رواية احببت من لا يراني الفصل الثالث عشر 13 بقلم سحر السحرتي

*صعدت سماء لوالدتها وهي تبكي

: في ايه يا حبيبتي مالك

:تعالي الاوضه احكي لك 

*بعد ان حكت لها

 :مش معقول بس ده اكيد لعبه من البنت اياها دي مش اخلاق كريم 

:ما انا عارفه

:امال زعلانه ليه

: عشان فكرته بيحبني وكان مستنيني ... وبعدين كان المفروض اول ما مسكت ايده كان لزقها قلم قدامي

: طب و ناويه على ايه

: اربيه و اجننه شويه 

:يعني مش هتسيبيه

: لا طبعا انا واثقه انه بيحبني قوي... وانا كمان بحبه .... هقوم اوضب شنطتي و اسافر عند خالتي يومين

: نعم ده جواز لمياء كمان كام يوم 

:وانا مالي هي اصلا مش عايزاني معاها 

:عشان تعملي معايا اكل العروسه 

:لا يا مرموره ابقي هاتي ام نبيل اللي بتساعد حماتي تعمل معاكي بس سفري دلوقتي هيخليه يلف حوالين نفسه و يعلموا الادب

: يا بنتي المعلم هيزعل

: لا لما يعرف اني متخ-انقه مع كريم هيقدر و هعدي عليه اقول له غير ان علاقتي مع كريم اهم من جواز لمياء 

*بعد انا جهزت حقيبتها وتحملها لتستعد للسفر ...رأتها لمياء 

:رايحه على فين

: هكون رايحة على فين واحدة شايلة شنطة سفر  وخارجة هتكون رايحة تبيعها ... مسافره  اوعي تكوني عايزه حاجه مني 

:ايه مش قادره تشوفيه بيتجوز بته-ربي عشان قلبك مك-سور يا عيني 

:بقول لك ايه لمي لسانك بدل ما اخلي وشك ما ينفعش فيه مكياج وتقضي باقي ايام العزوبيه في المستشفى انا عف-اريت الدنيا بتتنطط في وشي واللي انت بتلمحي له ده مش في دماغي وانت حتى ما بتمريش في خيالي

: امال لا حضرتي جوازه ولا فرحه ليه

: شيء ما يخصكيش ابعدي عن وشي الساعه دي بقى وبعدين خلينا نتكلم بصراحه انت عايزه تفهميني انك يهمك حضوري

: اكيد لا طبعا 

:يبقى لاول مرة متفقين بطلي تلقيح الكلام اللي مش لايق على دراستك ومستواك اللي حابه تعيشي فيه

بقلمي سحر السحرتي 

*تركتها وذهبت الى سلطان كي تبلغه

 :طب ما تقعدي ونحاول نصالح بينكم 

:معلش يا بابا محتاجه ابعد شويه عشان افكر لو سمحت نفسيتي تعبانة 

*وتظاهرات بأنها في قمة غض-بها وحزنها

:طيب يا حبيبتي ما تفسخيش الخطوبه غير لما نتكلم

: لا يا حبيبي مش هفسخ غير لما انت تعرف لاني قلت له انه اتفق  مع راجل يروح ياخد حاجته منه .. بس كل اللي عليك تقول له انك خليتني افكر شويه بس شكلي مصرة

: انا هش-ويه على ن-ار هاديه اصبري عليا وهوريه ... بس لمياء ممكن تحتاج لك 

:البركه في سماح هي بتحبها اكثر وانت فاهم يا ابو السلاطين سلام يا حبيبي 

*ركبت السياره فلمحها كريم من بعيد فاتصل عليها فردت ببرود 

:نعم خير عايز ايه

:ايه الشنطه اللي معاكي دي و رايحه فين

: مسافره هكون شايله شنطه سفر امشي الشنطة تتهوى عشان نفسيتها تعبانه سؤال غريب 

:ومفيش حما-ر مخطوبه له تاخدي رأيه او أذنه 

: هو انا قاعده عندك في البيت

 :نعم مش فاهم 

:يعني اخذ أذنك لما ابقى في بيتك انما انا اخذت اذن راجل البيت اللي انا قاعده عنده ... واه ابقى عدي عليه عشان عايزك ومسألة اني استنى رأيك دي كان زمان قبل ما تخوني

