رواية صغيرتي كالشمس الفصل العاشر بقلم ام البنات
فنن...من شافوني اهلي محجيت شي بس كتلهم ممرتاحه بعدين امي كامت تبجي شلعتي كلبي احجيلنه شصار
كتله راح احجي بس تحلفين متكولين لا ابويه
حجيتلها من يوم الزوجنه لحد هذا اليوم كامت تبجي
الام....كله من وره ابوج علمو تكملين دراستج قبلنه تاليتج نظلمتي ....لازم احجي لا ابوج بس مراح اكله انتي بعدج بنيه
فنن....يمه لا اصير مشاكل مالي خلك
الام....لازم يعرف عدج اهله وبضهرج شنو تايها
فنن....امي كالت لا ابويه واخوتي تخبلو وكالبو الدنيا كالو مترجع ابد ورجعت لدوامي كمت اداوم ميثم يوديني ويجيبني.....
بيوم نزلت اروح للدوام لكيت ميثم كلي راح اوصلج بس انتي ترجعين عدي شغل كتله اي ماعدي شي
سلام....فنن ادوام كمت اروح يم المدرسه انتضرها تطلع ميثم يوديها ويرجعها هذاك اليوم رجعت وحدها...
فتت من يمها دكيت الها هورن مندرات مشت سريع وعافاتني
فنن...واحد ورايه يدكلي هورن خفت حيييل كمت امشي سريع واقره ايات متت من الخوف دخلت للفرع حتى يبعد عني مشيت سريع شفته ملحكني ارتاحيت....دا مشي جان تطبك يمي السياره واني كمت اركض بدون ما اباوع عليه الخوف عماني ...جان يجرني
سلام....شبيج فنن هيج اني اخوف
فنن...من شفته سلام جيتت بحظنه وكمت ابجي
سلام...شبيج شبيج شنو القصه
فنن....خفت حيل معبالي انت
سلام...كافي حبيبي لاتبجي اني يمج ميصير شي لاتخافين
فنن....اريد ارجع للبيت
سلام...امشي اني اوصلج
فنن خاف ابويه يشوفك وتصير مشكله
سلام....اني اريد اشوفه فنن رجعيلي تعبت بدونج مشتاقلج حيل البيت وحشه بدونج يخنك حتى مصطفى واحمد كامو ميلتمون ومصطفى بس كاعد بغرفته البيت كله يخنك بدونج..احس الهوه يخنكني بغيابج احبج وتعبت من حبج تعبت واني اكابر تعبت من الجفه مشتاق لعيونج لضحكتج سوالفج ودهرتج مشتاق اصبح بيج وانتي جنج شمس تضوين انتي شمسي الي اصبح بيها وانتي ضحكتي الراحت بغيابج رجعي ورحمي بحالي
فنن...غيابك تعبني بس قربك تعبني اكثر ما ادري شبيه من يوم العرفتك لليوم واني تعبانه لاقربك ريحني ولا بعدك ريحني
سلام...رجعي وعد مني متنزل دمعتج وعد مني لو اموت ما اخلي احد يمسج بكلمه
فنن...وكرامتي الراحت كدام الناس واصدقائك واخوتك واهلك
سلام...والله مو رجال اذا ماردلج كرامتج
فنن....خلي افكر كم يوم والله كريم ...وصلني يم البيت وروح ماريد ابويه يشوفك تكبر المشكله ...وصلني وراح
سلام....من رجعت رحت للكليه كمت اداوم على كد المحاضرات الضروريه حتى لا اشوف مها ...
بليل كاعد صافن افكر بعيون فنونه دزيتلها رساله
(اشتقت اليك حد الوجع💔)
فنن رجعت دزيتلج(ليتك مثل باقي الناس عادي غيابك)
سلام...مشتاقلج ياروح الروح
فنن...كمت ابجي ليش ربي حبيته رغم ماشفت وياه سعاده ليش حبيته وليش من تحسنت علاقتنه هيج صار ليش هو صار قسمتي سلام وصار عليه انتقام اووووف محسيت على نفسي غفيت من البجي ....
