رواية منتقبتي الفصل الثاني عشر بقلم Lin Naya
مر أسبوع تاني و خلصت قصة النبي صالح عليه السلام و عملنا زي ما إتفقت مع توماس ، الأسئلة عن خمس أنبياء و كأن القصص دي كانت أسئلة إستيعاب القصص و الملخصات كمان عملتها و سبتها لتوماس يقيمها زي ما كان يعملوا في الإمتحانات
كنت قاعدة في أوضتي و قُدامي موبايلي و هو بيرن و كان الإسم - أمل - ... افتكرتني و عشان كده إتصلت بيا ، رن مرة تانية كمان و حسيت إني لازم أرد عليها ... كنت حرد على الموبايل بس لقيت توماس بيدخل عندي هو و أليكس و توماس ماسك الأوراق يلي كان عليها الملخص يلي كتبته ، إبتسم و قفل الباب و قال
توماس : أنا و الأستاذ ده قيمني القصص يلي كتبتيهم و كل قصة فيها تقييم
" تمام "
إعتدلت في قعدتي و ضميت رجليا لتنين صدري لقيته إبتسم و طلع أول ورقة يلي كان عليها ملخص قصة النبي آدم عليه السلام ، قلبها بسرعة و بعدها قال
توماس : 97%
" و باقي القصة "
طلع باقي الملخصات و قال : إدريس عليه السلام 98% ، نوح عليه السلام 100% ، هود عليه 95% و قصة النبي صالح عليه السلام 90%
" يعني كلهم درجات عالية "
توماس : أيوة عرفتي الملخصات ... بس في قصة النبي صالح مفيش أي آية كتبتيها فيها
" ليه في آيات موجودة ..."
قاطعني توماس لما قال : أيوة ... في آيات كتيرة بتحكي عن قصة النبي صالح عليه السلام و قومه ، قوم ثمود ... قال الله تعالى : { وَإِلَى ثَمُودَ أَخَاهُمْ صَالِحًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَٰهٍ غَيْرُهُ ... }
حطيت إيدي ورا رقبتي و قُلت ..." أيوة ... أنا نسيت بس "
أليكس : بيلا .. حتأخذي راحة لمدة يومين و بعدها ترجعي تكملي القصص
هزيت رأسي ب.أيوة و هما إبتسموا و بعدها طلعوا من الأوضة و سابوني وراهم .... بمجرد ما طلعوا حسيت إني مش كويسة و بحاجة عشان أتنفس و عشان كده طلعت وقفت في البلكونة ، حطيت إيدي على صدري و رجعت بسرعة أوضتي و رنيت على - أمل - .... ند'مت بأني رنيت عليها و غمضت عينيا لما سمعت صوتها
أمل : بيلا ... إنت فين
" بتسألي ليه "
أمل : بيلا ... إنت بتكلمني كده ليه
" أنا بكلمك زي ما عيلتك كانت بتكلمني ... إنت عاوزة إيه "
أمل : بيلا ... سليم من أسبوع وهو في غيبو'بة ...