:مش قبل ما اعرف انت رايحه فين 

:وانت عنده ابقى اساله

:كده يا سماء لو مسكتك مش هعتقك

: لو بقى .... يعجبني قلبك الم-يت في الكلام بص لنفسك الاول بتعمل ايه وبعدين ابقى تعالى حاسبني يا خاي-ن 

 *ذهب كريم الى سلطان فشد عليه في الكلام ولم يريحه بالنسبه للمكان الذي ذهبت اليه سماء ... فجعل والدته تتصل عليها بعد ان اخبرها بما حدث 

:يعني يرضيك يا طنط ادخل القيه ماسك ايد بنت ثانيه في كافيه وأجواء رومانسيه 

:لا طبعا ربيه بس ما تقرصيش عليه قوي لانه فعلا بيحبك انا عارفه ابني و صدقيني انا عايزه مصلحتك وبحبك انت كمان 

:حاضر يا طنط اهدى بس من الموقف الصعب ده ما انا لو مش بحبه ما كنتش زعلت كدة

: حقك بس بلاش تفسخي الخطوبه 

: بصراحه وبلاش يعرف انا مش هفسخ الخطوبه بس اهدى شويه وهو يتعلم من غلطه

: عندك حق هتوحشيني

 *بعد ان انتهت من حوارها معها 

كريم : ها يا ماما عرفتي هي راحت فين

 :دماغها صع-به قوي يا ابني ما قدرتش اعرف خلاص بقى سيبك منها

: ما اقدرش انت عارفه بحبها قد ايه 

:ولما انت بتحبها بترمرم ليه هو بنات الناس لعبة

:ده كان ماضي و قفلته بس مش هسيبها بنت ال ... اللي عملت فيا المقلب ده

*عادت سماء الى منزلها فقبل ان تركب القطار اتصلت عليها امها 

:ارجعي يا خ-ايبه انت نسيتي ان خالتك سافرت لجوزها من اسبوع 

: يا خبر وبعدين

: ارجعي ونشوف حل بعدين 

*عادت وقالت لوالدتها

:بصي ما حدش يعرف اني رجعت و كأني لسه مسافره

: هو كريم ما شافكيش وانت راجعه

: لا واتصلت على مامته عشان اسألها عامل ايه قالت انه في اوضته هيتج-نن ويعرف انا فين 

:انت قلت لها انك رجعتي

: لا وكمان ولا تعرف كنت رايحه فين 

*دخلت عليها سماح 

:يا دي النيلة انت ما فيش باب تخبطي عليه

 :مش بحب ازعج حد من الخبط على الباب ممكن يتخض

: لا والله

 :اه والله ... انت كنت مسافره و سايباني اتورط لوحدي مع الع-قربه

:وانا مالي ما انت في جميع الاحوال معاها لوحدك وبعدين دي بنت عمك انت استحمليها انا ذنبي ايه 

: لا بس وجودك مهم ادخل افضفض اش-تم لما اتخ-نق ... سمعت انك متخ-انقه مع كريم واحتمال تسيبوا بعض 

:هي الاخبار انتشرت في الاذاعه

: لا ادهم بيوصيني اكلمك كريم سايق طوب الارض عشان يصالحوك عليه 

:سيبك منه انا بعلمه الادب شويه

 :يعني مش هتسيبيه

: لا طبعا انا بحبه وهو بيحبني و حماتي قالت لي حافظي على الحاجه بتاعتك وما تسيبيش حد ياخد حقك

