رواية نوارة بنت العمدة الفصل الاول
انا بت العمده اتجوز ولد غفير حدانا كيف ترضهالي دي يا ابوي كيف يعني
ابوها قال بغضب ..اكتمي بقى ليكي عين تنطقيي بعد عملتك المهببه دلوك بقى ولد الغفير بعد ما دخلتيه اوضتك…. ولا علشان مدفنتكش في أرضك هتفكريني عديتها..لا لازم تعرفي اني سكت لجل محدش يعرف وسيرتنا تبقى على كل لسان..ولجل اخواتك البنات ما يتجوزو واخوكي يفضل رافع راسو لاني حتى لو دبحتك هتفضل سيرتك الوسخه على لسان اللي يسوى واللي ميسواش
نواره قالت بدموع يا بوي حرام عليك اسمعني مره واحده بقولك والله ده عمل أكده لجل يتجوزني ومفيش حاجه حصلت بينا …يا مراري يا اما افهمكم كيف
قال بغضب ولا تفهميني ولا افهمك..تغوري على اوضتك تتقبري فيها لحد يوم فرحك وادعي من ربك محدش يدرى خصوصا هريدي اخوكي غوري
نواره جريت على اوضتها وهيه بتبكي جامد
واول ما دخلت اوضتها اترمت على السرير وبقت تبكي بحزن
بس سكتت لما سمعت صوت من البلكون راحت فتحت واتفاجأت بشاب في العشرينات بملامح جميله وجلابيه قديمه شويه دخل وقال بابتسامه…مساء الياسمين على العيون المكحلين
بقلم…زهرة الربيع
نواره بصتلو بغضب شديد وقالت..مساء الطين عليك وعلى دماغك …انت ليك عين تيجي بعد الفضيحه اللي عملتهالي غور من هينه مطيقاش خلقتك
ابتسم وقال..ده كلام يا بت العمده بعد كل اللي بنا تخلي بيا وتقولي كده
نواره قالت بزهول من كلامه..اخلى بيك ليه في الشهر الكام يا شبه قولي متتكسفيش هنلاقولها صرفه ان شاء الله
ضحك بخفه وشدها عليه وقال…ملهاش صرفه غير انك تتستري عليا ما تتستري عليا يا بت ده الستر من الله
نواره دفعتو بغضب وقالت….تتستر في مترين ابيض فى ابيض يا بعيد
علام اتنهد وبقى يتمشى في الاوضه ووقف قدام التسريحه بتاعتها وبقى يشم البرفن بتاعها وقال….كل حاجه في اوضتك ناعمه زيك
قربت منو بغضب وقالت…سيب من يدك متشلنيش
علام اخد قلم روج وقال..ده بتحطي منو على شفايفك…يا ابووي حطي منو كده..وقرب وقال…ولا احطلك انا
نواره بعدت عنه بضيق وهو ضحك وحط الروج في جيبه وقال…هاخده ذكرى منك هخليه لحد ما نتجوز
قالت بضيق شديد…يارب صبرني اسمع يا جدع انت انا مش هتجوزك لو كنت اخر واحد في البلد ولو منزلتش قلت لأبوي على اللي عملتو وفضيت الجوازه دي انا هولع في نفسي وارتاح منك يا علام
تحت كان ابوها قاعد ودخل شاب وقال بغضب شديد… صوح اللي اسمعته ده يا ابوي صوح بتك الفاجره غواها ولد الغفير والله لاطلع نعشها الليله
ابوه قال بزهول وقلق ..انت.. انت عرفت كيف مين كمان عرف بالموضوع يا هريدي
هريدي قال بغضب .. متخافش يا ايوي انا عرفت من سعديه الخدامه انا اللي قايلها تديني الاخبار وسكتها وهتتكلمش……فاضل بس اغسل عاري وادفن الخاطيه بتك باديا و بعدها محدش هيدري بحاجه
عند علام فوق قال باستغراب..يعني تولعي في نفسك احسن ما تتجوزيني يا نواره ليه يا بت ده انا شاري
نواره قالت بغضب وانت حيلتك ايه تشتري بيه يا معفن
علام قال بغضب ..بقولك ايه طولة لسان مش عايز لمي نفسك واعرفي اني هتكرم واتجوزك ومن غيري هتتجرسي انتي وأهلك…ولا تحبي اقولهم على اللي باجي اعملو وياكي كل ليله
نواره لسه هتتكلم اتصدمت بصوت اخوها قريب من الاوضه وبيقول..بغضب هملني يا ابوي شنبي ده يبقى على مره لو ما باتت في قبرها الخاطيه الفاجره وووو
