رواية أسرار الهاربة الفصل العاشر بقلم موفا
سما بدأت تحكى
فاكر يا بدر يوم عمى ما كان مش طايقنى عندكم
بدر أيوة فاكر
سما ومتعرفش دا سببه إيه
بدر ااه متهيئلى عشان ماما قالته انى بحبك وعايز اتجوزتك
سما أيوة عشان كدا
بدر وبعدين حصل إيه
سما دموعها نازلة بهستريا
هقولك ايه حصل يومها
Flash back
وتأتى الرياح بما لا تشتهى السفن
فى يوم نزل الحاج هلال من اوضته لقى سما قاعدة لوحدها
سما أول ما شافته بصتله بحزن
الحاج هلال تعالى يا سما عايزك في كلمتين خدها ودخلوا اوضة
كانت أوضة مكتب
الحاج هلال متهيئلى يا سما أنى وقفت معاكى واقفة رجالة من ساعة ما شوفتك
سما بتبصله بحزن وصدمة
الحاج هلال أنا عرفت من نجاة ان بدر بيحبك وعايز يتجوزك
سما بحزن أنا
الحاج هلال اسمعينى يا سما أنا بدر ابنى إللى طلعت بيه من الدنيا وطبعا انتى عارفة ان من رابع المستحيل انكم تتجوزوا عارفة إيه
سما بتبصله
الحاج هلال بسخرية شكلك نسيتى بس أنا هفكرك لما كنتى بتجرى
Flash back
كانت سما بتجرى من غير ما تحس وفضلت تجرى طول الليل
فجاة لقت نفسها فى قدام محطة مصر
سما وقفت في الشارع مش عارفة هى فين
وقفت سما مش عارفه هى فين فجأة سمعت صوت صفارات القطارات اللى فى المحطة قربت سما بخوف ووقفت جمب سور المحطة خايفة
فجأة شافت راجل شايل شنط كتيرة وكل شويه تقع منه
قربت بسرعة ساعدته وشالت معاه
الراجل كتر خيرك يا بنتى
سما بصتله وسكتت
سما انت رايح فين
الراجل انا هركب القطر اللى هيطلع كمان شويه
الراجل كان هياخد الشنط من سما
سما انا هوصلك انت مش هتعرف تمشى بالحاجات دى كلها
ومشيوا سوا لحد رصيف القطر
الراجل متشكر يا بنتى ربنا يريح قلبك زى ما ريحتينى
سما بحزن يارب
الراجل ركب القطر وسما ركبت معاه
الراجل قعد على الكرسى
سما قعدت قصاده
الراجل انتى كنتى رايحة فين الوقت يا بنتى
سما بتوتر مااعرفش
الراجل طيب انتى ساكنة فين
سما بصت في الأرض بحزن
الراجل فين اهلك
سما رفعت وشها لوش الراجل وعيطت
الراجل لا حول ولا قوة الا بالله
استهدى بالله واحكيلى ايه اللي كان موقفك كدا في الشارع في وش الفجر
سما لسة بتعيط
انا كنت ماشية ومحستش بنفسى غير وانا هنا
الراجل كنتى جاية منين
سما بصتله وسكتت
الراجل طيب انتى رايحة فين الوقت
سما مااعرفش
الراجل طبب فين ابوكى وامك
سما الله يرحمهم من زمان
الراجل الله يرحمهم
فجأة صفارة القطر اعلنت انه هيمشى
سما القطر هيمشى
الراجل أيوة الحقى انزلى
سما بسرعة قامت عشان تنزل
الراجل ربنا يسترها على ولادنا يارب استغفر الله العظيم
وبعد ثوانى القطر مشى
وبعد دقايق كل اللى قاعدين سمعوا خناقة مع كمسرى القطر ماسك بنت وببتخانق معاها
البنت بتعيط انا كنت هنزل بس القطر مشى بسرعة
الكمسرى هتنزلى واما انتى هتنزلى ركبتى ليه أصلا
البنت طيب نزلنى المحطة الجاية
الكمسرى بسخرية انتى فاكرة نفسك راكبه اتوبيس
البنت لسة بتعيط
والناس بتتفرج عليها
فجأة الراجل اللي سما ساعدته قرب منها في ايه يا حضرة الكمسرى
