رواية الرجل لاينسى حبه الأول الفصل الثاني عشر بقلم سهير رائد
--
قبل سنه ونص جانت حياتي كلش حلوة
فجاءة كلشي تغيير مابيها فرح ولا راحة بال
اني السبب بهذا اللي صار بيه اني ليش وافقت ورجعت لخضر
اعوفه يحجي ويهدد وفترة ويمل ويتركني
شنو اللي استفاديته من هل الرجعه والزواج اله بس الـ مرض والـقهر
لو الناس وفضيحتي والشمات
كلها تعرف زوجها عايفهاو محد يكون منصف ويگلون الصوج بخضّر
محد راح يگول امـة هيا سبب تعاسة ابنها
رغم هوا شكد يدافع عنها بس هيا شيطانة دمرت ابنها بالسحوره حتى مايعوفها ويمشي بطوعها
ما فكرت بخضر ونفسيته وشخصيته المسكين
مسكين خضر انسان بلا وعي انسان مظلوم والظالم امهِ .
مشت الامور على موضوع الانفصال
اجو امي وابوي لبيت عمي حتى يشوفوني
شافوني اني متغيرة وساكته
سوالف عاديه وي بيت عمي
يحاولون يبتعدون عن موضوعي
إريدهم بس يفتحون الموضوع منتظرتهم يحجون حتى احجي البداخلي حتى انطي رأيي
صبوا بيت عمي غداء
وتغدو واني ساكته حتى مرت عمي
گالت هاي بشورة هلايام ولاتاكل ضعفانه
امي :ليش يمه شني تستحين من بيت عمج !
لا ليش استحي شنو اليوم جايتهم صارلي فوك الشهر يمهم واكثر بس اني نفسي مسدودة
💚💚
ابتهال :رجال ومرته
ابوي:رجال ومرته واني تردوني اقتنع بهذا الكلام
امج تطعن بشرفها وبإذني سمعتها
واخوج عايفها فوك عبالك حيوانه عندة واي احجتية يضربها
ابتهال: بعد صارت
ابوي: الطلاك احسن شي
خايف لاتكبر بعد السالفه واني گوة لازم جهاد
ابتهال:لاعمي لا شنو شبيكم على خضر ترا احنه ماعدنا غيره اخونه الصغير ومانقبل عليه
ابوي: وابن اخوي ومايهون علية بس هوا مو ادمي
ابتهال :بس بشورة ماتريد تطلك
عمي غزاي: والله يا ابتهال
انتو فشلتوني وي اخوي اني اجيت واخذت خضر ورحت توسلت باخوي وهاي مرت اخوي تشهد كعدت اقنع بيها وبست راسها يلا وافقت
وهو كتل روحه كتل عليها شو من صارت مرته وبيته
هجرها ضربها رعبها
امج ساس البلة كله لو تريد مصلحة ابنها جان عزلتله كالتلَه شوف راحتك واخذ مريتك وروح
مو حتى المسواك ماتخلي يصعد لبشائر
ابتهال:امي مريضه وكلكم تعرفون هذا الشي
اني علية بخضر اخوي حتى ترك الدوام ومانعرف نحجي وياه ولا نكدر نشوفه حرام عليكم لا تضغطون عليه اكثر .
ابوي:اليجي من ايده الله يزيدة واحد مايعرف مصلحته
كلها سكتت واني جانت غصه بكلبي
ماكدرت اسكت لگيت روحي احجي
انتو كلكم السبب بالصار بخضر
انت عمي وانتي ابتهال
كلش زين تعرفون خضر شبيه
بلجذب محد راح وكعد وياة وحجة وسولف وياة وقنعه باللي تعرفونه
تكدرون تضغطون عليه يروح يعالج روحة
مرة ومرتين
انتو السبب كلكم المقربين تحبونه وتردون النه الخير بس ما ادخلتوا ولزمتونه وكلتولة يلا خضر اندور على اي علاج الك
علاج نفسي
علاج روحي
علاج عند دكتور شنو علتك
انتو كلكم تعرفون اكو عارض او شي بيني وبينه ويخلينه من اول يوم نتعارك
انتي ابتهال واخواتج تكدرن تجبرنه يطلع من البيت
تقنعنه لو اسبوع نعيش برا البيت
والله راح نكون اسعد اثنين بس مجرد نطلع من هذا البيت
بس انتو كلكم تعرفون الحقيقه والعلة اللي احنه واكعين بيها بس متحبون توكفون عليها وتعالجوها .
عمي غزاي : خضر صعب
لا والله خضر ماكو اسهل منه بس خضر وحيد لا عندة اخ يسمعله ولا ابوه الينصحلة ولاصاحب الزين
عمي غزاي: لا اني وياه دوم ويومية
صح وياه يوميه بس انت تعرف شبيه وشنو البينه اني وياه
انتي ابتهال تعرفين
انتو ولد عمي تعرفوووون ؟
كلها كالت لا غير اسرار زوجيه
مرت عمي يعني هيا سالفتكم انتتو العزال من البيت
اي شوفو هذا اللي عبالكم السبب
ابوي عضلي شفه عباله راح اجيب طاري ذيج السالفه .
سكتت وارتبكت مادري ليش وايدي كامت ترجف وصوتي هم كوه احجي لان الغصه كتلتني
:::
عمي هواي تشدد عليه ياخذني ويرجعني للدوام
وكلما اطلع اباوع بكل الطريق بلكي اشوف خضر
وخضر ميجاوبني من اتصل وجهازه انغلق
اريد احجي وياه لاخر مره قبل الطلاق رغبة بداخلي اكعد وياهِ كعدة اخيـرة
فجاءة اجتلي زهراء بنت عطور؟
مو من عوايدها تجي لبيت عمي بس وي امها اذا اكو فد مناسبة
گايله الهم اريد خاله بشائـر
وبملابسها مالت المدرسه
اني جنت هم بالدوام
ومن رجعت مرت عمي كالت اجتلج زهراء بنت عطور تريدج وتكول ارجع مره ثانيه اليوم بس لاتكولون اني اجيت الكم؟
خلتنه بقلق شتريد زهراء!
