رواية بيت المطلقات كامله جميع الفصول بقلم جمانه السعيدي
يمكن اسم القصه غريب بس احنا فعلا يسمونا بيت المطلقات بلمنطقه
لا تستغربون البيت بي خمسه مطلقات
اربع بنات وامهن
اتعس شي سمعة المطلقه الناس بس تسمع وحده مطلقه
راسا تحكم عليه حكم موزين
بس الناس ماتعرف شنو الضروف الي وصلته الهاي الحاله
ماكو بنيه ماتحب تستقر وتكون عائله
بس مرات ضروف الحياة تكون أقوى منه
وماتكدر تتحمل ابد
مراح أطول عليكم راح ابدي بلقصص الخمسه
اول قصه قصة امي
امي انسانه طيبه ومسالمه الابعد حد
يتيمة الأبوين وعايشه بيت خاله
مخلصه ابتدائيه وكاعده
رغم بنات خاله يداوم مدارس بس هي حده صف سادس
وزوجت خاله ماقبلت تكمل
اكثر شي خاف يصرفون عليه بلمدرسه
كعدت بلبيت للشغل وبس
اول واحد تقدمله وافق على خالي فورا وكانت بعمر ١٧ سنه
حتى ماكلفو نفسهم يسئلون علي
رادو بس يخلصون منه
بلمحكمه ماقبلو يعقدوله لان قاصر
اله بكفالة ولي أمره الي هو خاله
ازوجت بابا
بابا كان وحيد اهله ومدللينه بحيث مايتحمل المسوليه ابد
مو مدللينه على خير
لا مدللينه على فكر
جمانه السعيدي
يعني اهله بلكوه عايشين ومع ذالك هو مايهتم ابد
ولا يفكر يشتغل كله معتمد عليهم
كل النهار نوم وباقي الوقت طلعه ويه أصدقائه
كان تفكيرهم
ان يزوج وينصلح حاله
بس هو الاعوج شلون ينصلح حاله
بعد زواجهم بشهرين امي طلعت حامل
كان حسره عليه الفلس
المن تشتكي والمن تروح
بيت خاله بعد زواجه بدو يثكلون وجهم عليه الحد مابطلت تروح الهم
الاكل كان معين بيت اهل بابا
طماطه وبتبته وخبز والصبح خبز وجاي
البيت كله عليه تنظف وتطبخ وتشوف طلبات عمه وخالته
صحيح ببيتي وجدي زينيبن وياها
بس ضروف المعيشه صعبه كلش
وصلت للولاده وهي تمر باصعب ضروف
انولدت اختي الجبيره ايمان سنة ٩١ فوك الفكر ضيم الحصار
امي كانت تنام اغلب الايام جوعانه
وحتى اختى كانت تبجي اليل كله لان ماتشبع
صدر امي مابي حليب
منيين تشبع
الحسنه الوحيده الي كانت بذاك الوقت من الحكومه
الحصه التموينيه زينه بيه كلشي
والان اول حمل وامي ماتعرف مااخذت احتياطاته
بعد تسع اشهر طلعت حامل للمره الثانيه
قررت امي تشتغل حتى تسد النقص
لان بابا عبالك ماموجود
ولا كسرت خاطره لاهي ولا بته
وجدي كبر وبعد مايكدر على الشغل مثل اول ابد
بعد عدة محاولات لكت شغل عامله بمدرسه
صحيح الراتب كلش قليل
بس احسن من الماكووو
كانت تترك اختي ايمان عد بيبتي توكله خبز وجاي
لو فوح تمن منا لمن ترجع
اصلا امي صدره جف من الحليب بسبب الجوع والتعب
امي بعد ماشتغلت وعرفن المعلمات والمديره وضعه
كانت يساعدنه بشي قليل
حتى تكدر تساعد نفسه
المشكله من تستلم الراتب الي هو اصلا مايكفي متطلبات الحياة ابوي يلحكه علي
ويريد منه
وكانت المشاكل بينهم مستمره وماتنتهي ابد
جمانه السعيدي
اجت اختى الثانيه غفران للدنيا
وهنا كانت الحكومه تخصص حليب للأطفال ونستلمه بلحصه
اضطرت امي تكطع اجازة الولاده حتى لاينقص الراتب وتعوفه يم بيبي وتروح للشغل
بعد سنتين بيبي كامت تلح على امي نريد ولد ابني وحيد
وماعنده اخ اريدله ولد
على اساس ابنه القاضي
هو عايف كلشي ومامتحمل المسؤليه ابد
