رواية فصلية الاربعيني الفصل الثامن بقلم زينب جمال
هلاا بناتيي الحلوات اࢪيـد منكم تتفاعلون وتصوتون وتابعوني وياريت تقدرون تعبي وتنشرون القصه يمكم ياريت يعني
وره ما ضلينه وردنه ننام صعدت فوك وهوه هم صعد وراي
اخذت فراش ونمت بلكاع ﻼن استحي انام يمه
معتصم : شبينه نكرص ما تنامين يمنه
رزان : ماعرُفـہ اله بلكاع
معتصم: مبين مبين
رزان : درت وجهي ونمت مالي خلك ابد
انا من انام كساع اذب الغطه فحسيت واحد غطاني
كعدت الصبح معتصم ماكو
كبل طفرت كلت اكيد هيه كاعد ويه مريمممم اكيد
كبل بدلت ونزلت ماكو ماهوه
لكيت مريم بلمطبخ
رزان : صباح الخير
مريم : صباح النور
رزان : وين معتصم
مريم : طلع يجيب مسواك
رزان : تمام
رحت كعدت وحدي واباوع ويه هاذ الطفل عساس ابن معتصم جان يجنن وبريئ
كعدت اسولف وياه لحد ما اجه معتصم
سلمت عليه وكعدنه نسولف
ضلينه سبوع هنا محجالي على مريم وجان يروح لدوام ويجي
والامور طبيعيه
لحد ما رجعنه وما صار شي
رجعت لضيم نهله
وذاك اليوم كاعده اخبز واحس روحي فرفحت من الحر
واجت نهله وجه ينطي الوان
باوعتله كتله شبيج
نهله: ﺎڪلـج شي ومتضوجين
رزان : كلبي نغزني شكو احجي
نهله : ابوج مات
رزان : هنا الدنيه دارت بيه
صح ابوي جان هاملني بس يحبنيييي هواي وسمعت وره ما منطيني فصليه راد يجي ياخذني ويكلهم كتلوني بس ما مخلينه عمامي
حسيت انوخذت قطعه من روحي اࢪيـد اصرخ ماكو روحي راحت
دخلت للبيت روحي مفرفحه وكمت ادك والطم
فوك الضيم ضيمين
راح ابوي راحح سندي
جان عندي امل ارجع واشوفه واحضنه
جانت امنيتي احضنه مثل ڪل مره
بس ابوي مات وما شبعت منه ولا شميت ريحته
كمت ادك والطم
روحي فرفحت تفرفح
كد ما لطمت وبجيت كله كامت تبجي
اجه حماي كمت ابوي بأدي ياخذني بس كال بس خل اخابر معتصم
اجه معتصم طاير شافني صايره زركه تخبل وكام شالني وكال وللـه اخذج بس اهدي
خذاني لبيت ابوي وانه رُوحـي رايحه عليه
دخلت واشوفه كله تصرخ
اول ما صرخت وكله كامت تبجي بصوت عالييي
دكيت ولطمت كالو راح يجيبونه للبيت
اجه ابوي وركضت على التابوت
احس صوتي راح
كمت احاجي
بويه كوم بويه كوم خل احاجيك
بويه متت وحصرتك عليه
بويه ولله مشتاقتلك
بويه ليش عفتني جنت منتضرتك تاخذني
منـوُ الي بعدك
كسرتني فوك كسرتي
بويه خليت اليسوه ولما يسوه يذلني
وكعدت اعاتبه والطم ڪُـلش فقدت
كله تبجي عليه وعلى كسرتي
لحد ما وخروني واجو شالو
كتلهم اروح وياه كالو رجلج خاف ميقبل
تفرفحت كتلهم ولله اروح
سحبو ابوي من حضني
كمت ركضت لبن عمتي كتله خابر رجلي بس اكله
جنت حافضه رقمه
كبل خابرته
رد
معتصم: الو
رزان ببجي : معتصم حباب خل اروح ويه ابوي لنجف فدوه
معتصم بصوت هادئ: روحي وديربالج على نفسج
سديته وركضت لبست عبايه ورحت
ولحد ما وصلنه انا دموعي ما نشفن
وصلت ودفنت ابوييي وراح ابوي مني ودفنته بيدي رحت للامام زرت واحس فرغت حزني كله وارتاحيت وقريت قران لابوي ورجعنه بس رجعت روح بلا جسد
جنت كليوم اصليله
ضليت عد اهلي سبوع ﻼ احد اتصل ولا كالو تعاي
لحد ما اسبوعين واجه عمي كال عيب وزحمه وهمه هم ما قصرو كافي رجعي
انا هم كلت لازم ارجع بـ؏ـد ماكو شي خل اروح