مها....سلام كام ميداوم هواي ودزيت جماعه جابولي عنوان مرته وعرفة هي كاعده اداوم بلمدرسه كلت اي هاي فرصه .....ادز عليها واحد
فنن...رحت للمدرسه وكمت ارجع اني وصديقاتي نص الطريق بيتهم واني اكمل الباقي وجنت اكيف من يطلع شغل لميثم اكول بلكي يجي سلام اشوفه...ومره راجعه ولحكتني سياره كلت يمكن سلام ندارين واشوف ولد ثنين اكلوني بعيونهم اني كمت اركض بشارع كسرو عليه السياره وكامو يجرون بيه كمت اعيط وابجي الخوف كتلني اريد احد يخلصني يردون يصعدوني بسياره....سلااام ميثم لحكولي
سلام....يوميه اروح وره فنن ابقه امشي لحد متوصل للبيت كمت ما اتقرب حتى لا اضوجها اكول خلي تشتاقلي واليوم تاخرت عليها شويه وصلت للمدرسه لكيتهم طالعين كلت الحكها من نفس الطريق الي تروح منه للبيت
فنن....اني ناعمه وهمه ثنين وضخمين واحد كاعد بسياره والثاني شالني يريد يذبني بسياره كمت اكمز اروفس اضرب ماريد ادخل للسياره
سلام ...فتت للفرع وشفت سياره واحد شايل فنن يريد يخليها بسياره وهيه مفرفحه تكمز تريد بس تخلص روحها
عفت السياره بنص الشارع وطلعت المسدس وركض عليهم واني اصيح ذبو فنن بلكاع وطلعو بقيت اضرب عليهم بس ملحكت بيهم طلعو الناس وركض على فنن شلتها ترجف خليتها بسياره وغسلتلها واخذتها للسوبر ماركت اشتريت نستله وعصير كوه وكلتها ترجف
حضنتني وكامت تبجي
سلام...كافي حبيبي لاتخافين ماكو شي اني يمج
فنن...ابقه يمي لو انت ماكو شسوي
سلام...لاخر نفس بيه ابقه يمج لو يموتوني ما اعوفج واليوم اجي اني وابويه ناخذج ما اكدر بعد اخليج واني اوديج واجيبج للدوام لو اعرف اعوف الكليه
سجاد....بلكليه اجتني نسرين
نسرين...سجاد عفيه اريد اكولك شي بس تحلف متكول اني كتلك
سجاد....شكو احجي شصاير
نسرين....والله اني مالي علاقه بس مها مؤذيه حيل متوقتها هيج اسوي وهسه خايفه ما اعرف شسوي
سجاد....احجي شبيها شسوت
نسرين..مها اتفقت وي ولد يخطفون زوجة سلام
سجاد...شنو
نسرين ...اسمعني اليوم سمعتها تحجي بتلفون تكلهم دوامها صبحي من تطلع تاخذونها وسلام يكون بدوام هيج وكت وووو
سجاد...لا اضلين تمتمتين احجي فضيها
نسرين...تكلهم سو بيها الي تردونه وذبوها
سجاد..شنو تخبلت هاي النوب عصابات انعل ابوكم من نسوان غظب الله على روسكم
نسرين...والله اني معليه
سجاد....وخري من كدامي لا اموتج والله
نسرين....بس اسمعني
سجاد.. كتلج وخري خلي الحك على هاي المسكين وبعدين اصرف وياكم
سلام...دك تلفوني...ها سجاد
سجاد....انت وين
سلام...ليش شكو
سجاد...احجي فضها وين انت اليوم هم شايف فنن
سلام...اي فنن هياتها يمي شكو
سجاد...اي الحمد الله دير بالكم واخذها وديها للبيت واني جايكم
سلام....سجاد لاتلعب باعصابي احجي شصاير
سجاد....حجيتلها الي كالته نسرين
سلام...يعني مها ور السالفه
سجاد....ليش شصار وياكم
سلام....الي صار صدفه فتت لكيت جماعه ديخطفون فنن بلحظه لوما ربك ستر جان راحت