الكمسرى أهو زى ما أنت شايف أشكال كل يوم بنشوفها
مااعرفش مابيتلموش في بيوتكم ليه بدل السرمحة من بالليل للفجر
سما بتعيط بهستريا
الراجل مالوش لازمه الكلام دا أنت عايز منها إيه الوقت
الكمسرى هعملها محضر واحبسها في اى كبينة عقبال المحطة الجاية واسلمها للشرطة
سما بخوف وبتعيط بهستريا انا معملتش حاجة متحبسنيش
الراجل استنى بس الموضوع مش مستاهل اقطعلها تذكرة وخد حق المخالفة
الكمسرى بص للراجل وبص لسما
الكمسرى معاكى فلوس ولا لا
سما بصت بحزن وهزت راسها لا
الكمسرى اتفضل يعنى اعملها ايه الوقت
الراجل متعملش حاجة غير تقطعلها وتاخد حق المخالفة شوف عايز كام
دفع الراجل حق التذكرة والمخالفة وخد سما ورجع قعد مكانه هو وهى
سما قاعدة بتعيط
الراجل اهدى يا بنتى حصل خير خلاص
سما انا تعبت خلاص مش عارفه اعمل ايه الدنيا مش راضية تسبنى فى حالى
الراجل استغفرى ربنا يا بنتى كل واحد بباخد نصيبه
سما اتنهدت بصوت عالى استغفر الله العظيم
الراجل انتى اسمك إيه
سما بصتله اسمى سما
الراجل عاشت الاسامي يا بنتى انا عمك هلال
سما متشكرة اوى يا عمى
هلال ابتسم شكر على إيه يا بنتى
سما على ايه دا كفاية اللى عملتوا معايا
انت وقفت معايا قصاد الكمسرى وانقذتنى منه
هلال انتى سبقتى بالخير وشلتى معايا وانا اللي عطلتك وبسببى معرفتيش تنزلى
سما بحزن انا مكنتش عارفه لو نزلت هروح فين ولا عارفة القطر رايح فين
هلال ابتسم رايح البحيرة
سما باستغراب البحيرة
هلال أيوة
سما وانا هروح البحيرة اعمل ايه ولا اروح عند مين
بصلها هلال باستغراب انتى ايه حكايتك وازاى مالكيش اهل خالص كدا
سما بصتله بخوف انا كنت قاعدة مع امى وجوزها ولما ماتت قعدت شويه مع جوز امى
هلال بصلها بصدمة قعدتى مع جوز امك لوحدك
سما بخوف هزت راسها ااه
هلال وبعدين حصل إيه
سما أنا كنت عايزة اقعد عند خالى بس الله يسامحها مرات خالى مرضتيش
فقعدت غصب عني مع جوز امى
هلال وبعدين
سما كان راجل محترم بيعاملنى زى بنته بالظبط
وعمره ما زعلنى ف حاجة غير حاجة واحدة
هلال حاجة ايه
سماا عيطت بهستربا بصوت مكتوم
هلال اهدى بس يا بنتى وكل مشكله وليها حل
سما إلا مشكلتى ملهاش حل خالص
هلال لا متقوليش كدا ولا تقنتوا من رحمة الله
بس قوليلى ايه اللي زعلك من جوز امك
سما بلغبطة وخوف جوزنى غصب عني
هلال بصلها بصدمة ازاى
سما سرحت لحظة وسكتت
هلال معلش يا بنتى انا قلبى انفتحلك وعايز أعرف كل حاجة عنك
سما بصتله وقررت متقوليش الحقيقية كاملة
سما اتنهدت بصوت عالى
ايوة يا عمى كتب كتابى غصب عني
هلال ازاى لا الشرع ولا القانون يقبل بحاجة زى دى
سما عرف يظبط كل حاجة ومكنش ناقص غير أنى اقبله كجوزي في الحقيقة زى ما قبلته على الورق
وبصت في الأرض
هلال مصدوم بعد فهم كلامها انا مش مصدق اللى بسمعه دا المهم وبعدين
سما بصت من شباك القطر ايه دا النهار شقشق
هلال أبتسم اصبحنا واصبح الملك لله
هلال كملى يا بنتى عملتى ايه بعد كدا
