رواية زواج إنقاذ الفصل العاشر بقلم جمانه السعيدي
تريكنا وبدلنا وطلعنا هي لبست نفتوف جوزي وستره كابوي قصيره وشال سمائي مشجر بس الشال عليها يخبل
بلسياره خابرت الوالد كتله احنا جايين بلطريق
بنص الطريق وكف السايق ونزلت جبتله مي وعصير
كل مره احس الطريق كلش طويل وممل
بس هلمره احس وصلنا بسرعه
وصلنا للبيت احنا عدنا جلب تكرمون مربينه بس يشوف واحد غريب يكوم ينبح علي
احنا وصلنا وهو اجانا يركض من شاف شمس وكام ينبح
وهي عقلها طار تكمز وتركض ودور عليه
وهو يركض وراها
وهي تصرخ وتصيح ياس اللحكلي
المشكله اني من الضحك على منضره وهي خايفه وتكمز
ما اكدر ابعده
اريد اسكت وابعدا عنها ماكو
ذبيت الجنطه واضحك
وهي تصيح فدوه ياس راح يعضني
من صوت صريخه ونبح الجلب طلعو اهلي
وطردو واني بعدني اضحك
شمس ولله واكف وتضحك هاي شبيك راد ياكلني
ياس والج راح اموت من الضحك
جمانه السعيدي
ابو ياس هله بويه هله بيكم
تقدم وسلم على ياس وبعدين تقدملي وحضني حيل وكال
.ابو ياس ..هله بريحة العزيز الغالي
شمس ساعته دمعت عيني حسيت بحنان وحب موطبيعي
دخلنا للبيت
بيتهم حلو وجبير
اجن البنات سلمن عليه وبعدين اجت ام ياس
حسيته ما مرتاحه الوجودي
وبعدين اجو جهال صلاح وياس شابكهم ويبوس بيهم
دخلوني للغرفه وكعدن البنات يسولفن عليه
وعمي صاح حضرو الغدا بسرعه اكيد جوعانيين
بلبدايه حسيت شويه بغربه لان مامتعوده عليهم
بس وجود ياس وياي طمني
كلساع يلتفت عليه ويسوي حركه تضحكني
كعدنا نتغدا واني كعدت بين عمي وياس
ياس فضحني يجيب لحم ويخلي كدامي ويكول اكلي لاتستحين
وحنا نتغدا اجا صلاح وسلم عليه
جان يكول ما ادري عندي هيج بت عم حلوه
مرته كلش ضاجت
تدرون حقها لو اني بمكانها ازعل علي شني يغازل وحده كدامها
جمانه السعيدي
كملنا اكل وجابو الجاي
مرت عمي حست اكو شي بيني وبين ياس
لان هو مبين فرحان بيه وحاير وين اكعد وشلون اكل
وهي مبينه مو هينه
كعدت كبالي تشرب جاي جان تكول
.....يوم الك وليدي ياس ونفرح بيك
هو باوع عليه وبتسم وكال الله كريم
....او ليش تاجل احنا بيها بت عمك ايمان تنتضرك
وهي فرحه فرحه وخلي هسه نعقد الكم
..ياس .يمه شني السالفه انتي ناصبتلي كمين يازواج يابطيخ
ميت مره كتلج من اخلص دراسه الله كريم
شمس ما اعرف ليش ضجت من كلام امه وجنت اباوع علي ومنتضره رده
يمه بس كلام وهيج ضجت لو عافني وزوج شلون
ساعته عرفت وتاكدت اني احبه
بس كاعده اكابر جنت معتقده هذا تعود
بس هسه تاكدت هذا حب
جمانه السعيدي
كام ياس وكال اريد ابدل وارتاح وشمس هم خل ياخذنها البنات ترتاح بغرفتهن
حسيته راد ينهي الموقف خاف امه ازيد بلكلام اكثر
رحت ويا البنات الغرفتهن وكعدن يسولفن وياي
وبعدين نزعت الشال
جان يتعجبن على شعري ولونه
نور اخت ياس انتي لو يمنه وهذا جمالج جان ازوجتي من زمان وهسه فد اربعه خمسه جهال وراج
شمس....يمه يااا تحجين صدوك يمعوده بعدني زغيره ويني وين الزواج اتخرج بلاول واتعين وبعدين ازوج
راسا ياس اجا ورانا للغرفه
سمعت طاري زواج مني هاي تريد تزوج
نور.. .شمس
جان يباوعلي صفح تردين تزوجين
شمس لا ما ازوج مامستعجله لمن الكه الشخص المناسب
ياس انشاء الله تلكي يجوز كدامج وماتشوفي
نور ترحين ويانا للصالون
شمس مايحتاج اني اعرف ارتب نفسي
ياس تعاي خل اشوفج البستان مالتنه
طلعنا نتمشى اني ويا وامه شافتنه وخزرتني
بستانهم حلو وجبير