سجاد...هذوله يخوفون وديها للبيت وتعال نشوف شلون نصرف
سلام....اني اعرف اصرف
سجاد....لا اضيع حقك بلعصبيه
سلام...سجاد بعده يحجي اخذت فنن وديتها لا اهلها ونزلت على امها كتلها خاله اليوم جايين اني واهلي نرجع فنن وبشروطها والي تريده والي تردونه انتو عفتهم وطلعت
لحكتني فنن
فنن....فدوه لعينك وين رايح شكلك سجاد
سلام....طبي جوه ماكو شي
فنن...سلام الخاطري لاتتسرع اريدك الي ما اتحمل يصير بيك شي
سلام...لعيونج احمي نفسي
طلعت وخابرت سجاد ومصطفى واحمد وجوي ولد جماعتي رحنه على بيت مها وطبعاً مدخلنه نسرين بلموضوع لان ادري بسجاد يحبها
دكينه الباب طلعت امها كتلها صيحولنه رجال البيت صاحو طلع الاب حجيتله بتك هيج مسويه وهيج السالفه كلي شنو الي يثبت انتو جايين اتهمونها وبعدين انت ليش تلعب على بتي عرفت ابوها شاد كرون دفرت الباب ودخلن بعد ما اتحمل طلعت المسدس ودورت على مها لحد ملكيتها خاتله بلحمام
سلام....باعي لج ديتج عدي طلقه وحده براسج واخلص العالم من شرج
مها...والله ممسويه شي
سلام....سمعي دليني على هذوله الي وياج
مها محد ويايه
سلام...ضربتها بلمسدس على جتافها وكعت وكامت تون كتلها اكتلج خلاص اعترفت اخذت الولد وطلعت وخليت واحد من جماعتي يراقب بيتهم خاف تنهزم
رحنه على الولد وتعاركنه وصارت مضارب بشارع اخر شي طلعنه مسدسات جتي الشرطه كرفتنه كلنه بس اني خشمي نكسر ......فتحو تحقيق افتهمو شنو السالفه وهمه هم اعترفو كايلتلهم اطيكم سياره اذا صارت وازوجت سلام راحت الشرطه وجابت مها كدام العالم كلها
اني اخذوني كبل للمستشفى دخلوني عمليات لان خشمي نكسر كعدت لكيت اهلي كلهم يمي كتلهم جيبو فنن
الاب....البنيه متدري بيك
سلام....كتلكم جيبوها
ابني اصحه ونجيبها ميصير هيج
سلام...مصطفى خابرها كاعده تنتضرني كتلها اجي اخذج اليوم
مصطفى...اي صار لا يضل بالك اني اخابرها
فنن....ضل بالي ادك على سلام ماكو ادك على مصطفى واحمد محد يجاوبني تخربطت بعد ما اتحمل كافي هبطت الصبح النوب هسه سلام كلت راح مني اهلي يسكتون بيه يدكون على اهل سلام ماكو محد يجاوب كتلهم هسه تودوني اشوفه
زياد...فنن مصطفى دك على تلفون ابويه يكول ادك على تلفونج مجاوبين
فنن...وينه ما ادري وين ذبيت تلفوني اطيني مصطفى خابره
زياد...هاج هذا اخذي
مصطفى...ها فنن
فنن....ابوس ايدك كلي مابي شي
مصطفى...لاتخافين مابي شي
فنن...احلف بداعت كل عزيز وغالي
مصطفى...لج مابي شي والله بس ميكدر يجيج اليوم
فنن...وينه هو ليش مو هو خابرني ليش انت ليش ما اجه ال صاير بي شي فدوه احجي والله ما اتحمل
مصطفى...والله مابي شي بس تعاركنه ونكسر خشمه سويناله عمليه🤕😷
فنن....هسه اجي بيا مستشفى انتو
مصطفى...وين تجين ساعه وحده تالي اليل تخبلتي اني ابقه اخابرج كل شويه وهم اول تالي الصبح يطلعونه
فنن.....بقيت ابجي كله من ورايه بعد ما اداوم
الاب....لعد مو جنت اكلج لاداومين مقتنعتي هسه من وصلت السلام تبطلين
الام...دعوفها هيه بيا حال
