رواية بنات سهر الفصل الثاني عشر بقلم فراقد حسن علي
نجلس والحزن يملأ قلوبنا،
يطفئ جمال الدنيا ومحاسنها،
فتجد آلامنا قد مَلئت حياتنا وكستها باللّون الأسود،
غير قادرين على النسيان أوتجاوز كلّ ما مررنا به، فالذكريات الحزينة منغرسة في قلوبنا تأبى النسيان، تؤلمنا لحدّ الموت،
تشعرنا بالوحدة
وتزيل كلّ شعاع نور الذي قد يغير حالنا....
===================
مسرة / اني سمعت جواب لمى
لو أحس سجينه ونامت بقلبي
أختنكت وأنعصرت روحي
أني الأعرفة منتصر مطلق زوجته
ام تبارك وحسين بيناتهم مشاكل وما متفاهمين
بس ساهرة هاي المراة الجبيره تكون زوجته
ابد ما توقعتها....
12 ت
بحيث عفت لمى وحدها بالمطبخ
ورحت كعدت بره بالحديقة
وبقت روحي وعقلي يهتزن ويه هزة ألمرجوحة
أنوب لزمتني البجيه
اني بقيت متعجبه على روحي
شبيه ؟؟
وليش هيج غثني جواب لمى ؟؟
وحتى لو ساهرة زوجة منتصر
اني شبيه هيج أحتركت روحي
وأنعصر قلبي !!!
14 ت
هنا وتجيني سوار تبجي
جريت نفس بقهر وحسره وسألتها / شبيج ؟؟
خوات منتصر الباقيات راحن لبيوتهن
وفتكينه من هاي هدى الوكحة
فلشت روحي من وره حجيها اليغث
حتى ما تناديلي باأسمي
تناديني ام عيون العمي
لو العار
لو بت الدايحة
وبعد هوايه حجي وكلمات عيب وماصخة
11 ت
وأساور دخلت تسبح
شكد ماما توبتها من سبح بليل بس مايفيد وياها
تكلها تتمرضين واعظامج تكوم توجعج
واخاف عليج من الشغلات الروحانية
بس هي ما يفيد وياها ، دوم تسبح بليل
وتلف راسها وتنام
6 ت
سألت لمى على مسره كالت / ضايجة
وراحت كعدت بالمرجوحة
هسه اروح اشوف شبيها
1 ت
أني رحت جبت نارنجيه وكعدت احفر بيها
سويتها طاسه ورشيت عليها ملح
وبديت أكلها بروحي مو بحلكي
هلكد مااشتهي الحموضة
جاوبتني بضحكة وكالت / خايبه شمالج ما تعرفيها
الدورة الشهريه مالتج شوكت أجتج أخير مره
اني فتحت عيوني على وسعهن خجلت من سؤالها
وهي عدها عادي تسألني هيج كدام الكل
كتلها / عيب خاله أني أستحي أكول
وكمت من مكاني مرتبكة من المستحى
والملم بالهوسه الصارت من الملح والنارنج
5 ت
شو خالتي بقت صافنه عليه وعلى أم ساهرة
وكالت / يمه سوار شو جاوبيني
شوكت أجتج الدورة خل أفتهم دربي
1 ت
جاوبتها واني سحت من الخجل
والله حتى ويه خواتي وماما مااسولف بهذا الموضوع
احسه شي خاص وعيب يسولف بي
كتلها / قبل ما تموت ماما
وطلعت بسرعة رحت للمطبخ
9 ت
ما سمعت غير خالتي نادت ورايه /
ولج تعاي هنا جاوبيني
1 ت
مارجعت للصاله أستحي وهن لطشن بس يسألن
عاد هي لحكتني تمشي بالكوة خطية
ركبها بيهن سوفان
كالت / شو تعاي كعدي يمي
هي كعدت على القنفة
وأني رحت كعدت يمها
بقيت اباوع بوجها هي هم صافنه بوجهي
كالت / يمه بس فهميني انتي شوكت
اجتج الدوره اخير مرة؟؟
2 ت
كتلها / والله استحي أحجي بهذا الموضوع عيب
بس الخاطرج راح اكولج
يمكن قبل ما تموت ماما بعشره ايام لو اكثر
اني مااحفظ اليوم انسى
2 ت
شو هي أشرلتلي بيدها وشلون التخربطت
كالت / ماي جيبلي ماي
من سودة بوجهك طارق
على فعلتك هاي
15 ت
كمت بسرعة وجبتلها كلاص مي
هي تشرب أجتي لمى وكفت يمنا
وكالت / ها يوم سوسو حامل مو ؟
خالتي بس هزت راسها يعني اي
وكالت / اكيد حامل والها فوك الشهر
شبيه مانكرت عليها والله سطرتني الدنيا
كلساع كافختني بسالفه شكل
5 ت
اني بقيت صافنه على لمى
كتلها / يعني منو حامل ؟!