سما بتوتر احمم مافيش هربت منه ووقفت زى ما شوفتنى كدا
سما بس الوقت مش عارفه اروح فين
هلال الأهم زمان عريسك بيدور عليكى
سما لا خلاص مش هيدور عليا عشان انا قلتله مش ممكن اكون مراتك بالشكل دا مهما حصل
قعدت سما تتكلم مع هلال لحد ما القطر وقف فى البحيرة
سما بقلق احنا وصلنا
هلال ايوة
سما بصت من شباك القطر الناس بدأت تنزل وهى لسة قاعدة مكانها ودموعها نازلة بسكوت
هلال بصلها لا حول ولا قوه الا بالله
سما أنا مش عارفه اعمل ايه الوقت افضل قاعدة لحد ما القطر يرجع تاني مصر
هلال اول حاجه القطر مش هيرجع الوقت وحتى لو رجعتى هتروحى فين
سما اتنهدت بصوت عالى حزين
هلال سبيها على ربنا
سما ونعم بالله
هلال بدأ يشيل الشنط
سما شالت معاه
هلال متقلقيش اول ما نخرج هنلاقى حد يشيل الحاجات دي كلها
سما هزت راسها
وفعلا اول ما خرجوا لقوا حنطور واقف في المحطة
ونزل شاب يشيل الشنط
الشاب حمد الله على السلامه يا عمى الحاج
هلال الله يسلمك يا أحمد يا ابنى اذيك واذى البلد واللى فيها
احمد كلنا كويسين الحمدلله
احمد شال الشنط وحطها في الحنطور كل دا وسما واقغة على جمب
هلال قرب منها تعالى يا بنتى
سما على فين يا عمى
هلال على بيتى
سما بيتك ازاى بس
هلال انتى هتكونى ضيفة عندى لحد ما نلاقى حل لمشكلتك وان شاء الله عن قريب تعالى
واتحرك وركب الحنطور
ركبت سما الله حنطور انا اول مره اركبه
هلال بيبصلها وهو مبتسم
فضل الحنطور ماشى ماشى كتير لحد ما دخل في طريق زراعى
أرض زراعية كتيرة وبيوت قليلة
سما بتبص للزرع باعجاب
سما منبهرة بشجر الفاكهة والخضار
هلال أول مرة تزورى الريف
سما بسخرية من نفسها أنا أول مرة أشوف الدنيا كلها واتنهدت بحزن
فضلوا ماشين ساكتين لحد ما وصلوا قدام بيت على نظام فيلا كبيرة و حواليها جنينة
أحمد حمد الله على السلامه
هلال الله يسلمك سلم على ابوك
احمد الله يسلمك يا عم الحاج
ونزل أحمد وشال الشنط ودخلوا من بوابة البيت لحد باب البيت
نهاية flash back
عودة للواقع
وانتم عارفين اللى حصل من ساعة ما دخلت بيتكم
سما بتعيط بهستريا
بدر وسحر بيبصوا عليها بحزن
سحر يعنى أنتى متجوزة يا سما
سما كتبت كتابى وهربت
كل دا وبدر ساكت
تليفون سحر رن
سحر هرد وارجعلكم
سما بتعيط وبدر ساكت
رجعت سحر معلش أنا هروح لأخت علاء اتزحلقت ورجليها اتكسرت ومافيش حد غير عبير وعيالها وجوزها مسافر
بدر بصلها
سحر ان شاء الله مش هتاخر
لبست سحر بسرعة وخرجت
سما ساكت ليه
بدر بصلها وهو لسة ساكت
سما بتعيط عارفة أنك زعلان ومش طايقنى بس إللى هتعرفه هيخيلك تطردنى من هنا أو ممكن تودينى فى داهية
بدر بصلها مرة واحدة
سما أنا محكتش لعمى الحقيقة كاملة هو عارف أنى كتبت كتابى وهربت
بدر بصلها بسخرية هو فى حاجة غير انك متجوزة وهربانة من جوزك
سما بصتله بحزن أيوة في وهقولك
كل حاجة
عودة flash back
فى بيت راضى
راضى اصحى يا سما
وخبط على باب اوضة سما
سما بكسل حاضر صحيت اهو
