رواية الفصلية هدير الفصل العاشر بقلم مرج البحر
كملنه كل شيء بس باقي نتسوك وتشتري نواقص البيت من اماعين وجدوره لان من كل شيء اكو واحد او اثنين بس طبيت سبحت ونمت ورايه سبح جاسم ونام من التعب. 😩
هدير: كعدت الصبح من وكت مشيت علئ كيف لا ن جاسم نايم رحت حضرت الريوك والجاي ورحت اكعد جاسم بس لكيته كاعد .
هدير : يله جاسم صار الريوك
جاسم : ي حسيت الصبح الساعه 6:30 علئ صوت المنبهه كعدت ملكيت هدير ورئ شويه اجت صاحتني علئ الريوك اني جنت مبدل اريد اطلع .
هدير : جاسم وين طالع ؟
جاسم :رايح للدوام بالكليه
هدير : هاا خوش لعد انزل اتريك صار الريوك
جاسم : ي بش شعندج كاعده من وكت
هدير : والله مادري
جاسم : يله امشي نتريك
هدير اليوم حضري نفسج من ارجع نروح نشتري نواقص البيت زين ولاتسوين غده عازمج علئ الغده بره زين
هدير : ي بس شوكت تسجلني بالمدرسه
جاسم: ان شاء الله احضر المستمسكات واسجلج لو علئ السنه الجايه
هدير : ياسنه الجايه هنه بقهن بس هل الشهرين بعد مابيه اعيد الكورس الاول
جاسم : لعد زين
هدير : ي
جاسم : يله اني اروح انتي ديري بالج علئ نفسج ولاتفتحين الباب لاحد زين
هدير :زين لو اسيا 😂😂
جاسم : ههه قديمه يله اني رايح
هدير : الله وياك
جاسم راح واني كعدت ارتب البيت غسلت الحوش ورتبت غرفتنا وعزلت الكاونتر والاماعين صارت الساعه11:30 رحت سبحت وتحضرت لان جاسم علئ جيه كعدت علئ الموبايل بس ماكو شيء اسوي بي عفته اجه جاسم وطلعنه
جاسم :طلعت من البيت للكليه ومصار شيء رحت علئ المحاضرات العندي كملتهن وطلعت للبيت اخذت هدير ورحنه نتسوك غراض البيت ونفتر ورحنه نتسوك غذائيه كملنه كل شيء ورحنه للمطعم اتغدينه وطلعنه ورحت وديت هدير للمول تشتري احتياجتها من مكياج وملابس وعطور كملت كل شيء.
جاسم : هدير وين تريدين تروحين بعد
هدير : امشي نشتريلك هدوم
طبعا طلعنه اني وجاسم كملنه نواقص البيت واشترينه غذائيه انوب وداني للمول اشتري غراض اشتريت هدوم طلعه وعطور ومكياج ودشاديش قصيره وتراكات وهو ابدد مفاركني لازم ايدي وشايل العلاليك كال هسه وين تريدين كلت هو خطيه بس يشتريلي ابدد ماشتره شيء نفسه كتله نروح نشتريلك هدوم رحنه اشترئ هدوم وعطور اله وكتله اخذ نفس لون هدومي حتئ نطلع نفس الشيء وهو خطيه اشتره انوب مشينه كدام شاف لبس مال ولد وبنت نفس الشيء وحلو كال امشي نشتري حتئ نلبسه سوه
هدير : ياا جاسم عيب
جاسم : شنو البي عيب عادي يله امشي
هدير : رحنه اشترينه كل شيء ناقصنه
جاسم : اني اودي العلاليك
بالسياره لان صارن هوايه انَـỲǑŲـْتي روحي فوك حجزينه طاوله واني جاي وراج
هدير : زين رحت ليفوك صعدت حجزت علئ طاوله وجان مقابيلي شاب بس يباوع عليه واني مامرتاحه بكعدتي بس اريد يجي جاسم حتئ ناكل ونطلع .
جاسم : رحت وديت العلاليك وصعدت ليفوك وهدير كاعده وجهه مدري شبي ومن اجيت شويه فكت طلبنه الاكل وكعدنه ناكل .