8 ت
جاوبتني وهي مخبوصه
مااعرف عليمن تريد تخابر
بيدها تلفونها تكلب بي
كالت / انتي الحامل يمكرودة
7 ت
اني هنا الدنيا أفترت بيه
حتى بعد مااعرف اجمع الأفكار براسي
ولا اعرف شنو اكول وشنو أحجي
مااستوعبت حجم الكلام احسه هواية جبير على عمري
بس بقيت مجلبه بكلمه / شلون صرت حامل؟
عيب تكولون عليه كلام مو زين !
وطلعت ركض للحديقة على مسره
شفت مسره تبجي ومهضومة
من شافتني سألتني / شبيج ؟؟
بسرعة كتلها / خالتي ولمى يغلطن عليه ويكولن انتي حامل
11 ت
مسرة / مااكدر هنا اوصف شعور المااعرف شنو
خيبه امل مثل ما يكلون
على كسرت خاطر
على شعور بالذل والإهانة
والله مااعرف افسر شعوري بهذيج اللحظه شنو
9 ت
انوب اريد اكوم أفتهم من خالتي شنو الموضوع
رجليه أنشلت من سمعت الخبر
وهاي بس تبجي وتشهك وتعتعت بسلاميتي
ولطشت تكول / تعاي حاجيهن لا يكولن
عليه كلام عيب
8 ت
كمت بالكوه من ألمرجوحة
وسوار تسوحل بيه طبيت جوة للصاله
ولكيت خالتي شاده راسها بشال
وكاعدة تشرب علاج
وساهرة وأمها يباوعون علينا بنظره شفقه
ولمى تخابر تحاجي رجال تكله / هسه تجي
امي تخربطت راح تموت
حاجيت خالتي/ خاله صدك حجي سوار
تكلي خالتي ولمى يكولن عليه حامل
صدك هي هسه حامل
2 ت
خالتي بس حركت راسها يعني اي
واني شلون الطلعت حركة قلبي
وعصرت روحي بيها
لزمت اختي سوار وبلشت بيها دك كفخات
وكمت اخيط واخربط بالحجي
وهي بس كعدت بالكاع وضمت راسها بيدها
فقدت بس اكفخ بيها واصيح /
موتي يالعار
موتي الله ياخذج واخلص من قهرجن
عافتجن امجن بركبتي
مااعرف شوكت أجتي أساور
وهم لزمتها كفخات واضرب بيها
وهي بس ادفع بيه وتصيح/ شبيج تخبلتي علينا
والله بهذيج الساعه من فقدت
يعني لمى وساهرة يفكني من خواتي ومااعوفهن
ماأحس الا أيد رجال عتتني بقوة
ودفعتني عن خواتي
أباوع هذا همام حاجني وهو صاك على سنونه
/ شبيج تسودنتي صوتج يم الزلم
6
اني هنا تخبلت رسمي
كمت ادك والطم على وجهي وجسمي
من صدك فقدت
يعني طلعت قهرت فقدت ماما واشتياقي الها
وضيم تحمل المسؤوليه الكسرت ظهري
بهذا الخبر الوكع على راسي
اختي هي جاهل مو عاد تجيب جاهل
7 ت
ويمكن ضوجتي من ساهرة وميانتها ويه منتصر
هم الها جانب بهاي هوستي
وليش ضجت منها وعلى شنو مااعرف
مااحس ألا الدنيا أفترت بيه
وأوكع بالكاع كمت بالكوه أجر النفس
وأبجي بشهكة بدون دموع
احس روحي تطلع ويه الشهكة
1 ت
أسمع وأحس واشوف لمى وساهرة يحركن بيه ،
وأساور جابت مي وكامن يطشن على وجهي
بس اني مااحجي وياهن
روحي تعبت احس كبرت عشرين سنه فوك عمري
7 ت
شالني البنات من الكاع
ومددوني على القنفة
همام بقى يسال/ هاي شبيها ؟؟
ليش هيج تسودنت على خواتها
وكطعت روحها ؟؟
1 ت
جاوبته ساهرة/ الله يكون بعونها
المر عليهن مو سهل
والجاي عليهن هم مو سهل
خطيبه طارق حامل
ولمى اتصلت عليه سكران وبالكوه يحجي
يكول / استغفر الله هذا مو أبني
وعمتي هل أتخربطت من وره قهره
19 ت
همام بسرعة كال / ينجب وياكل خ...