مرت عمي كالت خاف حبوبتها موديها وياها سحر ترشه عليج لو تشربه الج دير بالج تاخذين لو تنطيها شي
لاعمة ترا عطور وجهالها كلش مظلومين ماتعرفين شلون عايشين
مرت عمي : ولج بشائر ام خضير وعجوزي بعيني مرة شفتهن طيرن شعيره وخلنه يمشي على الحايط
انتي شتحجين ترا السحارات يفرن اكبر عقل
يمممه دخيلك ربي والله جسمي رجف عمه والله اني ام خضر كلش اخاف منها
عمه عيونها صغار وتخلي كحله هواي وبيها ريحة مقرفه اني مرات من اشمها ابقى جم يوم دايخه ريحة عبالك دخان
مرت عمي:هو هذا السحر بكل طريقة تسوي
ولج بقت بس هيا من تارثتهن السحارات متوارثاتها بلكي تموت وينتهي وياها شرها عساها بنار جنهم بالدنيا قبل الاخرة
امين يارب العالمين لو اعرف شنو تستفاد دمرت ابنها
وهو السحر واليستخدمه ملعون دنيا واخره
مرت عمي:؛ شيطان يتلبسهن للاعمال مو كل واحد يقاوم الشيطان ناس تحب التسلط والقوة والسحر قوة للشياطين
اعوووذ بالله عمه حتى جسمي گزبر
مرت عمي: جا شتكلينه احنه گبل من جنه نشوف بعيونه ونشرد من الخوووووف بس غير الله وكف النه وخلانة نطلع منهن ونبتعد عنهن وعن شرهن بسلامة .
..
بقيت انتظر زهراء بلكي تجي وما نمت الظهر
وصدك اجت زهراء بالاربعه
اول مادخلت كالت خاله اني محد يدري بيه جايتج اني عندي درس وعفت الدرس حتى اجي اشوفج
هلا بيج حبيبتي زهورة كولي محتاجه شي
زهراء :اي خاله اريد احجي وياج بس عليج الله وحدنا!
زهراء:خاله اني جايتج احجيلج شغلات جنت اتمنى احجيهن من زمان بس اخاف
شنو زهراء شكو احجي لتخافين
زهراء:خاله لتعوفن خالو خضر والله يحبج
ابتسمت بعد حتى لو يحبني واحبه يازهوره هذا الموضوع انتهى
شنو خضر وداج تحجيلي هيج
زهراء :لا والله بروح ابوي لا محد يعرف بيه ابد
اني اجيت حتى اسولف اشياء جانت تصير ؟
مثل شنو
هواي شغلات جنت اشوفها ونخاف نحجي
بيبي انسانه مو طبيعيه او ما اجينه نعيش يمهم جنت او جنى اني وصوفي منعرفها وصغار مانعرف شتسوي
دائما نشوفها تكعد وتسوي شغلات او دخان تدفن اشياء تالي اللي لو تحبن تذبح حيوانات
والله اخاف خاله بس بيبي مرة بليل شفتها مدري شلون لزمت بزون ومدري شسوت بيهة ولفتها بكونية وطلعت بيها قبل لايكعدون ماما وخالو
واني بقيت اخاف منها
بعدين من كمت افهم افتهمت بيبي تسوي سحوره
على اي شي
حتى انتي شكدر تذكر اسمج وشكد اتكصص بالموس اشياء باساميكم
لو كلساع حافره زاوية
وكمت من اشـوف هيج اروح احجي لماما
تگوم تلطم ويـومية تبقى أدور على اي شي وتذبهن لو تلمهن وتاخذهن وياها
وماما يومية تفتح قران لو تقراء قران بيبي تتخبل علينه
هذا كله تعودنا علينه حتى ماما كامت تتمرض
تدرين خاله ماما تحاول تطلع من البيت بس ماتعرف شلون تطلع تكول واحد مربطني
مثل شنو؟
مثل خالو من تزاعلتو انت وياه ترا انتي اطلعين من وقت هو قبل لايروح للدوام وراج يجيب مسواك لو ريوكات ويصعدهن يم الدوج لان انتي تفقلين الباب
تروح بيبي تنزلهن وتضمهن لو اتذبهن
وتكلي اذا تحجين اكول على عليج وعلى اخوج تسون شغلات موزينه ،
لااااااااااا زهوره لا عفيه
والله خاله انتي متعرفين اني شلون عايشه ومتعرفين شگد اعاني اني ومصطفى
اذكرج بشغله من مصطفى كام يصيح وخالو يتوسل بيه لا ترد ولا تعوف البيت وعاف البيت وراح تدرين ليش
انتي من كمتي تسوقين وتسولفين وياه وتضحكين
بيبي كامت تكوم وتكعد كدام خالو تكله هسه تروح تسوي شغلات موزينه وخالو يسكتها حتى لتسمعين
اخر شي
اي بس مصطفى شعلي ؟ عاف البيت وراح هيا تحجي عليه .وعلى اخلاقي
زهراء : مو بيبي كامت اتملخ بروحها كدام خالو من رجع من الدوام دخل كلها شبيج
كالتله شفت مصطفى نايم يم بشاير
اني نشغتتتت خليت ايدي على حلكي
زهراء: وهنا خالو انصدم لزم مصطفى ضربه وبـقى يسأل شنو اللي بينك وبين بشائر