: تصدقي حماتك دي ما فيش منها

:فعلا انا بحبها قوي .... محدش يعرف اني ما سافرتش ماشي 

: ماشي... وهقول انك رافضه كلام في الموضوع 

*ارسلت سماء اغنيه بهاء سلطان الى كريم كي يشعر بتأنيب الضمير 

$وأنا غلطان عشان حبيت وبيِّنت إهتمامي بيك

$عشان كده يعني بقيت ما انفعشِ

ومن نظرك نزلت ما بقيتش لايق ليك

$وكان مفروض ما أحبكشِ

ولو حبيت ما أبينشِ

$و دلوقت خلاص همشي

أنا وقلبي اللي ذايب فيك

$وليه طيب عشان طيب

عشان يعني اللي في قلبي على لساني

$بتك-سرني وتخسرني

بتخسر حب مش سهل تلاقيه ثاني

*فأرسل لها كريم اغنيه شيرين 

$اللي يقابل حبيبي سلامي أمانة ليه

$لو بيني وبينه إيه.. ده مهما كان حبيبي

والبعد الله يجازيه

$اللي يقابل حبيبي ياخد صورة معاه

يبعتها من وراه

$أسرح في عيون حبيبي و أحكيله عن الحياة

$غريبة الدنيا دي تقرب الحبايب

وتلاقي الفرحة جاية تغرب الحبايب

$لا رحمت اللي اتساب ولا ريحت اللي سايب

$ربي العالم بحالي

وإني من يوم ما غاب بتحايل على الغياب

يرجعلي حبيبي و نقفل للبعد باب

$يا ليالي قربيه حنني قلبه و هاتيه،

$و مسيره في حضني يجيلي و أحكيله حصلي إيه

*ظلت الاغاني التي تعبر عن ج-رح قلبها من خي-انته وج-رح قلبه من بعدها عنه هي لغة الحوار بينهم

بقلمي سحر السحرتي 

*بعد يومين كانت سماء تجري في الشارع وهي تبكي وشاهدها كريم فجرى خلفها

 *طرقت باب شقتها بعن-ف وق-وة وكانت خائ-فة من شئ ما

*ففتحت امها وجدت الدم-اء على يدها

اميره : ايه في ايه د-م مين ده و بتعيطي كده ليه 

*في هذه اللحظه دخل كريم وهو ينهج

 :في ايه يا سماء مالك 

:قت-لوها ..  قت-لوها 

اميره :هي مين دي انطقي قلبي هيقف يا شيخه 

 *كانت تبكي وتقطع في الكلام 

:كانت بتدافع عني فقت-لوها 

اميره :ابوس ايدك انطقي مين دي 

: بس ... بسبوسه مات-ت بسببي 

*تنهدت اميره بارتياح 

:الحمد لله انها مات-ت وخلصنا منها وقعتي قلبي فكرت حد عدل هو اللي م-ات 

كريم :اهدي يا حبيبتي و احكي لي اللي حصل .. ممكن يا طنط تعملي لها ليمون يهديها 

: رحت الخرابه عشان احط لها اكل ... طلعوا عليا اتنين شكلهم مش طبيعي كانوا عايزين يته-جموا عليا ... بس بسبوسه وقفت لهم وعض-ت واحد راح الثاني مطلع مط-وه و ض-ربها  .. جريت عليها عشان الحقها لقيت الثاني بيقول ... العض-ه مش مهم المهم المزه تستاهل هاتها  .. جريت بسرعه ووقعت ... وظهر بعدها عنتر ومعاه كام كلب وقف لهم ... بس انا ه-ربت خف-ت انا جب-انه

