رواية من القاتل كامله جميع الفصول بقلم جمانه السعيدي
اني ام عراقيه حالي حال كل الأمهات الي واجهن صعوبات الحياة
بضل الضروف الصعبه الي مر بيها العراق
من حروب وحصار
عندي ولد وبنيه الولد اسمه معتصم هو الجبير
والبنيه اسمها ايه
هما ذوله الي طلعت بيهم من هاي الدنيا
ابوهم مات وعافهم اليه بوقت صعب
اشتغلت كلشي حتى نعيش اني وياهم
وما نحتاج احد
خبزت للعالم بلاجره واشتغل ليف بس حتى اخليهم ما محتاجين احد
عدهم عمام وخوال بس الوضع صعب مومال واحد يتكفل بواحد
كلمن عندا مسؤليه وعائله محتار بزمانه
اني ما منتضره احد يساعدني منتضره الفرج من رب العالمين
والنعم بلله ابد ماعافني وحدي دائما رازقني ومكفيني
عن الطلب من الناس
عندي قناعه مو طبيعيه وعلمت جهالي على القناعه
اي شي موجود بلبيت ناكل ونكول الحمد لله
ابد ماشكيت الاحد حامده ربي وشاكره على نعمة الستر
والرزق
الحمد لله بيتنا ملك صح شويه قديم وزغير
بس المهم ساكنين وماندفع اجار
يعني هذا لطف من رب العالمين لو اني ادفع اجار
وياا هذا المصرف جان الله اعلم شصار بحالي
صح بيتنا قديم وشويه نازل عن الشارع
من تمطر الدنيا نفيض ومرات يخر علينا
بس ميخالف منتضره جهالي يكبرون وإنشاء الله نغير كلشي
اتقدمولي كم واحد للزواج
بس رفضت مااكدر ادخل رجال غريب عليهم
الناس كامت ما تنحزر اني احب اطفالي ومااريد يدخل عليهم احد ويدمر حياتهم
بعدين اني ليش ازوج العيشه ورب العالمين مدبرها
وبيت عندي
بعد ليش اجازف هيج مجازفه
كنت ارفض كل واحد يتقدملي
بعدين كل الي تقدمولي مزوجين وعدهم عوائل يريد يزوجني بيتي وعلى جهالي
يعني مراح يقدملي شي غير المصرف
رب العالمين متكفل بعيشتنا ليش اتعب نفسي وادخل صراعات ما تنتهي علمود شنو رجال موجود بلبيت
جمانه السعيدي
معتصم شاطر بلمدرسه بس ايه اشطر منه ماشاء الله ذكيه بشكل مو معقول كل سنه تطلع الاولى
شطاره وذكاء وجمال
من كبرو شويه كبرت وياهم طلباتهم والمسؤليه عليه كثرت
موطلبات ترفيهيه لا طلبات ضروريه
بديت ادور شغل احسن
دخلت دورة خياطه وبديت اخيط جانت ايه تساعدني
بافكارها الحلوه بلبدايه ماكان عندي زبائن هواي
وما طلعت من الخياط بشي
بس شويه شويه بدت الناس تعرفني وتجي عليه من
كل مكان ووضعنا صار احسن بهواي
من قبل كل هذا بفضل رب العالمين
كنت حريصه على أطفالي بشكل مو معقول
اخاف عليهم من الهوى
صح هم اخلاقهم حلوه وهم زغار مطيعين بشكل
ومهتمين بدراستهم
بس مع ذالك اني جنت مركزه وياهم مااريد احس نفسي مقصره بشي
بلنهار احاول اخلص شغل البيت وطلباتهم
وبليل ابقى كاعده للاذان اخيط
انام ساعتين واكعد حتى احضر الريوك ويرحون للمدرسه
شكد جنت تعبانه بشغلي
بس احمد الله واشكره كل يوم يمر علينا واحنا مستورين
وما ناقصنا شي
ايه جانت حيل مميزه حتى ما تعبتني حيل
هي من زغيره هيج ما تحب تلعب لو تطلع بلشارع
مخلصه وقتها كله بلدراسه
ماعدها غير صديقه وحده وهم مميزه مثله اسمه سمر
يتسابقن بلدرجات
منو تطلع درجات اعلى كل وقتها تقرا واذا مافهمت شي
تسئل عنه
وتبقى ادقق لحد ما تفهم شنو هذا الشي
معتصم لا يطلع ويلعب وياا الجهال
بس بعمره ماجابلي مشكله
بلعكس كل الجوارين يحبونه
واذا عدهم شغله يطلبون مساعدته
واذا عدهم امانه يدزونها باايده
كل الي يشوفني يكول الف رحمه على والديك على هاي التربيه الحلوه جمانه السعيدي
من تجي النسوان تخيط عندي يكول الناس كلها تحمد بيج