بس اني ادخلت وكتله بيبي جذابه بيبي تذب تهم علينه مصطفى اخوي اشرف ولد وخاله شريفة بيبي هيا ام السحورة وكمت احجي بعصبية
وخالو عافه وبيبي بقت تحجي علية وتذب تهم بشعة
بس احنه تحملنه بوقتها وكلت لمصطفى روح لبيت اجدادي عوف البيت
ماما جانت طالعه ومن رجعت وعرفت كامت تلطم وتمرضت من الصار وكالت لبيبي لو ما انتي امي الا اكتلج ونخلص من شرج
بس بيبي بنفس اليوم سكتتهم
خاله لاتنصدمبن ترا احنه عايشين بصدمة وعالم عجيب
بيبي ابسط شي يومية اذا متلحك تسوي سحر جبير
مدري شتقراء على الماي وتنطي لخالو. لو امي هم
المشكله احنة ناكل ونشرب من جدر واحد واكلنه والماي سويه يعني السحورة مسويه شدة ياورد بينه ههه
اكو وحدة تكول على امها هيج بلكي تموت ؟
لا والله ماكو
زهراء: تدرين خالـة زينب اخر مره من اجت مريضة وتعبانه و
بيبي خنكتها وهيا نايمة وخالة كامت ضربتها وحدة تخنك بالثانيه وامي طلعتهن وحدة من اللخ
وانوب اظافر بيبي قويات تزرف الجلد من تهجم على البشر عبالي وحش:
كافي زهورة اني كلبي خلصان
زهراء: غير اسولفلج
وبعدين خاله زينب لزمت ملابس خالو وكامت تحرك بيهن وكامت ادور نفط ولكت وذبتها بغرفة بيبي وحركت الكنتور
وخاله زينب اتصيح هسه راح ينتهي كلشي هسه راح نخلص من اعمالج
وبيبي كامت تصرخ وماما شدت حلكها وربطتها وخالو ومصطفى واني وابن خاله زينب نطفي بالنار قبل لا تمشي بكل البيت
وخالو يصيح لتخلون النار تطلع وشنكول الام وبتها تخبلن ووحدة حركت الثانية
وعشة برعب ياخاله
انتي هنيالج راح تخلصين بس احنه شلون بينه
ادعيلنه خاله نخلص من بيبي ونعيش وحدنا
سودة عليه الله يخلصكم ان شاءالله.
زهراء:هيا هواي السوالف بس اني لازم اروح
خاله لترجعين لبيت جدو ابد وخالو اذا يحبج يروح وراج
.
شكرا على هاي النصيحة واني ماعرف شكولج يازوزه نورتي عقلي عن هواي شغلات جنت ما الكه الها تفسير من تصير هناك هسه انتي فاجئتيني وصدمتيني
زهراء:هو اني كتلت روحي الا اسولفلج حتى ارتاح .
حبيبتي حضنتها الله يحفظكم ويقويكم انتي وصوفير
زهراء:ادعيلنه نطلع كليات بعيدة ولعد منرجع لبيت الاشباح ههههه
صدك بيت الاشباح
..
كلهذا صاير واني مادري يمكن لو متحجيلي زهراء
ابقى على عمى عيوني
زهراء:خاله لعد اني اذا ما احجي هسه واحجيلج منو يسمعني خاله احنه كلنة مثلج . اني جنت اتمنى اسولفج كلشي ويومية شنو يصير بس اخاف
على ماما وعلى نفسي منها
خاله خالو يحبج وشكد جان سعيد من شافج اول مرة واجه يسولف عنج لماما واني اسمعه
ويحجون بالسر لا بيبي تسمعهم
انقهرت عليهم حيل
ودعيت ربي يخلصهم من بيبتهم مثل ما اني خلصت تقريبا
..
يمكن زهورة انصح منهم كلهم هيا الكلامها حجته بكل واقعيه وصراحة وعرفت العلة منين
كالت همزين راح تخلصين .!
حدود موعد تقديم الطلاق
وصدفه قبلها بيوم طلبت من مرت عمي تجيبلي نسائية.
كالت شلون تطلكين وانتي عليج الدورة يمكن سامعه مايصير الا اطهرين
اني ماخذت كلامها على محمل الجد
رايحة هيا ومبلغه عمي وعمي امبلغ ابوي
وخابرتني امي كالت كلنه لخضر مو هسه اطلكها من السيد
ليش شنو السبب؟
امي:يا غير عليج الدورة من تخلصين منها ؟
امي:مرت عمج تكول جبتلها شغلات خاصه وهاي مايصير تطلك !!
شنو انتو ماعدكم شي ينظم
امي:غير يمة نريد شي مرتب
اي مو هيا ديكور وتردين شي مرتب
..
بديت اجمع بغراضي
وطلعت ذهب عرسي وفلوس قليلات هو منطيهن اليه عندي والموبايل الخضر الجابه اليه .
حتى اوديهن لا بتهال
المشكله عمي مايقبل اطلع واروح لأي مكان .
انطيتهن لمرت عمي توديهن لابتهال وودتهن
.هاي الفترة اتمنى اشوف خضر واودعه وكلش مشتاقه لصوته اله هو لا اتصال لا اشوفه
عبالك مضيعه ضيعة بحياتي
توسلت بمرت عمي اروح لبيت ابتهال وتخابر خضر
ماقبلت تجاوبن شنو عقلج صغيرون ترحين وتشوفي
اي اي عقلي صغيرون واني هسه ما افكر الا اشوف خضر واحجي وياه .
