رواية فصلية الضابط الفصل الثامن 8 بقلم زينب نور

............. رفعت راسي شفته واكف قريب عليه مدالي ايده بيها عصاره للحروق

 كالي :- ادهني ايدج بهاي العصاره

 باوعت علي ابرود وشتت نضري كوتله

:- شكرا بس ما احتاج امير انطاني عصاره ودهنتها؛ 

 ما اخذتها من ايده ورجعت درت وجهي رد عليه بس بعصبيه

:- انتي شنو مثلاً بهاي تصرفاتج عود تردين تبينين الي ترا اني زعلانه واذا زعلتي ترا ابد ميهمني الزعلتي اولا

 جاوبته بدون ما اباوعله 

:- ما زعلانه وليش ازعل اصلاً الزعل بس للاحباب وما اضن اني وانته احباب مو صح 

رفعت راسي باوعت بعيونه صفن عليه وسحب ايدي شافها وطلع المرهم ودهن ايدي ابعد بي لان حييل توجعني ما اتحمل بس ما هتم الي 

 صدت عيني على الباب شفت سهام واكفه وتباوعلنه بس وجها محتقن وعيونها تخوزر بيهن دخلت علينه تمثل البرود كالت 

:- يله عيوني ابو زها العشا برد 

باعتلي وكالت:- وانتي خير شبيج بدينه بسوالف العياره من هسه 

باوعلها بدون ميحجي بس اشرلها تطلع وكام طلع وراها ضليت اباوع الطوله مدري ليش بديت اهتم اله وازعل من عنده ولغريب احس بشعور جديد عليه ومن اجت سهام احس بخنكه وبس اريد ابجي تأفأفت ما طلعت بعد لان ما اكدر من وجع ايدي وبقيت بلا عشا مديت افراشي وتمددت علي باوعت لساعه 11 

عصرتني بعدتي من الجوع بس مالي حيل اكوم أكل دخلت الحجيه طفت الضوء ونامت ضليت اتكلب بفراشي جوعانه وزعلانه حتى على نفسي ما أكل مالي واهس ابد لما شويه وحسيت الباب انفتح غمضت عيوني عرفته هو من عطره دا احسه يقترب عليه اكثر وگلبي تعلى دكاته اكثر راح انفضح حسيت بأيده يمشيها على شعري الطالع بحركه خفيفه فتحت عيوني شويه شفته اقترب يريد يبوسني ما كدرت مقاومه امثل النوم بسرعه درت وجهي عنه للجهه الثانيه هو عرف بيه كاعده ابتعد وخلى علاكه يم راسي وطلع 

بس سد الباب كعدت دكات گلبي مضاربه شعور ملخبط بداخلي فرح على زعل على خجل ما اعرف شصار بيه 

فتحت العلاكه جايبلي عصاير وكيك وحلويات هوايه فرحت بيهن اكلت منهم وضميت البقيه 

ثاني يوم اتعمدت ما اشوفه ولا اخلي يشوفني احسه ايدورني بعيونه اشوفه بالختلات وما اخلي عيني بعينه عبالي اقهره اذا سويت هيج 

يوم ويومين وثالث نفس الوضعيه ما اخلي يشوفني 

لما دخل للمطبخ بحجة يشرب ماي 

اني دايره وجهي اسوي زلاطه للعشا 

گالي :- سويلي چاي وجيبيليا الغرفة الحجيه 

ما رديت علي بس رحت بكل هدوء سويت الچاي ورجعت اثرم ابين ما يفور وهو باقي واكف ايباوعلي دا احسه 

منتظرني اباوعله ما اهتميت اله ولا باوعت للجهه الواكف بيها شويه وراح 

خدر الچاي صبيته وردت اخذه بس شفت زهراء صحتها ونطيته الها توصله اله 

شويه واسمعه يصيح عالبو الچاي موزين محترك 

والحجيه تكوله :- شجاك يمه وين محترك شو حتى خفيف موثخين 

                                            

              

                    

وهو مصر يرعد بصوته انو الچاي محترك 

خبص البيت بعياطه وصوته العالي 

وسهام دكوله:- هسه اني اسويلك جديد لا تزعج روحك ابو زهاوي جان كوتلي من البدايه اني اسويلك چاي هي هاي شتعرف ما فالحه بس تحرك بنفسها العوبه