جاسم : هدير بيج شيء
هدير : لامابيه سلامتك
جاسم : چنه كاعدين اني وهدير واجانه شاب يباوع علئ هدير اكلها بعيونه اكل
الشاب : اخي ممكن اتفضل اكعد علئ طاولتكم اذا متصير زحمه عندي موضوع وياك
جاسم : ي حبيبي تفضل
الشاب : اخي اني صارلي من اجيتو كاعد هنا ليهسه وعجبتني اختگ كلش لذلك اني جاي اتقدملها علئ سنه الله ورسوله اني اجيت اخذ الموافقه منك حتئ اجيب اهلي ونتوكل شكلت .
جاسم بعصبيه مكتومه : اخويه انته غلطان اني هاي مو اختي هاي مرتي .
الشاب بخجل: اني اسف اخي بس عبالي اختك لان مشفت بايدها حلقه اسف مره ثانيه
جاسم : لاخويه عادي مصار شيء
هدير: جنه كاعدين علئ الطاوله وجان يجي هذا الشاب الجان يباوع عليه وكعد يحجي ويا جاسم واني اكول ياربي شهل جرائه وطلب من جاسم ايدي واهنا اباوع علئ جاسم صايرر نار وشرار كله هاي مرتي مو اختي اني هنا قريت علئ روحي الفاتحه وتشاهدت كلت اليوم اموت خلاص .
جاسم : يله هدير كملتي اكلج
هدير : ي
جاسم : يله خلينه نروح للبيت وحسابي بعدين وياج
هدير بخوف : حاضر
جاسم: اجه الولد لجان يباوع علئ هدير وحجه وياي وطلب ايدها مني واني كتله مرتي وهو اعتذر وراح واني مفول علئ هدير كتلها كملتي هيه ردت اني هنا بودي بس ارجع للبيت واموتها يعني مطلع ويايه هيفاء وهبي كل ماطلع يكعد واحد يبصبص عليها بس خل اوصل وحسابها بعدين
هدير : تحاسبنه ويا اهل المطعم وطلعنه وجاسم صاير نارر وشرار ويسوق سريع واني بداخلي ميته واقره ايات وصلنه😱😨😰 .
جاسم : جنت اسوق سريع وصلنه للبيت فوت السياره للكراج وجريت هدير من ايدها وطببتها للبيت هيه ساكته محجت شيء رزلتها حيل كتلها شنو سالفتج كل ماطلع وياج تسويلي مشكله عافو البنات كلها ويباوعون عليج فهميني ليش انته طركاعه سوده نزلت عليه ولويت ايدها وهي ضلت تبجي اخر شيء ذبيتها بالكاع وطلعت صعدت للغرفه
هدير : وصلنه للبيت وطبب السياره للكراج وكبل جري ايدي ونزلني وفوتني للبيت ونزل بيه فد نزله وكالي انتي طركاعه سوده نزلت عليه انيمتحملت بجيت (بس مادافعت عن نفسي لان اذا حجيت يمكن توصل للضرب واصير اني الغلطانه) فخليته يحجي ولوه ايدي وذبني بل كاع وطلع اني ضليت ابجي ياربي ليش الفرحه متلوكلي واني شعليه اذا الولد جان يباوع المهم اني معليه وهو الغلطان علئ شنو ابجي يطبه طوب الاااخلي يتندم جنت كل مايغلط اسامح بساع بس هسه اني اعلمه رحت غسلت وجهي وصفطت الغراض حتئ اللون الاحمر مال عيني يروح كملت كل شيء وصعدت فوك اخذت هدومي وطبيت سبحت وطلعت مشطت شعري ورحت علئ الفراش وجان جاسم يحجي
جاسم ;باچر حضري نفسج نروح نشتري حلقه
هدير : هزيت راسي واني الدمعه بين عيوني ردت ابجي بس كلت لا :*بس ادموعي خانني وضليت ابجي واشهك واني نايمه :*
جاسم: صعدت فوك واني معصب حيل رحت سبحت شويه ارتاحيت بس اني صوچي شكو تسرعت وحجيت عليها هيه مو صوجها بس اني شسوي ساعه عصبيه بعد ميفيد والولد صدگ كلامه جانت ملابسه حلقه شلون يعرف قابل واني جنت مغمض عيني وعقلي راح ينفجر من التفكير وافكر اجتي هدير جان
جان وجهه وعيونه حمر عرفت باجيه هوايه اخذت هدوم وطبت للحمام وطلعت تمشط شعرها واجتي نامت بصفي علئ جربايه ودايره وجهه كتلها باجر نروح نشتري حلقات بس هيه سمعت هيج ضلت تبجي وتشهك واني كلبي يتكطع من اسمع صوت بجيها كله صوجي قابل هيه شعليها بس الصباح رباح عود اعتذرلها ان شاءالله باجر حسيت عليها نامت وحتئ هيه نايمه تشهك درت وجهه عليه لكيت الدموع بوجهه .
