رواية قضية شرف الفصل الحادي عشر بقلم زينب نور
ريحانه*** حاولت انام ماكدرت ضليت بس اتكلب بلفراش ماجاني النوم .. تعودت علئ ذاك فراشي وريحه لتراب بليل
مفتقده شئ مهم بس ماعرف شنوو هووو
سجاد**** وره ماراحت ريحانه ضليت افتر بالبيت حسيت شئ فقدته جبير ضليت الليل كله مانايم بس اتقلب بفراشي
ردت اطمئن عليها بس شلون اوصل الها
اكيد ريحانه هس طيف وراح .. مشتاق الها كلش
طلعت للحووش بليل اجتني جميله
جميله// مو بس انت مفتقد ذاك الشئ كل احنه مفتقدينه
سجاد// مافهمت
جميله// لافهمت خوويه سجودي .... وراحت
سجاد ***دنكت بس شنو قصد جميله ... معقووله مبين عليه بس اني نفسي مااعرف شنوو السالفه
معقووله اني احب ريحانه لا مستحيل بس فاقدها
حته بليل محد تعشا قبل كانت لمساتها بالعشا وشقاها وي الجهال والبنات اله طعم خاص تجبر الشخص حته ياكل
حلووياتها الي تسويه بليل وطععمها
ابتسامتها ......مشيته......كلشي بيها حلوو
مرات من تاكل اضل اصفن بيها لا اراديا اشوف بيها كلشي حلووو
مابيها شئ عادي ... من تضحك احس ترد الروح اليه
حته من اجي تعبان من الشغل اشوفها وتتلكاني بكلاص ماي وتبتسم ابتسامه عفويه بوجهي وخفيفه انسه كل التعب والضيم مالت شغل انسه كل المي
شكد شايله جمال وحسن لخاطر الله
ضليت مكسور علئ الرغم صار الها يوم من راحت
كعدنه الصبح النسوان تشتغل صاحتلي ام سعاد للريووك
لااا مااشتهي اكل
ام سعاد// طلع البيت كله ضايج اليوووم???
باووعت الهااا ورحت عنها// عرفت شنو تقصد
ريحانه*** كعدت الصبح بووحدي ماسمعت صوت صياح الديك ولا دجاج ولا سمعت صوت لجهال يتعاركوون ولا سمعت صووت خبز ام سعاد ولا سمعت صوت عياط جدتي علئ مسلم ابن خيريه الي وكح كلش
كعدت لكيت نفسي مثلجه من السبلت وومكان غير مكاني لكيتها ب11 الصبح
طلعت لكيت اخوتي وامي صباح الخيررر
هم/// صباح الخيرات ياورده
بعد وكت راح نتغده هسه
اني// البارحه مانمت مستغربه المكان
علي// تعودتي علئ الطليان والهووش مووو
اني// لا ماعدهم حيوانات بس دجاج وديج
اهلي/// ضحكووو عليه
اني// علي اريد موبايل
علي// موبايلج وين
اني// انطيه هديه
علي// المن
اني// السجاد?? لان ساعدني هواااي وماقصر وياي
علي// يستاهل ..انشاءالله الخميس اتفقنه اني وامي نعزمهم كلهم
اني// صدك ... طرت من الفرح
راح اشووف البنات
اني// كلهم يجوون
علي// اي طبعااا
ضليت صافنه وافكر منيلهم سياره خطيه وشلون يجوون حته كروه ماعنده ابوو جاسم
علي// ريحونه لاتصفنين.... راح ادز الهم سياره وعلئ حسابي
اي لحمدلله... رحت حبيت علي ورحت لغرفتي فرررحانه كلش بعد 3 ايام بس شيخلصهن اليه شلوون بيه
ومرن 3ايام بس مثل الحمل علئ كلبي بالكووه عبرن احسب يوووم يووووم
اني وامي جهزنه الاستقبال والغرف الزايده لان علي كال راح اعطلهم كم يوم يمنه هنا يتونسون واطلعهم
ودزلهم علي سياره جبيره تجيبهم وجهز ذبايح الهم واني وامي ونسوان عمي وبنات عمي سوينه اشهئ الاكلات ومن غير الجاهز الي جبناه
واخيررا صارت ب12 الضهر. وعلي خابرهم دخلووو بغداد
اه ياكلبي واخيررررااا 😍😍😍
رحت لبست فستان كلش حلووو ورتبت نفسي طبعا مااخلي مكياج نهائيا اني
تلكاهم علي وحسن وعمي بالباب ودخلووو كلهم رحت طايره من سمعت امي وجدتي ونسوان عمي يرحبن بنسوانهم
رحت ركض تلكيتهم وبووستهم كلهم
اني///وين عمي ابوو جاسم وابوو سعاد وين سجاد
خيريه/// كلهم جاين لاتخافين
سعاد ومنئ// اي اجوو كلهم
وخطيه اكووو واحد كان ينتظر لحضه لحضه حته نجي وفرحان كلش
منووووو 😳😳😳
لبست شالي ودخلت لاتستقبال ورحت سلمت عليهم
وتلكووني وبوسوني ... وصلت يم سجاد مابوسته طبعاا من بعيد سلمت عليه
اه من شفته احس الروح ردتلي احس مضيعه ولف ولكيته
سجاد// اه يايمه شفته وكلبي وكف يمه شطالعه فدوووه لكلشي بيه ماتحملت نضرت الها نضرة شوووق وفررح
ريحانه*****
طلعت حته اجهز الغده
جهزنه غده كلش ضخم والجهال عبالهم ارجع وياهم
وفرحانين بيه وبالالعاب الي بالحديقه
والبنات يردن بس يصير العصر حته يطلعن للحديقه لان شمس الضهر
بعد ماكملنه غده وجدتي وام شهاب صفن سويه ههههه 😂😂😂
والبقيه نسوان سوووه
وبنات عمي وي منئ وسعاد سوه
اني اريد شخص احجي وياه بس مو ذوووله لا......
