رواية عشق مابعد الطلاق الفصل الحادي عشر بقلم ساره فاضل
ناي
اليوم گعدت من النوم ع اتصال عمتي اباوع لساعه 6ونص موبالعاده تتصل هيج وكت
الووو
أم قيصر
الوووو
هلووو عمه شلونج شخبارج يروحي
ناي
هله بيج عمه انتي شلونج شخبارج عموو عصام شلونه انشالله زين
ام قيصر
الحمدلله كلنا بخير ابوج ووالي شخبارهم
خير عمه صاير شيء شعجب متصله من وكت
ام قيصر
والله يابنتي حسبالي گاعده كلت قبل لااطلع للدوام اخابرج واحدد وياج موعد العرس والجيه البغداد
ناي
عمه ياعرس ماصار 4ايام من انخطبنه
ام قيصر
عمه التأخير موحلوو ليش مانخلصهه من وكت حته تستقرون وترتاحون الخطوبه من اتطول اتجيب مشاكل وزعل
8
ناي
بس عمه اني وقيصر بعدنه لامتفاهمين لامتفقين والله العضيم موشكوه بس تصدكين مخابره مايخابر
راح تكولين مشغوول اني اكلج شيصير اذا شال جهازه دقيقتين وسأل
2 ت
ام قيصر
حقج حبيبتي حقج لعد اني ليش أريد اجمعكم ابيت واحد من موضوع الأنشغال اريده ينشغل بيج هوه شغله متعب ياحبيبتي
شوفي ماما بعد 10أيام العرس اني كلشي مجهزه وانتي تردين تجهزين من بغداد تردين من العماره باليعجبج بس كون من وكت لاتتأخرين وخلينه نفرح بيكم ونرتاح بشوفتج بالبيت ياماما
ناي
والله ياعمه ماأعرف شكلج فاجئتيني جنت متوقعه الخطوبه راح اطول سنه اكثر ماجنت متوقعه هيج من وكت. انشالله راح اجهز نفسي من العماره اخذ صديقتي ووالي ونروح للسوك ومن اخلص اجهاز انطيج خبر
ام قيصر
حبيبتي ولاتنسين اجهاز الحنه اريد تسوين حنه تخبل لاتستخسرين شيء بنفسج كلشي جيبي وعمتج سداده
2 ت
ناي
متقصرين عمه الله يخليلياج حبيبتي
ام قيصر
ويخليج يروحي ويسعدج ومايمر حزن على كلبج ماماتي يلاا يروحي اني اترخص سلمينه ع الوالد هواي هواي
ناي
يوصل عمه الله وياج
سديت التلفون من عمتي واني كلبي لايب شلموضوع عليمن هلستعجال اشو حته ماعرفنه بعض بس يلاا شكول هم استحي من عمتي ومااريد اتفشل وياها وهم ابوي خطيه مايريد يطي بعمتي ولا يكسر حجايتهه
يلا هوه هيج هيج هاذا درب البنيه المخطوبه اذا مواليوم باجر تتزوج ماكو شي بيدهه
4 ت
خل اكوم اسوي ريوك واكعدهم رحت سويت ريوك وكعدت ابوي ووالي كعدنه نتريك
ابو سجاد
بويه ويامن جنتي تحجين اني نايم وافزيت ع سوالفج
1 ت
ناي
بويه هاي عمتي خابرتني وتسلم عليك وتسلم ع والي
ابو سجاد
جابويه شعجب من الصبح
ناي
موعدهه دوام وحسبالهه كاعده وخابرتني
بويه عمتي تكول العرس بعد. 10 ايام
ابو سجاد
اي بويه بيهه الخير انشالله الف مبروك
ناي
الله يبارك بيك يابه بس موجن الجماعه مستعجلين اني الصراحه ماجنت موافقه ع سالفت العرس من وكت بس استحيت من عمتي كلت مااريد اتفاشل وياهه هسه ع اقل 3اشهر اربعه موب15يوم
1 ت
ابو سجاد
لابويه بالعكس التأخير موحلو يجيب خراب ميخالف اتعرفو ع بعض وسولفو وعرفو طباع بعض ورا الزواج كلحنه هيج جنه نتزوج يلا نعرف الناخذه زلم ونسوان
ناي
بس بويه احنه بزمن الخير والتليفونات ماتسوئ واحد يتزوج واحد مايعرفه وتالي يلكئ شخص لايعرفه ولايعرف أطباعه وتالي يتخارب ويا والمصيبه اذا جانو اقارب اذا انفتكت جيب اليخيطهه سصير زعل والاهل تتخارب ليش مومن البدايه والناس تتعارف
ابو سجاد
الله كريم يابويه لاتضوجين كولي يالله وداعتج من تزوجين راح ترتاحين من مشاكل الخطوبه النسمع بيه بعدهم مانخطبو تخاربو من ورا هلمشاكل كولي يالله بويه كولي يالله لايضل بالج ولايوهوشج الشيطان وتره قيصر خوش قيصر ابن ولايه ومعدل ومرتب وماتطلع منه العيبه بس هوه طبعه هيج