حيل ضغطت عليها
بيوم جمعة وعمي وابنه الجبير راحوا بشغلة لغير محافظة بعيده للعصر يرجعون
كعدت وراهم وكتلها هسه تأخذيني اشوف خضر
المريه استسلمت اليه واخذتني من الصبح
دگينه الباب على ابتهال طلعت متفاجئة شكو
مرت عمي:ماكو شي
عمه هاي بشائر يمج امانه ساعه وخابرني وارجع ماكدر اعوف البيت وحدة واذ عمج اجه وكال وينها اكله وحدها راحت وفي امان الله
:ابتهال :ولج خير شكو
ماكو شي اجيت اشوفج
ابتهال :هلا بيج ومية هلا تعالي محد موجود بس الجهال ونايمه
دخلت للمطبخ
لزمت ايدها اوكفي ابتهال خابرلي خضر اريد اشوفه
ابتهال :شصاير ؟
ولج مصاير شي شبيك من اكول اريد اشوف خضر تنخبصون ترا خضر زوجي
ابتهال : على هاي سهله
جابت موبايله وخابرت الجهاز مغلق
خابرت عطور
انطيني خضر من وصل التلفون لخضر
سمعته كلها خل ترجع لبيت عمي
ابوها بس يسمع بيها يزعل عليها وعليه
اخذت التلفون. هلو خضر
تعال بس عشر دقائق اسلم عليك قبل لاروح لاهلي عكب باجر اخلص امتحانات
خضر :جر نفس ها بشائر شلونج
اني زينة الحمدلله
خضر:بشائر رجعي لبيت عمي والله شوفتنا ما وراهابس الأذيه الج روحي بشائر
صاح ابتهال وديها لبيت عمي .سد التلفون
نزلت التلفون واني امسح دموعي
ابتهال : شبيدي عليج انتي ما قصرتي وسويتي اللي عليج واكثر وهذا نصيبكم وقسمتكم وارضوا باللي قاسمة الكم ربكم '
اني ماردت شي غير اسلم عليه واخلي يبريلي الذمه ليش اشوفه بالمحكمة
صبتلي جاي كالت اشربي
كوة شربت شوية
دك تلفونها
خضر :
ابتهال :الو
اي بعدها هسه راح اوديها خوووش
سدته
كمت يلا اني راح اروح اندل الطريق وهم موصغيرة اني ومو محتاجه حماية
ابتهال:دگعدي راح يجي
صدك ؟
ابتهال :اي والله هسه يفتح الباب ويدخل
خوش رحمة الله والديج
صدك فتح قفل الباب من فوك ودخل
فرحت دخل لامطبخ لابس دشداشة بيضه ونظارت
صباح الخير
جاوبته صباح النور
ابتهال صباح النور
تفضل شنو غريب
خضر: اي
ها بشائر شلونج ها خير
انتو شنو سالفتكم حسرة احجي وي واحد يكلي ها خير صاير شي
ابتهال :يا جا شنكول هههه روحوا للصاله احجوا هنا حارة
خضر :لا ماطول ماكو شي بشائر هسه تروح لبيت عمي لان اني ماريد مشاكل وعتب من عمامي
كمت اصيح يعني عمامك يهموك واني ما اهمك شنو اريد احجي وخاطرهم يهمك وخاطري ميهمك
خضر: تقربلي سودة عليه على هلدموع والله اني اريدمصلحتج طلع كلنس ومسح دموعي
هاي هيا يلا اني اروح بعد
خضر:لا غير نحجي اشوفج شرايدة ؟
لا بعد انتهى الحديث وي كلشي انتهى ثاني
ابتهال : لا بشائر تعالي للصاله احجو فضفضو اللي بكلوبكم والله يهدي النفوس
لا اروح
لزم ايدي خضر يلا تعالي لتزعلين تعالي نسولف
جرني للصاله
ماريد اسولف او السوالف طارت ؟
خضر :على راحتج انتظر بلكي تذكرين شي من السوالف اللي بگلبج عليه
ماكو شي بگلبي عليج اني ابريك الذمه عن كلشي سويته بيه ؟
خضر:كثر الله من امثالج بعد ماكو احسن من براءة الذمة گدام الله ..
وين جنت مختفي ليش مغلق تلفونك وليش متجاوبني
اخذت اجازة ورحت لمكان ارتاح شويه ؟
شو من جنت يمك مافد يوم كلت تعالي نروح لفد مكان نرتاح شوية ؟
خضر: ههههه مادري
بعد تشوفني وجه الجلب؟
خضر: حشاج
انتي بعيوني بس انتي بنية بالعالم وبس ؟
همزين طلعت منك شي حلو
خضر: ضحك بفشله
خضر لا طلك هسه من اروح لاهلي ورا شهر طلكني او شهرين
خضر: موبيدي عمي وجهاد يضغطون عليه
وانت ليش هيج راضخ الهم بدون ردة فعل
خضر: عمي وابن عمي وهما يعرفون مصلحتنه
كافي خضر انت رجال جبير ليش تخلي الاخرين يقررون بمكانك شبييييك متفهمني .
خضر: بعد اني ماعندي شخصية اني مو رجال
كااااافي كااااااافي اكوووم احسلي طلعت من الصاله للمطبخ لبست حذائي. فتحت باب ااشارع ابتهال وراي بشائر خليني اوصلج بشورة
لا شنو طفله انتو كلكم تعاملونه اني وخضر اصغار .
سديت الباب وراي تمشيت سمعت فتحت بابهم
عبالي ابتهال
طلع خضر اجه مسرع وراي
اوكفي اوصلج
لا ارجع خاف تخاف احد يشوفك وياي ؟
خضر:لاعاد مو لهدرجه اني رجلج
منو يكول ؟
خضر:هههه انجبي مو لهدرجه. خلينة نرجع لببت ابتهال نسولف
بعد راح ترحين ؟
لا ماريد اشوفك وروح ليشوفك عمي غزاي يدوس ببطنك
خضر:لا عاد كافي بشائر مسويتني منصبه
اي هما يعاملونه معاملة جهال مانفتهم شي
خضر: اي والله مدري ليش ،؟
مستصغرينه لان مشاكلنه هواي يمكن
خضر:اكلج احنة ليش واكفين ونسولف بالشارع والدنيا حارة عليج تعاي رجعي لبيت ابتهال ونسولف .
لا اروح يلا مع السلامة
خضر: الله وياج
بقى واكف واني بقيت امشي بس اتمنى ارجعله وصلت لبيت عمي
دكيت بالباب ماكو ادك هواي بقيت ادك عليهم محد يفتح شنو نيام ؟
كتلتني الشمس
رجعت لبيت ابتهال بالحر فتحلي الباب خضر هااااشكو
مادري بيت عمي شبيهم ميفتحولي الباب
خابر مرت عمي
خضر اي صار
طلع موبايله
وكال تعالي دخلي دخلت غسلت بالمطبخ وهما يخابرون متجاوب
ابتهال كالت راح اخابر عمي واكله انتي يمي خاف يرجع
لا لاتخابرينه يسولي مشكله وكلها تبقى تحجي
خضر:لا خابري وبلغي بس لتكليله خضر
ابتهال : هاي مرت عمي دكت
جاوبتها كالت الها اني بالسوك
وياي البنيه ع جنتها تقصد وساعه ويرجعن .