اني واكفه بالمطبخ واسمعهم 

شفته طلع شايل الكوب واجاني

 گالي :- انتي تتعمدين تسوين هيج وياي 

كتله:- شمسويه طلبت چاي وسويتلك مثل كل مره مثل ما تريده 

اقترب عليه عليه اكثر وضرب الكوب بالكاع طشره فزيت ورجعت ليوره خايفه من ردة فعله 

گالي:- اعدلي اسلوبج وياي ترا والله اشوفج وجهي الثاني اخليج تطلعين حتى من الاسلام دفعني من صدري ليوره وصعد الغرفته مزعوج 

دخلت سهام هي سوتله چاي بس غير تسكت خبلتني بحجيها وغلطها 

واني اكنس بالكزاز فرفحت روحي من عدهم

استمريت ما اخلي يشوفني اتجنبه ما اريد اشوفه كارهته من رجعت سهام واشوفها ويا عقلي يطير احير شأسوي اضل أكل بروحي 

لما اقترب اربعين ضرغام واتفقو يسون القرايه ولعشا مالته هنا بالبيت لان جبير وهو وارث متكفل كلشي 

بيومها كعدت من الصبح تنظيف وخبزت وسمعتهم يردون يجيبون طباخ هو يطبخ العشا مالت الاربعين لان عشا جبير ولكل تجيهم 

 كلت بگلبي الحمدالله لو بلبيت جان ركضت ويا خيل الحمزه وخلوني اني اطبخه هو بس الچاي ولماي كافي عليه

اركض وما ملحكه الوحدي اركض الهاي وارجع الهاي احير شالحك ولبقيه عبالك خطار حايرات شنو يلبسن وشنو يجيبن 

اني بقيت مقيمه بالمطبخ لما ورا الغدا بدت تجي اقاربهم واجت اختهم تقى شافتني سلمت عليه وكالتلي :- هو كلشي بالحظ ولنصيب وجنه حظ وارث كعد هلمره 

ابتسمت بوجهي مبينه حبابه مو مسمومه من وجها سبحان الله البشر ينعرف من ملامح وجه اذا طيب او خبيث مرات اكو شخص انشوف وجه مقبول وملامحه تعكس شخصيته وطيبة قلبه 

گلت بگلبي الحمدالله هاي اخته الثانيه همين طلعت طيبه وابتسمت بوجهي 

عكس سناء شريره ووجها ينكط حقاره وسم 

 شويه واجو اهل ضرغام امه واخواته ثنين وعرفت ابو ميت قبل سنتين

اول ما دخلت تفلت عليه من بعيد وتريد تجيني تضربني تتهادد عليع ولازماتها الوياها تغلط وتشتم بيه وتدعي على حسام بالموت ويحترك گلب امي أكثر من گلبه 

حيل نقهرت من اسمعها بس ادموعي ينزلن سكته 

 دخلنها لصاله كوه وهي مستمره بالغلط عليه وعلى اهلي 

ودخلن وراهم عائلة ناظم دخلت مره وياها ثلاثه بنات سلمن عليه وهم دخلن لصاله بس وحده من البنات لفتت نضري نضراته الي غريبه 

 وكل شويه تباوعلي بنضره ما اعرف افسرها عبالك تعرفني وتريد تجي يمي بس امها تخزر بيها 

 شويه واجت الملايه وبدن يلطمن 

 دخلن البنات للمطبخ يساعدني ومن ضمنهن نفس البنيه التباوعلي اتقربت عليه بحجت تغسل وياي الاكواب 

كالتلي بصوت خافت

:- انتي اخت حسام مو ؟ 

جاوبتها

:- اي اني ليش تعرفينه

            

              

                    

اباوعلها شو هاي دموعها نزلت على وجها تفاجئت بيها 

بعدين اذكرت عرفتها هيه هاي حبيبة حسام الي بسببها اني هسه هنا باوعتلها

 وكلتلها 

 :- انتي حبيبته؟ 

 كالت :- اي اني رند الله يخليج سامحيني والله كل ذنبي بس لان حبيت اخوج وردنه نزوج وننجمع بالحلال بس ضرغام جان معارض وعناد بيه شلون ما قبلت بي من خطبني راح يضغط على حسام حتى يعوفني وهوه يتزوجني بس حسام ما اتحمل كل مره هيج مل من عنده وكوتله عوفني ما اريد اسببلك مشاكل بس ما سمع من عندي لما 

