رواية حطام امراءه الفصل الثالث عشر بقلم جمانه السعيدي
البارت الثالث عشروالاخيرررررر
حطام امراءه
جمانه السعيدي
فاتن اخذت جهالي وطلعت ما اريدهم يسمعون عياط سهاد
وكلامه الجارح عليه
وصلت الراس الشارع منتضره الخط
وبكلبي اكول هو اني ماعندي حظ كوه
حتلو انسان زين يعطف عليه هم يطلع واحد يمنعه
بعد ما ارجع الهذا البيت ابد
شويه وشفت وسام اجا بسيارته فتح الباب وكال اصعدو
فاتن من رخصتك ارجع الزوجتك واني راح اعوف الشغل
اني ما اريد اسببلك مشاكل
وسام اصعد ووو وبعدين نحجي
فاتن بس
وسام ارجوج اصعدي
صعدنا اني والجهال وحرك السياره
بلبدايه بقه ساكت واني سكتت
كال راح نروح نتغدا برا
اخذنا للمطعم مطعم صاير بمول
كلش حلووو
وبي على جه اللعاب اطفال
الجهال حيل فرحو لان اني ابد ما ماخذتهم المدينة الالعاب
اني ويااا كعدنا والجهال راحو يلعبون
طلب اكل
وسام اني اريدج تساعديني اريد حل الهاي المشكله
اني تعبت كلش تعبت
اتورطة ورطه بهاي الزواجه
سهاد انسانه لاتطاق واني بعد ما اكدر اتحمله اكثر
لاتقبل تجاوب وياي
ولا تقبل تعامل الناس الي تهتم بيه بصوره صحيحه
واني احس نفسي
شايل حمل فوك طاقتي
الذنب ذنبي كان لازم انهي هاي الزواجه من البدايه
فاتن ولله حاسه بيك بس مااعرف شنو الحل
وسام اني ضاع مستقبلي وياها
اعرف زوجتي واعرف بت عمي بس اني شنو ذنبي اني اريد اشوف حياتي
إلى متى راح ابقى هذا وضعي
افكر ادخله مستشفى أمراض نفسيه
فاتن ولله ما ادري
جابولنا الاكل وكعدنا ناكل والجهال طايرين من الفرحه
ووسام أخذهم يلعبون بعد بقينا مايقارب
ساعتين هناك
ورجعنا للبيت نزلنا ووسام كال انتي مجازه يومين
خل سهاد تعرف قيمة تعبج
فاتن يمكن ماارجع للشغل مره ثانيه
وسام التفتت عليه وكتله ويهون عليج تعوفيني
فاتن اتفاجئت من ردت فعله يعني قصدك لان اعوف سهاد تهتم بيه وحدك
وسام لا قصدي اني تعودت على وجودج بحياتي
فاتن نزلت اني والجهال وصعدت للشقه
جمانه السعيدي
واني فكري كله راح وياااا
اني بقانون حياتي ماكو شي اسمه رجال
لان انصدمت بابوي ورياض بعدهم كرهت كل رجال بلدنيا
بس وسام غير
حقه سهاد حقه تحبه وتغار علي
وسام رجعت للبيت بس سمعت صوتي سهاد
كامت تصيح وسام وسام وينك
وسام نعم شكوووو خير بعد ماكو وحده تخدمج
لان قفلتي ملف الخدمه بعصبيتج
واني واصله روحي الخشمي منج
ومراح اجيب وحده تخدمج بعد
انتي شوفي شلون ادبرين نفسج
وراح اشتغل طول النهار وما ارجع بس بليل لان بعد نفذ صبري
سهاد هذا كله لان ماقبلت فاتن اجيب اطفاله وتجي
وسام انتي ماعندج ذرة انسانيه ماكو رحمه بكلبج
شلون تردين الناس ترحمج وانتي ماكاعد ترحمين نفسج
سهاد اي مااريد فاتن فاتن حلوه وزغيره وتريد تأخذك مني
وسام حتلو هاي الفكره مو ابالي انتي خليتيه ابالي
تدرين خوش فكره
اني راح ازوج فاتن حلوه وزغيره وعدها اطفال اكيد راح تعوضني كل السنين السوده الي عشتهن وياج
سهاد ولله اكتل نفسي
وسام ياريت على الاقل ارتاح منج اني ليش رابط نفسي بوحده مثلج
سهاد اهي اهي تريد تعوفني
وسام مو اني اريد اعوفج انتي جاي تبعدين اي شخص يريد يساعدج
عفته ورحت نمت بلغرفه الثانيه
ولله كلبي خلص منه
ياربي لوتاخذني لوتاخذه
جمانه السعيدي
تمددت بلاستقبال طلعت التليفون واتصلت بفاتن
وسام هلو فاتن
....هلو وسام
...عندي اللج عرض ما يتفوت
...خير انشاء الله
...تزوجيني
...فاتن من سمعت كلمه تزوجيني وكع التليفون من ايدي
...وسام الووو الوووو فاتن سمعتيني
... شلت التليفون .اي سمعتك
...شنو رائيج
...بلعت ريكي وسكتت