واتعدلت على السرير وكلمت نفسها نفسى اعرف حوار كل يوم دا هيخلص امتى
راضى من الصالة يلا بقى يا سما
سما حاضر حاضر وقامت بسرعة لبست اسدالها وخرجت
راضى بابتسامة صباح الخير يا جميل إيه الكسل دا كله
سما صباح الخير يا عمى
وبصت على الطراببزة في الصالة طيب ليه كدا أنا كنت هحضر الفطار
راضي أنا مش عايز اتعبك يلا ادخلى الحمام عقبال ما اجيب الشاى
سما حاضر ودخلت الحمام
راضى يلا يا حبيبتى افطرى وبصى أنا هبعتلك كل الطلبات وانتى عليكى تعملنا الغدا
سما حاضر بس ممكن أنا انزل السوق اشترى طلبات البيت
راضي احنا اتكلمنا في الموضوع ده قبل كدا صح
سما أيوة بس أنا زهقت من الحبسة دى
راضى نفخ في الهوا أنا كدا هتاخر
وقام وقبل ما يخرج مش هوصيكى اوعى نفتحى الباب لحد
سما بصتله وساكنة
راضى قرب منها متزعليش لما اجى نتكلم وباس راسها وخرج
قعدت تنضف الشقة
وبعدها طلبات البيت وصلت عملت الاكل وقعدت زهقانة لوحدها وقعدت في البلكونة
سما ما الناس كلها رايحة جاية اهو مافيش حاجه بتحصلهم اشمعنا أنا العفريت هياكلنى
وفضلت قاعدة زهقانه من الصالة للبلكونة
رجع راضي في ميعاده
راضى دخل لقى سما في المطبخ
راضي الجميل بيعمل ايه
سما بفزعة أنت جيت يا عمى
راضي أيوة بس إيه الريحة الحلوة
سما ابتسمت
راضى بيبصلها بتركيز
باستغراب أنت بتبصلى كدا ليه يا عمى
راضى قرب منها ولمس شعرها اصل بقالى كتير مشوفتش شعرك
سما بفزعة لما عرفت أن شعرها باين
غطته بسىرعة بطرحة الاسدال
راضي ابتسم اهدى اهدى ولا بتتكسفى منى
سما بتوتر أحضر الأكل
راضي ايوة عقبال ما اغير هدومى
سما حاضر ودخلت المطبخ
سما اتنفست بصوت عالى اوووف هو في إيه
أنا قلقانة كدا ليه
بتعدى الأيام على سما زى ما هى مافيش أى تغيرلحد في يوم
كانت سما قاعدة لوحدها اوووف على الزهق
وقعدت قدام التليفزيون
دخل راضى
راضي بابتسامة الجميل بيعمل ايه
سما اهو ولا حاجة
راضي ايه مش هناكل ولا ايه
سما حاضر ودخلت المطبخ
قعدوا يتعشوا سوا
سما قاعدة بتقلب في الأكل وسرحانة
راضى مالك مش بتاكلى ليه يا حبيبتى
سما عمى راضى عايزة اطلب منك حاجه
راضى حاجة ايه انتى تؤمرى عايزة إيه يا نور عينى
سما عايزة اروح ازور هدى صاحبتى
راضي ساب الأكل عايزة إيه
سما بتوتر بعد اذنك يا عمى أنا عايزة اروح اسلم عليها
راضي ودا ليه
سما بصتله ومعرفتش ترد
راضى سكتى ليه
سما احمم يا عمى دى صاحبتى الوحيدة ومشوفتهاش من زمان وانا اهو مبخرجش من البيت من ساعة ماما ماتت وعيطت
بسرعة قرب راضى منها وبحنيه بلاش تعيطى انتى عارفه مبستحملش دموعك دى ومسح دموعها بطرف ايده
سما طيب هتسبنى اروح عند هدى
راضى لو دا هيخليكى مبسوطة روحى
سما بفرح بجد يا عمى
راضى بجد يا حبيبتى
سما بتلقائية حضنت راضى ربنا يخليك ليا يا عمى
راضى ضمها جامد لحضنه ويخليكى ليا يا حبيبتى
سما اتوترت من ضمة راضى وخرجت بسرعة من حضنه
راضي اعملى شاى بقى
سما حاضر وشالت الاطباق ودخلت المطبخ تعمل الشاى
خرجت بالشاى