خوش انتظرهن
خضر بعدها بالعشرة اتريكي
لا ماريد
ابتهال اكلكم اني راح اريك الجهال واطبخ وهوسة يمي كووموا من المطبخ
لاتزعجوني بسوالفكم !
كعدت بالصاله كهد يمي خضر
مشتاقلج
همزين مشتاقلي
خضر: لا ولج مشتاقلج من زمان
زين ليش تريد اطلكني
انتي طللبتي الطلاك وابوج واخوج
لا انت لان جهاد ضربك قررت الطلاك
خضر:اي ضربني واستصغرني
معليك بيه اني راح اروح لاهلي وابقى انتظرك سنة سنتين تلاثه لحد مترتب امورك .
خضر: اشتري راحتج
تقربت منه خضر انت زوجي
يعني تدري شنو ترا بكل سيئاتك وياي وبهذالي وياك
بس اني ماكو بگلبي غيرك احبك واحن الك واخاف عليك وانقهر عليك خضر انت ساكن بكلبي ولك شنو اني هينه علية اعوفك
خصر:واني مو هينه علية اعوفج .
جذاب
خضر: لا كافي حجي زايد خليني اباوع على عيونج شو صاير لونهن ازرك
ضحكت دكافي انت جذب
خضر:اكلج ترا اني كوه لازم روحي عنج اريد احضنج
دروح هو انت هيج بالاوقات الضايعه تريد تكوم تحبني
بس يلا تعال احضنك حضن اخير
خضر:لا ماحضنج اني مو كد الحضن
ضربته ع صدرة شنو تضحك عليه
وحضنته
خضر: بشائر اني احبج واكوت عليج وانتي وي النفس والروح واخاف عليج هواي بس القدر هو مايريدنا نبقى سويه
اشش اسكت
باسني براسي. اطورت البوسات
الى غير اشياء
بسرعه قفل باب الصالة بالمفتاح جانت صبحيه جنونية بالنسبه اله
سنة كاملة عن اخر مره احاول لسكته من الهذيان الصار بيه هو اسكت بحلكه وهو متخبل
كتفي خضر ليجون بيت عمي خل اروح
خضر:ابقي لترحين انتي مرتي ورجعنا وهاي هيا اني اريدج اذا انت تردين
اي اريدك بس لازم تلكه حل
خضر:الكه بس مو هسه بس اصبري علية
اصبر انت ولاتخليهم يضغطون عليك
خضر:لا بعد ما طلك
فتح باب الصاله
جانت ابتهال وجهالها بالغرفه يمكن متقصدة بالغرفه تدخل
يلا تودوني
خضر :اسبحي هنا ؟
لا خضر اروح هناك
تعاي اوصلج
طلعت ابتهال مبتسمه لا الا تتغدون
خضر اني رايح للبيت نص ساعة وراجع
بقيت اني
ابتهال: ترا مرت عمي بالبيت وهيا متعمدة ماتفتح الباب حتى تبقون تسولفون تكول بلكي يرجعون خطيه
هااا يعني اتفاق
ابتهال:اي والله هيا خططت ههههه
دخلت سبحت وبسرعة اكلت لان حيل جعت بس اني فرحانه حيل
واجه خضر بسرعه وداني لبيت عمي
دكيت الباب فتحتلي مرت عمي
ها وين جنتي
جنت بالسوك
وليس مكتيلي رجعت فلشت الباب
مرت عمي دبقي بحضين رجلج المن جايه ماتكليلي وتضحك
فشلتني
عمه عليج الله لتكولين
لا عمة ماكول وروح ابوي اني اريد الكم الخير واريدكم ترجعون .
بقيت اليوم كله والليل كله اني بس اتخيل خضر وشنو سوة وسعيدة بيه .
بس محد حس عليه بيت عمي .
ثاني يوم رحت للدوام امتحانات يوم السبت
وطلعت وي بنيه من وقت بالتسعه ونص اخذت اجازة رحت لبيت ابتهال هيا من شافتني ضحكت
ليش تضحكين ؟
ابتهال خضر نايم بالصاله من البارحه .
صدك ؟
ابتهال .اي والله وشرب جكاير العراق كله حرك الدنيا حرك بالدخان
ليش؟
مقهور خابر عمي ابوج وكاله اريد مرتي وگايله ماعدنا مرة الك كافي لاتلح وباجر يجون يأخذونج !
خوش اني اروح خاف يجون اهلي هسه
ابتهال :غير باجر تخلص الامتحانات ؟
بس خاف من خابرهم يجون من اليوم ؟
ابتهال : لاتعالي شوفي
دخلنه للصاله بعدة نايم
وصدك الگطوف اليمه تارسة النفاضه والكاع ؟
ابتهال: خضوري اكعد هاي بشائر
شال راسه بعدة نايم
ها اطلعي ابتهال وسدي الباب
طلعت ابتهال وهو رفع الجرجف تعاي يمي
اتفقت وياه باجر قبل لايجون اهلي اجي اشوفه
وب١٢ رجعت لبيت عمي وعمي يكول وين جنتي ؟
رحت لامدرسه لكيتج طالعه
رحت يم ابتهال اشوفها واسلم عليها غير باجر اروح لاهلي .
