوضه فتابع يوسف وهو بيبص لسيف: وبس يسيدي جيت قولت لحيدر ومستنين نعرف هتبقى امتى لاني اقنعت الراجل بالعافيه يوافق يشتغل معاه تاني ويحن لانه فقد الثقه في رجاله حيدر اوي بسبب الهزايم المتتاليه في المهمات اللي فاتت قبل وجودك معانا وضربت مشوار لاسيوط مره قبل المانيا ومره بعد المانيا
سيف بستغراب برافو بجد يعتمد عليك بس ايه ده ليه روحت اسيوط تاني ؟؟
يوسف بصله وتابع بابتسامه يعني معقوله ابقي عارف ان بنت القائد هتروح بيتها انهارده ومروحش اشوفها
سيف دموعه نزلت وتابع بضحك بتهزر انت شوفت بريتي ؟؟!!
يوسف اتعدل وراح قعد قدامه وتابع بابتسامه زي القمر بجد ربنا يخليهالك يا قائد
سيف مسح دموعه وغمض عينيه بوجع وتابع بنبره مليانه قهر : كان نفسي اشوفها بجد واملي عيني بيها
يوسف بضحك ما لو صبر القاتل على المقتول كان مات لوحده اومال انا جايبلك النوت دي لييه افتح بس افتح
فسيف فتح الدفتر كان حجمه متوسط واتفاجئ بصوره امنيه مع بريتي وشكلهم يخطف القلب والعقل فغمض عينيه ودموعه فضلت تنزل وتابع مش قادر بجد انت عملت كده ازاي يخرب عقلك وفضل يقلب في النوت بلهفه وهو بيبص على ملامح بريتي وامنيه بعشق مش بس حب وتابع بدموع بالله نفسي ادخل جوه الصوره واخدهم في حضني زي القمر بسم الله ما شاء الله عليكي يقلب ونورعين وحياه بابا انتي وحضن النوت وغمض عينيه وهمس بدعوات فيوسف دموعه نزلت وتابع حرام عليك والله وجعت قلبي
سيف بدموع غصب عني بجد مش قادر يا يوسف حقيقي مش قادر ومسح دموعه وبصله وتابع بصوت موجوع: بس عرفني عملت كده ازاي بجد ده انا هقتلها هو اي حد يعرف ياخد صورها كده
يوسف بضحك لالا طبعا انا اللي صورتها
سيف بحده نعم ياروح امك منك ليها !! كمان ؟!! المفروض انك كده بتدافع عنها مثلاا ؟؟ ليه هو اي حد تخليه يصورهاا ؟؟!!
يوسف فضل يضحك وتابع هفهمك هفهمك اهدى وبطل عنف
فجات دارين وحطت الشاي وقعدت وبدا يوسف يحكي
فلااش بااك
كان واقف قدام لوكيشن تصوير واستنى شاب خرج وتابع بقولك يا ابو الصحاب
الشاب اؤمرني حضرتك
يوسف بابتسامه محتاج الكاميرا دي ساعتين بالظبط هأجرها منك وارجعها تاني وهديك المبلغ اللي انت عايزه
الشاب بسخريه لا معلش مقدرش اديهالك اضمنك منين انا لمؤاخذه
يوسف بتنهيده ياسيدي هسيبلك بطاقتي انا مش حرامي يعني انا محتاجها في حاجه ضرويه جداا ثواني هوريك حاجه وقلع جزمته وخرج منها بطاقته الاصليه وتابع انا النقيب يوسف صابر عدلي ظابط في المخابرات ومحتاج الكاميرا ساعتين بس ضروري اتفضل البطاقه اهي وانا هرجعهالك تاني وفوقيها مبلغ محترم واخد بطاقتي
الشاب شاف البطاقه وتابع بتوتر لالا يفندم خلاص اللي عندك يزيد تحت امرك اتفضل خدها وانا هستني حضرتك هنا بعد الساعتين
يوسف بضحك ياابني خدها والله متخافش من حاجه انا اللي بديهالك
