رواية قضية شرف الفصل الرابع عشر 14 بقلم زينب نور

 

 

 

 

رواية قضية شرف الفصل الرابع عشر بقلم زينب نور

بعد ما راحوو روحي راحت وياهم.... وكلبي راح وره سيارتهم
عشت احلئ ثلاثة ايام بوجودهم
كانوو عائلتي الثانيه..... احس براحه من اشوف بتواجدهم وياي 
يووميه نطلع العصر للمزرعه اشووفه كدامي.... شحلات ذيج ايامي الراحت.. شحلات نضرته اليه وشووفته وطوله
رجعت لغرفتي مسووده الدنيا بوجهي ..... شسووي بعد راحت فرحتي وراح املي راحووو عائلتي الثانيه بعد يمكن صعب نتواجه
سجاد مرتبط واكيد يحبها للحبيبته مبين من نضرته اليه من جبت طاريها 
كانت عينه تلمع ... بعيني من جبت طاريها
اخ ياحبي اله
منوو يساعدني بعدد منوو محد اليه اصارحه بحبي لسجاد
طلعت من غرفتي.... 
رحت امشي خطوواتي بالكووه تمشي مااعرف وين تاخذني اريد امشي لطريق ماعرف وينه.... مابيه نهايه
اريد اروح لغير هذا العالمم... ماليه بيه احد
رحت للحديقه موبايلي بيدي .. دكيت علئ حسن
حسن./// الووو
اني// اني بالحديقه اطلعلي
حسن// شكو شبيج ولج
اني// مختنكه واريدك
حسن// جاي

                              

اجه حسن يركض هو بس لابس شورت شكووو ولج احجي منوو وياج كاعده من الصبح شعندج
اني// اصلا مانمت
حسن// شبيج ريحوونه احجي
اني// حسن مختنكه
حسن// اعرف شبيج يخيتي
اني// شبيه مافهمت
حسن// اني مو غبي فهمت عيوونج
بس ماعرف شكولج ..... تعرفين صعبه علئ الاخوو يشوف اخته تحب وكدام عينه بس انتي انضلمتي هواي واحنه مقصرين وياج.. بس هالمره ماخليهم يزوجوج والله اكتله بيدي لحسام وادخل مؤبد للسجن ولا اقبل بس اني ردت بيت ابو جاسم يرحون وبعدين اصرف
لاتضوحين كرفسه
اني// ضحكه خفيفه ( شكد احب هالكلمه
حسن// ليش 
اني// كان بسوم يسميني هجي الله يرحمه
حسن// دخلي هسه والله كريم... وعندي الج بشاره 
اني// شنوو الله عليك
حسن// خل اتاكد من علي واكولج روحي نامي هسه 
هسه ب5 الفجر 

                              

ريحانه..**** رحت دخلت لغرفتي والف فكره تجي ابالي شوو المفاجاه????? وصحيح سمعت ابوجاسم يتشكر من علي علمود ساعده بس بشنوووو 
ضليت افكرر بحسام مره علي مره سجاد مره حسن
اووف منين اجيبه منين اوديها???? اخر شئ غفيت علئ خيال سجاد وجماله وطوله......علئ نظرته وعيوونه 
لزمت خدي وتذكرت قبلته....... هنا الله ماانسه هالحضه بحياتي.....
غفيت واني لازمه خدي واضحك وحدي علئ طيفه وضحكته اه احبه...... شكد اموت علئ طيفه وضحكته
كعدت الصبح لكيته ب10 نزلت ركض ركض
اني// يمه وين حسن
امي// صباح النور
اني// هههه سوري... وين حسن
امي// راح يباشر بعد بالجامعه... وراح يقدم اسمج وياه
اني// صدك يمه
امي// اي يمه صدكي
اني// معقووله يمه واخيراا راح اداوم كليه 
امي// يله تعالي جهزي وياي الغده
اني//تدللين احله ام بالدنيا
بس حرامات هيه هاي طلعت البشاره امداااااني
حضرت الغده وي امي وصارت ب1 ننتظر يجوون.... 
مالي واهس بعد عرفت شنوو البشاره هيه دوامي بالكليه وتقديمي.... 
اجوو اخوتي... تجمعنه عالغده 
علي// حسن بعد اجه دوامك ولازم نلكه احد مكانك يلزم المزارع ويشرف عليها
حسن// اي سمعتك البارحه.. وخووش اقتراح
ريحانه.. حسن باوعلي وغمزلي 😉

                                          

              
                    

شبيك???????
حسن// اسمعي
علي// اي ريحانه تدرين بالموضوع
اني// لاا شنوووو 😳
علي// حسون راح يداوم بعد
اني// اي
علي// ونريد شخص يلزم المزارع
اني// 😳 اي وشنووو
علي// طلبنه من ابوو جاسم يجي هوو وابوو سعاد يلزمون المزرعه. ويدورونه هما .. والهم راتب طبعااااا
اني// صدك 😱😱
علي/// اي شبيج
  ريحانه*** كلبي طار من مكانه بهذا الخبرر بس ماسمعت جابوو طاري سجاد
اني// علي وشلون يجون هنا
علي// قررنه نطيهم البيت الفارغ وهم يقسمونه بينهم بكيفهم بعد يردون يأجرون بعيد بكيفهم بعد
اني// صدك تحجي علي الله عليك
امي// ثكلي ولج
اني// شبيج يمه ذوله اهلي ترئ
حسن// بعد شتردين عيني اهلج اجوو يمج
اني// طيب وسجاد مايجي لو شنو
علي// سجاد جا مو منوو العائله شنوو اكيد وياهم
وراح اخليه علئ الحسابات ...... 
معقووووله.😳😳😳 
مامصدكه الي يصيرر يعني حلمي تحقق بس شنو فايده راح يجي هنا وكلبي ينجرح بزياده وراح اشوفه حته من يتزووج حبيبته ويجيبه يمي

