رواية النصيب الفصل الثاني عشر
مي بفرح: تعرف يا احمد اني انبصت اوي النهاردة مع رقية وعمتو صفاء بجد ناس طايبين اوووي
احمد بإبتسامه: اه يا مي، حتى انا النهاردة شوفت جانب من عمك احمد وعليّ مكنتش شايفه قبل كدا، بجد شوفت حب كبير منهم، شوفت قد ايه بيحبوا بابا وبيعزوه
مي وقد شعرت بالحنق: عمي اه.... انما عليّ دا مستحيييل دا واحد متعجرف وشايف نفسه
احمد: بالعكس يا مي هو مش كدا خالص، دا شخصية طيبة جدااا بس معرفش ايه السبب البيخليه يقلب مرة واحدة كدا
مي: السبب دا انا يا احمد، او بالاخص الماضي بتاعي..... ودا العمي احمد برضو مش رضي يقولهولي النهاردة برضو.... بس اكيد هعرف كل حاجه
احمد: مي... لو سمحتي خلاص انسي
مي: مش بالسهولة دى يا احمد، طالما عرفت يبقا هعرف كل حاجه لنهاية... يلا تصبح علي خير يا حبيبي
احمد: وانتي من اهل الخير يا حبيبتي..... مي عنيده اوي يا بابا ومش هتسيب عمي احمد غير لما تعرف كل حاجه، ربنا يسترها ومايحصلش اي حاجه تألمها تاني، يارب اسعدها وكفاية وجع ليها.
_انتهي احمد من كلامه ومالبث ان وجد اتصال من احد اصدقائه
احمد بسعادة: والله ايه طول الغيبه دي اعم محمد والله واحشني ياشق
محمد: والله وانت يا صاحبي، بس انت عارف بقا الشغل وعمايله
احمد: ياعم ماتخليني اشوفك في يوم كدا ولا حاجه
محمد : والله يابني انا بقالي فترة مسافر والحياة معسلجه خالص والله ولسه نازل النهاردة حاله طارئه بقا ههه، وقولت اتصل عليك اطمن
احمد بفرح: والله فيك الخير يابني والله واحشني جامد، بس نعمل ايه بقا نصيبنا كدا هي الثانوية كدا بتفرقنا كلنا، كل واحد راح في جهة بس الحمدلله على كل حال، قولى انت بس ايه السبب الطارئ ال خلاك تنزل
محمد: كتب كتاب امل بنت عمي ياعم كان النهاردة، انت متعرفش ولا ايه؟!!!
احمد وقد نزل الخبر على قلبه مثل الصاعقة وذهبت الضحكة من على وجهة لتحل محلها دمعه في عينيه: امل انكتب كتابها النهاردة؟!!!
محمد: اه ياعم، ربنا يسعدها يارب والله يازين ما اختارت والله، وليد انا اعرفه شخصيا وبجد انا كلي ثقة انه هيحافظ عليها
احمد وقد ذهب صوته بعض الشيء: اه ان شاءالله، ربنا يسعدها، وصلها مباركتي
محمد: يوصل يا صاحبي.... معلش هقفل دلوقتى اصل ابويا بيزعق
احمد: ماشي ياعم ربنا يسعدك انت كمان يا حبيبي
محمد: ويسعدك ياشق
_اغلق احمد الهاتف وهو مازال في صدمته يشعر انه كان في غيبوبه والان قد فاق منها وبإفاقته هذه كل شيء ذهب من يده
مي: في ايه يا احمد مالك كدا وشك بهة مرة واحدة كدا ليه
احمد: امـل
مي: مالها امل؟!!
احمد: انكتب كتابها النهاردة
مي وهي تشعر بألم وحزن اخيها جيدا: ربنا هيعوضك بالاحسن منها يا حبيبي صدقني، قول عوضني يارب خير وان شاءالله ربنا هيعوضك يا حبيبي، هي ماكنتش من نصيبك من الاول علشان كدا قول الحمدلله وانساها وعيش حياتك يا احمد
احمد وهو يشعر بحزن كبير في قلبه: حاضر يا مي حاضر انا داخل عاوز انام عن اذنك
مي: ماشي يا حبيبي روح....... ربنا يعوضك خير يا حبيبي يارب، يارب فرح احمد ورزقه بالبنت ال تستحقه صدقني ياربي هو عمره ما اتمني الشر لحد يارب اسعده ارجوك
_دخل احمد الى غرفته والحزن يملأ قلبه، فما وجد غير ان يهرب من كل هذا في نومه عميقه ولكن مشاعره غلبته فظل علي هذه الحالة يتذكر امل الى ان اذن الفجر فقام وتوضيء وذهب الي المسجد ليصلي
......................