6 ت
ناي
ونعم بالله الحمدلله ع كل حال انشالله اني من باجر راح ابدي اجهز نفسي راح اخذ والي وزينب بت ابو رضا ونروح للسوق ونشتري المحتاجته
ابو سجاد
اي بويه بيهه الخير نشالله هاذ الحجي اليريح البال هيج اريدج فرحي وتونسي وجهزي البالج وانه سداد شعدي شجم ناي
ناي
يخليك خيمه ع روسنه بويه والله يابويه شايله همكم انته ووالي ولاتكول اني بنفس المحافضه واجيكم كل اسبوع كل 10ايام وضاله محتاره بزماني
1 ت
ابو سجاد
لاتشغلين بالج يابويه شعدنه ع هلكمه انه اطبخهه اشو احنه هلثنين واذا ع الهدوم الغساله تغسلهن والبيت مابي بس انه ووالي لوكل شهر اكوم والي ينضفه هم ينضف بعد شني عذرج
ناي
هاذ المكطع كلبي تجون من الشغل لالكمه لاهدمه نضيفه شلون بيه يابويه
1 ت
ابو سجاد
لايضل بالج تدبر بين ماوالي يعقل وازوجه والله كريم
يلاا بويه انه اترخص اروح للبستان اليوم والي عده هواي شغل يرادله عونه
ناي
هاذ المكطع كلبي تجون من الشغل لالكمه لاهدمه نضيفه شلون بيه يابويه
ابو سجاد
لايضل بالج تدبر بين ماوالي يعقل وازوجه والله كريم
يلاا بويه انه اترخص اروح للبستان اليوم والي عده هواي شغل يرادله عونه
1 ت
والي
لابويه شعدي انته ضل انته مريض
ابوسجاد
لابويه شني مضحين بيك لازم واحد يعاونك
ناي
لاتعب روحك بويه عينك ميزانك هلتكدر علي وانته والي الشغل قسمه ع يومين موكله حار بحار
ابو سجاد
ههههه والي ماينام اذا كاعه ماماخذه حكهه منه لازم يكملهه يلا يرتاح
طلعو ابوي ووالي كمت ع شغلي كملته طلعت سمجه ذبيته تفتح من الثلج عجنت ورحت لبيت ابو رضا لكيت البنات يغسلن فراش بالساحه سلمت عليهن وترخصت من امهن تروح زينب وياي والمره ماقصرت كبل وافقت عاد اتفقت وره الغده امر عليهه رحت للبيت خبزت وشويت السمجه وسويت وياها زلايط جبت خضره من البستان ورحت صحتلهم اجو تغدوو وشربو جايهم ابوي رجع للبستان يكمل شغله ووالي فات للحمام سبح ولبس الملابس الجبتهن اله بخطوبتي وعطرته ومشطت اله تسريحه حلوه اني دخلت لبست صايه بحريني ولبست شال بسيط هم اسود وحذا فلات رحت لزينب لكيتهه جاهزه اخذنه والي واجرنه تكسي ورحنه للولايه بعد علينه ربع ساعه رحنه للسوك ودخلنه ماشالله السوك يزهي كلشي بي اول مارحنه لملابس الطلعه اخذتلي 3بناطير وشتريت مانتو وتشيرتات طويله 2وخذت 3فساتين بسيطه بس حلوه واخذت صايه. عاد رجعنه اخذنه 3احذيه فلات مااحب الكعب واخذت الكعب الابيض جان نازك بدون خراخيش واخذت 3جنط ورحنه للشالات اخذت عشره هههه ادري هواي بس مطلوب هلكد ورجعنه للكلبيات اخذت 5ولبس نوم اخذت اباوع للساعه ب7كتلهم هاي هيه اليوم كافي بعد مابينه حيل والسوك راح يعزل باجر نرجع
زينب
اي والله اخذنه الوكت باجر نرجع
ناي
تعبتي واني اخرتج واهلج خاف ميقبلون هيج تتاخرين
زينب
لاوالله امي كالت ضلي ويه ناي لحد اخر شي تسوي وياج بكلشي انشالله انتي غير مثل اختنه
ناي
بعد كلبي متقصرين والله
مااعرف شلون اجازيكم والله جاي تفشلوني بكرمكم
زينب
موكلنه كافي من هلحجي موازعل منج والله
ناي
حبيبتي متقصرين
