رواية حبه لا يموت اياد وخشوع الجزء الثاني الفصل التاسع بقلم شفق الغروب
فلكس قفل الباب واترمي علي الكنبة بحزن يوسف قال:
- لسه يا بطل انت في أول الطريق واول عقبة مبنكم مينفعش تسبها
- لازم اسبها ...هي اختارت ولو بحبها لازم ادوس على قلبي وحبي وحياتي علشان هي تعيش زي ما هي عوزاه
يوسف طبطب علي فلكس وقالو:
- هفضل وراك لحد ما ترجعو
فلكس ابتسم بحزن وقال : مش هنرجع
وعند إياد دخل بيت اهلو وهو شايل ليل ام خشوع ابتسمت وقالت لبنتها
- قلتلك فلكس مش هيعملها حاجه اهي البنت زي الفل
خشوع حضنت بنتها وهي حزينة متعرفش ليه حسه انها لما شافت اخوها جه حزنت خلاص رجع البنت واكيد نفذ كلامو فلكس موضوعو انتهي خلاص اتفرقو خلاص قلبها كان وجعها علي فراق حبيبها بعد السنين والحب اللي كان بنهم انتهي
إياد شاور لخشوع تيجي وراه راحت وراه دخل الاوضة واعدها قدامو وقال وهو متجنب يبص في عيونها علشان ميشفش حزنها :
- انا نهيت كل حاجه وفلكس مش هيقرب ليكي ولما يحب يشوف ليل هيتواصل معايا
خشوع كانت عرفه ان هو عوزها علشان كده صحيح مكنتش عوزاه تسمعها بس كانت عرفه هزت راسها ببرود كأن معندهاش مشاعر وقالت :
- ماشي
إياد استغرب رد اختو اتوقعها هتنهار بس عملت عكس كده تماما اخدت الموضوع بسهولة
خشوع قامت علشان تمشي بس إياد وقفوها وقال :
- اسف
- علي ايه ؟؟
- اني مديت ايدي عليكي وعلي كلامي مكنش قصدي ازعلك بس اديقت منك ومن انك بترمي بغلطاتك علي اهلك اللي ملهمش دخل في الموضوع
- مش زعلانه انت مقلتش حاجه غلط
قالت كده ومشيت الكل عرف بانتهاء علاقتهم والكل اديق من الموضوع
عده علي بعدهم تلت شهور وأهل خشوع قلقنين علي بنتهم اللي تصرفاتها كلها بردة وكانو مستغربين ازاي مزعلتش الكل توقعها تنهار لأنهم عرفين حبها لفلكس بس فجأت الكل ببرودها واللي قلقهم اكتر انها بقت برده في كل تصرفاتها بقت سكته مش بتتكلم كتير لو اتكلمت بتتكلم من غير شغف بدون مشاعر ببرود حتي ليل مبقتش تلعب معاها مبقتش عوزاه تخرج من اوضتها ولما يدخلو عليها الاوضة اللي بقت ديما حبسه نفسها فيها يلقوها بتقرأ قرآن او بتسبح او بتصلي او بترسم رسمتها بقت مليه الاوضة رسمات عشوائية بس حلوة اول مره يعرفو ان بنتهم بترسم حلو كده اول مره يكتشفوا موهبتها دلوقتي عرفوا ليل بترسم حلو لمين الفرق ان ليل لقيت اللي ينمي موهبتها بس خشوع لا كان مش عرفين اللي بنتهم بتعملوا طبيعي وهدوئها اللي غير معتاد وسكوتها فجأة انعزلها كل ده طبيعي مستحيل يبقي طبيعي كانت علي الحال ده طول التلت شهور مبكتش مطلعتش اي نوع من الحزن
في مرة امها كلمتها وقالت:
- انا مش فهماكي يا بنتي لما فلكس مشي اعدتي سنين تبكي عليه ونفسك يرجع والحمد لله طلع عايش واول ما يطلع عايش تقرري انك مش عوزاه ترجعي ليه بتعملي كده ؟؟؟؟
- عادي
- ازاي عادي ازاي تقرري تبعدي انتي بتحبي فلكس وفلكس بيحبك والكل شاهد علي حبكم متفرقوش بعد ما جت اللحظة اللي هتتجمعوا فيها
- هو انتي كل ما هتشوفيني هتفتحي سيرة الموضوع ده قالت كده ببرود وهي بصة للحيطة اللي قدمها
- هفضل افتح الموضوع علشان انا عرفه انك عوزاه وزعلانة عليه
- صدقيني مش عرفه حاجه ....بس هو في حاجه كده ...