واخر يوم اللي
رحت للدوام واني ضايجه كلش
وكملنا كلشي وشي تسلم على شي
وبعدني بالمدرسة كالو
اجو عليج ؟
لكيت ابوي وعمي يأخذوني
مافرحت بشوفتهم لان بعد ماشوف خضر
رجعت للبيت حتى اخذ غراضي واني ماريد اروح واخاف اكول ماريد اروح اريد خضر اخاف
ولكيت جهاد همينا بالبيت عبالك مسوين علية القاء القبض
دخلت اجيب غراضي
اني اهلي اول شي وبعدني يم بيت عمي سحبو مني الخط
والتلفون الجان عندي وديته وي ذهبي لابتهال
وابوي مايقبل يشتريلي موبايل
والخط اخذه هوا
صحت مرت عمي
كتلها خابري ابتهال كليلها اجو عليها راح يأخذوها
مرت عمي :ليش
عمه بس خابريها انطيها خبر
راح ورا البيت وخابرتها
وانتظرت بلكي تجي تمنعهم يأخذوني
وما كو وصعدت عبالك ماخذينه اسيرة ابوي وجهاد
راح ورا البيت وخابرتها
رغم ابوي يلطف الجو بس اني امبين علية مو فرحانة
ابوي كلساع يكول اجيبلج شي تاكلينه
ارفض
وصلت لبيت اهلي ابد ما فارحانة برجعتي الهم احس روحي ممرتاحة
.
اهلي احسهم كلش قافلين على الطلاق
ماكو مجال للنقاش وياهم .
جهاد كلساع يخابر ها شوكت يجي يطلكها ؟
سمعت ابوي كله باجر نرفع قضية احنه نخلعها منه
!!!
وكف كلبي
رحت احجي وي امي
يمه اني ماريد اطلك انطونه مجاال رحمة لاهلج
امي بسرعه صاحت ابو تعال ابو جهاد
احجي وي بنتك ماتريد تطلك
ابوي: ليش ماتردين تطلكين هاي مو رادتج
اي جانت رادتي بس خلينه نصبر علية
وابوي لعب لعب بيه
امي : ماقدروج واتهموج وضربوج على شنو باقية وياه هااا
ابوي :شنو اللي زين بيه من تزوجتي لليوم ترا انتي تبقين طول عمرج حتى طفل ماتحصلين وهو لو بيج صوج مابقى وياج يوم .
ماكدرت احجي وياهم لان هما يردون مصلحتي ويحبوني
بس اني متغيرة كايمة ماكدر الا بحياتي خضر
بس حاولت اقنع بروحي بس من اتذكر اخر يومين واني بحضن خضر وكلامه اموت من القهر .
بس مع هذا منعت ابوي وقنعته لايقدم خلع لان شتكول الناس ع خضر
.
ابوي من ينام يعوف موبايله على الشحن بالهول حتى لو بية مية يخلي ع الشحن
رحت سديت الباب اخذت الموبايل طلعت رقم خضر واتصلت علية
عباله ابوي
ويكلي ولج لا يلزموج ويكتلوج هههه
كتله لاتطلك هسه عليك الله لاتطلك
خضر :لاماطلك شنو مخبل شنو يردون خل يسون اني ماطلك.
من كال هيج اطمأنيت ومشيت حياتي عادي وجنت جدا اتحسس من اي شي من الشغل من الجهال من امي من ابوي من جهاد
مادري كمت اضوج منهم اكعد وانام بالغرفه الثانيه وهيا حارة كلش
امي:شنو بشائر انتي حيل متغيره تزعلين وتضوجين وكاعده وحدج
يمه عيشي يومج وحياتج
شسوي يعني ؟ شنو اللي بحياتي يستاهل اعيشله واتمتع بيومي واني باقيه لا متزوجه ويم رجلي ولا مطلكة وناسيه كلشي
امي: تتعودين يمه تتعودين وتنسين وتجوز تتزوجين وتلكين واحد يعوضج عن حياتج السابقة وزواج فاشل
يمة هوا اني جنت محد يدري بيه مطلكة ومحد دك بابي ومحد يشوفني انوب هسه مطلكة مرتين من ابن عمي
منو ميت عليه ؟
امي:اي عادي عيشي حياتج هيا قابل الحياة بس رجال وزواج ابقيهنا يمنه راسنه واسجمنا لمن نموت
عندج جهال اخوانج تونسي عليهم وربيهم
حتى بكبرتج يلمونج ؟
انتو تردوني ابقى خدامة هنا الكم ولاجهال ابنج
هذا اللي تردونه
امي:يا ولج لا والله شبيج من شوكنت هذا تفكيرج
بس اكلج انتي غلطانه بكلشي وهلكج بطرف خشمج
يجوز تريد تجيج الدورة
جنج مسودنه كاعده بهل الحرك على الاقل شغلي المبرده ؟
دورة؟ صدك هلايام موعدها.
هم لگيت فرصه وخابرت خضر من تلفون ابوي وكال راح اشمرج تلفون صغير باجر بالحديقه حتى نتخابر
بيه بس ضمي ؟
بقيت اراقب الحديقه كلشي ماكو
بليل غسان دخل للغرفه
سد الباب طلع موبايل صغير كال هاج هذا من خضر ؟
ها مادري ماعرفه
غسان :لاهوا انطانيا انطي الج خو انتي كوليلي واني اخليج تخابرينه من تلفوني لو اجيبلج واحد الج ليش هل الختيلان شمالكم
اذا هيج تردينه ويريدج ترا محد يمنعكم تتفاركون
كمت ابجي بس ابوي وجهاد عبالك خضر عدوهم
غسان: بشائر
ترا الناس الي بمنطقة عمامي كايلين لابوي شنو ماتردون بتكم يوميه رجلها كاتلها وام خضر تفتر وتكول موخوش بنيه
عدها صاحب
شنووو
غسان : اي والله جيرانهم مسولف لابوي كله احنه ام خضر نعرفها وبلغنه خضر لاتفتر وتحجي على مرته
وابوي كال لخضر وخضر كله يعني شسوي هاي امي اكتلها ومتلاغي وي ابوي
وجهاد.
بس الكل يعرف ام خضر مو ادميه
اي الكل وهو الرجال كايل لابوي عمي خلص بنتك
ليش خاف العالم تصدك .هسه ابوج حقه لو مو حقة
اني ادري ام خضر تحجي هيج وادري بعد اكثر واكثر سوالف متسولف بس خضر ماله علاقه اني كتله ابقى انتظرك سنة سنتين تلاثه رتب امورك على راحتك .