اتفضل
راضى تسلم ايدك إيه دا انتى مش هتشربى معايا
سما لا معلش ماليش نفس
انا هدخل انام تصبح على خير ودخلت اوضتها
تانى يوم راح راضى شغله
صحيت سما نضفت البيت وقعدت تكلم نفسها
أنا هروح اخيرا لهدى أيوة أنا أروح وارجع قبل ما عمى راضى يجى احسن يزعل مني لو اتاخرت
لبست سما وخرجت
شما ماشية في الشارع مبسوطة وبتكلم نفسها يااااه أنا بقالى كتير مخرجتش من البيت لما حسيت ان رجلى اتكسحت
اخيرا وصلت لبيت هدى
خبطت
هدى فتحت
هدى بذهول إيه دا سما أنا مش مصدقة عينى انتى سما بجد ولا بيتهيئلى
سما ابتسمت لا أنا بجد اذيك يا هدى وحشتينى اوى
هدى حضنت سما جامد ياااا يا سما بعد كل السنين دى اشوفك تانى مش هتصدقى إيه اللى حصل عشان أعرف اجيلك النهاردة
هدى ما انتى هتحكيلى كل حاجة بس بعد ما نشرب عصير حلو كدا حلاوة مجيتك النهاردة
وقعدت سما تحكى كل حاجه لهدى
هدى الصراحة الراجل عداه العيب هو من ساعة ما امك ماتت وهو شيلك على كفوف الراحة وبيعاملك زى بنته بالظبط
سما الصراحة ااه وبجد من ساعة امى ماتت مش مدايقنى خالص غير حبستى في البيت
هدى واهو خلاص رضى وخرجك
سما أيوة الحمد لله
هدى بفرح يبقى على كدا هشوفك على طول
سما أيوة خلاص بقى الحصار اتفك وضحكوا سوا
وبتعدى الأيام على سما وهى مبسوطة لانها بدأت تخرج
لحد في يوم وبعد ما سما حضرت الأكل زى عادتها
قعدت تستنى راضى لما يرجع
اول ما راضى دخل
راضي بابتسامة إيه القمر كله مستنينى
سما ابتسمت قمر بالستر
راضي إيه الكلام العبيط دا انتى مبتشوفيش نفسك في المرايا انتى طول عمرك قمر
سما ربنا يخليك يا عمى انا جهزت الاكل احطه
راضي بس هتاكلى معايا
سما هزت راسها
راضي طيب بسرعة عقبال ما اغير هدومى
سما حاضر ودخلت المطبخ
وحضرت الأكل وقعدت مستنية راضى يخرج
خرج راضى بابتسامة
الدنيا بتحلو لما أشوفك قدامى
سما ابتسمت
راضي واهى ضحكتك دى أهم حاجة في الدنيا
سما عمى راضى أنا عايزة اطلب منك طلب
راضي طلب إيه انتى تؤمرى عايزة فلوس
سما لا معايا كتر خيرك انت كل شويه تدينى وانا مش بجيب حاجة بيهم
راضي اومال عايزة ايه يا حبيبتي
سما بتوتر احممم انا عايزة اشتغل
راضي بصدمة ايه تشتغلى ازاى وليه
هو انتى نقصك حاجة ولا قولتى عايزة حاجة عشان تقولى عايزة اشتغل
سما يا عمى انا زهقت من قاعدة البيت دى
راضي بصلها وسكت
سما قربت منه خلينى اشتغل يا عمى أنا زهقانة ومخنوقة اوى
راضي قرب منها عايزة تشتغلى ايه يا سما عايزة تشتغلى في كوافير ولا تقفى في محل
سما وايه يعنى يا عمى احسن من القاعدة دى
راضى قرب منها اكتر ومسك ايديها انتى متعرفيش إيه بيحصل للبنات اللى بيشتغلوا في المحلات
سما يعنى هيكون بيحصلهم إيه بس
راضي اقولك بيحصل ايه
انتى عارفه البنات دى بتبقى فريسة للى داخل وخارج
سما يعنى إيه
راضي يعنى الزباين بتتلزق في البنات في الداخلة والخارجة ولو مش من الزباين يبقى من صاحب المحل انتى لسة صغيرة وخام متعرفيش حاجة
طيب عارفه البنات بيحصلها ايه تانى