فنن...بابا فدوه ودوني اشوفه
الاب...وين اوديج انتي مو زعلانه بعدين مو هذا الي تكولون جبرتوني عليه هسه مورمه عيونج بجي عليه
فنن....انتو جبرتوني عليه لا اجبروني اعوفه والله اموت
هذا رجلي ما اكدر ودوني
زياد....كافي حبيبي لاتبجين باجر نوديج ابويه يداهرج
فنن...للصبح معرفة النوم اريد بس الشمس تطلع اروح اشوفه كلبي نار عليه ساعه7خبصتهم يالله كومو ودوني
كوه كعدولل8ونص يالله ودوني رحنه لكينه سلام بعده مجايين بس عمو وخاله مصطفى بايت يمه خابرناهم راح نجي للمستشفى كالو احنه هسه طالعين
وره ساعه جوي
مصطفى...اكول سلام نطلع
سلام...اي والله اختنكت
مصطفى...عدي الك بشاره شتطيني
سلام....كلشي ما اطي ميجي من وراك خير
مصطفى...زين براحتك بس حبيت اكول خبر عن فنونه😌
سلام...لا بربك..احجي
مصطفى...مو تكلي ميجي من ورايه خير
سلام...خربيومك دحجي فتيت كلبي
مصطفى...ماكو شي بس حبيت اكلك الحبايب ينتضرونك بالبيت
سلام😃فنن رجعت
مصطفى...والله ما ادري رجعت لو لا بس هيه من البارحه مسكت تلفوني كل شويه تخابرني وهسه هيه بالبيت تنتضرنه
سلام...صخام بوجهك متحجي ...كوم ياله كومني اغسل
عدك ريحه بسياره؟؟؟
مصطفى...ولك بعرسك مسويتها
سلام...اسكت لاذكرني بعرسي🤦🏻♂️ كوم خلي نطلع...اطوني مسكنات وطلعت وصلنه لكيت فنن تنتضرنه شكد متاذي وعدي وجع وشكد ارتاحيت وفرحت من شفتها حبيبتي ركضت بحضني مثل الطفله تتلكه ابوها ولو هيه صدك طفله ...شكد فرحت بحضنها بقت تبجي
سلام...اش اش حبيبي كافي لاتبجي مابيه شي والله
فنن...شلون مابيك شي شوف وجهك
سلام...مشوه😧 ممباوع على روحي بلمرايه
فنن....ليش هيج تخوفني
سلام...فنونه ابوج راح يكتلني 😐
مصطفى...شاورت فنن لاتخافين العار ميموت😜😂
سلام...كعدنه نسولف بعدين ابوهاكام وكال الحمد الله على سلامتك
ابو زياد.. مشوفوف شر...يالله فنن
ابو سلام...شنو القصه وين فنن تبقه
ابو زياد...ابو سلام اني من اطيتها لعيونك وعدي ثقه بيك تره هيه مو زايده عليه وهسه هذا الحجي مو وكته
سلام...اباوع على فنن بقت واكفه بنصنه وتبجي محتاره سوده عليه تباوع عليه وعلى ابوها متدري شسوي
سلام....عمو مثل ما اجتكم فنن معززه مكرمه بس اطيب اجيكم اني والولد من رخصتك ناخذها مرتي واريدها
ابو زياد...كوم بسلامه والله كريم يالله فنن بايا من رخصتكم
سلام ..شاورت فنن حبيبي لاتبجي وديري بالج على نفسج كم يوم واني اجي اخذج
فنن.. حيضل بالي عليك بس تحتاج شي خابرني
سلام...سلامتج حبيبي ....راحو وصعدني مصطفى للغرفه انام اطاني الدوه ونمت ....للعصر كعدت مصطفى نايم بصفي
سلام...كوم كوم اطيني مي من خفت هالشوفه🙌🏻
مصطفى...وجعت ابويه شبيك حتى من مريض منخلص منك
سلام...بربك هو انت شايف شكلك بالمرايه هذا هم وجه واحد يفتح عينه عليه🙌🏻
مصطفى...هذا الوجه معاجبك ...زين عود كلت باجر امر اجيبلك فنونتك
سلام....اي بربك احسن شي اسوي هذا
مصطفى افكر هاك ازقنب مو ردت ماي.....