الشاب بتوتر لالا اتفضل ما واضح من طريقه تخبيه البطاقه ان حضرتك ظابط مخابرات مش محتاجه يعني واداه الكاميرا وتابع مستني حضرتك هنا
يوسف بضحك تمام يغالي اتفقنا وخدها وشال بطاقته تاني بنفس الطريقه علشان متقعش في ايد حد وراح البيت ولقاهم متجمعين وفرح جدا وعمل الحوار ده وصور امنيه وبريتي وبعت الصور لنفسه ومسحهم من الكاميرا ورجع الكاميرا للشاب تاني واداله الفلوس
بااك
سيف فضل يضحك بشده وتاابع يخربيت عقلك وضرب كفه بكف يوسف وتابع بضحك وطبعا صدقوك عملت فيها فتوجرافر وصاحبي ووراك شغل ومواعيد وصدقوا
يوسف بضحك اه وربنا وحرم سيادتك طارت من الفرح كمان بالصور
فسيف فضل يضحك بشده وتابع لا مراتي دي عبيطه كده كده وبتصدق اي حاجه متفاجئتش بيها
دارين بضحك اهي دي ميزه ظابط المخابرات
يوسف بضحك هشش اخرسي فسيف ابتسم وتابع انا حقيقي مش عارف اقولك ايه يا يوسف بس اللي عملته ده بنسبالي كبير جدا بجد وشوف دفعت للشاب كام وكده كده في بينا حساب
يوسف بابتسامه مبدائيا انا معملتش حاجه وده رد صغير لحضرتك لانك ياما دعمتني ووقفت جنبي وانا متعشم ان بيري بنت اخويا فمتقولش هتديني الفلوس دي لانها فعلا هديه للكتكوته الصغننه حقيقي الله واكبر عليها عقبال ماتشيلها بين ايديك يارب
سيف الدموع اتجمعت في عينيه وتابع يارب .. حقيقي مش عارف اقولك ايه بس بجد فرحت قلبي وحضنه فيوسف ابتسم وفضل يطبطب على ضهره وتابع ودي اهم حاجه في الدنيا بجد المهم انا بعت الصور لحرم سيادتك انستا زي ماطلبت مني فبقيت عندي فاتفضل شوف جماال وروعه االبوست اللي كتبته واداه الفون
فسيف مسكه بلهفه وفضل يقرا ودموعه نزلت من كتر ما الكلام دخل قلبه وحسه اوي وحط ايديه عند مدمع العين وتابع بصوت مليان وجع واشتياق: يحبيبت قلبي .. لسه مقتنعه اني هرجع رغم ان غيبت كل ده ومشكتش لحظه اني مُت حقيقي كل كلمه كتبتها امنيه خلتني عايز اخدها في حضني هي وبنتي دلوقتي حالا
يوسف ابتسم بدموع وتابع عرفت تختار حقيقي ياسيف بيه وربنا يجمعك بيهم على خير يارب
سيف بدموع وحب يارب بجد
—
بعد مرور 3 شهور كمان كانت العيله شبه فقدت الامل في رجوع سيف ونرمين وزينب دخلوا في مرحله اكتئاب بس امنيه كانت بتقويهم على قد ماتقدر وبريتي بقيت 3 شهور ونور وصلت لاول التاسع وتعبانه جداا وانهارده معاد ولادتها وهما في اجازه اخر السنه من الدراسه وزين بقي 7 شهور واكبرهم حسام اللي خلاص قرب يكمل سنه بعد اسبوعين وعمر في الجيش لان عندهم مهمه ضد حيدر بعد ما اخيراا غابوا كتير جاتلهم اخباريه بنقله هتحصل فلازم يكونوا مستعدين
في بيت يونس ونور
نور كانت واقفه تعبانه بعد ماخرجت من الشاور فتابع يونس بحب هو بيقفل الشنطه بتاعتها خلاص انا حضرت كل حاجه هتعوزيها اهو وهدومك وهدوم ياسين
نور بخوف انا مرعوبه اوي يا يونس