: هما لسه هناك ده انا هعلقهم بدل الدبي-حه

 *امسكت به و حضنته 

:لا يا كريم ما تروحش هناك اخ-اف عليك دول ناس شكلهم مج-رمين 

*همس : ده انا هروح اشكرهم على الحضن ده 

*دفعته للامام وهي تبكي

: مات-ت بسببي ... انا السبب

: انا هروح اذبح-هم و ادفن-هم جنبها

 *فجذبته و حضنته مره اخرى وهي ترتجف 

: لا ما تسيبنيش انا خا-يفة 

*فأخذ يطبطب عليها و يهدئها

*الى ان اتت اميره بالليمون فاضطر الى الابتعاد

اميره : كام مره قلت لك ما تروحيش الخرابه بيبقى فيها ناس مش كويسه 

:الناس دي بتبقى موجوده بالليل وانا بروح بالنهار و بقف من بره دي اول مره تحصل 

:واخر مره عشان رجلك مش هتعتب هناك تاني يا روح امك 

:وعنتر اسيبه 

*همت اميره بحدفها بالشبشب فتدخل كريم 

: خلاص يا طنط انت شايفة حالتها .... سماء ما ينفعش تروحي هناك ثاني ... اديك شفتي اللي كان هيحصل الدنيا بتتغير ولو كانوا مسكوكي تفتكري كانوا هيعملوا فيك ايه 

:طب وعنتر

:ما انت مدرباه على صفاره بيجيلك ولو حبيتي تروحي هناك هكون معاكي

: يعني هتيجي معايا 

:مش هسيبك ابدا 

:طب تعالى نروح يمكن بسبوسه لسه عايشه الحقها

اميره: لو قمت من مكانك ما حد هيم-وتك غيري مش كفايه اللي كان هيحصل زمانها مات-ت و ريحتنا منها

: يا ماما 

:جاتك مو  ... طب والله يا سماء لو عرفت انك رحت هناك لاكون حاطه لهم سم في الاكل و اموت-هم كلهم كفايه علينا سي عنتر  .. انا داخله اشوف الاكل اللي هيت-حرق بيتك يا كريم 

*امسك كريم يدها وقبلها

:قومي اغسلي ايدك و وشك 

:مش قادره اقوم رجلي بتوجعني من الجري مش عارفه انا وصلت هنا ازاي 

:عندك حق ده انا حصلتك بالعافيه

 *ووضع راسها على صدره وضمها اليه و طبطب عليها 

:ما تزعليش لو خلفنا بنت هسميها بسبوسه عشان خاطرك 

:خلفنا ازاي وانا لسه زعلانه منك

*قال بكل حب 

:سماء انا ما استغناش عنك وانت عارفه ... ودي كانت لعبه من البنت وانا اتأكدت انها كلمتك وقالت لك واول ما دخلتي مسكت ايدي

:انا عارفه بس اللي زعلني تصرفك معاها لما مسكت ايدك ..  كنت ض-ربتها أو زعقت لها

:كنت هعمل كده بس خف-ت تفكري اني عملت كده عشان اداري على علاقتي بيها كان نفسي تاخذي بالك انها هي اللي ماسكه ايدي مش انا اللي ماسكها

 : الغ-يرة من حبي لك ما خلتنيش شايفه أو عارفه افكر ..و عملت ايه معاها 

: لما عرفت لعبتها  كلمت ابوها وخليته ض-ربها قدامي لان ما ليش ض-رب عليها يا اما يعمل كدة أو هبعت ستات يدوها اللي فيه النصيب فوافق ورباها من اول وجديد 

:يعني ما فيش غراميات ثاني و الحقني وساعدني 

:عملت لكل البنات بلوك عشان ما فيش واحده تعرف تتصل بيا ولو حكمت هغير رقمي خالص

:كل البنات ده هما ثلاثه انت هتعيش الدور عليا

: عرفتي منين

: مصادري الخاصه 

:اكيد عبير الفت-انة  بقى كنتي بتصاحبيها عشان كده 

: لا طبعا احنا اصحاب من زمان بس قللت علاقتي بيها احسن اما تشوفني بكلمها تفتكر اني بعلقك لما كنت برفضك

