رواية انتقام ال شهم الفصل الرابع عشر بقلم أمينة
شهم :ضليت صافن بوجها وهيه نهدت عليه تحجي ع امها بس اريد استوعب شنو عمليه شنو نقلع رحمها كالت لها واني الخوف اخذ روحي بكلبي اردد ياربي كلشي اخذت منها لا تأخذ هاي هم دكتوره هيه شبيها
الدكتَوه :عيني لنبيه صاير كيس ع رحمها وهل كيس بسبب الدوره الشهريه اني من جاي اعاتبكم ليش هل اهمال من هل ناحيه شنو مااحد فكر يتطمن عليه يعني بسبب شي بسيط منكم راح تخسر كل مستقبلها أخي العزيز أترجاك اريد مره احد من كرايبها امها اختها خالتها عمتها اي شي لبنيه ما تفهم بل دورة اريد مره احجي وياها استفسر ع حالتها قبل العمليه
يمامه :لوجع ما ينحمل وهيه كاعده تحجي ويا شهم همست كوه د لدكتوره فدوه ابوس يدج انطيني شي يؤخر لوجع مابيه بعد والله مابيه
الدكتوره :امي شنطيج انتي من المفروض قبل سنه ونص من مسويه هل عمليه
يمامه :شهم فدوه خلي تنطيني شي حموت والله حموت وجع مابيه بعد والله مابيه دكتورة الله عليج الله عليج مابيه بعد وجع هواي اي شي انطيني حبابه اي شي
الدكتوره :استاذ روح وقع بلستعلامات وسويلها طبله بساع وانتي امي هسه والله بس نقلع هل كيس وبعون الله ما يتاذه الرحم ماعليج شي تكومين والله وحته الوجع يروح ماما
شهم :طلعت اضرب خماسي بسداسي والله من صدمتي بكلامها اريد اجمعهن ماكدر عمليه ونكص رحمها دوختني تلكاني اوس
اوس :ها يمعود بشر
شهم :شبشر ياخويه شبشر
اوس :شكوو
شهم :عمليه راح يحولوها
اوس :صدك تحجي عود عمليت شنو وينها وين العمليات
شهم :كيس ع رحمها تكول 9ته حتمال يشيلون رحمها وبعد ما تخلف
اوس :خرب عينك يلكواد عود صدك ولك شنو هاي عليك الحمزه هاي بنتك مغلاطيس تجذب بس الأمراض والله هسه َين تريد
شهم :اسوي لها طبله حته يدخلوها والدكتوره تريد احد بيك تجيب امي لو اخابر ابويه يجيبها اكعد خلي ابويه يجيبها احسن وانته ع معارفك خلي تحمل الطبله اخ ياخويه وعلي حيلي كله بوجف من لي سمعته
اوس :الله يعينك يا خويه امشي امشي مشيت ويا سوينه طبله مال عمليات لن ما يدخلوها له هيه خابر شهم ع عمي وكال له يجيب عمتي امل ويا ويجي الأمور تخوف والله سلم الطبله وكعدنه ننتضر اجه عمي وجايب عمتي ويا تسئل وشهم يجاوب مادري هيه الدكتوره كالت لازم تجي مره الله ويطلع الدكتوره نفسها لي كشفت ع يمامه شافت عمتي ونهدت بيها
الدكتوره : اريد اعرف شنو من ام انتي ما مالتي بنتي ليش ما جتها الدوره الشهريه مافكرت ماكالت اجيبها اكشف عليه اخاف مو زينه لو اهم شي عدجنن تخلفن وتذبن شذنبهااا هل طفله هسه تعيش هل وجع العمليه مو سهلا ابد وهيه حيل ناعمه واضح الجفاف لي بيها ليش كل هل اهمال البنيه بالتالي لي خسرت خسرت مستقبلها منو يبقبل ياخذ وحده َماتخلف الله وكيلج ومحمد كفيلج تبقه عندج
ام شهم :يمه اعصابج انهديتي بيه اني عمتها مو امها يمه امها ميته وهيه يمنه رابيه
الدكتوره :لعد اخلي الوم كله بيكم شلون ما تفكرون ولا احد اصلن حاجي وياها ع هل موضع أكلها عليج الدوره الشهريه تكلي والله مااعرفخا المفروض منج يوم من تشوفها تبلش تبلغ اكعدها واعليمها كلشي ترا شي مابي مستحه مادام الله خلاه بكل مره موو لازم تستحن ابد وبعدين عيني يوم اريد اسائل سوال ليش لبنيه مو باكر لبنيه
شهم :دكتوره بعمرها ل 7 سنوات تعرضت لغتصاب
الدكتوره :موو اكوللل التكيس مايصير بس بل متزوجات لمهم عيني اني راح اسوي عمليه الها رايده منكم الدعاء بس خطيه تخسر الامومه .