شنو مو أبنه !!
جأ منو صخم حياتها ودمرها غير فعلته الغمة
هسه انطي باص المنتصر
ومن يجي خلي يشك حلكة
9 ت
أني بقيت أشهك من غير دموع وبالكوة أجر النفس
وخواتي كاعدات على جهه وهم يبجن
هن يباوعن عليه بقهر
واني أباوعلهن بحزن
خطية شنو ذنبهن
أنكتبت عليهن حياة مجبورات عليها
والله اعلم شنو ضامتلنا الدنيا بعد
أني بالكوة أتنفس وخاطري وروحي وقلبي مكسورات
سألت خالتي بلكت غلطانه
كتلها / خاله متأكد سوار حامل ؟؟
زين شبسرعه صار عدها حمل ؟؟
هي جاوبتني وادك على رجليها
وكل شويه شلون الواحد اليفز ويذكر
وترجع تغلط على طارق
كالت / اني متأكد حامل
وباجر اخذها للدكتورة
وليش ما تحبل مو ركبها شفج .
وما سامعه بوحدة حبلت من ليلتها
يعني من ليله عرسها وشالت ؟
18 ت
بقيت بهذاك الوكت صافنه
وعقلي وكف على المصيبه الوكعت على راسي
والله خطية سوار صغيرة عمر
هستوها دخلت بعمر ال ١٥ سنه
وناعمة جسم ،
وانوب عافت الاكل ضعفت فرد نوب
حتى صحتها أنعدمت
وفوك كل هذا هي فقيره وطيبه وما عدها حياله ومكاره وسوالف البنات الباقيات
والله بعدها جاهله
6 ت
مر الوكت وبيه مرت الدقايق كلش ثكيله
بين ما راحوا جماعة منتصر
وهو كعد يمنا بالصالة وافتهم الموضوع
وعندة الموضوع سهل وبسرعه حله
كال / الاسبوع الجاي نعرسلهم
4 ت
خالتي كالتله / بلغ حاتم بسالفه
شماأشوف راح يصير الدم للركب
ولكم الله أكبر لان شفتوهن نثايه بدون والي
أستجلبتوا عليهن وكلساع واحد منكم مااخذله كفخه بيهن
6 ت
منتصر كاللها/ يوم شنو هل حجي هذا
ان شاء الله لا تصير هوسه ولا دمايه
نعرسلهم الاسبوع الجاي
ومن يحين موعد ولادتها
عود طشن خبر بين الناس جابت سبيعي
وحلت وفلت السالفة
منتصر بقى يباوع عليه
كال / شبيج بويه شو ما عاجبني وضعج
وصوتج كبل شويه أجى ليمنه
خيرج ؟؟
3 ت
أني ما حجيت شي
بقيت متمدده وبس أشهك
همزين لمى شمرت عليه غطوة خفيفه
حركت راسي يعني ماكو شي
ساهرة من يمها جاوبت / أبو حسين
عينك على مريتك لا تهملها
تراها ترفة روح ،
والغيره ملخت قلبها !!!!!
