رواية احببت مشاغبة الفصل الاول
=يابت اطلعي بقا زهقتيني الواد قاعد بره مستنيكي
-مش طالعه اه ياخلبوصه عاوزه تجوزيني روحي مشيه ياوليه
=انتي قليله الادب اصلا ومش هينفع معاكي حد انا راحه انادي لاخوكي
+ياماما انتوا بتعملوا ايه هنا انتي لسه ملبستيش ليه يابت انتي الراجل قاعد بره
-مش طالعه لو سمحت مشيه
+انتي بتستهبلي يالا يازفته انتي
-سيب الهدوم يالا انت مسكني زي الحراميه كده ليه وسع يالا
=ربنا يصبرني على بلوتي انتوا الاتنين اهطل من بعض عليه العوض ومنه العوض
_ياعلى والنبي اصرفه مشيه
+انتي لسه شوفتيه اطلعي شوفيه لو معجبكيش متوافقيش بسيطه
-اشطا يابرو اطلع بقا البس يلا زق عجلك
......................
_ينهر اسود ايه البطل الي قاعد ده مش تقولي ياما انه مز عجبك كده منظري قدامه حسبي الله ونعم الوكيل
على بكسوف من منظر اخته :الله يكسفك ايه الي انتي لبساه ده
امها بخجل :منك لله ياشيخه
كانت لابسه بيجامه اخوها ومركبه سنان وشعرها منحكش وماسكه صانيه العصير وداخله
آسيل بضحكه :ههههه
على وهو بيحاول يمسك نفسه وميضحكش:اقعدي يابت العبيطه
قربت عليه آسيل وهمست:مش تقول انه حلو عاجبك شكلي قدامه دلوقتي
على:انا قايم هسيبكم تتكلموا سوا خمس دقايق هتتصرفي معاه ازاي
قام على وقعدت آسيل
آسيل:😂😂😂😂انت العريس صح
=اه انا العر
اسيل:ايوه ايوه متكملش هو ايه الي فى عينك ده
=ايه
آسيل:اه ياخلبوص انت حاطط لانسيز لاء بس حلوه
=نعم لانسيز ايه دي عيني حضرتك
اسيل:احيييه بجد الله اكبر
=نعم
آسيل:استنى كده اه ياخاين خونتني احنا مننفعش سوا مش هينفع نكمل اسفه
=نعم انتي بتقولي ايه
آسيل:زي ماسمعت ياخاين
......لاء وبتضحك كمان ايه ده ايه ده دانت عندك غمازه يتيمه صغنونه
=ايوه عندي غمازه يتيمه
آسيل بصوت واطي:اه ياعيله واطيه مش تقولوا ان الواد مز شكلي انا قدامه ايه دلوقتي وبعدين ايه الي انا لبساه ده انا مني لله ربنا يخدني
=بتقولي حاجه
آسيل:اسكت انت يامز وخليك ف حالك جتك القرف ف حلاوتك
بص هسألك سؤال لو جاوبت عليه صح هوافق عليك
=انا اصلا مش مو
آسيل :ششش اقولك على سر خطير
=سر سر ايه
آسيل:بوظت السؤال معقوله مش عارف السر
=اعرفه منين لمؤأخذه انتي مجنونه
آسيل:لاء دانت شكلك اهبل وهتتعبني
=نعم
آسيل:مع انك كلامك زي السم بس طالع من بوقك زي السكر
=انتي بتقولي ايه
آسيل:خلاص هسئلك سؤال تاني الساحر الي بيطارد السنافر اسمه ايه
=مش عارف ساحر مين وسنافر مين
آسيل:ولا انت تعبتني وشكلك جاي مش مذاكر بقولك ايه مش موافقه
=انا قايم اصلا ده منظر واحده هيشوفها عريسها
آسيل:ومالها ياعمر مانا حلوه وزي الفل اهو
=عمر انا اسمي مازن على فكره
آسيل:ميغركش شكلي يالا دانا تربيه ملاجئ ياض
على :ايه ده فيه ايه صوتك عالي ليه
آسيل :😭😭😭الحقني ياعلي اتحمرش بيا اه يانا ياما اه هدوخ شويه مايه بسكر بسرعه الحقني يابغل انت
مازن بتعجب:دي كدابه انا ملمستهاش
آسيل:ااااه يانا ياما الحقني يابعجل انت بيتهم اختك ف شرفها
على:انا اسف على الي عملته محروج منك والله
آسيل:انت بتقول ايه ياعجل انت
مازن:اخوكي طلع مؤدب عنك وبيحترم الناس
آسيل:قصدك ايه بكلامك ده سيبني ياعلى متمسكنيش خليني اضربه وسع كده ياعم انت قولتلك متمسكنيش
على :هو انا مسكتك اديني بتفرج
آسيل:ايه ده ممسكتنيش اومال بيتهيئلي ولا ايه اسمكني احتياطي عشان لو مد ايده عليا
...................................
آسيل:وبعدها مشي وهو بيلعن ف الي جابني
رنا بضحك:ياشيخه حرام عليكي يخربيتك كنتي بعتيه لبيتنا
آسيل:اه يابت يارنا الي عاجبني فيه عيونه قتالين
رنا:😂😂😂😂من حقه يهرب فيه واحده بتشوف الي هيخطبها باللبس الي كنتي لبساه ده .
آسيل:اعمل ايه بقا امي والعجل اخويا ماقالوليش انه بالجحود ده
رنا:بطل اوي كده اصل انا عرفاكي اي واحد بتكراشي عليه معندكيش زوق
آسيل:لالاء انسى الي بكراش عليهم خالص ده ده بطل بقولك مز
رنا:خلاص يالا بسرعه ابقى احكيلي بعدين الدكتور الجديد هيجي انهارده اول محاضره بدل الدكتور سعيد
آسيل:ياااه اخيرا ده سعيد ده دكتور رخم يارب ميكونش الجديد ده بارد زي
رنا :بسرعه اجري
دخلت رنا ولقت الدكتور جوه دخلت رن فون آسيل قبل ماتدخل وقفت بره ترد
بعد فتره دخلت
مازن:انتي يأنسه اطلعي بره
آسيل:ينهر اسود هو انت
مازن:اطلعي بره يابت انتي
آسيل:انت عيب يالا اطلع بره فين انت هنا طالب زي وبعدين وسع كده خليني ادخل شكلك عاوز تتهزق زي انبارح
مازن:ايه ده انا حاسس اني شايفك قبل كده ايوه ايوه افتكرتك هو انتي عروسه الشؤم
آسيل:ايوه عروسه الشؤء ايه الي بقوله ده وسع ياعم انت خليني ادخل
مازن:يالا يابت انتي بره انتي مش عارفه انا مين
آسيل:بلا مين بلا بتاع وسع كده الدكتور هيزعقلي منك لله ربنا ينتقم منك
دخلت المحاضره ودخل وراها ووقف قدامهم
مازن:انا الدكتور مازن دكتور مادة القانون
آسيل لرنا:اه دي كملت احيييه انا شيلت الماده كده ماشاء الله الله اكبر عليا ربنا يحرسني 😭😭😭😭ااااه ربنا ياخدني
(احببت مشاغبه )
بقلم/ناهد سمير