: بقى كده .... بقيتي احسن

: اه شويه 

: طب قومي وانا هروح اغير لبس الشغل ونخرج تغيري جو 

*دخلت لمياء في هذه اللحظه من الباب

:ايه ده انت رجعتي امتى ما اعرفش انك هنا  ...ايه  خلاص تخطيتي انه هيتجوز و قبلتي بالامر الواقع 

*نظر لها باستغراب 

كريم :هو في ايه يا سماء ومعنى كلامها ده 

:اصل ابله لمياء بتحبني قوي و مطلعه عليا كلام اني بحب خطيبها وزعلانه انهم هيتجوزوا وسافرت عشان ما احضرش الفرح لان مش هستحمل اشوفه بيسيبني و بيتجوز واحده احسن مني ويا ح-رام قلبي مك-سور

*ثم نظرت للمياء بتحدي

 :مش انت كنت عايزه تض-ربي كرسي في الكلوب بيني وبين كريم و فاكره اني هتوتر و اخبي عليه كلامك احسن يشك فيا ....اهو قدامك اسأليه مصدق كلمه من القصة الخيالية دي 

*قبلها كريم من راسها ونظر إلى لمياء بإشمئزاز

:ادخلي يا حبيبتي ساعه وارجع لك 

:لا خليها بالليل نتعشى سوا هنام شويه اريح قلبي اللي بيوجعني عشان ادهم هيتجوز ما انت عارف الص-دمة كبيرة عليا

:طب سبعه هكون عندك 

بقلمي سحر السحرتي 

*في المساء تجلس سماء مع كريم على العشاء وتشعر بالخجل 

: هو انت مش حابب تسألني على الكلام اللي لمياء قالته النهارده 

:انا عارف انها مش بتحبك وبتعمل اي حاجه عشان تض-ايقك .. وعايز اعترف لك انها اتصلت بيا عشان اتقدم لك وقالت انها هتسهل الامور و تقنعك ولما سالتها بتعمل كده ليه قالت انها عايزه تبعدك عن خطيبها لانك بتحبيه فكلامها ده مش مفاجاه ليا  

:وانت حاسس ان كلامها صحيح واني بحبه 

: سماء انا ما ليش اني احاسبك على حاجه قبل خطوبتنا 

:بس انا مفيش في قلبي حاجه من ناحيه ادهم 

:عارف و متأكد لانك دخلتي الخطوبه وانت بتتقدمي كل يوم خطوه لغايه ما اعترفتي انك بتحبيني  ...و حضنك النهارده قال انك محتاجاني... غير خوفك عليا لما كنت رايح اض-رب الناس اللي حاولت تأ-ذيكي كل ده يقول انها كدابة

:انا كنت خ-ايفه تكون صدقت كلامها

 :دي واحده مريضه و مغ-روره من زمان ... واحنا صغيرين ما كانتش بتحب تلعب معانا ... بس انت هتروحي اكيد الفرح 

:لا طبعا 

: ليه

:مش هروح من غيرك و ايدي حاضنه ايدك

 :سماء ما تبعديش ثاني لاني بجد ببقى تايه من غيرك

: ما زعلي منك دليل على حبي لك وكنت غي-رانه قوي

:طب ده احساسك من واحده مسكت ايدي ... تفتكري احساسي من اللي كان هيحصل النهارده عامل ازاي ... ارجوك بلاش تعرضي نفسك للمواقف دي ... وبعدين مش كنت بتبعتي عنتر ياخذ التموين مني 

: قلت احنا زعلانين مش هتدي له حاجه 

:هو انا بدي له لحمه دي شويه عضم ... وبعدين انا بحب عنتر من حبك فيه ومهما يحصل بنا مش هتغير

*امسكت يده 

:انا بجد محظوظه بيك

:ما انت كنت هتسيبيني

: لا طبعا دي قرصه ودن .. بس لو كنت هسيبك كنت رميت الدبله في وشك يوم ما قفشتك  ...بس عمري ما هقلعها 

:يبقى مين اللي محظوظ بمين  ...تعالي بعد العشا ننزل نشتري الفستان اللي هتحضري بيه الفرح