قاطعتها لما قُلت ..." و بيهمني أمره ليه "
ردت أمل عليا بدموع و قالت : بيلا .... سليم كان حبيبك
" بس دلوقتي لأ ... أمل بليز متتصليش على الرقم ده تاني و إنسي صاحبه أصلا "
من غير ما أسمع ردها قفلت التيليفون بس كلام أمل فضل يتردد في دماغي لحد ما إنهرت تماما ... ضميت رجليا لصدري و أنا بعيط و دموعي غرقت وشي
- بيلا ... إنت كويسة
مرديتش على عمتي يلي اتحركت بسرعة ناحيتي ، كل الموجودين في العيلة دي بيحبوني بس أنا مش بحب نفسي و لا أحب وجودي ... جريت ناحيتي و مسكت وشي بين إيديها و قالت
إيميليا : حبيبتي ... في إيه
فضلت أعيط في حضنها زي الأطفال و هي كانت بتمسح على شعري و بتطبطب على كتفي .... سليم في غي'بوبة من أسبوع ، هو يلي اختار يبعد عني مش أنا يلي إخترت و ده واقعنا ... باعدتني عن حض'نها و قالت
إيميليا : أنا رايحة أقول لجدك
كانت رايحة بس أنا مسكت إيدها و حركت رأسي ... أخذت نفس عميق و قفلت الباب و رجعت قعدت على السرير ، حطيت رأسي على رجلها و قُلت
" أقعدي معايا "
إيميليا : تمام يا بيلا ... بس في إيه
" مش دلوقتي "
إيميليا : يلي إنت عاوزاه
غمضت عينيا و سبت دموعي تنزل من جديد بس كنت بمسحهم بسرعة
في أوضة روزالي و فيكتور
ساندي : يا ماما من يوم ما رجعت بيلا و توماس قريب منها
مسكت روزالي الروچ و قالت : ماهي حتغور في داه'ية عشان أنا عرفت حاجة حتقلب الدنيا كلها
حطت ساندي إيدها على خدها و قالت : و إنت عرفت إيه يا ماما .... ماما إنت عارفة إنو بيلا بتأخذ مني كل حاجة
روزالي : أيوة ... عارفة يا حبيبتي بس بالحالة دي مش حتقدر تأخذ منك توماس و جدك حيطرد'ها من البيت و يقفل الباب في وشها
ساندي : إنت عرفت إيه يا ماما
ضحكت روزالي و فتحت الدرج و طلعت منه صور ، قامت و قعدت جنب ساندي يلي إبتسمت بخ'بث لما شافت الصور ... بيلا واقفة مع سليم إمام المسجد ، بيلا في البا'ر بفستان قص'ير ، بيلا واقفة قُدام المسجد و المصلين و هي سكرا'نة ... كانت بتقلب الصور و هي بتضحك
ساندي : البنت دي سا'فلة و عمري ما شُفت وحدة بسفا'لتها ، إمام مسجد بيبُص على وحدة زيها
روزالي : دلوقتي مين الخسر'انة يا ساندي
ساندي : أكيد بيلا
رجعت تقلب الصور من جديد و هي كل مرة بتضحك .. يعني كر'هها ل.بيلا و غير'تها منها من يوم ما كانوا عيال خلتها تعمل أي حاجة عشان تتغير وجهة نظر العيلة لبنت يعقوب الصغيرة - إيزابيلا -
رجعت ساندي الصور لوالدتها و بعدها طلعت من الأوضة ، كانت نازلة الدرج و شافت أبوها قاعد مع عمها يعقوب و هما بيتكلموا ، نزلت بهدوء عشان مينتبهش أي حد ليها و استخبت و هي عاوزة تسمع كلامهم
فيكتور : ساندي بنتي بتحب توماس
يعقوب : وهو
فيكتور : إنت عارف رأيه في الموضوع ده ، توماس مش بيفكر في موضوع الجواز أبدا
يعقوب : بس مش معقول يفضل كده
اتدخل مارك و قعد معاهم : توماس مش قادر ينسى زينب و لا اتجوز مرة تانية حيه'مل مراته
يعقوب : حتى بيلا ... انا مش عارف حعمل إيه مع البنت
فيكتور : أنا شايف إنو توماس بيساعدها عشان تصير مسلمة ... بس هي باعدت عن إمام مسجد حتصير مسلمة ليه ... مش معايا حق
- هي مش حتأسلم عشان حد ، مش علشان إمام المسجد يلي إسمه سليم ... هي حتأسلم عشان عارفة إنو ده هو الطريق الصح يا عمي
قال توماس الكلام ده وهو بيتحرك ناحيتهم و لسه شايل أوراق بيلا بين إيديه ... قعد معاهم و حط رجل على رجل
توماس : ساندي ... اطلعي أوضتك
بلعت ريقها بصدمة و هي مش مستوعِبة و لا مصدقة إنو توماس عرف إنها بتتنصت على كلامهم ، وقفت على رجليها و بُصلها والدها بغ'ضب ، هي و سام نفس الطبع ، دايما بيحبزا يسمعوا الكلام من غير إذن
فيكتور : إنت مش حتتغيري أبدا يا ساندي
ساندي : أنا عملت حاجة
فيكتور : اطلعي أوضتك
ساندي : بابا ... إنتوا عارفين إنو ب...