استيقظ وليد على صوت الاذان فقام وتوضيء وذهب ليصلي الفجر في المسجد هو الاخر ولكن قبل ان يذهب مسك هاتفه وقرر ان يوقظ امل هي الاخرى
وليد: السلام عليكم
امل: وعليكم السلام ورحمة الله وبركاته
وليد: انتي صاحية؟
امل: اه صاحية من ساعة علشان كنت بصلي قيام
وليد: ماشي يا حبيبتي حسابي معاكي بعدين بس دلوقتي انا بس كنت متصل علشان تصلي الفجر، ابقي صحي شمس كمان
امل: انا صحية شمس دلوقتى اهو.... بس حساب ايه البعدين!!
وليد: بعدين علشان انا انا ماشي للمسجد
امل بقلق: ماشي.... يارب استرها هو ايه الحصل علشان يقول كدا
_وصل وليد الي المسجد وبدا في الصلاة
حتي وصل الي السجدة الاخيرة وبدأ في الدعاء
وليد: ربي رب السموات والارض انت القادر علي كل شيء احبك يارب واحب ابتلاءك ونعمك احب كل شيء هو اتٍ منك يا الهي احمدك على كل شيء واحمدك انك قد جمعت بيني وبين حبيبتي تحت ظلك يا الله، يارب قدرني على ان اجعلها سعيدة دائمآ وان لا احزنها ابدا يارب استرها معانا واجلب لنا الفرح دائمآ ❤
_انتهي وليد من صلاته ثم ذهب الي المنزل
بينما في الجهة الاخرى كان يوجد احمد الذي لم يذهب الي بيته بل قرر ان يجلس بعض الوقت في المسجد وان يخلوا بربه في ركن في المسجد من دون ان يزعجه اي احد
احمد: ربي اعلم اني اخطأت في حياتي كثيرا ربما هذا هو السبب الذي يجعلك تأخذ كل من احب مني، في البداية اهلي، ثم الان البنت التي قد احببتها، ولكني لا اعترض، لا ااعتراض في قضاءك يا ارحم الراحمين، بل اني الان اعود اليك اعود اليك بقلبي وبعقلي وبجسدى اعود اليك واتمني رضاك عني اعود اليك واتمني حبك ياربي، ارجوك اعف عني ودلني علي الطريق المستقيم يا ارحم الراحمين يا الله
_رجع احمد الى بيته وهو مليء بالكثير من الطاقة الاجابيه بعدما طلب السماح من ربه والعوض الجميل منه وان يدله على الطريق الصحيح.
صعد احمد الي منزله وقرر ان يجلس في البلكونه لبعض الوقت ليستنشق هواء الفجر النقي
جلس احمد على كرسيه المفضل واغمض عينيه ليشعر بالراحة والهدوء لبعض الوقت، فما لبث الى ان وجد رسالة قد وقعت عليه
احمد بإستغراب: جات منين الورقة دى!!!!!
_اخذ احمد الورقة التي وقعت عليه وبدا في قرأتها....
لن تشعر بالراحة لمجرد ان تغمض عينيك فقط امسك كتاب الله وقرأ اياته عندها ستشعر حقا بدفء ربك
ما وجد احمد غير ابتسامه تُرسم على ثغرة بعدما قرأ هذه الرسالة، فظل يبحث بعينيه امامه ليبحث عن مصدر مجيء هذه الرسالة ولكنه لم يلاحظ اي احد، فقام واحضر مصحفه وجلس مكانه وبدأ في ترتيل سورة يس 😍... ثم مالبث ان نام وهو يشعر بالطمئنينه وهو على الكرسي في مكانه ❤
............... . ..........