امها بلهفة: ايه الحاجه ؟؟؟!!
- انا جعانة
- نعم !!!
- عوزاه ورق عنب بالبشاميل
- نعم يا روح امك!!!!
- ايوه تخيلي معايا ورق عنب ملفوف ومحطوط في صينية تنزلي علي وشوا بشاميل والورق عنب ده يبقا وسط طبقتين مكرونة ولحمة مفرومة 😋😋
فاطمة قالت بنفاد صبر لان اقناع بنتها كأنها بتقنع فيل انو نملة
- قومي من جنبي يا بت انتي علشان هنجلط
- بعيد الشر عنك يا ست الكل
- والله ست الكل..ما انتي لو تسمعي كلام ست الكل هتريحيها
- يا أمي الموضوع منتهي والنقاش خلصان مهما قلتي واتكلمتي هو خلص بلاش منهدة قالت كده بنفس البرود
كل البيت بدأ يتأقلم مع طريقة خشوع لأنهم مهما حولو مكنتش في حاجه بتتغير بنتهم بقت زي لوح التلج الكل بدأ يتأقلم معاد إياد اللي كان بيراقب اختو وتصرفاتها طول الوقت
وبعد ما كان مقرر انو هيديها مساحة لحزنها وميتدخلش ولا يضغط عليها لحد ما تتخطى بس أدرك انها مش حزينة ولا فرحانه وبقت شيء مليان جمود
في اليوم ده لما جه لقي ليل اعده مع جدتها بره وبتتحايل علي جدتها تعلمها الكروشيه وجدتها بتقولها لما تكبري شويه بس اصرار البنت دي كبير وفعلا جدتها اعدتها وبدأت تقولها الخطوات وأسماء الأبر وانوعها إياد دخل وقال السلام عليكم ورحمة الله وبركاته
ليل وجدتها ردو السلام وهو سأل امو خشوع في اوضتها ؟؟
فاطمة قالت بتهكم :
- هي بتطلع منها اصلاً ادخل هتلقيها اعده بترسم
إياد خبط علي الباب وسمعاها بتقول :
- اتفضل
دخل اوضتها ولقاها اعده علي السرير ومتغطيه وطفيا الانوار ومعتمده علي ضوء بسيط متوجه ناحية الورق اللي بترسم عليه
إياد اعد علي طرف السرير ومسك ورق مرسوم فيه اخد ثلاث رسمات عشوائية من بين كل اللي مرمي علي السرير اخد واحدها يتأملها كانت معتمدة علي أقلام الفحم والقلم الرصاص في رسمتها مكنش في واحدة متلونة تأمل الرسمة كانت بنت وقفة في مكان ظلمة وفي ايد ممدوة نحيتها وهي مسكة أديها بتبعدها علشان متفكرش انها تلمس الايد اللي ممدوة ليه وسط الظلام البنت في الرسمة مودية وشها نحية اليمين ووشها كان مليان دموع وفي قناع ده اللي متوجه نحيه الراجل كتن الوش بتاع المسك بيضحك
ساب الرسمة دي وراح لوحده تاني لقاها بنت وقفة جامدة مبتسمة وفي حوليها ثلاث ظلال باين انها ظلالها وكلهم باين انهم بينهارو
واخر واحدة كانت في ايدو كانت بنت نايمة وهي حضنه ظل اسود كبير كانت علي وش البنت ابتسامة خفيفه وعلي خدها ووشها دموع كأنها كانت بتعيط قبل ما تنام مكتوب بيت في آخر الرسمة بيت شعر إياد حس البيت اتفق مع الرسمة مع اختو بجد الشاعر كان كأنو حاسس بيها وهي بترسم واللي حصلها البيت كان
ولقد رأيتُكَ في منامي ليلةً
فنَسيتُ ما قد كانَ مِن أحزانِ
وحَسِبتُ نومي في حضوركَ يقظةً
حتى أَفَقْتُ على فراقٍ ثانِ
لو كنتُ أعلمُ أن الحُلمَ يجمعُنا..