يونس راح خدها في حضنه وباس راسها بعمق وتابع متخافيش يقلب ونورعين يونس انا جنبك ومش هسيبك والله
نور بدموع ادخل معايا ارجوك متسبنيش لوحدي انا خايفه اموت اوي بجد
يونس غمض عينيه بتوتر وضمها ليه اكتر وتابع الف بعيد الشر عنك متقوليش كده ووالله هتقومي بالف خير وانا مش هسيبك خالص ينورعيني وغلاوتك عندي هفضل معاكي طول العمليه بس اهدي متوتريش نفسك مش انتي بنفسك اللي اختارتي المعاد انهارده
نور بدموع اه بس انت عارف اني بخاف من اوضه العمليات اوي ومش بحب ادخل اي حاجه في المجال الطبي اصلا
يونس باس جبينها وخدها في حضنه وتابع وهو بيمشي ايديه على شعرها : الكلام ده لو لوحدك انما انا معاكي ومش هسيبك والله فاهدي كده يعمري علشان مينفعش التوتر ده ومسح دموعها وتابع ما زينب وياسمين وامنيه اهم قاموا بالف خير وامنيه بلذات كانت لوحدها بس والله بتعدي وانتي كمان هتقومي بالف خير
نور بخوف ودموع يارب يحبيبي يارب بجد
يونس قعدها على السرير وتابع بحب هيحصل ينورعين حبيبك وابتسم وتابع هروح انا اجبلك هدومك بسرعه وجاي وراح فتح الدولاب وجابلها دريس واسع والطرحه وبدا يلبسها الهدوم ونور سرحانه وفي عالم تاني وشويه وخلص وباس خدها وتابع بابتسامه نوري متسرحيش يبابا خليكي معايا
نور بانتباه ها حاضر يحبيبي حاضر
فجاب البندانه ولم شعرها ولبسهالها وفوقيها الطرحه ولفها بشكل حلو وقومها خدها في حضنه وفضل يطبطب على ضهرها وتابع هي نص ساعه وياسين يخرج وبالنا يرتاح وفرحتنا بيه هتنسيكي كل حاجه هتشوفي
نور بدموع وحب اللهم امين يارب وبصتله وحطت كف ايديها على خده وتابعت بدموع انا اللي مطمني فعلا انك هتكون معايا دي بجد الحاجه الوحيده اللي هتخليني اقدر ادخل اوضه العمليات
فيونس الدموع اتجمعت في عينيه ولف وشه باس كف ايديها وخدها في حضنه وتنهد بعمق وتابع ربنا ميحرمني منك ابدا وتقومي انتي وقلب بابا بالف سلامه ويطمني عليكم ويباركلي فيكم يارب ينورعيني
نور بحب ودموع يارب يحبيبي يسمع منك ربنا
فمسك يونس شنطه نور بايد وايديه التانيه على كتفها وباس جبينها بعمق وهي غمضت عينيها ودموعها نزلت فمسح دموعها وتابع بوجع : قولنا ايه ينور خلاص كفايه عياط يحبيبتي وخدها في حضنه بحنان وخرجوا ونزلوا كانت العيله كلها متجمعه قدام البيت علشان يروحوا المستشفى
فزين عيط ومازن شايله وبص لياسمين وشاور عليها وتابع بعياط ما ما فمازن ضحك وتابع ايوه روح لماما وباس خده وتابع امسكي يا سمسمه زين عايزك
ياسمين بتهرب : لالا ماما مين مفيش ماما في خالتو شهد شوفها كده يمكن تنفع
شهد بضحك والله انتوا اب وام عره هاتي الواد تعالي يقلب خالتك انت تعالي يوغتي وشالته وفضلت تبوس خده ومشيت بيه لقدام فسكت وركبت جنب احمد في عربيته فبصله وتابع بحب اهلاا حبيب وعيون عمو وباس ايديه