سلام...صعدت ام سجاد جايبه اكل امي متكدر تصعد...
اكل شفت مصطفى لازم تلفون وميت ضحك
متكلي وي منو تتراسل
مصطفى...وي مرت اخويه
سلام...منو منه
مصطفى....وي الضلعه ...
سلام......غير يحجي منو الغاز😐 ما اجه بالي فنن لان كله يصيحها فنونه
مصطفى....اوكف خلي اخابرها....الو ها هله بظلعه شلونج داومتي اليوم اي زين لا يضل بالج ميموت
سلام...يمه هاي الحب جريت مصطفى حطيت اذني يمه تكل عليك الله زين اكل شرب شي ...اشرتله لا كلها
مصطفى....يعني مو كلشي يكول لو يمي فنونه جان وكلتني.....
سلام...فرحت حيل حسيت شكد خايفه عليه عرفة شكد تحبني حمد الله وشكرته
مصطفى....برسائل اتفقت وي فنن باجر اجيبها بدون ميدري سلام ستاذنت من ابوها بعد ما طلع روحي🤢
جيتها وكتلها اصعدي ويايه
صعدنه سلام نايم كلتها اوكفي كدامه واني راح اكعده
مصطفى....سلام سلام اكعد اشرب الدوه
سلام...دروح عوفني
مصطفى...اذا متكو تتندم...سلام نايم وخلي ايده على عيونه من الصغر يتخبل من الضوه ولان نهار ضوه خفيف بلغرفه
فنن...لزمت خده كوم حبيبي
سلام...اوووف ياروحي وينج تكعدين بدل هذا البومه
فنن....تكوم لو اعوفك واروح😠
سلام...فتحت عيوني عبالي احلم بالبدايه بس صفنت هاي فنن 😧شجابج
فنن...اروح😑
سلام...شترحين مصدكين انتي...نداريت بصفي مصطفى دفرته من الجربايه متكلي شعدك هنا تعاي حبيبتي هنا بصفي ...بمكان مصطفى😜
مصطفى...لو ما اني متشوفها تطردني علمودها...بس اني عقلي جبير ومراح ازعل واطلع😜
سلام،....اطيني شي واحد يزعلك حتى اسوي واخلص من جهرتك
مصطفى...حالياً لو تموتني ما ازعل انت اخويه
سلام...من عمت عين هيج خوه 🙌🏻كوم مابيه حيل اصيح
فنن...تره دخت شكد اصيحون شكد تحجون كافي🙄
كوم يالله حبيبي خلي نتريك سوه
سلام...اريد اسبح
مصطفى...اسبحك خاف ادوخ
سلام...ليش اسبحني ماعدي مره
مصطفى...هيه وينها مرتك جنها عصفور من تتخربط وتوكع اطيرو تلزك بصابونه
سلام...معليك اكعد على الكرسي واسبح بعدين خشمي مكسور مو رجلي اريد تلزملي شي يغطي خشمي من الماي
فنن دخلنه للحمام خليتله الكرسي وحضرته وكاسرت الماي ودخلت ويايه دشداشه حتى لا تتنكع هدومي ...يالله حبيبي تعال...