لأغمضتُ طول الدهرِ أجفاني
إياد ساب الورق اللي في ايدو واتنهد بتعب الرسومات مش عشوائية دي حالت اختوا اختوا مش بتتكلم بس بتعبر بالرسم محدش فاهم هي لبسه قناع الضحك وهي منهارة مش قبلة حد يمدلها ايد العون ويسعدها علشان كده رسمة الضحكة علي وشها
إياد قال: للدرجه دي تعبانه
- مالك؟
إياد التفت ليها وقال :
- ليه بتمثلي القوة لي حبسه مشعرك طلعي اللي جواكي عيطي وانا هخدك في حضني اطبطب عليكي بس طلعي اللي في قلبك متسكتيش كده وانتي جواكي براكين ازعلي واحنا جنبك هنقف معاكي محدش هيزهق من حزنك
- اه انا مش فهمه حاجه انت بتتكلم علي ايه
- لا انتي عرفه كويس انا بتكلم على ايه بس بتكابري ليه يا حبيبتي بتمثلي القوة من امتي وانتي بتتكسفي تعبري عن مشاعرك
- زي ما قلت اهلي ملهمش زنب يشيلو غلاطتي مش هنكد عليهم وانا في بتهم قالت كده بنفس البرود
- انتي ليه بتتكلمي كده كأنو مش فارق معاكي ليه سكته صرخي الكتمان وحش وبياكل في العمر والصحة انا خايف عليكي
قالت وقد بدأت جبال الثلج تدوب من علي قلبها وعيونها تتملي دموع :
- عوزني اعيط واشتكي واتحصر منا ياما تحصرت ومستفدتش حاجه عوزني اقولك اني حتي بعد تلت شهور لسه بفكر فيه لسه بشوفوا في أحلامي انا لازم اجمد مينفعش انهار بعد ما اخترت مينفعش اشيل حد همي حتي لو أهلي انت قلتها لازم استحمل عواقب اختياراتي مش ارمي بلايا علي اهلي اللي ملهمش ذنب
إياد سحبها في حضنوا اللي بقلها سنين اتحرمت منوا علشان مش اختوا بس مقدريش يستحمل يشوفها كده طول عمرو لما كانت تنهار بخدها في حضنوا
هي بدأت تشهق بصوت عالي وتعيط وهي في حضن اخوها وتتكلم :
- انا اللي اخترت فرقنا رغم انو كان متمسك معرفش ليه...ليه حسيت اني عوزاه ابعد يمكن عشان احسسوا باللي حسيت بيه طول الست سنين يمكن علشان اكسرو معرفش بس انا منستهوش ومش عرفه انساه ده اول انسان في حياتي قلبي اتفتح ليه فلكس كان ساكن في قلبي وكنت بتمني من ربي رجوعو ولما رجع رفضتوا ليه انا مش عرفه انا بحاول اعيش كأنو مكنش موجود كأني مشفتهوش وكل اللي حوليا مش بيعملو حاجه غير انهم يفكروني بيه انا عوزاه انسي عوزاه اتخطى بس مش عرفه كأن في لعنه مكتوبلي طول ما هو بعيد اتعذب في حياتي انا عوزاه امسح كل حاجه من عقلي من نحيتوا تخيل اني بقيت بحلم بيه وانتبق عليا اللي قالو الشاعر حسان بن ثابت في بيتوا.....إياد انا بموت بسم بطئ المفعول