من كد الملحه امي وافقت
ورجعت حملت من جدبد حامل وتنضف المدرسه وتنقل الكتب وتشتغل
وترجع للبيت تنضف وتغسل ملابسنه
اما عن الطبخ اي شي
واكثر الوقت بيبي تطبخ
وصلت للولاده وجابت البنيه الثالثه سميه
هنا بابا تعارك وياها انتي جيبين بس بنات انتي فكر
وحتى بيبي زعلت عليه
ليش زعلت مااعرف مع ان هذا رزق رب العالمين
ونوع الجنس يعتمد على الذكر
الأنثى ماله دخل ابد
الأنثى مجرد وعاء حاضن
بس جيب ناس تفتهم
بابا طلع زعلان من البيت
رغم هو ماله علاقه بلمسوليه ابد ولا يدري باي شي يخصنا ابد
امي ماعده حل بس كاعده وتبجي
ماعرف ليش الوكت شاد حيله عليه
لا اهل ولازوج بي حظ ولا خلفه تعتمد عليه
مرات الدنيا شكد تكون قاسيه وصعبه على البشر
ابدال الوحده صارن اتلاثه
والمسوليه كله براسه صارت
يعني شكد مااحجيلكم ضروف صعبه ماتصدكون
رجعت تشتغل وكطعت اجازت الولاده
بعد سنتين رجعت بيبي تلح على الولد الولد ؤياطلابة الولد
هو ابوي احنا شمحصلين منه
شمستفادبن من وجوده
كلهم يحجون عليه بيبي وجدي وبابا
اضطرت تحمل للمره الرابعه
وهلمره اجيت اني للدنيا ولله لو ادري هاي عائلتي
فلا اجيت
امي سمتني دنيا هلكد مالدنيا قاسيه عليه
وهنا الحرب انتقلت الى مستوى اكبر ابوي يدخل ويطلع بس يتعارك ويه امي
وبيبيتي تعيره بلرايحه والجايه
جمانه السعيدي
هلمره بيبي رفضت نبقى يمه
بناتج اني بعد مااتحمل مسوليتهن شوفيلج مكان وخليهم بي
وقررت ادور الابنه على مره
اجيب ولد عبالك النسوان اكو جيب ولد واكو اجيب بنات
ماتعرف كله رزق رب العالمين
ايجوز البنيه احسن من الولد
اختى ايمان استحقت مدرسه وامي سجلته بنفس مدرسته
وغفران تاخذه للروضة
الروضه بصف المدرسه الي اداوم بيه امي
اما اني وسميه تأخذنا وياها للمدرسه
سبحان الله حنن كلب كادر المدرسه كله عليه من سمع بضروفه
العاملات الي وياها كانت يشتغلن بمكانه
والمعلمات يخلني بالاداره يمهن لان اني بعدني زغيره
عمري اشهر
وهم راتب امي شويه زاد لان صار عدها خدمه
هنا بيبي قررت ادور زوجه البابا
بس الضروف حكمت عليه وجدي مات
وصحة بيبي ادهورت حيل
وماتكدر مثل قبل
هنا المسوليه على ماما كبرت
لازم ترجع تنضف وتطبخ وتقري ايمان
وتغسل الملابس
قررت خلاص بعد لا بنيه ولا ولد كافي لهنا وكافي
واذا يريد يزوج بابا خل يزوج
اصلا هي شمحصله منه
جمانه السعيدي
على كولي المثل المصري
الي اخذته الكرعه تاخذه ام الشعور
هي امي شمحصله منه
وتخاف لا يزوج
بس شي واحد زين البيت ملك وامي ماتدفع إيجار ابد
الحمد لله على هاي
ابوي كان جاحد فد مره لا حزن على ابو ولا تأثر بمرض امه
بس مو غريبه على ابد
اذا احنه بناته ماحن كلبه علينه
كلما يدخل للبيت يتعارك ويه امي واحنا يضربنا باي شي
اني وخواتي ابد ماكنا نحبه
واذا اكول نكرهه ابد ماابالغ ماعنده انسانيه
ولا ذرة حنيه بكلبه
ويوم اسوء من يوم مستحيل يمر يوم مايتعارك ويانه
ومحملنه منيه على شنو ماادري
كلما البنات بلمدرسه يسولفن على آبائهم اتحسر
لو اشوف وحده ابوها يوصله
لو ينطيه مصرف لو يحضنه ويبوسه
اتحسر ياربي هذا العدنا شنو من بشر
من شنو مخلوق هذا