 اخر مره قتله خلاص وموته بيده 

 كلتلها 

:- انتي تتواصلين ويا بعدج ؟ 

كالت:- اي قبل اسبوع رجعنه تواصلنه مره وحده خابرني من رقم جديد واصلاً اهلي ماخذين من عندي الموبايل علمود دوامي رجعو اليه قبل اسبوع والله ندى والله اني مقهور عليج وحتى حسام من خابرني يبجي ويلوم بنفسه يكول هاي العزيزتي واني بسببي انظلمت ومن خابرني وصاني اوصل سلامه الج ويكول خلي تسامحني

 من كالتلي هيج كمت ابجي ضاع مني الكلام بس ادموعي ينزلن وهي همين تبجي وياي دخلت اختها الثانيه صاحتها مسحت وجها وطلعت وراها صار وقت العشا جابو دخلو الشباب ينقلون من السياره للبيت شفت وارث واكف على صفحه يوجه بيهم وأمير ومحمد وسامر و وياهم ثنين شباب ما اعرفهم دخلو الاكل للمطبخ ودخل وارث رفع راسه شافني واكفه ويا البنات خزرني اشرلي براسه اطلع من المطبخ بس طلعت لاكتني سهام صاحت عليه

:- وين موليه انتي هييي بسرعه تعالي انقلي العشا للنسوان مو تردين تختلين

 رجعتني للمطبخ بعده وارث واكف يسولف ويا هناء وتقى وعرفت واحد من الموجودين هو اخو رند اسمه ثامر باوعلي وارث بخزره كلت بكلبي شبي هذا بس يخوزر بيه مو واكفه ويا بناتهم وضايعه بينهم 

جوز طالع شي من عندي وما ادري 

 باوعت النفسي دشداشتي عريضه وطويله وحجابي عادلته يعني مستوره بعد شكو شبي وياي ومرته متقبل اطلع من المطبخ حيروني شسوي درت وجهي من عنده اتعمدت ما اباوعله خلي بله شيسوي نقلنه الاكل وتعشت العالم وبدت تروح لما بقت بس عوائلهم ودخلو ولدهم للبيت همين اباوع لصاله صارو جيش ماشاءالله بيت جابر واني مقيمه بعدني بالمطبخ وكل اشويه صاحو ماااي چااااي وتنظيف المطبخ بناتهم كلهن ختلن وكع كلشي براسي تعبت كلش بعد مابيه اشيل ايدي سمعتهم اتفقو باجر يطلعون للنجف بس ما اعرف منو يروح منو يبقى 

 طلعت للكراج انظفه سمعت صوت ثنين يهمسون اخذني الفضول رحت اسمع الصوت وين شفت ثنين واكفين بالترك انصدمت من عرفتهم محمد ونورس اسمعها تكوله_ انت جبان متريد تكول احبج- 

جاوبها- شنو هل حجي عيب ترا وبعدين اني استحي من امير وخوالي كاعد ابيتهم وتمعشك ابناتهم وبعدين منو كالج اني احبج لا خيتي انتي فاهمه غلط ترا ان..... ماكمل كلامه من شافني باوعولي ووجوهم كامت تنطي الوان عفتهم ورجعت بسرعه دخلت جوا عبالهم اكول عليهم هوا اني هيج وما سالمه على ريشاتي منكم اله اكول 

رحت الغرفة الحجيه طلعت الي ملابس وطلعت للحمام الخارجي سبحت ومشطت شعري واني بالحمام وطلعت لاكاني وارث مبين علي جان يدور عليه كالي 

:- وين جنتي انتي ؟

            

              

                    

:- جنت اسبح بالحمام الخارجي

 باوعلي بنضرة شك كالي 

:- وليش ماسبحتي بالحمام الداخلي

 جاوبته :- استحي كدام الكل ادخل للحمام وانتو كلكم موجودين بالصاله

 عافني ودخل للبيت دخلت ورا 

گالي وهو يمشي 

:- سويلي چاي جديد وجيبيليا

 برطمت ياربي تعبت وماضل بيه حيل بعد ولساعه صارت بـ10 ونص واني كاعده من الصبح بـ7 

رحت سويت چاي جديد واخذته اله ماجان موجود وياهم بالصاله سئلت سامر

:- سامر وين وارث 

كال:- شفته صعد الغرفته 

باوعت شفت سهام موجوده جوا صعدت دكيت الباب كالي فوتي

دخلت انطيته الچاي وردت اطلع 

 كال:- جيبيلي حب براسيتول من هذا الجرار ونطيني ماي انطيته اله ونطيته ماي ردت اطلع صاح وراي 