رجعنه للبيت واحنه هلكانين من التعب اول ماوصلنه لكينه ابوي مسويلنه عشه تعشينه ونمنه من التعب كعدنه ثاني يوم وكالعاده خلصنه شغلنه ووره الغده اخذت زينب ووالي ورحت كملت باقي الحاجيات كلهن واهم شي سوالف وتجهيزات الحنه رحت لسوك الاقماشات اخذت نوع غالي وراقي لم رضا واخذت للبنات كل وحده فستان وشال هديه ع تعبهن وياي رجعنه للبيت اخذت العلاكه واطيته الزينب تخبلت وماقبلت عاد كتلهه انعم الله عليكم ووكفتكم ماانساهه طول عمري باوستهه وفتت للبيت تعبانه لكيت اتصال من قيصر شنوو اول تالي ههه تعجبت موبالعاده تطلع منه خل ارتاح وابدل واخابره
قيصر
رجعت من الدوام فرحان ومكيف بس ماكلت شنو سبب فرحتي حته اهلي مينزعجون ادري ماما تتخبل من موضوع السفر سلمت وكعدت
ام قيصر
انشالله طول عمره ميشوف غير السعاده
قيصر
حبيبتي ياوجه السعد انتي شعندي غيرج اني
انتي وعموو عصام تسون الدنيه بعيني
عصام
حبيبي والله يابني الله عوضني بيك انشالله الله ينطيني طولت العمر واشوف جهالك وافرح بيهم
ام قيصر
انشالله قريبآ
اليوم خابرت ناي واتفقنه العرس بعد 10ايام
قيصر
شنو هلحجي ياماما ماصارلنه شكم يوم شبسرعه قررتي وبعدين اني شنوو بالوسطه مالي حجايه مالي كلمه غير تساليني بعدين مافكرتي بموضوع اجازتي شلون واني هستوني ماخذ اجازه
عصام
ليش يابابا موعيب شسالفه المخطوبين يدورون فرص حته يتشاوفون لويتخابرون وانته ولاتسال ع البنيه يابابا حقهه تشكيك والله حقهه
قيصر
هسه طلعت اني الموزين الما اسال عليهه شوفي ماما اذا انتي نسيتي اني اذكرج اني ناي مااحبه ولاحبيتهه واني اتزوجتهه حته ارضيح وماتزعلين مني لااكثر ولااقل واذا انتي منتضره مني غير هاذ الشيء فانتي غلطانه
12 ت
ام قيصر
يمته تفهم ياماما يمته تفهم اني اريد مصلحتك اريدك ترتاح وتكون عائله اجوائهه سليمه حسبالك اني خربت علاقتك بسمر كرهن بيك لاوالله الله شاهد بس اني وصلت وياك مرحله تمسكت بيهه وهاذ الشي خوفني اكثر وجان لازم اوكف واساعدك اني انتشلتك من الضياع سمر جانت ماخذتك النفق مضلم ماتعرف شنو بداخله انته عاميك حبهه ومجاي تشوف عيوبهه جان لازم اوعيك والماوعيت لازم اطلعك من شراكهه
قيصر
والله مااعرف شحجي ع العموم بكيفكم اليوم باجر بعد اني مستعد وباامركم شتفصلون اني البس اني اترخص اروح اسبح لان تعبان
2 ت
عصام
اخذ راحتك وليدي
شسالفه ياام قيصر صدك تحجين بعد 10ايام زين انطيني خبر اهيئله الموضوع هيج كبل قررتي ونسيتي الزواج زواجه هوه المفروض يقرر الزمان المكان مواحنه نجبره علي
ام قيصر
يازمان يامكان هوه ابنك وراا زواج والله لوبعد 100سنه ميتزوج هوه حسباله نخلي ع مايه ويضل معلك البنيه حته تمل وتعوفه وهوه يرجع للشملوله ذيج بس والله الا اتمم هاي الزواجه والتفت الخطافت الريجيل سمر الاأكرهه بعيشتهه السوده واخليهه تكول وين الدرب بس انتضرني
عصام
وانتي شنوو ناويه تسوينه حرب لوو شنوو خليج منهه واامشي بطريقج هيه بعد اذا ابنج اتزوج شنوو ترجعله
ام قيصر
هيه الماترجع هيه لازكه بيه مثل البكه تخلص دمه يلا ترتاح والله احلف بكل نبي وبكل كتاب هاي البنيه طمعانه ببني كلبي يكلي لاتحبه ولاشيء
8 ت
عصام
والله مااعرف شكلج ادعي الله البالج ميطلع صحيح خطيه قيصر شنوو ذنبه نشالله ينساهه بدون تعب
نشالله
قيصر
صعدت الغرفتي واني الفرحه الجنت فرحانهه نقتلت ااااخ ياامي هسه وكتهه كلت اسافر واحنه مخطوبين بلكي من اتاخر تتعرقل الزواجه وافتك بدون ماازعل امي
بس الضاهر امي شاده حزامهه وناويه تزوجني كلت اخابر ناي واشوف شنو نوع ردة فعلهه
قيصر
اتصلت اكثر من مره وماكو عاد هيه اتصلت بيه وره ساعه
ناي
اللللووو
شكرا لزيارتكم عالم روايات سكيرهوم