: ماما فصلت لي واحد

 :لا نفسي اشتري لك واحد على ذوقي واجيب بدله تليق على الفستان

: اللي تشوفه يا حبيبي

: يااااه كانت وحشاني الكلمه دي قوي 

:ومش هبطل اقولها

 *ذهبت لشراء الفستان مع كريم وكادت ان تتشاجر معه 

: كريم انا تعبت انت عارف ده الفستان رقم كام اللي مش عاجبك ... بلاش اشتري و البس بتاع ماما

: يا حبيبتي كلهم حلوين عليك

:عارفه و مخليني زي القمر والناس هتبص عليا ... بص انت بقى ده اخر فستان هقيسه ماشي 

:انت ايه مشكلتك ... انا عايز واحد حلو ومش ملفت 

: تعبت من القلع و اللبس

: خلاص بلاش تلبسي خليكي قالعه بس

: انت قليل الادب ... انا غلطانه اني سمعت كلامك فساتين ماما حلوه وتحفه

: ما عشان كده مش هقدر اعترض حماتي تزعل مني 

:كريم بجد تعبت يلا نروح و اوعدك هحط مكياج خفيف واخلي ماما توسع الفستان شويه ولو عايزني البس جلابية بلدي واربط شعري قمطة هعملها

: كل ده عشاني

 :عشان بحبك ومش عايزاك تزعل ... بس قسما عظما اشوفك في الفرح عينك زايغه هنا ولا هنا هقل-عها لك 

:هي عيني تقدر تشوف غيرك

 :يعني لو حبت تروحي يمين شمال ابقى عملت اللي عليا و انذرتك 

:طب مش هتجيبي حضن من بتاع المرحومه 

:بس ما تفكرنيش انا بحاول انسى 

:كل ما تفتكري تعالي في حضني

:بعينك يلا عشان اميره حالفه الشبشب ما هيبات في رجلها الا لما تض-ربني بيه بسبب عملة النهارده 

: ابقى قوليها كنت بواسيكي عشان المرحومة ... بس شفتيني وانا بنقذك منها

:عقبال ما تنقذني دلوقتي واحنا متاخرين وما اشتريناش حاجه 

*في اليوم التالي وصل الى سماء عده اكياس ارسلها لها كريم فتحتهم وجدت انها بعض الفساتين التي كانت تجربهم واتصلت عليه 

 :ايه كل ده يا كريم 

:مفيش حاجه تغلى عليك يا حبيبتي... عارف اني لو كنت اشتريتهم امبارح كنت رفضتي تاخديهم .. نقي اللي يعجبك عشان تحضري بيه و قوليلي لونه عشان اجيب البدلة تمشي معاه

:مش عارفه اشكرك ازاي غير اني احبك اكثر 

:وانا مش عايز حاجه غير كده

بقلمي سحر السحرتي 

*دخلت عليها سماح

 :يادي الباب اللي عندك حساسيه منه يا بنتي اغلطي مرة وخبطي

:ايه كل الفساتين الحلوه دي

 :سيبك من الفساتين عشان ه-ولع في بنت عمك قريب ان شاء الله

:  يا ريت دي هدت حيلي في الشراء ومفيش حاجه عاجباها بقالها كام يوم سحلاني من الصبح لبليل ما كناش بنرجع غير على النوم وعمار مضايق

: عشان كده ما تعرفش اني ما سافرتش وافتكرتها بتمثل انها متفاجاة 

: اه هي سالتني عليك قلت لها وانا اعرف حاجه من خروجنا كل يوم 

:طب شوفي هعمل لك فيها ايه

 :هي عملت ايه ثاني 

:اسمعي ..   