- انتي فكرة فلكس حالو احسن من حالك مثلا فلكس متدهور ونفسوا بس يقعد معاكي ولو ثانيه قالي وهو بيبكي اضحي بعمري بس اشوفها ثانيه والله ما عايز عمري بجانب شوفتها انا مش عارف الصراحه عملتي ايه في الولد خلتيه يتجنن بيكي كده مكنتش بصدق حورات حب زي قيس وليلي وكنت بقول ايه اللي يخليني راجل يعمل كده اكتشفت السبب لما شفت فلكس الراجل لما يحب بجد مفيش حاجه في الدنيا هتهون عليه بُعد حبيبوا فلكس عشقتك بقي عاشق خشوع انا مش عارف انتي ليه قررتي رغم حبك ليه تبعدي عنوا
بعدت عنوا وقالت وهي منهارة :
- علشان انا مش لعبة في ايدو وقت ما يحب يخدها يلقيها ووقت ما يزهق يرميها هو فاكر حبي لي هيخليني اترمي عليه وانسي كل حاجه فلكس يستهال اللي حاسس بيه وانا استاهل علشان بوجع في حبيبي علشان عوزاه اعذبوا استاهل كل وجع حسه بيه
قالت وهي بتحاول تبطل عياط وتاخد نفسها كأنها عوزاه تطمن اخوها عليها : انا بدعي ربنا بقالي فترة كبيرة اني اتخطى وان ربنا يربط علي قلبي وقلبوا وانا وثقة في ربي
- تتخطى ازاي وانتي كنتي حبسه كل ده جواكي
- لازم اجمد لازم منهرش لازم مبكيش لازم ابطل كل حاجه تفكرني
إياد كان بيتكلم بهدوء وحنيه مد ايدو نحيت وش اختو بحنان ابوي :
- ومين قال انك لازم تعملي كده اللي لازم تعمليه تزعلي وتعيطي علشان تريحي قلبك وطلعي اللي جواكي ...الغمة اللي جواكي مش هتمشي غير لما تطلعي اللي جواكي اتعملي مع الحزن ده علي انها فترة وهتعدي وهي فعلا كده اكيد مش هتنسي تماما وتبطلي تزعلي لازم حتي لما تتخطى لما تفتكري حد غالي عليكي لازم تزعلي ده الطبيعي لما حد بنحبوا يمشي ونعرف اتنا مش هنشوفو تاني لازم نزل ونعيط ومع الوقت هتفتكري وتزعلي بس من غير انهيار يا حبيبتي ادي زعلك الوقت اللي محتاجوا واتعملي مع حزنك بطبيعية
- انت شايف كده
- مش شايف غير كده يا روحي ....انتي عرفه فلكس فين دلوقتي؟؟
- فين ؟؟؟
- سافر لبيت ربنا يدعي ويناجي ان تحصل معجزه تخليكم ترجعوا لبعض ....وفي مفاجأة اول واحده هتعرفها انتي دلوقتي
- ايه المفاجأة؟؟؟
- نسرين حامل
خشوع اتغيرت ملامحها لصدمة وفرح وابتسمتها اترسمت علي وشها مسكت إياد من هدوموا وقالت:
- اقول اقسم بالله !!!
