رواية زواج إنقاذ الفصل الثالث عشر بقلم جمانه السعيدي
ياس باعي اكولج شي انتي اليه وبس
شمس اذا تخنكني اعوفك
ياس مو بيدي الحب مابي تحكم
شمس عليك الله شكلت الام العريس
ياس كتله هاي خبله واهلها ذبوها عليه
شمس ياااا اني خبله
هنا ابو ياس صاح على ام ياس بس هي فهمت ياس يجذب عليه
ياس اي انتي خبله لوما خبله ماتردين تزوجين عليه
شمس ههههه حلوه مال ازوج عليك
ياس زين شنو معناها مزوجه وتريد تزوج
يله كومي خل نتعشى ترا كتلهم تخابر اهله
شمس الله عليك خل احجي وياهم
جمانه السعيدي
اتصلت ونطيتها التليفون تحجي ويه امه وابوها
واني استغليت الفرصه اكرص وابوس واعضض
وهي ماتكدر تسوي شي لان تخابر
اخر شي عضيته حيل من ركبته صاحت اخ
ام شمس شبيج حبيبتي
شمس هاا لامابيه هذا زنبور ضوجني
ام شمس ديري بالج خاف يكرصج اضربي
شمس ولله مايفيد بي حتى الضرب لازك فد لزكه
ام شمس رجعتو البغداد لو بعدكم
شمس لابعدنا
ام شمس يمته ترجعون
شمس باجر
ام شمس ماما اذا رجع الدوام داومي حبيبتي انتي صرتي زينه كلشي تمام
شمس الحمد لله زينه كلشي تمام
سدت التليفون هاي شبيك ياس ولله عيب ماما سمعتني
ياس...اني زنبور اني اعلمج تكومين تتعشين لو الزنبور يبلش يكرص
جمانه السعيدي
شمس...لا لا راح اكوم امري لله
ياس شو خل اشوفج شلابسه
شمس...رجعنا لهاي السالفه
ياس...ولج ذيج الدشداشه مال وحده هي وزوجها تسويله اغراء
مو البيت متروس ناس وانتي تفترين بيها يله تعاي
اي هاي خوش دشداشه حلوه
طلعنا يمهم واشوف ام ياس تخزر بيه
كعدت يم عمي وياس بصفي كعد
عمي...ها شلونه ابوج
شمس...احسن الاسبوع الجاي يرجعون انشاء الله
عمي انشاء الله يجون بلسلامه
ياس يابه انشاء الله باجر نرجع البغداد
ابو ياس...ماشبعنا منكم ماتبقون بعد
ياس...لايابه الدوام راح يبدي ونريد نحضر نفسنه
ابو ياس زين اذا علمود الدوام ميخالف
خلصنا عشى وايمان جابت الجاي الياس تفضل عيوني
...شكرا امونه
واني محمد لطش يمي ليش ترحون
بعد وكت عدج ماسنجر نتراسل ماتنطيني رقمج
جمانه السعيدي
النوب استحيت شلون ماانطي رقمي شراح اكله
حتى اخلص من الموقف
كلت ياس اذا حافظ رقمي محمد يريده اني ماحافضته وتليفوني فصل شحن
ياس بعصبيه لا ما حافضه رقمج شيسوي بي محمد
محمد ردت اتواصل وياها بت عمي واتعرف عليه
ياس...هي مشغوله عدها دراسه مو مال تعارف
شمس اني متت بدمي من رد ياس شكد عيب
بعدين طلعو بيت عمي وطلع عمي وصلاح وياهم للباب وياس لحكهم
جان محمد ياخذ ياس على صفحه ابو الياس عندي وياك حجايا
ياس تفضل
محمد اني الصراحه حيل عجبتني شمس من شفته الهسه كدام عيني واريدك تتوصطلي يمها
ياس يعني شلون
محمد يعني حبيته واريد اخطبها
ياس يابويه ولله ردت اكتله هذا من كل عقله
...باوع محمد شمس مو من ثوبنه وجاي تدرس ولامفكره بلزواج حاليا