قاطعها يعقوب بغض'ب : متتكلميش عن بنتي و اطلعي أوضتك يا قليلة الأ'دب
ضربت ساندي الأرض برجلها و قالت بعصبية : لما يرجع جدي من الشركة حقوله على كل حاجة
من غير ما تسمع ردهم طلعت أوضتها ، إبتسم توماس بسخر'ية و حط إيديه فوق بعض و قالت
توماس : البنت دي لازم تعقل
فيكتور : أيوة ... بس هي حتعقل إزاي
توماس : مش عارف بس دي بنتك يا عمي مش بنتي
شد يعقوب على قبضة إيده و قال : لو اتكلمت عن بنتي يأي شكل من الأشكال ... أنا حخليها تن'دم
حط مارك إيده على كتف أخوه و قال : مش حتقدر تعمل أي حاجة ، بابا بيحب بيلا أكتر من أي حد في البيت ده و كلام وحدة فتا'نة زي ساندي مش حيخلي رأي بابا يتغير
فيكتور : البنت كان لازم تحترم إنه ده عمها بس هي لأ ، أنا طالع عشان أربيها
كان طالع بس وقفه صوت يعقوب : هي لسه صغيرة يا فيكتور و لا عملت كده حتك'ره بيلا أكثر ... أنا طالع أشوف بنتي و البنات مش راجعين دلوقتي
إبتسم توماس بسخرية و قال : سالي و تاليا معاهم يبقى لازم تنسوا إنهم يرجعوا بدري
وقف توماس و كمل كلامه : أنا رايح الشركة
.....................................................................
كانت واقفة أمل في أوضة سليم ، من يوم ما دخل الغيبو'بة و هي معاه ... صوته و ضحكته من أسبوع ما سمعتهمش ، دفنت وشها بين إيديها و هي بتعيط بس سحبها وائل لحض'نه و هو بيطبطب على كتفها
وائل : خلاص يا أمل ... كل حاجة حترجع تمام
أمل : مفيش أي حاجة كويسة ... سليم في غيبو'بة و بيلا مش عارفة هي راحت فين
وائل : هوما رجعوا بلدهم تاني
زفرت أمل بضيق و دف'نت وشها في صدر أخوها وائل ... سليم بط'ل من رحاب كمان و طرده والده من البيت و لما كان سايق عربيته عمل حاد'ثة
أمل : أنا إتصلت ب.بيلا و قُلتلها إنو سليم في غيبو'بة
باعدها عن حض'نه و قال بعصبية : قُلت للز'فت بيلا
أمل : أيوة
وائل : أمل ... إنت عملت كده ليه
أمل : كان لازم تعرف بيلا
وائل : ليه حتحس بالذ'نب لأنها سابت سليم
أمل : مش بيلا يلي سابت سليم هو يلي سابها
مردش عليها سليم و قعد فوق الكنبة و هي فضلت واقفة في مكانها ... محمد طلع الأوضة و معاه كوثر يلي جريت بسرعة ناحية سليم و هي بتعيط
أمل : قال إيه الدكتور يا بابا
محمد : حالته مستقرة لحد دلوقتي و مفيش أي مضا'عفات
وائل : مش حيفوق يعني
كوثر : حيفوق سليم و البنت يلي عاوزاه يتجوزها ... مش فارق معانا المهم إبننا ، مش كده يا محمد
محمد : أيوة ... أنا حروح بيت يعقوب و أطلب منه إيد بنته بيلا مرة تانية
أمل : مش حيقبلوا
بُصلها والدها بغ'يظ و سابها تكمل : عشان بيلا و عيلتها راحوا من مصر يا بابا
محمد : كل حاجة لازم تخلص في الوقت ده
أمل : إزاي يعني يا بابا
محمد : لما يفوق سليم إحنا حنسافر من هينا
أمل : بس يا....
محمد بمقاطعة : حنسافر من المكان ده ... لو فكرنا نرجع للبلد دي تاني حنرجع ليها بس مش دلوقتي
سكتوا ثلاثتهم و كل واحد بُص لتاني و بعدها هزوا برأسهم و هوما مُوافقين على كلام محمد
....................................................................