- والله العظيم قال كده وهو مبتسم
فجأة لقي خشوع بتزغرط لأول مرة في حياتها وزقتو جامد وهي بترفص فيه برجلها ودموعها في عنيها
- يعني انا هبقا عمتو خشوع
- ايوه عمتو الحرباية
- انا حرباية قالت كده وهي بتبصلوا بعيونها وهي عملة نفسها حزينة
- بهزر احلى عمه حرباية في الدنيا ابتسمت ليه وهي بتحضنوا وبتقول مبروك يا حبيبي
- الله يبارك فيكي
- امك عرفت
- لسه كنت جي اقلكم بس لقيت انوار البيت مطفية عرفت ان روحي زعلانه قلت اجي افكها
ابتسمت بخجل وقامت نطة من علي السرير وهي بتقول انا هقولها
وطلعت فعلا وهي بتضحك وفرحانة وقالت لأمها امها مكنتش مركزه في الي بتقولوا وبصت لاياد بصدمة واستغراب وقالت:
- انت عملت ليها ايه !!!! ازاي خلتها تضحك ده مفيش حد في البيت ده عرف يبسطها
- وهو انا اي حد يا فطوم وبعدين اللي فرحها كده انها عرفت ان نسرين حامل
امو بصت ليه بصدمة مع أن خشوع كانت بتقولها بس هي ماخدتش بلها ومركزتش في كلمها قد ما ركزت هي ازاي فجأة بعد ما كانت لوح ثلج بقت تضحك وتصرخ من الفرح امو قالت وعيونها دموع دموع الفرح وهي بتمسح علي وشوا وتحضنوا
- مبروك يا حبيب امك
- الله يبارك فيكي يا غاليه بس بلاش عياط ونكد
- دي دموع الفرح
- انتو مزهقتوش من الدموع بقا افرحوا من غير عياط
امو زقتوا وقالت : بارد
إياد قرب راسها يبسها وهو بيضحك
- خلاص متزعليش عيطي برحتك يل فطومي
امو سألت : فين نسرين
- راحت تقول لأهلها
- وسبتها تروح لوحدها يا منيل وهي حامل
- هو الحوامل مش بيروحوا لوحدهم ولا ايه وبعدين هي راحت تفرح أهلها وانا اهلي
- روح استنها تحت بتهم لحد ما تيجي تروح وهتهالي ابركلها
- ما هي هتيجي لوحدها
- قوم يا واد وروح هات البت
إياد خلاص متزعقيش رايح
إياد قام وقبل ما يطلع قال لامو بنتك هتلقيها الفترة دي بتعيط كتير محدش يهديها محدش يلمها سبوها تزعل براحتها بس في نفس الوقت خليكم جنبها فاطمة طبطب عليه وقالت متخفش يا حبيبي ربنا ما يحرمكم من بعض ابدا انت الوحيد اللي فاهم اختك ربنا يخليك ليها وتفضل سند ليها وعيالك ومراتك ابتسم وباس رأس امو ومشي يجيب نسرين من عند اهلها لأهلوا
فاطمة دخلت وقفلت الباب بصت ملقتش ولا ليل ولا خشوع وسمعت صوت جي من الاوضة اللي جوا المجنين راحو يخضوا محمد اللي نايم وبعدها يفجأوه ان مرات إياد حامل وانو هيبقا جد
فلكس في الثلاث شهور
كانت حلتوا زفت كتن ندمان على اللي عملوا كان حزين مبيخرجش من البيت بقا يشرب سجاير علشان يطلع زعلوا فيها بقا حريقه بيشرب اكتر من علبه سجاير في اليوم كان في حالة اكتئاب ولما عرف رده فعل خشوع البردة وانها مزعلتش عليه قلبوا اتكسر امو كانت بتحاول تخرجوا من اللي هو فيه ويوسف واياد وبعدين شهرين ونص حابس نفسوا في الاوضة بتعتوا اعد يتفرج على صور جمعتوا بخشوع علي ضحكتها صور لما كانت حامل بليل وصور كتير كان بيتأمل ضحكتها في اللحظة دي حد دخل الاوضة واتجه علي الستاير يفتحها وواحد راح عند الشاشة يركب البليستيشن اللي بيفتح الستاير قال :