ما ادري ليش اجاني احساس اريد اركض بي
شمس ياس يصير اركض
ياس...اكيد اركضي بكيفج
كمت اركض واضحك وهو يركض وياي
شمس ياس يخبل بستانكم حسيت براحه نفسيه عجيبه
ايمان سمعت ياس اجه واجت تشوفه
نور شلونج هله بهل طير اعرف سمعتي ياس اجه واجيتي تركضين ماتجينا يوميه
....اسكتي كلبي طك علي صار اكثر من شهر ماشايفته
وينه الله عليج خل اشوفه
...طلع للبستان هو وشمس
...شمس منووووو
...شمس بت عمي احمد ولج اسكتي شمس واسمها عليها
تخبل
...وهي اجت وياااا
...اي اجت ويااا
شعدها جايه وشذكرها بينا
....اجت علمود المهر
....راح اروح وراهم اشوفهم شيسون
...دكعدي هسه يرجعون
...لا اريد اروح وراهم
بلبستان فحطنا من الركض وكعدنا نسوالف
ياس شموسه معليج باي كلام تسمعي لاتصدكين بي
اسمعي مني وبس
..كلام مثل شنوو
...اي شي لاتصدكين الشي الوحيد الي اريدج تصدكي
اني احبج ومستحيل ارتبط بوحده غيرج
شويه وسمعنا صوت ورانا
ياس ياس التفتنا بنيه حلوه جنها هنديه جايه علينا
بس شكلها ضايجه كولش
ياس هلو امونه شلونج
ايمان...بخير اذا انت بخير
ياس...عساج دوم انشاء الله اعرفج بت عمج احمد شمس
ايمان...اهلا وسهلا
شمس هله بيج
ياس...يله خل نرجع للبيت اني تعبان اريد استراح
مشت ايمان كدامنه واني لزمت ايده وقربت علي وكتله
...هاي خطيبتك حلوووه ماشاء الله ماصبرت اجت ورانا تركض
التفت علي ياس وابتسم يمه فدوه للغياره
...عشتو وعلى شنو اغار
ايمان حست بينا نحجي التفتت علينا واجت صارت بصفنا
حتى تسمعنا شنحجي
وصلنا للبيت واني رحت بغرفت البنات بدلت لبست دشداشه
وتمددت
جمانه السعيدي
كعدت افكر
لو قبل شهر واحد حاجيلي هاي الاحداث الي صارت وياي
جان ضحكت علي ولا ابالي ابد ياس ولا اهله
ولامفكره بعمري اجي للناصريه
يلله كل الي يجي من رب العالمين حلووووو
كعدت المغرب ورحت ويه البنات اساعدهن
هنا ما قبلن بس اني كتلهن اسوي الزلاطه
كعدت اثرم يمكن عشر مرات اجا ياس للمطبخ
وبحجت ياخذ خيار يتحرش بيه
اتعشينا وساعدت البنات بلمطبخ بعدين اجو بيت عمو مهدي كلهم ورجعت اجت ايمان وياهم
اجا ابن عمو مهدي وياهم
ازغر مني بسنه بس اكلني اكل بعيونه
وياس حسيته مامرتاح الهاي النضرات وياشرلي كومي اطلعي
اجا محمد ابن عمو مهدي كعد قريب عليه وبدا يحجي وياي
طبعا كلها تسولف ومخبوصه بتحضيرات المهر
محمد شلونج بت عمي
شمس اهلا وسهلا
محمد تدرسين
شمس كليه اداب مرحله أولى قسم انكليزي
محمد ماشاء الله ما اعرف عندي هيج بت عم حلوه
شمس تسلم عيونك حلووه
محمد ولله احجي صدك
شمس ابتسمت
ياس التفتت شفت محمد لازك الها ويسولف ويضحك
كمت ااشرلها كومي
وهي ولاعبالك يمي
دمي كام يفور ماخذه راحتها ووهو جنه ماشايف
عايف كل الناس الكاعده ولازك الها
ياربي اكتب عليها ملكيه خاصه شلون بيه
اكو كدامي جاي خليت اصبعي بي بارد شلته ورحت عليهم
بس وصلت يمها سويت نفسي عثرت وكلبته عليها
هي كمزت عبالها حار
كالت هاي شسويت
اني خنزرت عليها وكتلها ما ادري بيج احتركتي
شمس لا مو حار
البنات اجن يمها خوما حار واحتركتي
شمس لا مو حار راح اروح ابدل
رحت بغرفة البنات بدلت وراسا اجاني مسج فتحته من ياس
ياس ابقي بلغرفه لا اطلعبن هلمره الجاي بارد
مرت الأخ اذا ااشرلج ومآ تكومين
اشمر عليج جاي حار فهمتي شعندج كاعده تتمضحكين ويه محمد واني جني ما موجود
شمس قريته وكمت اضحك هذا مخبل رسمي شكد يغار