- يعني إنت كمان يا ماما بتخو'ني بنتك
قالت تاليا الكلام ده وهي واقفة قدام باب أوضتي و شايلة كيس بين إيديها ... إعتدلت و باعدت شعري لورا
" أيوة و فيها إيه ... زي ماهي أمك دي عمتي "
تاليا : إشبعي بيها يا أختي
إبتسمت و بُصيت ل.عمتي لقيت نظراتها ليا مش مرتاحة خالص يمكن عشان الحالة يلي كنت فيها مكنتش كويسة ... حركت رأسي و كأني بقولها إني كويسة بس مي مردتش عليا ومسحت على شعري
تاليا : بُصي كده يا بنت الناس ، إيميليا دي تبقى أمي و إنت أمك إسمها ماريا فاهمة
" أيوة ... فاهمة "
حطت إيدها على خصرها و قالت : و يعقوب يبقى أبوك و ..
سكتت و مكمتلش كلامها عشان هي متعرفش إسم أبوها أصلا و ملامح عمتي كمان إتغيرت ... كنت عاوزة ألطف الجو و عشان كده قُلت
" جايبة إيه في الكيس ده "
تاليا : جايبلك أكل ... إنت خسيتي أوي و لازم ترجعي زي ما كنتي ... يعني بُصي كده لنفسك في المراية مفيش أي راجل حيقبل يتجوز وحدة زيك
" أيوة ... معاك حق "
دي الحقيقة و كان لازم أتقبلها من زمان قبل ما إنخطب من سليم أصلا ... شردت و نزلت رأسي بس لقيت تاليا بترمي الكيس عليا
تاليا : إفتحي و شوفي أمك إشترتلك إيه
" ماما "
تاليا : أيوة ...و أنا يا قلبي يا ماما إشترتلك إنت كمان حاجة بس مش عارفة اذا كانت حتعجبك و لا لأ
فتحت الكيس و طلعت منهم علبة و لما فتحت العلبة لقيت فستان أحمر طويل بس بس كان مشقو'ق ... قلبت الفستان و بعدما حطيته جنبي على السرير و قُلت
" فين سالي "
تاليا : بتدوري على سالي ليه
" مش عاجبني الفستان ده "
إيميليا : مش كنت تحبي الفساتين يلي لونهم أحمر يا بيلا و يلي يكونوا مشقو'قين ... إيه يلي غيرك يا قلبي
" مش عارفة ... تاليا لو كنت عاوزة تأخذي الفستان خذيه عشان أنا مش حلبس فستان زي ده "
سبت الفستان على السرير و طلعت من الأوضة كلها ، إينيليا و بنتها اتبادلوا النظرات اللي مش مفهوم و نزلوا هوما لتنين لتحت ... جدي رجع دلوقتي هو و توماس و سام من الشغل ، واقفة في الدرج و أنا ببُصله و لما رفع وشه ناحيتي قال
جورج : بيلا ... تعال يا قلب جدك
معرفش إزاي بس إبتسمت من كلامه ، الراجل ده طيب أوي معايا و مع أليكس كمان إزاي قُلت إني بخاف منه هو أنا الوحيدة يلي في البيت كله كلها يلي بيحبها بالشكل ده... نزلت الدرج و وقفت قُصاده
- حتفضل حبيبتك يا جدو بعد الصور دي
بُصيت للشخص يلي اتكلم لقيتها ساندي ... الكل اطلعوا عليا و كأني عملت جر'يمة بس عاوزة أعرف في الصور دي إيه ، إبتسمت بش'ر و اتحركت ناحية جدي
فيكتور : ساندي
ساندي : يا بابا لازم كلهم يعرفوا إنو البنت دي مش سهلة و هي ساف'لة و حق'يرة و ...
قبل ما تكمل كلامها لط'شها جورج بالق'لم و أخذ منها الصور بسرعة وهو يبُص عليهم ... حطت إيدها على خدها و إبتسمت لما شافت جدي رفع إيده
جورج : بيلا ... إنت عايزة إيه
" م... مش فاهمة قصدك يا جدو "
جورج : أنا عارف كل حاجة عنك و قد إيه كنت بتحبي إمام المسجد يلي اسمه سليم .... إنت لو عاوزة تأسلمي أسلمي بس مش حيكون ليك مكان بينا
حسيت بوج'ع في قلبي و كنت عاوزة أعيط بس اتحكمت في نفسي و نزلت رأسي تحت
توماس : مش كده يا جدي
إبتسم جورج بإنتصار و قال : من بينهم كلهم محدش إتكلم بس إنت يا توماس إتكلمت ... لما كنت بيلا صغيرة كنت الوحيد يلي بيلعب معاها ، كنت توديها لمدرسة و لما ترجع ترجع إنت و هيا يا توماس ... إفتكر يا توماس إنك الوحيد يلي بتدافع عنها في كل حاجة و ...