- ايه يا عم كل الدخان ده انت ازاي اعد في الاوضة دي ولسه عايش
التاني قال : معلش اصلو مكتئب علشان فراق اختي يا يوسف ومنكدها علينا وعلي امو الغلبانه
- بس يا إياد الصراحه اول مره اعرف ان فلكس عندو دم
قال كده وهو بيقعد علي السرير جنب فلكس
إياد راح يقعد علي السرير بعد ما ركب البلستيش وسحب الفون بتاع فلكس اللي مفتوح علي صور ليه مع خشوع وقال :
- والله انا زي زيك اوا مره اعرف ان فلكوس عندو دم قال كده وهو بيغمز لفلكس
- يا عم سيب فلكوس في حالو بدل ما يهيج فينا
قال كده وهو بياخد علب السجاير اللي فيها سجاير ويرميها في الزباله
فلكس قال بلا مبالاة اقفلوا الستاير والانوار وسبوني
إياد قال : مش هنسيبك... الصراحة كده احنا لقينا نفسنا فضين قلنا ملناش غير فلكس يفرفشنا
- افرفشكم ليه شيفني رقاصه
إياد ضحك من قلبوا وقال :
- معرفش ازاي اختي كان مستحملاك بكلامك ده
يوسف: يا عم يفرفشنا اه ده هينكد علينا بالي هو فيه ده
قال وهو بيبص حوليه هو مفيش حاجه تتاكل في الاوضة السودا دي
إياد : لا متخفش انا عزمتني انا وانت علي حساب فلكس النهارده
فلكس قال ببرود وهو بيسحب البطانية علي وشوا وبينام :
- انا مش عايز اخرج عوزين تخرجوا اخرجوا
- إياد سحب البطانية من عليه وقال :
- لا ما احنا مش هنخرج من غيرك وبعدين احنا ادناك فطرة تكتئب فيها ولا انت ناوي تكتئب وتزعل عليها طول عمرك
- سبوني بالله عليكم انا مش قادر اعمل حاجه سبوني في حالي
- وهتفضل لأمتي علي حالك ؟؟؟يوسف قال كده بحزن علي صحبوا
- لحد ما احس اني كويس لحد ما ابطل افتكرها واحس بخنجر بيطعن قلبي لحد ما ابطل اتأمل صورنا القديمة لحد ما ابطل افتكرها
إياد : انت مش هتتخطي ولا تنسي طول ما انت حابس نفسك الحبسة السودا دي انا مش بقولك متزعلش لا ازعل ولو عايز تقوم تصرخ دلوقتي اعمل كده بس حاول تعيش و تتخطى الدنيا مش بتقف علي حد يفلكس
- حتي لو الحد ده كان اهم حاجه في حياتي حتي لو الحد ده كان اعز عليا مم عمري رغم انو قتلني وسبني بنذف من غير حتي ما يلتفت ليا بس لسه بحبوا وعاوز نرجع انا بتعذب وهي عيشه عادي منزعلتش دمعة ولا حزنت عليا
إياد: مين قال كده خشوع حزينة ضعف حزنك بس هي في حالة انكار بتحاول تبين انو عادي بس هي بتموت زيها زيك
فلكس وهو بيزعق وعيونو بتلمع بالدموع:
- طلما كده ليه عملت كده ليه فرقتنا ليه اختارت الفراق ليه ؟؟؟؟
يوسف قال بعد ما قام من جنب إياد وفلكس وراح يلعب بالبلستيشن :
- ياعم انت حلوف انت بدأت وكمان مش مستحمل انت عايز كل حاجه تمشي زي ما انت عايز لازم تمسك فيها مش بعد ما بدأت تستسلم
فلكس بتهكم : شوف مين اللي بيتكلم السنجل اللي فينا .....يوسف انت مش هتحس باللي انا حسوا غير لما تحب بجد ومن قلبك لما تلاقي سعدتك مع الشخص ده هتحس قلبك بيتحرق لما يبعد
يوسف بتهكم : شوف مين بيتكلم الكئيب بتعنا ميعرفش ان خطبتي الأسبوع الجاي قال سنجل قال
فلكس بصدمة واستغراب: انت هتخطب !!!