مرت ابوي مكسوره على ابوي وتعبانه حته متحجي كمت انا اوكله كوه تاكل
وكله ماله خلك ﻼن ابوي ما قصر رغم قساوته بس جان مخلينه بكلبه
راح ابوي وراحت امالي وياه يعني لازم اتقبل الامر وارضه بالامر الواقع ﻼن بـعد محد الي راح سندي وضليت
قررت اخابر معتصم
اتصلت من نقال مرت ابوي
معتصم: الو
رزان : الو
معتصم: رزان ؟
رزان : اي
معتصم : تنهد وكال شلونچ
رزان : الحمدلله وانت ؟
معتصم : مو زين بدونج
رزان : شـنوُ ؟
معتصم: ﻼ هيج بس تعبان
رزان : يمته تجي عليه
معتصم : تردين تجين ؟
رزان : اي ما تردوني
معتصم: ﻼ يابه مشتاقيلج بضحكه
رزان : جا يمته تجي
معتصم : بعد اسبوع انزل واجي عليج اخذج
رزان : تَمام انشالله خير
سديته وانا افكر راح ارجع نفس عيشتي خاف جان عندي امل ابوي يجي ياخذني ۿسه كلش راح
ضليت عد بيت ابوي وانا اطبخ واسوي وناس تجي وخميسيات ودنيه مكلوبه
ضل معتصم كليوم يحاجيني من فون مرت ابوي ﻼن ما عندي نقال
ويطمن عليه ويحجي وياي ويروح
احس تعودت عليه
لحد ما خلص الاسبوع وخابرني كال جهزني نفسج راح اجي احسه متلهف
وانا هم كلش متلهفه
مدري بس احس مشتاقتله حَحـبيت وجوده وياي ﻼن هوه ابد ما قصر وياييي
اجه عليه من الباب لبست عبايتي وهاي وطلعت
ردت اركب وره اشرلي للكدام
ما كلت ﻼ وصعدت كدام
معتصم: شلونچ
رزان : تمامم وانت
انا احجي وارجف ليكول راح ياكلني
جنه ساكتين كلشش
لحد ما عبرنه من يم شط العرب
باوعت لمعتصم
اشرلي بمعنى شبيج
حجيت بصوت هادئ خنززل هنا شوي
ما كال ﻼ وكف على واحد يبيع حب وشاميه وبصفه محل
جاب حلويات وشاميه وحب واجه
ورحنه يم الشط
جان بوكته شته والجو بارد
ويجننن
وليل
كعدت يمه
صفنه ثنينه حسيت نفسي رحت لغير عالم ﻼ اردياً حطيت راسي على جتفه وهوه كبل احتواني
مدري شون نطقت وكمت اغني هاي الاغنيه كلش احبه ومن احس بالامان اغنيه وانا صوتي حُـلۉ وشفايفي كامت تحجي ورحت بغيرعالم
_ اجيـتك من بعـَد غـربه
اجيـت بليله كمـريه
هـذاك ﺎنـي نبـع صافي يخـايب دغش ما بيه
اجـيت انثر عتب بلعين
عتـب عاشك بحنيه
واكلك هـجرك شسوه
لون ادري فلا اهوى
خـذانه الواهس من بـعييد
نزف شـموعنه لشوكك
مشينه وايد تشبج ايد
ننـاغي الروح بـطيوفك
🤍
لهـنا وفزيت على شي حار لامس شفتي
باوعتله بنضرات حزن وفرح وتعب وكل هموم الدنيه متجمعه بيه
باسني ﻼ اردياً وجان محد موجود بس احنه
حسيت روحي دفت ويااهه
جان صوت انفاسه عالي
وعيونه حمر
ولزم ايدي حيلللل
وكال
رزانتي
هنا حسيت روحي راحت ويه حجايته
حسيت حنيه الدنيه كله متجمعه بيه هلنسان وكف وياي وكفه ما انساه حسيته كتف الي واب واحتضني بس مجان يبين الي جان من بعيد لبعيد
جان الجو بارد بس جنت احس بلدفو وياه جان حاضني وكاعدين على الشط
ولروج يروح ويجي وانا اغني
وهوه بس صوت انفاسه يشهد عليه
ضلينه ساعه وكمنه نروح بس جنت اتمنه اضل يمه وهيج حاضني وبهل هدوئ
لهـنا واحب اكلكم انتـضرو بلبارت الجديد
طبـعا القصه حماسيه وبيهااا احداث تجنن بـعد
وياريت تقدرون تعبي وتدعموني وتابعوني وتنشرون القصه علمود تصعد
ﻼن اذا ضلت هيج مراح يصيرلي واهس ابد ﺎنـوو اكمل
وذا تفاعلتو عندي بعد قصه تجنننن كلشش حلوهههه
احبكم
شكرا لزيارتكم عالم روايات سكيرهوم