هدير : كعدت الصبح من وكت حضرت الريوك الجاسم سويت بيض سلك وطلعت كيمر ومربه وطلعت الخبز وخليت الجاي وهو نايم اني رحت بالحمام كعدت سويت نفسي اسبح وشغلت الماي شفت الساعه 7:30 اكيد هسه طلع لكيت مكمل ريوك وطالع رحت شلت الاماعين وغسلتهن ورتبت البيت والغرفه وبديت بالغده كلت اسوي برياني وتشريب دجاج وشوربه خضار بديت اقطع المواد وكملت كل شيء وبقه بس طبق الحلو سويت رفايلو وخليته بالثلاجه وحسيت علئ احد فتح الباب طلعت شفت جاسم جاي من وكت .
جاسم : كعدت الصبح لكيت هدير ماكو نزلت جوه شفتها محضره الريوك وطابه تسبح اني اكلت وكملت صار الوكت وطلعت رحت للجامعه سويت محاضراتي ورجعت من وكت جاي افتح الباب هدير طلعت شافتني رجعت طبيت للبيت .
جاسم : هدوره شمسويه غده النه
هدير : برياني وتشريب دجاج وشوربه خضار
جاسم : الله يله صبينه ميت جوع بين ماسبح وابدل
هدير بضوجه : حاضر راح جاسم يسبح اني رتبت الطاوله خليت لكل واحد ماعون وخاشوكه وكلاص وكاسه يحط بيها التشريب وكاسه ثانيه بيها الشوربه وصبيت التمن بماعون جبير والتشريب بكاسه جبيره والشوربه كذلك وخليتهن بالوسط والجدوره علئ صفحه اجه جاسم ورحت جبت الماي والبن ولخبز وكعدت .
جاسم : صعدت سبحت وبدلت نزلت لكيت هدير مرتبه الطاوله ترتيب حلوو مخليه كل واحد صحنه بوحده من اني اجيت راحت اني عبالي متريد تاكل طلعت راحت تجيب الماي واللبن وكعدت والهدوء سيد الموقف لحد ماكسرت حاجز الصمت وكتلها عاشت ايدج الاكل طيب
هدير : بالعافيه
جاسم : الله يعافيج فدشويه حضري روحج نشتري حلقات
هدير : ان شاء الله
جاسم : احجي وهي هدير بس هي تجاوب علئ كد السؤال بكلبي اكول وين هدير الجانت تكرك كملت اكل وكعدت انتضر الجاي بس اني كاعد اباوع عليها شنو تسوي شالت الاماعين من الطاوله وخلتهن بالسنك وخلت الجاي علئ نار هادئه وخلت بي الهيل وراحت غسلت الاماعين واجتي مسحت الميز ورتبته وصار الجاي جابتلي الجاي ويا حلويات مسويتها
هدير : تفضل
جاسم : هدير اريد احجي وياج علئ البارحه السويته اني اسف
هدير :خلصت
جاسم : ي
هدير : ...
جاسم : هسه شنو السكوت علامه الرضا
هدير : لا ممقبول اعتذارك ومو كل مايعجبك تطلعني ومن ارجع طلعها من خشمي وترزل وتهين وكت اليعجبك تعتذر اني مو لعبه عندك واني هنا واجبي جاي ائدي وخلص وبالنسبه لروحه اني ماروح وياك نشتري حلقات تريد انته روح جيب تعال واني قابله بيها شلون مكانت.
جاسم : بس اني اريدج انتي ويايه تختارين
هدير : ماروح اني مو طركاعه سوده ونزلت عليك روح بلايه هاي الطركاعه خليها بالبيت لان بعد متطلع وياك هذا العندي .
جاسم : بكيفج
طبعا اني ضجت من كلام هدير بس هي هم حقها مو قليله كل مره هيج اسوي بس والله اني مشكلتي عصبي واغار عليها وهي بدون شيء حلوه هسه اروح اجيب الهت حلقه علئ ذوقي وحلويات بلكت ترضئ ولو اني ادري بيها راسها يابس .