- امال هخلي الأعداء تشمت فيا علشان سنجل وبعدين انت مش معانا خالص ده احنا قرينا الفتحة وحددنا معاد الخطوبة وانت متعرفش اني بطلت علشان عيون تغريد كل البنات والكل بقا بلك الا هي
- انت بلكت البنات!!!!!
- في ايه يا عم هو انا كل ما هقولك حاجه هتتصدم ....انت اللي بقالك شهرين ونص حابس نفسك في اوضتك اللي بقت اسود من الماضي بتاعي مع السجاير اللي معرفش من امتي وانت بتشربها
فلكس دعك عينوا بتعب وقال : هات سجارة علشان اعرف استوعب اللي بتقولو
- بطلت السجاير بح زي ما انت هتبطلها كده
- انت بطلت السجاير!!!!!!
- هو انا مكتوب علي وشي صدمات ما تخف الصدمات مش كفايه صدمات العاطفيه
إياد قال وهو بيضرب علي كتف صحبوا قوم احلق دقنك اللي بقت أطول من يوسف وخدلك شور واللبس علشان نخرج
- كل اللي انت قلتوا انشطة جميلة بس انا مش قادر اعمل اي حاجه منهم
- يا عم قوم اتوحشنا الخروجات بتاعت زمان ايام ما كنا شلة سناجل
فلكس مكنش عايز يقوم او يخرج بس اللححهم المبالغ فيه خلاه يقوم
لما دخل ياخد شاور بص علي نفسوا ودقنوا اللي طولت وكان كأنو بيشوف حد مختلف قال في نفسوا:
- بقا انتي تعملي فيا كده
اخد الشور ولبس وطلع لقا إياد ويوسف بيلعبوا علي البليستيشن
فلكس قالهم ما كنا قعدنا هنا احسن ما ننزل
يوسف بنفاد صبر: اخلص يا عم انجزنا عوزين نروح ناكل ونفك عن نفسنا
فلكس جهز وراحو كان اعد معاهم في العربية ساكت ويوسف كل شويه يرخم عليه علشان يطلعوا من اللي هو فيه
العربية وقفت فلكس بص لقيها وقفت قدام عماره هو عرفها كويس كان مستغرب بس إياد ويوسف سحبوه فلكس طلع معاهم ودخلوا الشقة اللي كان إياد اعد فيها لما ساب اهلوا وعاش لوحدو دخل فلكس ولقي اصحبهم جيين عليه وبحضنوه بشوق كلهم اتعونو علشان يخرجوه من اللي هو فيه كانو طلبين اكل ومجهزين الشاشه للسهره فلكس رغم انو كان زعلان بس اللي صحابوا عملوه علشانوا خلاه ينسي كل هموا وزعلوا
كان جواه قلبوا فرحة لا توصف الأصحاب سند وصحاب زي دول لو لف الدنيا مش هيلاقي زيهم
اعدو واكلوا وفتحوا مطش يتفرجوا عليه عقبال ما واحد يعمل الشاي إياد بص حوليه ملقاش فلكس قام يشوفوا لقاه واقف في احدي الاوض سرحان إياد عارف اشمعنا الاوضة دي
فلكس كان واقف كأنو بيشوف اللي حصل من سنين قدامو هي زكرة مش حلوة بس هي موجوده فيها دي الاوضة اللي حولت تستخبي فيها منوا لما كان شارب وحاول يقرب منها
فلكس كان واقف بيص علي الحطة اللي زنقها فيها إياد مسك كتفوا وقال:
- لسه بتفكر فيها
- كل حته بروحها كانت معايا كل مكان ليا زكري فيها معايا