سما بصتله وهى متوترة
راضي قرب منها البنات بتخرج من المحلات اللى زى دى حامل
سما فتحت عيونها على الاخر
راضي ابتسم كدا فهمتى البنات دى بيحصلها ايه
سما بتوتر ولغبطة بس يا عمى
راضي مسك وشها وضمه بايده يا حبيبتي أنا بحبك وعشان كدا بخاف عليكي وبعدين سيبك بقى من موضوع الشغل دا بقى
سما هزت راسها
راضي ابتسملها شاطرة يا حبيبتي وضمها لحضنه
سما بفزعة خرجت من حضنه ودخلت تجرى على اوضتها
بتعدى الأيام على سما وهى زهقانه وفى يوم راحت لصحبتها هدى
هدى مالك يا سما
سما حكت الحوار كله اللى حصل بينها وبين راضي
هدى بتسمع بصدمة
هو قالك كل دا
سما أيوة
هدى دا راجل جريئ اوى
سما أنا اتكسفت اوى منه
هدى الصراحة الموضوع يكسف
هو بجد الكلام ده يا هدى
هدى الصراحة بيحصل انتى مبتقريش جرايد ولا بتشوفى المصايب اللى على النت
سما اتنهدت بصوت عالى وأنا هشوف فين دا كله لا بقرا جرايد ولا معايا تليفون اصلا عشان اعرف النت فيه ايه
هدى يبقى كلام عم راضى صح في كل اللى قاله
سما بس أنا زهقت
هدى معلش وكويس انه خلاكى تخرجى ابقى تعالى وانا وانتى نخرج في اى مكان
سما اتنهدت بقلة حيلة
بتعدى الأيام على سما شبه بعضها لحد في يوم من الايام حصلت حاجة كانت صدمة لسما
رجع راضي من الشغل
لقاها قاعدة في الصالة
سما بسرعة غطت شعرها
راضى ابتسم إيه يا حبيبتي اتخضتى
سما لا بس كنت
راضي قرب منها كنتى ايه ومسك خصلة خارجة من شعرها ولفاها على ايده
سما بتوتر شدت الخصلة ودخلتها تحت الطرحة
ووقفت متوترة من قرب راضى ليها وبقت تتنفس بسرعة
راضي ابتسم مالك يا حبيبتي
سما بصوت مكتوم احضر الاكل
وجريت على المطبخ
راضي دخل يغير هدومه
وخرج قعد على الطرابيزة في الصالة وبصوت عالي يلا يا حلوة أنا جعان هاتى الأكل بسرعة
خرجت سما بالاكل وهى متوترة
راضي ملاحظ توترها وقاعد مبسوط
سما حضرت الأكل وكانت داخلة اوضتها
فجأة راضي مسك ايديها رايحة فين يا حبيبتي
سما بتوتر احمم رايحة انام
راضي إيه مش هتاكلى معايا
سما ماليش نفس
راضي طيب استنى أنا جيبلك هدية حلوة
وجاب شنطة هدايا
خدى يا حلوة دى عشانك
سما إيه دى
راضي طلع من الشنطة قميص نوم احمر مثير
سما فتحت عيونها على الآخر ووشها احمر
راضي بصلها وابتسم
إيه مش عجبك هديتى ولا ايه حبيبتي
سما بصوت مخنوق ايه دا
راضي زى ما انتي شايفة قميص نوم وحطه عليها
سما بعدت عنه
راضي إيه مش عجبك
سما أنا مبلبس الحاجات دي
راضي ليه
سما بتوتر وكسوف عشان دى بتاعت المتجوزين
راضي ابتسم وقرصها من خدها شاطرة يا حبيبتي وبكرا أما تيجى تتجوزى هجبلك حاجات أحسن من دى بكتير
سما يبقى مالوش لازمه لحد ما اجى اتجوز ودخلت تجرى على اوضتها وهى خايفة وقفلت على نفسها الباب بالمفتاح
قعدت سما تترعش من اللى حصل
وفضلت حابسة نفسها لحد تانى يوم
صحى راضي لبس ونزل على شغله
ولما صحيت سما خرجت من اوضتها بتوتر وبتبص في الشقة بقلق
ولما اتاكدت أنه خرج قعدت تفكر في اللى حصل