شهد بضحك امه اتبرت منه فسبتهولي شويه ومازن انت عارف يعشق زين ومجرد مايعيط يكره اليوم اللي خلف فيه
احمد بضحك وهو بيسوق: مازن مالوش خلق للعيال وده من زمان بيحبهم اه ويلعب معاهم وينكشهم انما عياط لاا
شهد بضحك اه والله منا عارفه انت هتقولي ده انا بسمع خناقه مع ياسمين قد كده لما يكون زين عمال يعيط ومش راضي يسكت
احمد بضحك علشان هو مش بيستحمل العياط ومش بيحب عياط ابنه فالاتنين
شهد بضحك اه ده حصل
فزين نام في حضن شهد وسكت فباست راسه وتابعت بضحك بجد هو وحسام وبريتي مبحبش اشوف دموعهم خالص مقسمه قلبي بينهم هما بس وطبعا ياسين قلب ونور عين وحياه وعُمر عمتو
احمد برفعه حاجب اممم قولتيلي
فشهد فضلت تضحك وتابعت متحطش العيال في بالك انت غير اي حد عيب عليك وباست خده
فتابع احمد بحب لما نروح اثبتيلي مبقتنعش بالكلام بصراحه
شهد بضحك يا احمد اتلم ما اثبتنا امبارح
احمد بضحك وانهارده وبكره وماله هو حرام ولا ايه
شهد بضحك اه حرام عليك صحتك انت تعبان اتلم
احمد بضحك شوفي مش بتتعبي قلبي ووالله ماحد هيوقفه غيرك بس على قلبي زي العسل عادي
شهد بضحك بس اخص عليك بعد الشر وضربته في كتفه وتابعت متقولش كده تااني بجد علشان مزعلش منك وبعدين قول لنفسك واتلم محدش قالك اتمرقع انا ببقي قاعده في حالي
احمد بضحك اتمرقع !! ماشي ماشي لينا بيت يلمنا فشهد فضلت تضحك وتابعت والله ولا هيتربى
وبعد شويه وصلوا المستشفى ويونس نزل مع نور وزينب واسماء كانوا هناك مستنينهم في اوضه نور وزينب جهزت كل حاجه وقالت لزمايلها ان نور بنت عمها علشان يهتموا بيها وقعدت وحسام نزل من على رجليها ووقف وهو مسنود عليها وتابع ماما
فبصتله زينب وتابعت بحب ايه ينورعين ماما
حسام دي وشاور علي شكولاته في ايد بنوته واقفه مع مامتها قدام باب الاوضه بيتكلموا مع ممرضه
فتابعت زينب بحب خد اسماء وروحوا هاتوا
فحسام طبطب علي رجل اسماء لفت انتبها لانها كانت بتكلم زياد شات وتابع ماء دي وشاور على الشكولاته
فضحكت اسماء وتابعت عيون اسماء عايز دي ؟
فحسام هز راسه بـ اه فتابعت بحب من عيوني يا عيوني وشالته وبصت لزينب وتابعت زينب هجبله شكولاته وجايه هاا
زينب بابتسامه ماشي متتاخروش وحاولي بالله عليكي هي واحده وتكون كيكه شكولاته مش شكولاته كده تتسوس سنانه علشان عمر دلعه خالص وكل مايروح يجبله حاجات قد كده اتعود ياكل القرف ده
اسماء بضحك متخافيش وهحاول اجيبله واحده كريمه واحببه في الكريمه
زينب بحب ده ياريت بجد بس هاتي بردو الشكولاته علشان هو فاهم ولو مكلهاش هيفضحنا ابن عمر ويقولوا خاطفينه
فاسماء فضلت تضحك وتابعت حاضر ومشيت والعيله وصلت للدور وراحو عند زينب في الاوضه ونور قعدت على السرير بتعب ويونس قعد جنبها وخدها في حضنه فتابعت زينب بحب متوتريش نفسك والله هتعدي