ام شهم :ولك يمهه شهم شجاها لبنيه
شهم :يايمه ماعندها حض وعلي ماعدها منين جتها هاي منين ياالله وينها وين العمليات هاي عمليت الثانيه وهيه ل15 ماعابرتها يمه شسوي لها يالله
اوس :الوضع تخربط كله شهم كاعد ويدخن وعمي يمه يحجي ويا وعمتي تبجي وتلوم بنفسها يمامه بلعمليه كون ربي ما يصير شي وتطلع منها والله طفله بريئه ماشفنه منها شي موزين ابد وبعد ماعرف شكد تقريب ساعه وربع شهم كام يفور يفتر بلممر من الخوف عليه وبعد معانات طلعوها من غرفت العمليات نايمه وع شعرها ملبسيها مثل الكلاو لون ازرك لأمين شعرها بي وهيه كل دقيقه تعقد وجها بوجع خلوها بغرفه وحولوها بغير سديه وهيه تحجي بس ماعرف شنو لي تحجي اصلن شدولها مغذي وضربوها ابر بي وطلعو ردت اطلع استوقفني همساتها
يمامه :شهمي وين شهمي
شهم :ببعدعيون شهم ها بابا هياتني بمك والله
يمامه :لا تروح ضل يمي
شهم :يمج يبعد عيوني انتي يمج والله
يمامه :ليش تعوفني
شهم :ماعرفج والله ماعوفج
يمامه : تريد زوج
شهم :يي
يمامه :واني اشهمي اني
شهم:انتي شنو يروحي
يمامه :اخخخ بطني
شهم :سلامتج من الأخ يروحي
يمامه :وخر وخر وخر ح حباب رجعني شهم شهم
شهم :شبيج بابا
يمامه : باباا ب بابا م ماريد ح حباب شهم ما ريد لا لا
شهم :شبيج بابا يمامه
اوس :ولك بعدها بلبنج
شهم :يي ادري ادري كلبي ممرود ع حالها والله صغيره يا ربي كل هل وجع تتحمل شكد حجت كلام مو منطقي منه كلمه ومنه كلمه لمن بلش يروح المخدر باوعت لي بتعب وجع ونطقت هل كم كلمه سودت الدنيه بعيوني منهن
يمامه :شتحمل وجع بعد هواي صارن بروحي واسكت واضحك ولا كانو بيه شي هل وجع راح ينتهي من اموت مو شهم يروح ماحس بعد بي
شهم :لا لا اسم الله عليج بابا من عمري ع عمرج عيوني انتي
اوس :وينج َين الموت عمو كل عمرج 14 بعدج ما شفتي شي من هل دنيه
يمامه:ماريد اشوف ماريد اريد ارتاح اريد اموت
اوس :وشهمج شلون بي مو يموت وراج
يمامه :محد يموت وره احد جان اني متت وره ابويه بس ما صارت
شهم :كافي بابا كافي فدوه لحمدلله ع سلامتج يوجهج شي بابا
يمامه :الله لا يسلمني لوجع ينهش بروحي نهش
شهم :اسم الله عليج بابا اسم الله هسه اخلي بنطونج علاج ويروح الوجع والله
يمامه :مره سمعت بتلفونك شعر هواي حبيته احسه يمثل حالي
شهم:بلعت ريكي وكالت شنو هوا بابا
يمامه :ولا وحدة اجت بالريش كلهن بالعظم دكن. وصدك كل وحده وجها أكثر من الثانيه تحملت لي ما تحملته بنيه شوكت ارتاح
شهم :واني بابا واتي ليش ماتفكرين بيه كلامج ياخذ ثلثين حيلي والله بنتي ورحي انتي والله
يمامه :بعد ماصير ام
شهم : صفنت شجاوبها والله بابا مادري الدكتوره بعد شوي وتجي ونشوف يعمري
يمامه :بطني توجعني شهم هواي
شهم :يروحي يمامه هسه اخلي بضدبونج ابره مال مسكن الالم بعد ما تحسين بشي
يمامه :صدك اوس جاب ممرضه وضردتني ابره بلمغدي وراحت شويه خف لوجع بس وجع الصونده اقوه والله تخيلو صَونده بداخلي مال درار وجعهاا هيج يسعر بكلبي ماتحملت وجعهاا ابد والله كبل صحت لعمه لي يمي كاعده حجيت وياها بهمس
عمه فدوه هاي هاي الصونده فدنوب توجعني عمه فدوه خلي تذبهاا الدكتوره
ام شهم :ولج يمه مايصير غير عمليه هسه مسوين لج شلون تذبين الصونده