محمد ميخالف اخطبها وانتضرها لمن تخلص وسنة اللخ يجوز اني وياها نفس الكليه
ياس محمد شيل هاي الفكره من بالك نهائيا فهمت انت بعدك زغير كمل دراستك وبعدين الله كريم
راحو بيت عمو مهدي
ام ياس ياس باجر تسافر
ياس اي حبيبتي الغاليه ولو ماشبعت منج
ام ياس اسمع ياس اني ما اريد اسوي مشاكل الخاطر ابوك وعمك شمس تبتعد عنها ولاتفكر مجرد تفكير ترتبط بيها سمعت
ويوم الي تختار شمس بي انسا اني امك ولاتحاجيني ولا احاجيك لو اني لو شمس
ياس غير اعرف ليش قدميلي سبب مقنع
ام ياس الاسباب ما اكدر اكولها ابد
احسن ماتكبر المشاكل ويبان المستور ابتعد عنها من سكات
واذا تريد هسه ازوجك ايمان واجرلكم شقه بوحدكم بغداد
ياس شمس ما اعوفه اله اعرف الاسباب وزواج ما اتزوج ابد انتي امي على عيني وراسي
لكن هاي حياتي واني راح اعيشها واني اقرر منو تكون شريكة حياتي
جمانه السعيدي
ام ياس خلاص اعتبر من هاي اللحضه اني مو امك
ياس يمه ليش مكبره الموضوع وهو بسيط
ام ياس لاتحجي وياي اني مو امك احسب ماعندك ام ابد
وطلعت امي زعلانه
ولله لو تكلي السبب جان رتاحيت اني ما اشوف شمس بيها اي عيب بلعكس الولد تتعارك عليه
حلوه واخلاق ومرتبه وبت عائله
قابل اذا ما ازوجت ايمان راح تبور
حضرت غراضي ونمت
شمس جمعت ملابسي وخليتهم بلجنطه وتبادلنا ارقام التليفونات اني والبنات وقررنا نتواصل اني وياهن
الصبح كعدنا بثمانيه الصبح ام ياس ماده البوز شبر
كعدت شويه على الريوك ويانه وكامت
عمي طلع فلوس انطا مصرف الياس
واني انطاني ٢٠٠ كال ذني اللج اشتري ملابس بيهن
شكرته وطلعنا استغربت ام ياس ماطلعت ودعتنا
ولا ودعت ياس
صعدنا بلسياره ومشت بينا
شمس ياس امك ما ودعتك
ياس عوفيها تعبانه شويه
بس اني لاحضت حتى ياس ضايج يمكن صاير شي واني ما اعرفه
وصلنا ودخلنا بيتنا الله ريحة بغداد اجنن
ياس شمس ممكن اطلب منج طلب
شمس تفضل
ياس اذا انطيج هديه غاليه وعزيزه وين تخليه
شمس مثل شنووووو
ياس يعني ذهب الماس ياقوت
شمس اكيد اضمها واحافظ عليها
ياس انتي عندي اعز من ذني كلهن واريدج ماتنزعين الحجاب
ولله لو بيدي اضمج بروحي ولا اخلي واحد يشوفج ابد
شمس...موكلنا الحب حريه مو قيود
ياس اني ما اجبرج اخيرج وانتي اختاري
شمس...افكر يله كوم ساعدني انضف ونطبخ
بس ابدل بلاول
ياس اني هم ابدل واجيج
ياس بدلة وطلعت لكيته لابسه تراك نيلي ضيك بحيث الخلفيه محصوره حصر
ياس يله وتكول ياس يتحرش بيه ولج انتي الميت يتحرش بيج شني هذا الفلك الي لابسته
شمس اشتغل ولاتباوع
ياس يعني شلون اغمض عيوني استغفر الله ربي
بدينا نشتغل ونضف وخلينا سمجه بلفرن وكلما يفوت من يمي يضربني على الخلفيه ويكول العفو ما ادري
شمس بشرفك ياس خل اشتغل لاتلهيني
ياس خرب اهل ياس هسه ابوي مالكه واحد يدز
بيد الفلوس غيري مايدري هذا الغضب متانيني
اشتغل وأمري الله
شكرا لزيارتكم عالم روايات سكيرهوم