ًغسان : مايكدر بعد الا يكتل امه ويدخل السنة ههههههه
الله يعينه على هل البلاء
غسان: اني لو مكان خضر يمكن من زمان ميت بس هوا رب العالمين يعرف المن ينطي البلاء
قبل فترة امي ومرتي تلاغن
غير للصبح اني منايم كلبي موتني من الوجع
شلون امي زعلت عليه ومرتي دارت وجها وطنكرت
واني اثنيهن عزيزات
الصبح كعدت كعدت امي من النوم وحضنتها كلشي ولا تنقهرين
وهيا تكلي خايب وخر من الجوع حتى نسيت شصاير البارحه هههههه وهيا ناسية ومرتي هم ناسية واني اللي وكعت بيها بالقهرة
هههه. احر فترة امي كامتماتسولفلي شصاير مصاير عدكم .
ع العموم مشكور على الموبايل
غسان :مشكوره اني بس التوصيل بس الجهاز من خضر وحتى شفته مخليلج رصيد ابو العشرين
والله امورج توب اني عندي بس الفين سجوز اتقرض منج
لا مانطي انت تطلعوتشتري ههههه
:راسلت خضر وصل الموبايل
بس من تخابر بليل نتراسل رساله واثنين بس هيج سطحيات ومن اخلص اقفله واخلي فوك الكنتور .
من اتأخرت دورتي
كلت شيصير لو حامل وما انفصل من خضر
يعني تأخرت اسبوعين واني شنو كمت بس اتحسس ببطني بين القلق وبين شعور حلو حامل معقوله احبل منه ؟
تواصلت وي خضر بليل
شكد اتصلت ميجاوب
بقيت اتصل ماكو
وجه الصبح فزيت هم خابرته
جاوب مادري بيش ااساعه
خضر :شكو خير
هم كال شكو خير
خضر:ولج تدرين شكد متصلة يمكن ٢٥مره وهسه جاي اكتب رساله اكلج نايم و اتصلتي
اي شسوي اريد اكلك شغلة
خضر:كولي
ماعرف شكول شو استحي؟
خضر:شنو تردين اجي انام يمج
هو سنة يمكن انت لاعب بس اربع مرات
خضر: بس كل لعبة اسجل اكثر من هدف
اكلك خضر يمكن واحد من الاهداف اصاب الشباك واخترقها؟
خضر:ها شني يعني ولج فهميني
مادري يمكن حامل
خضر:ها منين ولج
شنووووو. منين ها انت شتحجي؟
خضرههههه ولج ارتبكت صدك يعني صدك
والله مادري بس اني متأخره عليه ١٤يوم عن موعدها
خضر:اكلج اني مافهم بسوالف النسوان شلون عرفتي فهميني
شوف هيا كل اقل من شهر تنزل تبقى كم يوم وتخلص
اني اخر مره يم بيت عمي اول ما ردنا نروح واهلي كلولة اجل طلاك السيد
وارها اني وياك صار بينه لقاء اكثر من مره وبعد ما اجت ابد؟
خضر:روحي للدكتوره بلكي صدك
اي وشكول لاهلي تعالو اخذوني
جنت انام وياه بسكوت
خضر:اني زوجج شعليهم اهلج
المهم هسه شلون نتأكد ؟
اريد فد شي يسمونه شريط اختبار الحمل مرت احوي تستخدمة تجيبة من ااصيدلية
خضر:عادي ينطوه لاي واحد ؟
اييي عادي
خضر : قبل صلاة الظهر يمج ماروح للدوام وراح اطلع الكم كبل
يلا ماشي راح انتظرك ،؟
بقيت احوس وكلساع وطالعه بالحديقة
ل١١وشفت شي انشمر ؟؟
رجعت طلعت كلاص منريدة ورحت للصحيات البرا وجربت وااحد واثنين وتلاثه واربعه
كلهن خطين
يما ااااااا
رحتي بيها يا بشيرة حمل
شكد ما فرحانه شكد ما الرجيف اخذني والتوتر
طلعت لفيتهن وذبيتهن بالحاويه ورجعت للبيت
للغرفه
خابرته بسرعة جاوب هااااا
حامل
خضر: هاااا هههههه يالله يالله يالله الحمد والشكر الك ربي
هسه شنو انت تضحك لو تبجي
خضر:الف مبروك حبيبتي الف مبرووووووووووك
اي واهلي
خضر:والعباس ماعوفج ليلة يمهم لو تصير بالتفگ ولج انتي وحامل شلون اعوفج يمهم بعد ميقبلون اجيبج بالقانون
بكل الطرق اجيبج يمي.
خلصت من خضر وكاعده افكر شراح يصير اليوم دخلت عليه امي
بس بغضب ولج شني هذني
شنو ????
لازمه بيها اختبارات الحمل ؟
شنو ذني امي????
انجبي بشيرة اني شفتج من اخذتيهن ودخلتي آلَمرافق وذبيتهن
اي يمه اختبارات حمل
منو جابهن الج احجي ؟ ولج العالم تاكل وجهنا منو جااابهن
شنووو. يمة شنو العالم تاكل وجهج اني شمسويه غير متزوجه
شنو متزوجه وانتي زوجج عايفج من جم شهر
لا معايفني مو بكيفكم يعوفني .
امي:اس ولاكلمة لاتسمع مرت اخوج وتسولف ولج شلون شكول للعالم
يممممممممممه اني متزوجه والعالم كلها تدري متززززوجة .