- لو عيزها ادعي ربنا ينولهالك ربنا سخر ليكم كل حاجه في الدنيا علشان تشوفها وتعرفها رتب لقئتكم رغم السنين اللي كانت موجوده ربنا اللي خلاك تتجوزها بعد ما فضلت تحبها سنين عمرك قادر انو انو يرجعكم
فضي قلبك من كل حزن وناجي ربنا وادعي انها تبقا ليك ولو ليكم نصيب لبعض ترجعوا انا عن نفسي مأمنش حد علي اختي غيرك
إياد قال كده وسابو وطلع بره ١٠ دقايق وفلكس طلع وفضلوا سهرنين للساعه ٣ وبعدها مشيوا وكل واحد رجع لبيتوا بعد لمة صحاب تساوي العمر كله
فلكس رجع البيت ولقي امو بتقيم الليل وبتدعي ليه هو وخشوع وان ربنا يجمعهم علي خير راح عند امو وباس راسها واعد معاها وامو كانت فرحانة انها شيفه ابنها حالتو بدأت تتحسن
فلكس اعد معاها شويه وبعدين طلع اوضتوا غير هدوموا واعد علي السرير بيبص في السقف وهو سرحان اخد نفس وطلع فونو يتأمل صورهم وبقا يفكر في كلام اياد و ذكرياتو مع خشوع بتتصارع جواه خنقتهم علي اسم ليل مع انو كان عجبها بس بتعند حبوا ليها من صغرو مرقبتوا ليها وهي في اعدادي وثانوي الصدفه اللي جمعتهم مصرحتوا ليها بمشاعروا والسنين اللي عدت ورجع شفها تاني ربنا رتب ليهم كل حاجه وزي ما رتب لقئهم من اول فراق لما كانت في ثانوي لحد ما جت شقه اخوها علشان يرجع معها وشفها تاني ربنا اللي عمل كل ده قادر انو بمعجزة يرجعهم قادر انو يلم شملهم بس هو يدعي ويناجي علشان كده حسم الأمر وجهز شنطتوا علشان يسافر يزو بيت ربنا يدعي انو يجمعوا بحبوا ولو لا انو يخفف وجع قلبوا وقلبها ويعوضها اللي احسن منوا واللي يحبها رغم انو عارف ان مفيش حد في الدنيا هيحبها ادو هو مش بيحبها هو عشقها كان بيجهز شنطوا فتح درج الكمودو علشان يطلع منوا حاجه لقي علبة سجاير يوسف نسي يرميها رأسو بدأت تصدع كأنو افتكر انو محتاج يشربها اعد يتأملها وبعدها داس علي العلبة في ايدو ورماها في البسكت وراح يكمل تجهيز شنطوا واعد لحد الساعة ٦ الصبح عقبال ما خلصهم بس علي شنطوا وابتسم بتعب لانو منمش وفخر لانو أنجز المهمة وقال بفرحة :
- هدعي ربنا يجمعنا يا خشوعي مش هسيبك تروحي من اديا
عده الايام وفلكس سافر لبيت الله وكان بيدعي من قلبوا وخشوع كانت كل يوم بتدعي
خشوع لحظت علي بنتها انها بتتعب بشكل متكرر وتعبها مش عادي كانت خيفه علي بنتها مكنتش قيله لحد بس لما تعب ليل زاد راحت قالت لاياد علشان يجي معاها الدكتور
وفعلا راحو للدكتور وفضلو يعملوا للبنت اشعات يومين وهما ريحين من هنا لهناك بالبنت علشان الدكتور يتأكد من ملحظاتوا وبعد العديد من الاشعات والفحوصات الدكتور قال اللي خلي خشوع تحس ان رحها بتتسلب منها...........
