رواية ابن عمي الغريب الفصل الاول
صفيه متنفعكش يا غريب انا هجوزها لولد عمك صالح الاسبوع الجاي يعني من هنه ورايح تعتبرها اختك والموضوع ده تقفل عليه
غريب احتدت عنيه بغضب وقال ...اخت مين يا جدي صفيه عمرها ماكانت اختي ولا هتكون...صفيه مرتي من يوم ما اتكتب اسمها في شهادة ميلادها ..وكل الكفر عارف انها ليا
جده ضرب العصايه في الارض بغضب وقال..ليك كيف يعني لتكون اشتريتها بمال ابوك...اسمع يا غريب انت حفيدي كيف ما صفيه وصالح احفادي كلكم عندي واحد..بس انا بفكر بعقلي...وعارف ان صفيه متناسبكش
قال بغضب...متناسبنيش ليه يعني..ليه يا جدي..انا ايه ينقصني علشان تعمل معايا كده ده انا ربيتها على كتافي ..محدش تعب معاها قدي
جده اتنهد وقال.. صفيه يا ولدي يتيمه ملحقتش تتهنى بابوها اللي مات من صغرها وسبهالي حتت لحمه حمره ده حتى امها ماتت في ولادتها ومشافتهاش...وبقيت مسأول عنها والبت مطيقاكش وبتخاف منيك...ده غير انك اكبر منها كيف ما قولت انت مربيها على كتافك...وكل ده كوم وحكاية علامك اللي مككملتهوش كوم تاني البت مجتهده ورايده تبقى دكتوره وسبب موافقتها على صالح انو كمل علامه وبقى محامي وليه مركذه...انا قولتلك كل حاجه بصراحه اها ومخبيتش عنيك..همل الموضوع ده يا ولدي بقى كل شيئ نصيب وافرحلهم دول كيف اخواتك
غمض عنيه بوجع شديد وبصلو بغضب مكبوت وقال...حاضر يا جدي ..هفرحلهم...اكيد هفرحلهم
مقالش غير الجمله دي وطلع وهو بيضرب الارض برجليه بغضب شديد
بقلم...زهرة الربيع
لسه هيركب عربيته شاف شاب في العشرين نازل من عربيته
غريب اتقدم عليه ومسكه من هدومه وقال بغضب...انت قد العمله دي..قدها يا صالح
صالح اتنهد بضيق وقال....كل شيئ نصيب يا غريب..وصفيه نفسها عايزه اكده...خلصنا بقى
بس غريب شدد من قبضتو ليه وبص لعيونه بحده وقال بغضب يحرق الكون...انت اللي اخترت يا صالح..انت اللي بديت خليك فاكر
ودفعو بغضب ولسه هيمشي شافها واقفه في البلكونه بنت جميله بملامح رقيقه في سن 18 لابسه خمار طويل غريب بصلها بغضب شديد وووجع اشد
صفيه اول ما بصلها بلعت ريقها بخوف ودخلت بسرعه وقفلت البلكون بتوتر
عدى اسبوع كامل وغريب مكانش يرجع السرايا
وكان صالح وجده مشغولين في تجهيزات الفرح لحد ما جية اليوم الموعود وكان فرح كبير بحضور كل اعيان البلد وكل شيئ كان منسق وجميل والناس مبسوطه وبيضربو النار وكل شيئ شبة مثالي
جدهم كان كل شويه يتصل بغريب بس تليفونه مقفول اتنهد بخنقه منه ولسه هيطلع عند صفيه غريب قال..مبروك يا حج عيسى
جده ابتسم بسعاده وقال..غريب..انا كنت متاكد اني مههونش عليك ومهتسبنيش لوحدي
غريب ابتسم بسخريه وقال..لا ازاي ودي تاجي بردك محضرش جواز اختي...طب ومين يشهد على العقد
جده ارتبك من كلامه وغريب قال..امال العريس فين خلينا نباركلو
جده ابتسم وقال..راح هو وواحد من الخدم يجيبو المأذون وجايين
غريب ابتسم وقال ..اممم..المأذون..ربنا يتمها على خير
طيب نستناه
وقعد على الكرسي وجده قلق جدا وبقى يتصل بصالح بس مكانش بيرد عليه
بص لغريب وقال...معارفش ليه صالخ اتأخر و
بس قطع كلامه لما دخل واحد من الخدم وهدومه كلها دم وقال بزعر ..عيسى بيه..الحقنا يا عيسى بيه
عيسى قلبو وقع في رجليه من منظره والراجل قال برعب...صالح بيه ..صالح بيه اتقتل
عيسى كان هيقع من طوله ووووووو