يمامه :سكتت لن واضح مايصير هواي غفيت من المسكنات لي اخذتهن وشي نايم ع صدري والله وجع هواي بطني كمت ابجي من الوجع واجي نفسي ابد ماا مرتاحه بلصونده شعور يلعب لنفس صرت ابجي ماحس له كم شهم من مكانه وجاه عليه كبل كال
شهم : اسم الله اسم لا لا بابا ليش تبجين يعمري انتي موجوعه يمامه حبيبتي
يمامه :هواي هواي شهم بطني عبالك سجينه سجينه بيهااا
شهم :هسه والله هسه اصيح الدكتوره والله بس ابد انتي لا تتحركين بابا
شهم :رحت بساع لدكتوره نده لي اشرفت حالتها كالو عدها عمليه ضليت حاير شسوي لها رجعت وهسه ع بجيتها من الوجع حقها عمي بطنهاا شكلها انتضوت لمن طلعت من العمليات وكبل اجتي هيه حجيت لها كل شي دخلت يمها وهيه وطلبت نطلع حته تفحصها بساع طلعت بره امي ضلت واوس ماعرف وين مولي ضليت انتضرها تطلع ما سمع له صرخت يمامه بصوت عالي دخلت كبل وسعت عيوني بصدمه .......
يمامه :دخلت دكتوره حته تشيل الصونده لن وجعها فدنوب ياخذ الروح لوجع فدنوب من وراها هواي هواي تاذي رادت تفحصني واني كمت ويا ما كمت وكعت من طولي لو احس روحي طارت لسمه من الوجع لي صار باسفل بطني لو من وجع بطني من مكان العمليه شهكت وصرخت بوجع ماحس له انفتح لباب وطب شهم واني هيج مثل السمجه وطلعوها من المي وجع يكطع بيه وكف مصدوم من لي يشوفه مشه بساع عليه رفعني من الكاع واني كل شهكه مني تكطع نفسي كبل صار دوران براسي وكبل عيوني غوشت بسواد ماشفت شي بعد .
شهم :سمعت صرخت يمامه دخلت كبل انصدمت واني اشوفها بلكاع كوه تسحب النفس من الوجع هيج تتلوع من الوجع وكل شهكه منها تكطع نفسها من كد ما قويه مشيت كبل شلتها من الكاع اباوع الدم لي بلكاع اول ماخليتها ع سديه شهكت حيل وسكتت كبل اغمه عليه دقايق موت بالنسبه لي كبل الدكتوره نده كامت تفحص بيها كبالي روحي نمردت عليه رفعت الدكتوره فالينتها لي لابستها والدم ينزل من بطنها بطريقه جنونيه وخياط كله بطنها من صحت بلدكتوره بساع شنوو شنووو هاي سوييي شي دكتوره الدم مايوكف
الدكتوره :اطلع بره لي ممرضه لو دكتوره سناء بساع
شهم :طلعت كبل ادور ع دكتوره سناء لمنضر مستحيل انسه بعمري كله وبعد عناءلحمدلله لكيتها الدكتوره راحت يم دكتوره نده كعدت مهدود حيلي والله هدومي بيهن دم منها دخل اوس لن وده امي للبيت تسوي اكل لها شافني اجاني يركض
اوس :شبيك شنو هل دم لي بدشداشتك
شهم : وكعت يمامه
اوس :شنوشنو شوكعهااا ولك مو لبارحه سوت عمليه
شهم :مادري دخلت الدكتوره تفحصها سمعت صوت يمامه دخلت لكيتها واكعه بلكاع ولدم ماخذها
اوس :اهسه َنو منو يمهااجوه
شهم :دكتورات
اوس :نشالله مابيها شي ياخويه ادز لك هدوم لو شلون
شهم :يي خابر محمد يجيب لي من لبيت
اوس:يي هسه
شهم:مادري شكد مر وكت وطلعن الدكتورات من يمها كالت دكتوره نده
دكتوره نده :لا تخاف عيني زينه بس لن وكعت عمليتها نزفت
شهم :دكتوره زين هسه شلونها
الدكتوره :زينه والله نايمه
اوس :شلون وكعت دكتوره
الدكتوره :ردت اشيل الصونده وهيه خافت من كامت وكعت
اوس :صونده مال شنو
الدكتوره :صونده مال درار لازم بره العمليه صونده نخلي لها
شهم :دكتوره هاي الصونده لي تحجين عليه توجعها