...يمعوده ردي رحمه الاهلج
...انت تحجي صدك
...لا كاعد اتشاقه اكيد صدك
هااا شنو رائيج
...وسهاد
...شبيه سهاد شنو سهاد هم محسوبه عليه زوجه برائيج
...بس شنو ردت فعله
...خليه تزعل كم يوم اكيد راح تقبل بلاخر
...خل افكر انته فاجئتني
...براحتج فكري زين واني انتضرج
بس سديته راسا اتصلت بامل
فاتن ولج الحكيلي وسام يريد يزوجني
امل يالله اي بيه الخير
..يعني شنو
...يعني وسام كلش مناسب اللج وراح يحبج ويحب جهالج
ويدير باله عليهم
...اوافق علي
...اكيد قبل لا تضيع هاي الفرصه منج ترا وسام خوش انسان ومايتعوض ابد
...وزوجته
...زوجته مقعده يعني لاتهش ولاتنش تزعل كم يوم وترضا اصلا وسام مضلوم وياها لازم يزوج من زمان
...يعني اوافق
..اي وافقي بس بشرط يجي يخطبج مني اني والي امرج
...ولج اموله انتي احسن من ولي أمري الحقيقي
ثاني يوم رجع اتصل عليه وكال هااا نكول مبروك
...اي
...ياحبيبتي اي شي تطلبي اني حاضر
...اي طلبات ماعندي بس الرحمه حلوه اريد نعيش اني وسهاد سويه حتى اهتم بيه
رب العالمين يكول ارحمو من في الأرض يرحمكم من في السماء
جمانه السعيدي
وسام تحجين صدك
فاتن اي ولله احجي صدك اني بعد تعلمت عليه وعلى طبعه
وسام خلاص راح اجهز الطابق الثاني حتى يكون بيتج انتي واطفالج
الطابق الثاني بي غرفتين وهول وصحيات
فاتن تمام
هسه راحو تكولون ليش تعيشين ويه سهاد بنفس البيت وتخدميه
وسام موضف واكيد لازم يدير باله على سهاد ومراح يكدر
يكون وياي ويه سهاد بنفس الوقت
اني وسهاد نكون سوا حتى وسام يكدر يعيش براحه
واكدر اخفف عنه الحمل شويه
ووسام يمته نعقد
فاتن بكيفك يمته ما يعجبك
قررنا تكون حفله المهر بيت امل
رحت اشتريت فستان احمر يخبل ورحت للصالون
حيل ابد ماداخله للصالون هاي اول مره
حفتلي ونضفت وجهي وصبغت شعري وكصته كصه تخبل على طوله بس درجت الاطراف طلع فد شي
امل بقت صافنه هذا الجمال وين جان
رجعنا للشقه مالت امل واجا الشيخ عقدالنا
وبس دخل وسام للغرفه كلهم طلعو
وسام شني هاي شطالعه وين جنتي ضامه هذا الجمال
باسني بكصتي وبخدي
شنو رائيج هسه نكمل زواجنا
فاتن ههه ليش مستعجل
وسام صار عشر سنوات مزوج مع وقف التنفيذ
بشرفج واحد جوعان وكدامه كيكه يصبر عليه اكيد
لازم ياكله
ويلحس اصابعه
راسا حضني حيل وبقه يبوس بيه
خلال شهر كمل كلشي وما اسولفلكم سهاد النهار كله تحجي وتدعي عليه
عقدنا بلمحكمه وزوجنا ليله وحده بلفندق
وبعدين سكنت بيت وسام
الله لايراويكم الغلط والفشار عليه من سهاد
كل شويه وكالت حيه خطفت وسام مني
رغم اني كلش مداريته
ومرات من اشيله علمود تروح للحمام تبقى تضربني
وجرني من شعري حيل
جمانه السعيدي
ا ما بلنسبه الا مل ازوجت والحمد لله زوجه دره مال الله
وصار عدها ولد
واني جهالي نقلهم وسام مدرسه قريبه على بيتنا
وخلالهم خط ياخذهم ويرجعهم
شكد متعلق بيهم ويحبهم
حتى إذا اصيح عليهم لو اضربهم مايقبل يزعل مني
واني عايشه احلى حياة مع وسام احسن شي صار وياي التقيت بوسام
شقتي عفته هي واثاثه الاختي ايمان
وانتقلت بيه هي وزوجه خل ترتاح من المشاكل
بعد اتلث سنوات من زواجنا توفت سهاد اثر هبوط حاد بلدوره الدمويه
الله يرحمه تعذبت هواي بحياته
اما اهلي ابوي ضربته جلطه وصار انسان مقعد
حتى كلامه ما مفهوم
واخواني ابد مالهم شغل بي كلشي طايح براس امي
ورياض لزمو الشرطه بقضية مخدرات
لازمني عنده كميه جبيره
ونحكم علي ١٥ سنه سجن وزوجته عايفته وطالبه الطلاق منه وهو بلسجن
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