نور بدموع يارب بجد يازينب يسمع منك ربنا
امنيه قعدت جنب زينب وتابعت ايه يابت فينه ابنك
زينب بابتسامه مع عمتو بتجبله حاجه من تحت
نرمين بحده قولنا 100 مره متعوديش ابنك علي حاجات السوبر ماركت
زينب بضيق اعمله ايه ياماما اذا كان ابوه بيدلعه وعوده على كده وحسام لو مجبتلوش اللي هو عايزه بيفضل يعيط ويصدع دماغ اهلي
ياسمين لا بجد متدخليش عمر في التربيه انتي اللي قاعده طول اليوم معاه وانتي اللي بتربي
مازن برفعه حاجب نعم يحبيبتي ؟
ياسمين فضلت تضحك وتابعت انا بتكلم عليها هي علشان جوزها بيسافر اسكت انت خالص
مازن برفعه حاجب اه بحسب
احمد بضحك لا متحسبش خد شيله شويه بقى وخليك اب محترم ولا انت بتتحمق على الكلمتين اللي قالتهم الست من المرار اللي بتشوفه مع ابنك اليوم كله وعايز تبقى ابوه وبتربي بالاسم بس
مازن خده من احمد وتابع بضحك ده حبيب بابا ده اشيله العمر كله متدخلوش بينا انتوا بس عالم حقوده
زينب بضحك ديتها يعيط بس
مازن بضحك اه طبعا انا قولت اشيله العمر كله بس مقولتش وهو بيعيط
فكلهم فضلوا يضحكوا فضحكت زينب وتابعت بس والله يا ياسمين فعلا انا وجهه نظري زيك بس عمر كل ما اتكلم معاه كلمتين يقولي متدخليش بيني وبين ابني انا عايزه اجيبله كل اللي يفرحه
ياسمين بتنهيده اه حلو انه بيحب يفرحه حقه طبعا بس باعتدال برده
زينب بتنهيده ربنا يهدي يا بنتي عشان بجد معنديش طاقه لاي حاجه
واسماء جات بحسام ونزلتوا يقعد على الكرسي وقعدت جنبه فتابعت زينب : يعني جبتيله شكولاته بس !!
اسماء بضحك لا وكريمه بس كال حته من الكريمه معجبتوش ومكملهاش بصي واديتها الكيكه وتابعت بس فقولت يفتح دي شويه كده
زينب بضيق ااخ يخرابي منك انت لما يرجعلي اللي جابك ده هو اللي بوظك
امنيه وهي بتهز بريتي علشان عيطت تابعت بضحك ده هيربيكي ده وهيوريكي النجوم في عز الضهر
زينب بضحك اه والله العظيم ده بيحصل كده كده
فحسام مد الكيكه لاسماء وتابع ماء
فاسماء فهمت انه عايزها تفتحها فتابعت لا قولنا دي شويه كده خلاص كالنا واحده
فحسام فضل يعيط ومدها لزينب فتابعت : لا اسمع كلام عمتك واتربى
فحسام ضرب اسماء على رجليها وهو بيعيط فتابعت بضحك يا ابن الجزمه كده تضرب عمتو
فكلهم فضلوا يضحكوا بشده فتابعت زينب بحده حسااام عيب كده تضرب عمتك ايااك تقررها تاني
فحسام اتخض من صوتها وفضل يعيط فحضنته اسماء وتابعت بحزن لالا يوغتي خلاص والنبي متعيطش لا يازينب حرام عليكي متزعقيلوش
زينب بحده دلعي انتي واخوكي دلعي يخش يفتح نفوخك بعد كده انا مالي
اسماء بحزن لالا مش بحبه يعيط يضربني براحته بس ميعيطش كده
امنيه بحب امسكي يا زينب بيرو ثواني
زينب بحب بسم الله وشالتها منها وباست جبينها فراحتله امنيه وفتحت ايديها وتابعت بحب تعالى
