رواية ليتنا نلتقي الفصل التاسع بقلم جمانه السعيدي
اجت رسايل وحده ورا الثانيه
فتحت الموبايل اتفاجئت
الرسايل من زهراء كاتبتله
انت ماتعرفني شفت صفحتك ودخلتلك اني وحده ضيعته وعفته وماسئلت عليها
بله شدتحس وانت جنت تضحك عليه
سنتين معهد وانت تمثل عليه الحب
هسه انت عادي تمارس حياتك
وكنما ما صار شي
اكو وحده جاي تضحك عليها غيري وتمثل عليها
.
جمانه السعيدي
زينب كانت هاي الرساله دازته اله قبل يومين
وصاير حديث بينهم طويل
هسه راح احجيلكم شنو صار ببنهم
.علي ...زهراء اولا اهلا وسهلا بيج
ثانيا اني ماضحكت عليج
اني اجيت وجبت اهلي
وصار حادث فقدت بي ابوي ومرته وبقيت اسبوعين بلمستشفى
وسبوعين ما اكدر امشي ومنهار من الي صار
ورغم كل هذا اجرت سياره واجيتج حتى ابررلج الصار وترفعين راسج كدام اهلج
وصلت ولكيتج عروس وفرحانه والهلاهل تارسه الشارع
اتخبلت انجنيت بعد شويه ويوكف كلبي
سئلت ايكولون ما خذه واحد توب شبسرعه مستعجله خاف يطير منج العريس الزين
زهراء اوكف انت ليش تحاسبني اني كلت الاهلي وتحضرنا ابوي واخواني واني تسريحه وبدله وخابصه نفسي
وحضرتك ماكو يعني اتخيل موقفي لو ميته بيومها ولاهذا الموقف
جمانه السعيدي
علي ...غير اتسئلين تنتضرين
اول ما انتبهت تليفوني ماكو وخابرت من تليفون امي وحضرتج قافله التليفون
واني مكسر وما اكدر كلشي اسوي والمصيبه الاكبر ابوي مات
مات بسببي وضليت بين الوجع وملامت الناس ومع ذالك
رحت وكلت خل اوصل ابررلهل اشصار لكيتج ياهانم عروس
بس كللي شبسرعه انخطبتي ولج هنه شهر واسبوع
.زهراء ..من فشلتي من وراك اسبوع ما اباوع بوجه ابوي واخواني
يعني شتريدني اسوي مثلا اتقدملي وقبلت حتى اخلص من الملامه والحجي
علي الله يسعدج مو ازوجتي شتريدين بعد ماضل شي بيناتنا
هاي صفحه وسديها
زهراء بس اني ابد ما نسيتك انته كدام عيني وبكلبي
علي زهراء افهمي انتي مزوجه عيب هذا الكلام
اني مو نذل واللعب باعراض الناس هذا قرارج وتحملي
زهراء ماجاي اكدر اتعود علي لان بعدني احبك
جمانه السعيدي
افهمي كل واحد يتحمل ثمن قراره هذا قرارج اتحملي يعني شتريدين مني هسه انتي مزوجه وهاي يسموها خيانه
اني وياج بعد مانصير البعض
زهراء انت ليش متغير عليه خاف لكيتلك وحده
علي وانتي شكو مو انتي لكيتي واحد وزوجتي بعد شتريدين
... بس اني بعدني احبك
... عيب هذا الكلام انت بذمت رجال واني ناقص اذا اقبل بهيج وضع
زهرا ء زين خلينا نبقى متواصلين اني وياك
علي بصفتج شنو نتواصل
زهراء بصفتنا اصدقاء
.... ماكو هيج صداقه ومستحيل اتصير
.... ايجوز مانتراهم اني وزوجي وارجعلك
.... شنو شنو تحجين صدك جنت مخدوع بيج شلون تكولين هيج هذا الانسان انطاج اسمه وانتي عرضه حافضي علي وحاولي اتحبينه وبعد لاتتصلين
جمانه السعيدي
رجع علي وجاب العلاج
جان يكول موبايلي ماكو مدري نسيته هنا مدري بلبيت اني كتله لا هذا بقه على الميز
اخذه وطلع بس اني ضليت احوس وضجت حيل ياربي هاي منيين طلعتلي
مو وليتي وزوجتي شرجعج عليه