31 ت
هو أبتسم وكال / أفاااا كل هاي الهوسه الصارت علمودي عمي أني محكوكلج
والصبح أوضحلج الصوره
بس ترى أني هم حكي أطالب بشوفه شرعيه
باعتبارج مريتي
شدكولين أم منتصر؟؟
همام كاللها/ يوم لا تكبريها الاسبوع الجاي نعرسلهم
وطارق ينجب وياكل تبن
عمامي يكسرون عظمه ويشربون دمة
بس يفك حلكة
وهيج بساع بساع منتصر حل الموضوع
وعندة السالفه سهله
ويا مسهل حلها
بهذيج الليله لا غمضت ولا طبك جفن عيوني
اساور صلت الفجر يلا نامت
وسوار نامت بشهكت روحها
6 ت
للصبح اريد أشيل روحي من الفراش مااكدر
الصخونه جلبت بيه
واني لا مستبرده ولا مريضة
بس ليش صخنت مااعرف
9 ت
الحد الظهر بالكوه خلص الوكت
الموجودين بالبيت كلهم وجوهم تخرمش من الضوجة
على الغده منتصر راد طارق بعده نايم
صعد همام ينادي
بين ماحضرنا الاكل وبدينا نتغدة هو نزل
ضايج وجهه ما يكصه الطبر
وجهه منفوخ من النوم
كامت لمى صبتله ألاكل
تغدة وهو ساكت مانطق ولا كلمه
مو مثل الايام المضت يسولف ويشاقه
من خلصنا الاكل ولمى وأساور لملمن الميز
هو كال / لمى سويلي كلاص كهوة مره. الصداع ملخني
منتصر كاله / عود لا تصعد الغرفتك ولا تطلع ،،
عندي موضوع وياك
الحكني للصاله
1 ت
هو جاوب بضوجة / أوووو منتصر
ترى مالي خلك المثالياتك ،،
من البارحه بليل كتلك غراب البين ماتصيرلي مراه
لو توذرني وتوزعني للبزازين
هاي سالفه كطنه وشيلها من أذانك
هنا منتصر تعصب وكام يصيح عليه /
والعباس أشك حلكك
تعرس الاسبوع اليجي
وتلم الفضيحة السويتها
لو أبلغ حاتم وعمامي أخليهم يحركونك بتيزاب
هو هنا نطت عيونه وكام يردم
يصيح / منتصر انت من كل عقلك
اتزوج وحدة امها كح....
ذبت فلك وانكتل زلمة من وراها
والحصان الثاني صارلها جلب وديع وشرد بيها
وبسببها صار الدم للركاب
15 ت
وكام يدك على ميز الطعام بجفوف ايديه اثنيناتهن
وصار احمر من الاعصاب نطت عروكة ويصيح/
من كل عقلك اخذ وحده تربات كح.... الله واعلم
منو لاعب بيها ونافشها كبلي
وتريدني أتعكل بيها
16 ت
هنا منتصر صاح بي / أنلصم ولا تظل تبثول بالحجي
على أيدك أتكشفت البنيه
انت الاعتديت عليها وأنتهكت شرفها
وهي ما دزت عليك ولا ماينه عليك
وحاليا حامل وشايله أبنك
تعرس الاسبوع الجاي وتلم الموضوع
لو تصير مو زينه وياك
هو طفر وكام يركع باب المطبخ بقوة
ويصيح/ مااخذها والله
ولكم امها كح....
شبيه مسودن أخذلي كح.....
لا تشوفوها فقيره ومسكينه
تلكوها حيه صفره نفس طينه امها الخر....