فطرت وقعدت تنضف الشقة وبعد كدا عملت الاكل وقبل ميعاد رجوع راضى دخلت اوضتها وحبست نفسها
رجع راضي من الشغل
لقى الأكل متغطى على الطرابيزة
راضي أنا جيت يا سما انتى فين
سما مردتش
راضي قعد ياكل
وبعد ما كل شال باقى الأكل في التلاجة وقعد في اوضته يفكر وفى الآخر نام
وعدا كام يوم والحال هو الحال
لحد في يوم كانت سما بتعمل الأكل بسرعة عشان تحبس نفسها قبل ما راضى يرجع
فجأة وهى في المطبخ دخل راضى مرة واحدة
سما بفزعة عمى أنت جيت امتى وقعدت تلم شعرها
راضي ابتسم اخيرا شوفتك
بقالى كام يوم اجى الاقى الأكل وانتى حابسة نفسك في اوضتك
انتى بتحبسى نفسك ليه في اوضتك
سما واقغة متوترة
راضي قرب منها مالك يا حبيبتي
فى ايه
سما هزت راسها مافيش حاجه
راضي مسك ايديها انتى زعلانة منى ليه
سما أنا مش زعلانة ولا حاجة
راضى طيب تعالى بس اقعدى ناكل سوا
انتى عارفه انك بتفتحى نفسى على الأكل
سما قاعدة ساكتة
راضي مالك ساكتة ليه
سما بتوتر مافيش مصدعة وعايزة انام ودخلت بسرعة حبست نفسها
تانى يوم بعد ما خرج راضي على شغله
هى كمان خرجت عند هدى
هدى مالك يا سما
سما أنا خايفة يا هدى
هدى خايفة من ايه بالظبط
سما بتوتر
أنا هقولك كل حاجة وانتى قوليلى دا معناه ايه
وقعدت سما تحكى لهدى موقف قميص النوم وحضن راضى
هدى بذهول يالهوى قميص نوم
سما أيوة
أنا خايفة ومش مرتاحة
هدى طيب بصراحه كدا الراجل اتعدا حدوده معاكى
سما لا مافيش اكتر من اللى قولته
هدى اممم كدا لازم نتاكد هو في ضميره ايه
سما وهتعملى إيه
هدى اممممم وقعدت تفكر وفجأة أما جتلى فكرة اخر حلاوة
سما فكرة ايه
هدى قولى لعمك راضي ان جالك عريس
سما باستغراب عريس عريس مين دا
هدى يا بنتى كدا وكدا
عشان نعرف هيعمل ايه لما يعرف
سما بقلق طيب لو سالنى يطلع مين ومين اللي جابه
هدى ابقى قولى تبعى
سما اتنهدت بصوت عالى
هدى متخافيش ان شاء الله هيكون ظننا غلط
سما ياريت يا هدى ياريت
روحت سما وقعدت تفكر هتعمل ايه مع راضي
عملت الاكل وراضي رجع في ميعاده
لقى سما عاملة الأكل ومستنياه
راضي أول ما دخل ابتسم
راضي عاملة إيه يا حبيبتي
سما الحمد لله
راضي اخيرا هتاكلى معايا
سما معلش ماليش نفس
راضي لا طبعا لازم تقعدى تاكلى معايا
سما أنا كنت عايزة اتكلم معاك في موضوع
راضي ابتسم طيب استنى اغير هدومى واجى عشان أكل وبعدين قوليلى موضوعك ايه
سما حاضر
راضي أنا هدخل اغير
سما طيب ودخلت بسرعة المطبخ
خرج راضى بصوت عالى الأكل يا حلوة
سما بتوتر حاضر وخرجت بالاكل
راضي إيه الأكل الحلو دا انتى متوصية بيا النهاردة
سما واقفة ساكتة
راضي اقعدى افتحى نفسى أما مش عايزة تاكلى
قعدت سما وراضي بياكل
راضي هااا عايزة تقوليلى ايه
سما بتوتر ااانا وسكتت
راضي بصلها بتركيز
مالك يا سما الموضوع شكله كبير
سما بتوتر لا مش كبير ولا حاجة
راضي طيب ما تتكلمى في ايه
سماا احممممم جالى عريس
راضي بصدمة ايه وقام قرب منها ومسك ايديها جامد
عريس عريس إيه دا كمان