فحسام راحلها وحضنها وهو بيعيط فشالته وباست خده وتابعت بس يعمري خلاص خلاص انت عايز ايه
حسام وراها الكيكه وهو بيعيط فبصت لزينب وتابعت برجاء: علشان خاطري سيبيه ياكلها والنبي
زينب بضيق يابنتي انا معترضتش بس شويه كده علشان هيطلب تاني مش كل شويه القرف ده
امنيه لالا هي دي بس وبصت لحسام وباست خده وتابعت دي بس هاا قول لماما يلا توافق تفتحها
فحسام بص لزينب وسكت فتابعت امنيه بحب بوسها يلا وهي هتوافق يلا وقربته منها فحسام باس خدها فضحكت وباست خده كتير وتابعت ااه منك انت بيثبتني زي ابوه ابن الكلاب خلي امنيه تفتحهالك
فكلهم ضحكوا فحسام مد الكيكه لامنيه وتابع ميه
فضحكت امنيه بشده وتابعت يقلب وروح ميه يانااس
اسماء بضحك ده شوهنا والله العظيم
امنيه بضحك وهي بتقعد بيه :اه منا عارفه وبحبها منه اوي بجد
احمد بضحك علي الاقل انتي ميه اسم فلوس ده فا ليكي قيمه انما عمتو بهدلها خالص
فكلهم فضلوا يضحكوا فتابعت اسماء بضحك ايوه حقكم فعلا والله
فضحكت نور وتابعت بالله نستوني التوتر
يونس بضحك شوفتي قولتلك نقعد معاهم بلاش تبقي لوحدك انا عارف هيضحكوكي
زينب بضحك لا تعالي كل يوم هتضحكي من مواهب ابن عمر
فحسام بصلها وتابع بابا
زينب بضحك ياختاااي ياادي بابا وسنين بابا وبصتله وتابعت بابا في الشغل يعمري
مازن بضحك قولي جوزي واحنا هنفهم متقوليش عمر تاني ده بيلقط اسرع من البلوتوث
اسماء اه قفلوا السيره والنبي بيعيط عليه اوي مش ناقصين
زينب بضحك انا امبارح لقيته عيط وعايزه نمت وسبته مع سته ام اسماء وربنا .. كانت عندنا فقولتلها امسكي حفيدك كده استرجعي الماضي بتاع ابوه شويه بقى انا تعبانه ودخلت
فكلهم فضلوا يضحكوا فتابعت شهد بضحك فقدتي الشغف انتي
زينب بتنيهده انا عايشه من غير روح والله العظيم ياشهد ففعلا مفيش حيل لحسام وعياطه بتعب وبتخنق بسرعه دلوقتي
امنيه كانت بتاكله الكيكه وبريتي عيطت فتابعت بضحك طب روح لخالتو تاكلك لحد ما ارضع مراتك يلا ونزلته
شهد بضحك تعالى يعمري
فحسام سند على الكنبه ومشي خطوتين فشهد قامت شالته ومسكت الكيكه وقعدت تاكله وامنيه شالت بريتي ودخلت الحمام ترضعها
وجات الدكتوره وطلبت نور فقامت مع يونس وهي متوتره جدا ودخلوا اوضه العمليات
—
عند سيف كان واقف بيتكلم مع حيدر عن المهمه وتابع بس يفندم فكده احنا جاهزين بعون الله نعدي بالحاجه
حيدر بابتسامه تمام عفارم عليك يا سيف بس عايزني انا ليه ؟؟ روحوا وتعاالوا وربنا معاكم باذن الله
سيف بابتسامه عايز نكسب ثقه الرجل الالماني ده لما يلاقيك معدي مع رجالتك من الحدود المصريه وروحتله المكان المتفقين عليه وسلمتله الحاجه بنفسك هيثق فيناا اوي وهيساعدنا في النقلات الجايه لانها الاصعب
حيدر بضيق والله يا سيف انا ما قادر ومتعودتش انزل في مهمات وشايفها ملهاش لازمه