سلام....مو اطلعين بهاي الدشداشه كدام اخوتي
فنن...ادري اني من زمان عدي ما البسها بس من انام
سلام....وشتلبسين من تنامين غيرها
فنن...عدي هواي اختنك من الثخينه
سلام....تذكرين المارونيه البستيها هذيج المره....تجنن جانت عليج😉
فنن ...كافي سوالف واكعد راح يخلص الماي
سلام كعدتني على الكرسي واني بقيت بشورت بقت لازمه الخاولي مغطيه خشمي ولازمه الدوش بيدها
فنن...الدوش من هذا الي يتحرك كمت ارشله ومغطيه خشمه وهو يغسل راسة
سلام...الماي يطفر على هدومها الدشداشه كام يكشف لبسها كتلها اطيني الصونده وجيبيلي الليفه
فنن...خلص من غسل راسه اطيته الصونده وجبت اليف اليفله ضهره هو يخض نفسه بس نكعني
سلام...كمت اتعمد انكعها عجبني اتفرج عليها ندارت عليه تليف ركبتي صدرها وركبتها صارو بوجهي كمت على حيلي وتقربت عليها هيه ارتبكت ورجعت وره
فنن ...شبيك سلام ....عفيه لاتخوفني
سلام...شبي نفسج سرع
فنن...ما ادري وخر راح اطلع
سلام...جريتها من ايدها وقربتها الي كامت ترجف.....ليش ترجفين
فنن....عوفني اريد اطلع دتخوفني
سلام...ليش تخافين مني ما اذيج
فنن...عفيه لا احد يجي
سلام...ميهمني احد...بقيت صافن بعيونها خضارها والشرار الي بيها يجنن كتلها تدرين شكد احبج
فنن...اني هم احبك
سلام...لزمت خدودها اموت عليهن من يصيرن حمر.... وحركت ايدي على حنجها شكد نازكه انتي ولزمت شفافها اموت على ترافتهن .....تقربت عليها وبستها بوسه خفيفه على شفافها حسيتها ترجف لزمت وجها بثنين اديه وبستها تعمقت بلبوسه
فنن...محسيت بنفسي واكفه عبالك احد شايلني او طايره احساس غريب وحلو باسني رحت لغير دنيا همست الله يخليك خلي اطلع
سلام....صار راح اعوفج بس اريدج انتي تبوسيني
فنن...ما اعرف
سلام..راح ابوسج هسه ورجعي سوي مثلي....بست شفافها كتلها هسه انتي ....خلت شفافها على شفتي وباستني اني حضنتها ورفعتها عليها وفقدت بشفافها كامت ترجف بيدي....وخرت منها بردتي
فنن..لا
لعد ليش ترجفين
فنن ما ادري...خلي اطلع
سلام...اوكي طلعي وبدلي هدومج لايطب مصطفى
فنن...اي ...طلعت وبقيت صافنه اريد استوعب الي صار اتلمس خدودي وشفتي حسيت نفسي صافنه ومبتسمه بكلبي شكد حلو هذا الاحساس
سلام....خليتها تطلع وكعدت على الكرسي احس حيلي نهد احبها اموت عليها ليش هيج ارجف مدامها هيه كلها طفله شكد حبيت وبوست مصاربيه هيج ....طلعت لكيتها مبدله هدومها كتلها شتلبسين تبقين حلوه😘
مصطفى....ها ياجماعه تريله تغسلون
سلام...غير افتهم شعده كل شويه وناط😠
مصطفى..مجاي عليك اخاف على فننونه هاي امانه عدي😜
فنن راح انزل اجيب ماي الثلاجه مابيها
مصطفى....اكلك شو شكلك متغير مدري شبيك احجيلي اني اخوك شسويت😉
سلام....اوووف اوف شحجيلك مدري شيصير بيه من اتقرب عليها...المشكله نازكه كولش اخاف عليها متتحمل واني ادري بروحي افقد ما اعرف شلون راح ادبرها وياها
مصطفى....لو اطيب وتروح ترجعها من بيت اهلها احسلك من هاي الاحلام البنزركيه 👊🏻
فنن...فات اسبوعين واجوي سلام واهله يرجعوني
ابو زياد....اول مره اطيتها لابوك لان صديقي واعرفه بس بتي رجعت مريضه وتعبانه نفسياً اذااطيكياها هسه شنو يثبتلي متاذيها
سلام....اي شي تكوله اني راضي
ابو زياد....بتي صغيره وغلطت غلطت عمري بعنادي وخوفي عليها زوجتها بصغر بس الي صار صار اذا قبلت ترجع وياك تحطها ترجيه باذنك واذنها اذا اجتني مره ثاني زعلانه مترجعلك ابد
سلام....ان شاءالله اكدر اسعدها
فنن...سألني ابويه وكتله ارجع كلي حضري نفسج واني اصلاً صار يومين احضر نفسي سلام كلي راح نجي اجينه نطلع وكف زياد يم سلام يحجي وياه