سما أيدى يا عمى سيب أيدى
راضي لا مش هسيب ايدك لحد مااعرف موضوع العريس
سما طيب طيب بس سيب أيدى
راضي ساب ايديها بغضب
سما ماسكة دراعها وبصت لراضى
راضي بعصبية ساكتة ليه ما تنطقى إيه موضوع العريس دا كمان
سما بصتله بتوتر
قرب منها راضي ومسكها من كتفها
سما بتتنفس بسرعة وبصوت عالى
راضي انطقى ايه موضوع العريس دا
ومين جابه وعرفتيه ازاى اصلا
سما بخوف دااا عريس تبع هدى صاحبتى
راضي تبع هدى
سما ااه
راضي سابها واتحرك خطوتين
وانتى عارفه العريس دا
سما بصتله وهزت راسها لا
راضي واسمه ايه العريس دا
سما ما اعرفش
راضي وعنده كام سنة
سما مااعرفش
راضى يعني متعرفيش عنه حاجة خالص
سما بصتله وسكتت
راضى قرب منها يعنى متعرفيش عنه حاجة خالص يبقى عايزة تتجوزيه ليه
سما بصتله بتوتر
راضى قرب منها ومسك وشها بايده وبهمس مقولتيش عايزة تتجوزى ليه
سما بتوتر ولغبطة عشان كل اللي في سنى اتجوزوا
راضي ابتسم يعنى عايزة تتجوزى
سما بقت تتنفس بسرعة
راضى لمس وشها بطرف ايده
سما بتتنفس بصوت عالى
راضي خلاص اما عايزة تتجوزى يبقى عريسك عندى وسيبك من العريس اللى متعرفيش عنه حاجة
سما بتوتر يعنى ايه
راضي ابتسم وسابها وقعد وولع سيجارة
سما خدت نفسها
راضي تعالى يا سما اقعدى جمبى هنا
سما قعدت جمبه بقلق
راضي انتى عارفه أنى بحبك من زمان
سما ايوة
راضي وانا ربيتك على ايدى وبعدتك عن اى حد يشوفك
سما بحزن حتى مرضتش تدخلنى ثانوى بعد إعدادى
راضي يا حبيبتي انا كنت خايف عليكى يعنى كنت اسيبك تخرجى واسيبك كدا تتعرضى للتحرشات من الشباب والرجالة اللى بتصطاد البنات الصغيرة الحلوة اللي زيك ومسك ايديها وضمها بايده
سما وشها احمر
راضي ابتسم متفكريش في حاجة خلاص أنا هجوزك لعريس هيسعدك ويجبلك اللى تتمنيه
سما يعنى جالى عريس وطلبنى منك
راضي ابتسم ايوة يا حبيبتي متقلقيش يا حلوة وطبطب على ضهرها
سما بتبصله بتوتر
راضي رمى السيجارة وقرب منها انا عايزك بس تعرفى انى بحبك بحبك اوى ويهمنى مصلحتك وانتى متأكدة من دا وكان هيحضنها
سما قامت بسرعه وجريت على اوضتها خايفة
وقعدت تكلم نفسها هو إيه اللى بيحصل دا هو لا لا مش ممكن يكون اللى فى بالى دا صح
طيب هو ليه اتغير كدا و لا لا
وقعدت تف كر لحد ما نامت
تانى يوم سما راحت لهدى اللى دايما بتحكلها على كل حاجة بتحصل معاها
قعدت سما بتوتر ولغبطة تحكى اللى حصل من راضي
هدى بصدمة يالهوى هو عمل كل دا
سما أنا خايفة اوى
هو اللي حسيت بيه دا صح ولا غلط
هدى بصتلها وسكتت
سما أنا صح يا هدى ولا غلط
هدى بصى اصبرى يمكن كلامه صح
ويكون كل تصرفاته عادية
ولو جبلك العريس يبقى انتى ظلماه
سما اتنهدت بصوت عالى هصبر لحد ما اشوف هيجيب العريس ولا لا
هدى هو دا الصح
سما أنا همشى قبل ما يجى
هدى خلى بالك من نفسك
سما سلام
هدى قفلت الباب وراها ووقفت تكلم نفسها يخربيتك يا عم راضى انت ناوى على إيه لسما ربنا يسترها عليكى يا سما
ياترى تصرفات راضي بريئة
ولا فى حاجة تانية