منتصر كام عليه وزنكة من ياخته ولطشه على الباب
كاله / تعرس الاسبوع الجاي
لو أرميك وأشمرك للجلاب
مو أنت التنكس سمعة كاظم الكعبي
1 ت
هو دفع منتصر عنه بقوة
منتصر أختل توازنه من رجع ليوره بس ماوكع
وخالتي / كامت تعيط وتخرمش بوجهه
وهمام وكف حاجز بيناتهم
هو طارق ماادري شبي دايخ
ماادري لان متعصب بعد مايشوف
شو لزم أساور مو سوار
جانت واكفه مصكوكة من الخوف
تريد تضم الخبز بالمجمده
وكام يسحول بيها
يصيح / الا أدفنج بالحديقة واخلص منج ومن الشر البطنج
14 ت
وهي أساور تخربطت بيده
مو فقدت الوعي لا من الخوف كعدت بالكاع
وتكول / ماما تعاي الحكيني
5 ت
لمى صارت شاطرة / وخابرت على حيدر
كالتله / الحك علينه طارق تسودن
وضرب منتصر
اني رغم الصخونه والخوف بس ما عفت اختي
كمت أشاكف ويه منتصر وهمام
يفكون أساور من أيد طارق
هو عباله سوار ويسوحل بيها
مااشوف الا منتصر كام يضرب بوكسات بطارق
واحد لزم الثاني من ياخة الهدوم
واجتي ساهرة ولمى يفازعن
واني وهمام هم نفازع
وطارق من صدك تخبل
نطت شريان ركبته وصياحه هرج الدنيا
يصيح / والله اليوم الا أكتلها
8 ت
وصارت هوسه وعركة شكبرها وشكدها
وأجي حيدر يركض بيتهم هم قريب على بيت منتصر
بالشارع الوراهم
وهو المخابر على عمنا حاتم
هم أجى يركض
وتعالوا وشوفوا مصايح الرياجيل
كلب الدنيا،
وطارق فاقد من عصبيته مااعرف صدك سكران
لان عمنا حاتم يكول / تراه مو صاحي هذا بالع
جتفوة لا يسويلنه سالفة
17 ت
هو يعوف منتصر يهجم على أساور
خطية هي تخربطت وكعت بالكاع
حرنا بيها اني ولمى
2 ت
خالتي تخاف على منتصر
ماصارله مدة من سوه عمليته
وكامت تكفخ بطارق وتغلط وتفشر عليه
وعمنا حاتم وحيدر تولوه كفخات
وهو شاش يصيح/ ولكم هي وليه غمان
اليوم أنعل والديكم،
والعباس اليوم أطشركم
واذبح هاي الكح.....
11 ت
هنا همام وعمنا حاتم وحيدر
اخذوه سحل جوة
وهو شكو غلط وفشار بالدنيا شمره علينا
منتصر شمر نفسه على القنفة وكعد يفرك بقلبه
وساهرة كعدت بصفة وفتحت دكم دشداشته
وكامت أدلك بصدره
5 ت
وخالتي كاعدة بالكاع بس تباوع عليه
وتلطم على رجليها
واني وأساور وحدة حاضنه الثانيه
ونتباجة
هو منتصر غده كاغد محروك
شعره مخربط ووجهه انكلب أحمر من الاعصاب
ويفرك بقلبه ويلاكف الهوة بالكوه
باوع علينه وكال / البنيه الصغيره أختجن وينها ؟
أني هنا أنتبهت هي سوار ماكو
قلبي وكع بالكاع من الخوف عليها
طلعت من المطبخ ادور عليها
اريد اشوف وين راحت
بغرفة خالتي ماكو
بالحمام ماكو
فتحت باب الاستقبال واشوفهم الرياجيل
كاعدين هنا ، ويسولفون ويه طارق
عمنا حاتم كال / هااا شبيج ؟
2 ت
كتله / ادور على سوار ماكو
كال / لا تخافين صعدتها فوك بغرفة لمى
رحت اركض عليها
ادك بالباب ماتفتحها تخاف
الا أطمئنت بس أني موجودة يلا فتحتها
شبكتها وشبكتني بقوة وتكول / والله هذا وحش
كولي الخالتي مااريد الجاهل
ميخالف خليهم يموتوه
بس لا يكتلني هذا المخبل
شويه وصعدت أساور
وكعدنا ثلاثتنا وحدة حاظنه الثانيه
والدمع السايح على الخد صار صديقنا المخلص
أساور/ اني عرفت شنو سالفه ماما
وليش الناس يعيرونا بيها
سولفتلي بيها أم ساهره المراة العجوز
وتأكدت من مازن ومن خالتي
أثنينهم حجولي نفس الحجي
يعني ماكو جذب بموضوعها
وفد كرهتها ......
واحملها ذنب اليصير بينا هسه
من ذل وقهر وأذيه ..........
شكرا لزيارتكم عالم روايات سكيرهوم