:- بوجهج الغرفة امي لا تطلعين بعد

 هزيت راسي اله وطلعت گلت بگلبي هو اني ميته من التعب بس اريد انام

 نزلت شفتهم طالعين بالباب التفتت سهام شافتني نطت عيونها اجتني بحرگه جرتني من ملابسي 

:- هييي انتي وين جنتي المن صاعده فوك

 رديت عليها:- وارث طلب من عندي چاي سويتله وصعدته اله

 جان تدفعني من ثالث بايه من الدرج قبل الاخيره وكعت على وجهي الكل باوعلي متت خجل منهم ونلوت رجلي والم موتني بيهم الصاح اسم الله وبيهم الصاح وثول حتى ثول دمعت عيوني وكوه كدرت اكوم رحت الغرفة الحجيه صار الوجع برجلي قوي دعيت بگلبي على سهام الحقيره بدون رحمه دفعتني الله ينتقم منها 

اريد انام بعد ماعندي طاقه ولبنات موجودات هناء وتقى وجهالهن اليلة ينامن يمنه بغرفة الحجيه فارشين انريد انام ولحجيه على حظي اليوم سهرانه متريد اطفي الضوء حته انام عدها باجر سفره للنجف شينومها بعد ضليت اتكلب احوس بفراشي كمت شديت عيوني بحجابي وكوه كدرت انام من الهوسه 

 وكعدت الصبح على هوستهم وهم مخبوصين يردون ايطلعون ولحجيه خبصتني ندوه خايبه يندوه شووكومي يله. 

شلت راسي ها حجيه شرايده كالت:- كومي شنو شرايده البيت راح يضل فارغ بس انتي بي ولجهال اكعدي يله 

كمت امط بجسمي متكسر واعدل بحجابي و سئلتها

:- بيبي منو راح يبقى يمي

 كالت:- بس بنات وارث وامير هل طلع الجامعته عود يرجع الضهر 

هزيت راسي وكمت طلعت بس رجلي وارمه وصاير بيها لون ازرك اعرج كوه امشي شافني وارث وكف بالمطبخ يشرب چاي 

 اجاني سئلني بأهتمام عليها 

:- شبيها رجلج ليش تعرجين ؟ 

:- وكعت البارحه من الدرج  

:- بله خلي اشوفها 

رفعت اشويه من دشداشتي تزل راسه ايشوفها 

:- الضاهر مفصوخه رجلج شوكعج متكوليلي يالنادره كل يوم مصوبه شكل شنو سالفتج

المهم خليها بماي حار وملح ولفيها زين تلكين عند الحجيه مسند البسي 

            

              

                    

ورجع يوصيني اقفل الباب زين وما افتح الاي احد يأكد عليه كل شويه وطلع قبلهم ويا سهام ولحجيه صعدو بسيارته

و طلعو كلهم سديت الباب وراهم و رجعت سويا مثل ما گالي نگعت رجلي بماي حار وملح اعصر بيها ولبست المسند لكيته بجرارات الحجيه 

وكمت نظفت البيت وسويت غدا للبنات والامير من يجي كملت كلشي جان وقت الضهر ولبنات فوك بغرفتهم واني بغرفة الحجيه كمت صليت وما عندي شي اسوي عجبني افتح شعري واسويه ضفيره مثل قبل من جنت يم اهلي ماطول ماكوواحد بلبيت غيري اني ولبنات 

 وكفت اباوع بالمرايه على باب كنتور الحجيه و اعصر بدشداشتي على جسمي اشوف خصري وشكد ضعفانه ادير هيج وهيج صدت عيني للباب شفت وارث مكتف ادي الصدره واكف يباوعلي اخترعت من شفته نشغت بصوت مسموع موسعه عيوني مصدومه. شجابه موراح وياهم لنجف شرجعه بهل سرعه نزل اديه وعدل وكفته 