وابطفالج مربيتهم تربيه ماكو مثله
صدك انتي مره تعادل الف رجال
هذا الكلام يحفزني اكثر احافظ عليهم واحاول احميهم
اني علاقتي بعيالي سطحيه يعني على كد ننجمع بالمناسبات فقط
اني كل وقتي مشغوله بين البيت والعمل
اما نسوان حمويني يردن أسير عليهن ونكعد نسولف ونضحك
ونحش بهذا وذاك
واعزمهن بيتي واخلي كدامهم الحلويات ولكرزات
اني صراحه احس أطفالي والفلوس الي احصلهن
ووقتي عائلتي اولى من الكل بهاي الفلوس والوقت والجهد
ماكنت اروح عليهم هواي اله مناسبه يله اروح وبسرعه ارجع
لهذا السبب كانت علاقتي بيهن سطحيه
هنا هم مايحبني لان مالتقي بيهن هواي
اني الصراحه هيج لقاءات مااحبها هواي
يكولن انتي متكبره وشايفه نفسج علينا
حاولت أبين الهن اني مشغوله بس مايقبلن يصدكن بيه
خليهن على رائيهن مايهمني كلامهن ماطول بعيدات عني
يعني لو اروح عليهن واصير مثلهن وتحت امرهن
بطلباتهن ووقتهن واخيط الهن ومااخذ أجره منهن لو اني موزينه
الأفضل اكون موزينه على أن اخلص وقتي بدون فائده
خليهن بعيدات عني افضل اليه
وصل معتصم للأول متوسط
ايه بوقتها بلخامس ابتدائي
بهاي الفتره توفت زوجت حماي الزغير
هي اصلا جانت مريضه من قبل
ماتت وعافت وراها ولد الولد اسمه عمار صف سادس ابتدائي
يعني عمره بين معتصم وبين ايه
طبعا اني كعدت بلفاتحه ٣ ايام عايفه بيتي وشغلي
وكاعده بيت عيالي
لان مايصير اعوفهم بهيج مناسبه
واديت واجبي على أكمل وجه من خلصت الفاتحه رجعت البيتي
جمانه السعيدي
بلبدايه الكل كان مهتم بعمار
خطيه زغير انحرم من امه ووين ما يروح
الكل يرحب بي ويحاول يساعده
هذا يشتريله ملابس وهذا يجيبله حلويات
خاصه ابو كان عسكري يغيب عن البيت بلاسبوع او اكثر
حتى احنا هم جان يجي علينا شويه يلعب ويا معتصم
واني انطي مصرف حاله حال جهالي
اشتريت تراك المعتصم واشتريتله وياي
بقا هذا الطفل من بيت البيت لمدت سنه كامله
وهو ضايع بين البيوت
رسب هاي السنه وبقا بنفس الصف
لان محد مهتم بي لو يقري وهو جان صف سادس ابتدائي
رسب وبقا بنفس الصف
راحت المعزه والاهتمام وبدو عمامه و زوجاتهم يضايقون منه
محد يريده الكل كاره وجوده
رغم هو زين مو كلش وكح
بدو عمامه يلحون على ابو يزوج
حتى ابنه يستقر وهو هم يستقر ويااا
حتى ابو عمار هم مشلوع كلبه
محد يطبخله ولا يغسل ملابسه مرات ياكل بيت اخو
مرات يجيب صمون وبيض وياكل
ملابسه يغسلهن بايده
ابو عمار كان ماخذ الطابق الثاني وكاعد بي هو اصلا من ازوج ازوج فوك
بدن الحبايب يدورن مره الابو عمار حتى يزوج والكل يخلص من مسؤليته ومسؤولية ابنه
جمانه مرحبا
خطبوله بنيه عمرها جبير وما مزوجه
من أتقدم الها ابو عمار شرط عليها ابنه يكون ويااا
وتعامله معامله حلوه
البنيه لان مامصدكه راح تزوج وتسكن وحدها
كالت اني اخلي بعيوني وابد مراح اقصر وياااا
راحن نسوان حماي واخته وياا وخطبوها
وتم الزواج على خير اني كل هاي التفاصيل مااعرفها
بيوم العرس يله عزموني
تفاجئت من خبر الزواج صح اعرف هم جاي يدورون على مره عمار حجالي مو هنا الي حجن
لان اني مالتقي بيهن
رحت بيوم العرس البيت عيالي وبقيت انتضر الزفه لمن اجت انطيت واجب للعروس وطلعت
لان ماكدر ارجع عليها مره ثانيه ماعندي وقت للروحه والجيه
الخياط والبيت ماخذ كل وقتي
بليلتها معتصم صمم ناخذ عمار يبات عدنا
ونعوف البيت الابو وثاني يوم يرجع
أخذنا عمار بات يمنا بيتنا وثاني يوم اتريك الصبح ورجع البيت عيالي