طلعت سعاد تغسل... واجتني
سعاد// ريحانه
اني/// نعم سجاد خطيه صار اله ساعه ينتظر احد يجيه ويحاجيه... كالي صيحيلي ريحانه
كلبي وكف وضل يدك حيل حيل 💓💓💓💓
اني// شيريد
سعاد// روحي شووفيه
لبست شالي ورحت يمه...شفته واكف يم الحديقه من بعيد
طلعت اله بس احس كلبي راح يطلع من مكانه من كد مايضرب سريع
شافني وضل يتقدم جوه الحديقه يريدني اروح وراه خاف احد يشووفنه
رحت يمه /// نعم سجاد واني مدنكه
سجاد// الج وحشه
اني// مدنكه سكته
سجاد// ليش خجلانه مني .....شنو اول مره شوفيني
اني//لا بس خاف احد يشووفني
رفعت راسي باااوعت لعيووونه**** عيوونه تجدح شوك ولهفه وحمر باوعت الهم واحس ذبت ماكدر احجي تخربطت ضليت احجي كلمه وانسه ثلاثه
باوعت لعينه فقدت ماردت اشيل عيني منه
سجاد**** باوعت بعين ريحانه وهاي اول مره اركزز بيها هجي عفيه عين عدها عفيه شفايف عفيه طول وجسم عبالك عصفوره جووايه
تمنيت اخذها بحظني ومااهدها ابد ابد
تمنيت اخذها اليه واغطيها من شمس ومن اهلها حته
سجاد// مرتاحه شخبارج وي اهلج
اني// الحمدلله مرتاحه بس مفتقدتكم كلش
سجاد// مشتاق للعب مالتج وي جهال
اني// هههههههه
سجاد// اشتريتي جهاز
اني// اي
سجاد// اووك دزيلي رقمج وي عبود بعد شوي حته نبقه نتواصل ع فايبررر
اني// اوووك .. وستاذنت منه ورحت
سجاد****; من دخلت لبيتهم حسيت شكد انضلمت ريحانه ويانه بالنسبه الها حياتنه كانت عقاب الها
شلون بعد ترجع النه ريحانه وهيه رجعت للعز والدلال وهذا البيت الي ماوصل 0% من بيتنه
لازم اشيل هاي لفكره من باالي ابد
بقينه عدهم 3,ايام بس عشنه احلئ ايام وياهم بليل ياخذنه حسن ونطلع مانرجع اله ب4 الصبح
العصريه نروح نتمشئ بالحدائق والبساتين وطبعااا ريحانه ويانه ... واحاول اسرق نضرات منها بكد مااكدر بس حزين اني وأيست بعد ... لان ريحانه مو مستوانه ابد
بلحضه الي كنه عدهم
اجووهم شيووخ واهل الولد الي اغتصب ريحانه وطلبووو ايد ريحانه للزواج من الولد وشتريد ينفذون والمقابل يطلع ابنهم وتتنازل عن لدعووه
وطلبوو الستر لريحانه ولابنهم
وكالوو بعد ولدنه غلط ونريد نصلح غلطهم احسن ما البنت تبقئ طول عمرها بدون زواج
اني ماتحملت// لا الف واحد يتمناها وماراحت برجلها الكم انتم اخذتوها غدر
اني دمي فار تمنيت اخنكم واكتلهم كلكم خفت اهل ريحانه يوافقوون
وطبعااا عمها كان مبين عليه الرضا هووو وعلي