كال :- عفيه عليج خوش تاخذين الوصيه اعرفج معدله انتي 

وهو يقترب اكثر اليه 

:- اني شكم مره عدت واكدت عليج اقفلي الباب زين 

وكف يمي صار قريب عليه لزمني من اذاني وجرها 

:- انتي ليش متهتمين الي وما يهمج الي اكوله 

 لازمه ايده اريد ابعده وجعني حيل احس شلع اذاني بأيده وياخذ راسي هيج ويرجعه هيج دمعت عيوني باوعتله مبرطمه ولعبره خنكتني 

اشوفه انرسمت ابتسامه خفيفه على وجه وعاف اذاني ابتعدت من عنده شويه ضليت افرك بيها ورحت شلت حجابي البسه وادردم على كيف

 كال:- شلون يلفاهيه ماسمعت زين بله علي صوتج خلي اسمع ليش ادردمين بينج وبين نفسج سمعيني 

 سكتت ما اجاوبه 

رجع كال 

:- جوعان صبيلي غده ابين ما اسبح واجي 

سويت حركه بوجهي ما عبالي يشوفني كال

:- لازم ما عاجبج شلون رجعت موو 

ما رديت علي بس گمزني من صاح بصوت عالي 

:- ما تردين الفاهيه عود تردين تجاهليني شحاسبتني مثلاً ذبانه يمج اطنطن شنو يابه والله بيج كتله غير مال غسل ولبس وبعدين شكو تعصرين بملابسج على جسمج ترا جنج گصبه الحمدالله حتى علج لحمه مابيج و تلعبين ستين نفس ودور شايفه نفسها شوفه الگصبه

 باوعتله موسعه عيوني علي 

قهرني كلشش 

:- انت شكد متستحي شكو تتختل جنك حرامي واكف وتباوعلي ما دكيت الباب كحيت لااا وفوكاها هو اليصنف عليه عود هو الحلو انت شايف نفسك جنك رعيده المغيم 

وسويت حركه بحلكي اعيب علي لان صدك حرك گلبي يصنف عليه ضجت كلش دخنت من ورا وصفه اليه شنو يعني اني جني گصبه

باوعتله شفته ميت من الضحك 

كال :- يابه اشاقه وياج على كيفج اكلتيني بگشوري يله حلوه حلوه وهم احلى مني بعد شتردين 

ضجت وخجلت بنفس الوقت عفته وطلعت بسرعه اهفي بديه على وجهي احسه جمر اول مره يحجي هيج وياي ويشوفني بلا حجاب وشعري طالع رحت حضرت اله غدا وجهزت الصينيه وطلعت لصاله خليتها اله نزل سابح ومبدل لابس تراك سود لونه اسود طالع كلش حلو علي  

 فات من يمي عطره يمشي ورا سطرني صفنت اباوع على تفاصيله مادري ليش عجبني ابقى اباوعله مركزه بكل تفاصيله بعدين انتبهت النفسي شو مستخفه كلش اني صايره ما استحي ابد اباوع لرجال وهو قبل شويه يوصفني بالگصبه 

 انتبهت علي شفته هم يباوعلي اشرلي براسه بعلامه شبيج 

:- شكو 

عفته ومشيت كعدت اكل بالمطبخ الوحدي صاح 

:- وينج انديوا وين الچاي جهزتي 

عود يقلد وفاء عريف شلتاغ من تصيحلي نديوا ضحكت شبي هذا اليوم متحدث جديد شنو 

طلعت انطيته الچاي 

نزلن بناته زها وزهراء كعدن ياكلن بصينيته وهو يسولف وياهن ويبوس بزهراء عفتهم ورحت دخلت الغرفة الحجيه وسديت الباب طفيت الضوء اريد انام بعدني كاعده حسيت انفتح الباب سويت نفسي نايمه انسد الباب جمدت من حسيته اتمدد بصفي صار ورايه مباشرتاً كلشي جمد بيه ما عدا گلبي احسه صار دمام و انفاسي تخربطت

 شال الغطى مالتي وتغطى وياي ما تحركت ضليت جامده حسيت بايده صارت على خصري ........

الفصل التاسع من هنا 

شكرا لزيارتكم عالم روايات سكيرهوم