قاطعه توماس لما قال : إنت قُلت إنو بيلا لو أسلمت مش حيكون ليها مكان في البيت ده... فأنا كمان مش حيكون ليا مكان في البيت ده
جورج : ليه
توماس : إنت عارف إني مسلم
الكلمة دي وقعت على مسامع الموجودين زي صعقة الكهرباء و خصوصا ساندي و والدته ... لما ولدت و قرر جدي يسميني - إيزابيلا - كلهم كره'وني و كره'وا وجودي عشان أنا الوحيدة يلي حبها جدها من كل قلبه ، كان يروح و يرجع شغله بسرعة بس عشان يشوفوها ... كل صوري و أنا بكبر كانت عنده في ألبوم حط عليه إسمي ، أول مرة لما مشيت عمل فيديو ليا و أنا بمشي و كان بيضحك و لما أتعثر و أو'قع و أعيط يسيب التيليفون و يركض ناحيتي و يشيلني من على الأرض ، لدرجة دي كنت مميزة عند جدي و عند توماس كمان ... لكا كان عندي 4 سنين و جاب عمي فيكتور لبنته ساندي هدية ، كنت عاوزة أنا كمان يكون عندي هدية زيها بس بابا و ماما مكنوش موجودين و كان توماس عنده 12 سنة لقيته بيطلع ألعابه كلهم من الدولاب و جابهم بس عشان يرضيني
أول يوم ليا بالمدرسة ، معرفش إزاي بس كان مميز بالنسبة ليا ، بابا و جدي و توماس و عمتي كمان كلهم راحوا معايا للمدرسة ... ذكرياتي كلها دارت في دماغي
" إزاي بتعتنقوا الإسلام "
سام : جدي
جورج : سيبها
سام : مش حسيبها تأسلم ... هي كده حتكون م...
جورج بمقاطعة : إخر'س و سيبنا نشوف حيحصل إيه
رجع الصمت يحل في البيت كله ... معرفش إزاي بس كان لازم شوية شجاعة عشان أروح و أوقف قُدام توماس
" إزاي أكون مسلمة "
فيكتور : بيلا ... إنت حتعملي إيه
" يمكن دلوقتي في شوية دراما حصلت بسبب ساندي بس بجد أنا أشكرها "
جورج : بتشكريها على إيه
" خليتني أستعجل عشان أعلن إسلامي قُدامي عيلتي "
يعقوب : بيلا
" بابا ... أنا مش عاوزة أتع'ذب أكثر من كده "
يعقوب : يلي عاوزة تعمليه إعمليه يا بيلا و افتكري إني دايما واثق فيك و في قراراتك
" يبقى تأسلم معايا "
رجعوا سكتوا من جديد و بُصيت ل.بابا ... أنا عارفة إنو عيلتي بما فيهم جدي كانوا أحيانا بيروحوا المسجد يقعدوا في آخر الصفوف عشان يسمعوا خطبة الجمعة و بابا في يوم جرب يصوم رمضان بالرغم من إنه مش مسلم ، أنا و عيلتي زي بعضنا كلنا ضايعين
- أشهد أن لا إله إلا الله و أشهد أن محمدا رسول الله
إبتسمت من يلي قاله بابا و كأنه الجملة دي هي يلي بيعتنقوا بيها الإسلام ... هز توماس رأسه و أنا إتنهدت بدوري و قُلت
" أشهد أن لا إله إلا الله و أشهد أن محمدا رسول الله "
في البيت مبقاش توماس الوحيد المسلم و مبقاش أليكس وحيد في بيته ... خالته بيلا و جده يعقوب أسلم
شكرا لزيارتكم عالم روايات سكيرهوم