زياد...اول مره اجيت اخذتها اني متحملت لان هاي المدلل الي عدي البيت كله يعرفي بيه فنن عدي غير شكل متحملت اشوفك تاخذها وجنت خايف عليها صغيره ومن اجتي زعلان اخذت عهد على روحي ما ارجعها الك بس من شفت خوفها عليك وبجيها عرفة اذا منعتها من الرجعه راح اكسر خاطرها الي اريده منك متكسر خاطرها بيوم امانه عدك هاي وصله من الكلب
سلام....فنن بعيوني ولو تريد روحي اطيها الها
مصطفى...عفتهم يحجون واخذت فنن من ايدها كتلها امشي هذوله سوالفهم تعبانه
زياد...شفت فنن تشاقه وتضحك وي اخو سلام ارتاحيت حسيت اذا صار شي عدها اخ يمها
سلام....سلمنه عليهم وطلعت للطرمه دفعت مصطفى انت لشوكت تبقه ارعن👊🏻وخر من مرتي
اخذت فنون وصعدنه بسياره واني فرحتي متنوصف
رجعنه للبيت امي وام سجاد مسويه غده وخابصه الدنيا كعدنه تغدينه سوالف وضحك اني كل لكمه اكلها عيني على فنن
مصطفى....احمد اخوك ميت على مرته خلي نشلع كلبه بدينك 😜
احمد....حبيبي اي خباثه اني وياك بدون متسألمي😗😃
سلام....اريد نخلص غده حتى نصعد ....كملنه غده وصبو جاي كعدو يسولفون اني كمت كتلها يالله فنونه كومي رتبي اغراضج
مصطفى...وين لاحكه على الاغراض باجر عطله بليل تسهر وتعدلهن خلي نشوفها مشتاقيلها
فنن...حتى اني مشتاقتلكم والله ...اكعد سلام خلينه على الواهس
سلام...اني الك مصطفى تبيع خباثه ويايه مو 👌🏻👌🏻
مصطفى...شلون جبتلج نساتل من سوق الحره وصيت صديقي
فنن...عليك الله😃
مصطفى...اي والله كيتكات وباونتي وتوكس ومارس سويتلج تشكيله تجنن
فنن...دصير حباب وجيبها هسه
مصطفى اي حقج هسه اجيبهم
فنن...كام مصطفى جان سلام يكلي كومي
خلينه كاعدين
سلام...دا اكلج كومي جلبتي هنا
فنن...اي كايمه
مصطفى...ها وين رايحين
احمد...هذا اخوك يكله ال اصعدين
مصطفى...لا عيني اليوم النه اذا نعسان روح انت 😜
نريد نشرب جاي
فنن...مصطفى بداعتي اسكت لان بده يتحول الى انتقام مو سلام
بقينه جوه الولد مخلونه نصعد وسلام يحوص وصار اعصاب بعدين التها وي عمو وحضرنه العشه قبل العشه صعدت اجيب تلفوني ناسيته من الصبح من جينه لحكني سلام حضني من وره
سلام....نشلع كلبي اكلج اصعدي مشتاقلج ليش متكومين
فنن...استحي والله
سلام....درتها عليه وحضنتها حيييل اطيني تصبيره لحد مانصعد اوووف شكد احبج
نزلنه تعشينه واني اريدهم يخلصون وينامو حتى اصعد كملنه عشه وكعدنه نسولف كل شويه اكول لفنن كومي تغير الموضوع وجها يطي الوان فتهمت خايفه
شاورتها فنونه اذا صعدنه تره ما اسويلج شي بس احضنج وابوسج لان مشتاقلج وباوعتلها بتوسل😈حسيت الشيطان كعد يصفكلي 😂
فنن...زين راح اصعد اسبح مو تصعد راساً عيب
سلام...اوكي نص ساعه واجي
مصطفى...وين فنونه بعد وكت
فنن...لا تعبانه اريد اسبح وانام
سلام...والله راح اكوم اطلع ضيم الدنيا بيك 😡كافي تلح
صعدي حبي معليج بي
فنن...صعدت سبحت وطلعت سيت نوم من مالات العرس لون اسود صدره مقسم وكصير ردت اكعد على الجربايه تذكرت من طردني ضجت كمت رحت للصاله كلت اذايريدني هو يجيني
سلام...صعدت ادور على فنن ماكو مديت راسي لكيتها بصاله كاعد وقلقه افتهمت شنو قصدها رحت عليها شلتها وديتها الجربايه
فنن...لاتوكعني
سلام...عساني اني الاوكع قبلج....شلابسه الخاطر الله هو اني عايز لج والله اخاف لا اذيج اخاف لا افقد فنونه اذا فقدت ومحسيت على نفسي صيحي لاتخليني ااذيج
فنن...هزيت راسي بنعم
سلام...تقربت عليها وكمت ابوسها برقه كتلتني نعومتها وبشرتها جنها بشرت طفل ناعمه وترفه حيل على كيف وياها هيه ناعمه واني طويل خفت عليها حيل بقيت ابوس بيها هي بس النفس كلشي ماكو ونفسه
فنونه اذيتج اوخر
فنن..لا
سلام...بقيت ابوس بلهفه مشايف هيج جمال كمت ارجف وخافت مني من رجفت
فنن...عفيه لاناذيني
سلام...ما اذيج لاتخافين
سلام.....فضت ...تاذيتي حبي
فنن...شويه
سلام...بستها من راسها اسف حياتي مو قصدي....