امي:طاح حظج وحظ زوجج الي ماعرف يلمج وخلاج حجاية بلسون كل العالم
مادري ليش امي عبالها اني مسويه مصيبة
بقيت انتظر خضر شيسوي
اجه ابوي وتغدو
وبالخمسة سمعت خضر جاي ؟
دخله غسان
رحت وكفت يم بابا الهول
اسمعهم شيحجون
خضر او مادخل سلم وكعد كال اريد ارجع بشاير وجاي اليوم ماطلع الا تنطوني مرتي
طلع غسان من الهول ؟هز ايدة ليش واكفه هنا ادخلي جوا اذا تردين اترجعين اوكفي وياه بس لاتنطين ببوج
امي :شتدخل ع صخام وجهه
غسان :يمة لاتدخلين
اني آشجعت ودخلت
باوعلي ابوي ها شووو دخلتي
بوية خلينه نحجي اثنينه وياك ونقنعك
ابوي:شتقنعيني ولج انتي بسبب امه سمعتج صارت على كل الَلسان ولج كمت استحي اجي لمنطقتكم
خضر:عمي امي مريضة وانت اكثر شخص تعرف امي شكد مؤذيه بس اني سنين محاوطها ومانع شرها اللي عن آلَكل ومتحمل الحرك والدك اللي اني بية
ابوِي:اييي يعيوني وتريد ترجعون لهناك مو حتى هلمرة تكتل بنتي بالسحورة لو بسم لو خنك لو تبقى تكول عليها مصاحبه
خضر:تخسى امي !!!!!!
خضر لا عمي
بشاير يمي ترجع اكعدها يم ابتهال وزوجها ابن عمنا مو غريب منا لمن البيت ينباع
واعزل لامي وعطور بمكان بعيد
واني اشتريلي كاع بعيدة البيت ذاك بعد ما اخلي بشاير توصل لبابه
ابوي:عود افكر من تشتري عود الله كريم تعال ونحجي
خضر :لاعمي مرتي ترجع وياي
ابوي :كلت رتب امورك ولاتگلب عود بعدين نحجي
خضر:عمي خل مرتي ترجع وياي رحمة لموتاك عليك بروح موتاك بروح ولدك وبروح بنتك وبروح ابوك وبروح امك الطاهره
ابوي :ليش هسه تريد تاخذها
خضر: عمي بشائر حامل ؟
ابوي :شنووووو شنو ولك شتكول انت
خضر:شبيك عمي حامل مو المفروض تفرح
ابوي كام على حيله شني افرح تضحكون عليه وجرني من ركبتيِّ بقوة شنوووو حامل منين
خضر حاجِز ابوي وخلاني ورا ظهرا افه عليك عمي شنو منين وانت. ليش هيج تعاملها
ابوي :لا مووووو هيا كالتلي وسكت
طاح حظج وحظه يا ساقطين امداج وامدة كرامتج زعلانه والدنيا كلها تدري بيج وانتي ادورين نومات وياه من ورانه امشي ولي امشي
دخل غسان ورجع سد الباب
بويه على كيفك صلي على محمد
شنو شبيك بويه رجال ومرته
شتريد يصير بيهم
ابِوي:اسكت انت كلشي ماتفتهم زمال وكاولي مثلهم
غسان :لابويه احنه تربيتك
وحرام عليك اللي تسوي والي تحجي
ابِوي:تدري بيها حامل وساكت
غسان :لاوالله بس هو زوجها ويريدها وماعايفها يعني هسه اليسمعك شيكول ها يكول بنتك بشائر مو خوش بنيه وانت هيج مصدوم
حتى عيب لاتسمعك ام فاطمة وتكول شنو المكسورة المسويتها بشائر وابوها هيج يريد يخنكها
خضر: رحمة الله والديك غسان انصفنا
غسان ؛من رخصت ابوي اخذ مرتك وروح لو تخليها هنا جم يوم رتب امورك الكالَك سكن واخذها
خضر : نشوف اني وبشاير هسه
وهنا ابوي هدا وباوعلي وضحك!!! كال خوينسه ترحين وياه
بكيفك
ابوي :يمه فقيرة مؤدبة
ابقي جم يوم علما يدور بيت ياجرة
وهنا اني ارتاحيت
ودخل جهاد للبيت ودخل علينة
بغضب وصارت مشاحنات وماقبل اروح بس ابوي كله لاتروح انت شعليك
ماعرف شلون طلعنا اني و خضر بذيج الساعه من جهاد لان تخبل علينه هدد خضر بالق تل !
طلعنه بمساعدة غسان وامي وابوي
طلعوني وشخط السياره ووكفها نص الطريق تعاي ابوسج
جان فرحان لان حامل
وصلنه لبيت ابتهال وصعدت وصار مسكني يم ابتهال وكلها فرحانه برجعتنا وبخبر حملي
عشنا يم ابتهال شهرين ورااها انباع البيت الجبير ووزع خضر الورث بين اخواته وهو حصل حاله حالهن بس وامه ابد ماشفتها وكعدت يم عطور
واحنه اجرنا شقة علما هو يبني
وصارت عندي بنيه
واضطريت اخذها لامه تشوفها
وجنت حيل خايفه من شوفتها
وماخليتها وماخليت اي احد يلزم بنتي
شفت نظراتها مرعبه
بسرعة طلعت خفت حيل
بس الحمدلله ماصار شي
وراها صار عندي طفلة ثانية
وكمل بيتنا وانتقلنه بكل حب وتفاهم وحياتنا مستقرة
بعد ما ابتعدنا عن سبب دمارنا
وراها ماتت ام خضر بعد مدة من المرض وخلصت منها عطور وجانت فاتحتها جدا طبيعيه مابيها اي دمعة تذكر بس عشاء وغداء ولمة اقارب وسوالف وضحك
جانت عالة على ابنها وبناتها
اذتهم بشعوذتها وكلامها الجارح
تهم بالعرض امام الناس
هجمان البيوت بكل طريقة
بس الحمدلله والشكر محد من بناتها ورثت هذا الشي
ومات كلشي وياها والله
وبقت هيا وربها وعملها .
واسم القصة
الرجل لاينسى حبه الاول
خضر ماعرف غير بشائر وحبها بس جان انسان ضعيف بالشخصية وبالايمان وكبر وحاول يسترجعها بقوة بس اعمال الشعوذة اقوى منه
وبشائر هم ما عافته وبقت وياه ودافعت عنه حتى لو بعد فوات الاوان
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