:البنت دي ما خ-افتش من العلقه اللي خدتها منك قبل كده

:واضح اني كنت حنينه معاها 

:و ناويه تعملي ايه

 :مش حنتها بكره

: اه

 :هتشوفي لمياء تانيه خالص 

*قررت سماء الا تترك حقها وضعت في عصير لمياء مهدئ تضعه للحيوانات كي تستطيع الكشف عليهم 

*فكانت لمياء كالقطه تتحدث بأدب وهدوء ... وبعض الاحيان تقوم بالهلوسه 

سماح : انت عملتي ايه 

*همست لها بما فعلت

 :ايه رايك خ-افي مني بقى

: بس تصدقي حلوه ما تديها منه على طول 

:لا كفايه عليها النهارده احس اني خدت حقي حتى لو من غير ما تحس

*لم يستمر حال الهدوء لدى لمياء فقد قالت بعض الكلمات الغير طبيعية امام الناس

: انا مش عايزه اتجوزه ده بيخ-نقني ارحمني يا بابا عايزه ارجع اسافر بره ... الحرية هناك

*حاولت سماء التصرف بسرعه قبل ان تصبح فضي-حه 

سماء :خذي يا لمياء العصير ده واضح انك سخ-نه ودي هلو-سه او متوتره عشان عروسة وحياه جديده مش كده يا سماح مش انت كنتي زيها 

: اه طبعا كنت متوترة قوي 

 *همست سماح :دي هتفض-حنا 

:خلاص حطيت دواء يشيل مفعول المهدئ 

:كويس احسن ادهم يطلقها قبل ما يتجوزها رغم انه نفسي 

:لا هبقى انا السبب كفايه شويه الدهوله اللي كانت فيها ضحكت عليها ضحك حياتي كلها 

 :وانا كمان حاسه ان كل اما ابص في وشها هفتكر واضحك

: هي بنت حلال و تستاهل

لمياء: انتم بتبصوا لبعض وبتتوشوشوا بتقولوا ايه وايه اللي حصل 

سماح: ابدا سماء معجبة بحفلة الحناء وعايزة زيها 

سماء: وما حصلش حاجه انت دوختي بس عشان متوترة مفيش داعي تشيلي هم الحياة لذيذه خصوصا مع واحد بتحبيه... مش انت بتحبي المعلم ادهم برضة يا أبلة لمياء 

: اخرسي مش عايزه اسمع صوتك... اه يا راسي ... سماح انا تعبت هدخل اريح اعتذري للناس

سماء: خودي راحتك يا أبلة لمياء 

*وظلت الفتاتان تضحكان

*في يوم الزفاف كانت سماء اجمل من العروسه بفستانها الرقيق و مكياجها البسيط 

*كان من يراها ينبهر من جمالها الهادئ حتى ادهم اتشد قليلا 

*امسك كريم يدها وبدا بالرقص معها وعيونهم تتحدث

 *شرد ادهم في نظرات الحب بينهم التي لم يجدها من لمياء لكنه متعود على برودها ولا مبالاتها فصبر نفسه ان هذه الليله هي ليله التقاء الاحباب 

*فهمس لكريم

: ايه يا عم كل ما يندههوا يقولوا اصدقاء العريس مش بشوف وشك لكن اول ما تبقى رقصه ثنائي بتبقى رجلك سابقه رجلي 

:ما انت عارف انا ما صدقت عشان احس انها في حضني ... وبعدين تعالى هنا هو انت كنت اتدخلت ما بينا وصالحتنا 

:معلش بقى ما انت عارف مشغول في جوازتي

 :عقبال ما ابقى مكانك

: وايه اللي مأخرك 

:مستني تخلص دراستها 

:دي فتره بتعدي تقيله قوي حاول تقنعها 

:هحاول مش قادر اصبر

 *كانت سماح وعمار يرقصان ايضا ونظرات الحب والسعاده تغمرهم رغم مرور سنتين على زواجهم

*بعد دقائق 

 اميره :قومي يا سماء وجبي مع لمياء وارقصي شويه جنبها 

سماء :لا يا ماما انا اسفه كريم قال لي ما تتحركيش من هنا الا ورجلي على رجلك وانا مش عايزه ازعله احنا لسه متصالحين 