فنن...كافي حباب صارت ساعه 5ونص متت نعس
سلام...وج بس الاثول ينام ويعوف هذا الجمال
فنن...لعد مو عفته قبل وطردتني
سلام...ليش متدرين بيه جانو يصيحولي الاثول😂احبج حياتي انسي كل الي راح نبدي من البدايه ماعدي غيرج ولا احب غيرج .....نمنه وكعدنه ساعه 11الصبح
فنن...كوم حبيبي كوم
سلام....وج بحياتي مكاعد هيج اكو واحد يفتح عينه على هيج جمال حتى مو كمر لا شمس وتضوي 😘
عشنه حياه حلو الحمد الله بس اطفال مصار عدنه ال وره سنتين صار عدنه ولد وبنيه اني كملت كليه بطلعان الروح وابويه صار يعتمد عليه بشغله وفنونه خلصت سادس وقدمت مسائي واني اداوم وياها من الغيره😩 ومصطفى ازوج ريم وهم كعدو بلسويت مالتهم احمد خطبنه اله بنيه يحبها
ومها طلعت من السجن وكفتها عد حدها متكدر توصل بعد لفنن وسجاد عاف نسرين الي يحبها لان جانت صديقك مها كال نفس الطينه وكلي اشوفله وحده من كرايب فنونه
حبيبتي كبرت وصارت ام بس بعدني اشوفها طفله صغيره كل ما اشوف فنن تقره قرأن وصلي يعجبني اكعد يمها ومره حجت ويايه
فنن..حبيبي ليش متصلي انتي عفت كلشي مو زين امك وابوك راضين عليك وزوجتك مدللها وراضي الله بيها واطفالك ونعم الاب الهم وتوكف وي الكل واساعد الكل ليش يضيع كل هذا لان مصلي والله حرامات وجهالك من يكبرون غير يتعلمون منك الصلاه اذا شافوك متصلي شراح يتعلمون منك
سلام...لاحبي هو اني هم ناوي ابدي اصلي كافي شبقه من العمر كبرت حرامات الي راح من عمري بدون صلاة
وتعلمت على صلاة بفضل فنن مثل هواي اشياء زينه تعلمت عليها بسببها فنن جانت سبب سعادتي واختيار والدي الي جان صح مو بس الشكل لا بس فنن رغم صغر عمرها جانت تفتهم وتسايرني بوكت العصبيه والعناد وتوكف ويايه بوكت الشده وتسندني
لازم الانسان يحسن اختيار شريك حياته ويحسب حساب وراهم اطفال وحياة وراهم عمر كامل يعيشونه سوه لازم يختار الشخص الي يعيش وياه على الحلوه والمره لازم يختار شخص كد هاي السؤليه هواي مرات الحب يكون فاشل ويعمي عيونه مثل حب سلام لمها الاهل همه اعرف بمصلحتنه والهم دور مهم بحياتنه منجازيهم للموت.......
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