مر اسبوع واني انتظر لحضه لحضه شوكت يجوون .. حسب ماسمعت راح يرتبوون امورهم هناك ويجوون وينتقلون لهنا مر اسبوعين وكلشي ماكوو
وقرب موعد محكمه حسام الولد الي اغتصبني وطلبووو اجي ضروري..... 
طبعا جهزت نفسي ورحت للمحكمه وياي علي وحسن 
طلبوني للقاضي ودخلت عليهم ويم القاضي والشهود
لكيته وانكسر كلبي تذكرت هووو سبب مأساتي وحزني
طلب مني لقاضي احجي ..
.
تشجعت وحجيت كلشي بكلبي واني ااشر عليه وابجي 

حضرة القاضي هذا الولد الي كدامك دمر حياتي وكسر شبابي ... بسببه كنت راح اموت واندفن جووه التراب بس لوو ما ربي جان هسه اني ميته... راح اكلك بابا واعتبرني بنتك اني بابا مات بسببه بسبب اغتصابه اليه.... اني تزوجت واحد مجنون حته يغطون علئ عاري .. تقبل بنتك هجي يصير بيها شراح تسووي. بيه اني شنو تشوفني كدامك هذا اريدك تعذبه مثل ماعذبني ارجووك ساعدني 
هوو طلب مني الزواج مقابل اتنازل عنه ... وخايفه اهلي يجبروني عليه... ارجوك سيدي عذبه واعتبرني بنتك هذا الولد اغتصبني ومارحم بيه وذباني بنص الشارع وخله ناس تتفرج عليه
راك اطلع بس سلمت قضيتي بيد الله وبيدك وانت بعد وامانتك وامانه الله والرسووول كنت احجي والدمووع تصب كنت اتذكر كل حاله سيئه عشتها وياه.....😞😞
القاضي*** دنك راسه وتاثر بكلامي كلش ورفع الجلسه واجل الحكم بعد اسبووع
رجعت البيتينه كنت فررحانه كلش لان حجيت كلشي للقاضي واباوووع من السياره لكيت هوووسه وسيارات حمل يم بيتنه شنووو شكووو
علي// اي الحمدلله وصلووو
حسن // اي 
اني// منووو
علي// ابووجاسم وعائلته

نزلنه من السياره رحت ركض لجووه لكيت البنات كلهم سلمت عليهم والنسووان وين الزلم
سعاد// يحملوون الاغراض بالبيت
ولج ماتجين تسلمين ...منوووو????
هههههه ام شهاب هله رحت الها بوستها... ودخلت يم جدتي بعد طنجره ولكت غطاها هنه....
رحت للبيت ابد ماشايفته جبير وبيه غررف هوواي يتلائم الهم طبعاا هوو كان قبل منزل للعمال الي يشتغلوون بالمزارع. كل اثنين بغرفه.......
بس هسه رتبه حسن الهم وصاو بيت كامل ومتلائم وي عائلتهم كلش

لحضه وين سجاد??? 
ضليت اباااوع ماكووو صاو الضهر وصبوو الغده وماكوووو سجاد يمكن مااا جاي بس منوو الي اسأله
سعاد// ها وعينها علئ الباب ???
اني// باوعيلي ولج... وين سجاد
سعاد// مدري

اشووو عبر علي من يمنه واثنينهم يوزعوون ابتسامات تعالي ولج شكوووو
سعاد// ماكوو شئ شبيج
اني// علينا موووو هههه
سعاد// مثلج انتي وسجاد
اني// شنو اني وسجاد
سعاد// معجبين ببعض بس احنه مطوورين
اني// هههه. شلوون مطورين
سعاد// اتصال وحب بينه
اني/// عززززه ومحد يكلي ههههه اني الكم
سعاد// سجاد نزل يشووف جماعته ويجي
اي الحمدلله 😁😁😁😁

اوووف سعاد وعلي ارتبطوو واني بعدني يربي 
صار الي سنه بس نظرات والنوب طلع مرتبط ههههه امده حظ
صار الليل شوكت يجي سجاد واشووفه 
تعشينه وكملنه وهوو هم ماكوو ياربي
صارت ب12 هم ماكوووو كعدت بالحديقه انتظر ورحت يم بيت ابووجاسم ردت اساعدهم بالاغراض ماقبلوووو
ضلووو يرتبوون بالبيت والجهال فررحانه بالبيت والحديقه طلعت منهم رحت كعد بالحديقه انتظر سجاد

منوو هنام وره الحديقه ههههه سعاد وعلي خاتلين هناك ويتابدلوون الحب والغزل
اووووف هسه اني هذا حظي كعدت مقابيلهم
رحت غيرت مكاني شفت سجاد اجه من بعيددد
رحت يمه اتقررب اي هووو سجاد يااربي واخيراا شفتك
ضل يمشي سجاد اشوو جاي يخابرر ويضحك .. 
هاي شنوو يمشي علئ البطيئ ويخابرر ويضحك ومرتاح
لوو صدك يحبني جان اجه ركض اليه ولا طلع ولا هجي ردت فعله اووووف هذا تعبي راح ببلاش وحبي الها هجي طلع 
شفت شلوون يمشي ولا همه بيه
رجعت رحت ركض لغرفتي ماردت اسمعه من يخابرر. اكيد يخابر حبيبته ..... واكيد اذا اتقرب منه يكوولي كلميها اوو سلمي عليها....😞😞😞
رجعت لغرفتي صدك يأست من كلشي بعدد
شفته بعيني بعد..... مايفيد حب وتعب لوو هجب تسووي ياريت ماجاي يمي وباقي بعيد احسن اليه والك

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1