:يا بنتي المعلم يزعل 

:معلش يا ماما انا مش هتخ-انق مع خطيبي او ازعله عشان خاطر لمياء وانت عارفه معزتها عندي 

:وهو مش عايزك تتحركي ليه 

: خاي-ف من العرسان اللي دايما بيجولي او حد يعاكسني غلطان يعني خطيبي وبي-غير عليا 

:طيب يا ستي ربنا يهني سعيد بسعيده

: انا سماء مش سعيده 

: هتش-ليني يا بت ربنا يعديها على خير والمعلم ما يزعلش منك ده فرح بنته مهما كان 

: يا ماما ما تشليش هم كده هو عارف انها مش بتحبني وانا بتجنب احتك بيها هتعدي 

*عاد كريم وجلس بجانب سماء 

: هاه حبيبي عامل ايه 

: كويسة 

: مالك يا قلبي 

: اسال ماما 

: حماتي حياتي مزعل قمر كياني ليه

: بقول لها تقوم ترقص شويه مع لمياء 

*جحظت عيناه وهي تتحدث 

: نعم وهي زعلانه عشان عايزة ترقص 

: لا زعلانه اني قلت لها كده يرضيك تك-سر كلمتي

*نظر بحب لمعشوقته

: مش احسن ما تك-سر كلمتي انا و تزعلني

: يا ابني عديها دي لمياء زي اختها وخ-ايفة تزعل 

: هي مش هتزعل النهارده بس هتزعل بعد كده لو قالت كلمة على حبيتي انا عملت احترام للمعلم سلطان بس هي دلوقتي بقت في عصمة ادهم و هعرف اتصرف معاها كويس 

: هو ايه اللي حصل يا ابني 

: سماء تحكي لك 

*وقبل يد سماء 

: بقى حبيبي خاي-ف على زعلي يسلملي قلبه

اميره: كان في واحده هت-شلني بقوا اثنين صبرني يا رب 

سماء: في ايه يا ماما هتكرهي اني مبسوطه 

: ابدا يا حبيبتي ربنا يهنيك

: عموما لما تعرفي عملت ايه بدل ما هتطلبي مني ارقص لها هتطلبي مني اص-وت لها بس بعد الفرح

*انتهى الفرح ومرت الليله على ادهم عكس ما توقع 

*كانت لمياء شديده البرود معه لم تكن تشعر باي شيء وكأنها تقضيه واجب ..  فأوهم نفسه انها من التوتر و لكن مع مرور الايام سيزول الخجل و ستتجاوب معه 

*بعد الفرح باسبوعين كان الجميع مجتمع عند سلطان وطرق الباب ففتح ادهم 

:نعم حضرتك عايز مين 

:عايز ولي أمر الانسه سماء 

:اتفضل 

بقلمي سحر السحرتي 

*تفاجأت سماء انه دكتور محمود يدرس لها في الجامعه 

:خير يا دكتور في حاجه

: كنت عايز اقابل ولي امرك 

سلطان :اهلا وسهلا اتفضل انا زي والدها وولي أمرها  خير هي عملت حاجه في الجامعه 

:انا طالب ايد الانسه سماء 

*نظرت له بإندهاش 

:حضرتك تعرف ان انا مخطوبه وكل الجامعه عارفه كده

 :انا فكرتك بتقولي كده زي بعض البنات عشان تبعدي المعاكسات عنك

: لا انا مخطوبه فعلا وقاعد اهو كريم خطيبي اعرفك بيه 

:انا سمعت اشاعه انه جزار اعتقد عندك فرصه تفكري و تختاري دكتور في الجامعه افضل كثير من جزار وخصوصا اني هفيدك في مستقبلك

$ هل ستقبل سماء عرض محمود خصوصا وهو يه-ددها بمستقبلها ؟ وما هو موقف كريم من ذلك ؟