سيف : ملهاش لازمه ازاي يا فندم اما هو معروف ان كل مره بتحاول تبعت فيها حاجه اما بتروح ناقصه اما مش بتروح اصلا والجيش بيسيطر على الوضع .. لدرجه ان الراجل نفسه بطل يشتغل معانا وبعتنا يوسف اقنعه بالعافيه يدينا فرصه كمان واحنا فضلنا كتير اهو حوالي 5 شهور موقفين شغل وبنشتغل على نفسنا واقنعناه اننا هنقدر المره دي نكون عند حسن ظنه فا اللي يطمنه مش اننا نعدي عادي كده بلحاجه لا ده انا جاي اشرب معاك كوبايه شاي كمان بعد مادوست على الجيش وعديته وجيتلك بنفسي بس بعد كده مش هبقي فاضي وهبعت رجالتي وكلام كده يخليه يثق فيك ويعجب بقوتك وشخصيتك لانك هتعدي انت ورجالتك والبضاعه وهتروحله فالنقطه دي بالذات هتخليه يتفاجئ انك عديت من الجيش معانا ويعرف انك مالي ايدك اوي وحد تقيل ومش بتخاف من حد فاهمني ؟؟؟
حيدر بابتسامه والله انت دماغك توزن بلد وماله هعمل كده هروح اجهز قبل مانطلع
سيف بابتسامه تمام اتفقنا في انتظارك يا فندم ومشي حيدر يجهز
ويوسف دخل لسيف وتابع بهمس كل اللي طلبت مني اوصله وصلته ولما كنت في اسيوط وديت الورقه للواء زي ماطلبت مني ودلوقتي الجيش على علم بعدد الافراد والاماكن المتوزعه عليهم واانواع المسدسات والتدريب وكل المعلومات حرفيا جاتلهم وهما بيتدربوا بقوه تحت اشراف عمر الهواري بالطريقه اللي انت طلبت مني اوصلها بردو
سيف بابتسامه برافو عليك اهم حاجه عصام ميعرفش حاجه
يوسف بابتسامه عصام معرفش فعلا لان بيتدربوا كده من رواه لما بيحطوا المنوم كالعاده بالليل ويفضلوا من الليل لحد الصبح بيتدربوا ويناموا ساعتين في الضهر ولما يصحوا يتدربوا حاجات خفيفه كده قدام عصام وطبعا عصام وصلنا ان مستواهم ضعيف جدا لانه شايف كده وحيدر شايفكم رجالته فخلاص اطمنوا
سيف ابتسم وتابع حلو اوي بجد عدى الكتير متفضلش غير القليل ربنا معانا باذن الله
يوسف بابتسامه يا رب بس عمر الهواري شك شويه اللواء قالي ان عمر راحله مكتبه وقاله المعلوماات دي من امتى بتيجي في اخباريه ده تفصيل مفصل هو انتوا بتتوصلوا مع سيف بس طبعا اللواء انكر وقاله يعمل المطلوب وبس وهو نفذ بس مبلعش فكره انك ملكش دور ودي اخباريه عاديه
سيف بضحك عمر ذكي بردو
يوسف بضحك اي حد يعاشر حضرتك لازم يفكر بالاسلوب ده
سيف بابتسامه وانا هوريك بعينك انهارده رجالتي هتعمل ايه المهم انت عرفت هتعمل ايه هاا قدامك مهمتين الاولى منهم والاهم بالنسبالي دارين
يوسف عمل التحيه وتابع علم وينفذ يا سيف بيه
سيف بابتسامه روح يلا ويوسف مشي وسيف طلع خد النوت اللي فيها صور امنيه وبريتي وحطها في هدومه جوه التيشرت وفوقيه هدوم فمبانتش وبص للمرايه شاف شكله بالدقن افتكر لما امنيه قالتله نفسها تشوفه كده فضحك وتابع والله ما هحلقه هخليها تشوفني وتحقق احلامها وابتسم بفرح وتابع بالله مش قادر اصدق اني خلاص هشوفك انتي وبنتي يا امنيه والدموع اتجمعت في عينيه ونزل بكل حماس وهمس يا رب كملها معايا ارجوك … وشاف دارين فابتسملها وخرج ركب عربيه وحيدر جنبه فخرج راسه من الشباك وتابع يلا يا رجاله قدامي امشوا علشان نخلص