قررت بعد ما اتصل علي حتى ياخذ مجال يفكر على كيفه واذا مقسوملي ويحبني اكيد راح يختارني
معقوله يحن كلبه ويكلها اطلكي وازوجج
لا فدوه شلون بيه ولله لويدري شكد احبه
اول رجال يدخل حياتي بعد بابا وبليلتها ماكدرت انام
ثاني يوم مر عادي وامي فاجتني ا
جمانه السعيدي
اكلج زينب انتي اكو شي بينج وبين علي
....لاماما ماكو شي ليش هيج تكولين
...ما ادري حسيت اكو شي بينكم
باعي ماما نصيحه مني اذا اكو شي ابتعدي لان احنا ابد ماننطي علويه الكردي وخاصتا عائلتنا فا احسن شي شيلي هيج فكره من بالج
ياربي هسه اني منيين الكاها من زهراء الطلعتلي صفح لو امي الي تحطم احلامي بكلامها
رحت اصلي الضهر ودعيت ياربي اجعله من حضي ونصيبي ولا تحرمني منه
بليل اجه كعد سولف ويه بابا شويه على المحل وبعدين سئلني بديتي تقرين
رديت على بثكل لا بعدني وطلعت
هو اشويه وطلع ودزلي رساله
هلو شلونج شكو صاير شي
...شافني قريتها وما رديت رجع كتب
....شبيها ام غمازات ليش زعلانه
....اني مازعلانه
....اني اعرفج اكو شي مزعلج احنا مو اصدقاء احجيلي شنو مزعلج
....لمن احنا اصدقاء ليش ماتحجيلي انت شصاير وياك
....اني ماصاير شي وياي
....انت متاكد ماصاير شي اذكر زين
...انتي ذكريني يجوز اني ناسي
....لاخليها بعدين
...لا اله هسه ما انام اله اعرف شصاير
....زهراء وسكتت وهو سكت
...شبيها زهراء
...اتصلت عليك وماكلتلي مو اني كلشي احجيلك وما اضم عليك شي
....سكت شويه وبعدين كال شلون عرفتي فتحتي تليفوني من نسيته عدكم مو
جمانه السعيدي
....ولله كتلني الفضول من كد الرسايل التجيك اني مو منحقي ادخل بس انت شنويت تسوي
...بعدني حاير بس اكيد ما ارجع اله
وهي على ذمت رجال
هاي مو اخلاقي هي اختارت ولازم تتحمل قرارها
....يعني شنووووو
...يعني لازم اكون مستقبلي وابدي من جديد ويه انسانه ثانيه تتحملني وا اتحملها وتقريبا لكيتها وراح اغير صفحتي حتى لاتراسلني بعد
....هاااا زين اكدر اعرفها منو بصفتي صديقتك
....اكيد اعرفج عليها بلوقت المناسب وهسه روحي نامي واقري زين لازم تنجحين
لان مساعدتي لازم تكون شاطره فهمتي
.
جمانه السعيدي
....يله مساعدتك قبلت ميخالف تصبح على خير
...اوكفي ممكن بعد لاتضحكين
...ليش ما اضحك شني المساعده ماتضحك
...لا بس من تضحكين يطلعن الغمازات الحلوات واني من شروطي بلوضيفه الغمازات لايطلعن
....تصبح على خير يامديري
..تصبحين على خير يا مساعدتي ام غمازات
زينب فرحتي بكد الدنيا كله هذا اعتراف منه بلحب
ثاني يوم اجه عمي ابو حسين يخطبني
ابد ماقدر وضع ابوي التعبان
ابو حسين اني جاي اريد زينب الحسين
...اعذرني خويه زينب ماتصير الكم
...وليش ماتصير مثلا احسن من عدنا
...لا مو احسن منكم بس زينب مدلله وعايشه هنا بلولايه
وبعدها تدرس
وانتم بلريف وعيشتكم تعب بنتي ماتكدر على عيشتكم
ابو حسين لا تكدر هي احسن من بناتنه وماتكدر
...اعذرني جيتك على عيني وراسي
....شوف زينب منهيه ومتاخذ احد غير حسين
مو مثل ليلي زوجته بسكوت
اذا زينب ماتاخذ حسين ماتتزوج طول عمرها
ولله نصير كاتل ومكتول فهمت