الدكتوره :يي اعتيادي اكيد توجعها
شهم :دكتوره هسه ذبيتَو الصونده منو
الدكتوره :يي هسه ذبيناها وفحصتها لحمدلله كدرت اقص الكيس لي ع رحم من غير ماااذي الرحم وهاذ هم شي
شهم :يالله يعني دكتوره رحمها مابي شي هسه وطبيعي تكدر تمارس حياتها
الدكتوره :بعون الله يي كلشي تمام بس ديرو بالكم هواي عليه لا تخلوها وحدها تمشي واعتنو باكلها
شهم : تنفست براحه من عرفت مابيها شي رحمها ماشالو حمدت ربي غمضت براحه والله هم ونزل من كلبي نطتني وهواي تعليمات لها لازم مداره والله ماعندي شي تدلل عليه بس خلي ترجع توكف ع رجليها رحت يمها بلغرفه تون من الوجع لي بيها والله ونه تون من الوجع دنكت ابوس براسها ماتستاهل لي جاي يصير بيها بس لحمدلله بهاي ولا بغيرها فتحت عيونها بتعب ملامحه واضح التعب بيها السواد لي جوه عيونها وريداتها واضحات بشكل ابتسمت يوجع لي واضح ا الألم لي تمر بي ما حمله شلت يديها الصغار ابوس بيهن وهيه تبارع عليه والله لو أكدر الاضمهاا بروحي والله بس شسوي هل طفله ماعدها حض بكل شي ابد يا سبحان الله من وحده لوحده كالت بصوت هادء وناصي واضح لتعب بي
يمامه :اشهمي
شهم :روحه ونصر عيونه انتي كولي بابا كولي
يمامه :شوكت نرجع للبيت ماحب المستشفى ابد
شهم :اشوف الدكتوره ونطلع للبيت
يمامه :نشالله
شهم :عندج وجع بابا
يمامه :يي جان وجع من الصونده بس هسه لا زين
شهم :يي يروحي شالوها بس كليلي ليش صرختي وشلون كمتي
يمامه : استحي وهواي توجعني
شهم:اسم الله عليج من الوجع والله يروح روح اشهم انتي
اوس :هسه كافي عيني كله غزل غزل ما تبطلوون
شهم:وسم شعليك
اوس : ها شهم أفندي شعليه مو
شهم :يي والله شعليك
اوس :هاك روح بدل عبالك واحد جايته الدوره
شهم :الله يطيح حضك يي والله
اوس :ديله امشي بدل وانتي عمو لحمدلله ع سلامتج ماتشوفين شر عيوني
يمامه:شكرآ عمو
اوس :فدوه شكد هادئه أنني
يمامه : ابتسمت له بس دخل شهم بغير دشداشه كال اوس
اوس :يي هسه احسن تعال تعال هاك هاك هاي شوربه وكلها
شهم :يي هم كولي مااشتهي حته احط هل حافضه براسج
يمامه :لا جوعانه
شهم :صدك بابا بس الشوربه شتسوي لج
اوس :خلي اجيب لك مندي وكلها
شهم :يصير يعني
اوس :يي حته كبل للشريف
(فراشاتي الشريف مقبره بعقوبه للتوضيح)
شهم :وسم عار بيش طالبها من عمري ع عمرها .
اوس :هاي شنو اشم ريحه مال حب
شهم :هههه ثول كول ريحت حب نوب عليه وين اكو هيج
اوس :بعدين بعدين اكشفك نشالله هسه يله وكلهااا
شهم :يي باباتي اعدل نومتج شويه حته أكدر اوكلج اخاف لعمليه تكوم توجعج كولي
يمامه :حركتي شويه ورفع المخاد لي وره ضهري حسيت بوجع كبل كالت اوي اوي لا هيج كافي حباب والله صارت توجعني
اوس : من بدايتها اوي اوي اني اترخص هههههههههه
شهم :وجع شكوو غير توجعها العمليه شتكول لعد استاذ اوس أفندي
اوس :دوكلها دوكلها
شهم : فتحت الحافه امي مسويه لها شوربه مال شوفان وخاشوكه دازه وحته بطاله مال مي هم شلت بلخاشوكه شوربه نفخت عليه لن حاره واكلتها هزت راسها ع كيف وكالت
يمامه :يمي طيبه هواي
شهم :الف عافيه يروحي
اوس :بين مااانتو تتسامرون اني اروح اجيب لفات لنه جوعان
شهم :جيب وياك لها شي
شكرا لزيارتكم عالم روايات سكيرهوم