_في هذه الفترة كانت امل قلقه جدا بسبب حديث وليد معها اخر مرة وصار عقلها مشتت جدا وتفكر ياترى ماذا حدث لقوله هذا
وما لبثت الا ان وجدت وليد يتصل عليها
امل: السلام عليكم
وليد: وعليكم السلام ورحمة الله وبركاته.... مالك في حاجة ولا ايه؟
امل: هو انا ال فيا ولا انتي!!!
وليد: اممممم مش فاهم
امل: ليه قولت حسابك معايا لما ارجع مش فاهمه انا؟!
وليد: امممممم بصراحة انا زعلان منك ومش حابب اتكلم معاكي
امل: زعلان مني انا!!!! طب انا عملت ايه؟!!
وليد بحزن: والله مش عارفه عملتي ايه طب سلام
_ثم اغلق وليد المكالمة، انصدمت امل من ردت فعله وانه حقا قد اغلق المكالمة في وجهها 😨
امل: ايه دا، دا قفل التلفون في وشي بجد، هو في ايه انا مش فاهمه حاجة... والله ما انا سيباك ياسي وليد غير ما تفهمني كل حاجة.......
امل: نعم بتتصلي تاني ليه
وليد: مش حضرت جنابك مش عارفه عملتي ايه يبقا خلاص بقا نتكلم في ايه
امل: وليد ماتكونش ذي العيل الصغير كدا وقولي انا زعلتك في ايه
وليد: والله ذي العيل الصغير!!!... طب سلام عليكم
امل: لا لا لا وليد استني متقفلش الله يخليك والله ماعرف انت زعلان ليه
وليد: والله!!!!
امل: ولييييد خلاص بقا الله يخليك، قول بقا وانا والله عهد مني اني ماعملش الغلط دا تاني وهعتذر منك كمان قول بقا ايه المزعلك
وليد: ال مزعلني يا استاذة امل انك صحيتي صليتي قيام ومكلفتيش نفسك انك تتصلي عليا وتقوليلي قوم صلي، لا وكمان صحيتي شمس ومصحتنيش.... دى حاجة تزعل ولا متزعلش حضرتك
امل وهي تحاول كتم ضحكتها: ايوة ايوة طبعا تزعل اذاي يعني ماصحِكش دا انا طلعت وحشة بشكل
وليد: ااامممل
امل وهي تجاهد في كتم ضحكتها وليس تحاول فقط: نعم يا وليد انا قولت حاجة يا حبيبي انا قولت مايصحش، خلاص حقك عليا يا حبيبي بعد كدا هصحيك دايما ومش هعدى يوم غير لما اصحيك حلو كدا يا حبيبي
وليد وقد هدا بعض الشيء: ايوة كدا حلو
امل وقد فضحتها ضحكتها: مش قولتلك عيل صغير ههههههههه
وليد: بس لما اشوفك بس
امل: طايب انا عاوزه اشوفك النهاردة
_لم يصدق وليد ماسمعه لدرجته انه مسك الهاتف و نظر اليه بصدمه
وليد: انتي امل ال معايا صح؟!!!!
امل: ههههه اه اه انا امل يا وليد ماتقلقش ياحبيبي هههههه
وليد: لا لا دى في حاجة غلط فعلا، عاوزه اشوفك وانا يا حبيبي ايه دا في ايه اجدعان
امل بخجل: وليييد
وليد: وليد ايه وكلام ايه دا انا عاوز اخدك في حضني
امل: بلاش قلة ادب احسنلك، انا كان قصدى عاوزه اشوفك علشان ننزل نجيب شوية حجات سوا
وليد: المهم انك عاوزه تشووفيينيي
امل: ههههه سلام يا وليد علشان انا عاوزه انااام
وليد: تصبحي علي اجمل حاجة تفرح قلبك يا قلبي
امل بخجل: وانت كمان
وليد: لو كان عليا مفيش حاجة تفرحني قدك
امل بخجل: انا بقول اني بقيت عاوزه انام جدا
وليد: يلا ياعم هسيبك المرة دى هههههه يلا السلام عليكى
امل: وعليك السلام😊
*جميعنا نحلم بالحب ولكن في بعض الاحيان الحب وحده لا يكفي، بل يكون بجانبه الامان والطمئنينه ان تشعر بالراحة والفرح بجانب من تحب، ان لم تشعر ذلك فهذا بتأكيد لا يسمى حب *