وبالفعل كلهم مشيوا وسيف معاه حيدر ومشي وراهم
في بيت حيدر دارين كانت لابسه بدي حمالات وبنطلون جينز وقميص من بتوع سيف فوق الحماله بتداري نفسها بيه فيوسف طلع وتابع يلا اخلصي تعاالي معاياا
دارين بخوف هنمشي خلااص ؟؟
يوسف بهمس حاد هشش وطي صوتك اه هنغور حيدر مش هيرجع هنا تاني خلاص وكلهم مشيوا ودي صحرا مش هتعرفي تخرجي منها بسهوله فانا ههربك زي ماطلب مني سيف بيه
دارين بفرح يلا بس هو مقاليش هنروح فين
يوسف وهو بيمسك ايديها وبينزل تابع انا هقولك بس يلا قبل ما سيرين ولارا يصحوا اخلصي
دارين بخوف طب وهما هيفضلوا هنا ؟؟
يوسف وهو بيركبها العربيه تابع مسيرهم هيعرفوا وهيمشوا ويدوروا على طريقه للخروج بس انا مقدرش اخدهم معانا وآمنلهم انتي عارفه سيرين بتحب حيدر ولارا ماهتصدق تمسك غلطه على سيف بيه ومش مهم عندها تفضل محتجزه هناا وجاريه بس هتفضح الدنيا علشان تذل سيف بيه وتاخد بوينت عند حيدر
دارين بخوف ايوه انت عندك حق يلا امشي بسرعه والنبي
يوسف طلع جنبها وتابع متخافيش وهوقف العربيه بتاعتي بعيد وخليكي فيها علشان هتدور حرب دلوقتي ولما الدنيا تفض هرجع اخدك وسيف بيه هيعدينا من سينا
دارين بعياط انا خايفه عليك وعليه اوي بجد
يوسف طبطب على ايديها وتابع لالا متخافيش اهم حاجه تعمليها انك تدعيلنا كتيير ومتوقفيش دعا
دارين بعياط حاضر والله وبدات فعلا تدعيلهم كتير من قلبها
وبعد شويه سيف وقف العربيه قصده وتابع بتمثيل: ايه ده مالهاا دي في ايه
حيدر ايه في ايه يلا اطلع هما كده بيسبقونا
سيف بابتسامه مايسبقونا عادي متخافش احنا يعتبر وصلنا اصلا وهما مش هيسموا على حد واهو يشيلوا هم التوتر ده من على قلوبنا والله ونعدي بسرعه بس مالها دي وفضل يمثل انه بيحاول يشغلها وبص من الشباك وتابع اووف دي العجله كمان نامت يعني كده فيها مشكلتين انزل ياحيدر بيه اغيرهاا بسرعه واشوف ايه اللي خلاها تقف ونروح وراهم
حيدر نفخ بضيق وتابع وقتها دي بصراحه ونزل وسيف نزل زيه وسمعوا صوت ضرب النار والاشتباك بدا بالفعل على بُعد شايفينه بعينيهم بس مش عارفين يحددوا ايه اللي بيحصل بين رجاله حيدر والجيش المصري وطبعا الجيش كان متفوق وعارف كل كبيره وصغيره فتابع سيف هروحلهم دلوقتي متقلقش متقلقش بس اصفي الحساب الاول
حيدر بقلق وعصبيه :حساب ايه وزفت ايه يخربيت اهلك يلا نروح بسرعه انت مستني ايه ؟؟؟!!!!
سيف ضربه بالراس فاجاه فوقعه على الارض صرخ بوجع وطلع مسدسه ورفعه عليه وهو واقع على الارض وتابع معرفش الحقيقه فضلت كل ده مستنى ايه فعلا
